المناصير بلدي
الزائر الكريم مرحبا بك في منتدى المناصير بلدي
ان لم تكن مسجلا فيرجى الضغط على زر التسجيل وملء بياناتك لقبول عضويتك

سـَـحـّـَارَة الفكي

استعرض الموضوع السابق استعرض الموضوع التالي اذهب الى الأسفل

سـَـحـّـَارَة الفكي

مُساهمة من طرف صديق عبدالله علي أبوحنة في الإثنين 02 ديسمبر 2013, 8:20 am

سحارة الفكي أحمد محمد أحمد الفكي.. ود زينب بت الفكي، ليست سحارة كسائر السحّارات!
ليس فيها حـُقْ .. ولا فيها دهن غسيب.. ولافيها دهن مقلوب.. وليس فيها وَدَكْ
 ولا برتود.. ولا ضفرة..
 سحارة مليئة بتراث المناصير المرئي من غابر الأزمان
 التحية لهذه السحارة ،  والتحية لصاحب السحارة..والتحية لهذا المصور البارع، الذي حفظ لنا تراثاً نتداوله، لم تطمره مياه البحيرة ولا عواتي أمواجها..
التحية لأبناء المناصير بلدي
........
 يا جماعة شخصي الضعيف والفكي عايزين نترشح للجنة رايكم شنو؟ أفيدونا..
 لكن نحن لجنتنا ما راح تكون مسؤولة عن الخيار المحلى وحده على رفاعة قدر الخيار المحلي!
 وإنما راح تكون لجنة مسؤولة عن أي منصوري على ظهر الأرض، أينما حل.. مغترب.. شتات...  محلي..مهجـّر.. نازح... مهمش.. بعيد.. قريب.. داني... قاصي.. المهم منصوري تهمه تراب المناصير وتهمه سمعة إسم المناصير الكبير.. الفضفاض..
راح تكون لجنة عيونها وااااسعة..  محتاجة لجماهير واسعة الأفق جدا..
إفتكر راح يجي اليوم الزي دا!
 بعدين بي تلقونا قدامكم تب..
كدي أدونا فركة كعب..

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31680
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: سـَـحـّـَارَة الفكي

مُساهمة من طرف مصباح محمد مصباح في الإثنين 02 ديسمبر 2013, 1:01 pm

لك الشكر ياهندسة وإن شاء الله تكون السحارة جامعة ونحن من جانبنا سوف لن نبخل على السحارة . وأوعكم من أن تكون مثل لجان ناس حسن حسان و لجان الخزان ( معذرة للأخ حسن )
أولا ياهندسة السحارة لفظ يخوف لأنه قريب من الساحرة والساحر والسحرة وماني عاوزين نقول السحاري حتى نتهم. أولادنا في المنتدى عاوزين تعريف السحارة ولماذا سميت بهذا الاسم . لأني أعرف قليلا منهم من يرجع لقاموس المناصير الشعبي بالمنتدى. أحرص وحافظ على السحارة وخلي كشرها مصرور في طرف ثوبك. زمان الحريم كانت تضع المفتاح في الزواية ومنهن من تصره في طرف ثوبها. الآن وشوف عيني شفت الجوال مصرور في طرف الثوب بدل المفتاح وياله من تقدم.

مصباح محمد مصباح
كبار الشخصيات
كبار الشخصيات

احترام قوانين المنتدى : 100

عدد المساهمات : 1897
نقاط : 16241
تاريخ التسجيل : 14/08/2010

الرجوع الى أعلى الصفحة اذهب الى الأسفل

رد: سـَـحـّـَارَة الفكي

مُساهمة من طرف صديق عبدالله علي أبوحنة في الإثنين 02 ديسمبر 2013, 4:09 pm

هههههه والله يا دكتور.. أهل مكة أدرى بشعابها.. نحن نجيب ليكم كلمات تراثنا، وأنتو بعلومكم فتشوا مصدرها.. زمان أنت  نحن جبنا كلمات منصورية  وأنت فتشت عليها ،وطلعت من صميم اللغة وكلام أهل المملكة وبعض البلدان.. زي كلمة ( الغت ) كان أنت نسيت أنا ما نسيت.. ( كان أنت نسيت ! أنا مانسيت ) دي من كلمات الشاعر التجاني الحاج موسى..
 كدي فتش لينا أصول ( السحارة ) دي يا دكتور مصباح!
 أنا أفتكر عادة السحارة . بتسحر الراجل وتخليهو ينتشى ويعيد عافيتو .. بعد يوم مرهق في حفر البوغة والحش والقراعي وحروس الطير... زمان أول ما المرة تمشى تفتح السحارة.. وهي فيها الدلكة والدهن. والخمرة. معناهو الحكاية فيهاحكاية.. زي ( التوليت ) هسي دي.. ربنا يحفظ الأزواج ويجعل حياتهم عامرة بالدين والدنيا.. ويجعلهم منسجمين. مشاكل الزمن دا!
زمان ندر تشوف مرة حرداني من راجلا وجات لى أهلا.. بيفتكروه عيب كبير في البلد. عيب من المربي أبوها وعيب من راجلا وعيب منها هي.. إنو ما قدروا يحتووا مشاكلهم لوحدهم، بدون ما تطلع الأخبار لعامة الناس.. هسي دي بقت مشاكل الأزواج يجيبوها في الفضائيات السودانية حتى.. وتسمع صوت الزوجة بالتلفون، تنشر غسيل زوجها على الملأ؟ وكمان المذيعة خاتة ليها مشرفة اجتماعية وخبير نفسي في البرنامج؟ عجب..
 هسي الزمن دا! موش حرداب! طلاق عديل ذاتو في!.. المسؤولية صعبة..
.......
 أها نرجع للسحارة.. ونحن عندنا ناس شري وجانا من شرقها ( السحاري)  هسي أنا غير اسم السحاري تاني ماني عارف ليهو إسم..

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31680
تاريخ التسجيل : 14/07/2010

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى