المناصير بلدي
الزائر الكريم مرحبا بك في منتدى المناصير بلدي
ان لم تكن مسجلا فيرجى الضغط على زر التسجيل وملء بياناتك لقبول عضويتك

الطورية المنصورية

استعرض الموضوع السابق استعرض الموضوع التالي اذهب الى الأسفل

الطورية المنصورية

مُساهمة من طرف صديق عبدالله علي أبوحنة في السبت 11 يناير 2014, 1:32 am

يا أخوانا بدون أي تحيز لمناصيرنا.. أنا لفيت السودان دا كلو... ما خليت غربو ولاشرقو ولاجنوبو.. بالجد ما لقيت طورية أسمح وأجمل وأحسن ومتناسبة بين طول عودها وسماحته وتناسقه مع جسم الطورية ، ما لقيت زي سماحة طوريتنا...
 غايتو عندنا جنس ناس فنانين في الحاجات دي بشكل..
  حتى جيرانا الشوايقة تلقى طوريتهم عودا قصيير..تتعبك في جر الواطة...
مشيت الغرب لقيت طوريتهم يسووا ليها عودا طويييل.. الزول واقف هنااااك وراس الطورية ينبر بي جاي...  كسلانيين.. ا آب يدوروا التعب.. ا كان عودا طويل ما بتديك عزم القوة لجر الواطة
 مشيت الشرق لقيت طواريهم مجنونة ساكت زي الفاس كدا
مشيت الجنوب لقيت طوريتهم زي ( القدوم ) بتاع النجاري.. وليها كـُوُمة بي فوق
......
 ناسنا نحن في الماركات بتاعة الطواري عندهم ماركة معينة ( طورية أبو ديك) ماركة الديك... دي ياها الطورية رقم واحد عندنا..
 أول حاجي عريضي وقويي.. ومسقية صاح.. وتحفر البوغة كويس.. ونقحتها كبيري..
 نحن ذاتو الطواري  عندنا ليها عينات
 بتاعة البوغة والحفر وحفر الجابي.. ياها الطوريي ماركة الديك
 طواري الزرع تلقاها صغييري
 بعدين عندنا ناس مخصصين لى عمل عود الطوريي.. موش أي زول بيقدر ينجر عود طوريي.. لازم يكون أملس عشان يدك تمشى وتجي فوق العود أثناء الحفر.. موش تمسكا وخلاص.. يدك واحدي قابضة الطورية والتاني مخموشة تتحرك على ظهر عود الطوريي.. ولو العود ما أملس ( المـُشـِّق ) والسريح الفي العود يجرحك في يدك.. لقيت ناس الغرب بس عود يقطعوه من الشجرة وخلاص يسووه للطوريي بلا حسحيس بلا مواسية بالقدوم.. وتنصل عليك أثناء الحفر..
 ناسنا نحن لا... الطوريي ذاتو عندهم ليها نظام في راسا.. غير ما يدقوا ليها مسمار.ز كمان يشلخوا راس العود من قدام ويحشروا فيهو ( دلق) الدلق دا كل مرة تجددوا..
 وعود الطوريي ذاتو ليها رقدة معينة الزول البي ينجر العود يشوف رقدة العود وموية العودي ماشي كيف؟ حتى بعد كدا يديها الناس البي يحفروا بيها يحفروا بيها..
 وطوريتنا نحن كان بقيت زول صعيد ما بتقدر تحفر بيها تقرض كراعك والله تشلخ ضفر رجلك ساكت..
 وحتى الطوريي أبو ديك ذاتا لما نجيبا من المصنع ما بنحفر بيها طوالي.. كمان عندنا راي في تصنيع المصنع.. لازم نحنيها من نصها نضربا شوية.. عشان تبقى قطاع دائرة..
ليه!
عشان لما تحفر بيها في الطين ( الـلُكْ ) الواطة البي تشيلا الطوريي تطلع براها ما توكر في الطوريي..
 هسه الجيل الجديد دا عندنا والله نسوا تب خدمة الطواري دي؟ بالله يحرتوا ليهم الواطة بالتراكتر ما يقدروا يطلعوا منها قمح سمح زي زمان..
دي ذكرتني مرة جيايين من عصمة انا وابوي راكب ورا أبوى فوق حمارتو الزرقا العالية ديك زي الحصان.. لقينا في عصمة بابكوري وولدو محمد يبنوا ليهم في ساريقة.. وبابكوري عندو صحبة مع والدنا..
حاج عبد الله تعال بي جاي.. الخبر..
قعدوا يحكوا  في مواضيع
  بابكوري طالع فوق الساريقة ومحمد بابكوري يجدع ليهو في الطين واللقمة تتفترن منو؟
 قام أبوي قال لى محمد يا ولد دردم اللقمة كويس وأجدعا لى أبوك؟
 قام بابكوري ضحك
 وقال يا حاج عبد الله.. ولاد الزمن دا.. ولادي مطلشي ساكت! أنت قايل جنس خدمتنا بي يقدروها!
 والله البوابير لستر دي لماتنتهي! تاني ناس ( ماركة دودس دي ما بتطلع ليها موية؟
  طبعا المناصير يحبوا بوابير لستر
 ودودس دي بوابي حمرا كدا كان جابوها جربوها في المناصير وما نفعت تبريدا هواء ساكت.ومويتا شوية..
 دحين عوين الزمن دا! نسوا خدمة الطوريي.. وثقافتا..

 تخريمة :-
 شكلو النزلة خلتني وبديت أحن للكتابي

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31685
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: الطورية المنصورية

مُساهمة من طرف سلمان عقيد النعوفابى في السبت 11 يناير 2014, 3:05 am

شكرا هندسة --فعلا النزلة اعادتك للابداع--وتذكرت زمان الواحد كين تلدغو عقرب وياخد رقدتو ويقوم--يقولوا العقرب تزيدو نشاط--ويمكن شئ علمى تنشيط الدورة الدموية وغيره ---اما الطورية ماخليت شئ ما قلتو فيها--وكمان فىراس العود مرات تلقى حديدى محكمة التثبيت--وتزيد من ثبات الطورية--وبعدين عندها صوت مميز عند ضربها للارض وخاصة يكون فى شوية حصى وبالاخص طورية الطيانة--ولها ايقاع لذيذ ويلاحظ هذا فى طوارى نقح البوغة والفزع--واجمل الاوضاع عندما تجد تربال فى اثناء الحفر---يتكل على الطورية ويكون خالف رجله على الواقف--اى ساندها على الاخرى--وبعدين يعود ممسكا بها بعد ان يتفل او يتف على خفيف على كفيه ويبدأ العمل من جديد---جاييك راجع






وطنى وهبتك مهجتى درعا
لنعلك من نجاسات الخيانة

سلمان عقيد النعوفابى
اداري
اداري

الأوسمة مشرف المنتدى الاجتماعي


احترام قوانين المنتدى : 100

عدد المساهمات : 2615
نقاط : 19634
تاريخ التسجيل : 01/04/2010

الرجوع الى أعلى الصفحة اذهب الى الأسفل

رد: الطورية المنصورية

مُساهمة من طرف صديق عبدالله علي أبوحنة في السبت 11 يناير 2014, 2:53 pm

أنت ذاتك يا أرباب. يا هاوي التراث.. أضفت حاجات ما أضفتها أنا
1 الإيقاع
2 التكلة على الطورية
3طورية الطيانة
4 طواري الفزع
 دي كلها أضفتها أنت
.........
 كدي لامن يجينا دكتور مصباح... يضيف تاني.. أصلو الطوريي دي تكتلو وتحيهو.. كان ولد مطيع لى أبوه إجازة الصيف كلها كان تربال بإمتياز.. فينا نحن مرات ناس يسافروا في الإجازة الصيفية.. لكن هو يقضيها كلها تربال..
ناس ود عون الله والسر اود التوم.. وغيرو وغيرو ممكن يضيفوا هنا..
.............
 نعم يا أرباب في الفزع الشبان النشاط وخاصة لما الواطة يكون فيها حصى تسمع لإيقاع طواريهم نغمة واحدة بإيقاع جميل.خاصة لما يكونوا شايلين النقحة واحدة مع بعض. حتى الناس الكبار يغيروا منهم..
 مهام الطورية عند المناصير
1 تنقح بيها
2 اثناء الموية جاياك تتكل عليها وتخلف رجلك ترتاح وتخت ليك سفّة ..
3 في ناس  يقلبوها ويقعدوا عليها كرسى اثناء قراعة الموية
4 لما يكون في دُرّاب كبير في الحوض تقلبا لافوق تكَتـّل بيها الدُرّاب
5 لما يكون في غرغارة في الحوض  بي عودا من ورا.. تجكن بيها جحر الغرغارة وجحر العقرب وجحر الورر في العيش
6 تقلبا على ضهرا تكتل بيها العقرب كان لاقتك أثناء القراعي
..............
 عندنا نقرتين خاصتين بالطورية، لما تحب تنصلا.. وعندما تحب تحكم تثبيتها، دي ما بيعرفا إلا مزارع منصوري، الناس التانيين غير المناصير عندما يحبوا يثبتوها يضربوها بي  حديدة تانية.ز وعندما يحبوا ينصلوها يضربوها أيضا بي حديدة تانية
نحن لا
 عندما تحب تنصلا.. تخت حجر قوي تحت وتمسكا لافوق راسا لى فوق وتضرب عكس عودا من تحت... طوالي تنصل
 وعندما تحب تثبتا تضربها من تحت من راسا الفيهو الطورية ، تثبت أكثر مما تطرق عليها بشى...
 الطورية هي سلاح المناصير المفضل..
الطوريي السمحة هي عنوان للمزارعي النجيض.. في ناس معروفين بطواريهم السمحة.زالواحد يقول ليك طوريتي دي عاجباني ما بيدها ود فلان ما بيعرف يستعمل الطوريي يخرب طوريتي

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31685
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: الطورية المنصورية

مُساهمة من طرف صديق عبدالله علي أبوحنة في السبت 11 يناير 2014, 4:56 pm

الطوريي عندنا في المناصير تلقى عودا .دا.... أملالالالالاس .حتى يرقش زي المرايي.. من كترة الخدمي.بعدين طريقة عمل المناصير بالطوريي تختلف عن الناس التانيين قلنا.. يدك واحدي ماسكة بيها.. والتانية مقبوضة شـُرَعـِي.الأصبع الكبير مع السبابة يكونوا حلقة تتحرك على عود الطورية في كل مشية وجية للطورية والثلاثة أصابع الباقية تكون مرافقة أو مطلوقة نصف دائرية حول عود الطورية. عشان كدا بتلقى عود طوريتنا أملالالاس
 بعض القبائل التانية لاحظت.. وأنا رجل دقيق الملاحظة ولا فخر. لاحظت بس يكدبوا في الطوريي دي بي أيديهم الأثنين.. في اي عمل للطورية
 نحن لا. ما بتكدّب بالطورية بي أيديك الأثنين ، إلا في حالة واحدة بس! هى في حالة الحفر الغريق.قلع جابي مثلا.. أو حفرة واطة تخم منها بالرحل للبيوت.. أو حالة مماثلة ومشابهة..لزيادة العزم والقوة.. اما في الحفر وجميع عمل الطورية عندنا لازم يدك واحدة تتحرك وهي حلقة دائرية على عود الطورية مجيئاً وذهاباَ
 الحاجات الدقيقة دي لعمل الطورية قبائل كتيرة ما بتعرفا.
 ونحن في الحقيقة سمودة ومعلمين من الطراز الأول في بناء الجالوص طفنا السودان كلو..

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31685
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: الطورية المنصورية

مُساهمة من طرف صديق عبدالله علي أبوحنة في السبت 11 يناير 2014, 5:05 pm

زي ما بعض النساء عندهن إيقاع في دق البن بالفندك؟
 وزي ما بعض الناس عندهم طقوس في بعض أعمال الزراعة الأخرى
 كمان نحنا طوريتنا عندها إيقاع. ينشّط الشباب على أعمال الحفر.. حتى مرات تسمع إيقاع حفر الطواري الكـُـثـْر المنسجمة بالليل يكون جايبها نسيم الليل من مكان بعيد وأنت راقد على سريرك.. جايبها نسيم الليل من ناس في مكان ما.. ينقحوا بالقمرا بالليل
.........
 بلدنا كان ليها طقوس ومحبة للعمل  وتفاني في العمل.دا الكان جايب ليهم السترة وكف البلاء..
ديل شهداء الرزق الحلال الما ملوّث..
عاشوا فيها وقبروا فيها
 وجرت المياه على رفاتهم من جراء ظلم الإنسان لأخيه الإنسان
 ولكن ما عند الله باق وخير لايحصيه محص..

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31685
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: الطورية المنصورية

مُساهمة من طرف ميسره موسي الاحمر في السبت 11 يناير 2014, 7:59 pm

بالرغم من اننا برالمه في الطوريه لكن البعرفو انو النجار بينجر العود املس والناس بتفضل العود لما يكون مقوس بسيط عشان الطوريه تحفر اللفتي كويس ونرجع للنجار  طبعا الطوريه لما تكون جديده الفتحه من قدام بتكون واسعه والفتحه الثانيه بتكون ضيقه  ولو جبت عود من (جم )الطوريه تنصل عليك وهنا يجي دور النجار وخبرته  يقوم ينجر العود ومن قدام يكون غليظ عشان الطوريه ما تنصل  والان  اصبحو يتفننو في الطوريه  اتزكر الوالد ربنا يطول عمره ويديهو العافيه كان رسلني قال لي شيل الطوريه اديها( للحداد ) قول ليهو (بييتا)وسألتو يبيتا كيف قال الحداد عندو حديده طوله قدر طول فتحة الطوريه   لكن تختلف من فتحة الطوريه لانه فيها الجزء الخلفي غليظ يقوم الحداد يضع الطوريه مكان يدخل فيها العود في النار  ولما تسخن  يدخل فيها الحديده  عشان الفتحه تكون  متساويه

ميسره موسي الاحمر
عضو نشيط
عضو نشيط

احترام قوانين المنتدى : 100

عدد المساهمات : 154
نقاط : 10595
تاريخ التسجيل : 21/04/2011
العمر : 30

الرجوع الى أعلى الصفحة اذهب الى الأسفل

رد: الطورية المنصورية

مُساهمة من طرف سلمان عقيد النعوفابى في السبت 11 يناير 2014, 8:13 pm

تمام ياموسى--اضافة جيدة--والعود الاملس البقصدو صديق  بعد ما النجار يخلى العود  املس كما ذكرت لكن بمرور الزمن وكترت  الخدمى (ينسهك) العود للاحتكاك بالكفين--وحتى كمان ينقص سمكه ويتغير لونه كما فى المنجل وبرضو الخوسة وحتى المفراك






وطنى وهبتك مهجتى درعا
لنعلك من نجاسات الخيانة

سلمان عقيد النعوفابى
اداري
اداري

الأوسمة مشرف المنتدى الاجتماعي


احترام قوانين المنتدى : 100

عدد المساهمات : 2615
نقاط : 19634
تاريخ التسجيل : 01/04/2010

الرجوع الى أعلى الصفحة اذهب الى الأسفل

رد: الطورية المنصورية

مُساهمة من طرف صديق عبدالله علي أبوحنة في السبت 11 يناير 2014, 8:40 pm

دي إضافات رائعة يا أرباب.. ويا ميسرة
  أبوك يا ميسرة ربنا يديهو العافي وطول العمر.. وهو أكيد من نوع البوابير لستر ميريكانتاير.. موش البوابير ( دودِس ) على طريقة بابكوري في القصة الأنا حكيتا هنا
........
 ميسرة برضو أضاف حاجة مهمة جدا
 أنا موش قلتا ليكم حتى تصنيع المصنع عندنا فيهو راي؟
 لأنو بتاع المصنع موش سمد زراعة..
 بتاع المصنع زول فني  تصنيع فقط.. بيصنع الحاجة وخلاص. لكن المزارعي عمليا بيتعامل مع القطعة الصنعا المصنع دا! وبيكتشف عيوبا
 الليلة نحن موش نتكلم فقط عن الطورية المنصورية وما أدرك ما الطورية المنصورية
لا
 نحن بنتناول في الموضوع دا.. اشياء كتيرة جدا يستفيد منها الإنسان في حياتو.. يستفيد بتاع المصنع ذاتو في تجويد صنعتو.. قد ما يوجه صنعتو. مكابرة هندسية فقط.. حجاب المهنة والتكابر.ما نحن مرات في الهندسة عندنا حاجز المهنة وغرور المهنة.. موش في الهندسة براها أي مهنة فيها الحواجز والبرتكولات دي..
 وأسوء حاجة عيوب المهنة.. وأصعب حاجة ممكن يتخلص منها الإنسان، وبالذات المتعلمين أصحاب التخصصات العالية.. وقيل ( من تواضع لله رفعه)
 وسيدنا  ونبينا عليه الصلاة والسلام يقول في التواضع ( أنا عبد ، آكل كما يأكل العبد، وأجلس كما يجلس العبد)
 وفي ليلة الإسراء والمعراج خـُيـّر بين أن يكون نبياً مـَلـِكاً، كداؤود وسليمان، أو أن يكون نبياً عبداً، فاختار أن يكون نبياً عبدا
 وعندما لجحج أعرابي في مجلسه وحضرته، وأخذته أنوار النبوة، قال للإعرابي ( هـَوِّن عليك ، فإني لست ملكاَ ، وإنما أنا ابن امرأة من قريش، كانت تأكد القـَـدِ يـد ) والقديد ملاح الشرموط بالعرف السوداني..
 لذلك بتاع المصنع العمل الطورية ممكن يتكابر ويقول لا أنا طوريتي صنعتها مافيها عيوب.. يجي واحد منصوري  مزارع يبين لى فيها ثقرات؟
 لكن لو عاقل بتاع المصنع وهمو الربح! على الأقل البضاعة بتاعة الطواري المتوجهة نحو المناصير يعمل فيها التعديلات
 ودي اسمها عيوب التصنيع
 وبكل اسف في السودان المصانع في وادي والمستهلك في واد آخر..
 نحن اشتغلنا كتير مع الإنجليز.. شفناهم أصحاب الشركات الواحد يتابع بضاعتو عند المستهلك لها ويسدد الثقرات ، بل يكرم المستهلكين لبضاعته من النوع المعين ..
......
 اها ميسرة أبوه قال ليهو.. يا ولد ودي الطورية لى للحداد ( يبيتا ) وميسرة ذاتو الولد المتعلم ما كان عارف حكاية يبيتا يعني شنو؟
 يعني يضع فيها خابور من عندو ليعيد تصنيعها ليركب فيها العود بتاعا حسب نظرة المزارع المنصوري الثاقبة..
 لأنو مزارع حصيف
شعر إنو غير كدا، الطورية دي لايمكن تؤدي عملها بسلاسة..
 والحداد ذاتو من كترة ما بيجوهو الناس لعملية التبييت دي؟
 عمل ليهو خابور جاهز للشغلة دي؟
 لأنو أكثر من ألف واحد بيجيهو يقول ليهو بييت لى الطورية دي!
 بييتا يعني بيتا يدخل فيها بإرتياح وبيتا هو شنو؟
 هو عود الطورية
 شكرا ميسرة للإضافة الراقية دي الفتحت لينا باب نتكلم حوله

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31685
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: الطورية المنصورية

مُساهمة من طرف مصباح محمد مصباح في الأحد 12 يناير 2014, 1:31 pm

المهندس صديق لك التحية وأن تمد جيل هذا الزمن بتراث المناصير.
قتلتم الطورية بحثا وجزاكم الله خيرا. ليست لدي إضافة . ولكن أقول لكم أني كنت بصير في تركيب عيدان الطواري فأعرف الترتكة ونجر العود وأخيرا جات الحديدة التي تركب في رأس العود عشان ما تنصل . وهنالك للمزارعية فكرة عشان ماتنصل يبلو الطواري في الموية عشان ينتفخ العود والطورية ما تنصل. وحسب ماذكرتم هنالك طورية للحفر وطورية للقراعة . وهنالك نظرية تقول أنه إذا كان عود الطورية الذي يقرع مبلول فإن المويه ظابطاه واللقب ممويص عليه. ومهارة المزارع تظهر في عود الطورية ومدى يباسه.

مصباح محمد مصباح
كبار الشخصيات
كبار الشخصيات

احترام قوانين المنتدى : 100

عدد المساهمات : 1897
نقاط : 16246
تاريخ التسجيل : 14/08/2010

الرجوع الى أعلى الصفحة اذهب الى الأسفل

رد: الطورية المنصورية

مُساهمة من طرف سلمان عقيد النعوفابى في الثلاثاء 14 يناير 2014, 2:57 pm

التحية لصاحب البوست ولكل الاخوة  المنداخلين---فى بعض الطوارى او استخدامها يتطلب الدقة مثل عملية قلع البصل--اما الايقاع الذى ذكرناه فى هذا البوست--ذكرنى بايقاعات اخرى للعمل الجماعى مثل دق العيش فيلاحظ صوت ضربات الجريد على العيش واى ضربة مخالفة للايقاع تكون معروفة-ولابد من تطويح الجريدة للخلف وبعناية ومع الناس واذا حدث لجريدتك اى شئ تنسحب تدريجيا ولايسألك احد حتى يقف الجميع للراحة--وبرضو الايقاع فى المدقاقة وخاصة الثنائية--وهنالك ضربات معينة عند بداية دق الجريد--وفى كان ايقاع الحداد عند الطرق على الحديدة السخنة ضريتين تلاتة وبعدين ضربات خفيفة متتالية وسريعة-ودى زى دق البن---






وطنى وهبتك مهجتى درعا
لنعلك من نجاسات الخيانة

سلمان عقيد النعوفابى
اداري
اداري

الأوسمة مشرف المنتدى الاجتماعي


احترام قوانين المنتدى : 100

عدد المساهمات : 2615
نقاط : 19634
تاريخ التسجيل : 01/04/2010

الرجوع الى أعلى الصفحة اذهب الى الأسفل

رد: الطورية المنصورية

مُساهمة من طرف abuahmed في الثلاثاء 14 يناير 2014, 5:55 pm

تشكر هندسة وعواجيزو
طبعا طورية قراعة الموية برضها مختلفة لازم يكون عودا قصير وتكون تآكلت من كثرت الحفر
الشاعر يشاغل احد الشباب الراسبين في امتحان الشهادة ومتقندف فيقول له:
تعال يا الفنجري القادل نوصيك
السقط في العالي الا ينصح ام ديك

abuahmed
عضو فضي
عضو فضي

احترام قوانين المنتدى : 100

عدد المساهمات : 1029
نقاط : 11592
تاريخ التسجيل : 17/09/2011

الرجوع الى أعلى الصفحة اذهب الى الأسفل

رد: الطورية المنصورية

مُساهمة من طرف صديق عبدالله علي أبوحنة في الثلاثاء 14 يناير 2014, 7:50 pm

السقظ في العالي إلا ينصّح أم ديك..... وهي الطورية ماركة الديك
.....
 لطيفة دي يا أبو أحمد

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31685
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: الطورية المنصورية

مُساهمة من طرف صديق عبدالله علي أبوحنة في الأربعاء 15 يناير 2014, 1:31 am

انتظر لما الصورة تفتح معاك
 شايفين المنصوري البي  يقرع ينتكل على الطورية كيف ويستريح!
زي ما قال ليكم سلمان عقيد.. دا بعد الإغراق حينتو
 ومرات يخت عودا لى تحت  يغرسو في الطين ويقعد على حديدتا زيها وزي أي كرسي في أمانة الله.. ( الطورية هي سلاح المنصوري الم
فضل )

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31685
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: الطورية المنصورية

مُساهمة من طرف صديق عبدالله علي أبوحنة في الأربعاء 15 يناير 2014, 4:11 am



صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31685
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: الطورية المنصورية

مُساهمة من طرف صديق عبدالله علي أبوحنة في الأربعاء 15 يناير 2014, 4:12 am



صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31685
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: الطورية المنصورية

مُساهمة من طرف صديق عبدالله علي أبوحنة في الأربعاء 15 يناير 2014, 4:14 am



صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31685
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: الطورية المنصورية

مُساهمة من طرف صديق عبدالله علي أبوحنة في الأربعاء 15 يناير 2014, 4:15 am



صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31685
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: الطورية المنصورية

مُساهمة من طرف صديق عبدالله علي أبوحنة في الخميس 16 يناير 2014, 4:51 pm



............
 المنصوري سلاحو الطورية
 شوف دا من هسي قايم على الطورية

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31685
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: الطورية المنصورية

مُساهمة من طرف صديق عبدالله علي أبوحنة في الخميس 16 يناير 2014, 4:52 pm



صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31685
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: الطورية المنصورية

مُساهمة من طرف الفكى احمد في الأحد 19 يناير 2014, 12:04 am

طوريتنا سمحى تب ، قولك تمام ياباشمهندس صديق مع خالص تحياتى لك ولكل الأخوه المنورين معاك ولكل من خدم بالطوريى ،بجد كفيتوا ووفيتوا وماخليتو كبيره ولا صغيره عن الطوريى إلا وقتلتموها بحثا ، الظاهر إنا جيت متأخر ولقيت الناس يكمرقوا فريطت لى شوكة تمر غليدى وطويلى فى راس جريدى طويلى وبديت الكمريق على أجد ما أكتبه عن الطوريى المنصوريى ، غايتو حتى مستر قوقل مهما بحث لن يجد شرحا وافيا مثل ماأورتموه عن طوريتنا .
فالطوريه المنصوريه هى العمود الفقرى والمِعــوَل السحرى الذى ساد زمانا وكان لاغنى عنه  . توجد الطوريه بأشكال ومقاييس مختلفة فهناك الطوريه العريضه وهى مناسبه للكيشين أو قلب الأرض وخفج الطين والزباله وتستعمل أحيانا بأحدى جنبيها لسنيد التقانق والجداول وقلع الطين وحفر الضنب {القناة الموصله بين النيل ومكان وسيلة أو اداة رفع الماء}.. والطوريه الرقيقه وهى أصغر حجما وتصلح للأعمال الخفيفة كزرع الجروف مثلا وليحفر بها الأطفال والصغار الذين لايقدرون على العمل بالطوريه الكبيرة . أما عود الطوريه فيشترط أن يكون صلبا يتحمل قوة ردة فعل الحفر وغالبا يكون من السدر أو السنط أو السلم والطلح أو السيال ، ويكون طول العود أو قصره تبعا لنوعية العمل المناط بها . والحديدة التى تصاغ حول العود لتثبيت الطوريه تسمى {الجلبَه} بكسر الجيم وفتح الباء وهناك نوعان من {التَرتِقه} الأول وهو بين العود والطوريه والثانى وهو أشبه بالخابور حيث يتم عمل شق فى رأس العود وبعد إدخال الطوريه يحشر الخابورفى الشق ويدق عليه حتى يستوى بمقطع العود حينها يكون قد تم كبس العود بالطوريه فتكون جاهزة للعمل دون أن تنزلق للأمام ...

الفكى احمد
V.i.P
V.i.P

احترام قوانين المنتدى : 100

عدد المساهمات : 1979
نقاط : 16678
تاريخ التسجيل : 24/06/2010

الرجوع الى أعلى الصفحة اذهب الى الأسفل

رد: الطورية المنصورية

مُساهمة من طرف ود عون الله في الأحد 19 يناير 2014, 6:46 am

الطورية ماركة الديك تاتي من المصانع ووزنها المثالي ثلاثة رطل  ---تتآكل مع الزمن وبفعل العمل المتواصل 
حتي تصير صغيرة لتتناوبها ايدي الصغار ثم تصل مرحلة لا تنفع في الزراعة ثم يتم قطع الجزء العريض منها عند الحداد وتركيب حديدة لتصبح اربل ----الطورية إذا إستخدمها من يملك القوة ولا يملك الخبرة تنكسر او يحصل بها شق --والشق يحصل عند منتهى الجزء السميك في منتصفها والذي يمثل العمود الفقري للطورية ----الطورية ماركة الديك العريضة غالبا لا يطلق عليها إسما غير الطورية -أما الطورية الرفيعة فغالبا ما تكون مصنعة محليا من عند الحدادين ويطلق عليها طورية الزرع وهي التي يشبه بها الحنك الرقيق النضام يقولك عامل حنيكك زي حنيك الطورية

ود عون الله
V.i.P
V.i.P

احترام قوانين المنتدى : 100

عدد المساهمات : 609
نقاط : 10162
تاريخ التسجيل : 29/02/2012

الرجوع الى أعلى الصفحة اذهب الى الأسفل

رد: الطورية المنصورية

مُساهمة من طرف مصباح محمد مصباح في الأحد 19 يناير 2014, 1:33 pm

الطورية من لفظها ونطقها تشعر بأنها قوية وتتحمل الكثير والطورية الكبيرة يحملها الأقوياء . هنا في السعودية الطورية يسمونها المسحاة اسم رقيق بس تمسح على خفيف ولا تحفر . دائما عند ذهابنا للمقابر نشاهد المسحاة ونتذكر طواري أهلنا الطيانة الذين نعتز بهم.

مصباح محمد مصباح
كبار الشخصيات
كبار الشخصيات

احترام قوانين المنتدى : 100

عدد المساهمات : 1897
نقاط : 16246
تاريخ التسجيل : 14/08/2010

الرجوع الى أعلى الصفحة اذهب الى الأسفل

رد: الطورية المنصورية

مُساهمة من طرف صديق عبدالله علي أبوحنة في الأحد 19 يناير 2014, 7:27 pm

موش قلت ليكم.. عسكر قديم.. حا يضيف لى قصة الطوريي دي؟
........
 أبو أحمد قال: طورية القراعي تختلف.. تكون صغيرة شوية وعودا قصير.. عشان عودا ما يوكر في القصب ويكسـّر القصب

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31685
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: الطورية المنصورية

مُساهمة من طرف صديق عبدالله علي أبوحنة في الأحد 19 يناير 2014, 7:36 pm

انتظر شوية تفتح الصور
 المنصوري  محل ما يمشى ما بينسى الطوريي
 أنا هنا في سكن المشروع في الخلاء.. بي طوريتي وعامل لى زراعة
 أولادي  يوم الخمايس والجمعة يجوني هنا من أبوظبي. يستمتعوا بالجو المنصوري.. والهواء الطلق.. وبراي أكاشن وأحفر.. مسوى لى بوغة هنا..

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31685
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: الطورية المنصورية

مُساهمة من طرف صديق عبدالله علي أبوحنة في الأحد 19 يناير 2014, 7:38 pm

وكمان هنا

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31685
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: الطورية المنصورية

مُساهمة من طرف صديق عبدالله علي أبوحنة في الأحد 19 يناير 2014, 7:40 pm

وهنا

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31685
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: الطورية المنصورية

مُساهمة من طرف صديق عبدالله علي أبوحنة في الأحد 19 يناير 2014, 7:41 pm



صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31685
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: الطورية المنصورية

مُساهمة من طرف صديق عبدالله علي أبوحنة في الإثنين 20 يناير 2014, 12:35 am

الفكي
 أضاف وقال
1 الطورية هي العمود الفقري، والمعول السحري لأي منصوري
2 الطوريي العريضي ( للكيشين ، أو قلب الأرض ، أو خفج الطين ، والزبالة )
3 تستعمل بإحدي جنبيها لرفع التقانق ، والجداول ، وقلع الطين اللين ، وحفر الضنب.
4 الطوريي الرقيقي للجروف ، وللأطفال الذين لايقوون على الطوريي الكبيري، وهم يساعدون الناس الكبار في أعمال الزراعة
5 الجلبة أحيانا لتثبيت الطوريي ، والخابور.. جلبة بالإنجليزي يعني ٍslide , وخابور يعني key
 كذلك أضاف الفكي على عود الطوريي
 ويكون من الطلح أو السلم أو السيال والسنط..
6 يتغير عود الطوريي في طوله وقصره على ماهية الأداء في العمل المعين..

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31685
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: الطورية المنصورية

مُساهمة من طرف صديق عبدالله علي أبوحنة في الإثنين 20 يناير 2014, 12:57 am

دكتور حسن أضاف
1 وزن الطوريي وهي جديدة من المصنع 3 رطل.. وهذا ذكرني أن المناصير كانوا دائما يتعاملون بالرطل وليس الكيلو..
الكيلو دا كنا نعتبروا شغل صعيد، والغريبة أي شئ جاي من الصعيد كان عندنا معه حساسية.. ليس تعصبا وإنما لأننا قديرين دائما نرمز للأصالة
 نقول ليك
 شغل صعيد ساكت.. خروف صعيد.. مرة صعيد.. عيش صعيد.. عز صعيد.. مداديح صعيد.. حتى مداديح الصعيد لما يجونا لانتعامل معهم كأولاد حاج الماحي ولا أولاد الباشا..
ليه؟ لأنو نحن المناصير مافي حاجي بي تفوت علينا.. لأنو مداديح الصعيد غرضهم ( الزياري ) ساكت. أو قول ( شحدي مغلـّفة ) نبر مادحين الرسول عليه السلام من شدة احترامنا لنبينا عليه السلام..
وقد قال صلى الله عليه وسلم ( أعطوا السائل ولو كان على ظهر فرس )
الكويس فينا كان يمرق ليهم عنقريبين ويسمع منهم مدحتين.. ويقول ليهم أدونا الفاتحي عندنا قراعة موية .. أو حش عيش..
 أودنا الفاتحي دي معناها يعني انصرفوا الى حلة أخرى.. أو كان منتظرين فطور أو غداء أو مبيت انتظروا في الخلوة لامن نمشى ونجيكم من زراعتنا..
 وللكن تعال شوف لما يجونا أولاد حاج الماحي أو أولاد الباشا.. وهم أصلا لايأتون الينا من تلقاء أنفسهم ، وإنما نطلبهم طلب.. لأنو غرضهم الأساسي هو المديح وإحياء الليالي.. والتبرك بسيرة النبي عليه السلام.. نعمل يلهم ليليي ونضبح ليهم ونعمل التنبيه للناس بالطار بعد صلاة المغرب.. فيسمعوا الناس صوت الطار يعرفوا المداديح في الحليي الفلانيي.. هذا كان صورة من ( الإعلام المباشر ) أو ( الإتصال الجماهيري ) وديل بابين يدرسوا في كليات الإعلام.. كيف تعمل اتصال جماهيري.. أو اعلام مباشر.. وحتى حريمنا يجن يحضرن الليلي.. ويستمتعن برقيص الرجال في محبة النبي الكريم.. لأنو الرقيص طول عمرن ليهن .. الليلي يجن يشوفن رقيص رجالن فوق النبي الكريم محبة للنبي الكريم.. وكمان يزغرتن للمداديح..
مداديح الصعيد ولا بنخلى حريمنا ذاتو يمرقن عليهن.. ولا بنسوى ليهم ليلية ذاتو؟
 شفتا العنصرية دي كيف؟ أي شى جاي من الصعيد عندنا فيهو راى. لأننا نمثل الأصالة..
 موش الصعيد كلو.. حتى نقول ليك.. قبيل الجوكم راكبين الحمير البيوض ديك منو؟
 أقول ليك مداديح جعليين ساكت.. أديناهم الزياري وفوتناهم.. شوف الجعليين مع أنهم يعتدّوا بأنفسهم.. لكن عندنا نحن لا..
.........
2 ود عون الله  أضاف وقال: الطوريي ممكن يقطع منها جزو . لتؤدي عمل آخر وتصبح ( أربل )
 3 لما ترهف وتكمل من كثرة الخدمي، ما بنرميها وانما نستعملها لزرع الجروف
4 الطوريي الصغيري تكون سريعة الحفر.. وتقدر تنقح بيها سريع.. عشان كدا جاء مثل ود عون الله يشبهون بها ناسنا الحنييك النضام
 يقول ليك( عامل حنييكك زي حنييك الطوريي )

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31685
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: الطورية المنصورية

مُساهمة من طرف صديق عبدالله علي أبوحنة في الإثنين 20 يناير 2014, 1:14 am

دكتور مصباح أضاف وجاب لينا اسم الطوريي في المملكة.. ( المسحاه ) وذكرنا أيضاُ بطواري الطيانة.. الطوريي الما بتنصل.. الطورية المظبـّطة للخدمي..
 ذكرنا  دكتور مصباح برضو قبل كدا في مداخلته الأولى
 بأن طواري الفزع.. يبلوهن من بالليل في الحبس.. عشان الطواري ما تنصل أثناء الخدمي بالنهار..
 ليه؟
 لأنو لو دي طوريتك أنت بتكون عارفا ومثبتا كويس.. لكن طواري الفزع يجمعوهن من الناس.. وما بتقدر تنفق زمن في تثبيت الطواري الغير مثبته..
 تعمل ليها حل ارتجالي فوري.. عشان اي طوريي نصلي  لغاية الصباح تكون مبلولة في الموية عودا ينتفخ شوية يمسك لاتنصل أثناء العمل.. ونصلان الطوريي أثناء الفزع مع المجموعة يخرب الخدمي ويؤخر العمل.. ويكون مدعاة للونسي اثناء زمن الفزع..
 لذلك صاحب الفزع بيكون حريص إنو الناس يكونوا مستمرين في العمل بدون فقرات توقف.. لأنو أول ما نصلت طوريتو شالا ومشى على حجر برة يثبتا أو يبحث لها عن عود يثبتها به.. والتانيين يقيفوا معاه وربما جرت الونسى..
 لذلك نخت الطواري من بالليل في الحبس عشان يتشرب عودا..
 والحكايي دي عندنا بالبلدي.. لكن حديثاً موجودة.زهسه تجد  بعض أصحاب الشركات. في التعيين لموظفين جدد.. يسألك بتاع المعاينة يقول ليك قاعد تدخن؟
 دا معناهو شنو؟
 دا سؤال ذكي من صاحب العمل..
 عشان ما تخرج كل مرة أثناء العمل لتدخن في الحمام أو برة وتعطل العمل؟
 هذا البند وهذا السؤال. قد يضييع عليك الفرصة في إنو ياخدوك في العمل المعين..
لذلك مناصيرنا ما عايزين اي فرصة لى طوريي تنصل أثناء الفزع لتعطيل العمل. لأنو بتاع الفزع عايز ينقحوا ليهو بوغتو ويمشوا.. وغالبا ما يضبح ليهم في الفزع.. عشان يجوهو ناس كتار.. بعدين يأخر الفطور ليشوقهم اليه ، لينقحوا البوغة ويسندوا التقانق ويدقوا السبلوق. لأنو لو فطروا تاني بي يفتروا.. وحتى الذي جاءوا من أجله وهو اللحم.. خلاص أكلوه ، فينصرفون منك بسرعة.. وحكاية التحفيز دي موجودة حتى زمان زمن الصحابة عليهم رضوان الله في حكاية الغنائم في الجهاد.. طبعا أنت قصدك  الأول أن تكون كلمة الله هي العليا.. لكن كغنائم بعدين كان  جاتك حاجات ما تابها.. بي تنشطك.. قال تعالى (وَعَدَكُمُ اللَّـهُ مَغَانِمَ كَثِيرَةً تَأْخُذُونَهَا فَعَجَّلَ لَكُمْ هَـٰذِهِ وَكَفَّ أَيْدِيَ النَّاسِ عَنكُمْ وَلِتَكُونَ آيَةً لِّلْمُؤْمِنِينَ وَيَهْدِيَكُمْ صِرَاطًا مُّسْتَقِيمًا ) صدق الله العظيم

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31685
تاريخ التسجيل : 14/07/2010

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى