المناصير بلدي
الزائر الكريم مرحبا بك في منتدى المناصير بلدي
ان لم تكن مسجلا فيرجى الضغط على زر التسجيل وملء بياناتك لقبول عضويتك

الـنـَد يـبْ

استعرض الموضوع السابق استعرض الموضوع التالي اذهب الى الأسفل

الـنـَد يـبْ

مُساهمة من طرف صديق عبدالله علي أبوحنة في الثلاثاء 03 ديسمبر 2013, 1:25 am

هههههههه كلمة من صميم اللهجة المنصورية جديدة في القاموس بي هناك عجبتني شديد.قطعتها جبتها بي جاي ضهرا مكشوف..
عشان الولاد ديل والبنات ديل يشوفوها
ماااا قاعدين يقروا  عوين الزمن دا!
 الغريبة عند ناس الغرب كلمة ( عوين) يعني حريم.ز عندنا نحن عوين يعني أطفال..
 يسوووا للموضوع قراية دفن الليل أب كراعاً برة !
 يسوووا ليهو الموضوع أكل البعشوب للبهيمي خاصة إذا الموضوع طويل..
 البعشوب ما تغيان عاد! البهيمي في الخلا يكتلا  وينقدا من هنا وينقدا من هنا ..وياكل الكبدي ويخليها ويفوت..
......
 أنا لما ألقى لى كلمي منصوريي طاعمي وناقعي قاعدة تفرحني شديد.. زي الزول الأهديت ليهو وجبة دسمة..
.........
 نجي لى موضوعنا
 ..........
 النــَــد يــب : ضهر عضمة الساق من فوق.. والدال في النديب فتحة مائلة تنطق ولاتكتب وكذلك الياء فتحة مائلة تنطق ولاتكتب وليس لها حركة بائنة في اللغة غير الفتح المائل.. ولكنها تطابق في الإنجليزية  نطق حرف  A
وغالبا أصحاب الفهارس والمعاجم والترجمة يستعينون بمثل هذه الحروف التى ليس لها حركات صرف بائنة، يستعينون بحروف الإنجليزية في توضيح مرادهم..
 والنديب يقابل ليها من تحت عضمة الساق فخذ الرجل للإنسان.. ونحن المناصير نسميها ( القربي) قربة الكراع.. والله لغاية هسي دي أنا استخدم كلمة قربة الكراع ، ما لاقي لى إسم تاني ليها مناسب..

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31685
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: الـنـَد يـبْ

مُساهمة من طرف صديق عبدالله علي أبوحنة في الثلاثاء 03 ديسمبر 2013, 1:31 am

ناس المناصير ماااااهن قاعدين يدوروا ولادن يتزوجوا البنات الغريبات
 ولذلك البنات البي يجننا من برة حتى لو سمحات.برضو يفتشوا فيهن واو
 الغريبة البي ينبشنها الحريم ذاتن؟
 يقولوا ليك ود فلان جاب ليهو مرة صعيداً مطلشي ومجنونة.. كراعا زي نديب الجمل! ومطنققي ومجنونة ورجليها زي ( السريكليي )..
هذا من أماتنا في التشجيع لزواج المنصوريات
 وكان تزوج منصوريي شينة ما بينبشوها
  يقولوا  يعني سماحة كدي مافي لكن  ( فوقا ملـَك)
أو ( لحمتا فطيري)
 أو ( كرم أبوها شايلا)
 أو ( فلاحة أمها للخدمي شايلاها)
 وهي تكون شيني شناة مرة..
 هههههههه
 غايتو ناسنا..

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31685
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: الـنـَد يـبْ

مُساهمة من طرف سلمان عقيد النعوفابى في الثلاثاء 03 ديسمبر 2013, 3:35 am

والله فعلا طاعمى ياهندسة---النديب والركب كنا شفع نجرى ونقع وتلقاهن مليانات بالعوار--وتذكرت بالعوار دى --يقال فلان نضمو زى فسيخ العوار--يعنى ساهل زمابفتش ليهو --وبمعنى اخر نضام--






وطنى وهبتك مهجتى درعا
لنعلك من نجاسات الخيانة

سلمان عقيد النعوفابى
اداري
اداري

الأوسمة مشرف المنتدى الاجتماعي


احترام قوانين المنتدى : 100

عدد المساهمات : 2615
نقاط : 19634
تاريخ التسجيل : 01/04/2010

الرجوع الى أعلى الصفحة اذهب الى الأسفل

رد: الـنـَد يـبْ

مُساهمة من طرف صديق عبدالله علي أبوحنة في الثلاثاء 03 ديسمبر 2013, 4:16 am

ههههههههههه أنت كمان يا أرباب زول مفعم بحب تراث أهلك.. يرجي منك الكثير

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31685
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: الـنـَد يـبْ

مُساهمة من طرف علي الحمود في الأربعاء 04 ديسمبر 2013, 12:38 am

الضربة فوق النديب حارة جدا يا خال..
هههههههههههههههههههه
(النديب)
ههههههههههههههههههههه
والله الدال دى عذبتنا لو ما ختيت عليها الفتحه !!!
كيف الأحوال يا خال يا كلك جمال.؟

علي الحمود
عضو متميز
عضو متميز

احترام قوانين المنتدى : 100

عدد المساهمات : 664
نقاط : 9755
تاريخ التسجيل : 17/05/2012

الرجوع الى أعلى الصفحة اذهب الى الأسفل

رد: الـنـَد يـبْ

مُساهمة من طرف الفكى احمد في الأربعاء 04 ديسمبر 2013, 6:42 am

فعلا كلمه طاعمى . الأخ على الحمود له التحيه ذكرن بالضربه فوق النديب ، مافى أحر من
ضربة جاقوس المركب وللا حافتها على عضمة الساق ، دى توريك النجم نص النهار ..
مع خالص تحياتى للمبدع الباشمهندس صديق وكل المرور

الفكى احمد
V.i.P
V.i.P

احترام قوانين المنتدى : 100

عدد المساهمات : 1979
نقاط : 16678
تاريخ التسجيل : 24/06/2010

الرجوع الى أعلى الصفحة اذهب الى الأسفل

رد: الـنـَد يـبْ

مُساهمة من طرف مصباح محمد مصباح في الأربعاء 04 ديسمبر 2013, 1:36 pm

لك التحية ياهندسة اليومين ديل طبعا مع آلام ( الكراع ) طبعا استخدمت كلمة النديب وكلمة القربة وأقول للجماعة هنا بكل عفوية الآلام في النديب أو القربة وإلا استخدم لغة الإشارة معها لا أحد عارف النديب ولا القربة. كما قال الإخوة ما أحر ضربة النديب خاصة من جاقوس المركب. والفكي طبعا سحارته مليانة بالكلمات المنصورية.

مصباح محمد مصباح
كبار الشخصيات
كبار الشخصيات

احترام قوانين المنتدى : 100

عدد المساهمات : 1897
نقاط : 16246
تاريخ التسجيل : 14/08/2010

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى