هههههه حكايات من الزمن الحديث

لا علاقة بين هذا البوست وبين بوست اخونا في الله ابراهيم
فقط الهمني العنوان 
تبدأ حكايات الزمن الحديث قبل ايام قليلة فقط 
شلة من الاحباب ذاهبة لمقابلة شخصية كبيرة 
اما الحكاية هي ما قبل الاجتماع 
ماذا حدث ؟؟
..............
.............
.............

تنويه مهم وضروري
الموضوع لا علاقة له باي شئ فقط للترفيه والضحك 
ههههههههه اماني ما وقع راجل  
ان الله يأمركم ان تؤدوا الامانات الي اهلها

ههههههه تيمان بحرى

واللبيب بالاشارة يفهم ههعهعههه فكيت الحبل من رقبتك وسعت الزردي لي غيرك...

واللبيب بالاشارة يفهم ههعهعههه فكيت الحبل من رقبتك وسعت الزردي لي غيرك...

بجد الحكايه من حصلت يتخيل لي قرييييييييييييييب ماطولت
لكن كانت مثمره ي رشيد

شوف الباشمهندس وكلامو الزى طعن حقن البانسلين
يفقع للمرارة ويهرد للمصارين
البدل يا هندسة من زمن ليها مالكين
والجزم ام رباط وللكرفته رابطين
والمشوار ما فشل يظهر انت زول تلقين
انت ماك فى اللجنة يانعجة عجوز 
غابرين
وانت كين لقيت السمك تنف وحنك تقول حجر الطواحين
وفى الشربوت تشطف جك وجكين
دايرو يسكرك يالخملة مسكين
دا بتاع هضم مو الليل الجوالين   
وكين جاك الحساب ماخبروك رح فين
اتاريك تفتش وتسال ياناس مواصلات الكلاكلة اللفة بى وين
وكان فتشوك حرم مايلقو فى جيبك حتى الفين
حليل الباشمهندس اللكان بنفق خمش ومرات كمان هين
وكان لى كبش الضيوف فارزلو سكين
دغرى ومستقيم حاشاهو ماشدالو سرجين
لكن الزمن دوار يقلب للموازين
دحين قول لى شاى المغرب الليلى شربتو مع مين
سألت الله الكريم يرجعو زى زمان وبالمرة فى الحين
وكمان ينظم كلام زى الضابط ابنياشين

الرشيد طه كتب:لا علاقة بين هذا البوست وبين بوست اخونا في الله ابراهيم
فقط الهمني العنوان 
تبدأ حكايات الزمن الحديث قبل ايام قليلة فقط 
شلة من الاحباب ذاهبة لمقابلة شخصية كبيرة 
اما الحكاية هي ما قبل الاجتماع 
ماذا حدث ؟؟
..............

تنويه مهم وضروري

ان الله يأمركم ان تؤدوا الامانات الي اهلها

ياعالم ماتلخبطو ساكت
الزول ده عاوز يكتب مذكراتو
واصل يا افندينا ابداه لينا من اجتماع مابعد اللجنه المشتركه

الونسة رقدت هبطرش بى جاى

الشامت هو الرشيد المندغم

دار اقول فوق الباشمهندس صاحبى البشوش
دا الدهب الاصلى مختوم وماهو مغشوش
ودا التمر المدندح شيلو ماهو كرموش
دا التمساح التساعى الما قتلو خرتوش  
حلال للشبك بالحكمة والراى وحتى القروش
والفايت الحدود فوق راسو يدى شاكوش
ماهو زى ناس فلان ختم الفتن فوق وشو منقوش
ماشاف الباشمهندس مشلق فى التريا وريشو منفوش
يحبوه الخلوق ولى قلوب الكل يخش توش
شاطر فى مهنتو وحاشا ماهو منبوش

والله ياسلمان أنا من زمان متابع هذا البوست وشايف رواده ما شاء الله عليهم فصاحه وموهبه شعريه وكله كلام في المليان نحن ما قدره ... لكن لما شاهدت ماكتبته في حق الباشمهندس حقيقي أنك أنصفته ويمكن هو كمان أكثر من كده لكن كلماتك فيه عجبتني وحبيت أشيد بها وأهني الباشمهندس عليها وهو رجل يستاهل قدر هذه الأبيات وأكثر .. أنا مابعرفه من زمان لكن منذ أن أصبحت عضو في هذا المنتدى شاهدته في كل الحافل وكل المناسبات وكل الأحداث هو كان متصدر لها ويعمل في الواضح ومن وراء الكواليس شايل هم البلد وناس البلد البعيد قبل القريب ودي صفات قلّ أن يجود بها الزمان في رجل واحد في هذا العصر .. نسال الله أن يجعلها في ميزان حسناته وبارك الله فيك وفيه وجزاكم عنا كل خير

ياجماعه سلمان ده كل يوم يغشى الباشمهندس باللفه ويشرب جبنه ملح

شكرا باشمهندس عبد الحفيظ ---لكن يالحاج اصبر لى

اصدر الامر الاتى نصه
تعيين
خط هجوم بقياده محمد بروى
خط دفاع بقياده سامى 
كل الشعراء بالمنتدى اعضاء
حكام جماعه اللفه الاتنين
وجميع الاعضاء جمهورنا وجالسين فى مساطبنا

زمان رحم الله الشاعر نور الهادى على العطا والد نادر --عندما كانت ثقافة شكر العريس او مدحه-او هجائه-يوم قال 
:  جاء اللبيب متلفحلو شال 
وفى اليمين شايلو فرار
-------------
------------

ياجماعه انا شاكي لكم قريبي الرشيد بخصوص الملكية الفكرية ( اقتباس العنوان) ولا كمان يسوق حماروا دا يربطوا غادي من بوغتي دي...

شوفولنا الرشيد وينو اليسوق فى بوقتو
يقوم يلقى السمودة والفزع فى حوبتو
يبعد لى بعيد الارباب يشيل طوريتو
فوق الباشمهندس يحفريجرانقايتو
وابراهيم هناك حالف يقدم شكيتو
ودبروى وصل بدأا الفزع بى جيتو

انتظر شوية ليفتح معاك الرابط الصوتي
......................
[ندعوك للتسجيل في المنتدى أو التعريف بنفسك لمعاينة هذا الرابط]

كمان دا ملف صوتي آخر
[ندعوك للتسجيل في المنتدى أو التعريف بنفسك لمعاينة هذا الرابط]

مابيريحوا ناسا حساد
وديمة ناسين بوم المعياد
ونستن بس حريم الكداد
ود الشيخ بالفتن لى سرجو شاد
وسامى شايل فى ايدو الزناد
كل ما يظهر اتفاق  للفتن تانى يجيبوه صاد
دحين موتوا بى غيظكم واتكشحوا بالرماد
نحنا اصحاب وخوة فى رب العباد
وين بتل ود عقيد في الخرطوم عموم
الشايل هم اهلو من صغير مفطوم
الشكر ود عقيد مادايرلو بيه تمامي
اصلو من ولدوه ولد قدامي
دا البحر المتسب يوت وعرقو حامي
تشهدلو الليوس واخوانو ناس سامي
متاخر في قضايا البلد دايما امامي
شكرك ود عقيد والله ماشوية يحفظو الالاه
برا وبحرا بالخطوط جوية ودعقيد ياسمحة الخصال
انقصر الزمن وان طال بتهنا وتسعد مع الاخوال
لانك محبوب عند الكبار واطفال
اما الحاج دا ك حديثة بره كم وقع وماعمل حساب العتره
الشربوت الجابو بقي زي الخمره
باقي مسخوت ود الفقره
خلانا في حيرة طول السهره
ونساها كمان ديك العشره
قصده الانتقام عشان نكون في حسره
بالليل عربيتو انكفت في حفره

---- قال جبنة ملح--
--------------
حد ما قلنا الحاج يتوب يظهر ماهو ناوى
انت ساختك جدك الب القران يداوى
مالك ومال الباشمهندس دا صقر الجو ساعة  يجيك خاوى
ودا تمساح الجزاير الشلالا عاوى
يفطر بى سمك ويتغدى بى كبدة وكلاوى
وانت دابك تشمت وتنضم فى القهاوى
ودابك تعتل فى التلفزيونات ديجتال ومكاوى
قاصد الباشمهندس وعارفو للاعطال يداوى
ما سالك من قرش انت الجيت براك تفتش فى البلاوى
صحيح البجعل الخير مافى محلو ترجع ايدو خاوى

وصلنا الخبر الاتى
تم نقل اخونا سلمان عقيد من التريعه الى السنتر
والكلام ده يعنى ان اللفه تانى مافى

بين ود جيب وسلمان صفقة ماها خفية
--------------------------
والله ياجنابو دى الفيك ماكانت المحرية
دحين اسمعنى زين ودار اديك وصية
انت وصاحبك الحاج ابقهوة بكرية
انا والباشمهندس سمن على عسل والخوة بينا قوية
ما تتبدل بين يوم وعشية
ونار الغيظ فيكم ان شاء الله تقلى قلية
وان بقيت بى شوىيش اخدت للمرخية
ريحة العطاريب تمرق والسلات والشية
نفرح وننبسط ونشرب البقنية
وان بقيت من جديد جيت نكتب للشعر والضربة تبقى خذية
نضرب بى زعل ونخليك تدوش وكمان تلف صينية

انت لسع -----------

الدارة عكلت وعلالا التراب
ودعقيد سلمان جا فى الباب
وسامى ولع النيران كالشهاب
ودجيب الله زعلومعاهودراب
لايكون صافيكم خراب
انشاءالله كلو يكون قرقراب

تسلموا يا رائعين

[size=21.3333] [/size][size=21.3333]باشمهندس هل انت جاد
لا فى حاقد لا فلا حساد
ونسأل الله يتم المراد
ونحمد الله الجعل الوداد
الحصل يا خوى فى البلاد
قولو احكى وكب المداد
احكى يوم السمك المراد
والشبع زى كلب اب رماد
والمبزبز فى الباغه ماد
[/size]
[size=21.3333]وللحساب ما تبقى شراد
كان غلب للليد ابقى ماد
عادى يحصل فى دى البلاد
[/size]
[size=21.3333]ربى يعلم رب العباد
[/size]

[size=21.3333]يا سلمان اخوى ركز معانا شويه[/size]

[size=21.3333]منو الداير يخرب الخوة بينكم اصلو والحنيه[/size]

[size=21.3333]وشن جاب الزعل وايش جاب خلفة الكية[/size]

[size=21.3333]بس دايرين نعرف الصفقة دى السرية[/size]

[size=21.3333]يا سلمان اخوى مبروكه ها النقليه[/size]

[size=21.3333]توفر للوقود والعربة ترسى شويه[/size]

[size=21.3333]مسكينه الزريقة الجرى ازاها ازيه[/size]

[size=21.3333]بى ترتاح عقب مسكينه دى العربيه[/size]

[size=21.3333]بس قاسى البعاد من جبنة الحبشيه[/size]

[size=21.3333]والنظاره اربطا تانى بى زرديه[/size]

[size=21.3333]وكان راحت عقب نعرف شغلتك نيه[/size]

كلامك ياسعادتو ماهو مية المية
مرات سمح ومرات قرص ذردية
مطلوب التصافى وتبقى النفوس مجلية
نحاول ننسى السمك والصفقة الانت قلت خفية
تقوم تنضم فى الزريقا والنضارة والحبشية
ماتخلنا النجيب البطاقة فى الحمام وقعت جمبلغ  مكفية
من زولا ركن كيف يكون اهمالو كداتية
وان دارين القديم مابرجاهو درب ضحوية
انا والباشمهندس خوتنا من زمان ماتقطعتا النقلية

خوتكم  قديمة ماتقطعها النقلية
ياارباب كمان خلى الحديث جودية
سامى سمح رزين دايريزيدا شوية
يخلى الونسى تعكل وياخد المرخية
ماهو زول عكار هواصلو صافى النية
وانت اكيد اصيل طباعك اجتماعية
اما الباشمهندس  داك  خلو شوية
دراج للضعيف ويساند المرخية
مواصل وماهو ساهل وتلقى عنده هدية
ودايما تلقى قدامى ويخلف الكية
وفى طبعوا المناصيرزايدفيهو شوية

انا جيت 
ان شاء الله سيد الرايحة جمع
امير الامراء خليك قريب

داير اقول فوق الزول الرزين سعادتو صافى النية
دا بيت الكرم مطروق بالنهار وعيشة
بين ضيافنو يجرى ويتبسط وان جوهو المية ماهمية
هادى  ورزين مبتسم ومحدر الطاقية
 فاهم وسيد راى وشورتو ماتقع مرمية 
رافع من شان القبيلة وليها خالص النية
 وان جاهو العدو يطردوا بالزندية
ما برجع يتر يمين ان جاتو حتى  سرية
ومن الليلة هو القدامى ونحنا معاهو بس جنود ورعية
وليهو نقول ارضا سلاح ومننا ليك الف تحية

والله ابداع من كل المتداخلين ولكن جنابو سامى يتفوق على الجميع والباشمهندس صديق يبدع فى طريقة الالقاء والشيخ عباس ما ساهل ونحن ننتظر شاعر المناصير الكبير ود بروى فى توزيع الميداليات لهولائى المبدعين .

يسلموا المرور الرايعين كلهم بدون فرز
..............................
 ود جيب الله قال

ونستن بس حريم الكداد

أول يا ود جيب الله حريم الـكـُـدَادْ... ونستن كيفنها هي!

منتدانا نكوسلو العمار
ومره مره ندور الشمار
وللنبش ما شايلى طار
وكلو يا ناس ونسى وهظار
واعتذر لو نضمى كان حار

وقلنا ليكم نبقى سمار
واصلى بيكم انا ديمة بار
يا رجال منصور الكبار
انتوا ناس دين واصحاب وقار
انتو ارقى واصحاب قرار
ودار اقول لى ابيات قصار
**    * *     **   

فوقو سلمان عالى المقام
كمل الناقصى وليها تام
اللجان سيرا بانتظام
ما سمع لى زول ليهو ضام
فى تراثنا يجيد الكلام
ديمة فى الخير تلقى قدام
ينشد الود وداير الوئام
وداير احيى واغرى السلام

سامى سمح رزين يا ناس
شوف كلامو الجابو مقياس
مافى هم غيرلمة الناس
وفى الكرم ماخدلنا الكاس
وودعقيد سلمان اصلوراس
فى اللجان باقيلنا نبراس
اجتماعى وختالنا ساس
بى حديثو المليان تراث

الشكر لي سعادتو سامى الرافع الراس
وشعرو موزون حد المقاس
نحنا دابنا نتعلم فى العواس
والشكر مردوف لى شيخنا عباس
الادب راجيك فى الاساس
وحاشا ماسمعنابو نسناس
صافى نيتو رقيق وحساس

يسلم الارباب الرزين
يحفظك مولاى بياسين
نحن ساكت نكتب الحين
وانتو ناس الشعرالرصين
منتداكم بيه هامـــــين
فى شان الناس يجوراجعين
وحتى للغايبين بالسنين
بيهو نهنأ ونبقى طيبين