الـبـُـوُبــِــيــِـيْ

الـبـُـوُبــِــيــِـيْ
المركب
..............
هي المركب الكبيرة مركب الخشب ذات السواري والشراع
غير كدة لاتسمى بوبيي.. يعني مركب الحديد موش بوبيي
............

دي موش طاعمي يا صاحب التراث
أرباب سلمان؟
ما وردت في القاموس قبل كدة؟
يا زول لغتنا دي ما شاء الله
بعد يقطعوا التمرة ، تاني كلما نكمرق ،ما بنعدم نلقى لينا تمرات تمرات مشكن في الكمروق ، أنا والفكي.. وأنت ودكتور مصباح وغيرنا من المهتمين بأمر تراثنا
أصلا لهجتنا دي ماها دايري تكمل..
حكاية عجيبة

أضفت يا أرباب إضافة مشرقة

السلام والتحيه للخال صاحب البوست والأخ سلمان..
.........حسن على الدقير(حسن الكاب) راجل صاحب نكته وظريف رحمه الله...
عزمه سليمان ود الزاكى فى شررى الزاكاب فطور..وهو مشهور بحب الوجبات الدسمه ويحب الكرم والإهتمام .
جابو الفطور ختوهو فى الديوان والعنبلوك طبعا مضبوح والفطير والدمعه والبصل الأخدر.الدنيا سقط الفطور بدرى 8 ونص التحليه فطير ولبن رايب وسمن .سليمان الزاكى عندو الغنم كتار العتود من الكر واللبن من الغنم والخير باسط..
الدويان مفرش والفطور جاهز وحسن الكاب غسلولو..
قلة خير جا حامد الحمود وحسين رقيه من البوغه ديل شباب خطيرين وغلاد وأكالين شديد كانو يحرتو فى الساقى
جو مع الفطور طق!!!!!!!!!!
لقطولك اللحم من قدام عمك حسن الكاب ما خلولو حاجه بس قعد متمحن ويعاين لهم!!!!!!!!
الدمعه تكمل يجرى الولد لا جوه يجيب زياده وهكذا دواليك إلى إنتهت مراسم الفطور..
يبدو أن عم حسن لم يستمتع بالوجبه جيدا.
الشباب ديل جهجهوهو!!!!!!!!!
ذهب للحراز
طوالى قاليهم:
سليمان الزاكى ما قصر لكن فى ولدا لى ود الحمود وولدا لى سليمان اب سدرين
نشالين بس ما خلولنا حاجه لقطو اللحم كلو..
..........................
قام تانى عبد الجليل عبد الهادى ضيف فى الحراز من الشايقيه سأل عمك حسن قاليهو:
إنت سموك حسن الكاب ليه؟؟
تنحنح عمك حسن والكلام ما عجبو..
الولد ده من وين؟
قالو له من الغزالى قاعد هنا يربى فى ولاد أبوهو أخوانو فى الحراز..
عمك حسن قال آآآآآآآآآآآآآآآآآآآآآآآآآه
عشان كدى يسأل الأسئله البايخه دى!!!!!!!!!!
الظرفاء علقو على هذا الأمر بأن الحراز جابلو بعجه!!!!!!!!!!!
.........................
يعنى بجعه!!!!!!!!!!!تلقط الحوت فى الدميرى..

أشهر المشارع فى المناصير:
.....................
(1)مشرع الحريّز فى راس شررى والريس العويد...
(2)مشرع حدورى فى شررى أيضا..والريس حدورى.
(3)مشرع راس الجزيرى شرى.والريس ود موسى..(ود موسى عد وفات..
(4)مشرع العمارين قصاد السلمات ساقية القصراب والريس حامد ود أم قزاز..
(5)مشرع شمومه فى شررى والكير والوده والريس ود حامد النفر..
(6)مشرع الحنانين وشوال..والريس خميس والمرحوم شوال من شرى..
(7)مشرع ود خليفه والريس خليفه فى سور...
(مشرع بحير الحاره
(9)مشرع العشامين والريس ود كبجون..
ومن أشهر المركابه (ود الفضل)(دادق)(البقارى)...........الخ
غلبنى أكمل يا خال معليش يا سلمان الشغلانه دايره بحث وشغل شويه ما بتنفع بهذه الطريقة .
المهم دى محاولة نكملها إنشاء الله...
لكم الود وأنتم تحتفظون بالألق والتراث..

محاولة عظيمة..
كنا نضيف عليها يا ود الأخت ..
بس اليومين ديل ماني فايقين عندنا ( كشح كفـّان )

:ممكن اضيف ليكم مشرع انا
مشرع المحطه في الكاب
ومن اشهر المركابة فية عبد الغفار كردي وود الزبير