المناصير بلدي
الزائر الكريم مرحبا بك في منتدى المناصير بلدي
ان لم تكن مسجلا فيرجى الضغط على زر التسجيل وملء بياناتك لقبول عضويتك

عصمة: ياجارة الوادى طربت وعادنى مايشبه الاحلام من ذكراك

استعرض الموضوع السابق استعرض الموضوع التالي اذهب الى الأسفل

عصمة: ياجارة الوادى طربت وعادنى مايشبه الاحلام من ذكراك

مُساهمة من طرف سلمان عقيد النعوفابى في السبت 14 أغسطس 2010, 4:58 am

عصمة الحنان منساب –
رغم طبيعة السفرة للبلد وكما ذكرت فى مرات سابقة نحنا الواحد مننا بقى ينظر لاى شىء –منظر –عبارة –سلوك—فى البلد ينظر لتلك الاشياء بعمق –وكله بسبب المنتدى—هنا رأيت عصمة ونخليها الذى هلك جراء الكارثة والاخر الذى ظل صامدا يؤتى اكله –ويكمل اللوحة خاصة على شاطى الوادى فى منظر بديع وهذا يؤكد فى ان عصمة كانت بل ومازالت من اجمل قرى المنطقة—ومع الاستاذ حبيب الحق فى ان يقول :

عصمة ضوابا وعساسير

فوق نخيلا يوجوج الطير

وكذلك قول شاعر لا اذكر(فى رواية تقول انه الفكى ود الباهى :

شتلى فوق الوادى اتردم

وفوقو حس الكرجات رطن

وكذلك حديث الاخ الاستاذ قاسم ابوزيد (الشاعر والمخرج المعروف) والمتعاون مع جامعة النيلين وحديثه لى شخصيا فى انه قبل الاغرا ق تم تكليفه ومعه مجموعة بعمل فيلم توثيقى للمنطقة حيث ذكر انه ومجموعة ذهلوا لمنظر عصمة وقاموا بتسجيل اروع المناظر لها الا ان الفيلم اوقف من قبل جهة لاتريد عكس تلك المناظر –

اود هنا كل من يشاهد عصمة سابقا وحتى الان بانها وهبت جمالا رائعا رغم انها فقدت الكثير ---

اما انسانها مازال يتمتع بتلك الصفات والسمات الكرم-الشهامة-المروءة-الترتيب المحكم فى الضيافة والملمات--الخ---- شأنها شأن كل الناس فى كل قرى المناصير—وفى خاطرى دايما –ان عصمه ارتبطت بعبارة (معاك وضو )—فهنالك عدة حكاوى عن تلك العبارة –فقيل ان واحد من اهلنا العرب جا عصمة (وعلاقته بالصلاة ضعيفة) فصل المغرب ثم العشاء والتراويح واخذ يتململ---ثم عند الفجر صحاهو احد الشباب فقال له الصلاة –فقال ليهو صلاة شنو—فرد عليه صلاة الصبح –فقال صاحبنا –هو الصبح دا ماصلينا فى (الكبسيبا) اللت البارح دى-

------------لى عودة----باذن الله لنفس الموضوع------------


عدل سابقا من قبل سلمان عقيد النعوفابى في الأحد 15 أغسطس 2010, 3:21 am عدل 1 مرات






وطنى وهبتك مهجتى درعا
لنعلك من نجاسات الخيانة

سلمان عقيد النعوفابى
اداري
اداري

الأوسمة مشرف المنتدى الاجتماعي


احترام قوانين المنتدى : 100

عدد المساهمات : 2615
نقاط : 19644
تاريخ التسجيل : 01/04/2010

الرجوع الى أعلى الصفحة اذهب الى الأسفل

رد: عصمة: ياجارة الوادى طربت وعادنى مايشبه الاحلام من ذكراك

مُساهمة من طرف الرشيد طه في السبت 14 أغسطس 2010, 7:05 am

اه يا سلمان عصمة من احب المناطق واقربها لقلبى عصمة والحديث عنها يطول من اجمل المناطق فى العالم وانعكس جمالها وسحرها على نفوس اهلها الطيبين والله والله والله كنت دائما ما اتمنى ان تكون كل قرى وحلال المناصير مجتمعاتها وصفاتها مثل عصمة.
فى عصمة وبين اهلها عشت احلى ايام حياتى .لنا عودة




لأنـنـا نـتـقن الصــــمت حمــلونا وزر النـــوايا

الرشيد طه
اداري
اداري

الأوسمة مشرف المنتدى السياسي
مشرف منتدى الصحافة

احترام قوانين المنتدى : 100

عدد المساهمات : 2625
نقاط : 18881
تاريخ التسجيل : 15/04/2010

الرجوع الى أعلى الصفحة اذهب الى الأسفل

رد: عصمة: ياجارة الوادى طربت وعادنى مايشبه الاحلام من ذكراك

مُساهمة من طرف هاشم علي الجزولي في السبت 14 أغسطس 2010, 4:59 pm

الحب شيء جميل وممتع ومنه حب الطبيعه التي زكرتو ومنه حب المكان الذي به الزكريات الجميله وتكون مرحله الحب اقوي والتي تسمي بمرحله المتيم والولهان عندما تجتمع عده عناصر مع بعض جمال المكان وماداير اقول خلوه ولكن اقول هدوءه وسحر الطبيعه و...... والاخيره دي خوفا من الرشيد وبعد البحيره سوف يكون لمكان عزيز علي اهل عصمه وسوف يزدان ويزداد جمالا وسحرا الا وهو جبل عصمه جبل عصمه أخشي ان يكون نغمه ان لم تتحركوا وببساطه شديده خليكم في صفحتو احموه كما حماكم وحمي اجدادكم من قبل جبل عصمه في الطوه الحقيقه المنطقه كلها وربنا يستر خاصه بعد صدور القرار الجمهوري والقاضي بأعاده تكوين هيئه الاستثمار وبعضويه اداره السدود والكهرباء و هذه الهيئه مهمتها تنحصر في جعل الاستثمار جاذب ومعروف كيقيه جعل الاستثمار جاذب بتخفيض الجمارك والضرائب او الغائها ودي اصلا معطي للسدود والكهرباء ولكن الحكايه جاي بي اللفه والمنطقه المستهدفه معروفه والذي صدر أمس والحديث ذو شجون تحدثت الي ان بح صوتي وكان املي ان تكون هناك رده فعل ولكن لاحياه لمن تنادي تتداركوا الامر حتي لانصبح من حديث الذكريات
سبق وتناولت موضوع جبل عصمه في هذا المنتدي ومابه من كنوز
وممكن نعيد الكلام مره ثاني وثالث لو في امل

هاشم علي الجزولي
V.i.P
V.i.P

احترام قوانين المنتدى : 100

عدد المساهمات : 1704
نقاط : 17458
تاريخ التسجيل : 19/04/2010

الرجوع الى أعلى الصفحة اذهب الى الأسفل

رد: عصمة: ياجارة الوادى طربت وعادنى مايشبه الاحلام من ذكراك

مُساهمة من طرف صديق عبدالله علي أبوحنة في السبت 14 أغسطس 2010, 6:36 pm

عندي شعور قوي..عملي.. واقعي..ملموس.. أن أي شئ كان في المناصير، سوف يعود بصورة أجمل مما كان.. أكاد ألمس هذا الشعور وأحسه، لقد توفرت عندنا همة عالية ومقدرة على تثوير الواقع، كانت مفقوده عند عدد كبير في السابق، والهمة هي النية، والنية عمل أساسي في كل عمل دينى، بل النية هي مخ العبادة ولاعبادة لانية فيها.. قال صلى الله عليه وسلم( إنما الأعمال بالنيات، وإنما لكل امرئ ما نوى)... إذن هي النية وهي الهمة والهمة العالية تفرطق الحجار.. أهلنا زمان تعاملوا مع البيئة الطبيعية على طبيعتها بغير تحسين، فأجادوا فن التعامل القح مع بيئة تحتاج الى تطويع كبير، ولكن اليوم سوف ترسى اقدامهم واقدام قارب النجاة في نفس منطقتهم ومناصيرهم بصورة أقرب الى المدنية الحديثة بل هي المدنية عينها.. اشعر بأن أهلنا سوف يكون لهم شأن...
أرجو أن لا تضيعوا قولي هذا، وأرجو أن تذكرونني به بعد عشرة سنوات مثلاً، إن كان في العمر باقي.. وإلا فليذكره كل فرد منصوري الى زميله.. بأننا في يوم كذا، بتأريخ كذا ، قلنا كذا، وهذا استقراء تاريخي وقراءة للواقع وفراسة مؤمن.. لن ينكسر عظم المناصير لأي طامع أو جائر،
ستبقى المناصير في حلة زاهية.. لقد كانت هنالك سلبيات في منطقتنا في الماضي، وبالذات في المجتمع ولقد كانت هنالك هنات.. فكان لابد أن تغسل الأرض
بغاسلة من ماء تغسل ذنوب البشر، لتعود هي سيرتها الأولى أحلى مما كان.. موش أكعب من غيرنا.. لكن الله غسلنا لأنه يحبنا ويحب صفاتنا الجميلة كي تنمو وتترعرع، كما المزارع يترك نبات القمح ينمو ويزيل الحشائش الضارة من بين الحيضان وسيقان القمح.. ..

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31695
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: عصمة: ياجارة الوادى طربت وعادنى مايشبه الاحلام من ذكراك

مُساهمة من طرف ابوحجل في الأحد 29 أغسطس 2010, 5:00 am

اخى الباشمهندس
شوف جبل عصمه هداك بان سطر التاريخ ليهو شان
حدثنى احد الاخوة ممن يعملون بقناة الشروق ان الخلفية لاحد البرامج الصباحيه للقناة اقتبست من صوره لمنطقة بالمنصير(صوره لجبل عصمه)شاهد وتاكد

ابوحجل
عضو جديد
عضو جديد

احترام قوانين المنتدى : 100

عدد المساهمات : 34
نقاط : 11590
تاريخ التسجيل : 24/08/2010

الرجوع الى أعلى الصفحة اذهب الى الأسفل

رد: عصمة: ياجارة الوادى طربت وعادنى مايشبه الاحلام من ذكراك

مُساهمة من طرف هاشم علي الجزولي في الأحد 29 أغسطس 2010, 5:14 am

الاخ ابو حجل شكرا علي المداخله اما بخصوص ماذكرت هناك مناطق في المناصير صورت وأخذت منها عينات لخارج السودان وهي جبال بركانيه منها جبل حبيش واب سرجين والقائمه تطول ونحن لسنا ضد الاستثمار ولكن ضد ان نكون قرابين لهذا الاستثمار وكل هذا الحديث لندخل المعادله كأصحاب حق
واننا السكان الاصليين لهذه المنطقه منذ القدم ولم نأتي كلاجئين او منبتين لذا يجب ان نعامل كأناس وليس كمعامله الغجر ويكون ذلك باشراك المواطنين وبكل شفافيه تتناول هذه المواضيع

هاشم علي الجزولي
V.i.P
V.i.P

احترام قوانين المنتدى : 100

عدد المساهمات : 1704
نقاط : 17458
تاريخ التسجيل : 19/04/2010

الرجوع الى أعلى الصفحة اذهب الى الأسفل

رد: عصمة: ياجارة الوادى طربت وعادنى مايشبه الاحلام من ذكراك

مُساهمة من طرف ابوحجل في الإثنين 30 أغسطس 2010, 4:51 pm

الاخ هاشم
سلامات وزى مابقولوا اهلنا العارف عزو مستريح
فنحن لانطلب من احد ان يثبت حقوقية ملكيتنا بتلكم البقعه الطيبه
فليسالوا عنا الجبال عن بسالة تلك الرجال(معارك الكربكان وام دويمه خير شاهد)

ابوحجل
عضو جديد
عضو جديد

احترام قوانين المنتدى : 100

عدد المساهمات : 34
نقاط : 11590
تاريخ التسجيل : 24/08/2010

الرجوع الى أعلى الصفحة اذهب الى الأسفل

رد: عصمة: ياجارة الوادى طربت وعادنى مايشبه الاحلام من ذكراك

مُساهمة من طرف نورالهادى في الخميس 02 سبتمبر 2010, 4:58 am

التحية لكل الاخوة المتداخلين وفعلا عصمة شاربه الحنان بطيبة وكرم اهلها وعندما نتحدث عن عصمة يجب ذكر المغفور له باذن الله رجل البر والاحسان الرجل الذى ساهم بصورة فعالة فى كل مؤسسات عصمة التاجر المعروف حسن عثمان وخلفه من بعده ابنه محمد نسأل الله ان يطول فى عمره .


نورالهادى
V.i.P
V.i.P

احترام قوانين المنتدى : 100

عدد المساهمات : 4904
نقاط : 26508
تاريخ التسجيل : 11/05/2010

الرجوع الى أعلى الصفحة اذهب الى الأسفل

رد: عصمة: ياجارة الوادى طربت وعادنى مايشبه الاحلام من ذكراك

مُساهمة من طرف الرشيد طه في الخميس 02 سبتمبر 2010, 6:41 am

نورالهادى كتب:التحية لكل الاخوة المتداخلين وفعلا عصمة شاربه الحنان بطيبة وكرم اهلها وعندما نتحدث عن عصمة يجب ذكر المغفور له باذن الله رجل البر والاحسان الرجل الذى ساهم بصورة فعالة فى كل مؤسسات عصمة التاجر المعروف حسن عثمان وخلفه من بعده ابنه محمد نسأل الله ان يطول فى عمره .

الاخ الهادى
تحياتى
فعلا عصمة شاربة الحنان بطيبة اهلها وشكرا لك على ذكر المرحوم حسن عثمان (حسونة)فقد كان زعيم وصاحب كلمة وارجو ايضا ان نذكر شقيقه الراحل حبيب عثمان كان رجلا نادر عليهم جميع الرحمة .




لأنـنـا نـتـقن الصــــمت حمــلونا وزر النـــوايا

الرشيد طه
اداري
اداري

الأوسمة مشرف المنتدى السياسي
مشرف منتدى الصحافة

احترام قوانين المنتدى : 100

عدد المساهمات : 2625
نقاط : 18881
تاريخ التسجيل : 15/04/2010

الرجوع الى أعلى الصفحة اذهب الى الأسفل

رد: عصمة: ياجارة الوادى طربت وعادنى مايشبه الاحلام من ذكراك

مُساهمة من طرف صديق عبدالله علي أبوحنة في الجمعة 03 سبتمبر 2010, 6:38 pm

نان هو حسن كعدور.. حسونة ولد بت الكاب
هل تتذكرون بت الكاب أم ناس حسونة
نان هي عصمة عز الدين عثمان العباس
نان هي عصمة المديح
نان هي عصمة الطار
نحن هي عصمة النوبة
نان هي عصمة إمام الجامع عثمان العباس..
نان هي عصمة ولاد الطريشي
نان هي عصمة ناس ود اب سلوم راجل بت خالتي فرحين بت حبيب إسمها أم الحسين
ناس هي عصمة ود الفكي ود الباهي
نان هي عصمة ناس على عيسى مضوي
نان هي عصمة ناس محمد ود الحداد
وسليمان ود الحداد
نان هي عصمة شرفة الوادي والجبل الذي يختلف عن جبال المناصير كلها بحمرته المشربة المشرئبة على عنق مشرع عصمة.. مشرع عصمة صينتو سفسافة موش وحل مش طين لك.ز رملة ذات ذرات تلقى جاز البوابير عامل على حافة الرمل وحافة المشرع قوز قزح من الألوان ورائحة جاز البوابير المحبب.
خاصة لمان تعوم ويجيك برميل حجاز حادروا صاحبو
عصمة يا جارة الوادي زي ما قال سلمان عقيد
عصمة مستورة
فيكم زول بي يتذكرا.. لها وزن في عالم الملكوت والملك والشهادة وعالم البرزخ لأنها كانت لاتجرح زول
عصمة ود ميرفون
فيكم زول بيذكروا.. حاز قسب السبق في الأخلاق العدلة
عصمة بابكوري الذي يجيد الوصف
والمعلم الكبير ود بابكوري
مرة ود بابكوري يجدع لى ابوه في الطين يبنوا ليهن في كر... محمد بابكوري ده صغير يقول كدة يجدع اللقمة تتفترن عليهو.. ومرات تصل لى أيد أبوه شتريي..
أبوه قال.. ها ها ها.. والله البوابير لستر ديل لمان ينتهن وموضتن تروح ناس ( دودس) دي ما بيطلعوا ليهن موية
ودودس دي بوابير كان جات زمان جابوها بعد اللستر مركنتاير.. وتشتغل تبريدا هواء وتحر.. شديد .. ناس المناصير جربوها ورموا حجرا..
أها بابكوري يقصد اللستر الجيل القديم من المناصير الذين يجيدون فنون الطين والبوغة وفتل الحبال وناس ( دودس) الجيل الجديد.. بتاع الترطيبة.. بتاع سلام الجضوم..

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31695
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: عصمة: ياجارة الوادى طربت وعادنى مايشبه الاحلام من ذكراك

مُساهمة من طرف د اليسع حسن احمد في الأحد 05 سبتمبر 2010, 2:40 pm

عصمة الفكي حمد
لما تجئ سيرة عصمة ياسلمان اتذكر حبيب الروح الفكي حمد عليه رضوان الله ورحمته
الفكي جمعتني به الصدفة وعن طريق عمل شقيقته معنا
يجئ الينا بالسلام كالنسمة حيي خلوق مدثر بسمت الصالحين ادبا وتواضعا
سمي علي ابنه من صلبه( اليسع)
كل عام وقبيل رمضان اجده جالس بساعات احيانا اخرج مصادفة واجده جالس
يازول ما خشيت مالك
والله قلت تكون مشغول ولا حاجي واخاف اشغلك
ودا تمر رمضان هديي من ام اليسع
وذا به انضر ما انتجته وديان المناصير من تمر تسسلل خلسة من جنان الرضوان
آه يا صديق ابو حنه
افتقدته ذات رمضان خرجت ذهابا جئة ورواحا ولم اجده
خلت عله غالبه الادب وظن اني مشغولا وذهب وحتما سيجئ
استاطلت غيبته
وبعد ان استفقت من وحل العبد ونقائصه عرفت انه غادر الي الدار التي لا يظلم فيها احد
الفكي مات وترك اليسع يتيما
اتقول لي لاتبك ايها الصديق
من يدلني علي اليسع الان من
هل تعاهدني ياسلمان
انه اليسع وانه من عصمة
عليك رضوان الله ايها الفكي

د اليسع حسن احمد
كبار الشخصيات
كبار الشخصيات

احترام قوانين المنتدى : 100

عدد المساهمات : 80
نقاط : 11814
تاريخ التسجيل : 12/08/2010

الرجوع الى أعلى الصفحة اذهب الى الأسفل

رد: عصمة: ياجارة الوادى طربت وعادنى مايشبه الاحلام من ذكراك

مُساهمة من طرف م بروي في الإثنين 06 سبتمبر 2010, 6:27 pm

سلمان عقيد النعوفابى كتب:عصمة الحنان منساب –
رغم طبيعة السفرة للبلد وكما ذكرت فى مرات سابقة نحنا الواحد مننا بقى ينظر لاى شىء –منظر –عبارة –سلوك—فى البلد ينظر لتلك الاشياء بعمق –وكله بسبب المنتدى—هنا رأيت عصمة ونخليها الذى هلك جراء الكارثة والاخر الذى ظل صامدا يؤتى اكله –ويكمل اللوحة خاصة على شاطى الوادى فى منظر بديع وهذا يؤكد فى ان عصمة كانت بل ومازالت من اجمل قرى المنطقة—ومع الاستاذ حبيب الحق فى ان يقول :

عصمة ضوابا وعساسير

فوق نخيلا يوجوج الطير

وكذلك قول شاعر لا اذكر(فى رواية تقول انه الفكى ود الباهى :

شتلى فوق الوادى اتردم

وفوقو حس الكرجات رطن

وكذلك حديث الاخ الاستاذ قاسم ابوزيد (الشاعر والمخرج المعروف) والمتعاون مع جامعة النيلين وحديثه لى شخصيا فى انه قبل الاغرا ق تم تكليفه ومعه مجموعة بعمل فيلم توثيقى للمنطقة حيث ذكر انه ومجموعة ذهلوا لمنظر عصمة وقاموا بتسجيل اروع المناظر لها الا ان الفيلم اوقف من قبل جهة لاتريد عكس تلك المناظر –

اود هنا كل من يشاهد عصمة سابقا وحتى الان بانها وهبت جمالا رائعا رغم انها فقدت الكثير ---

اما انسانها مازال يتمتع بتلك الصفات والسمات الكرم-الشهامة-المروءة-الترتيب المحكم فى الضيافة والملمات--الخ---- شأنها شأن كل الناس فى كل قرى المناصير—وفى خاطرى دايما –ان عصمه ارتبطت بعبارة (معاك وضو )—فهنالك عدة حكاوى عن تلك العبارة –فقيل ان واحد من اهلنا العرب جا عصمة (وعلاقته بالصلاة ضعيفة) فصل المغرب ثم العشاء والتراويح واخذ يتململ---ثم عند الفجر صحاهو احد الشباب فقال له الصلاة –فقال ليهو صلاة شنو—فرد عليه صلاة الصبح –فقال صاحبنا –هو الصبح دا ماصلينا فى (الكبسيبا) اللت البارح دى-

------------لى عودة----باذن الله لنفس الموضوع------------
أستاذنا سلمان
سلامات
الظاهر عليك تقرن مويتك دي وتاخدلك خفسه على الحويش داك
تاخدلك قطاع وصفقه مع الجماعة ورنيمة
شتلي فوق الوادي اتردم
وفوقو حس الخرجات نضم
عاع أرقد ياعيش
ومماما قاله الفكي ود الباهي عندما كسر وادي عصمة
جانا نص الليل مو نهار
شال شتيل ناس احمد الخال
المقرع والدابو شال
وشال حمار تاجرنا أب عدار
ونجري بي شنكوكه الحمار
ووكر الجنزير في الحجار
والحطب شال ضنقلا أم نار
ــــــــــــــــ
والله والله الليل يا جنى
الحراره مرقت...ضم الحاء وفتح الراتين
تسلم يازعيم

م بروي
كبار الشخصيات
كبار الشخصيات

احترام قوانين المنتدى : 100

عدد المساهمات : 2592
نقاط : 19032
تاريخ التسجيل : 24/04/2010

الرجوع الى أعلى الصفحة اذهب الى الأسفل

رد: عصمة: ياجارة الوادى طربت وعادنى مايشبه الاحلام من ذكراك

مُساهمة من طرف سلمان عقيد النعوفابى في الأربعاء 08 سبتمبر 2010, 4:31 am

شكرا لكل المتداخلين--
ولعل الموضوع حرك الدواخل والذكريات --خاصة للاخ الصدوق--المابتلحق--
وياود بروى --كلامك صاح اخد لى حومة وارجع --يبقالى فى محل ماشرب وعطشان (جديد) اصد لى محلى --
بعدين القصيدة التى ذكرتها قيلت فى سراية (بابورى ) المطر الشهيرة --وكل ما احفظه ذكرته انت -ولكن المطلع :
حسو يرزم وقلنا طيار-
وياحمود صورة رهيبة --لكن كانت سنه كم --وزى ماقال الهادى عهدناك بالجلابية والعمة المميزة--لكن قبل كده قلت لى --شوية شوية حاتنزل الصور حتى تصل للصورة الحالية






وطنى وهبتك مهجتى درعا
لنعلك من نجاسات الخيانة

سلمان عقيد النعوفابى
اداري
اداري

الأوسمة مشرف المنتدى الاجتماعي


احترام قوانين المنتدى : 100

عدد المساهمات : 2615
نقاط : 19644
تاريخ التسجيل : 01/04/2010

الرجوع الى أعلى الصفحة اذهب الى الأسفل

رد: عصمة: ياجارة الوادى طربت وعادنى مايشبه الاحلام من ذكراك

مُساهمة من طرف م بروي في الأربعاء 08 سبتمبر 2010, 5:03 pm

سلام ياصديقي الحبيب
ما شوية شوية طوالي بخت ليك الشيني بس أصبر
ياخوي عهدناك بالعمة والجلابية دي الهادي قالها في ياتو بوست؟
الصورة كانت في صيف عام 1988 وفي داخل المستشفي وبجواري د عمر من أرقي .
مشكور يازعيم

م بروي
كبار الشخصيات
كبار الشخصيات

احترام قوانين المنتدى : 100

عدد المساهمات : 2592
نقاط : 19032
تاريخ التسجيل : 24/04/2010

الرجوع الى أعلى الصفحة اذهب الى الأسفل

رد: عصمة: ياجارة الوادى طربت وعادنى مايشبه الاحلام من ذكراك

مُساهمة من طرف صديق عبدالله علي أبوحنة في الخميس 09 سبتمبر 2010, 8:04 pm

جاي للتو من المطار.ز شنطي لسه في حوش عمر أخوى في الراشدين.. لقيت ليهم ياكلوا في قراصة عمر أخوي والفكي حمد.. كان زمان زول جميل أصفر.ز عندو حمار عاتي.. لقيتو ليك غبار الدهر جري على جسده.. عمر أخوي قال لى عرفت سرك ده؟ قلت ليهو يعني! يشبه لى الفكي حمد..
تاسرت تحسرت. تألمت.. دمعتي نقطت.. فعلاً
يا دكتور اليسع
هو زول موش ساهل.. ولي ولي ولي.
مشيت على الشنطة قلت أناولو حاجة.. فجأة بحث عن البيت كلو ما لقيتو قالوا طلع زي الظرفة زي الصاروخ. طلع.ز وانا أعلم أنه محتاج ولكنه لم يقل لى أي شئ..
آه
غايتو الشعب السوداني ده مرااا بي جنس حالة من الذل والهوان والجوع والقحط والمرض والصبر والألم والحسرة والدموع ..حالة لايعلمها إلا الله
هم يا دكتور اليسع على مشارف عصمة.ز ( عقيبة اللمين)
تربطنا مع الفكي حمد علاقات مزاوجة بين اسرتينا الكبار
والفكي أبوهو حمد راجل فارس.مسميهو على ...الفكي ضقولي الذي ذكره زولكم حازم يا دكتور اليسع

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31695
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: عصمة: ياجارة الوادى طربت وعادنى مايشبه الاحلام من ذكراك

مُساهمة من طرف د اليسع حسن احمد في الإثنين 13 سبتمبر 2010, 1:41 pm

لك عاطر التحايا وجميل الامنيات
طيب القي اليسع وين
بالله عليك دلني عليه
استحلفتك بالذي خلق السماء بلا عمد
القاه وين

د اليسع حسن احمد
كبار الشخصيات
كبار الشخصيات

احترام قوانين المنتدى : 100

عدد المساهمات : 80
نقاط : 11814
تاريخ التسجيل : 12/08/2010

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى