ولا الضالــمـــــــين ..ومتفرقات

من طرف **م بروي** السبت 18 يناير 2014, 2:44 am

الكلة هي حلة لحم كاربه (شيرنق) من مجموعة
من الأصحاب وغالباً ما تكون يوم السوق
و التحية لزعيم دولة الكلات حسن سكينة
عندنا شلة كلة في البلد البمسكوهو الكلة قبال تنجض
يحتل اللحم السمح ... والعضم الكارب يكدو ويرمي في الرماد
أخيراً الشلة زهجت من فعايل أعضائها واتفرتكت..
أها ديل ناس الواتس ترسل ليهم في اليوم عشرين مقطع فيديو
يتفرجو ويضحكو ويقفلو التلفون... هم الضالــمين.
لذلك قررت أفارقن وأجي راجع عرجي.
لمت فينا السنة دي مشغولية من النوع البحمي السوق والكلة
ود الفكي الرباطابي مرسل لي عشرة مقاطع والله العظيم
عشرة يوم ما فتحتهم..
قبل أيام رسلت ليهو 24 مقطع دفعه واحدة اللئيم قال لي(شيطة)
قرقرقرقر

من طرف **م بروي** السبت 18 يناير 2014, 3:00 am

أها أبدأ المتفرقات
من شعراء الخليج أحب شعر غازي القصيبي
لكن يعجبني بيت شعر لخالد الفيصل
(إن نضمنا ندمنا وإن سكتنا قهر)
أها دي ليك إنت يا المنطط عينيك
أرجل الهاديين في السودان موجودين في المناصير
(الهادي بوني...والهادي عقيد)
ودعون الله والحوري ناس رايعين بمعنى الكلمة
عشان كده من يعرفهم يصعب عليهو فراقن
بي هناك أميره كبت الجرسه
والتانية (الحجل بالرجل)
مرة نهرت السعودي الجنبي قام قالي عامل
نظاراتك زي عمر المختار..حفظها خالد وهو تعليمو
بسيط وثقافتتو كذلك مره شاكلتو قال لي موهو خاتي عليك
سلمان قال (عامل نظاراتك زي عمر بن الخطاب)
قبل يومين قال لي إنت مشكلتك إنك شخصية إرتوازيه

من طرف **(الحاج شرف)** السبت 18 يناير 2014, 3:14 am

ولا الضالمين و مجتمعات
زول يقيل معاك يوماتى فى راكوبتك ويشرب جبنتك
ويوم السوق يقولك متحسس
وميرود بعد ما يرجع نصت النهار والشمس تقلى الحبه
ويقول ليك ماعندى نفس فى الغدا
ده زول فيسفلى
وود عم الواطسابى لزم
احسن ليك ديوان العمده ده
فى مافى الصينيه تجى بره

من طرف **م بروي** السبت 18 يناير 2014, 3:21 am

[quote"(الحاج شرف)"]ولا الضالمين و مجتمعات
زول يقيل معاك يوماتى فى راكوبتك ويشرب جبنتك
ويوم السوق يقولك متحسس
وميرود بعد ما يرجع نصت النهار والشمس تقلى الحبه
ويقول ليك ماعندى نفس فى الغدا
ده زول فيسفلى
وود عم الواطسابى لزم
احسن ليك ديوان العمده ده
فى مافى الصينيه تجى بره[/quote]
ياربي ده ياهو ذاتو؟
برضو أخير من الكل مره تمشي بيتو
والمرا الكريمة وأصيلة تحرم إلا تجيب
الصينية الكاربي وهو خافس ما متلقي

من طرف **م بروي** السبت 18 يناير 2014, 3:27 am

متفرقات
من علامات الكُبُر
من الواحد يقعد يكتر القحاح
ويصحى من تلاته صباحاً يحوم في الحوش
ويدير في الخرتوش من شدرة لي شدرة
وكل مره يعتر في الطش وفي الجردل
ومن يقعد يطفي في اللمبات ..وياولد المخزن ده مولع مع منو
ويابت وكت انتهيتي من المطبخ ده ما تطفي اللمبه
ومن يقعد يشبكك كبروا رأسك وتجي واللا ما تجي الدايرك منو(الرشيد المخرف)
ومن يقعد يقول ليك في الكلام المبهم (الحاج) أعرف الناس عدت على بوني

من طرف **abuahmed** السبت 18 يناير 2014, 3:30 am

حمدنالك بالسلامي
اول ماشفت بوستاتك الجديدة دى اشتريت كيس حلاوة ووزعتها
الجماعة سالوني عن المناسبة
قلت ليهم اخوي جا من السفر

من طرف **(الحاج شرف)** السبت 18 يناير 2014, 3:38 am

الجماعه ودوك حنتوب
مع بدرالدين سليمان واب عاج وشيخنا حسن راجل المنشيه
والخير عثمان
رجعناك شيرى الثانويه بالمستندات والشهود
ساعدنا بالحكايات من شاكلة نحن القطار ده سمعنابو سمع
واول مره سافرت من البلد ركبت بوكسى لغايه كريمه
والكاب ده كلو كلو ماشفتو
ودلى دلوك معانا
يجوز تكسب

من طرف **(الحاج شرف)** السبت 18 يناير 2014, 3:41 am

شفت يا زعيم المجتمعات والمتفرقات دى كيف
ظهرو ناس التحكيم بى هنا الله يستر
مايجوك ناس الشعبيه
وشارع واحد
ونروح نحن فى شربت مويه

من طرف **م بروي** السبت 18 يناير 2014, 3:44 am

abuahmed كتب:حمدنالك بالسلامي
اول ماشفت بوستاتك الجديدة دى اشتريت كيس حلاوة ووزعتها
الجماعة سالوني عن المناسبة
قلت ليهم اخوي جا من السفر

نواصل متفرقات
ومن علامات الكُبُر
من الواحد يكون مسعول كبير وصاحبو يكون بنى أحسن
البيوت في البلد ويجي الخزان الشوم يغرقها ولما يمشي
الإجازة ما يلقى محل ينزل فيهو ويقعد يسوي ياربي هسه أنا أنزل وين؟
أعرفو الزول ده لمى فيهو المابنداوى
قال كيس حلاوة قال
حلاوة في عينك

من طرف **م بروي** السبت 18 يناير 2014, 3:47 am

[quote"(الحاج شرف)"]الجماعه ودوك حنتوب
مع بدرالدين سليمان واب عاج وشيخنا حسن راجل المنشيه
والخير عثمان
رجعناك شيرى الثانويه بالمستندات والشهود
ساعدنا بالحكايات من شاكلة نحن القطار ده سمعنابو سمع
واول مره سافرت من البلد ركبت بوكسى لغايه كريمه
والكاب ده كلو كلو ماشفتو
ودلى دلوك معانا
يجوز تكسب[/quote]

قريتها الصباح وضحكت
برضو دي من علاماتو

من طرف **م بروي** السبت 18 يناير 2014, 3:50 am

أبو أحمد مشتاقووووووووووون
قلنا أرجل الهادين في السودان فموجودين ي المناصير
تعرف لي أخيبن وين؟
أديك ساقي
في الدامر

من طرف **abuahmed** السبت 18 يناير 2014, 4:17 am

م بروي كتب:أبو أحمد مشتاقووووووووووون
قلنا أرجل الهادين في السودان فموجودين ي المناصير
تعرف لي أخيبن وين؟
أديك ساقي
في الدامر

يا اخوي لو اديتني الدامر وماحولها ماني دايرها
قال اديك ساقية في الدامر -- قال
الدامر في عينك
لكن ليك حق لانو -------
والله يا محمد الشوق كاتلني وما تتخيل فرحتي بوجودك في المنتدي قدر شنو

من طرف **م بروي** السبت 18 يناير 2014, 4:35 am

abuahmed كتب:
م بروي كتب:أبو أحمد مشتاقووووووووووون
قلنا أرجل الهادين في السودان فموجودين ي المناصير
تعرف لي أخيبن وين؟
أديك ساقي
في الدامر

يا اخوي لو اديتني الدامر وماحولها ماني دايرها
قال اديك ساقية في الدامر -- قال
الدامر في عينك
لكن ليك حق لانو -------
والله يا محمد الشوق كاتلني وما تتخيل فرحتي بوجودك في المنتدي قدر شنو

ومن علامات الكُبُر
تعال يالرشيد المخرف وشوف الخرف البي الصح
صاحبك معروف أذكى الناس وشوفو بقى يجلي كيف
بقول ليهو تعرف لي أخيب الهادين وين؟
وقلت ليهو لو ماعرفتو بديك ساقي
قام ماعرفو
قلت ليهو أخيب الهادين في الدامر
وأقرأ شوفو كتب شنو

من طرف **نورالهادى** السبت 18 يناير 2014, 4:55 am

حبيب الملاين أوفيت بوعدك تب وقول للحاج العندو صداع ما يمشى موزنبيق وبخصوص الكلة ناس الحسيباب عندهم زمان وقت البلد بخيرها كل جمعة كلة عبور بج ولا خروف لحمه زخص ,والشغلانة كلها تتم فى الخلوة , فى عربى يخم لهم فى التراب الا ما يختوا الصينية ينادوه تعال أكل صاحبنا يقول بسم الله ان شاء الله كرامتا مقبولة ويزازى اللحم الهش تكررة الحركة عدة جمع ,عباس أب قجى متضايق من حركة العربى المرة الثانية لمان قعد وقال بسم الله ان شاء الله كرامتا مقبولة عباس صرخ فيه بأعلى صوته يا خى دى كلة ماه كرامة فأصبحت المقولة تضرب للمتطفلين .
يا ود بروى شيخنا أب أحمد يبقى لى يدور علاج الصداع فى موزنبيق , أخونا ياسين قال لى د ما علاج د موت أحمر .

من طرف **م بروي** السبت 18 يناير 2014, 5:13 am

نورالهادى كتب:حبيب الملاين أوفيت بوعدك تب وقول للحاج العندو صداع ما يمشى موزنبيق وبخصوص الكلة ناس الحسيباب عندهم زمان وقت البلد بخيرها كل جمعة كلة عبور بج ولا خروف لحمه زخص ,والشغلانة كلها تتم فى الخلوة , فى عربى يخم لهم فى التراب الا ما يختوا الصينية ينادوه تعال أكل صاحبنا يقول بسم الله ان شاء الله كرامتا مقبولة ويزازى اللحم الهش تكررة الحركة عدة جمع ,عباس أب قجى متضايق من حركة العربى المرة الثانية لمان قعد وقال بسم الله ان شاء الله كرامتا مقبولة عباس صرخ فيه بأعلى صوته يا خى دى كلة ماه كرامة فأصبحت المقولة تضرب للمتطفلين .
يا ود بروى شيخنا أب أحمد يبقى لى يدور علاج الصداع فى موزنبيق , أخونا ياسين قال لى د ما علاج د موت أحمر .

ههههههه
نور البكان باحد الهاديين
عروبنا ديل ظريفين خالس
في واحد قالوا ليهو ياخي ماتسيب الخلاء ده وتجي تقعد في البحر احسن لك.
وكان الكلمة والتانية يقول ليك (وحات الله ودينو والدين دين الله) دي حليفتو
قالهم سالم ود عمي زمان سكن البحر بأولادو والحياة غلبتو وسعايي ماعندو
غيركديسي و وزينه بي جنويه و اكل للوزين والكديسي مافي
الكديسي بقت تأكل في سوسيو الوزيني لامن كملن
فكرت تأكل الوزينه الكبيرة ..هجمت عليها ومسكت ورك الوزينه وعضتو شديد
الوزينه حرت فيها العضة طارت بي كديستها
العربي قال لما الكديسي اتعلقت فوق وعاينت للواطه لقتها بعيده
عليك أمان الله ودينو والدين دين الله هرارها نزل شريط فانوس
برضو من علامات الخرف ..ضهلنا يازعيم

من طرف **عازه** السبت 18 يناير 2014, 7:25 pm

هههههههههه كبر والي ياجماعه مافي كبر ولاشئ بجد مداخلاتكم جميله وبوست رهيب وطاعم نتابع فقط مايخطه الكبار في هاماتهم وقاماتهم وتسلم ودبروي

من طرف **م بروي** السبت 18 يناير 2014, 9:23 pm

عازه كتب:هههههههههه كبر والي ياجماعه مافي كبر ولاشئ بجد مداخلاتكم جميله وبوست رهيب وطاعم نتابع فقط مايخطه الكبار في هاماتهم وقاماتهم وتسلم ودبروي

هنا مافي هامات هنا همهمات
ابريق تقروقه مركوب قديم
عكاز سبحة ..اطفي النور ده معاك
وانتي مارقه

هنا كدنا نمووت من الضحك
تخيلت منظر الوزينة والكديسة
يا ترى كيف كانت النهاية ؟

غبت وجبت
واصل بلا انقطاع
تسلم كتير

من طرف **م بروي** الأحد 19 يناير 2014, 12:37 am

سامى احمد محمد كتب:هنا كدنا نمووت من الضحك
تخيلت منظر الوزينة والكديسة
يا ترى كيف كانت النهاية ؟

غبت وجبت
واصل بلا انقطاع
تسلم كتير

صاحبك الملك النفعابي جاييهو صاحبي محمد عثمان حجازي
وما وقف تلفونوا يحنس نجيهو في المدينه
ودي ذكرتني طريفه يتم تناولها هنا بين السعوديين
عن سوداني مدرس عاوز المدينة وهم يحوموا فيهو
حولها ..النكته معنوننها (بقصة حقيقية) وقالوا
مدرس سوداني جاء المدينة المنورة عينوه أول شيء في منطقة
(الأبيار) وبعد مدة نقلوه (بير مبيريك) وبعدين نقلوهو في
(أبيار الماشي) بعد فترة نقلوه (أبيار علي)
بعدها راح لمدير التعليم فقال له بدون مقدمات
(أنت في زول قال ليك أنا دلو؟ أنا معلم ياتمرقنا من الأبيار دي
واللا أجدع لك استقالتي هسه دي. آآآآآآي

الفرح جانا بلا عدادى يصل مطبوق وفرادى
وصلنا لى دنيا السعادى ساعة جانا شاعر بلادى
تعال احكينا المواقف وقل للواتساب غادى غادى
والله صدقت فى الواتسابيين--
تجيد الاسلوب الجميل والطرفة الحاضرة --راسك مليان بالحكاوى الجميلة والطرائف الجميلة مع كل موقف---ليه تحرمنا من هذا الابداع وتمش---على العموم نورت من جديد

من طرف **م بروي** الأحد 19 يناير 2014, 3:46 am

سلمان عقيد النعوفابى كتب:الفرح جانا بلا عدادى يصل مطبوق وفرادى
وصلنا لى دنيا السعادى ساعة جانا شاعر بلادى
تعال احكينا المواقف وقل للواتساب غادى غادى
والله صدقت فى الواتسابين--
تجيد الاسلوب الجميل والطرفة الحاضرة --راسك مليان بالحكاوى الجميلة والطرائف الجميلة مع كل موقف---ليه تحرمنا من هذا الابداع وتمش---على العموم نورت من جديد

أرباب الديار
وزعيم الضالمين..سلام
منتداك ده بقى زي قهوة محمد ود علي
الناس تغشاهو مجبورة وقبال كباية الشاي تبرد
يكوركوا في بتاع اللوري يلا يلا
الواحد تشوفوا دخل هنا مايتم خمسة دقايق تلقى اسمو غتس

من طرف **(الحاج شرف)** الأحد 19 يناير 2014, 4:08 am

م بروي كتب:
الواحد تشوفوا دخل هنا مايتم خمسة دقايق تلقى اسمو غتس

غتسه بلا قروش وشبعه من طرف الجروف
زمانه ولى
نشوف غيره مامشكله
الزمن العلينا ده الغتسه بقت فى البنادر
غتسه واحده وتركب القطر راجع
نسهك فى شوارع الخرطوم من سنة سته وماقادرين نرجع
الملك عبدالله اخبارو شنو مافى خانة امير فاضيه
الخلو طرف من:::::
1
2
3
4
5
جاهز

من طرف **م بروي** الأحد 19 يناير 2014, 4:18 am

[quote"(الحاج شرف)"]

م بروي كتب:
الواحد تشوفوا دخل هنا مايتم خمسة دقايق تلقى اسمو غتس

غتسه بلا قروش وشبعه من طرف الجروف
زمانه ولى
نشوف غيره مامشكله
الزمن العلينا ده الغتسه بقت فى البنادر
غتسه واحده وتركب القطر راجع
نسهك فى شوارع الخرطوم من سنة سته وماقادرين نرجع
الملك عبدالله اخبارو شنو مافى خانة امير فاضيه
الخلو طرف من:::::
1
2
3
4
5
جاهز[/quote]

5 نقااط وتحت خمسة مختفون ونضمك زي الخمسة المختفون ديل
جايين في آخر الليل مختفين تقول عاوزين يسرقو بطيخ من ساقة الحنجري
انا غايتو اقدر اخمن تلاته منهم واحد دشقوق كبير وواحد كراج كبير
وواحد مسخوت كبير

من طرف **(الحاج شرف)** الأحد 19 يناير 2014, 4:48 am

م بروي كتب:[quote""]

انا غايتو اقدر اخمن تلاته منهم واحد دشقوق كبير وواحد كراج كبير
وواحد مسخوت كبير[/quote]
تصدق كلامك صاح
ااقول ليك اسمائهم
واحد منهم صرح بانة فى طريقه الى اعتزال اى شى الا نفسه

من طرف **م بروي** الأحد 19 يناير 2014, 5:00 am

[ندعوك للتسجيل في المنتدى أو التعريف بنفسك لمعاينة هذه الصورة][URL=" />

من طرف **م بروي** الأحد 19 يناير 2014, 5:10 am

[quote"(الحاج شرف)"]

م بروي كتب:[quote""]

انا غايتو اقدر اخمن تلاته منهم واحد دشقوق كبير وواحد كراج كبير
وواحد مسخوت كبير[/quote]
تصدق كلامك صاح
ااقول ليك اسمائهم
واحد منهم صرح بانة فى طريقه الى اعتزال اى شى الا نفسه[/quote]

ههههههههه
جماعتك كبوا الزوغه دفعه واحده

من طرف **م بروي** الأحد 19 يناير 2014, 5:15 am

[url=[ندعوك للتسجيل في المنتدى أو التعريف بنفسك لمعاينة هذه الصورة][url=<a][/url][ندعوك للتسجيل في المنتدى أو التعريف بنفسك لمعاينة هذه الصورة]مركز تحميل الصور

من طرف **ود عون الله** الأحد 19 يناير 2014, 7:20 am

وحات الله ودينو والدين دين الله راجين الخريف جانا الخرف
الدامر بي تسعل منها مالك ماك عارف انو فيها أكبر سوق للبهائم ماتجر لك أكبر تور السعلك منو ولا الكيس فاضي
الكديسي سهرت منامنا جايي مشتكي قالت تلقاها من العريبي الكتلنا بالجوع ولا شيال الحال دة وحات الله ودينو والدين دين الله كان عارفاهو شيال حال كدي كان خيت الفانوس دا وزنتوا ليك وصج في فوق صلعتو البتراري ديك وكت يكون قااااشر ومباري جماعتوا ناس سلمان وصاحب الشخصية الإرتوازية

يامحمد سلام عليك ... ياخي كتلتنا بالضحك . ناس إنت وناس ود عون الله والحاج وأبحمد والتناغم الجميل شدّانا للبوست الأجمل ... صورتك دي أبقى عليها عشره .. وريتها الجماعه في البيت قالوا دي كانت بتين ... موضوع الكديسه والوزينه ما صبقك عليه زول ... أضحك للصباح ولما راجعت البوست لقيت موضوع المدرس بتاع الأبيار .. لحد هسع شرقان في الضحك ياخي بارك الله فيك زرعت فينا أوقات سعيده تشكر عليها .

من طرف **(الحاج شرف)** الإثنين 20 يناير 2014, 12:19 am

عبدالحفيظ قال ليك
الصوره دى ابقى عليها عشره
انا متبرع اعمل ليها تكبير
وعمودين ماسوره

من طرف **abuahmed** الإثنين 20 يناير 2014, 3:59 am

زغردوا ودقوا النقور
قولواشاعر البلد جا
يا الجن والبشور
قولوا شاعر البلد جا
يا الحوت في البحور
قولوا شاعر البلد جا
يا كانكيج وكور
قولوا شاعر البلد جا
يا سحلي ودقور
قولوا شاعر البلد جا
يا قمري وطيور
قولوا شاعر البلد جا
يا صليعي وصقور
قولوا شاعر البلد حا
يا بعجي ونسور
قولوا شاعر البلد جا
يا الضبعة ونمور
قولوا شاعر البلد جا
يا الدنان والدبور
قولوا شاعر البلد جا
يا ودلقاي وبور
قولوا شاعر البلد جا
يا ابوحنة وجبور
قولوا شعر البلد جا
عارف يا زعيم دى مسيرة مليونية لاستقبال زول مخرف زيك عشان مايغيب تاني
اه ياظربون

من طرف **نورالهادى** الإثنين 20 يناير 2014, 5:32 am

يا سلام أبو أحمد والله ظريف وحبوب يا قامة .

من طرف **م بروي** الإثنين 20 يناير 2014, 2:30 pm

ود عون الله كتب:وحات الله ودينو والدين دين الله راجين الخريف جانا الخرف
الدامر بي تسعل منها مالك ماك عارف انو فيها أكبر سوق للبهائم ماتجر لك أكبر تور السعلك منو ولا الكيس فاضي
الكديسي سهرت منامنا جايي مشتكي قالت تلقاها من العريبي الكتلنا بالجوع ولا شيال الحال دة وحات الله ودينو والدين دين الله كان عارفاهو شيال حال كدي كان خيت الفانوس دا وزنتوا ليك وصج في فوق صلعتو البتراري ديك وكت يكون قااااشر ومباري جماعتوا ناس سلمان وصاحب الشخصية الإرتوازية

ود العون الراقي الحنون
قال نجضت زي البن مرتين...نحنا ميتين بالبرد وكتلتونا بالضحك
زي الفلاتي قالوا ليهو أكمل البيت(من لم يمت بالسيف....)قال من لم يمت بالسيف مات بالشتاء
الماهو منكم انتو ندمان في حياتو ندم

من طرف **عباس محمد** الإثنين 20 يناير 2014, 2:37 pm

لينا زمن طويل ما ضحكنا قدر دا
نسيبنا الراقى الله يطول فى عمرك بالبركة
ويلبسك ثوب الصحة والعافية التامه

الوزينى والكديسى ما سبقك عليها زول
تحياتنا لى ناس البيت

من طرف **م بروي** الإثنين 20 يناير 2014, 2:57 pm

عبد الحفيظ النافعابي كتب:يامحمد سلام عليك ... ياخي كتلتنا بالضحك . ناس إنت وناس ود عون الله والحاج وأبحمد والتناغم الجميل شدّانا للبوست الأجمل ... صورتك دي أبقى عليها عشره .. وريتها الجماعه في البيت قالوا دي كانت بتين ... موضوع الكديسه والوزينه ما صبقك عليه زول ... أضحك للصباح ولما راجعت البوست لقيت موضوع المدرس بتاع الأبيار .. لحد هسع شرقان في الضحك ياخي بارك الله فيك زرعت فينا أوقات سعيده تشكر عليها .

كبير الملوك وصل
نورت الدار يا زعيم
الصورة أظن من أول كمرة صنعوها في العالم جات داخله مع الانجليز
مين زيك يازعيم في الجيلي الخضراء وراقد تأكل المخدومه..عشان كده تقدر تضحك
خليتنا هنا لو كلكلونا ما نضحك ..ما تلقى لينا طريقة نتلمى عليك أنا والملك حسين؟
دي برضو ذكرتني طرفه مدرس الانجليزي القال للولد لوعاوز تقول لواحد تعال
تقول ليهو شنو بالانجليزي قال الولد أقول ليهو (كم هير)
قال الأستاذ لو عاوزو يمشي بعيد تقول ليهو شنو ؟قال امشي أنا بعيد
وأقول ليهو(كم هير)..الزعيم باللاهي قول لينا (كم هير)

من طرف **م بروي** الإثنين 20 يناير 2014, 3:02 pm

[quote"(الحاج شرف)"]عبدالحفيظ قال ليك
الصوره دى ابقى عليها عشره
انا متبرع اعمل ليها تكبير
وعمودين ماسوره[/quote]

عمودين ومن ماسوره بس يا مفتري؟
الضالمين ديل ماكلهم مواسير

من طرف **م بروي** الإثنين 20 يناير 2014, 4:24 pm

abuahmed كتب:زغردوا ودقوا النقور
قولواشاعر البلد جا
يا الجن والبشور
قولوا شاعر البلد جا
يا الحوت في البحور
قولوا شاعر البلد جا
يا كانكيج وكور
قولوا شاعر البلد جا
يا سحلي ودقور
قولوا شاعر البلد جا
يا قمري وطيور
قولوا شاعر البلد جا
يا صليعي وصقور
قولوا شاعر البلد حا
يا بعجي ونسور
قولوا شاعر البلد جا
يا الضبعة ونمور
قولوا شاعر البلد جا
يا الدنان والدبور
قولوا شاعر البلد جا
يا ودلقاي وبور
قولوا شاعر البلد جا
يا ابوحنة وجبور
قولوا شعر البلد جا
عارف يا زعيم دى مسيرة مليونية لاستقبال زول مخرف زيك عشان مايغيب تاني
اه ياظربون

يمين قالوا الكُبُر جا
العاتي يخلي زرزور
يمين قالوا الكبر جا
في أقل هوايي محدور
يمين قالو الكبر جا
جنب الطيني معصور
يمين قالوا الكبر جا
يحس من ساعة السحور
يمين قالوا الكبر جا
يحوم في الساقي مجبور
يمين قالوا الكبر جا
يطلع يوصل الخور
يمين قالوا الكبر جا
وينزل جنب البحور
يمين قالوا الكبر جا
لحدي تطقشو بابور
يمين قالوا الكبر جا
ينقنق صيفو ومسور
يمين قالوا الكبر جا
صباح في الحيضان يدور
يمين قالوا الكبر جا
يدير في القش والطرور
يمين قالوا الكبر جا
يلقط حتى القبور
يمين قالوا الكبر
كدندايي قعويي صرصور
يمين قالوا الكبر جا
ويلم العلب الكرور
يمين قالوا الكبر جا
يقفل الموية والنور
يمين قالوا الكبر جا
صعوطو في نايلو مصرور
يمين قالوا الكبر جا
يمش للصالح يزور
يمين قالوا الكبر جا
لايشم دلكي ولا بخور
يمين قالوا الكبر جا
لا يفرز الفسو من عطور
يمين قالوا الكبر جا
أصحابو زمان في القبور
يمين قالوا الكبر جا
فضل بس جارو طيفور
يمين قالوا الكبر جا
محوص وحاجبو مصرور
يمين قالوا الكبر جا
قصدت تنضمنا ونضمنا ..قدراتك الهايلة ومدفقي دي ماتجيب بيها حق صاحبك الراح في داهية؟

من طرف **م بروي** الإثنين 20 يناير 2014, 4:52 pm

نورالهادى كتب:يا سلام أبو أحمد والله ظريف وحبوب يا قامة .

أبو احمد ظربون

من طرف **م بروي** الإثنين 20 يناير 2014, 4:56 pm

عباس محمد كتب:لينا زمن طويل ما ضحكنا قدر دا
نسيبنا الراقى الله يطول فى عمرك بالبركة
ويلبسك ثوب الصحة والعافية التامه

الوزينى والكديسى ما سبقك عليها زول
تحياتنا لى ناس البيت

يسلموا عليك ياعبس
بعد خمسه شهور الولدين العندك حايجوا نهائي هنا
ويشتغلوا التلاته هناوأنا بجيكم هناك أحوم من فراش لي باشي
وإن شاء الله الغرب دايماً ملمات ..يا إمن فرح إمن فلان مات

من طرف **abuahmed** الإثنين 20 يناير 2014, 5:14 pm

يمين قالوا الكبر جا
قصدت تنضمنا ونضمنا ..قدراتك الهايلة ومدفقي دي ماتجيب بيها حق صاحبك الراح في داهية؟

يا ضالم عارفني شى سرقي وشي نجر قدرت اجيبك تركز للسوط
لكن ياصاحبي انا حا استعين بالاصدقاء المشتركين
يا ود عون الله، يا سامي، يا النفر ، يا ابوحنه
امسكوا صاحبكم المسخوت دا

من طرف **م بروي** الإثنين 20 يناير 2014, 5:22 pm

abuahmed كتب:يمين قالوا الكبر جا
قصدت تنضمنا ونضمنا ..قدراتك الهايلة ومدفقي دي ماتجيب بيها حق صاحبك الراح في داهية؟

يا ضالم عارفني شى سرقي وشي نجر قدرت اجيبك تركز للسوط
لكن ياصاحبي انا حا استعين بالاصدقاء المشتركين
يا ود عون الله، يا سامي، يا النفر ، يا ابوحنه
امسكوا صاحبكم المسخوت دا

تاني رجعنا لي حب الديك؟
إنت يا يابا إن شاء الله بالديك اليكسر براريدك وكبابيك

من طرف **م بروي** الإثنين 20 يناير 2014, 7:41 pm

متفرقات
زمان ود الريح قال:
جني وجن الأولاد البشاغلوا في البنات البشاغلن في الأولاد
الواتساب
جني وجن البرسلك قطعة فيها خرتمية سطر عاوزك تقراها
وجني وجن البي ترسلو حاجه يشبكك نضم
وجني وجن البقعد يرسل لك في الحاجات القديييييييييمي ديك
وجني وجن البي ترسلو حاجه باكر يرسلها ليك راجعه.(دي أنا قاعد أسويها)
وجني وجن البرسل لك وانت ماعارفو ده منو ذاتو
وجني وجن (عرفتن يا ابن الخاله؟ هو ود نعمان عندو مليون بنت)
وجني وجن البرسلك حاجه ويقفرك للتعليق عليها
جن يجننكم يا ضالمين
______________________
الفيس بوك
جني وجن البكتب يقول أمانة في رقبتك لي يوم القيامة
لو ما تعمل لايك قبل ماتمرق من الفيس(المرق اليكسر رقبتك)
وجني وجن البشبك فيك نضم وما يتفكى منك بي أخوي وأخوك
وجني وجن الرسايل الكلما ترد تلقاها حمرت تاني
وجني وجن دعاك فلان لكذا وكذا
وجني و جن اللايك في مالايك
وجني وجن ههههههه وهق هق هق وهع هع هع
_________________________
المنتدى
جني وجن الخمسين زائر ولا في مشاركه واحده
جني وجن المختفين خلف الكوى
وجني وجن الكلام الجادي الرتيب
وجني وجن الاسم الظاهر سبعه وعشرين ساعه في اليوم بلا مشاركه
جني وجن الإداريين المابحوموا بي هني
وجني وجن الرشيد
ومرات كتيرة جني وجن المنتدى ده ذاتو

م بروي كتب:متفرقات
_________________________
المنتدى

وجني وجن الرشيد
ومرات كتيرة جني وجن المنتدى ده ذاتو

بدون نضم

ود بروي أمسك التبانة دي
واحد قاعدي معاهو نسيبتو ---الإضنين والعيون مبرشمات تب ---النخرة بس نخرة كلب الهواء دا تفرزو بالشم ---العقل عييك قطع السير وطلق الموية ---
قام اخد مرتو ونسيبتو وسافرو بالبص من مدني ماشين الخرطوم ---وفي الدرب نزلوا كافتيريا عشان يفطروا ---العجوز كانت جعاني بلحيل ---أول مادخلت الكافتيريا شمت ريحة الشية بقت تكورك دايري شية ---شمت الفول كوركت دايري فول ---شمت الكبدة كوركت دايري كبدة ----الراجل قال لي مرتو عليك الله امك دي فضحتنا شمميها ريحة عشان نلخبط الإستقبال بالشم ---المرة فتحت شنطتها لقت فتيلة خمرة وشممت منها امها ---العجوز بقت تكورك بي صوت عالي دايري عريس ---دايري عريس---صاحبنا قفل لها خشمه وترس لها نخريها قطن

جنى وجن الزول المابشوف نفسو
يخلى حبيابو ويسيب جرفو
وينا ظرافتو ونظم حرفو
عاد دا الواتساب الله يصرفو

من طرف **م بروي** الثلاثاء 21 يناير 2014, 4:44 am

[quote"(الحاج شرف)"]

م بروي كتب:متفرقات
_________________________
المنتدى

وجني وجن الرشيد
ومرات كتيرة جني وجن المنتدى ده ذاتو

بدون نضم[/quote]

جني وجن البدون نضم
وينو صاحبك المسخوت ده

من طرف **م بروي** الثلاثاء 21 يناير 2014, 4:57 am

ود عون الله كتب:ود بروي أمسك التبانة دي
واحد قاعدي معاهو نسيبتو ---الإضنين والعيون مبرشمات تب ---النخرة بس نخرة كلب الهواء دا تفرزو بالشم ---العقل عييك قطع السير وطلق الموية ---
قام اخد مرتو ونسيبتو وسافرو بالبص من مدني ماشين الخرطوم ---وفي الدرب نزلوا كافتيريا عشان يفطروا ---العجوز كانت جعاني بلحيل ---أول مادخلت الكافتيريا شمت ريحة الشية بقت تكورك دايري شية ---شمت الفول كوركت دايري فول ---شمت الكبدة كوركت دايري كبدة ----الراجل قال لي مرتو عليك الله امك دي فضحتنا شمميها ريحة عشان نلخبط الإستقبال بالشم ---المرة فتحت شنطتها لقت فتيلة خمرة وشممت منها امها ---العجوز بقت تكورك بي صوت عالي دايري عريس ---دايري عريس---صاحبنا قفل لها خشمه وترس لها نخريها قطن

هههههه (التلفون بس)
لكن عندك ورشه سمكره قويي خلاس لو لمت في الرقشة تعملها همر وتقطع الكبري وتقيف
قدام قاعة الصداقة قال عرس قال الله يضحكك لامن تقع.

من طرف **م بروي** الثلاثاء 21 يناير 2014, 5:04 am

سلمان عقيد النعوفابى كتب:جنى وجن الزول المابشوف نفسو
يخلى حبيابو ويسيب جرفو
وينا ظرافتو ونظم حرفو
عاد دا الواتساب الله يصرفو

جني وجن زول أعرفو
سمح ذوقو وسمح ظرفو
عسل حامي الناس يغرفو
ويباري رشيدو البقرفو

من طرف **(الحاج شرف)** الثلاثاء 21 يناير 2014, 5:40 am

يااجماعه الرشيد ده خلوه
سياتيكم يوما ويقوليكم كم لبثنا
يوما او بعض يوم
ويكون عرس ناس عبد الحفيظ فاتو
وتكريم عيسى فاتو
ورمضان ذاتو فاتو
(سائق لورى بات ليلته خارج المدينه بعد ان وصلها بعد منتصف الليل وفى الصباح شاهد الرجال بجلاليبهم البيضاء يمشون فى جماعات فسال زميلا اخر بالقرب منه عن هؤلاء الناس فقال ليه ديل ماشين صلاة العيد
قال ليه اياتو عيد
قال ليه عيد الفطر
عيد الفطر ده البجى بعد رمضان
قالليه ايوه
طيب هو رمضان ذاتو جه متين

من طرف **abuahmed** الثلاثاء 21 يناير 2014, 3:44 pm

والله يا حمودي اصحابك ديل كلهم ظريفين لكن مساخيت!!!!!!