الباشمهندس ود جيب الله يتعرض للدغة عقرب .

كتب الباشمهندس ود جيب الله فى الوات ساب :
قال شوف الحكاية أول البارح فريخ عقرب عايز يتعلم المفعوص ........ دخل فى الجزمة صفحت الكراع الهشى ........ وشن شن وصاحبك طلق الزغاريد ..وتح وقف جلد....الجماعة نكتوا الجزمة قالوا دى نويويرة ..كان امها تسوى ايه ...والنويويرة تكربش تصل الركبى وترجع .
سلامتك يا هندسة وكنا قايلنك منصورى موقد نار لا تشعر حتى بلدغة العقرب فدعك من فريخها .

هههههههههههههههه الف سلامة للباشمهندس

والله يا تماضر كنت قايلك حنكوشة ولكن يبدو أنك فهمتى ما كتبه خالك ود جيب الله , فالرجل يبدع فى الكتابة بالدارجى .فالتحية لك وللوالد أحمد السيد , وشكرا للمرور الرائع .

ههههههه دقيقه ارجع الضحك دقيقه واعلق..

،{ الف ثلامه ياعمو مع اني مافهمت حاجه بس حثيت انو الموضوع فيهو اذي ماتشوف شر }

هسه كان كتبت كدي مابتجي تديني كف؟؟؟والله انا براي اكفت نفسي؟؟؟قال ثلامتك قال؟؟؟

بري قدر وماحولت اتأقلم مع حنكشت جيلنا القي الموضوع ماجاي معاي وارجع تاني للعجوز الجواي؟؟؟ انصحوني انصحوني ياناس ؟؟؟

"فعلا قلم الباشمهندش عندو طعم اخر تقرأ وكانك تسمع في كلام حبوباتك..ربنايمتعو بالصحه..شكرا انيق صاحب البوست