المناصير بلدي
الزائر الكريم مرحبا بك في منتدى المناصير بلدي
ان لم تكن مسجلا فيرجى الضغط على زر التسجيل وملء بياناتك لقبول عضويتك

ثقافة الحمير في المناصير

استعرض الموضوع السابق استعرض الموضوع التالي اذهب الى الأسفل

ثقافة الحمير في المناصير

مُساهمة من طرف صديق عبدالله علي أبوحنة في الإثنين 30 ديسمبر 2013, 4:13 pm

زي ما بتزخرف عربيتك الآن وتعلق فيها الكشاكيش.. زمان تزخرف حمارك.. أو حمارتك.. وكانت هنالك مهنة قصاص حمير
 لكن الغنم والضان عندنا ما بنقصهن... يجوا يقصوهن الزبيدية بالمجان.. ويستفيدوا من الصوف.يعملوه خيم يسكنوا فيها.. وكنا في المناصير نعرف الزبيدية كما نعرف التكاريين... ويبيتوا في خلواتنا عادي وياكلوا ويشربوا بي بلاش.. ويشيلوا صوف بي بلاش..
 ويكونوا محترمين جدا لامن يطلعوا من المناصير
 الحاجات الزي دي والكرم الوراثي الزي دا!
هو الكان حافظنا
 هسه يا عوزي بالله جارك ما بتأمنوا

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31685
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: ثقافة الحمير في المناصير

مُساهمة من طرف سلمان عقيد النعوفابى في الإثنين 30 ديسمبر 2013, 4:50 pm

شكرا الصدوق---الحمير كانت وسيلة نقل وتنقل مهمة-بل وسيلة للمعايش—تمشى تزرع او تسقى والمغيرب تجى مشددالحمار او شايل عشاهو فوقو—من حوش فرنيب او السلمات –ساقة القصوراب او ن الضقولة---وزى ماتحدثا فى موقع اخر من هذا المنتدى عن اهمية العشا للضيوف والاعتزاز به—عشا البايتات—ودلالة على الكرم –(بديك لبن عنزى وعشاى)—برضو عشا الحمير مهم للضيوف—(الناس ديل حميرن عشيتوهن)—وفى هذا الجانب اروى لكم حكاية حدثت لى شخصيا—كنت فى احدى اجازاتى بالبلد ومع المغيرب كده جاى سادر-لقيت جماعة من برتى يسقوا فى حميرهم فى الجدول وتعرفت على احدهما وعرفنى كذلك فقلت لهم تفضلوا لافوق على البيوت –فابدوا الموافقة—الا انى سمعت الاخر يقول لصاحبه (زولك دا لايكون زول صعيد –مابيعشى لينا حميرنا)—فضحكت سرا—وقلت فى نفسى فعلا انا زول صعيد لكن بتصرف—فباتوا معنا وحكيت لهما انى سمعتهم وضحكنا --


عدل سابقا من قبل سلمان عقيد النعوفابى في الإثنين 30 ديسمبر 2013, 6:00 pm عدل 1 مرات






وطنى وهبتك مهجتى درعا
لنعلك من نجاسات الخيانة

سلمان عقيد النعوفابى
اداري
اداري

الأوسمة مشرف المنتدى الاجتماعي


احترام قوانين المنتدى : 100

عدد المساهمات : 2615
نقاط : 19634
تاريخ التسجيل : 01/04/2010

الرجوع الى أعلى الصفحة اذهب الى الأسفل

رد: ثقافة الحمير في المناصير

مُساهمة من طرف صديق عبدالله علي أبوحنة في الإثنين 30 ديسمبر 2013, 4:54 pm

ههههههه
طبعا زي ما بتكرم الضيف.تكرم حمارو عندنا... يا أرباب

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31685
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: ثقافة الحمير في المناصير

مُساهمة من طرف علي الحمود في الثلاثاء 31 ديسمبر 2013, 3:16 am

إليك بعض العبارات الخاصة بالحمير بعد السلام والتحية الخال صديق:
سلام وتحية أيضا لضيفك دايما الأرباب..
ناس الحنانين والنعوفاب والصغيراب يريدو بعض..
لا ضير فى هذه الريده فهى محمده نحن فى شررى برضو جيران وسلمان ده زمان كان تابع لى فريق شررى
لعب معاهو كم مباراة دولية كده ضد سور وشرى وكان مهاجم شرس الوكت داك كان فى كلية التربية الرياضية بجامعة السودان بالمناسبة كتير من الناس ما عارفين سلمان ده إتخرج من وين وهسع شغال شنو؟؟
الزول ده عندو ماستر وشغال أستاذ فى جامعة النيلين..
هاك لغة الحمير يا خال:
...........................
يعنطط..........شعطوط............ضهرو حار...........لفّاخ...........يلفخ..............يعضى سيدو...........فنجاط............ما باكل النجيلى برسيم بس حمار العمده هييييييييييع...........ينقز........نقاز ...........يكتكت...........دغل...........على يمشى بالجريدى.......(جكجاكه ومو هميمى)............هنّاق يشيل حال سيدو عند دخوله الحلة ما فى معاهو سترة.............يهنق............الخ

علي الحمود
عضو متميز
عضو متميز

احترام قوانين المنتدى : 100

عدد المساهمات : 664
نقاط : 9755
تاريخ التسجيل : 17/05/2012

الرجوع الى أعلى الصفحة اذهب الى الأسفل

رد: ثقافة الحمير في المناصير

مُساهمة من طرف علي الحمود في الثلاثاء 31 ديسمبر 2013, 3:21 am

إليك بعض العبارات الخاصة بالحمير بعد السلام والتحية الخال صديق:
سلام وتحية أيضا لضيفك دايما الأرباب..
ناس الحنانين والنعوفاب والصغيراب يريدو بعض..
لا ضير فى هذه الريده فهى محمده نحن فى شررى برضو جيران وسلمان ده زمان كان تابع لى فريق شررى
لعب معاهو كم مباراة دولية كده ضد سور وشرى وكان مهاجم شرس الوكت داك كان فى كلية التربية الرياضية بجامعة السودان بالمناسبة كتير من الناس ما عارفين سلمان ده إتخرج من وين وهسع شغال شنو؟؟
الزول ده عندو ماستر وشغال أستاذ فى جامعة النيلين..
هاك لغة الحمير يا خال:
...........................
يعنطط..........شعطوط............ضهرو حار...........لفّاخ...........يلفخ..............يعضى سيدو...........فنجاط............ما باكل النجيلى برسيم بس حمار العمده هييييييييييع...........ينقز........نقاز ...........يكتكت...........دغل...........على يمشى بالجريدى.......(جكجاكه ومو هميمى)............هنّاق يشيل حال سيدو عند دخوله الحلة ما فى معاهو سترة.............يهنق............الخ

علي الحمود
عضو متميز
عضو متميز

احترام قوانين المنتدى : 100

عدد المساهمات : 664
نقاط : 9755
تاريخ التسجيل : 17/05/2012

الرجوع الى أعلى الصفحة اذهب الى الأسفل

رد: ثقافة الحمير في المناصير

مُساهمة من طرف صديق عبدالله علي أبوحنة في الثلاثاء 31 ديسمبر 2013, 4:09 am

ههههههههه ود اللخت
 والله ما خليت ليك صيغة ما جبتها
....
 لكن من المصطلحات للحمير
 حاو .. يعني توقف
 وُش .. أيضاً توقف
 عـَـر.. يعني أمشي
 أَصْ .. يعني أعقل رجلك يا حمار نعمل ليك فيها الشرعي ونربطك... تلقاهو متعلم طوالي يتني رجلو
 شـُـكْ .. يعني أشرب الموية

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31685
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: ثقافة الحمير في المناصير

مُساهمة من طرف صديق عبدالله علي أبوحنة في الثلاثاء 31 ديسمبر 2013, 4:14 am

أنت يا ود اللخت في الصورة الفوق.. شايف التيس الماكن دا أب قرون
 يشبه تيس حـَسـّـَانـِيّ
 حسانيي دي والدة جعفر العوضابي الكبير.. في العيتنوب.. معرس في العيتنوب والدة  عبد الله العوضابي وتاني معرس في الشلال خادم الله بت الملكي.
حسانيي تيسا دا ما شاء الله يسوقوهو جاي وجاي لغاية الجزاير يمشي ولغاية السلمات يمشى..
هذه المهمة كانن يقومن بيها الحريم الكبار بكل عادية.. ونحن أطفال نحوم في كرعيهن..  هسه المهمة دي مع التهجير تكاد تكون انقرضت

حتى صار مثل ( يقول ليك فلان لحق تيس حسانيي ) المثل دا سمعتو في شرري عند حليمة البرزيي... وسمعتو في النعوفاب عند عريضيي وفي الضقولة عند مديني بت حوماد خير.. وفي النعوفاب عند أمنى الزرقة.. وفي العيتنوب عند بت عبد الله ود قناعابي مرة محوماد ود البشير.. وسمعتو في السلمات عند حبوبتك حميرا.. وفي السلمات عند سمسومة

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31685
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: ثقافة الحمير في المناصير

مُساهمة من طرف صديق عبدالله علي أبوحنة في الثلاثاء 31 ديسمبر 2013, 4:23 am

بعدين شايف الحمار الفوق البي يقصوا فيهو دا!
شايف على فخذو كاتبين ليهو  بي الصوف 9x9
الكلام دا يعني شنو؟
 دا يعني سرعتو كدا
زي الدفع الرباعي في السيارة 4x4

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31685
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: ثقافة الحمير في المناصير

مُساهمة من طرف مصباح محمد مصباح في الثلاثاء 31 ديسمبر 2013, 1:43 pm

لك التحية يا هندسة وكما ذكرت والمتداخلون معك أن الحمير كانت لها شنة ورنة وكانت الناس تتفاخر بها وبأسعارها وطبعا كان أحسنها وأجملها ( حمار العمدة ) ذلك الحمار ذو المواصفات القياسية العالية. وأذكر عندنا في شري كان المشهور حمار ابن أكبر رأسمالي في ذلك الوقت عثمان سليم رحمه الله حيث كانت لحماره صولات وجولات بين أم لقاديب وفقاعة.
وحتى الأمثال تأثرت بثقافة الحمير مثل ( علوق الشدة ). حيث كانت الحمير وسيلة المواصلات الوحيدة وحمارك إذا لم تكن تعطيه العلوق كل يوم قطعا سيخذلك في المشاوير الطويلة. وعلوق الشدة هو اطعام الحمار العلوق وبعد مدة تركبه لمشوار طويل.
وللأسف والشئ الذي تألمت منه هو الطريقة التي تم التخلص بها من الحمير بعد غراق المناصير حيث لم يجد الناس أكل للحيوانات والبهائم ففضلوا الأغنام على الحمير ومنهم من أعطاه سوطين وتركها تذهب إلى حيث تريد كما أن معظمها مات جوعا.

مصباح محمد مصباح
كبار الشخصيات
كبار الشخصيات

احترام قوانين المنتدى : 100

عدد المساهمات : 1897
نقاط : 16246
تاريخ التسجيل : 14/08/2010

الرجوع الى أعلى الصفحة اذهب الى الأسفل

رد: ثقافة الحمير في المناصير

مُساهمة من طرف صديق عبدالله علي أبوحنة في الثلاثاء 31 ديسمبر 2013, 4:28 pm

نفقت يا دكتور... أخف الضررين.. حسابها. عذابها على الذي كان السبب..

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31685
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: ثقافة الحمير في المناصير

مُساهمة من طرف ود عون الله في الأربعاء 01 يناير 2014, 6:59 am

قبل كم سنة كنت في عطبرة --طلب من اخي الزبير الذهاب للدامر --وكان الهدف شراء حمار من سوق الدامر 
كان الحمار بطلب من صديقه عبد الرحمن خليفة ---ذهبنا واشترينا الحمار ---قطعنا له تذكره وشحناهو للمناصير في لوري ود فرح ---كان الهدف من الحمار ليس للركوب ولكن عبد الرحمن كان دايرو لإخوانه يجروا به الكارو عشان يجيبوا القصب من الحويلي ---حزنت جدا للحمير التي ماتت بالجوع بعد الإغراق من غير سبب---خدمتنا والله كتير ---كانت وفية ----
 ثقافة الكاروالتي تجرها الحمير لم تكن موجودة زمان بالمناصير ---حمير يجيبوها من الدامر مافي ---الحمير في البلد كانت متوفرة ومن النوع الجيد---كانت تجارة الحمير مزدهرة ---وخاصة عند حضور الحلب --وهم الوحيدين الذين كانوا يصدرونها حتي للدامر نفسها 
تعريجة :ـــــــــ
 صديق دحين ضقت لفخة الحمير ---ولا ضقت رميتها
 لي عودة

ود عون الله
V.i.P
V.i.P

احترام قوانين المنتدى : 100

عدد المساهمات : 609
نقاط : 10162
تاريخ التسجيل : 29/02/2012

الرجوع الى أعلى الصفحة اذهب الى الأسفل

رد: ثقافة الحمير في المناصير

مُساهمة من طرف سلمان عقيد النعوفابى في الأربعاء 01 يناير 2014, 6:40 pm

شكرا لصاحب البوست وضيوفه الكرام-----برضو من الناس الذين يهتمون لسعاية حمار مكرب --على جعفر من العجولة واحمد نعمان بدر من الضقولة--وابراهيم فضل وخالنا سلمان من النعوفاب--وماننسى حمارة والد صاحب البوست -عبد الله الحنونى رحمه الله والتى طاوعها وادبها علمها (زى ناس السيرك)--واذكر انه عندما يأتى للنعوفاب -يقول لواحد تعال حاول ان تصارعنى بس--فعندما يمد يده على الحنونى تجى الحمارة جرى منقضة على ذلك الشخص--برضو ماتنسوا ورد ذكر الحمير فى بعض الاشعار كما ورد فى قصيدة المطرة الشهيرة (سراية بابورى )
جانا ساعة ليل مو نهار
حسو يرزم وقلنا طيار 
ساق حمار تاجرنا ابعدار
وكر الجنزير فى الحجار-
برضو مرض الحمير--فهنالك الشوكات--وهى التى تحد من اكل وشرب الحمار وتصيبه بالوهن وتقوم فى الانف تقريبا وتفرض بالموس وتقطع وتستأصل تماما وهناك من يختص فى ذلك--وفى برضو ضبانة الحمير--وهى التى تجعل الحمار متقلب الاطوار ويصاب بالقلق--
جاييكم راجع خاصة لموضوع انو الحمار ذكى وليس بليدا كما هو متعارف--برضو فى سؤال (زى دكتور ود عون الله دحين فى زول شرب لبن الحمير ايام كان عندو مرض الكتكوت--






وطنى وهبتك مهجتى درعا
لنعلك من نجاسات الخيانة

سلمان عقيد النعوفابى
اداري
اداري

الأوسمة مشرف المنتدى الاجتماعي


احترام قوانين المنتدى : 100

عدد المساهمات : 2615
نقاط : 19634
تاريخ التسجيل : 01/04/2010

الرجوع الى أعلى الصفحة اذهب الى الأسفل

رد: ثقافة الحمير في المناصير

مُساهمة من طرف السر عمراني التوم في الأربعاء 01 يناير 2014, 8:22 pm

الشكر لك الأخ صديق وضيوفك الكرام كلامكم ممتع بحق وحقيقة أذكر مرة كنا ماشين بكا في شري أظنه أخ الطيب ود الحسين كان ساكن شندي والمشي بالحمير من القناويت حتي شري كان يتطلب المشي ليلا والمبيت في الحسيباب وطبعا الجماعة ديك يعجبوك في إكرام الضيف وبعد أن بقينا ناس نوم خلاس أصابني القلق لأني جيت بي حمارة فاردي<1‎‎‏ ‏> وخفت ان تنطلق فخرجت أمشي أمكن الحبل فوجدت عمنا عباس يحمل صحاني كبيري ويوزع في عليقة فتريت علي الحمير والقصب موجود برضو فهذا يوحي أننا في بلاد يندر أن نجد مثلها في العالم قاطبة_ _ _ _ _<1 > ملحوظة فاردي : والدي ومخلي جناها

السر عمراني التوم
عضو مشارك
عضو مشارك

احترام قوانين المنتدى : 100

عدد المساهمات : 65
نقاط : 5682
تاريخ التسجيل : 04/12/2013

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى