المناصير بلدي
الزائر الكريم مرحبا بك في منتدى المناصير بلدي
ان لم تكن مسجلا فيرجى الضغط على زر التسجيل وملء بياناتك لقبول عضويتك

عيد النعوفاب والصغيراب والحنانين والضقولة وناس ساقة القصوراب وصلاة السلمات أو صلاة ضكر خور سحارة يا سلمان عقيد

استعرض الموضوع السابق استعرض الموضوع التالي اذهب الى الأسفل

عيد النعوفاب والصغيراب والحنانين والضقولة وناس ساقة القصوراب وصلاة السلمات أو صلاة ضكر خور سحارة يا سلمان عقيد

مُساهمة من طرف صديق عبدالله علي أبوحنة في الأربعاء 08 سبتمبر 2010, 11:04 pm

الجلاليب الجديدة صوتا يكشكش من جدتا والفرحة العامرة والمباركات وحكاية وينك يانور الهادي ود زهرة الله يرحما في هذا الشهر.ز ويرحم جميع موتانا وموتى المناصير والمسلمين

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31670
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: عيد النعوفاب والصغيراب والحنانين والضقولة وناس ساقة القصوراب وصلاة السلمات أو صلاة ضكر خور سحارة يا سلمان عقيد

مُساهمة من طرف سلمان عقيد النعوفابى في الجمعة 10 سبتمبر 2010, 3:07 am

مالك يالصدوق داير تحرك المشاعر والذكريات –(جاهو العيد كمان زاد القليب حسرة)
يوم العيد الصباح والحركة من الفجر والسريعة والمرور بحلال –الصغيراب – الحنانين – الضقولة—السلمات –(سابقا) و كماذكرت –اصبح التجمع جنب الضكر او سنطات ادريس ود ابوجقة—(وذكرت سابقا) ان عمنا سليمان ود الطرشان رحمه الله—قال مداعبا بحركة الاكل جنب البحر قالSad الشىء حبينا)—واتذكر عندما خطبت فى الناس بان لابد للرجوع للمرور بالحلال حتى السلمات لانهاعادة الجدود وكانت لهم فلسفتهم وهدفهم فى ذلك—ووجدت حينها التأييد –واتذكر ان محمد الحسن ابو قرن قال :صديق يعرف النضم--
الاخ صديق راجع باذن الله لشكل العيد ودعنى اهدى الجميع هذه القصيدة للشاعر محمد الحسن قمر الدين وهى مكتوبة فى منتدى شعراء المنطقة –وهى تجسد وتوصف وصف بليغ جدا شكل العيد والمعايدة فى البلد--:
لو بقيت بالجد زول سعيد
فى البلد يوم تحضر العيد
وتبقى جيت من مدن الصعيد
فى الملابس شايل الجديد
والقروش فوق المليون تزيد
والأهل مبسوطين شديد
كل زول يطلب ما يريد
فى قرايبك حتى البعيد

وتبقى راجى العيد منتظر
وماتحاول تبعد شبر
تتمم الناقص تنجبر
وما بهمك لو كان كتر
ولى حلاوة العيد تحضّر
وحتى للشربات والعطر

ويوم يكون للعيد باقى يوم
ويسهر الترزى مع الهدوم
والفرح مالى الناس عموم
ومن عيونن طيّر النوم
فى الدغش بدرى الحرّوم تقوم
اللقيمات تلقاها كوم
والفطير فى صحنو مردوم
واللبن فوقو سمن يعوم
والشعيرية محضّرة
والشاى كبابيهو متمرة
والفوط سمحة مشجرة
والأكل داك شيتا برا

والخلق قامت بدرت
أتسمحت واتعطرت
وبى ملابس العيد غيرت
والمراتب افترشت
والملايات فوقا ظهرت
والصوانى خلاص أتملت
والخلق جملة استعدت
يتلموا عاد الناس للأكل
داك قاعد وداك ينزل
وداك ياكل وداك يغسّل
فلان وصل وفلان ما وصل
دا الصحن مليان وداك كمل
كل زول يشبع يندبل
ويركب الشارع يقبّل
بى صينيتو سماحى يقدل

والاكل بعدو الزيارات
نمشى للجيران بانبساط
ونرفع الليد لى سلامات
والقابلى عاد ان شاء الله عرفات
المباركة والتحيات
وأحلى بسمات وأحلى موضات \
والترابيز فوقا حاجات
ولى فتايل الريحى جاهزات
وهاك حلاوة وجاى شربات
والفطير حتى اللقيمات
والخبيز تلقاهو مرات
وفى الزقاقات والممرات
داكا جاى وداك قريب فات

ومن بعد دا الحال يصلّوا
والمديح لابد يقولوا
ويرفعوا الفاتحى ويشيلوا
وبى دريبن عاد ينزلوا
يمشوا للماوصلوا يصلوا
وكل زول يرجع محلوا
الاكل راقد يخلوا
ومن قبل من الناس يملوا
يظهروا الخلان يطلوا
وزى بشاير الخير يهلوا
وبى كلامن زين يسلوا
والحديث بالحيل يعدلوا
يطروا للرحلات يدلوا
والمهرجان معروف دا اصلو

تلاته يوم والعيد فات رحل
وكل زول يرجع للعمل
البعيد لى سفرو عدّل
والقريب لى شغلو عجّل
واى زول فى دربو قبّل




[ندعوك للتسجيل في المنتدى أو التعريف بنفسك لمعاينة هذا الرابط]

وطنى وهبتك مهجتى درعا
لنعلك من نجاسات الخيانة

سلمان عقيد النعوفابى
اداري
اداري

الأوسمة مشرف المنتدى الاجتماعي


احترام قوانين المنتدى : 100

عدد المساهمات : 2615
نقاط : 19619
تاريخ التسجيل : 01/04/2010

الرجوع الى أعلى الصفحة اذهب الى الأسفل

رد: عيد النعوفاب والصغيراب والحنانين والضقولة وناس ساقة القصوراب وصلاة السلمات أو صلاة ضكر خور سحارة يا سلمان عقيد

مُساهمة من طرف سلمان عقيد النعوفابى في الجمعة 10 سبتمبر 2010, 5:25 am

الاخ الصدوق يمكن التجمع للصلاة فى السلمات عشان العمودية وكذلك لقلة الكثافة السكانية فى المناطق الاخرى انذاك --
كما كانت تأتى الناس من العمارين والشرق--كذلك حلال الزيداب الحسيباب --الصفيحة للصلاة فى السلمات فى تجمع كبير----ارجع للصلاة فى خور سحارة -وتشييد الخلوة المقابلة لضكر الخور والتى اصبحت تقام فيها الصلاة حيث تذكرت اشخاص كان لهم الدور الكبير فى تشييدها على رأسهم --عمر عبد الله ابوحنة---على محمد الخليفة --حسن الفكى على (رحمهم الله جميعا) --




[ندعوك للتسجيل في المنتدى أو التعريف بنفسك لمعاينة هذا الرابط]

وطنى وهبتك مهجتى درعا
لنعلك من نجاسات الخيانة

سلمان عقيد النعوفابى
اداري
اداري

الأوسمة مشرف المنتدى الاجتماعي


احترام قوانين المنتدى : 100

عدد المساهمات : 2615
نقاط : 19619
تاريخ التسجيل : 01/04/2010

الرجوع الى أعلى الصفحة اذهب الى الأسفل

رد: عيد النعوفاب والصغيراب والحنانين والضقولة وناس ساقة القصوراب وصلاة السلمات أو صلاة ضكر خور سحارة يا سلمان عقيد

مُساهمة من طرف نورالهادى في الجمعة 10 سبتمبر 2010, 5:27 am

الاخوان صديق وسلمان كل عام وانتم وعيالكم بخير وان شاء الله ترجوهوا تاميين ولاميين يا رب العالمين آميين .
جيت لا ام تقول ارجوهو داير
ولا سميحات سون الطرحات ضفائر
ولى ياعيد اريتك ضمة ما جيت
ما اجمل تكاتف اهلنا فى الحنانيين والصغيراب والنعوفاب عندما قرروا ان يأدوا صلاة العيد بالقرب من الصغيراب ، فتبرع المرحوم على الخليفة والمرحوم عمر عبدالله بلوارييهم بنقل الخشخاشة وتبرعوا بشراء بروش للمصلى اللهم اجعلها لهم فى ميزان حسناتهم يارب العالمين .
ففى العيد يتضاعف الاحساس بفقدان الاعزاء والشعور بهذا الفقد يذهب بالنفس حسرات تكاد ترتديها وان ترافق الفقد مع ايام العيد ترى كل الوجوه حزينه ولكن يتظاهرون بفرحة العيد ، فتخيل يا اخى صديق انكم بداتم بالتكبير والسير ناحية الصغيراب فتنظر يمينك فلا ترى اخيك عمر وتنظر شمالك فلا ترى الوالد فان العين تدمع وان القلب يحزن ولا نقول الا ما يرضى الله وانا لفراقهم لمحزونون وانا لله وانا اليه راجعون .
عزرا صديق وسلمان لم اتعمد ان اسير الاحزان بداخلكم ولكن هذا انا تجدنى فى العيد حزين ويتضاعف عندى عدم حضور الاعزاء الذين رحلوا ويتضاعف الاحساس بالفقد ولكن الفى القلب فى القلب وان الفقد عظيم ولكن رحمة الله وسعت كل شى فالدمع رحمة والدعاء رحمة ولا حول ولا قوة الا بالله .

نورالهادى
V.i.P
V.i.P

احترام قوانين المنتدى : 100

عدد المساهمات : 4904
نقاط : 26483
تاريخ التسجيل : 11/05/2010

الرجوع الى أعلى الصفحة اذهب الى الأسفل

رد: عيد النعوفاب والصغيراب والحنانين والضقولة وناس ساقة القصوراب وصلاة السلمات أو صلاة ضكر خور سحارة يا سلمان عقيد

مُساهمة من طرف سلمان عقيد النعوفابى في الجمعة 10 سبتمبر 2010, 4:06 pm

الاخ صديق--العيد مبارك عليك--وان شاء الله من العايدين--
ان شاء الله السنة الجاية العيد فى الحنانين الجديدة من الدرب ولافوق --




[ندعوك للتسجيل في المنتدى أو التعريف بنفسك لمعاينة هذا الرابط]

وطنى وهبتك مهجتى درعا
لنعلك من نجاسات الخيانة

سلمان عقيد النعوفابى
اداري
اداري

الأوسمة مشرف المنتدى الاجتماعي


احترام قوانين المنتدى : 100

عدد المساهمات : 2615
نقاط : 19619
تاريخ التسجيل : 01/04/2010

الرجوع الى أعلى الصفحة اذهب الى الأسفل

رد: عيد النعوفاب والصغيراب والحنانين والضقولة وناس ساقة القصوراب وصلاة السلمات أو صلاة ضكر خور سحارة يا سلمان عقيد

مُساهمة من طرف صديق عبدالله علي أبوحنة في الجمعة 10 سبتمبر 2010, 4:13 pm

آمين يا سلمان.. عندي شريط صلاة العيد فوق في الحيطة البنوها ناس علي شوال بعد الإنتقال من الضكر.. العيد الكبير قبل الإغراق بتسعة شهور كدة. في خمسة أشخاص في الشريط إنتقلوا للدار الآخرة..في الشريط..
طه يخطب.. المعايدة.. حاولت أنزلوا بس كتير يحتاج لبرنامج تقطيع يو تيوب جيد. قطعاً سوف انزله يوما ما.. التصفح في السودان بطئ غالبا الناس يهربوا من بوستات الفيديو عشان فتح الشبكة في السودان يأخذ زمن ومن باب أولى فتح مقطع الفيديو ياخذ زمن أطول

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31670
تاريخ التسجيل : 14/07/2010

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى