المناصير بلدي
الزائر الكريم مرحبا بك في منتدى المناصير بلدي
ان لم تكن مسجلا فيرجى الضغط على زر التسجيل وملء بياناتك لقبول عضويتك

رسالة من شاعر منصورى الى البشير وحزبه والى كل من يحاول أن يستهين بالمناصير ؟؟

استعرض الموضوع السابق استعرض الموضوع التالي اذهب الى الأسفل

رسالة من شاعر منصورى الى البشير وحزبه والى كل من يحاول أن يستهين بالمناصير ؟؟

مُساهمة من طرف نورالهادى في الإثنين 03 مارس 2014, 6:56 am

أنا بصراحة معجب بأشعار هذا الشاب المبدع وأشعاره. لأنها امتداد لأشعار شاعر القبيلة ود بروى .
من ديار منصور هاك خطاب
شيلو يا مرسال بيهو طوف
بشر الدايرنا بالخير
لى عدونا الكيه مخلوف
نيلنا يا ناس عاد معتذر
قالد الطين حيا الجروف
وشوف عِينى اتبنت البيوت
طوف محكر فوق ليهو طوف
بالنفير اتبنى ما انهدم
بالمعاول وفوق الكتوف
ديل عيال منصور يا جبان
طوعو النيل هزمو الظروف
مانى شاحدين اصحاب حقوق
وانت صاحب وعد مخلوف
نحنا معروفين من زمان
ناس شجاعة وشايلين سيوف
وللكرم وارثين من قبيل
نسند المحتاج وملهوف
ولو فى ظنك بكره نرحل
تبقى لا بتسمع لا بتشوف
مانى طالبين منك فضل
حق موثق باقى معروف
وكان لقيت السلطه فى اييدك
بكره بى تتسواوى الكتوف
بى نجيبا حقوقنا عنوه
بى اتحادنا وضم الصفوف
يوم صبرنا على ظلمكم
لانى جبنا ولا بينا خوف
لانو واعين بالمخاطر
والوطن شايلنو فى الجوف
ماهو قاسى نولع النار
وما هو قاسى نصف الصفوف
وللحرب نعلن يا جبان
للكتال بنضم الكفوف
زى نضال اجدادنا القبيل
ادبو الكلونيل بالسيوف
واسى كان درتوها نار نار
بكره يا ظالم بى تشوف
الرجال الموت يعشقو
وكيف حريمنا يدقن دفوف

نورالهادى
V.i.P
V.i.P

احترام قوانين المنتدى : 100

عدد المساهمات : 4904
نقاط : 26483
تاريخ التسجيل : 11/05/2010

الرجوع الى أعلى الصفحة اذهب الى الأسفل

رد: رسالة من شاعر منصورى الى البشير وحزبه والى كل من يحاول أن يستهين بالمناصير ؟؟

مُساهمة من طرف ابوسما في الإثنين 03 مارس 2014, 3:16 pm

الله الله

ابوسما
عضو متميز
عضو متميز

احترام قوانين المنتدى : 100

عدد المساهمات : 490
نقاط : 11166
تاريخ التسجيل : 08/05/2011

الرجوع الى أعلى الصفحة اذهب الى الأسفل

رد: رسالة من شاعر منصورى الى البشير وحزبه والى كل من يحاول أن يستهين بالمناصير ؟؟

مُساهمة من طرف علي الحمود في الثلاثاء 04 مارس 2014, 2:37 am

تحياتي الأخ نور الهادي وسلام مطبوق من زول كاتلو الشوق..
للأسرة الكريمة والأبناء الأعزاء وكل السودانيين الشرفاء معكم..
ذكرت مصادر صحفية أن زيارة البشير للمناصير قد تأجلت لأجل غير مسمى لولاية نهر النيل,كما عدت أن أسباب تأخير الزيارة أو تاجيلها كان بسبب إخفاق حكومة الولاية في إكمال المشاريع الخاصة بالمناصير أصحاب الخيار المحلي وذكرت بعض المصادر أن خلافات تدور في الولاية حول الموضوع.

أخي نور الهادي لقد فقد الشعب كله الثقة في هذه الطغمة الحاكمة وأنها تسابق زمن نهايتها لما جرته على هذه البلاد والعباد من الظلم والجور..

علي الحمود
عضو متميز
عضو متميز

احترام قوانين المنتدى : 100

عدد المساهمات : 664
نقاط : 9740
تاريخ التسجيل : 17/05/2012

الرجوع الى أعلى الصفحة اذهب الى الأسفل

رد: رسالة من شاعر منصورى الى البشير وحزبه والى كل من يحاول أن يستهين بالمناصير ؟؟

مُساهمة من طرف أبوسفيان خلف الله في الثلاثاء 04 مارس 2014, 4:28 pm

بجد شعر منظوم مقفي 
حمدو في بطنه
رساله قويه بجد

أبوسفيان خلف الله
ملـــــكي
ملـــــكي

احترام قوانين المنتدى : 100

عدد المساهمات : 2122
نقاط : 16381
تاريخ التسجيل : 17/07/2010
العمر : 44

الرجوع الى أعلى الصفحة اذهب الى الأسفل

رد: رسالة من شاعر منصورى الى البشير وحزبه والى كل من يحاول أن يستهين بالمناصير ؟؟

مُساهمة من طرف عادل شرري في الثلاثاء 04 مارس 2014, 11:03 pm

تسلم سفيرنا الهادي
هذا كلام رائع جدا جدا
ويستحق التلحين نشوف المهدي محمد خير الايام دي طالع في الكفر .
لكن من هو شاعر هذه القصيدة ؟؟؟
تسلم يازعيم

عادل شرري
عضو ذهبي
عضو ذهبي

احترام قوانين المنتدى : 100

عدد المساهمات : 1209
نقاط : 15114
تاريخ التسجيل : 14/05/2010

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى