وجبات في رمضان

amira ali كتب:كل سنة وانتم  وانتن طيبين وطيبات
ورمضان كريم
بالاغتراب يا عازة  الصينية نفسها حقة اهلنا  يعني نفس عاداتنا
بس اضف عليها السمبوسة
 السمبوسة :  
عجينة جاهزة وبرضو موجودة بالبقالات بالسودان  - السنة الفاتت  عملناها  هناك
هذه العجينة  على  شكل شرائح تلف كل شريحة وتحشى بالجبنة  اي نوع من الاجبان  او ان تحشى  بالعصاج وهو اللحمة المفرومة المتبلة   المشوحة على زيت قليييييل  بالطوة  
او ان تحشى بالخضار   او اي شيئ تحبينه - تحمر  في زيت  -  انتبهي سريعة النضج جدا  وتوؤكل حااارة ومقرمشة  ولذيذة
هذه من الوجبات الاساسية  بصينية  رمضان 
اضف الى ذلك البيتزا والفطائر
طبعا العصيدة وملاح الروب  وسلطة الروب بالخيار والجذر

صديق عبدالله علي أبوحنة كتب:(


الذبادي والثمن)

  موضوع رائع رائع يا عازة أمشي فيهو..
 لا والله موش القراصة؟ يقرصك النمل
..........
 لكن أنا في موضوع ( الذبادي والثمن )
 أنا قلت بت أختى دي حصل ليها حاجة في النطق واللسان مما شفتها آخر مرة في إجازتي الفاتت والله شنو؟
 بعد كدة حا تقولي ( العريث ) و ( الثــنــاثــن )

مصباح محمد مصباح كتب:دكتورة عازة رمضان كريم وسلام لك وللمتداخلين وربنا يبلغنا رمضان سالمين طيبين كل أعضاء المنتدى الحنينين. خالك وضع كلمتي ( الذبادي والثمن ) بين قوسين وعلق على اللهجة والحكاية ياهندسة لا فلسفة ولا قرصة نملة . يبدو أنه تأثر بالهدندوة وفلاتة وقر وكسلا وأروما . ويمكن الهوسا التي لأول مرة يرد ذكرها في المنتدى وياهندسة ألحق بنت أختك بكرة تجينا بالزاندي والبرقو . ويطلعوا لنا مثل مناصير كردفان ودار فور الذين حضروا اجتماع المتأثرين ونحن ناقصين دارفور كمان. تسلمي دكتوره عازة لعيالك

abuahmed كتب:؟؟؟؟؟؟؟؟!!!!!!!!!

عازه كتب:ههههههههههه يااميره المناصير عزتنا وفخرنا ومابنجامل في هويتنا مهما كان لانو الزول من دون اهلو مابيساوي حاجه وسعادتو وسط اهلو بي عاداتهم وتقاليدهم الجميله والحمدلله ونعمه من الله ان اوجدنا في ظل قبيله سامقه وباسقه ومخضره في ثقافتها وضاربه جذورها في حضاره علي امتداد التاريخ مناصير والكلام يكمل ولكن موضوع الوجبات دا مختلف نهائي يااميره ذي مايقول المثل اكل مايعجبك خصوصا في الشهر الكريم من هنا زهره ومن هنا ورده فتتجمل المائده باجمل الاصناف هسع الوجبات الكتبتيها في فنون الطبخ لو طبختها هل يعني ذلك اننا غير مناصير بصراحه اعجبتني فكرتك وطبقت منها كم صنف وكذلك افكار اريج وافكار اميره علي ولازلت اعتز اني منصوريه اصليه وهذا هو الشئ الوحيد الجميل والذي يزين حياتي ولا اجامل فيه احد ولااقبل فيه الطعن نعم لقد ترعرت خارج المناصير ومثلي كثر ولكني منصوريه 100% دمي منصوري حار موقد نار ليس به اختلاط باي قبيله اخري لا اقلل من قدر القبائل الاخري ولكن تعجبني قبيلتي وافاخر بها كثيرا شكرا اميره علي المرور مرورك اسعدنا احببنا دوما كتاباتك بيننا ماشاءلله دائما رافعه راسنا