المناصير بلدي
الزائر الكريم مرحبا بك في منتدى المناصير بلدي
ان لم تكن مسجلا فيرجى الضغط على زر التسجيل وملء بياناتك لقبول عضويتك

مشتهي لى في الفطور بليلة لوباين عفن مخلوطة بي مريق دقاق

استعرض الموضوع السابق استعرض الموضوع التالي اذهب الى الأسفل

مشتهي لى في الفطور بليلة لوباين عفن مخلوطة بي مريق دقاق

مُساهمة من طرف صديق عبدالله علي أبوحنة في الأربعاء 10 يوليو 2013, 7:04 pm

نفسي فيها شديد..  منو فيكن يا بنات تسويها ترسلها لى؟
 بليلة لوباين عفن.. مخلوطة بي مريق بلد أبيض دقاق.. زي مريق البلد البي يكون مسيوق بي تحت والبحر جارط سيدو حشاهو قبل ما ينجض.. بقا يعني زي  عيش الفريك البي يسووهوا ناس الخرتوم بليلي..
 بالله نحن بالفطرة نعرف الفريك قبل ما ناس الخرتوم يعرفوه
 أصلنا آب ندور نحش عيشنا بدري؟
 لكن قومان البحر علمنا أكل الفريك قبلكن يا ناس الخرتوم؟ ثقافة منصورية والله ما ثقافة منصوريي
 عان دا الجـِـن؟
 ناس البلد كين  الكلام يكون تحقيقو صعب
 يقولوا ليك
 عان دا الجن؟
.............
 الغريبة ليه يقولوا ليهو لوبا عفن مع إنو حلو.. وقالوا يحمي شراب الموية والعطش في رمضان؟
 وداك لوبا طيب
 أو لوبا الصعيد
....
 حب المريق الدقاق يكون بالنجاض بالنار يا دوب إتفقع كدة وليس سالم..
 نكون البليلي اتهردت  عملت الموية الربوب زي الموية الرب ربو ... ناس الخرتوم يضيقو عليها ما بيلخوها تنجض سمح؟
 وناس الخرتوم ذاتو نادر ما يعرفو بليلة اللوبا العفن؟
 بعدين عليها حبة زيت من فوق ومضرضر عليها شمار مناصير ناجم شمار حجري من فوق
 بالله الشمار ده تقول سحرونا فيهو نحن المناصير
 تصدقوا حتى شمارنا خلاقي؟
 تجار الملجة في أم درمان بقوا يعرفوه ويفرزوا شمار المناصير عن الشمار التاني؟
 نحن شغلنا كلو ختري..
 بس لو خلينا الكجار؟
 ممكن نقود العالم وليس السودان فحسب
..............
 منو فيكن يا بنات ترسل لى البليلي دي
 مرسال بأي طريقة تراها مناسبة
.............

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31710
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: مشتهي لى في الفطور بليلة لوباين عفن مخلوطة بي مريق دقاق

مُساهمة من طرف amira ali في الأربعاء 10 يوليو 2013, 7:30 pm

زي ما قت :  اللوبيا العفن ناس الخرتوم ذاتهم ما بعرفوه
زمن  ما ضغناهو 
 قايتو لو عايز بليلة كبكبي انا بليلتي مرقت تب عشان ما شفت لى مرتا  فالحي  قالت لك  بليلة اللوبيا  عندي  وما اظن تلقاها  لا تتعب

اما الشما ر   الباكستاني مالي السوق  هنا  ومكرتن ومظرف تقول وحات ده الشمار  وبرضو الكزبرة   لا طعم ولا رائحة
 سوقا ما لقاهو شمار المناصير  الريحتو  تجيك من ابعد المسافات
 مشكلة السودان تسوق مافي- ما شفت التسالي والدكوة  ( يسموها زبدة الفول السوداني)  تصنع وتصدر للمملكة من مصر
وهي حقتنا
شعب كسلان؟ واللا تقاعس  حكومات وسوء ادارة

لكن ان جيت للفايدة بليلة العدسية   قيمته الغذائية لا يعلى عليها

amira ali
عضو فضي
عضو فضي

الأوسمة عضو فضي

احترام قوانين المنتدى : 100

عدد المساهمات : 945
نقاط : 12518
تاريخ التسجيل : 29/04/2011

الرجوع الى أعلى الصفحة اذهب الى الأسفل

رد: مشتهي لى في الفطور بليلة لوباين عفن مخلوطة بي مريق دقاق

مُساهمة من طرف صديق عبدالله علي أبوحنة في الخميس 11 يوليو 2013, 5:13 am

تسلمي استاذة أميرة علي
 عارفك ست بيت من الطراز الأول.. بليلة الكبكبي بي نجيها يوم إن شاء الله..
 موش زبدة الفول براها.. حاجات كتيرة. حتى تمرنا المشرق يعجوه ويكتبوا عليهو حاجات تانية.. النواحي الفنية في البيع والشراء والتغليف تنقصنا.. وعدم وجود خطة واحدة مدروسة للتصدير.. واستهوان الحاجات.. والعقبات الكتيرة في التصدير لرأس المال الحر.. والقيود.. والجمارك المبالغ فيها.. وبعض المسؤولين نفسهم في مواقع القرار.. يقفون عقبات.. وعدم التشجيع على التصدير، واحتكار التصدير ورخص التصدير..

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31710
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: مشتهي لى في الفطور بليلة لوباين عفن مخلوطة بي مريق دقاق

مُساهمة من طرف سهام علي محجوب في الخميس 11 يوليو 2013, 5:54 am

غالى والطلب رخيص .....اسع دى ياصديق يجبوها ليك م...وي...اطلب حاجه موجده عشا...اه مش الكتابه دى خليته ,,,,بكره على الصلاح دى ماطريقه الواحد مالاقى راحتو فى الكتابه مع الحرف ال....اقص دا
 No

سهام علي محجوب
عضو متميز
عضو متميز

احترام قوانين المنتدى : 100

عدد المساهمات : 463
نقاط : 7769
تاريخ التسجيل : 16/05/2013
العمر : 39

الرجوع الى أعلى الصفحة اذهب الى الأسفل

رد: مشتهي لى في الفطور بليلة لوباين عفن مخلوطة بي مريق دقاق

مُساهمة من طرف صديق عبدالله علي أبوحنة في الخميس 11 يوليو 2013, 1:43 pm

يديكي العافية
 أستاذة سهام... ربنا يحفظك...  ويخلي ليك وليداتك.. ما بتقصري
 لكن بس لأنو اتربينا عليها هذه النوع من البليلة.. له ريحة معينة انطبعت في وجداننا هذا النوع من اللوبيا
 موش غريبة كل المناصير تستعملوا كان
...............
 بليلة العدسي القالتها أميرة على يا سهام
 فعلا حاجة لايعلى عليها.. وقيمتها الغذائية عالية.. بس إذا اتلقت مرة زبطتها صاح.. ونجضتها صاح..
 هسي دي الزول العندو ضعف دم.. أو انيميا منجلية .. يوصفوا ليهو بليلة العدسي دي  القالتا أميرة علي.. برضو بيقولوا ليهو أخلط في الخلاطة الطماطم المستوية بالسكر.ز
 تسلمي سهام .. يديك العافية.. عارفك ما بتقصري

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31710
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: مشتهي لى في الفطور بليلة لوباين عفن مخلوطة بي مريق دقاق

مُساهمة من طرف نصرالدين ابوزيد حامد كرار في الخميس 11 يوليو 2013, 2:48 pm

صديق عبدالله علي أبوحنة كتب:تسلمي استاذة أميرة علي
 عارفك ست بيت من الطراز الأول.. بليلة الكبكبي بي نجيها يوم إن شاء الله..
 موش زبدة الفول براها.. حاجات كتيرة. حتى تمرنا المشرق يعجوه ويكتبوا عليهو حاجات تانية.. النواحي الفنية في البيع والشراء والتغليف تنقصنا.. وعدم وجود خطة واحدة مدروسة للتصدير.. واستهوان الحاجات.. والعقبات الكتيرة في التصدير لرأس المال الحر.. والقيود.. والجمارك المبالغ فيها.. وبعض المسؤولين نفسهم في مواقع القرار.. يقفون عقبات.. وعدم التشجيع على التصدير، واحتكار التصدير ورخص التصدير..

 كل سنه وانت طيب باشمهندس صديق وربنا يعيد رمضان عليك وانت بالف خير .
موضوع حاجاتنا السودانية البتتجهز فى دول اخرى وتباع على انها منتجات تلك الدول هينة , انت سمعت بمحل الاشجار الخضراء فى الشارقه جوار دوار الساعة , دا بيبيع حاجاتنا السودانية وواصلة من السودان , والاغرب من كده فى حاجات سودانية يمكن السودانيين سمعوا بيها ولم يروها والله حتى الدوم عندو .
الويكة والشرموط والحلومر والابرى الابيض والجبنات الطين بانواعها التمر بجميع انواعه القنقليس والعرديب والمقاشيش والهبابات ....................الخ وكل ما تجده فى سوق امدرمان موجود ............وتخيل حتى ملاح الكول وفى مره قال لى اذا بدك كمونيه من السودان سجل اسمك اجيبها مخصوص للطالبين فقط ..........


تخيل بعد هذا كله انه قبطى مصرى من الصعيد .زول شاطر معاملتو فوق ما تتصور اذا العيب فينا نحن .

نصرالدين ابوزيد حامد كرار
عضو ذهبي
عضو ذهبي

احترام قوانين المنتدى : 100

عدد المساهمات : 1455
نقاط : 12974
تاريخ التسجيل : 01/12/2011

الرجوع الى أعلى الصفحة اذهب الى الأسفل

رد: مشتهي لى في الفطور بليلة لوباين عفن مخلوطة بي مريق دقاق

مُساهمة من طرف مصباح محمد مصباح في الخميس 11 يوليو 2013, 6:22 pm

رمضان كريم ياهندسة وربنا يتقبل الصيام والقيام. مريق البلد قد يكون في خبر كان لكن في العام الماضي المناصير انتجوا مريق البلد لأن النيل انحسر مبكرا واستفاد الناس من الجروف وزرعوا المريق وحصدوه أما هذا العام تأخر انحسار النيل والجماعة قالوا أسامة قصدنا وقول غير مستبعد. أما اللوبيا طيبه وعفنه متوفر وبليلتك التي توصفها ناقصة تمر يوضع عليها تذكر ياصديق زمان ما في صحن تمر يوضع التمر على البليلة وتلقاه صار لين تأكل وتشرب ملح البليلة، والوجبة كلها كانت في صحن واحد بليلة وتمر وشوربة لكنها وجبة تسندك غدا ومافي جوع و لا ألم ولا مرض وغذاء كامل.
اما حاجات السودان فوصلتنا جميعها مع البنية من السودان الحمد لله والعاوز دكوه لوبيا بأنواعه شرموط آبري مانجو قنقليس كركردي عليه الاتصال أو الحضور ولن نقصر وأمس كان فطورنا يتكون من حاجيات السودان حتى السحور كان بالرهوفي واللبن وتأكل صوابعك معه. تسلم ياهندسة

مصباح محمد مصباح
كبار الشخصيات
كبار الشخصيات

احترام قوانين المنتدى : 100

عدد المساهمات : 1897
نقاط : 16271
تاريخ التسجيل : 14/08/2010

الرجوع الى أعلى الصفحة اذهب الى الأسفل

رد: مشتهي لى في الفطور بليلة لوباين عفن مخلوطة بي مريق دقاق

مُساهمة من طرف صديق عبدالله علي أبوحنة في الخميس 11 يوليو 2013, 7:37 pm

تسلم  باش مهندس نصر الدين.يعود علينا جميعا بالخير والبركة
....................
 دكتور مصباح.. والله تميت الناقصي الأنا نسيتا... التمر يختوه في النص في صحن البليلي بتاعة اللوبا العفن مع المريق وهي حار.. خاصة إذا تمر بركاوي عشان يلين عشان الزول صايم ما قادر ليهو على مناتلة تمر قوى وناشف
.........
 شفتا البركة دي كيف زي ما ذكرت أنت... ثلاثة أشياء في صحن واحد
 تمر
 وشوربة البليلي  ترشف بي حرف القدح
  وبعدين تجي للبليلي الحب تكتحا في خشمك
 حتى في الآخر ممكن تجي للقراصة بي دمعة بي ملاح بي أي حاجة..

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31710
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: مشتهي لى في الفطور بليلة لوباين عفن مخلوطة بي مريق دقاق

مُساهمة من طرف صديق عبدالله علي أبوحنة في الخميس 11 يوليو 2013, 7:41 pm

نصر الدين
 الموضوع بتاع الزول القبطي البي يبيع حاجاتنا ده؟  في الشارقة؟
 فعلا زول لماح شديد.. وعرف من أين تؤكل الكتف؟
لأنو الجالية  السودانية في الشارقة ودبي وعجمان كبيرة جدا وكلهم متقاربات لي بعض المدن دي؟ ما زي أبوظبي بعيدة من المدن دي

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31710
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: مشتهي لى في الفطور بليلة لوباين عفن مخلوطة بي مريق دقاق

مُساهمة من طرف amira ali في الخميس 11 يوليو 2013, 8:36 pm

نصرالدين ابوزيد حامد كرار كتب:
 كل سنه وانت طيب باشمهندس صديق وربنا يعيد رمضان عليك وانت بالف خير .
موضوع حاجاتنا السودانية البتتجهز فى دول اخرى وتباع على انها منتجات تلك الدول هينة , انت سمعت بمحل الاشجار الخضراء فى الشارقه جوار دوار الساعة , دا بيبيع حاجاتنا السودانية وواصلة من السودان , والاغرب من كده فى حاجات سودانية يمكن السودانيين سمعوا بيها ولم يروها والله حتى الدوم عندو .
الويكة والشرموط والحلومر والابرى الابيض والجبنات الطين بانواعها التمر بجميع انواعه القنقليس والعرديب والمقاشيش والهبابات ....................الخ وكل ما تجده فى سوق امدرمان موجود ............وتخيل حتى ملاح الكول وفى مره قال لى اذا بدك كمونيه من السودان سجل اسمك اجيبها مخصوص للطالبين فقط ..........


تخيل بعد هذا كله انه قبطى مصرى من الصعيد .زول شاطر معاملتو فوق ما تتصور اذا العيب فينا نحن .

 برضو يا نصر الدين عندنا في الرياض حي اسمو غبيرا ده عبارة عن ام درمان   الناس نفسها  والمبيعات نفسها
 الثياب السودانية والجلاليب والعراريق و(على الله )ما تديك الدرب  والباعة اغلبهم سودانيين
 اما ناس المفريك والمقاشيش وووووو كل شيئ ما يخص الاكل وما يخص زينة  النساء   وايضا الرجال
عدة محلات بشارع غبيرا العام  شيئ يحير
واشهرها  دكان  هاشم  بس تقول عاوز محل هاشم  السوداني ما في مراة واللا راجل سوداني ما يعرفو ليك
 البهارات عندو على اصلها -خلينا  بهارات الباكستان بقينا نجيب منو مع انو هذا الحي بعيد  شوي جنوب الرياض

amira ali
عضو فضي
عضو فضي

الأوسمة عضو فضي

احترام قوانين المنتدى : 100

عدد المساهمات : 945
نقاط : 12518
تاريخ التسجيل : 29/04/2011

الرجوع الى أعلى الصفحة اذهب الى الأسفل

رد: مشتهي لى في الفطور بليلة لوباين عفن مخلوطة بي مريق دقاق

مُساهمة من طرف (الحاج شرف) في الخميس 11 يوليو 2013, 9:16 pm

طيب شنو الكراتين والشنط الحديد المالين بيها مطار الخرطوم دى
بالله تانى اي مغترب يشيل بهاراتنا ودكوتنا ورهوفينا عشان يسحربو ممنوع
تجى السودان ترجع بهاند باق فقط




[img][/img]عندما انتهيت من صنع السفينه جف البحر [ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

(الحاج شرف)
اداري
اداري

الأوسمة مشرف المنتدى العام



احترام قوانين المنتدى : 100

عدد المساهمات : 1785
نقاط : 17089
تاريخ التسجيل : 22/04/2010

الرجوع الى أعلى الصفحة اذهب الى الأسفل

رد: مشتهي لى في الفطور بليلة لوباين عفن مخلوطة بي مريق دقاق

مُساهمة من طرف صديق عبدالله علي أبوحنة في الخميس 11 يوليو 2013, 10:34 pm

يا الحاج. هو صاح دكان هاشم وحاجاتو أصلية لكن هنالك غالي.. والمغتربين لما يرجعوا بيكون عندهم وزن فاضي.. بيملوه بي حاجات زي دي وهناك يسحنوا شوية شوية ويحفظوها في التلاجة.. تغنيك عن الشئ الغالي في دكان هاشم أضعاف السعر في السودان..
 وطبعا هو رحلا وجابا وواجهتو مشاكل وضرايب وغيرا

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31710
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: مشتهي لى في الفطور بليلة لوباين عفن مخلوطة بي مريق دقاق

مُساهمة من طرف صديق عبدالله علي أبوحنة في الإثنين 15 يوليو 2013, 8:06 pm

 ناس البلد يقولوا ليك.. بليلة اللوبا العفن في رمضان تشييييل الزول حيلو!
 وحبايات مريق البلد أو الفريييك المخلوط فيها ينفع المعدة.. و يريح القولون الفاضي نهار رمضان
 وشراب ملح البليلي بليلة اللوبا العفن تحديداً شراب ملحا  مكتوح فيهو شوية شمار.جغمة جغمتين في الأول من ملحا وهي والمعدة حارة قالوا يريح المعدة ويوزنها
 وبالذات الشمار يمنع  القـِـضـَافْ تماما .
 تمرات مرميات في ملح البليلي .عشان يلينن .. تلقاهن لينات . لأنو مع الصيام والشغل الصعب طوال النهار  الحنك بيكون فتر ما قادر يناتل في تمر قوي..
 والتمر في حد ذاتو عالي السكريات.. يساعد في نقص السكريات بسبب الصوم..
 كل الحاجات مجموعات في صحن واحد.. البليلي وملحا كشوربة والتمر.. تلاتة حاجات في صحن؟
 قالوا دي مدعاة للبركة..  ومباركة المعيشة.. وهي روح الصيام..
 قالوا التمر لي حالو عندو طبيعة معينة
 ملح البليلي لى حالو  في صحن براهو ..عندو طبيعة معينة
 اللوبا لى حالو عندو طبيعة معينة
 لكن كل هذه الحاجات لما تجتمع مع بعض في قدح واحد.. قدح طلس.. وتكون حارة تاخذ وضع جديد وطبعية التمر تاخذ من طبعية اللوبا من طبيعة المريق وكل واحد من ديل يصبح ذو نكهة جديدة
 تمر وما تمر
 حب مريق أبيض وما حب مريق أبيض
 لوبا عفن وما لوبا عفن
 شمار وما شمار
 صار كوكتيل
 زي حكاية ( ثم أنشأناه خلقاً آخر فتبارك الله أحسن الخالقين )
 عشان كدة مناصير زمان حياتهم فيها بركة وما قدر أي عدو يشق صفهم..
 لأنهم شغلهم في رمضان في محلو؟ ما بتنقص ساعات عدد الشغل عندهم.. هسي دي حتى الخدمة المدنية والحكومة ، تنقص عدد الساعات في رمضان... وده كلام غلط أشد الغلط .. ويسحق ويمحق الأجر وبركة الصيام.. رمضان موش شهر كسل؟ رمضان شهر عمل؟ والذي لايؤتمن على العمل ولايؤتمن على الصلاة والعبادة؟ ولذلك المناصير كانوا في رمضان شغلهم عادي وقد يزيد.. نحن الجيل الحالي تربينا على الجيل القديم ( عسكر قديم) وتشربنا صفاتهم.. نقحنا بوغة ونحن صايمين قرعنا موية ونحن صايمين حفرنا.حشينا  عادي.مافي تبطل مافي كسل.. بس بي نتحايل على الخدمي مثلا كان جاء رمضان مع نقح بوغة. الناس تتلما تنقح بي ضو القمرا.. يستفيدوا من ضو القمرة.. وحاجات زي دي؟ يعرفوا يوظفوا الطبيعة المناصير.. وساعات العمل عندهم في رمضان قد تزيد

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31710
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: مشتهي لى في الفطور بليلة لوباين عفن مخلوطة بي مريق دقاق

مُساهمة من طرف عازه في الثلاثاء 16 يوليو 2013, 3:16 am

معقوله يالخال انت تشهي في البليله ليك كم يوم غالي والطلب رخيص انا اصلو البلايل  دي مرتاحه منها هي والبلح والقمح الاحمر الشارب من النيل  تجيني كلها محمله من الرباطاب والله يالخال بالمريق والله طعمو مختلف نهائي ماذي حقنا
 انا اللوبيا العفن ياتو فيها ماعارفاهو بعرف العدسيه والكبكبي لكن في نوعين كدا شاكه انو يكون منهم طلبك شكلهم الاثينين ذي الفاصوليا بس اصغر حجما وواحد لونو ابيض والثاني كريمي مايل علي بني اصلا بليلتي بخلط كم نوع من اللوبيا ومعها المريق كان نفسي ادفنه لكن الطلعه مع رمضان صعبه  بشدها في البوتجاز اصغر عين وارخيها شديد  من الساعة 2-5 مساء تكون استوت بقطع فيها بصله وشوية شمار وكسبره وملح عشره دقائق وانزله تطلع بليله طاعمي شديد تستاهلكم ولو قلت لوبيا عفن مع مريق دون خلطها مع انواع البليله الاخري حااشدها ليك حتي اذا طلعت ماعندي حاارسليها لانها شكلها كدا مابتتفوت لك الف شكر

عازه
كبار الشخصيات
كبار الشخصيات

احترام قوانين المنتدى : 100

عدد المساهمات : 1294
نقاط : 14070
تاريخ التسجيل : 19/12/2010

الرجوع الى أعلى الصفحة اذهب الى الأسفل

رد: مشتهي لى في الفطور بليلة لوباين عفن مخلوطة بي مريق دقاق

مُساهمة من طرف الرشيد طه في الأربعاء 17 يوليو 2013, 1:40 am

عازه كتب: لكن في نوعين كدا شاكه انو يكون منهم طلبك شكلهم الاثينين ذي الفاصوليا بس اصغر حجما وواحد لونو ابيض والثاني كريمي مايل علي بني




لأنـنـا نـتـقن الصــــمت حمــلونا وزر النـــوايا

الرشيد طه
اداري
اداري

الأوسمة مشرف المنتدى السياسي
مشرف منتدى الصحافة

احترام قوانين المنتدى : 100

عدد المساهمات : 2625
نقاط : 18896
تاريخ التسجيل : 15/04/2010

الرجوع الى أعلى الصفحة اذهب الى الأسفل

رد: مشتهي لى في الفطور بليلة لوباين عفن مخلوطة بي مريق دقاق

مُساهمة من طرف اميره الحومرى في الأربعاء 17 يوليو 2013, 7:20 am

عازه انا زاتى بحب الكريمى المائل على بنى دى لذيذه شديد
طبعا دخلتا البو ست بعد وصفك فى البدايه قلتا كيف الزول يشتهى حاجه ريحته ما طيبه غريبه )))ارجى الراجك الصباح )

اميره الحومرى
عضو فضي
عضو فضي

احترام قوانين المنتدى : 100

عدد المساهمات : 717
نقاط : 11971
تاريخ التسجيل : 24/05/2011

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى