الكلد ماسكلو طنبور نفسو غلبتو شاف الشطور

نور الهادي منذ زمن الدراسة شاعر لايشق له غبار

شكرا المبدع / صديق عبدالله --دائما تتحفنا من مخزونك الثر --فى مقطع قديم ذى حق الكلد دا ماعارفين مين اللقالها :
--شعرك الحنقوق الضكر --وعينك البخامى فى الجر
------------------------------------
--انتى بيقادى وأنا بيجاى --حبك رمانى من الحماره بط
--------------------------------------------------

يا سلام ياأبونواس

شكرا الصدوق---وعشان خاطر هيثم---نزيد-:

الدبسى والكاسة مقنبات

والشعر قلبنو موجات




الدقشوق برم شنبو قام

قد يطون هنالك اخطاء فى اسماء تلك الاسماك ولكن الاوزان كماهى--

يا أخي برجاك وبنتظر هذه هي بدايه القصيده وفيها
السحيلي ضرب لي الدليب قال ودعمي ضرب الكليد

ده عشان خاطرك ياهيثم وفي انتظار نادر والمقطع ده من الجماعه طبعا عارف المقصود ( يعني من ست البيت)
غاينو باهيثم لو عاوز تستمتع بمثل هذه الاشياء انا ادلك علي بعض الاشخاص من سور وفي بعض الاحيان يحضروا هنا وبقابلهم واعدك عند حضور اي واحد سوف احضره لك في المنزل ومنهم محمد الامين علي الحسن وحمدي و محمد حسن احمد وطبعا عندك نادر الا ان نادر خجول ومتحفظ الي حد ما وانا طبعا في واحد هنا عجيب وخطير وانشا الله ياصديق تجمعك به الظروف وقدرت ما حاولت ان ادودره لدخول المنتدي معسلج تب وهو شاعر لكن باالدس وحافظ الكثير والكثير جدا عن المناصير خاصه نوادر وقصص ناس سور هذا الشخص هو شقيق المرحوم نور الهادي المهندس عبد الله علي العطا الذي يعمل الان باالدار الاستشاريه والعجب لمن تكون في جلسه فيها حمدي وعبدالله ونادر وعلي العطا حاجه ثانيه

الاخ صديق ذكرت الشيخ علي الامين اعطيك المعومات الاتيه ولد الشيخ علي الامين متزوج من بنت عبد الله علي العطا واسمه هشام وهو الان بدوله قطر كما ان عبد الله علي العطا متزوج من شقيقتي
شفت الدنيا كيف ضيقي

شكرا ابو جنه على الكلمات الفى الوالد ونزيلك لى قصيده الورل ومعليش اتخرت عليكم شوية لانى انكنت حايم فى الضهب
وقصتها انو الوالد يخم فى ماورق الضهريه ولاقاهو الورر وابى يزح من محل كب الماروق قال مالقيد شى فى الورر الا اقوم اعرسلو
البحر يااخونا مسر
والورر فوق القيف قدل
ولع سجارتو وساعتو جوفيل
قال اجازتى للسودان فد شهر
خالو قالو اسمع ياورير
عندى بت فى كير الزويل
من جماله تضوى باليل
العره طلقت الزغاريت
خالتو قالت وداختى ظات ظيت
القصيده طويله وبقوم انزلها كلها
ومنها الكلد ماسكلو طبور
نفسو غلبتو شاف الشطور
بقى يدق ويحداها بى هنا
وساكنى وين ياقمرالسما
الدقشوق برم شنبو قال
دقووزين والله الحمام
ضكر الدريق برج واتقلب
قال قاقلاجه حرقت قلب العزب
الشربايى اتحزمت والرقيص عارفه اتبسمت
الكاسه والبقره مقنبات والشعر قلبنو توكات
بتممه ليك قريب انشاء الله

والله ونستكم جميلة تخلى الزول هانى ومنبسط
ويخلى الهم العليهو جانب ويجلس معكم هانى مسرور
للجميع الشكر والتقدير