مليووووووووون مبروك عزة

من طرف **عازه** الأحد 12 مايو 2013, 2:37 am

مع إشراقة فجر المحبة
مع كل نسمة من نسمات الحياة
مع كل نغمة من نغمات البلبل الصداح
التي نادى بها مع ظهور النور
وقبل غروب الشمس
ومع كل قطرة ندى داعبت وريقات الأشجار
ومع إشراقة بدرالدجى في سماء الكون
رغم أن الحروف تعجز أن تكتب مابقلبي
وأن تصف مااختلج بفؤادي
فمشاعري هي كلماتي المسطورة
وكلماتي هي أملي
وأملي هي ذكرياتي
وذكرياتي هي دليل قلبي
وقلبي نبضاته تقول
مليووووووووووون مبروك عزة ارسل نبض قلمي في هذه السطور القليله ليعلن التهنئه
تخريمه : لم انزلها في المنتدي الاجتماعي لانها تهنئه ليست ككل التهاني

مع اشراقة فجر المحبا

نحنا الشوق فى قلوبنا شبا

دايرين نعرف الفرح المخبا

افصحى يادكتورة—

ويكون الكل لى نداك لبا

وزغاريد عضواتنا للبلد شقا

من طرف **amira ali** الأحد 12 مايو 2013, 3:13 am

مليون مبروك عازة

ياخبر بفلوس بكرة ببلاش يا ود عقيد الان خلينا نبارك بس

ربنا يديم الافراح والانبساط على الجميع

من طرف **عازه** الأحد 12 مايو 2013, 3:15 am

وقت الافصاح لم يتأتي
مشكور ود عقيد اللي فرحتنا لبي
وزعو الحلاوه والكيك المخبأ
حبوبتكم عزه الليله فرحانه فرحه
الف شكر ليك ود عقيد انشاءلله نجاملك في السمح والزين

من طرف **عازه** الأحد 12 مايو 2013, 3:22 am

اميرة الاميرات ست الزوق انشاءلله نجاملك في الافراح طلتك علينا اسعدتنا كتير بس اصبرو علي شويه بقول ليكم المناسبه

من طرف **علي الكليس** الأحد 12 مايو 2013, 4:00 am

مبروك يادكتوره مقدما ومجرد احساسك بالفرح اسعدنا ..طريقتك في الاعلان عن الخبر ادهشتنا وشوقتنا ..واكيد الفرح بحجم هذه الاندهاشه

من طرف **م بروي** الأحد 12 مايو 2013, 4:13 am

مبروك مقدما
تشبهك الفرحه
والسعادة المقيمة
لك خلق رفيغ يؤهلك لذلك

من طرف **abuahmed** الأحد 12 مايو 2013, 4:36 am

مليار مبروك

نفرح لفرحكم حبوبة عازة

من طرف **النفر** الأحد 12 مايو 2013, 6:05 am

دكتورتنا عازة .... الله يديم عليك الأفراح والليالى الملاح ويسعدك فى الدارين ويحقق أمانيك وتطلعاتك _

مبروك مقدمآ لدكتورتنا وربنا يكتر الافراح والانبساط ونتمني ليك كل السمح وربنا يحقق امانيك

مبارك يادكتورة عزة وإن شاء الله أيامك كلها أفراح والشاطر يأخذ البشارة فتحت كل القواميس الأمامي والحولي واستخدمت كمان أساليب جدنا مصباح عشان آخذ البشارة وافرح بفرح عازة واقتنعت أن فرح عازة يكفينا ولك تحاتي دكتورة عازة.

من طرف **amira ali** الأحد 12 مايو 2013, 3:01 pm

فرحك افرحنا-ان كان بمناسبة ظاهرة للعيان او لفرح خاص فكله فرح والفرح لا يحتاج لمناسبة

فمبروك تاااااني

مليون مبروك هو اسم الشعر او المقطع الدرر الذي خطيته

تسلمي عزة بلادي

مليووووووووووووون مبروك عزه , وربنا يديم الافراح والليالى الملاح.

من طرف **سامى احمد محمد** الأحد 12 مايو 2013, 4:08 pm

ألف مبروووك مقدماً دكتورة عزه وجعل الله أيامكم كلها أفراحاً

من طرف **عازه** الأحد 12 مايو 2013, 5:48 pm

الاخ الكليس
شكرا لك كثر النجوم الساطعة
وكثر الورود الفائحة التي تفوح بأزكى العطور
وكثر ما تكتب الأقلام من حروف وعبارات
واسأل الله العلي العظيم إن يوفقك
إلى ما فيه خير للجميع

من طرف **عازه** الأحد 12 مايو 2013, 5:49 pm

الأخ م بروي
عنـدما ينساب القلــم و يريح في مرفـأه نــرى قـطرات الشهد

تتساقط من بين الأنامــل عندما تكتب نرى الإبــداع الحـق و

المـواهب المصقـولة نرى الفنون والجمال الذي تخطه أياديك
تعجز كلماتنا عن الشكر

من طرف **عازه** الأحد 12 مايو 2013, 5:54 pm

الأخ أبو احمد
عرفان بالجميل ورد معروف نابع من خلجات القلب
الصادق
أقف هنا وقفة تأمل استنبط بها ما وجب عليّ من رد معروف
فتتوزع بطاقات الشكر
وتنادي
شكرا

من طرف **عازه** الأحد 12 مايو 2013, 5:57 pm

الأخ النفر
كلمة شكراً ما تكفي
و المعنى أكبر ما توفيه
لو بيدي العمر أعطيه
أعبر به عن مدى شكري

من طرف **عازه** الأحد 12 مايو 2013, 5:58 pm

الأخ علي محمد الأمامي
حينما تدق الأجراس .. تنشد الأطيار لحن الخلود ..
فتعانق نسمات الصباح .. غروب الشمس ..
يتوهج البدر حاملاً معه باقات من الزهر ..
لينثرها بين الأيادي .. معلنة موعد فجر جديد
يصاحبه نور قلم فريد جزاك الله عنا كل خير

من طرف **عازه** الأحد 12 مايو 2013, 5:59 pm

الأخت أميره الاميرات
الحياة مليئة بالألوان ،ولكن لا يوجد هناك من يعتني بهذه الألوان التي هي مصدر
الأمل والتفاؤل.........................
فمن الجميل إن نخلق لحياتنا ورود هادئة وليست شائكة
لنعيد حلو أيامنا الأمل وروح
الابتسامة التي تجدد أمل الوجود لمن فقده..................................
" فمن وجد الأمل فقد وجد الحياة ، ومن فقد الأمل فقد الحياة"
الف شكر

من طرف **عازه** الأحد 12 مايو 2013, 6:00 pm

الاخ نصر الدين ابو زيد
ولو أنني أوتيت كل بلاغة ****** وأفنيت بحر النطق في النظم والنثر
لما كنت بعد القول إلا مقصرا ***** ومعترفا بالعجز عن واجب الشكر
جزاك الله كل خير

من طرف **عازه** الأحد 12 مايو 2013, 6:01 pm

الاخ د/ مصباح
هــلا بــحــرف الــذوق وعــنــوانــه
هلا بصاحب ألكلمه الاصيله
هلا بمن يصنع من الحروف أجمل المعاني والاشراقات جزاك الله خيرا
اعمل لي محايه وحجاب كبير ماشاءلله حبوبتك فرحانه شديد ههههه انت فقير كارب لكن لو عرفتني فرحانه لي شنو ننصبك رسمي فقير المنتدى وعندك بشارة كبيره يادكتور نظام بياض

من طرف **عازه** الأحد 12 مايو 2013, 6:03 pm

شكرا شاعرنا المبدع سامي
كل الشكر
ومن القوافي والقصائد
ومن جميل النثر .. أروعه .. بين مد وجزر .. وفي أمواج البحر ..
نخوض غمار الكلمة .. فتجرفنا سفينة الورقة .. تجديفها أقلامنا ..
لتحل قواربكم في مراسينا ....جزاكم الله خيرا

من طرف **عباس محمد** الأحد 12 مايو 2013, 6:08 pm

نقول مبروووووك وبس يا عازة

من طرف **عازه** الأحد 12 مايو 2013, 6:21 pm

الاخ عباس محمد
دائماً هي سطور الشكر تكون في غاية الصعوبة عندالصياغة
ربما لأنها تشعرنا دوماً بقصورها وعدم إيفائها حق من نهديه هذه الأسطر
جزاك الله عنا كل الجزاء

من طرف **علي الحمود** الأحد 12 مايو 2013, 6:49 pm

نقول سلام ونقول مبروك هذا واجب..
اللهم وفق عزة وأدم عليها الأفراح والسعادة..
منصورية ذات خلق رفيع ونموزج للبنيات المؤدبات الشايلات اسم القبيلة العز..

من طرف **عازه** الأحد 12 مايو 2013, 7:12 pm

الاخ علي الحمود
تحلق الطيور مغردة في سماء الكون
عبر فضاء تملؤه نجوم لامعه
ذلك هو قلب المؤمن التقي حافظ الآيات
يلهج بها ليل نهار .. لك مني جزيل الشكر

من طرف **abuahmed** الأحد 12 مايو 2013, 7:37 pm

عازه كتب:الاخ د/ مصباح
هــلا بــحــرف الــذوق وعــنــوانــه
هلا بصاحب ألكلمه الاصيله
هلا بمن يصنع من الحروف أجمل المعاني والاشراقات جزاك الله خيرا
اعمل لي محايه وحجاب كبير ماشاءلله حبوبتك فرحانه شديد ههههه انت فقير كارب لكن لو عرفتني فرحانه لي شنو ننصبك رسمي فقير المنتدى وعندك بشارة كبيره يادكتور نظام بياض

مجموعة من الانصار كانوا جالسين في مجلس الخليفة عبدالله

واحد منهم قال للحاضرين والله من يعرف الفي قلبي اعطيه بقرتي المعاي بيعجلها

قام واحد من الجالسين قليهو انا اعرف الفي قلبك ( انت تحب المهدي وخليفتا). فما كان امامه الا ان يقول له صحيح واعطاه البقرة وجناها

دحين يا حبوبة عازه انت فرحانة لانو اهلك الرباطاب جوكم زيارة !!!!!؟؟؟؟؟؟؟؟؟

من طرف **عازه** الأحد 12 مايو 2013, 7:52 pm

إن قلت شكرا فشكري لن يوفيكم
حقا سعيتم فكان السعي مشكورا
إن جف حبري عن التعبير يكتبكم
قلب به صفاء الحب تعبيرا
تلوح في سمائنا دوما نجوم براقة لايخفت بريقها عنا لحظة واحدةنترقب إضاءتها بقلوب ولهانه
ويا جماعه انا عايزه افصح عن سر هذه التهنئه قبل دكتور مصباح مايكشف المستور بالخيره واليوم الاحد وصابح الاثنين والخيره في اليوم دا مابتجلي لكن عندي شرط عند الدخول الي هذا البوست النساء ممنوع لبس الشبط المسمار واصطحاب السكاكين والشوك والمفاريك بانواعها والكمش وتنبيه ارجو اطفأ البوتجازات وتأمين انابيب الغاز
الرجال ماعايزين اي سكاكين او خناجر وبرضو ممنوع حمل العصايه حتي وان كان لابد من حملها اتكل علي زول وتعال لينا واهم حاجه جنابو سامي دا ممنوع حضوره الي البوست حتي وان كان اعزل وليس لديه سلاح ود/ مصباح برضو يتفتش كويس مايكون شايل ليهو بخره ولا حجاب تجننا يبقي علينا خرف وجن مع بعض وودبروي والنفر اخوي وود عقيد ديل خطريين شديد وهم يحملون قلب ألقصيده أحسن امشي واجيكم راجعه مانظام زوغغغغغغغغغغه ولكن تجميع للأفكار لإعلان هذا الخير السار انتظرووووووووووونا

من طرف **عازه** الأحد 12 مايو 2013, 7:58 pm

abuahmed كتب:[quote="

مجموعة من الانصار كانوا جالسين في مجلس الخليفة عبدالله

واحد منهم قال للحاضرين والله من يعرف الفي قلبي اعطيه بقرتي المعاي بيعجلها

قام واحد من الجالسين قليهو انا اعرف الفي قلبك ( انت تحب المهدي وخليفتا). فما كان امامه الا ان يقول له صحيح واعطاه البقرة وجناها

دحين يا حبوبة عازه انت فرحانة لانو اهلك الرباطاب جوكم زيارة !!!!!؟؟؟؟؟؟؟؟؟

ههههههههههه قربته من الاجابه الصاح ابو احمد لكن برضو غلط وبقرة حبوبتكم عازه ماظنيت في واحد حايلقاها لكن برضو نفتح الباب للتخمينات البعرف المفرح حبوبتكم عازه شنو عندو معانا جائزه كبري

عازه كتب:إن قلت شكرا فشكري لن يوفيكم
حقا سعيتم فكان السعي مشكورا
إن جف حبري عن التعبير يكتبكم
قلب به صفاء الحب تعبيرا
تلوح في سمائنا دوما نجوم براقة لايخفت بريقها عنا لحظة واحدةنترقب إضاءتها بقلوب ولهانه
ويا جماعه انا عايزه افصح عن سر هذه التهنئه قبل دكتور مصباح مايكشف المستور بالخيره واليوم الاحد وصابح الاثنين والخيره في اليوم دا مابتجلي لكن عندي شرط عند الدخول الي هذا البوست النساء ممنوع لبس الشبط المسمار واصطحاب السكاكين والشوك والمفاريك بانواعها والكمش وتنبيه ارجو اطفأ البوتجازات وتأمين انابيب الغاز
الرجال ماعايزين اي سكاكين او خناجر وبرضو ممنوع حمل العصايه حتي وان كان لابد من حملها اتكل علي زول وتعال لينا واهم حاجه جنابو سامي دا ممنوع حضوره الي البوست حتي وان كان اعزل وليس لديه سلاح ود/ مصباح برضو يتفتش كويس مايكون شايل ليهو بخره ولا حجاب تجننا يبقي علينا خرف وجن مع بعض وودبروي والنفر اخوي وود عقيد ديل خطريين شديد وهم يحملون قلب ألقصيده أحسن امشي واجيكم راجعه مانظام زوغغغغغغغغغغه ولكن تجميع للأفكار لإعلان هذا الخير السار انتظرووووووووووونا

والله يا دكتوره عازه اخير قبيل كنا متيقنين اسع جبتينا عند الزير ورجعتينا عطاشى , لكن برضنا منتظرين , تسلمى وفرحك فرحنا .

الف مبرووووك يا دكتوره

من طرف **نورالهادى** الأحد 12 مايو 2013, 11:26 pm

الدكتورة عازة فرحك يفرحنا وألف مبروك مقدما .

أنا فرحان شديد. لأنو دكتورة عازة قالت في إحدي مداخلاتها الآتي

يتوهج البدر حاملاً

شايفين الفقرة الأصليين كيف؟ بلا زول يحدسن..
ديل إسمهم الغابوا وجابوا..
البوست ما لقينا فرصة من زحمة العمل إلا هسي دي ولا شفناهو ذاتو.. لكن وضعنا النقاط على الحروف..
وفقعنا لى عازة البقاقة بدون ما تحدثنا..
نبارك شديييييد

جينا نبارك ونهني

الحاجه الما معروفة شنو

المهم مبروك وربنا يزيد ويبارك

وعقبال الفرح للجميع

من طرف **abuahmed** الإثنين 13 مايو 2013, 3:53 am

صديق عبدالله علي أبوحنة كتب:أنا فرحان شديد. لأنو دكتورة عازة قالت في إحدي مداخلاتها الآتي
يتوهج البدر حاملاً
شايفين الفقرة الأصليين كيف؟ بلا زول يحدسن..
ديل إسمهم الغابوا وجابوا..
البوست ما لقينا فرصة من زحمة العمل إلا هسي دي ولا شفناهو ذاتو.. لكن وضعنا النقاط على الحروف..
وفقعنا لى عازة البقاقة بدون ما تحدثنا..
نبارك شديييييد

الله الله يا ود ابحنة

الفقرة ظهروا

كلامك صح مية المية

انا في الهضاريب شفت لمة الرباطاب وحبوبة قالت لي قربت للاجابة

وانت يا الفقير ود الفقرة كويتها فوق المفصل

ان شاء الله تيمان !!!!!!!!؟؟؟؟؟؟؟

رؤيتك صادقة يا شيخ أبو أحمد.. مما يدل على صفاء دواخلك

من طرف **ود عون الله** الإثنين 13 مايو 2013, 4:32 am

مليار مبروك دكتورة عازة

عزة تستاهل الفرح

جعل الله كل الأيام فرحا وسعادة

من طرف **amira ali** الإثنين 13 مايو 2013, 7:31 pm

الله يا عازة الحقينا بالمفيد===ابحنة ورفيقو راحو بعيد

وفسرو واولوا النص==== بكلام ما اكيد

====كمان انا بقيت شاعرة واللا شنو؟

والله أنا بس خمنتا يا أميرة علي ومشى فوق روقي أبو أحمد..
بس الحقيقة لاتزال غائبة..
لامن تجي صاحبة الحقيقة
زي ما قالت انتصار نبارك وماني عارفين..
بس نحن على طريقة ( المؤمن متفائل)

ياعازة جيبى الخبر الاكيد
ومن الشحتفة مادايرين المزيد
ومن الصبر تب كملنا الرصيد
وان بقى زى ماقال ود ابحنة الفرح يادوب بى يزيد
وليك الف تحية من ود عقيد

من طرف **منوفلى** الثلاثاء 14 مايو 2013, 5:18 am

مليار مبروك دكتورة عازة

كدى النحاول ننقره ليكم

مبرووك الترقية ولا عقد عمل بدولة خارجية

ما معقول....
وما ني مصدقه وبالسرعه دي.....
عاد مابرضي الا بالعمله الصعبه.....
مبروووووووك

العمده وابحمد.....
شبكتكم طااااااشه تب

من طرف **abuahmed** الأربعاء 15 مايو 2013, 3:07 am

نجلاء زمراوي كتب:العمده وابحمد.....
شبكتكم طااااااشه تب

شبكتنا قوية

في البحر تقبض بقرة

في البر بقرة بعجلها

انت هسع صاحبتك حبوبة وينا

برضو تقولي شبكتنا طااااااااشة

أيوة صاحبتك حبوبة وينا ؟
أنا وأب أحمد شبكتنا زي ما قال ليكي..
هي مالا غتست كدي صاحبة البوست.. مع إنها تخوجل في الفيس بوك

abuahmed كتب:
نجلاء زمراوي كتب:العمده وابحمد.....
شبكتكم طااااااشه تب

شبكتنا قوية

في البحر تقبض بقرة

في البر بقرة بعجلها

انت هسع صاحبتك حبوبة وينا

هههههههه...تلقوها عند غافل......قال صاحبتك وينا قال....
اول طش الشبكه كيفنو.....غايتو الخرف جا تب!!!!!!الله يستر

برضو تقولي شبكتنا طااااااااشة

بت العم نجلاء زمراوي
أعملي حسابك أنا وأب أحمد ممكن نسختك.. ناس فقرا يريبوا الموية، ويوقدوا البليلي في القرعة..
وكان ما مصدقا بينا بي نجيب ليك مصباح ذاتو ممكن يسختك زول فكي ود فكي..
قالت خرف.. قالت..
المهم زي ما قال ليك أب أحمد هسي دي صاحبتك حبوبة وينا؟؟!!

من طرف **اقبال** الجمعة 17 مايو 2013, 11:01 pm

اختى عازة ورود محبتى تسابق فرحى
لتنثر لك شذى من التبريكات والتهاني
مبارك لكى من القلب
وتقبلى منى اعذب واررق التهانى

من طرف **نجلاء زمراوي** السبت 18 مايو 2013, 5:45 pm

صديق عبدالله علي أبوحنة كتب:بت العم نجلاء زمراوي
أعملي حسابك أنا وأب أحمد ممكن نسختك.. ناس فقرا يريبوا الموية، ويوقدوا البليلي في القرعة..
وكان ما مصدقا بينا بي نجيب ليك مصباح ذاتو ممكن يسختك زول فكي ود فكي..
قالت خرف.. قالت..
المهم زي ما قال ليك أب أحمد هسي دي صاحبتك حبوبة وينا؟؟!!

هههههههه....نسختك قال....الله يهون..جنس محن....يازول هوي انا متحصنه بيسن والقران الحكيم ولايصيبني الا ماكتبه الله لي
برضو ما حا اوريكم صاحبتي وين....
خلو اسلوب الاستفزاز ده..ما حا اوريكم ما حا اوريكم....