الـحـَـقـُـوْ

الـحـَـقـُـوْ سير وحزام من الجلد وبه خرز ، غالباً ما يكون ودع. يربط حول خصر البنت الصغيرة.. يجعل خصر البنت صغير.. وضامر.. وهو شئ محبب في الأنثى، وثانياً عشان البنت ما تعمل ليها كرش.. وفعلا كان مفيد...
سبحان الله أهلنا في كل شئ عندهم باع ، حتى التطبيب.. الآن وفي القرن الواحد وعشرين يصف الطب ويصرف الأحزمة لترهل البطن وللضمور..
شوف نحن من زمان طبنا مما نصنع ، وقد كان مفيداً..
نحن قبيلة مؤثرة في نفسها وفيما حولها.. نخشى من الضياع الآن والتفكك... لقد أثبتت البحوث التراثية في المنطقة من بعثة الآثار الفرنسية ، مكتوباً يقول بأن سكان هذه المنطقة كانوا مؤثرين فيمن حولهم بصورة لافتة، حتى هذه البحوث قد تقلب مفاهيم التراث راساً على عقب في المنطقة العربية كلها ، حتى تاريخ الفراعنة ، قد بدأ من هنا بصورة واضحة..
الآن
وكل مجهوداتنا أن يكون لنا أصلاً وفصلاً.حتى لانعرف في الأجيال التالية ، بأننا الجيل الذي ضيع إسم القبيلة ، بكثرة التنازع، والتفريط والإفراط..
كلمة الحقو... أوردها الأخ الباشمهندس الفكي أحمد محمد أحمد الفكي في القاموس.. وقد لزم شرحها مفصلاً هنا في باب التراث، لتعم المنفعة والسرد التراثي..

السلام يا خال..

أنا ما بخليك وبتابعك وين ما مشيت لأنك مفيد.

يشكوهو من السوميت حبوبتى شولمنة عمتك كان عندها طهرونى بيهو.

مشكوك من السوميت ومعطون فى الريحة.

معطون فى الريحى.

مبلول بل .

إنت كان جايى على شررى تشم ريحة الحقو بتاع حبوبتى من حوش فرنيب.

شفت العز ده كيف يا خال زمن؟؟؟؟

زمن الحقو أب سوميت والسمن بالطاسى.

عند الغمر بمياه سد مروى للمنطقة أنا كنت حاضرا.

ربطنا المركب فى حوش شولمنة بت حمد تومى.

سبحان الله.

نسأل الله لها الرحمة .

مرقت كل الأشياء الجميلة فى أم عطرون قصادنا بى غادى.

من ضمنها المراحيك والسعون القديمة.

الرابانات بتاعة الخش..

حتى جراب جدى ود حجاب موجود طرفى .

المراحيك قاعدة لميتا كلها موجودة الآن.فى أول زيارة ليك للبلد بوريك ليها شكلها يحيرك ويمحنك!!!!!!!!!!1

ود أختى ود الحمود
مرقتهاوين حاجات عمتي شولمنى؟
في أم عطرون والله شنو؟ والله عند ود الملكي؟
خلاص أول مشية للبلد نمشي نشوف تراث عمتنا..

أيوااا مرقتها في أم عطرون!
حا تكون عند ناس محمد نصر الدين والله شنو؟

الحقو
 والرحط