هـوايل وهـُتـَـكْ الفيس بوك

حبـّـاها عشان بروفايلا
وسعى عشان تضيفوا... وأضافتو
كانت جميلة رسايلا...
بالكلمة شافا وعرفتو
بقى بس مقاصد صفحتا
كومونت ولايك عجبتو

ونسات وشاتات بي تحت
هوط ميل.. وياهو أضافتو
بقوا كل يوم يتونسوا ويتناقشوا
لاشافا يوم .. لاشافتو

ويزعل إذا علّق صديق في صفحتا
وردّت عليهو وشكرتو
هو زول عنيد وغيور شديد

والكلمة دايما كلمتو

وفي يوم طلب بس صورتا
على شان يشوف وسامتا
وطوااالي قامت أدتو
وطلعت جميلة جمال عجيييييييييييييييب
صاحبنا شاف الصورة قام
والقعدة ساكت غلبتو
بقى مبتسم زي العوير
والفرحة يا ناس شرقتو
صار يدعو من غير ما يحس
يارب تكون من قسمتو
وحنان تنادي يا فلان
وفلان سرح في عيون حنان
وفجأة اعتذر
قال ليها آسف بعتذر
خليت عيونك تنتظر
سامحيني يا حلم العمر
يازول أقيف.. قالت حنان
قطعت سعادتو وفرحتو
وطلبت تشوف صورة الحبيب
اللسه ما كان شافتو
صاحبنا رسّل كم صور
وياريتا ما كان شافتو
ولا أضافتو
وندمت على يوم عرفتو
وبرّاااااحة
قامت
ح
ظ
ر
ت
و

نحن دايما مع ( التوفيق بين راسين في الحلال) زي ما بيقولوا المصريين
وندعو لذلك
وندعو الى عدم اللعب بمشاعر الناس
وندعو للغرس الطيب.. فالكلمة مسؤولية أمام الله

الشئ المثير للغبطة أن منتدى المناصير بلدي عمل مجموعة طيبة على الواتساب.وكان له فضل المبادرة والتطور مع علوم الاتصال الجماهيري. وتكونت هنالك مجموعة خيرة تتسامر كل يوم.. وفيها فوائد من الأدعية والحكم وفوائد القرآن هنالك
......
وجدت هذه الكلمات أعلاه في ( منتدى المناصير بلدي.. واتساب ) وطبعا ذلك الفرع وهذه الشجرة هنا..
فنحن بس لنا أجر المناولة..
ما ظاهر اسم الشخص الذي نشرها هناك.مع العلم أن السادة الأعضاء هنالك دائما يطالبون أن يظهر الإسم مع رقم التلفون هناك..

لمحبي الفيس بوك والواتساب
ﺗﻌﻠﻦ ﺷﺮﻛﺔ ﺍﻟﺰﻋﻴﻢ ﺍﺑﻮ ﻛﺘـّﺎﺣﺔ ﺍﻟﻤﺤﺪﻭﺩة ﻋﻦ ﺗﻮﻓﻴﺮ
ﺧﺪﻣﺔ ﺗﻮﺯﻳﻊ ﺍﻟﺤﺐ ﺟﻤﻠﺔ ﻭﻗﻄﺎﻋﻲ ﻭﺗﻮﺟﺪ ﻛﺮﻭﺕ
ﺣﻨﺎﻥ ﻭﺷﺮﺋﺢ ﻭﻓﺎﺀ ﻭإﺧﻼﺹ ، ﻭﺗﺤﻮﻳﻞ ﺍلأﺣﺰﺍﻥ ﺍﻟﻲ
أﻓﺮﺍﺡ ،ﻛﻤﺎ ﺗﻌﻠﻦ عن ﺍﻓﺘﺘﺎﺡ ﻭﺭﺷﺔ ﻟﺼﻴﺎﻧﺔ ﺍﻟﻘﻠﻮﺏ ﻣﻦ
ﺍﻟﻘﺴﻮﺓ ﻭﺍﻟﻨﺴﻴﺎﻥ ﻟﺘﻔﻌﻴﻞ ﺍﻟﺨﺪﻣﺔ ﺍﺭﺳﻞ ﻛﻠﻤﺔ ﺑﺤﺒﻚ
ﻟﻠﺸﺨﺺ ﺍﻟذى ﺗﺤﺒﻪ ﻭﺗﻤﺘﻊ ﺑﺎﻟﺨﺪﻣﺔ ﻃﻮﻝ ﺍﻟﻌﻤﺮ
( مقطوعة من الفيس بوك )