المناصير بلدي
الزائر الكريم مرحبا بك في منتدى المناصير بلدي
ان لم تكن مسجلا فيرجى الضغط على زر التسجيل وملء بياناتك لقبول عضويتك

قـَـقـَلْ...

استعرض الموضوع السابق استعرض الموضوع التالي اذهب الى الأسفل

قـَـقـَلْ...

مُساهمة من طرف صديق عبدالله علي أبوحنة في الثلاثاء 25 مارس 2014, 1:54 am

دي كلمي منصوريي ناقعي طاعمي بالحيل.... جابا الفكي في القاموس
 قطعناها جبناها بي جاي.. عشان شباب وشابات الزمن دا يشوفوها يعرفوها
..........................
 القاف الأولى والثانية قاف معطّشة.. قاف يمنية
..............
اليوم في 9:49 pm


هههههههه
 الجدول الققل بعد الموية ما تجري فيهو. يحتاج لى خرتة كدا بالطوريي... كمان في البوغة تلقى حوض ققل ما بيشرب.. دا يكاشنوهو بالأربل.. ودائما دي تظهر عيوب المزارع الغير نجيض القبيل حفر البوغة.. نحن الأفندية ما بنعرف نوقع الحوض كويس.. ودائما تكون مثار حجي من أبوك ويكون هو حافظ الحوض القبيل أنت كاشنتو.. ويقول ليك ( حدمتكم مجنونة.. الصعيد خربكم.. ونساكم الخدمي )

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31685
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: قـَـقـَلْ...

مُساهمة من طرف علي الحمود في الثلاثاء 25 مارس 2014, 2:26 am

التحية والتجلة والسلام..........
كمية من الإعجاب.......
كما لا يفوتنى أن أرسل التحايا للأخ الفكى........
..............................
لو (الزول)تعاملو صعب ويركب راسو ودايما يكون اتجاه واحد.أهلنا يقولو ليك Sadالزول ده ققل)..
يعنى (غياز)ما بتهضم وما بتفاهم وما بندار..............قققققققققققققققققققققققل

علي الحمود
عضو متميز
عضو متميز

احترام قوانين المنتدى : 100

عدد المساهمات : 664
نقاط : 9755
تاريخ التسجيل : 17/05/2012

الرجوع الى أعلى الصفحة اذهب الى الأسفل

رد: قـَـقـَلْ...

مُساهمة من طرف صديق عبدالله علي أبوحنة في الثلاثاء 25 مارس 2014, 4:40 am

هههههههه
 شايفك يا ود اللخت ود الحمود أعجبت بكلمة ققل.. كما أعجبت من ذي قبل بكلمة ( نديب )
 والفكي قال ضربة جاقوس المركب فوق النديب أماني ماها حاااارة؟
........
 أيه رايك يا ود الحمود كلمة نديب دي ذاكرا حاج الماحي في إحدى مدحاته... برضو تقول لى حاج الماحي شايقي..؟
 غايتو نحن مساكين خلاص. حاجاتنا كلها يسرقوها؟
 مرة ( وطنى وكفى ) يكورك قال
 ألحااااق يا سلمان عقيد.. زول التراث..... ( الريلة ) حقتنا سرقوها الجماعة؟
 هو السرقوه الجماعة شوية نان؟
 بس لينا رب..
 لكن في النهاية نسامح. نقول نحن والشوايقة واحد..
 مرة واحد شايقي هنا في أبوظبي زول فاهم يعني... قام قال لى أنتو يا المنصوري تجابدوا ساكت في الشايقية.. الحقيقة أنتو والشايقية حاجة واحدة تماما.. اللهجة  التراث... الشلوخ... التمر... الطنبور.. أصلو ما قادر أحدد أي اختلاف بينكم وبين الشايقية.ز مافي أي اختلاف واضح
 كذلك برضو ترى الاختلاف واضح جدا في التراث وفي كل شي بينكم وجيرانكم الرباطاب...
  واحد تاني شايقي كان جالس جنبنا... هو أستاذ جامعي قام قال ليهو.. أصلا  شدرة واحدي الشايقية والمناصير.. لكن الشدرة دي زي عملت ليها فرعاً غليد كدي إتمدا منها  غادي.. ديل المناصير لكن الشدرة واحدي
 أنا قمت قلت ليهم ( المناصير هم الجزو اللطيف من الشايقية )
 الحقيقة الناس خارج الشمالية يحسبونا نحن والشوايقة حاجة واحدة بحكم اللهجة
 لكن في تفاصيل كدا دقيقة لا يعرفها إلا من عاشر الشايقية والمناصير.. وفي تفاصيل كثيرة أخرى نعرفها نحن بالمعايشة عن الشايقية... الغريبة أنا قابلوني ناس شوايقة محايدين يحترموا المناصير جدا جدا.. ومع أنهم هم شوايقة لكن بيعتبروا المناصير صفاتاً ومعاملة أحسن من الشوايقة بتاعينهم..
 شفت الإنصاف دا كيف؟
 هسه الموضة الجديدة إنو الشوايقة يعرسوا منصوريات... دي آخر الصيحة
 بس نحن بنانا عزيزات علينا

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31685
تاريخ التسجيل : 14/07/2010

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى