المناصير بلدي
الزائر الكريم مرحبا بك في منتدى المناصير بلدي
ان لم تكن مسجلا فيرجى الضغط على زر التسجيل وملء بياناتك لقبول عضويتك

حكايات من الزمن الجميل

صفحة 1 من اصل 2 1, 2  الصفحة التالية

استعرض الموضوع السابق استعرض الموضوع التالي اذهب الى الأسفل

حكايات من الزمن الجميل

مُساهمة من طرف ابراهيم محمد سليمان في الخميس 20 فبراير 2014, 12:22 pm

اهلنا الغالين .. الزينين ..السمحين
كيفنكن عل ابوجعكن شي الله يقطع الواتساب والفيس الحرمننا من البيت الكبير .. غبنا كتير منكم لكن زي مابيقولوا كبارنا العرجي لي مراحا ... عدنا والعود احمد
عدنا لكي نعيش معكم الحاضر والمستقبل والماضي الجميل بكل زكرياته الجميلة وطيبة ناس البلد والجد والحبوبة ولعب الطاب وكركعت (بكسر الكافين) والشد وكبوت كبوت وشليل وين راح اكلو التمساح والرمي الحراسا والعوم والزلوقية و القرو  وبنيت الكاك حيكا حيكا والجروف والبينضوره الشمام والبتق والشريك(بكسر الشين والراء)..
ورود المويه بالجوز والعجب العجيب ان بقى البابور عطلان والحبس فاضي والبحر حدر وعود الجوز فيهو كعكي تسويلك دبره في فقهتك مليون في المية
ياسلاااااااأام على الزمن الجميل برغم القساوة وجميع هذه الاشياء التي زكرتها تصلح لكي تكون عنوان لقصة او حكاية جميلة او طرفة ..ولي عودة..


ابراهيم محمد سليمان
عضو مبدع
عضو مبدع

احترام قوانين المنتدى : 100

عدد المساهمات : 338
نقاط : 11145
تاريخ التسجيل : 02/04/2011

الرجوع الى أعلى الصفحة اذهب الى الأسفل

رد: حكايات من الزمن الجميل

مُساهمة من طرف مصباح محمد مصباح في الخميس 20 فبراير 2014, 12:54 pm

حمدا لله إبراهيم على سلامة العودة وما شاء الله جاي وعندك حنين للبلد.

مصباح محمد مصباح
كبار الشخصيات
كبار الشخصيات

احترام قوانين المنتدى : 100

عدد المساهمات : 1897
نقاط : 16246
تاريخ التسجيل : 14/08/2010

الرجوع الى أعلى الصفحة اذهب الى الأسفل

رد: حكايات من الزمن الجميل

مُساهمة من طرف ابراهيم محمد سليمان في الخميس 20 فبراير 2014, 1:12 pm

عمنا مصباح سلام ليك وللمعاك في الغربة قاعدين

ابراهيم محمد سليمان
عضو مبدع
عضو مبدع

احترام قوانين المنتدى : 100

عدد المساهمات : 338
نقاط : 11145
تاريخ التسجيل : 02/04/2011

الرجوع الى أعلى الصفحة اذهب الى الأسفل

رد: حكايات من الزمن الجميل

مُساهمة من طرف عباس محمد في الخميس 20 فبراير 2014, 2:34 pm

ظهر ابراهيم  زعيم القوم
دا المشاقق وحجر العوم
دا الكرم راجيهو مردوم
اصلو طيب وما عندو لوم
زكريانو جميلة  بالكوم
من بعد الغياب جاب الكلام منظوم

مشكور النائب ابراهيم على هذا الظهور
والكلام الطيب بهذه الذكريات الجميلة
والتى اثارت فينا شجونا قد دنت على النسيان




[ندعوك للتسجيل في المنتدى أو التعريف بنفسك لمعاينة هذا الرابط]

عباس محمد
مشرف
مشرف

الأوسمة مشرف منتدى شعراء المناصير

احترام قوانين المنتدى : 100

عدد المساهمات : 2245
نقاط : 16167
تاريخ التسجيل : 27/07/2010
العمر : 43

الرجوع الى أعلى الصفحة اذهب الى الأسفل

رد: حكايات من الزمن الجميل

مُساهمة من طرف سلمان عقيد النعوفابى في الخميس 20 فبراير 2014, 4:48 pm

مرحب بالاخ ابراهيم عاشق الارض والتراب المنصورى--وعاشق التراث---نهديك هذه المحاولة الجامعة لبعض الاشياء الجميلة القديمة المتاصلة---كتبتها فى بوست للاخ ود المناصير-وهى تشابه وتناسب هذا البوست-
واشريرى على الطلع لقدابتو وحارس الطير
واشريرى على المسك طوريتو وقع فى بارو حفير
واشريرى على النزل مندلى بينات التناقير
واشريرى على الشايلات صفائح ويردن عصير
واشريرى على رمى الجبابيد وشريك الزرازير
واشريرى على نور الرتاين والبوش ودق الطنابير
واشريرى على الموجة التطفر فى الحجرة تكتح تجدع الصير
واشريرى على حسيس الساقى ونبح البوابير
واشريرى على المصوبرعيشو يكيلو ويدى للغير
-------------------------------------
واشريري على الجرف الطمس لاودا لاجاب
واشريرى على السنطيحة والعميوقة ولى بصل الكلاب
واشريرى على كفان الكرارى وماروق العُقاب
واشريري على قييل التمر ولعبة الطاب
واشريرى على لعب الشد وكركعت وياغراب
واشريرى على العجينى والحريرى والترتار المن الشركة هواب
واشريري على الفرد صاريهو شرع فايت الكاب
واشريري على اللورى المستف واندلى بى حدر المسراب
واشريرى اللنش الظهر ومليان لى حدو ركاب
واشريرى على المرق خرفانو لى سوق النعوفاب




[ندعوك للتسجيل في المنتدى أو التعريف بنفسك لمعاينة هذا الرابط]

وطنى وهبتك مهجتى درعا
لنعلك من نجاسات الخيانة

سلمان عقيد النعوفابى
اداري
اداري

الأوسمة مشرف المنتدى الاجتماعي


احترام قوانين المنتدى : 100

عدد المساهمات : 2615
نقاط : 19634
تاريخ التسجيل : 01/04/2010

الرجوع الى أعلى الصفحة اذهب الى الأسفل

رد: حكايات من الزمن الجميل

مُساهمة من طرف الرشيد طه في الخميس 20 فبراير 2014, 4:54 pm

ابراهيم محمد سليمان كتب:اهلنا الغالين .. الزينين ..السمحين
كيفنكن عل ابوجعكن شي  الله يقطع الواتساب والفيس الحرمننا من البيت الكبير .. غبنا كتير منكم لكن زي مابيقولوا كبارنا العرجي لي مراحا ... عدنا والعود احمد
عدنا لكي نعيش معكم الحاضر والمستقبل والماضي الجميل بكل زكرياته الجميلة وطيبة ناس البلد والجد والحبوبة ولعب الطاب وكركعت (بكسر الكافين) والشد وكبوت كبوت وشليل وين راح اكلو التمساح والرمي الحراسا والعوم والزلوقية و القرو  وبنيت الكاك حيكا حيكا  والجروف والبينضوره الشمام والبتق والشريك(بكسر الشين والراء)..
ورود المويه بالجوز والعجب العجيب ان بقى البابور عطلان والحبس فاضي والبحر حدر وعود الجوز فيهو كعكي تسويلك دبره في فقهتك مليون في المية
ياسلاااااااأام على الزمن الجميل برغم القساوة وجميع هذه الاشياء التي زكرتها تصلح لكي تكون عنوان لقصة او حكاية جميلة او طرفة ..ولي عودة..


يا سلمان نايبك ده قلو يتكلم عربي




لأنـنـا نـتـقن الصــــمت حمــلونا وزر النـــوايا

الرشيد طه
اداري
اداري

الأوسمة مشرف المنتدى السياسي
مشرف منتدى الصحافة

احترام قوانين المنتدى : 100

عدد المساهمات : 2625
نقاط : 18871
تاريخ التسجيل : 15/04/2010

الرجوع الى أعلى الصفحة اذهب الى الأسفل

رد: حكايات من الزمن الجميل

مُساهمة من طرف صديق عبدالله علي أبوحنة في الخميس 20 فبراير 2014, 5:55 pm

رجع ود اللخت إبراهيم متألقاً وازداد ألقاً..

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31685
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: حكايات من الزمن الجميل

مُساهمة من طرف ابراهيم محمد سليمان في الخميس 20 فبراير 2014, 11:18 pm

الغالي الزعيم عباس
رفعت الراس..واخدت الكاس ..ودونت الشعر نبراس
بكم ومعكم نعيش الزكريات الجميلة ..

ابراهيم محمد سليمان
عضو مبدع
عضو مبدع

احترام قوانين المنتدى : 100

عدد المساهمات : 338
نقاط : 11145
تاريخ التسجيل : 02/04/2011

الرجوع الى أعلى الصفحة اذهب الى الأسفل

رد: حكايات من الزمن الجميل

مُساهمة من طرف انتصار حجازي في الجمعة 21 فبراير 2014, 12:52 am

والله ما شاء الله عودا حميدا
والعود احمد
ونووورت منتداك من تااااااااااااااااااانى




[ندعوك للتسجيل في المنتدى أو التعريف بنفسك لمعاينة هذه الصورة]

انتصار حجازي
مشرف
مشرف

الأوسمة مشرف منتدى المرأة والأسرة

احترام قوانين المنتدى : 100

عدد المساهمات : 1668
نقاط : 14877
تاريخ التسجيل : 19/01/2011

الرجوع الى أعلى الصفحة اذهب الى الأسفل

رد: حكايات من الزمن الجميل

مُساهمة من طرف ابراهيم محمد سليمان في الجمعة 21 فبراير 2014, 6:49 am

سلام تكسيه الخضره وتعطره رائحة القروعه في ايام شق العود وهبوب امشير يغشاك يالارباب ... ويجدك في دكان المدينة تنتظر حلة السوق ... ومااحلى طعم حلة السوق عند حبوبتنا المدينة بت سالم (الله يرحما)... مرورك اسعدنى ياسلمان..

ابراهيم محمد سليمان
عضو مبدع
عضو مبدع

احترام قوانين المنتدى : 100

عدد المساهمات : 338
نقاط : 11145
تاريخ التسجيل : 02/04/2011

الرجوع الى أعلى الصفحة اذهب الى الأسفل

رد: حكايات من الزمن الجميل

مُساهمة من طرف ابراهيم محمد سليمان في الجمعة 21 فبراير 2014, 6:54 am

قريبي الرشيد تجيد لغة الضاد وتجيد الكتابة الحديثة وتجيد الاقتباس (اعمل معروف زح بوستيك دا غادي مني)..

ابراهيم محمد سليمان
عضو مبدع
عضو مبدع

احترام قوانين المنتدى : 100

عدد المساهمات : 338
نقاط : 11145
تاريخ التسجيل : 02/04/2011

الرجوع الى أعلى الصفحة اذهب الى الأسفل

رد: حكايات من الزمن الجميل

مُساهمة من طرف ابراهيم محمد سليمان في الجمعة 21 فبراير 2014, 6:59 am

اووو....اووو الخال ابوحنة رجل من الزمن الجميل قل ان تجد مثله.. يفهم مانعي ومانكتب ارجوك اتحفنا بما تجيش به دواخلك عن تلك الايام الخوالي...

ابراهيم محمد سليمان
عضو مبدع
عضو مبدع

احترام قوانين المنتدى : 100

عدد المساهمات : 338
نقاط : 11145
تاريخ التسجيل : 02/04/2011

الرجوع الى أعلى الصفحة اذهب الى الأسفل

رد: حكايات من الزمن الجميل

مُساهمة من طرف ابراهيم محمد سليمان في الجمعة 21 فبراير 2014, 7:10 am

الغالية بت الغالي وزوجت الرجل الراقي منك نستمد القوة ومنكم عرفنا حب الوطن وهنا تجيش بخاطري لحظات وصول اول بص للمناصير وكنت حينها في الصف الثالث مدرسة عصمة الابتدائية وخرجت كل المدرسة في طابور لاستقبال المرحوم محمدحجازي (طيب الله ثراه) ومن حينها ظل رقما في خاطري ...

ابراهيم محمد سليمان
عضو مبدع
عضو مبدع

احترام قوانين المنتدى : 100

عدد المساهمات : 338
نقاط : 11145
تاريخ التسجيل : 02/04/2011

الرجوع الى أعلى الصفحة اذهب الى الأسفل

رد: حكايات من الزمن الجميل

مُساهمة من طرف (الحاج شرف) في السبت 22 فبراير 2014, 2:09 am

فجولينا  شويه
نرحب بالعوده الميمونه للمنتدى  والجابك يجيب عقابك
ونحن متاكدين انك ماتغيب كتير
اكيد مابتغيب
لانك مرتبط بالارض والبلد واهله




[img][/img]عندما انتهيت من صنع السفينه جف البحر [ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

(الحاج شرف)
اداري
اداري

الأوسمة مشرف المنتدى العام



احترام قوانين المنتدى : 100

عدد المساهمات : 1785
نقاط : 17064
تاريخ التسجيل : 22/04/2010

الرجوع الى أعلى الصفحة اذهب الى الأسفل

رد: حكايات من الزمن الجميل

مُساهمة من طرف ابراهيم محمد سليمان في السبت 22 فبراير 2014, 12:23 pm

تشكر ودشيخنا على الكلمات الجميلة دي .... ونسال الله نكون كذلك

ابراهيم محمد سليمان
عضو مبدع
عضو مبدع

احترام قوانين المنتدى : 100

عدد المساهمات : 338
نقاط : 11145
تاريخ التسجيل : 02/04/2011

الرجوع الى أعلى الصفحة اذهب الى الأسفل

رد: حكايات من الزمن الجميل

مُساهمة من طرف ابراهيم محمد سليمان في الإثنين 24 فبراير 2014, 9:14 pm

مما داعني لكتابة هذا الموضوع انه في احدي ايام الجمع الفائته جات ام محمد وقالت لي دقيق القمح كمل جيبو معاك وانا ماشي علي الطاحونه اصر محمد ابني ان يمشي معاي ..فعندما ركبنا العربية والدنيا صباح قالي يابابا شغل المكيف .. فسرحت بخيالي الي الزمن البعيد وانا في المرحلة الابتدائية وكانت الطاحونة فوقي اصلا نتبادل فيها انا وياسر اخوي كل مره علي واحد وفي الغالب بي يكون في نفر نفرين من ولاد الحله ونتلما ونركب حميرنا ونمشي ندقق في عصمه (طاحونة عزالدين ود عصمان العباس) وكان ماسكا عمنا موسى ود الحسين ونحنا ماكان عندنا خرج (بضم الخاء) بي يربطو لينا خرارات الدقيق من ريسيهن بي حبل الحماره ويشددوهن لينا فوق السرج ونركب فوقن من فوق . المهم اليوم داك علي حظي الشوم مافي زول ماشي الطاحونه غيري انا شددتا عيشي ومشيت براي والطاحونه كانت زحمه والشمس قربت تغيب وبقيت احنس في عم موسى عشان يدقق لي وانا خايف من وادي عصمة داك والدنيا ماشي ليل واكتر محل مخيف في راس الجبل وجم دومة ود الفكي في بير مهجوره اسمها (بير فرجي) قالوا مسكونة وفيها جن ولازم تجي بي جمبها والدرب جمبها ضيق في سارا في صفحة الدرب الغراره تحك فيها .المهم عمنا موسى لمن دقق لي وفكاني المغرب اذن ومن ركبت فوق حمارتي بقيت شايل هم للبير والوادي والحماره كمان تعجبك اماني ماها دغلي . اها لمن جيت عند البير ماخليت لي سوره ماقريتا وعلي شقاوتي الغراير موسى ماربطا كويس اول من صلتا السارا حكت الغراره واتملصت وقعت وهنا وقع حمار الشيخ في العقبة .. نواصل..

ابراهيم محمد سليمان
عضو مبدع
عضو مبدع

احترام قوانين المنتدى : 100

عدد المساهمات : 338
نقاط : 11145
تاريخ التسجيل : 02/04/2011

الرجوع الى أعلى الصفحة اذهب الى الأسفل

رد: حكايات من الزمن الجميل

مُساهمة من طرف الفكى احمد في الإثنين 24 فبراير 2014, 11:16 pm

الله يكون فى عونك ، الغُرَارَه المِن تالا السارا إتملصت والبير الخايف منها جنبك ،
حمدالله على السلامة أخونا إبراهيم وحقا ياله من زمن جميل .
كدى تم لينا الحكايى دى آخرتا كان شنو ؟
إن شاء الله خير ...

الفكى احمد
V.i.P
V.i.P

احترام قوانين المنتدى : 100

عدد المساهمات : 1979
نقاط : 16678
تاريخ التسجيل : 24/06/2010

الرجوع الى أعلى الصفحة اذهب الى الأسفل

رد: حكايات من الزمن الجميل

مُساهمة من طرف عبد الحفيظ النافعابي في الإثنين 24 فبراير 2014, 11:50 pm

أخي إبراهيم محمد سليمان السلام عليكم ورحمة الله وبركاته لك التحايا العطرات ولزوارك الأعزاء . موضوعك جميل ودسم وفيه خيارات وأبواب عديده ، لكن قصة الحماره والدقيق والغراره ذكرتني حادثه وقعت وهي شبيه بها كان ذلك في مطلع الستينات من القرن الماضي المكان خلا أرض القاش نواحي وقر كنت وقتها في بدايات مرحلة الإبتدائي كان الوالد رحمه الله عنده مقولات لعمل ردميات على مساقي ومجاري وترع مشروع القاش العمل فيها يتم بالايدي العامله مجموعات من الرجال كل مجموعه تسمى التايه موزعون على مسافات متباعده قد تصل لكيلو مترات والعمل يدوي عن طريق الطواري والكواريق والتحميل بالقفاف للردميه . كان واجبي في تلك السن أن أوزع على هذه التايات الماء بالخرج  وأحمل ما يلزمهم من أغراض لزوم الإعاشه عن طريق الحماره وفي إحدى المرات وأنا راجع من آخر تايه وراكب الحماره وحامل معي فوارغ الأغراض عند مرور الحماره بالقرب من شجره دشه غزيره فإذا بورر كبير يخرج من تحتها وينتفش على الحماره فإذا بها تجفل بقفذه عاليه وتطرحني ارضاً وتجري في إتجاه البلد وتتركني لحالي مع الورر والخلاء وآثار الوقعه من كدمات وظليت بعد مده فقت من الذهول وتمالكت نفسي وعدت كداري للبلد رغم بعد المسافه ولكن كان ذلك في وضح النهار . بارك الله فيك أخي إبراهيم أعدتنا لذكريات جميله في زمن جميل واصل السرد سدد الله خطاك
[size=18.6667] [/size]

عبد الحفيظ النافعابي
موهوب
موهوب

الأوسمة عضو جديد

احترام قوانين المنتدى : 100

عدد المساهمات : 284
نقاط : 11227
تاريخ التسجيل : 14/03/2011
العمر : 63

الرجوع الى أعلى الصفحة اذهب الى الأسفل

رد: حكايات من الزمن الجميل

مُساهمة من طرف علي الحمود في الثلاثاء 25 فبراير 2014, 12:56 am

الأخ (إبراهيم)تحيات عطرات ومرور لا بد منه للأسباب الآتية:
مواضيعك(تلمس)الزول و(تسافر)بيهو (توديهو)هناك ..
قربت من (الطيب صالح)بس بعض المساعدات من قريبك الصحفي الرشيد..
عشقك متفرد لأنك تحمله معاك في (الدعه والنعيم)والظروف الصعبه..
هذا هو الإحساس الطبيعي لأي منصوري (قح)ما منتسب..
الزول الما بستمتع بـ(الغراره بتاعة الدقيق والطاحونة والبئر المسكونة والدروب الوعره)عليه مراجعة منصوريته أو الرجوع لخبير مثلك..
عشان ما يتشالقو لينا ساكت وتخرب هويتنا..
كل المرور بي جاي ناس حلوين عجيبين نريدم شديد..
تحياتنا ليك ولي ضيوفك على هذا البوست وتحيات للأسرة الكريمة..

علي الحمود
عضو متميز
عضو متميز

احترام قوانين المنتدى : 100

عدد المساهمات : 664
نقاط : 9755
تاريخ التسجيل : 17/05/2012

الرجوع الى أعلى الصفحة اذهب الى الأسفل

رد: حكايات من الزمن الجميل

مُساهمة من طرف سلمان عقيد النعوفابى في الثلاثاء 25 فبراير 2014, 2:24 am

الشكر لصاحب البوست--ولكل المعقبين---الطاحونة---ايام جميلة ايام جميلة يا ابراهيم وسردك جميل--لكن ياهندسة برضو قصتك حلوة جدا ولو كان فى البلد بالتاكيد ان غنوا ليك---ورر وقعة--دى غنية جاهزة




[ندعوك للتسجيل في المنتدى أو التعريف بنفسك لمعاينة هذا الرابط]

وطنى وهبتك مهجتى درعا
لنعلك من نجاسات الخيانة

سلمان عقيد النعوفابى
اداري
اداري

الأوسمة مشرف المنتدى الاجتماعي


احترام قوانين المنتدى : 100

عدد المساهمات : 2615
نقاط : 19634
تاريخ التسجيل : 01/04/2010

الرجوع الى أعلى الصفحة اذهب الى الأسفل

رد: حكايات من الزمن الجميل

مُساهمة من طرف عبد الحفيظ النافعابي في الثلاثاء 25 فبراير 2014, 3:05 am

الإخوان المتداخلين في بوست إبراهيم حياكم الله وبارك فيكم يا ارباب أوع من الغنى نحن ما حمله وما بنعرف نرد مثله لكن اي تعليق قبلاننه مسبقاً ، شكراً على مرورك .

عبد الحفيظ النافعابي
موهوب
موهوب

الأوسمة عضو جديد

احترام قوانين المنتدى : 100

عدد المساهمات : 284
نقاط : 11227
تاريخ التسجيل : 14/03/2011
العمر : 63

الرجوع الى أعلى الصفحة اذهب الى الأسفل

رد: حكايات من الزمن الجميل

مُساهمة من طرف ابراهيم محمد سليمان في الثلاثاء 25 فبراير 2014, 12:21 pm

لي الفخر ان يمر علي هذا البوست عمالقه وزعامات امثالكم( الفكي .. النافعابي وقصتك جميلة وسوف تكون مدخل لي لقصة اخرى .. الارباب .. علي الحمود) مروركم يزيدنا قوة ومنكم عرفنا معنى حب ايام الصبا والزكريات الجميله التي سوف تظل ناقوسا ندق عليه كلما جار علينا الزمان...نواصل..  

ابراهيم محمد سليمان
عضو مبدع
عضو مبدع

احترام قوانين المنتدى : 100

عدد المساهمات : 338
نقاط : 11145
تاريخ التسجيل : 02/04/2011

الرجوع الى أعلى الصفحة اذهب الى الأسفل

رد: حكايات من الزمن الجميل

مُساهمة من طرف مصباح محمد مصباح في الثلاثاء 25 فبراير 2014, 1:12 pm

استاذنا إبراهيم لك التحية وتسلم على السرد الجميل وأحب أن أطمأنك ، فطالما أنت ابن محمد سليمان فتأكد لن تصاب بمكروه يضرك ولكن طبعا شلاقة الطفولة والاستعجال وعدم الدراية قد توقعك في بعض العثرات.
بخصوص البئر المسكونة ناس البلد كانت عندهم حكايات مثل هذه كثيرة وأظن أن القصد منها كان منع أبنائهم من حوامة الليل، فيقولون الجبل الفلاني مسكون الدومة الفلانية عندها كلب يظهر فجأة للناس . التنقير الفلاني تقابلك فيه بقرة وهكذا كانت حكايات تسرد وقصص تحكي لتخويف الأطفال.

مصباح محمد مصباح
كبار الشخصيات
كبار الشخصيات

احترام قوانين المنتدى : 100

عدد المساهمات : 1897
نقاط : 16246
تاريخ التسجيل : 14/08/2010

الرجوع الى أعلى الصفحة اذهب الى الأسفل

رد: حكايات من الزمن الجميل

مُساهمة من طرف ابراهيم محمد سليمان في الثلاثاء 25 فبراير 2014, 1:20 pm

نواصل ما انقطع من حديث قلنا : الغراره حكت في السارا وقعت والدقيق قمح ومريف وكل غراره فيها ربعين اها اخوكم ورط ورطة عجيبه لو ربط الغرارتين في الواطا مابقدر ارفعن الاتنين ولو رفعتهن فوق السرج عشان اربطن ارفع الاولى امشي للتانية الاولى تقع والبير اديتا ضهري عشان ما اشوف شئ المهم انا في هذه المعاناة قررت اما الرجوع الى عصمه اجيب زول يرفع لي اوارفع عراره واحدة امشي بيها ... في هذه اللحظة ربك رب الخير جاب لي موسى خلف الله من عصمة العساسبر كان عسكري جاي ماشي علي اهلو يعني عكس اتجاهي .. والدنيا خلاص ضلمت وانا لسع مشواري طويل اثر الخوفه مامرق مني .غايتو غمتا عيوني وخليت الحمارا ماشي براها وبعد خلاص قربت لي اهلي وبقيت شايف البيوت الحمارة فجاة جفلت بي طريقة غريبه من شي كان قداما .. عاينتا لي الشي دا كديس ما كديس طيرا مو طيرا دا شنو الوشي وشي كديسي وليها جنحين فجاة المثيبة دي طارت لكن بعد ماطيرت قلبي ومن وقتها عرفتها دي البومي البي يحكولنا بيها انها ترضع الصغار .. المهم انا لما وصلتا اهلي ماكان عندي حيل امشي بيهو وانزل بيهو الدقيق ولا اربط بيهو الحمارا دخلتا الحمارا في الحوش بي دقيقا وكبستا العنقريب امي تسوي لي ياولد امش اربط الحمارا دي وعشهاوانا حلفتا من عنقريبي ماانزل .. ومحمد ولدي صاقعني يابابا شغل المكيف .. هي عليك الله طاحونه يمشو ليها بي اكسنت 2012 وقمح مربطنو في كيسات دا ليهو طعم.. ونواصل..

ابراهيم محمد سليمان
عضو مبدع
عضو مبدع

احترام قوانين المنتدى : 100

عدد المساهمات : 338
نقاط : 11145
تاريخ التسجيل : 02/04/2011

الرجوع الى أعلى الصفحة اذهب الى الأسفل

رد: حكايات من الزمن الجميل

مُساهمة من طرف ابراهيم محمد سليمان في الثلاثاء 25 فبراير 2014, 1:26 pm

عمنا مصباح مرورك يزيدنا قوة ويجعلنا نبحر في عالم الزكريات الجميلة وايام الطفوله التي نعتز بها كثيرا ..

ابراهيم محمد سليمان
عضو مبدع
عضو مبدع

احترام قوانين المنتدى : 100

عدد المساهمات : 338
نقاط : 11145
تاريخ التسجيل : 02/04/2011

الرجوع الى أعلى الصفحة اذهب الى الأسفل

رد: حكايات من الزمن الجميل

مُساهمة من طرف صديق عبدالله علي أبوحنة في الثلاثاء 25 فبراير 2014, 1:31 pm

حكاوي طاعمة لا ود اللخت
 لا نملك إلا أن نسجل إعجابنا

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31685
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: حكايات من الزمن الجميل

مُساهمة من طرف ابراهيم محمد سليمان في الثلاثاء 25 فبراير 2014, 1:34 pm

ياجماعه ناسف لبعض الاخطاء الاملائية وذلك يرجع لحرارة الموضوع والاستعجال (الاعتزار دا لانو البلد فيها مفتش )

ابراهيم محمد سليمان
عضو مبدع
عضو مبدع

احترام قوانين المنتدى : 100

عدد المساهمات : 338
نقاط : 11145
تاريخ التسجيل : 02/04/2011

الرجوع الى أعلى الصفحة اذهب الى الأسفل

رد: حكايات من الزمن الجميل

مُساهمة من طرف ابراهيم محمد سليمان في الثلاثاء 25 فبراير 2014, 1:35 pm

ياجماعه ناسف لبعض الاخطاء الاملائية وذلك يرجع لحرارة الموضوع والاستعجال (الاعتزار دا لانو البلد فيها مفتش )

ابراهيم محمد سليمان
عضو مبدع
عضو مبدع

احترام قوانين المنتدى : 100

عدد المساهمات : 338
نقاط : 11145
تاريخ التسجيل : 02/04/2011

الرجوع الى أعلى الصفحة اذهب الى الأسفل

رد: حكايات من الزمن الجميل

مُساهمة من طرف ابراهيم محمد سليمان في الثلاثاء 25 فبراير 2014, 1:39 pm

الخال ابحنه الاعجاب وحدو ابحلك مني اسخى واطلق سن اليراع لما تجيش به الدواخل من زكريات جميلة...

ابراهيم محمد سليمان
عضو مبدع
عضو مبدع

احترام قوانين المنتدى : 100

عدد المساهمات : 338
نقاط : 11145
تاريخ التسجيل : 02/04/2011

الرجوع الى أعلى الصفحة اذهب الى الأسفل

رد: حكايات من الزمن الجميل

مُساهمة من طرف صديق عبدالله علي أبوحنة في الثلاثاء 25 فبراير 2014, 1:44 pm

ههههههههه
جاييك يا ود اللخت.

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31685
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: حكايات من الزمن الجميل

مُساهمة من طرف صديق عبدالله علي أبوحنة في الثلاثاء 25 فبراير 2014, 1:52 pm

كانوا يا ابراهيم يحملونا مسؤولية أكبر من سننا
 هذه الحكاية أتعبتنا... لكن نجضتنا..
 عمرك سبعة سنوات تعمل كل شئ..
.........
 حتى المدرسة تكون مسؤول عن نفسك مسؤولية تامة
 ونحن كنا في الداخلية ما نجي أهلنا إلا بعد أسبوعين..
 هسي دي أنا ولدي أبي عمرو 9 سنوات لسه يرقد معانا في السرير.. أنا وأمو وعايز يعملوا ليهو أي حاجة.. ويصحوه ويبولوه .. ويوصلوه المدرسة ويرجعوه منها.. ولا يقدر على غرارة ولا دقيق ولا طاحونة ولا غيرو..
ياخي زمان بت عمرها ثمانية سنوات ممكن تعوس كسرة الحلي كلها..

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31685
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: حكايات من الزمن الجميل

مُساهمة من طرف صديق عبدالله علي أبوحنة في الثلاثاء 25 فبراير 2014, 5:08 pm

الوقت صيف.. والدميرة.. جولة أولاد حاج الماحي المعتادة كل سنة لأهلهم المناصير..  المواصلات الوحيدة كانت لنش عبد الله الحنوني... ولوري أحمد الحسن عثمان من شري..
 المكان : قرية أم عطرون وقرية البرجوب..
 الزمان: لا أذكر تحديداً ولكن أغلب الظن يقع بين هذه السنين.. 1970 أو 1971 أو 1972 كنت شاباً صغيرا.. في المتوسطة بأبوحمد.. أعمل مع الوالد في اللنش موسم الإجازة..
  المناسبة: زواج بشير شقيق الحاج الرجل العالم العارف المتواضع محمد سليمان.. قريبنا.. الرجل الذي حجا12 حجة لبيت الله الحرام.. وتوفى وعمره 38 عاما.. رحمه الله رحمة واسعة ونفعنا بجاهه
 تربطنا بآل نصر الدين.. قرابة النسب من الحريم.. من الشلال.. ومن شرري..
 تربطنا بآل نصر الدين ، الصداقة  الشديدة والمحبة الدينية الشديدة والعشرة.. والجيرة والمزاج المتقارب.. كل أولاد نصر الدين
 كذلك تربطنا مع ولاد سليمان ( ولاد أب زياني ) أحمد سليمان ومحمد سليمان . القرابة.. من جهة الأب ومن جهة الأم..  الحنانين أساسًا ينحدرون من عدة جهات.. وهباب من أعراب كبنة.. وملاغيم من ملاغيم حوش فرنيب.. وسليمانية من السناقرة..
 أب زياني جد محمد سليمان خال  جدي أبو أمي طوالي.. حبيب حسب الله.. وحتى قبل الإغراق سليمان كان يطلع لنا حقنا. مع جملة ما يطلعه من حق الأعراب. مخافة الله.. حتى عفا له شقيقنا وصاحبه عمر. عبد الله  رحمه الله.. عن ذلك.. وقال ليهو أصلها أرباع تمر ما تتعب فيها روحك..
 كذلك أب حنة  خال ود أب ياني الكبير ود أعم أمو طوالي..
  ثم علاقتنا الخاصة مع محمد سليمان
 سنة 1963  نجح شقيقي عمر وأختاروه في مدرسة كريمة الصناعية الوسطى.. رفضت الحاجة بت المليك أن يقعد عمر في الداخلية ولازم يقعد معاهم.. ومشت جابت بت المليك شنطتو من الداخلية.. ورفضت يرجع الداخلية.. رغم الجواب الذي كتبه الوالد من البلد وقال لى بت المليك. نحن نقدر شعورك.. لكن الولد كدا ما حاينجح من الدلع.. خليهو يسكن في الداخلية ويجيكم كل خميس وجمعة.. عشان صالونكم  وأولاد القهوة والمطعم.. ويلقى الونسي وينسا قرايتو..
 رفضت بت المليك في جواب شديد اللهجة.. وقالت للوالد الولد ما ولدك.. الولد ولدي أنا
..
 جاء خطاب آخر مرافق لخطاب الحاجة بت المليك من الرجل العاقل محمد سليمان يقول للوالد.. أنا عارف الولد هنا حا يلقى اللعب والونسة ويصر يشتغل معانا في القهوة وينسى دراستو.. بالرغم من محبتي إنو يسكن معانا.. والداخلية فرصها نادرة وأولاد الشوايقة يتكابسوا عليها..  عشان كدا ياقريبي لازم تحضر أنت بنفسك عشان تقنع زولتك دي؟ أنا داير الولد معانا.. لكن لا قدر الله لو سقط بعدين ضميري يأنبي.. وهي مسؤولية..
 كان معروف سنة بعد سنة في الصيف يقوم الوالد بزيارة الى قريبه محمد سليمان في كريمة. من أجل التواصل ومن أجل عشق النبي صلى الله عليه وسلم.. ومن أجل المديح.. وأولاد حاج الماحي منزلتهم صالون محمد سليمان.. وما يجوا كريمة إلا يعملوا ليالي وليست ليلية عند محمد سليمان..
 ومحمد سليمان وعبد الله الحنوني يطربون للرقيص في الليليات... يرقصوا  وكانوا رقاصين بجد وأنا وقتها طفل في ثانية ابتدائي..  ونعمة بت المليك تزغرد ليهم.. بطول حسها.. وتقول ليهم يا ولاد خلاص أمرقوا من الدارة لايسحروكم..
...
 ثم جاء الصيف في ذلك الزمن وجاء عرس بشير وجاء أولاد حاج الماحي.. وجاييك أنا أواصل السيرة باللنش من أم عطرون وحتى البرجوب

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31685
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: حكايات من الزمن الجميل

مُساهمة من طرف صديق عبدالله علي أبوحنة في الثلاثاء 25 فبراير 2014, 5:14 pm

أولاد حاج الماحي الذين أحيوا عرس بشير
هم
المجذوب حاج الماحي
 أحمد الماحي
 الماحي المجذوب حاج الماحي

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31685
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: حكايات من الزمن الجميل

مُساهمة من طرف صديق عبدالله علي أبوحنة في الثلاثاء 25 فبراير 2014, 6:11 pm

أنا شخصيا ما شفت العريس بشير... وأنا صغير لا أذكر يبدو لى عقدوا عليها وودوها البرجوب.. ومن هناك سافرت كريمة؟ لا أدري.. إلا يسأل لينا  عن الحكاية دي وتاريخها الزعيم عبد الغني الحسن أحمد نصر الدين.. يبدو لى العريس ما جاء البلد..
 المهم عمنا نصر الدين   زول ختمى على السكين.قال ما عاوز جوطة. الحفلة  بأولاد حاج الماحي.. غير لحم الليلية.. وقبل ما يعرفوا الناس فطور العريس.. قاموا الصباح مع الشاي ونحنا بايتين في أم عطرون. قام البي يضبح يضبح  والبي يسلخ يسلخ.. ضبحوا خروفين.. ونجضوهن بي بعضن في حلتين كبااار.. لحم مقلّب بي بعضو نوع داك الفيهو نقـّاع في قعر الحلة.. الحلتين النوع الكبار داك الفيهو أربعة قرون..  وتلاتة  صواني معييوس فيهن فطير قمح بلد الأحمر داك.. نوع الفطير الطرفو ناشف يقرمش داك..
 في الأول فطرنا بدري نحن منو مع المداديح.. وبعدين اللنش فيهو أوضة نسائية مفرشة بالمراتب فيها ثلاثة سراير.. جن الحريم معاهن بت الخبير وعدد كبير من الحريم شايلات الحلل ديل دخلنهن في الأوضة معاهن بنات نصر الدين الأخريات و حريم من ناس ود زبير.. والحاجي بت زبير..  دخلوا العروس ومعاهن الحلل والفطير في الأوضة بتاعة اللنش
 وعمنا نصر الدين يصدر توجيهاته... وقال دا فطوركم في البرجوب تشيلوه معاكم..
 وقال أولاد حاج الماحي واللنش ماشي بالبحر ما يقيفوا من المديح لامن يصلوا البرجوب.. ونصر الدين ما مشى معانا البرجوب.. ركزنا اللنش في جزيرة البرجوب.عشان الخوي داك بتاع الموية فيهو حجار اللنش ما بيركز فيهو.. وبعض الشباب من أم عطرون مبارننا بالحمير بالسهلي.. عشان فيها لحم وفطير بعدين.جينا لقينا قرية البرجوب زغاريت وكل القرية مكبوبة في حجيرة البحر تستقبل العروس.. ربطنا اللنش وطلعنا برضو لقيناهم ضابحين. أقمنا ليلية.. بيتنا.. الصباح برضو ضبحوا وملوا الحلل بتاعة نصر الدين لحم بنفس الطريقة.. وقالوا دا فطور الحريم الراجعات الجن مع العروس.. ركزنا في أم عطرون..  مافي زول جاء في خاطروا حق اللنش والأجرة زي ما الناس بتاعين المراكب بيفكروا هسي دي. الحكاية دي كلها معروف ضمنيا أنها ببلاش واحتفاءا بالعريس وما دار في خاتر واحد من المجموعة أنها مدفوعة الأجر.. بل لو واحد مدا يدو لأجرة لنش كانت الحكاية خربت للآخر.. لأنو الحكاية بين أهل ما فيها أي أجر..
 رجعنا الحريم أم عطرون.كمان ناس أم عطرون استقبلونا عند حجيرة البحر.. نصر الدين حلف قال حلة من حلل الناشف ومعاها صينية فطور تمشى الحنانين..
 ركزنا أولاد حاج الماحي في شري.. كان اليوم ليلية زينب أم رماد أم ود عكر.. حتى هي خايفي تكرر وتحذر ورسلت لينا ولد في البرجوب  بالحمار وقالت كل شئ ولا يوم ليليتي أوعكم مع العرسان تفيتوا يوم ليليتي وخاصة أنو أولاد كان الماحي بعد عرس بشير دا بقت أيامهم معدودة في البلد وكان مأخرهم عرس بشير.. رجعنا الحنانين وبالليل جينا الليلي. ورجعنا بيتنا في الحنانين
 والصباح جينا أخدنا أولاد حاج الماحي للطويني عشان لوري أحمد الحسن يوديهم الكاسنجر
 كانوا لما ودعناهم في الطويني يبكوا والله بحرقة من شدة الليالي الطيبة والمحبة والتقدير الوجدوه عند المناصير والمحبة والعشق النبوي.. يبكوا ولسانهم يلهج بالشكر..

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31685
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: حكايات من الزمن الجميل

مُساهمة من طرف الفكى احمد في الأربعاء 26 فبراير 2014, 5:53 am

ياسلااام حقا زمن جميل ماليهو مثيل ، أبشروا جاكم أبحنة يملاها ليكم لامن تميل .
ماشاء الله عشنا وسُحنا مع السيرة والليليى عند الحاجة زينب رحمها الله ...

الفكى احمد
V.i.P
V.i.P

احترام قوانين المنتدى : 100

عدد المساهمات : 1979
نقاط : 16678
تاريخ التسجيل : 24/06/2010

الرجوع الى أعلى الصفحة اذهب الى الأسفل

رد: حكايات من الزمن الجميل

مُساهمة من طرف ابراهيم محمد سليمان في الأربعاء 26 فبراير 2014, 12:39 pm

لافض فوهك الخال ابو حنه وفعلا دي ايام لايمكن ان يمن علينا الزمان بمثلها ثانيتا ... بالامس ذهبت الي الوالده وقرات لها كل كتاباتك عن زواج اختها مريم وعاشت اجمل الزكريات مع ذالك الزمان وقالت هي ومحمد نصر الدين اخوها كانوا يشولتو لي مدرسة شري وكان عاوزين يركبو معاكم اللنشي لكن انتو اتحركتو بدري بعد صلاة الصبح وقالت الصباح ادوهم فطورن في بستلة للمدرسة بي بكابت تمر ولحم عقاب زوادة السفار..

ابراهيم محمد سليمان
عضو مبدع
عضو مبدع

احترام قوانين المنتدى : 100

عدد المساهمات : 338
نقاط : 11145
تاريخ التسجيل : 02/04/2011

الرجوع الى أعلى الصفحة اذهب الى الأسفل

رد: حكايات من الزمن الجميل

مُساهمة من طرف علي عبدالله الأمامي في الأربعاء 26 فبراير 2014, 12:56 pm

اهلآ بعودتك يامبدع ونورت المنتدي بمشاركاتك المميزه والشيقه

علي عبدالله الأمامي
عضو رائع
عضو رائع

احترام قوانين المنتدى : 100

عدد المساهمات : 248
نقاط : 8651
تاريخ التسجيل : 13/06/2012

الرجوع الى أعلى الصفحة اذهب الى الأسفل

رد: حكايات من الزمن الجميل

مُساهمة من طرف مصباح محمد مصباح في الأربعاء 26 فبراير 2014, 1:04 pm

ما شاء الله يا إبراهيم دخل عليك أبو حنة بتقيله وبعد ده نقعد نتفرج الراجل رجعنا لكريمة وذكريات كريمة ويا ابني إبراهيم (زكريات ) بالذال وليست بالزين كما تكتب. لا ننسى ذكريات كريمة التي قضينا فيها ثلاث سنوات للدراسة في كنف والدكم الكريم الذي دائما ما أعتز به كثيرا ذلك الرجل الذي كان أبا لكل المناصير في كريمة. ودائما ما كنت أذكر ذلك لأخيك طارقا الذي رافقتي في إحدى حجاتي لبيت الله الحرام حيث رأيت العجب ولا أخفي عليك إن قلت لك رأيت بركة ذلك الشباب وكنت أعلل ذلك بقوله تعالى ( وكان أبوهما صالحا ) التي وردت في سورة الكهف . فالله نسأله أن يجمعنا معكم أولاد محمد سليمان في أيام طيبة قادمة.

مصباح محمد مصباح
كبار الشخصيات
كبار الشخصيات

احترام قوانين المنتدى : 100

عدد المساهمات : 1897
نقاط : 16246
تاريخ التسجيل : 14/08/2010

الرجوع الى أعلى الصفحة اذهب الى الأسفل

رد: حكايات من الزمن الجميل

مُساهمة من طرف ابراهيم محمد سليمان في الأربعاء 26 فبراير 2014, 3:10 pm

علي الامامي مرورك يسعدني ويزيدني قوة لكي ابحر في عالم الزمن الجميل..

ابراهيم محمد سليمان
عضو مبدع
عضو مبدع

احترام قوانين المنتدى : 100

عدد المساهمات : 338
نقاط : 11145
تاريخ التسجيل : 02/04/2011

الرجوع الى أعلى الصفحة اذهب الى الأسفل

رد: حكايات من الزمن الجميل

مُساهمة من طرف ابراهيم محمد سليمان في الأربعاء 26 فبراير 2014, 3:10 pm

علي الامامي مرورك يسعدني ويزيدني قوة لكي ابحر في عالم الزمن الجميل..

ابراهيم محمد سليمان
عضو مبدع
عضو مبدع

احترام قوانين المنتدى : 100

عدد المساهمات : 338
نقاط : 11145
تاريخ التسجيل : 02/04/2011

الرجوع الى أعلى الصفحة اذهب الى الأسفل

رد: حكايات من الزمن الجميل

مُساهمة من طرف صديق عبدالله علي أبوحنة في الأربعاء 26 فبراير 2014, 11:36 pm

كمان دخلوا عليك الناس البي يستطعموا القراية يا ود اللخت.. ناس الفكي ومصباح وود الإمامي
 يا زول زي ما قالت ليك  الحاجة.. قمنا صلاة الصبح من أم عطرون.. وهم فعلا الحاجة ومحمد نصر الدين كان مفروض يمشوا معانا ننزلهم في شري.. للمدرسة.. لكن   قالوا خلوهم ينوموا شوية مساهرين بالليل وبعدين يمشوا بي راحتن..
 يا زول هن ناموا الناس اليوم داك؟ نحن النمنا.. يمدحوا للصباح.. وبعد داك قاموا ضبحوا خروفين الزوادة  والمعسيبا لغاية الصباح.. محمد نصر الدين كان نايم جنبي في الخشخاشة برة .. الديوان كانوا نايمين فيهو ولاد حاج الماحي.. نحن مفرشين لينا برش برة ومجدعين فوقو..
 بس قاموا نهزونا لى صلاة الصبح.. وقالوا رحوا فرشوا الأوضة بتاعة اللنش للعروس والحريم المعاها..
محمد رجع نام تاني ما نزل معاي البحر.. نزلنا نحن مجموعة لا أذكرهم.. ختينا سقالتين بدل سقالة واحدة تمر عليها العروس..  وأرجيناهم دورنا المكنة بتاعة اللنش عشان تسخن..

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31685
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: حكايات من الزمن الجميل

مُساهمة من طرف صديق عبدالله علي أبوحنة في الأربعاء 26 فبراير 2014, 11:47 pm

الله يديها العافية الوالدة يا إبراهيم هذه المرأة الصالحة.. والحمد لله أنها متذكرا هذا الكلام الذي أحكي فيه أنا.. وقول ليها صديق يسلم عليكي ولازم أسجل ليك زيارة. وفيها نستلهم التراث منك.. وطمنها على وضع الباش مهندس أحمد.. وإنو الحمد لله استقر في شغلو تمام في دبي

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31685
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: حكايات من الزمن الجميل

مُساهمة من طرف ابراهيم محمد سليمان في الخميس 27 فبراير 2014, 1:02 am

استاذنا وعمنا الغالي الدكتور مصباح عذرا على الاخطاء لانو اساتذة اللغه العربية لايحتملون فيها الخطا ..
بالمناسبه اليوم التقيت باخي طارق واطلع على مداخلتك ويسلم عليك كتير وعلى الاسره .

ابراهيم محمد سليمان
عضو مبدع
عضو مبدع

احترام قوانين المنتدى : 100

عدد المساهمات : 338
نقاط : 11145
تاريخ التسجيل : 02/04/2011

الرجوع الى أعلى الصفحة اذهب الى الأسفل

رد: حكايات من الزمن الجميل

مُساهمة من طرف ابراهيم محمد سليمان في الخميس 27 فبراير 2014, 1:06 am

عمنا وخالنا ابوحنه مداخلاتك لها طعم خاص وخرتايتك لليلي ملاني واصل ونحن من خلفك.

ابراهيم محمد سليمان
عضو مبدع
عضو مبدع

احترام قوانين المنتدى : 100

عدد المساهمات : 338
نقاط : 11145
تاريخ التسجيل : 02/04/2011

الرجوع الى أعلى الصفحة اذهب الى الأسفل

رد: حكايات من الزمن الجميل

مُساهمة من طرف الفكى احمد في الخميس 27 فبراير 2014, 3:19 am

رحم الله الحاج محمد سليمان ودابزيانى كما يحلو لأهلنا أن يسموه ، كان رجلا بكل ماتعنيه
هذه الكلملة ، أول محط لنا فى كريمه بعد نزولنا من القطار معية الوالد والعم القميرى ،
كان أول مكان ذهبنا إليه قهوة العم محمد سليمان رحمه الله فى أول مشوار بالمدارس الوسطى
وكان يعمل بالمقهى بشير ومحمد وكان يؤمها الكثير نسبة لصدق وكرم ومحبة الجميع للعم محمد
سليمان رحمه الله ...

الفكى احمد
V.i.P
V.i.P

احترام قوانين المنتدى : 100

عدد المساهمات : 1979
نقاط : 16678
تاريخ التسجيل : 24/06/2010

الرجوع الى أعلى الصفحة اذهب الى الأسفل

رد: حكايات من الزمن الجميل

مُساهمة من طرف ابراهيم محمد سليمان في الخميس 27 فبراير 2014, 5:14 am

جزيت خيرا عمنا الفكي على هذه الاطلاله .. وحقيقه الوالد رحمة الله عليه ترك لنا ارث نفتخر به مادمنا على هذه البسيطة والحمد لله من قبل ومن بعد ونسال الله يجعله في الفردوس الاعلى..

ابراهيم محمد سليمان
عضو مبدع
عضو مبدع

احترام قوانين المنتدى : 100

عدد المساهمات : 338
نقاط : 11145
تاريخ التسجيل : 02/04/2011

الرجوع الى أعلى الصفحة اذهب الى الأسفل

رد: حكايات من الزمن الجميل

مُساهمة من طرف ابراهيم محمد سليمان في الجمعة 28 فبراير 2014, 2:37 pm

ريحة اللقيمات العصييير قريب المغرب تجيك منها نفحه نفحه من الحلي التحت ومابتعرفا عند ناس منو .. ومن هنا تبدا رحلة البحث عن اللقيمات وبدون حرج في كل البيوت مالناس اهل مافي حاجه في النفوس .. ولي عودة

ابراهيم محمد سليمان
عضو مبدع
عضو مبدع

احترام قوانين المنتدى : 100

عدد المساهمات : 338
نقاط : 11145
تاريخ التسجيل : 02/04/2011

الرجوع الى أعلى الصفحة اذهب الى الأسفل

رد: حكايات من الزمن الجميل

مُساهمة من طرف صديق عبدالله علي أبوحنة في الجمعة 28 فبراير 2014, 4:49 pm

ساعة الحريم ينزلن الجرف ... العصر.. يحشن.. كل واحدي منجلي ومنجلك.. قفتي وقفتك.. تجي أنت بي جنبهن.. ماشي تطعّم جبادتك.. وترميها من بالليل تصبح بايتي.. ودائما رمية الجبادة بالليل .. الصباح تصبح قابضي..
 تجي ماري بي فوقن.. تلقى الجرف دا! لابسات تيابن.. أخدر .اصفر.. أزرق.. ملون.. مزركش..  الجرف زي حلاوة الشكلاتة.. يحشن ويونسن..
 ونسيم البحر العليل هااابي والسقطيب بتاع الجروف..
 والبي تقبض ليها حصاناً أخدر من الجرف.. تديك ليهو تقول ليك طعّم بيهو جبادتك.. وكان قبضتا كور.. ملوح غداي عندك يا ولد!
 والحصان الأخدر  في الطعم غالباً يجيب .. كور... دقشوق..
 ودقيرات الطين في الطعم غالباً تقبض كانكيج.. والآّ شلمبايي
 والرتيلة في الطعم .. تقبض كور برضو
 والكسري بي بعر الحمير في الطعم.. تقبض غالباً كانكيج..
 تطعّم جبادتك وترميها
 ويدنك قفة قش تشيلا معاهن تطلع الحدارة
 وغالباً الحريم  العندهن غنم كتار تلقى  الواحدي شايلي قفتين.. واحدي في أباطا.. والتانية فوق راسا
كان ساعدتا واحدي
 تلقى منها دعوات مباركات
 بي طولة العمر
 وتقول ليك
 الله يعرس ليك
 ونشوف جديدك

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31685
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: حكايات من الزمن الجميل

مُساهمة من طرف ابراهيم محمد سليمان في الخميس 06 مارس 2014, 12:16 pm

عذرا علي التاخير الاهل الغالين .. الخال ابوحنه جباتك قبضة شنو .. انا عندي ليك دقيرات دابي قلعتهن وكم رتيلا لكن بعدين ادني قدر فطوري ماتنسانا..

ابراهيم محمد سليمان
عضو مبدع
عضو مبدع

احترام قوانين المنتدى : 100

عدد المساهمات : 338
نقاط : 11145
تاريخ التسجيل : 02/04/2011

الرجوع الى أعلى الصفحة اذهب الى الأسفل

رد: حكايات من الزمن الجميل

مُساهمة من طرف الدقيسابي المنصوري في الخميس 06 مارس 2014, 3:21 pm

هكذا أبناء بلادي رائعون دوما وانتم تتحفونا بهذا القبس من ذلك العهد الجميل الذي ماذال يعبث في دواخلنا وشكرا كتير لصاحب البوست الرائع دوما ابراهيم محمد سليمان والأخوه الداخلين علي البوست حقا نريد اتحافات صديق ابو حنه ف هو رقم لايمكن تجاوذه

الدقيسابي المنصوري
عضو مشارك
عضو مشارك

احترام قوانين المنتدى : 100

عدد المساهمات : 73
نقاط : 7023
تاريخ التسجيل : 18/03/2013

الرجوع الى أعلى الصفحة اذهب الى الأسفل

صفحة 1 من اصل 2 1, 2  الصفحة التالية

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى