المناصير بلدي
الزائر الكريم مرحبا بك في منتدى المناصير بلدي
ان لم تكن مسجلا فيرجى الضغط على زر التسجيل وملء بياناتك لقبول عضويتك

ما الجديد؟؟؟؟؟؟

استعرض الموضوع السابق استعرض الموضوع التالي اذهب الى الأسفل

ما الجديد؟؟؟؟؟؟

مُساهمة من طرف جبريل عبدالرحمن في الإثنين 16 سبتمبر 2013, 2:54 am

قبل ثلاثة اعوام تقريبا اصدرة هيئة علماء السودان فتوة تحرم الجوائز التي كانت تتسابق في تقديمها شركات الإتصالت ؛مع العلم ان هذه الجوائز انقذة اسر مقاع الفقر وفتحت منازل جديد.
اليوم اتتني رساله من احدي شركات الإتصالات تفيدنا برجوع نفس الجوائز لكن لا ادري هل رجعت بفتوة جديده ام لا؟.
الإسلام اتي قبل الف واربعمائه عام وبين الحلال والحرام ومازالت امتنا تائه بين اين الحلال والحرام.

i

جبريل عبدالرحمن
عضو ذهبي
عضو ذهبي

احترام قوانين المنتدى : 100

عدد المساهمات : 1356
نقاط : 15569
تاريخ التسجيل : 10/06/2010
العمر : 35

الرجوع الى أعلى الصفحة اذهب الى الأسفل

رد: ما الجديد؟؟؟؟؟؟

مُساهمة من طرف ابو مصطفى في الإثنين 16 سبتمبر 2013, 4:50 am

اسع انا كنت فرحان ..............جاتنى رسالة من ناس زين مفادها تابع معانا احتمال تفوز بى عربية ............ وخلاص دقات قلبى زادت
وكوركت للمراة ام العيال قلت  ليها تعالى اقرئ الرسالة .............. ربنا كريم احتمال افوز ؟؟؟؟ وبعد شوية ؟؟؟؟؟؟؟؟؟؟؟؟ المراه جاءت من الجيران
وقالت لى بسم الله دى كل الناس جاتهم ...... شوية كده بطنى طمت ............وتانى انتو جيتو بى هنا قفلتوها مرة واحدة ؟؟ بسم الله تلحقنا وتحضرنا  يا الشيخ الجعلى راجل كدباس ؟؟؟؟؟؟؟؟؟ انا مشترك فى زين من زمن العز بى قرش ..........................؟؟؟؟؟ ان بقوا ناس زيت
رموا الكرتلة بتاعتهم دى ؟؟؟ وفتحوها ووقعت فوق ابو مصطفى دى حرام ؟؟؟؟؟؟؟؟؟؟؟؟؟؟؟؟؟؟؟ كدى افتونا فى هذا الامر ؟؟؟؟؟؟؟؟؟؟؟
تحياتى لصاحب البوست ؟؟؟؟؟؟؟؟؟؟؟؟؟؟؟؟(يبقى تلفونوا ماهو زين )

تحياتى
ابو مصطفى

ابو مصطفى
اداري
اداري

الأوسمة مــــــــــــــالي

احترام قوانين المنتدى : 100

عدد المساهمات : 2518
نقاط : 18299
تاريخ التسجيل : 22/06/2010
العمر : 44

الرجوع الى أعلى الصفحة اذهب الى الأسفل

رد: ما الجديد؟؟؟؟؟؟

مُساهمة من طرف عبد الواحد جبريل في الإثنين 16 سبتمبر 2013, 3:27 pm

الشاب الثائر جبريل 
مالك اليومين ديل شايت ضفاري علي الجماعة  
شايفك مولعها في الفيس وجاي تولعها هنا 
-اتفق معاك اهل الفتوة عندنا في السودان وحالهم كحال الدول الاسلامية الاخري عندهم استعجال في الفتوي 
من المفترض يتريسوا حتي تتضح الصورة لهم ثم تصدر الفتوي بعد دراسة وجمع المعلومة اصحاب الختصاصات الاخري
امثلة كثيرة ,منها سفر الرئتيس للقمة في قطر حرام ..الرئيس سافر  بهذا هل الرئيس ارتكب حرام؟ ثم سفر جوبا
مع ان الحرام الواضح لايعلو صوتهم فيه مثل القروض الربوية  وما يحدث في الدولة عامة من اكل اموال الناس بالباطل وغيرها كثير
..مع هذا وذاك لهم منا كامل الاحترام التقدير

عبد الواحد جبريل
عضو فضي
عضو فضي

الأوسمة عضو نشط

احترام قوانين المنتدى : 100

عدد المساهمات : 951
نقاط : 12522
تاريخ التسجيل : 05/12/2010

الرجوع الى أعلى الصفحة اذهب الى الأسفل

رد: ما الجديد؟؟؟؟؟؟

مُساهمة من طرف خال ابرار في الإثنين 16 سبتمبر 2013, 5:01 pm

هههههههه ابو مصطفى حالتك من حالى انا خليت تلفونى فاتح وخاتى فى اعلى مكان فى البيت عسى ولعل..
ويا جبريل انا متذكر حكاية التحريم دى بس اى شى فى البلد بقى مامفهوم ربنا يكون فى العون...
تقبل مرورى..

خال ابرار
اداري
اداري

الأوسمة مشرف المنتدى العلمي

احترام قوانين المنتدى : 100

عدد المساهمات : 1005
نقاط : 14569
تاريخ التسجيل : 20/04/2010

الرجوع الى أعلى الصفحة اذهب الى الأسفل

رد: ما الجديد؟؟؟؟؟؟

مُساهمة من طرف عازه في الإثنين 16 سبتمبر 2013, 7:40 pm

هوي ياابومصطفي وخال ابرار ماتشاركوني في الحلم الجميل انا طلعته عديل شريحة سوداني وخليت ست الناس زين عارف شريحتي كراعه لينه وحاتجيب لي معاها الخير المبرووكه بعته الحمارة وعملت بيها رخصة قيادة وفي انتظار الاخبار الحلوة وانشاءلله ياجبريل تقع عليك عربية تنسيك الفتوة

عازه
كبار الشخصيات
كبار الشخصيات

احترام قوانين المنتدى : 100

عدد المساهمات : 1294
نقاط : 14045
تاريخ التسجيل : 19/12/2010

الرجوع الى أعلى الصفحة اذهب الى الأسفل

رد: ما الجديد؟؟؟؟؟؟

مُساهمة من طرف نجلاء زمراوي في الإثنين 16 سبتمبر 2013, 8:38 pm

سجمي!!!!!
اول يا ابو مصطفي الرساله الجاتني دي جات  لكل الناس!!!!
اسع انا الفرحه قاتلاني وقايله نفسي برااااي  جاتني الرساله .الله يهون..
واسع جبريل جابلو حرام وحلال...
اهه حلم وطار....

نجلاء زمراوي
عضو ماسي
عضو ماسي

الأوسمة عضو ماسي

احترام قوانين المنتدى : 100

عدد المساهمات : 2265
نقاط : 15904
تاريخ التسجيل : 10/03/2011

الرجوع الى أعلى الصفحة اذهب الى الأسفل

رد: ما الجديد؟؟؟؟؟؟

مُساهمة من طرف ابراهيم محمد سليمان في الإثنين 16 سبتمبر 2013, 9:14 pm

هههههه المرور الكرام ازيكم ؛؛؛
ياعازة الحقي حمارتك وجيبيها راجعي من الحلب تلقيهم مقيلين في خور حنوني؛؛؛
وحكاية حمارتك دي زكرتني قصة (جدي علي المليك وصاحبو خلف الله ) زمان زمن الماروق
مشو شحدولن حمارة عشان ينقلوبا الماروق من الخلا وبعدين في اثناء الحفر ظهرت لهم قلة (جرة)
قام جدي علي المليك قال لي صاحبو اقيف اقيف قبل ماتفتحا اضرب الحمارة دي اكتلا فكنا من حياة الفقر دي
وتاني نحنا غنينا لي جنا جنانا بي ندفع تمنا لي سيدا وقام صاحبو ضرب الحمارة بي الطورية لمان رماها
وبعد داك فتحو القلة لقوها مليانة فحم قام قالو خلف الله !! خلف الله كدي ارفع الحمارة دي من ضنبا شوفا ماتت ولا حية
وللاسف كانت فارقة الحياة  وبدل الغنى رجعو مديونييين ؛؛؛؛؛
عشان كدي ياعازة ماتضيقي تبيعي حمارتك ههههههههههه

ابراهيم محمد سليمان
عضو مبدع
عضو مبدع

احترام قوانين المنتدى : 100

عدد المساهمات : 338
نقاط : 11145
تاريخ التسجيل : 02/04/2011

الرجوع الى أعلى الصفحة اذهب الى الأسفل

رد: ما الجديد؟؟؟؟؟؟

مُساهمة من طرف صديق عبدالله علي أبوحنة في الإثنين 16 سبتمبر 2013, 9:26 pm

ههههههههههه
 ابراهيم بالغتا

بقوا مديونين وبقا عليهم كتل رقبة؟ موش روح برضها؟

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31685
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: ما الجديد؟؟؟؟؟؟

مُساهمة من طرف ابو مصطفى في الثلاثاء 17 سبتمبر 2013, 2:29 am

ابراهيم محمد سليمان كتب:هههههه المرور الكرام ازيكم ؛؛؛
ياعازة الحقي حمارتك وجيبيها راجعي من الحلب تلقيهم مقيلين في خور حنوني؛؛؛
وحكاية حمارتك دي زكرتني قصة (جدي علي المليك وصاحبو خلف الله ) زمان زمن الماروق
مشو شحدولن حمارة عشان ينقلوبا الماروق من الخلا وبعدين في اثناء الحفر ظهرت لهم قلة (جرة)
قام جدي علي المليك قال لي صاحبو اقيف اقيف قبل ماتفتحا اضرب الحمارة دي اكتلا فكنا من حياة الفقر دي
وتاني نحنا غنينا لي جنا جنانا بي ندفع تمنا لي سيدا وقام صاحبو ضرب الحمارة بي الطورية لمان رماها
وبعد داك فتحو القلة لقوها مليانة فحم قام قالو خلف الله !! خلف الله كدي ارفع الحمارة دي من ضنبا شوفا ماتت ولا حية
وللاسف كانت فارقة الحياة  وبدل الغنى رجعو مديونييين ؛؛؛؛؛
عشان كدي ياعازة ماتضيقي تبيعي حمارتك ههههههههههه
والله يا ابراهيم قطعت مصارينا بالضحك ؟؟؟؟؟؟؟؟؟؟؟؟؟؟؟؟؟؟؟؟ الله يجازيك خير ؟؟؟؟؟؟؟؟
ارجع للسادة المرور الذين يحلموا بجائزة زين ؟؟؟؟؟؟؟؟؟؟؟؟؟؟؟؟؟ هوى ياناس الشى قالوا على تبقى قديم خالص ؟؟؟؟؟ فى زين ؟؟ انا عايتو مشترك من عام 2003 ؟؟؟؟؟؟

تحياتى

ابو مصطفى

ابو مصطفى
اداري
اداري

الأوسمة مــــــــــــــالي

احترام قوانين المنتدى : 100

عدد المساهمات : 2518
نقاط : 18299
تاريخ التسجيل : 22/06/2010
العمر : 44

الرجوع الى أعلى الصفحة اذهب الى الأسفل

رد: ما الجديد؟؟؟؟؟؟

مُساهمة من طرف نجلاء زمراوي في الثلاثاء 17 سبتمبر 2013, 2:50 am

الحمد الله انا زاااتي مشتركه قديمه جدا ورقمي مميز............

نجلاء زمراوي
عضو ماسي
عضو ماسي

الأوسمة عضو ماسي

احترام قوانين المنتدى : 100

عدد المساهمات : 2265
نقاط : 15904
تاريخ التسجيل : 10/03/2011

الرجوع الى أعلى الصفحة اذهب الى الأسفل

رد: ما الجديد؟؟؟؟؟؟

مُساهمة من طرف عبد الغني نصر الدين في الثلاثاء 17 سبتمبر 2013, 6:12 pm

ابو مصطفى كتب:
ابراهيم محمد سليمان كتب:هههههه المرور الكرام ازيكم ؛؛؛
ياعازة الحقي حمارتك وجيبيها راجعي من الحلب تلقيهم مقيلين في خور حنوني؛؛؛
وحكاية حمارتك دي زكرتني قصة (جدي علي المليك وصاحبو خلف الله ) زمان زمن الماروق
مشو شحدولن حمارة عشان ينقلوبا الماروق من الخلا وبعدين في اثناء الحفر ظهرت لهم قلة (جرة)
قام جدي علي المليك قال لي صاحبو اقيف اقيف قبل ماتفتحا اضرب الحمارة دي اكتلا فكنا من حياة الفقر دي
وتاني نحنا غنينا لي جنا جنانا بي ندفع تمنا لي سيدا وقام صاحبو ضرب الحمارة بي الطورية لمان رماها
وبعد داك فتحو القلة لقوها مليانة فحم قام قالو خلف الله !! خلف الله كدي ارفع الحمارة دي من ضنبا شوفا ماتت ولا حية
وللاسف كانت فارقة الحياة  وبدل الغنى رجعو مديونييين ؛؛؛؛؛
عشان كدي ياعازة ماتضيقي تبيعي حمارتك ههههههههههه
والله يا ابراهيم قطعت مصارينا بالضحك ؟؟؟؟؟؟؟؟؟؟؟؟؟؟؟؟؟؟؟؟ الله يجازيك خير ؟؟؟؟؟؟؟؟
ارجع للسادة المرور الذين يحلموا بجائزة زين ؟؟؟؟؟؟؟؟؟؟؟؟؟؟؟؟؟ هوى ياناس الشى قالوا على تبقى قديم خالص ؟؟؟؟؟ فى زين ؟؟ انا عايتو مشترك من عام 2003 ؟؟؟؟؟؟

تحياتى

ابو مصطفى
والتحية لصاحب البوست ... والتحية للأستاذة عازة وهي تحكي بكل اريحية ..وعن شخص ما بيتغيره حياة المدينة. .. والله يا ابن اختي ابراهيم .. قصة جدك علي المليك الله يرحمه.. قطعت مصارنا  بالضحك كما قال الأخ أبو مصطفى ...والله ضحكت كثيراً فيها... وبالمناسبة الوالد عليه رحمة الله كان عنده حمارة شقية شديد وقاسية ولا ترحم وكل ناس شرري عارفنها... ونحن ممتحين للوسطى ونذهب أبو حمد عن طريق الحمير بس عن طريق محطة الدغفلي واحد يأخذهم ويرجعهم لبيتك.. واعتقد بمبلغ زهيد أو ربما مجان.. وانا قبل الإمتحان بشهور شايل هم شديد أن هذه الحمارة سوف ترميني في الخلاء ويضيع عني الإمتحان واكون في خبر كان.. ولكن الحمد لله وبفضله قبل الإمتحانات جاء ابوحنه.. عليه رحمة الله .. والد المهندس صديق وجاب لينا اللنش ووصلنا الكاب ورحنا واسترحنا . ولله في امره شئون.
التحية لك الأخ جبريل في موضوع جوائز زين وسوداني .. واعتقد الأستاذة عازة تستاهل السيارة عشان تحضر جميع ملمات المناصير بلدي.
وتقبلوا مروري.

عبد الغني نصر الدين
عضو ذهبي
عضو ذهبي

احترام قوانين المنتدى : 100

عدد المساهمات : 1126
نقاط : 14553
تاريخ التسجيل : 15/07/2010

الرجوع الى أعلى الصفحة اذهب الى الأسفل

رد: ما الجديد؟؟؟؟؟؟

مُساهمة من طرف ابراهيم محمد سليمان في الثلاثاء 17 سبتمبر 2013, 10:23 pm

ابو مصطفي عمدتنا ابطينا راااقد سلام؛؛؛
والخال عبد الغني الف تحية ليك ياغالي ؛؛؛
الزكريات الجميلة مع معاناتها تكون انيسنا في مثل هذه الايام (ايام الرفع)
الاخت نجلاء الشي دا ان بقا بالقدم انا قدامكن كلكم مشترك من سنة 1999

ابراهيم محمد سليمان
عضو مبدع
عضو مبدع

احترام قوانين المنتدى : 100

عدد المساهمات : 338
نقاط : 11145
تاريخ التسجيل : 02/04/2011

الرجوع الى أعلى الصفحة اذهب الى الأسفل

رد: ما الجديد؟؟؟؟؟؟

مُساهمة من طرف صديق عبدالله علي أبوحنة في الأربعاء 18 سبتمبر 2013, 11:16 pm

هههههههههههههه
 عبد الغني والله تصدق حمارة أبوك الشقية دي بتذكرا.. هي صنو حمارة أبوى.. حمارة أبوى شكلها زي الحصان وزرقاء وعالية علو مبالغ فيهو. برضو كنت بخاف منها زي حمارة أبوك دي؟ حمارة أبوك لو ما خانتني الذاكرة كانت بيضاء وعااالية.. لكن أبوك عليه الرحمة يا عبد الغني آخر أيامو أظن غيرا بي حمارة تانية بس موش نفس الجودة بتاعة حمارتو الأولانية؟ وأبوك كان يجيد السرج والبردعة والخرج عليها.. عندو سرج سمح كان الله يرحمو.. كم مرة جانا في الخلوة.. وكان إكرام الضيف عندنا في المناصير تستلم الحمارة تمشي تنزل منها السرج وتربطا في المدور.. وتجدع ليها قصيبات.. وكان بقن قصيباتاً خدوور الضيف يتبسط.. أبوى قال لى يا ولد أمسك الحمارة من عمك حاج الحسن..
 أيوه كانت قصة حكاية السفر بالدغفلي
 لكن رجييع الحمير موش بي بلاش يا الزعيم.. كان بي قروش.. ريال على كل حمار لى حمير شري.. و15 قرش لى حمير الغرب.. عشان فيها قطييع مركب ويجي واحد من أهلك يكون منتظرهم في مشرع الحنانين..
 والمهنة بتاعة رجيع الحمير كانت حصرياً على ( عمر حسن عبادي) يروح مع الحمير الدغفلي.. بعدين يقرنهن زي حمير النوريق ويكشهن قدامو.. ويكون هو راكب على حمارة أخرى  يحوشن بيها..
 دحين شوف النعمي دي هسي دي السفر بقا ساهل مقارنة مع  زمان.. ياخي زمان عشان تلم في عضم القطر ده! دي قصة طويلة تصلوا كيف؟ لما تصل القطر خلاص تجر نفس طويييل.. كأنك وصلت أبو حمد وامتحنت.. غايتو كافحنا جنس كفاح مرير لا حولا.. والقطر ذاتو كان في محطة الدغفيلي كان يبرد ليك بطن؟ دقيقتين بس مدتو في المحطة  زمن  مضبوط بي زمن الإنجليز. تركب ما تركب القطر يتحرك.. إلا سريع سريع بس تتشعلق.. لى قدام تغير وضعك في ركوب القطر.كان تأخرت القطر يفوتك وتبقى كل آمالك ضاعت سراب..
 تسلم يا الزعيم

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31685
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: ما الجديد؟؟؟؟؟؟

مُساهمة من طرف صديق عبدالله علي أبوحنة في السبت 21 سبتمبر 2013, 2:59 pm

بعدين الجديد بمفهوم أخونا جبريل العريس..
الجديد عندي لازال يتولد في رحم الغيب.. لعله رحمة بعباده.

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31685
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: ما الجديد؟؟؟؟؟؟

مُساهمة من طرف جبريل عبدالرحمن في الأحد 22 سبتمبر 2013, 1:18 am

الاخوان ابومصطفي ،دكتورنا عبد الواحد ،ودكتورتنا عازه،دكتور محمد،ابراهيم ،الحاجه نجلاء،عمنا ابو حنه،استاذنا عبدالغني،مروركم اسعدنا
ونستكم جميله وظريفه،لكن حتي الآن ماعرفين الجوائز دي رجعتها فتوه اخري ام لا؟

جبريل عبدالرحمن
عضو ذهبي
عضو ذهبي

احترام قوانين المنتدى : 100

عدد المساهمات : 1356
نقاط : 15569
تاريخ التسجيل : 10/06/2010
العمر : 35

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى