اللديــــــــــــــــــــــــــــــــــــــــــــــــــــــــــــرمية؟

اغلبكم لم يسمع بهذا الاسم وانا يضا لم اسمع به الا مؤخرا
ولاهمية المكان توقعت ان يكتب عنه قبلي
اللديرمية سالت عنها في احد البوستات ولم اتلق ردا وجهت السؤال لصاحب التراث والقاموس ولم يعير سؤالي اهتمام او لانه غير ملم بحكم بعدها ا ولان
الاسم جديد
اللديرمية ؟سبحان الله القائل(عسى ان تكرهوا شيئا وهو خير لكم)
تردد هذا الاسم وبرز الى الساحة بعد قيام سد الحامداب
واصبح وجهة للكثيرين من شبابنا وطلابنا لمزاولة مهنة الصيد بصورة تجارية لان
الاسماك هاك بكميات هائلة جدا وصاروا يطلعون مصاريفهم واهلهم بالرااااحة
وبدلا من السفر لوادي حلفا والتغرب هناك ياتون لللديرمية والتي تقع قرب امري اي بعد ام حراز في اتجاه كريمه اي بالناحية الشرقية النيل واذكر
وانا مسافرة لكريمة نزل شباب في مكان خلوي وسالت عن سبب نزولهم في هذا الكان قالو حايتجهوا على البحر الى اللديرمية وهي قريبة من هنا
فحمدت المولى الذي ياخذ ويعطي عوضا واكثر
فكل شيئ عنده بقدر
المكان مجهز بعربات الثلاجات والبكاسي
يتم بيع السمك للعربات وبسرعة الى الخرطوم ويباع fresh
وكان احضروا لينا منو في البيت رهيب ........وعرتو عييييري

تسلمى الاخت اميرة على فتح هذا الموضوع الحى
والذى اصبح يمثل الداعم الاقتصادى الاول لاسر المناصير بالمحلى
ونجد ان هنالك طلاب فى الجامعات اعرف منهم الكثير ذهبوا اللديرمية
واغنوا اهلهم من عناء المصاريف الدراسية منهم دكاترة ومهندسين وبقية التخصصات
شكلت سوقا ومصانع بدائية للفسيخ اذكر فى ذلك ان ابن اختى متخصص هناك
فى عمل الفسيخ فقط ويدر عليه بالمال الوفير
فالارزاق بيدالله والبحث عنها من صميم درجات الايمان بالله سبحانه وتعالى

يمة أنا رديت عليكي في موضوع اللديرمية دا!
أنت ما سألتي شرح واستفسار
قلتي لى تعرف اللديرمية. قلت ليك بعرفا وبس..
تعرفي يا أميرة
.......
طبعا هي ثقافة جديدة بعد الخزان
لكن لأني أحب أعرف أي شئ عن بلدي
فسألت منها زماااان وجاتني الإجابة.. برضو شفتها وقفت فيها ساعة يا أميرة..
الحمد لله الذي قيض لأهلنا رزقا سمكا طريا..
.......
شوفي المناصير دي راح تقوم ليها قائمة، لامن تستغربي براكي.. بس روقوا كدي أدوها صنة ، مافي عسل زي عسلنا..

الحمد لله يا ابو مصطفى البقا التصديق من المحلية ليها..

يا أخوانا ست البوست ده وين؟
هل إتفقدتوها يا ناس المنتدى! علها بخير، هي وأسرتها..
الحافظ الله

اهلااااااااااااااااا بك اابحنة
ما نفتقدك  في شينه  يا رب انت وكل من احس بغيابي ولم لم ينتبه ايضا  -- تحياتي لكم جميعا
اطمنكم انا بخير فقط شوية مشاغل بسيطة   حاعرفكم بها  لما افضى  بس لا تروح لبعيد زي ما عملت مع عازه ههههههههه  و برضو مشاكل في النت
اخبار سمك اللديرميه شنو؟

والله ما شاء الله ظهرتى
البركة فى ابوحنه
افتقدناك والله ... واستغربت غيابك
اصلا والله قدر ما نقول ما شاء الله العنصر النسائي فى زيادة ... نلقاكم فى تبادل الظهور والغياب
عموما ربنا يحل مشاكل النت عندك
وعقبال عودة بت الحومري كمان

الحمد لله الظهرت ست البوست...
.....
 أما اللديرمية الحمد لله قالوا شغالين شغل تقيل في بيع السمك.. وجاتهم قوارب جديدة وكبيرة

amira ali كتب:اهلااااااااااااااااا بك اابحنة
ما نفتقدك  في شينه  يا رب انت وكل من احس بغيابي ولم لم ينتبه ايضا  -- تحياتي لكم جميعا
اطمنكم انا بخير فقط شوية مشاغل بسيطة   حاعرفكم بها  لما افضى  بس لا تروح لبعيد زي ما عملت مع عازه ههههههههه  و برضو مشاكل في النت
اخبار سمك اللديرميه شنو؟

الف حمد الله علي السلامه ام عمار...
افتقدناك وافتقدنا تواجدك بيننا....
نامل ان يديم التواصل بيننا وان يرجع جميع الاخوه الغائبين...

الناس ديل البى هنا ناس ظريفين وسمحين..
عندنا نخله زمان فى البلد قبل الغراق اسمها(الدردوميى)
على وزن اللديرميى يا أميرة!