الاعلانات السودانية ... ما لها ... وما عليها

من الاااااااااااااااخر كدا
موضوع للننقاش

هل ترى الاعلانات التجارية بالتلفزيون السودانى تؤدى الغرض الذي صممت من اجله ام انها مهزلة وصخب وضجيج

عن نفسي ارى ان بعض الاعلانات بعيدة كل البعد عن انها اعلان
وبعضها المنتج فى وادي .... والمعلنين فى وادي اخر

بعض الاعلانات ليست سوى حفل راقص لدرجة تنسيك ان الموضوع اعلان

لست خريجه اعلام وليست لى معرفة باخراج الاعلانات ولكننى كمتلقى وكمشاهد عندما ارى ان الاعلان ابعدنى عن المنتج فهنا بالتاكيد يتضح ان هنالك خلل فى الاعلان
وعندما ارى ان تفكيري تشتت فى المادة الاعلانية ... فمعناها خلل فى الاعلان


اذن تعالو نحلل الاعلانات
ونشوف ما لها وما عليها

ومتى يجذبك الاعلان للمنتج
ومتى يبعدك الاعلان عن المنتج


وكمان شئ تانى حكاية بعض الاعلانات التى يستعينو فيها باناس غير سودانيين
يعنى اشمعنى
ويا منتجين ويا معلنين ليست مشكلتنا فى الشخص السوداني الذي يقدم الاعلان
ولكن المشكلة فى اخراج المادة الاعلانية وتصميمها

نحتاج لبعض فنون تصميم الاعلانات الجااااااذبة


ولكن حتى لا اظلم كل الاعلانات ... فلا انكر ان بعض الاعلانات حلوووة
ولكنها قليلة مقارنه بالاعلانات الاخرى الغير جاااذبة

ح ابدا باعلان فااااقع مرارتي [ندعوك للتسجيل في المنتدى أو التعريف بنفسك لمعاينة هذه الصورة]

الاعلان بتاع شعيرية ولا مكرونة نوبو دا

يعنى يا اخواني المخرج دا جاااااادى انه اعلان لمكرونه

ياخى كمية من البنات فى الاعلان ما عادية
وكمية من الرقيص ما عادية

فى الاول انا افتكرتو اعلان لمحل كوافير

يعنى خلاصة ما يستفاد من اعلانهم دا
ناس بيرقصوا [ندعوك للتسجيل في المنتدى أو التعريف بنفسك لمعاينة هذه الصورة] ... وناس كتاااااااااااااااااااار ما شوية


ولهسة انا ما متاكدة هو اعلان بتاع شنو

شئ تانى ومهم لاحظتو فى اغلب اعلاناتنا وبالذات لما تكون مقدمة الاعلان امراة

طبعا اول شئ تنقش ليك ديك يا الحنه الما خمج
وتانى شئ تلبس ليك داك يا الدهب برضو الما خمج

يعنى ح تتوه المشاهد ح تتوهو

لانها بتقصد المشاهد يشوف الحنه والدهب

بعدين المنتج شنو ما مهم

ودى حاجة سلبية جداااااااااااااااااا وخصم على الاعلان
يعنى من المهم ان الاعلان يركز على المنتج ... والمنتج فقط

ويبعد عن اى مؤثرات من الممكن ان تشتت انتباه المتلقي

اما ان يكون الاعلان فيه كمية من المؤثرات التى تشتت انتباهنا فهذا مرفووووووووووووض

تانى الاعلان بتاع يا الرز يا بيت ابوي

بس معقووووولة يا اخوانى
تقارنى وجودك مع زوجك .... بالرز

يعنى معقولة واحدة جاااادة تقول لزوجها يا الرز يا بيت ابوي

هو اذا حللنا الاعلان دا
فيا اختى اذا كانت حياتكم سعيدة ومتمسك بيكى ح يجيب ليك الرز وابو الرز زااااااااتو
واذا كانت حياتكم تعيسة فكلامك دا فرررصة ويا بيت ابوك جاك بلاء

يعنى الرز ما لية دخل فى الحكاية

والصراحه لله اعلان مستفز

شكرا انتصار على عرض هذا الموضوع ذكرتينى لما كنا نحضر فى دعايه الرز دايره تطلققنا من رجالنا نطا راجلى وقال بيت ابوكى طبعا

طبعا حتى لا اظلم كل الاعلانات فهناك اعلانات موفقة
يعنى مثلا الاعلان بتاع حبوبة جاك مس كوول
رهيييبة جداااااااا
وفيها تلقائية وبساطة
كانهم قاعدين معانا

وبالذات الضحكة العفوية للحاجة الماسكة العكاز >> شكلكم ح تمشو تفتشوا الاعلان دا
غايتو دا اكثر اعلان بيعجبنى جدااااا
واللى صمم الاعلان دا فنان بالجد

ماشاءلله اختي انتصار تركيز شديد ونقد بناء في مكانو تماما فعلا كثير من الاعلانات السودانيه مشتته للانتباه ولو ماتابعت نهاية الاعلان وعرض المنتج يصعب فهم الاعلان انا اكتر اعلان ماعارفه كان عاجبني بتاع البوهيه فيهو الحربويه تظهر بي كم لون افتكر اختيارهم للحرباء كان موفق جدا تاني مااذكر شده اعلاني انتباهي لكي الف شكر

الحمد لله اليومين ديل ارتحنا من الصعايده
بوست جميل من زول سمح وزين

فى دعايه كانت محيرانى وشده ما غايظنى اليوم كله انا بقلد فيها واليها بتاعت الشاى البفتش فيها الولد فى الحاجه الداسنها منو وابوه بيكفشو بتفتش فى شنو فيرد الابن فى الدهب الداسنو يا ابوى فلم يقولو عيب حتا قالو تعال نوريك الاغلى من الدهب

ده كلوووو في تلفزيونا السوداني ...يهون الله
احي فيك هذه الروح الوطنيه ومتا بعتك لقناتنا الجميييله.
غايتو انا مريحه نفسي تب من حاجه اسمها تلفزيون....
تسلمي يا زعيمه...

نجلاء زمراوي كتب:ده كلوووو في تلفزيونا السوداني ...يهون الله
احي فيك هذه الروح الوطنيه ومتا بعتك لقناتنا الجميييله.
غايتو انا مريحه نفسي تب من حاجه اسمها تلفزيون....
تسلمي يا زعيمه...

نادرا ماأشاهد القنوات السودانيه في الفتره الاخيره
نسبة لزحمة البرامج والالتزامات الاجتماعية
وصراحة قناة طيور الجنة فرضت نفسها علي الشعوب العربيه لمشاهدتها
بخاطري اعلانات البف باف