المناصير بلدي
الزائر الكريم مرحبا بك في منتدى المناصير بلدي
ان لم تكن مسجلا فيرجى الضغط على زر التسجيل وملء بياناتك لقبول عضويتك

والله أتاريهو شعراءنا وفنانيينا في المناصير ماتوا بالهملي ساكت

استعرض الموضوع السابق استعرض الموضوع التالي اذهب الى الأسفل

والله أتاريهو شعراءنا وفنانيينا في المناصير ماتوا بالهملي ساكت

مُساهمة من طرف صديق عبدالله علي أبوحنة في الثلاثاء 08 أبريل 2014, 4:50 pm

والله أتاريهو شعراءنا وفنانيينا في المناصير ماتوا بالهملي ساكت
 وإلا لو كان لقوا الظروف المناخية دي المتوفرة في  القنوات التلفزيونية السودانية الكتيرة دي! كان جابوا شعر يتحدث بيهو السودان كلو
 قناة السودان الرئيسية
 قناة النيل الأزرق
 قناة أم درمان
 قناة هارموني
 قناة قوووون
 قناة كسلا
 قناة البحر الأحمر
.....
 يجيبوا ليك بنية صغيري كدي مذيعة خالفي رجل فوق رجل.. وتقول ليك يا شاعرنا الفذ.ز قصيدتك ديك عملتها في منو؟
 وقصيدتك ديك كان نجمة الموسم
 ويا ملك الطنبور كدي قول لينا الأغنية ديك عليك الله
............
  ضاعوا فنانيينا وشعرانا ماتوا بالهملي
 والمثل المنصوري يقول ( الهملي قدت عين البخت )
.............
 لكن أقول ليك حاجي يا زول
 الحمد لله البقت على كدي في شعرانا وفنانيينا.. كان  جابت ليها ذنوب عليهم ساكت .. مثل هذه القنوات الحديثة
 أحسن ليهم كدي
 وهم ذهبوا الى بارئهم ومنهم من ينتظر
...........
 ناس السيد ود الحسين
 ناس ود نعوم
 ناس سليمان ود نصر الدين
 ناس علي ود كباشي
 ناس حمد ود ضقولي
 ناس علي الشاعر
.......
 يا زول أحسن ليهم كدي من عيطة الزمن دا؟
 والقنوات الطالقي دربا دي بتاعة الزمن دا
........
 وإن كان معظم شعرانا شعرهم رجالة وضكرنة وفراسة وشوية في بنات الشيخ..
............
 يجيبوك في التلفزيون ويختوا ليك بنية مذيعة فاااهمة كدا  تحرض شيطان الشعر وتخرجه من كوامنه
...............
 وتسألك بلا حرج في شعر الغزل
 والغزل دا قيل في شنو؟
 ما قيل في وحدة زيك برضو يا مذيعة السجم
 قد تكوني أنت هسي دي أسمح منها التى قيل فيها هذا الشعر.. مع وسائل المكيجة الحديثة

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31690
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: والله أتاريهو شعراءنا وفنانيينا في المناصير ماتوا بالهملي ساكت

مُساهمة من طرف صديق عبدالله علي أبوحنة في الثلاثاء 08 أبريل 2014, 5:21 pm

ناس إسحاق الحلنقي مع احترامي لمعظم شعره. كمّل عمرو كلو في السعودية وجاء راجع السودان.. زول عمرو ما أقل من سبعين سنة.ز جاء زي العطشان على القنوات الفضائية دي... ومعارفو وأصدقاءه فتحوا ليهو المجال في هذه القنوات.. أخدنالنا زمن كدي ما تفح قناة من ديل إلا تلقى فيها اسحاق الحلنقي ومعاه مقدمة برنامج بت صغيييرة كدا فاااهمة في عمر بنات بناتو
 ويا الله هاك يا تولد للشعر أمام هذه البهرجة المتبهرجة
 مرة معاه التاج مكي
 والتاج مكي ذاتو خلاص راح ما أقل من سبعين سنة ولسه موجود في الإمارات وصوتو ذاتو راح وتأثر كتير
 أها بعد غنى..
لو  مغالتنا وما مصدقنا أسأل العنبة الرامية فوق بيتنا
........
 قام اسحاق الحلنقي بنظرة غزل كدا قام وجه السؤال لهذه المقدمة للبرنامج الصغيرونية
 قال ليها
 أها ما عرفناهو سأل العنبة الرامية فوق بيتهم والله لا!
 ضحكت ردت عليهو قالت ليهو..( بري أسأل نفسك أنت.. ما أنت شاعرا؟)
......
  واسحاق الحلنقي لما جاء من الغربة عندو قصايد ذاتا ما في مستوى شعرو الأولاني الرصين داك؟
 يا حلاة كسلا الوريفة الشاربة من الطيبة ديمة
 هذا الشعر الرصين
 لا
 ولادة الكبر
 زي ما بيقولوا المناصير
 ألقى قصيدة على مسامعنا
 زي الشعر الحلمنتيشي الجديد ده!
.......
 ما عارف لو شنو كدا!
 ما مشكلة
 بس أنت المشكلة.
........
 ولو حصل لى شنو كدا
ما مشكلة
 بس أنت المشكلة؟
 وهكذا
.........
 والبنية مقدمة البرنامج قاااعدة
 والكلام دا موش مفروض يخدشها
 لأنو هي ذاتا بت
 والكلام مفصل  على بت؟
.......
 يا أخوانا نحن المغتربين هاجرنا من زمان زمن الشعب بي صافتو السمحة وظللنا نحملها وهي كدا من زمان..
 هل نحن المغتربين حساسين زيادة؟
 والله الموضوع دا عادي
 بأمانة أنا شايف الناس في السودان وخاصة عدد من  البنات بقوا ما بيستحوا.. ما بيخجلوا
 عادي
 أي حاجة في أي حاجة

...
 يمكن دا في العاصمة عادي
 يمكن لأنو نحن جايين من إرث منصوري متشدد شوية
 ياخي نحن لغاية سنة 1970 ماغي فنان راجل كدا يقدر يعمل مكرفونات ويعمل حفلة وهيصة؟
 الطنبور دا ذاتو
 حرام عند ناسنا إلا يوم الباشي واللعب
 تدق ليك طنبور وحفر البوغة راجيك وحش العيش والنوريق؟
 دي تعتبر عندنا جريمة من الجرائم
 مش قلنا ليكم يا جماعة  جاء دور المناصير عشان يكونوا حكام السودان
 لأنو الأخلاق التى تشربناها في المناصير الأصل يستحيل تنمحي مهما حاولنا
 ولو حكمنا بها السودانيين أكيد راح يستفيدوا
 ما نزكي أنفسنا
 لكن حاجات كتيرة عند القبائل الأخرى يشوفوها عادي
 نحن نستحي منها ونخجل
 صحيح بعض منافذ التربية دي بدأت تضمحل
 لكن ليس كلها
 لازالت المناصير بي خيرها رغم الجراح
 نحن ما قاعدين نصر ساكت تعصب على قبليتنا؟ وإنها بغيضة
 نحن نصر على الإرث والقيم داخل القبيلة
 عشان كدا ودقمر كان ساهر على هذه القيم وما عايز الأغراب يدخلوا المنطقة عن طريق السكة حديد ، ما تتدلى فوق أراضي المناصير..
 والأنجليز الله يطراهم بالخير بالرغم من أن وضع الخط بالخلاء كان مكلف لهم.. إلا أنهم لازم يسمعون كلام راس القبيلة
 ناس ما مسليمن
لكن يحترموا عشائر المنطقة ويحترموا معتقدات الناس

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31690
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: والله أتاريهو شعراءنا وفنانيينا في المناصير ماتوا بالهملي ساكت

مُساهمة من طرف صديق عبدالله علي أبوحنة في الثلاثاء 08 أبريل 2014, 5:27 pm

القبيلة مرات تنفع.. بالذات للمعاني السامية الزي دي عند مناصيرنا
 لما بدأت تلوح هزيمة المسلمين
 ناداهم القائد الفذ رحمة الإنسانية نبينا محمد عليه أفضل الصلاة والسلام
 ناداهم بإسم قبائلهم ( أين الأوس! أين الخزرج )
 فدب فيهم الحماس من جديد وحصل النصر المؤزر وانتصر الصحابة عليهم الرضوان في غزوة أحد من جديد بعد أن لاحت الهزيمة في الأفق من ذي قبل..

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31690
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: والله أتاريهو شعراءنا وفنانيينا في المناصير ماتوا بالهملي ساكت

مُساهمة من طرف صديق عبدالله علي أبوحنة في الثلاثاء 08 أبريل 2014, 8:47 pm

أها ديل شعراء وفنانيين فتحوا ليهم القنوات الفضائية.. و مقدمات البرامج ديل يسألن.. تخرجن من ياتو كليات إعلام ما عارف؟
 حس إعلامي أبداً مافي
 مذيعات ومقدمات برامج الطير في الباقير
......
 أها وكت ديل فتحوا ليهم القنوات دي
 ناسنا نحن زمان فتحوا ليهم شنو؟
 عشان يوروا الجماهير المحبة للشعر؟
 والله ما فتحوا ليهم أي حاجة
 يفتشوا الفرص الضئيلة والمناسبات الضئيلة.. حتى يلقوا مساحة يلقوا شعرهم دا!
 ويقولوا غناهم دا!
 وين
 في السنة مرة
 زمن الغباش
 زمن الغباش يجي من الطين
 وتكتر البوش
 وفي الباشي تتقسم الناس بيوت
 بيوت الحاجي المرة ديك. الما قادرين نجيب إسما.. الناس تابت يا جماعة.. وهم ذاتهم كانت عادية عندهم .. ما عارفين حرمتا.. قالوا تنشط على الخدمي.. وحاج الماحي رائد فن شعر المديح ذاتو قال: ( عصاتنا البشربوا الدكّاي... مع الصديق سديس الراي ) يعني يسأل ليهم الله من رحمتو الواسعة
 أها قلنا كل ناس الباشي انقسموا صفين
 نص الحاجات المرة
 ونص الحاجات الحلوة
 الحاجات الحلوة ممكن نقدر نجيب اسما.. لأنو إسمها ما بيخدش الحياء العام زي رفيقتا المرة.. لكن قلنا الحاجات الحلوة  تدلت من عليائها الحلو لزميلتها المرة توطئة الأكناف للقبول..ما تخليها يشهر بها براها..
 وإن كان هما بنات حفرة واحدة ومنشأ واحد..  ومنبت واحد ورعيل واحد.. وإدام واحد..والحلوة كان طولت في عدد الأيام بي تبقى زي المرة
 مسكينات حريم الباشي
 لا عندهن مرة ولا عندهن حلوة
 وبرضو مسالفات ست الباشي
 يدفعن عانة يعني تحت تحت
 المحاننات ست الباشي
 يغمتن ليها تحت تحت
 والبعاد وما محاننات ست الباشي؟ يكتفن بي عانة رجالن
 أها في مثل هذا المناخ
 ممكن يتولد الاستماع لشعر الشعراء

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31690
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: والله أتاريهو شعراءنا وفنانيينا في المناصير ماتوا بالهملي ساكت

مُساهمة من طرف صديق عبدالله علي أبوحنة في الثلاثاء 08 أبريل 2014, 9:45 pm

طيب في مثل هذا المناخ قلنا ممكن يتولد الإستماع للشعر القالوه في بنات الشيخ وشعر الحماسة عموما... لكن وين؟
  لما قسموا ناس الباشي بيوت
 هل يتولد الشعر في بيوت أصحاب الحاجات الحلويي.. والله بيوت أصحاب الحاجات المرة؟
 بيوت أصحاب مشروب الحاجات الحلويي يستحيل يتولد  في بيوتهم هذه سماع شعر
  لكن بيوت أصحاب الحاجات الحلويي دائما ناس مرخرخين.. حتى لما يجيبوا ليهم خرفانهم عشان يوضبوها.ز ما يلقوا شباب يخدمهم ويشوي ليهم السلات.. فيستلفوا لدقايق معدودة شباب من  بيوت أصحاب المشروب المر.. الحادق ويرجعوا بسرعة لى هناك حيث الهجيج والبهجة والمسرة
 بل أصحاب الحاجات  الحلوة
 ينادوا
( يا جنا هنايتهم دي حلويي شديد.. كدي روح الجماعة ديك المسخوتين أملا ليك كوريي جيبا نفتق بيها حلاوتا دي يا جنا )
  وفي بيوت أصحاب الحاجات المرة يبدأ الاستماع للشعر بعد النعوشة
 والناس تكون عملت سـنـّة
 وتحررت في مثل هذا الجو من تقاليد المجتمع الصارمة صرامة شديدة
 لأنو جو خاص
 برضو جو معزول وقتياً عن المجتمع في أماكن شبه مغلقة
 يشعروا براهم ويدوبوا براهم ويصفقوا براهم في انتظار ( الجـَـبـَا ) والسلات
 هل بنات الشيخ القالوا في زميلاتهن هذا الشعر يقدرن يسمعنوا؟
 كلا
 وألف كلا
 وإلا الضرب وقع... والعكاكيز دورت
 وهن ذاتن لايتجرأن أن يمدن أضانن ساكت لاستماع  مثل هذا الشعر
 استراق سمع مافي
 خليك من عين
 والله شهود ذاتي وحضور
دا كان من الموبقات جدا
 اللهم إلا يجن مندلات على التمر بالشارع الفيهو البيوت دي.. عبر طاقات البيوت تلفحك الريحة وتسمع ألقاء الشعر من جوة من ناس فاقدة سيطرتها على حواسها
 فيجرن جري يمرن من الشارع  قبل ما تلفحن أو تشوفن عين حمراء من أثر الحاجات المرة دي؟
 طيب فرحة الباشي وين؟
 فرحة الباشي مصرح لها رسمياً أن تبدأ حوالي الواحدة ظهرا في التمر.. لعب.. وصفقة ورقيص وطنبور بس بلا غناء ولافي أكبر واحد يتجرأ يغني
 والحريم في صف بعيد والرجال في صف.. والأولاد متشعلقين التمر الذي حول ملعب اللعب
 هكذا كنا نستمع الشعر
 أو كانوا يستمعون الشعر
 في مثل هذه الظروف القاسية
 وليس في قنوات فضائية وجنبك مذيعة ومقدمة برنامج في منتهى الروعة والأناقة كما الآن
 تسألك عن ميلاد  وقصة القصيدة
 أقول ليكي شنو يا بت عاد
 ميلاد القصيدة كنت بحب واحدة جارتنا

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31690
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: والله أتاريهو شعراءنا وفنانيينا في المناصير ماتوا بالهملي ساكت

مُساهمة من طرف صديق عبدالله علي أبوحنة في الثلاثاء 08 أبريل 2014, 9:50 pm

في لقاء تلفزيوني قريب دا
 مقدمة البرنامج البنية سألت الفنان صديق أحمد
 قائلة: يا أستاذ أنا من زمان مستني أسمع منك قصيدة ( أجمل الحلويين وين رسايلك وين )
 قال ليها حاضر
 انفعلت مع الأغنية وتماوجت
 بعد نهاية الأغنية  طبعا هي مقدمة البرنامج والقلم في يدها
 بكل جرأة أحرجت صديق أحمد ذاتو من سؤال ما كان متوقعو
 قامت قالت ليهو : أهااا بعدين أجمل الحلويين إن شاء الله يكون رسل رسالة؟
 اتخلع صديق أحمد لأنو برضو من الجيل القديم، والجيل القديم لايزال ببواقي حساسيته في مثل هذه الظروف
 رد عليها بي خلعة كدي
 إن شاء الله.. إن شاء الله
 إنت كمان يا صديق أحمد الله مشيئته بتكون في مثل حاجات زي دي كمان؟

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31690
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: والله أتاريهو شعراءنا وفنانيينا في المناصير ماتوا بالهملي ساكت

مُساهمة من طرف صديق عبدالله علي أبوحنة في الثلاثاء 08 أبريل 2014, 9:58 pm

مذيعات ما يعرفن فن الإعلام يسألن أسئلة على الهواء ممكن تجيب ليهن الإحراج
 المادح وراق حاج الماحي.. هو شوية مستنير وعامل باحث في التراث والرجل  تربطنا به علاقة.. ما فارق الكاسنجر... قرأ  الثانوي في مروي ويحب البلد.. حتى مروي شايفا بعيدة وغربة.. ما عايز يفارق جو الكاسنجر.. نجح في إمتحان الشهادة أخدوه في جامعة القاهرة فرع الخرطوم وداهو أبوه المجذوب حاج الماحي.. قال أبكي لامن جيت... سنة واحدي تميتا بالعافية وهربت من الجامعة جيت للكاسنجر
 جابوه في قناة السودان العامة كباحث عن التراث وزول يكتب الشعر
 قال ليهو قصيدة في واحدة اسمها شادية
 قامت المذيعة ومقدمة البرنامج دا وأنا أشاهد.. لأنو اتصل عليا من الكاسنجر وقال لى صديق عندي لقاء الساعة كدا تابعو وأدني رايك..
 قامت سألتو قالت ليهو
 ممكن أعرف شادية دي مين؟
 أنت مالك ومال شادية يا بت !
 والراجل في عمر أبوكي
 وهي ظاهر عليها معرسة وهي في عمر العشرينيات وحنتا في يديها ورجليها والشبشب  في وش الراجل الرجل مخلوفة
 هسي عليك الله دي وديك القبيل بتاعة صديق أحمد
 لو واحد منصوري مرتو دي
كان بيتصرف معاها كيف؟
 عشان كدا المناصير يقولوا ليك ود فلاني أتزوج مرة صعيد

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31690
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: والله أتاريهو شعراءنا وفنانيينا في المناصير ماتوا بالهملي ساكت

مُساهمة من طرف صديق عبدالله علي أبوحنة في الأربعاء 09 أبريل 2014, 5:20 am

وراق المجذوب حاج الماحي لمان سألتوا قالت ليهو
 ممكن أعرف شادية دي مين؟
 أها يقولوا ليك شنو عاد؟
 لو فسروها ليك. أكيد عندها أهل وأخوان..
 مش عيب كدا يا بت على الهواء مباشرة
.....
 رد عليها وراق قال ليها : لا معليش خليها
طبعا لازم يرد عليها كدا
 يعني حا يقول ليها شنو؟
 أسئلة غباء من مذيعات  ما بيعرفن فن الإعلام ذاتو
.......
 أنت ذاتو يا وراق ما تخليك في مديحك مالك ومال القرايي أم دق؟
 الغريبة في برنامج كمان يجيب المرة تتحدث في قناة السودان وواحدات بالتلفون
 قال لى
 قلت ليهو
 وتفاصيل زوجية دقيقة
 وكمان خاتين مصلح اجتماعي
 ومصلحة اجتماعية في البرنامج
 معقول على الهواء كدا يحلوا ليهم مشكلة؟
 بلا شيل حال ساكت
 معقول نحن وصلنا للدرجة دي؟
..........
 أخير زمان شعراءنا الماتوا يقولوا شعرهم محلي بلا قنوات

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31690
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: والله أتاريهو شعراءنا وفنانيينا في المناصير ماتوا بالهملي ساكت

مُساهمة من طرف عباس محمد في الأربعاء 09 أبريل 2014, 1:09 pm

تحياتنا الباشمهندس صديق ابوحنة

فى الزمن الحالى هذا  القنوات والاذاعات فتحت بابها على مصراعية
لاستقبال مساهماتنا من موروثاتنا  ولكن ناسنا هم من احجموا ولم يتقدموا
الى الامام  زى الزول داك الداير يقع البحر والموية ساقطى
اها سلمان عقيد معاهو الشمبانى  والولد نادر وقسم الله  وساقو معاهم الشبل
الصاعد الولد مهدى محمد خير شررى وقدو عين الشيطان  وسجلو للاذاعة الرياضية
يقوم بعد داك بنى جلدتهم يتواتوهم انتقادات لاذعة فى الفيس والوسائط الاخرى
يوقفوا تب  نفس الجايى من وراهم  عشان يقع جو فى البحر الساقط دا

تقبل المرور يا باشمهندس




[ندعوك للتسجيل في المنتدى أو التعريف بنفسك لمعاينة هذا الرابط]

عباس محمد
مشرف
مشرف

الأوسمة مشرف منتدى شعراء المناصير

احترام قوانين المنتدى : 100

عدد المساهمات : 2245
نقاط : 16172
تاريخ التسجيل : 27/07/2010
العمر : 43

الرجوع الى أعلى الصفحة اذهب الى الأسفل

رد: والله أتاريهو شعراءنا وفنانيينا في المناصير ماتوا بالهملي ساكت

مُساهمة من طرف صديق عبدالله علي أبوحنة في الأربعاء 09 أبريل 2014, 2:30 pm

أي مجهود أحسن ..نحن نشجعوا
 البي ينتقد دا؟
 يصبر علينا شوية..
 نحن مافي شئ ضارينا غير الكجار وقوة الراس
 أي بداية محبذة

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31690
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: والله أتاريهو شعراءنا وفنانيينا في المناصير ماتوا بالهملي ساكت

مُساهمة من طرف الفكى احمد في الخميس 10 أبريل 2014, 2:37 am

تحياتنا الحارة لك أخى الباشمهندس صديق ، فعلا حقنا رايح من زمان وفى كل شىء وللآن .
والسبب أهلنا الزمان ومن بعدهم نحن ، نعرض فقط جوه دارنا ومرات نخجها خج ، لكن
بره أى خارج حدود المناصير وفى ربوع بلادنا  لايهمنا أن يصل صوتنا أو لا . الفنان عيسى
بروى هو الوحيد الذى صال بنا وجال نسأل الله له العافيه .
نحن محتاجين لخارطة طريق وللا أيه رايكم ؟

الفكى احمد
V.i.P
V.i.P

احترام قوانين المنتدى : 100

عدد المساهمات : 1979
نقاط : 16683
تاريخ التسجيل : 24/06/2010

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى