المناصير بلدي
الزائر الكريم مرحبا بك في منتدى المناصير بلدي
ان لم تكن مسجلا فيرجى الضغط على زر التسجيل وملء بياناتك لقبول عضويتك

الـقـروش...

صفحة 1 من اصل 2 1, 2  الصفحة التالية

استعرض الموضوع السابق استعرض الموضوع التالي اذهب الى الأسفل

الـقـروش...

مُساهمة من طرف صديق عبدالله علي أبوحنة في الأربعاء 06 مارس 2013, 5:41 am

هي أخطر حاجة على العباد والبلاد.. وهي أصل الآفات كلها.. لو لقينا زول يخلصنا منها. أو مجتمع يخلصنا منها!
قال رسول الله صلى الله عليه وسلم ( عن رفاعة بن رافع رضي الله عنه قال رسول الله صلى الله عليه وسلم :
( إِنَّ التُجَّارَ يُبعَثُونَ يَومَ القِيَامَةِ فُجَّارًا ، إِلَّا مَن اتَّقَى اللَّهَ وَبَرَّ وَصَدَقَ )
وفي حديث آخر ، يبعث التاجر الصدوق مع الأنبياء والشهداء..
عشان المسألة صعبة والصدق في التجارة أندر من الكبريت الأحمر. أو كقبض الزئبق
متى يتفرغ الناس لعبادة خالقهم، ويكتفوا بالقوت الضروري.. ويتفرغوا لما خلقنا من أجله في هذه الدنيا؟؟؟
لما نقدر نوفر مجتمع صالح وحكومته صالحة .. المزارع ينتج القمح.. والصانع ينتج التلفزيون والعربة.. والمهندس يبني البيت.. والدكتور يعالج بلا قروش.. والجامعة تعلم بلا قروش..

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31680
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: الـقـروش...

مُساهمة من طرف صديق عبدالله علي أبوحنة في الأربعاء 06 مارس 2013, 5:51 am

كل زول يمشي يشيل ما يكفيه مونته من المزارع. ولزاماً علينا نعلم أولاد المزارع مجانا.. والمهندس يبنى لنا البيت.. ولزاما علينا، نعلم له أولادو مجان.. بتاع المصنع يعطي كل من يحتاج لسيارة واحدة.. ولزاماً على المزارع يعطيه قمح.. وبتاع الجامعة يعلم ليهو أولادو..
زمان درسونا تجارة المقايضة، قبل اختراع العملة..
أنا أفتكر راح نعود لهذا العهد بس بصورة جديدة.. كليات الاجتماع فيها فقرة تقول ( التاريخ يعيد نفسه)
الأزمة الاقتصادية الحاضرة حتى على الدول الكبرى إشارة واضحة لزوال عهد العملة..
قال رسول الله صلى الله عليه وسلم( تصير الركعة خير من الدنيا ومافيها، ويفيض المال حتى لايقبل عليه أحد) هذا مأخوذ من حديثه عن نزول المسيح . الذي يحكم بالإسلام


عدل سابقا من قبل صديق عبدالله علي أبوحنة في الأربعاء 06 مارس 2013, 6:25 am عدل 1 مرات

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31680
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: الـقـروش...

مُساهمة من طرف صديق عبدالله علي أبوحنة في الأربعاء 06 مارس 2013, 6:03 am

[size=24] في عهدنا الحاضر يسمى ذلك بالاشتراكية..
وهي موجودة من زمان
قال سيدنا عمر بن الخطاب رضي الله عنه( الناس شركاء في ثلاثة، الماء، والكلأ، والنار)
المية دي زمان الحصول عليها كان صعب في جزيرة العرب
والعشب وقت الجدب بتكون الأمطار انحصرت في منطقة معينة
والنار
وليع النار كان صعب زمان. عن طريق فرك العيدان
ثم ظهور بعض الحوامض يتولد منها النار
ثم ظهور الزناد بصورة بدائية في عصر الخلافة الأموي
حتى عهد قريب كنا في السودان نحايي النار بأن تدفن جمرات تحت الرماد
عشان كدة الخليفة العادل عمر قال دي تلاتة لايحق لواحد يحتكرها..والأحاديث الواردة عن رسول الله - صلَّى الله عليه وسلَّم - في النهي عن الاحْتِكار وإظهار بشاعة جريمتِه كثيرة، نذكر منها: ((الجالب مرزوقٌ والمحتَكِر ملعون))؛ رواه ابن ماجه والدارمي[1].



: . . / /

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31680
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: الـقـروش...

مُساهمة من طرف صديق عبدالله علي أبوحنة في الأربعاء 06 مارس 2013, 6:08 am

والمشاركة في خيرات الأرض كانت موجودة
قال صلى الله عليه وسلم ( رحم الله الأشعريين، إذا أملقوا، أو كانوا على سفر، افترشوا ثوباً ووضعوا فيه ما عندهم، واقتسموه بالسوية، هؤلاء قوم هم مني وأنا منهم)
شوف بالله رسولنا الكريم صلى الله عليه وسلم يحثنا على القمم العليا كيف؟

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31680
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: الـقـروش...

مُساهمة من طرف صديق عبدالله علي أبوحنة في الأربعاء 06 مارس 2013, 6:16 am

مرة واحد صاحبي زميل دكتور في السودان.. فاتح عيادتو في شارع الأربعين بين بانت والعباسية.. وكان جاء هنا مرة في أبوظبي أكرمناهم شديد. الموضوع دخل عليهو هو وزوجتو وأطفالو.. وهو مشغول شديد. فأصر اصرار بالغ أن يكرمنا.. ولكن ليس في بيته في العيادة. العيادة بيت مأجرو.. ضبح خروف من بالنهار.. وجاب ناس جهزوه.. وجاب أسرتو وبعض جيرانو.. وبعد انتهى المرضى قفل باب العيادة وعملت العشاء زوجته.. وأعدت مائدة عظيمة في حوش العيادة..
بالله في السودان تعمل اي حاجة زول بيسألك مافي
زي ما قال الفاضل سعيد ( والله نحن السودانيين ديل نجامل في أي حاجة)
ده لوكان هنا في الخليج أو السعودية كان فتحوا ليهو قضية قفلوا العيادة.. ممنوع محل السكن تعمل نشاط علاجي وممنوع محل العمل تعمل نشاط سكني بنص القانون


عدل سابقا من قبل صديق عبدالله علي أبوحنة في الأربعاء 06 مارس 2013, 6:29 am عدل 1 مرات

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31680
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: الـقـروش...

مُساهمة من طرف صديق عبدالله علي أبوحنة في الأربعاء 06 مارس 2013, 6:22 am

المهم ماشي عليكم.. عايز اصل للقصة المالية العايز اقولا..
أنا عادة لا احب مواعيدي تكون مواعيد سودانيين. يعني أجيك في الزمن أو قبل الزمن بي شوية خوف التأخير من المواصلات
جيت والدكتور ده لسه باقي ليهو تلاتة مرضى..
جاب قهوة. قال لى تعال أقعد معاي جوه.. وبين كل مريض ومريض عندو ورقة كدة ماسكا.. يضرب فيها
عندو بيت يبني فيهو في إمتدادات بانت دي؟
قال الليلة العيادة جابت 22 مريض كل مريض بي كدة
لى آخر الشهرلو زاد عدد المرضى والمراجعين لثلاثين فرد خلال اليوم كدة بيكون بي كدا.. كدة نكون خلصنا من الصبة الأولانية ورفعنا العمدان في البيت؟؟؟
يعني إذا زاد عدد المرضى يفرح؟
عشان العمدان بتاع بيتو تقيف؟
مع أنو صديقي لكن اثرني شديد هذا الموضوع المالي

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31680
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: الـقـروش...

مُساهمة من طرف صديق عبدالله علي أبوحنة في الأربعاء 06 مارس 2013, 6:46 am

المال دائما بيكون مـَحـَكْ الصدق وقوة التوحيد..
يعني كل ما كتر إدخارك من حطام الدنيا كأنك اعتمدت على خزاينك أكتر من خزائن الله...
كثرة الادخار ضعف في التوحيد
خوف من يوم بكرة
والنبي صلى الله عليه وسلم يقول : ( لو توكلتم على الله حق توكله، لرزقكم كما يرزق الطير، تغدو خماصاً وتروح بطانا)
يعني الطيرة ما عندها مخزن تخزن فيهو
كرشا بس قدر ما يملا كرشا.. ولاها عارفة ليها شي تاني بعد ما تجوع بس تطير وتتوكل على الله..
تعال شوف نحنا هسي دي
مخازن
ورصيد في البنوك
وعقارات

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31680
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: الـقـروش...

مُساهمة من طرف صديق عبدالله علي أبوحنة في الأربعاء 06 مارس 2013, 6:48 am

طبعا لو سألت واحد من الجماعة إياهم طوالي راح يفتى ليك في اتجاهو ويقول ليك ( المؤمن القوى خير وأحب الى الله تعالي من المؤمن الضعيف )

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31680
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: الـقـروش...

مُساهمة من طرف صديق عبدالله علي أبوحنة في الأربعاء 06 مارس 2013, 7:21 am

مرة أقام الأصحاب رضوان الله عليهم الصلاة، فلما هم رسول الله صلى الله عليه وسلم برفع يديه لإقامة الصلاة، فجأة أنزلهما وهرول الى حجرته، ثم عاد!
فاستغرب الأصحاب رضوان الله عليهم
فقال لهم ( لعلكم راعكم ما فعلت! قالوا : بلى يا رسول الله!
قال تذكرتُ أن في بيت آل محمد درهماً فخشيت أن ألقى الله وأنا كانز!
........
يعني ارفع يدي بالتكبير لله..
في الحقيقة كأني أقول الدرهم أكبر.. وليس الله أكبر..
........
هذا مستوى في التوحيد في قمة الهرم حثانا عليه نبينا الكريم من عدم الادخار

لو قلت ذلك لى واحد من الجماعة
حا يقول ليك
دا النبي نحنا مالنا. نحن ما قدرو وما زيو
...... صاح أنت ما قدرو وما زيو
لكن أرتفع شوية لى فوق من ادخار البصل أو القمح لما يغلا بعدين تبيعو بالزايد للناس المساكين
هو في الحقيقة الزول الزي ده بيهزم قاعدة اساسية من الأول
وهي أن النبي عليه السلام جاء من البشر من طينتهم وموش من الملائكة..
عشان يندبنا ندباً للكمالات

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31680
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: الـقـروش...

مُساهمة من طرف مصباح محمد مصباح في الأربعاء 06 مارس 2013, 12:28 pm

ياهندسة صباح الخيرات اليوم مالك مقبل على القروش يقال إن المال عند سيدو والناس تريدو .المال ياصديق آفة العصر وأصبح الماعنو مال لايسوي شئيا وللاسف تسابق الناس في جمعه مهما كان مصدره حلال حرام مباح مكروه بنصب باحتيال المهم تجمع المال . نسي الناس حساب رب الناس يوم البأس يوم لا ينفع مال ولا بنون إلا من أتى الله بقلب سليم . فأين هذه الأمة الآن نسأل الله أن يرزقنا الحلال وأن نصرفه في الحلال.

مصباح محمد مصباح
كبار الشخصيات
كبار الشخصيات

احترام قوانين المنتدى : 100

عدد المساهمات : 1897
نقاط : 16241
تاريخ التسجيل : 14/08/2010

الرجوع الى أعلى الصفحة اذهب الى الأسفل

رد: الـقـروش...

مُساهمة من طرف ابو مصطفى في الأربعاء 06 مارس 2013, 5:23 pm

بسم الله ؟؟؟ انتى ناس صديق ابوحنة ومصابح ديل تقول ضربتم بدله على الكبر ؟؟
هم خلو بلدهم وجارين وراء القروش ؟؟ بسم الله يا الله تحضرنا وتسترنا فى الدنيا والاخرة ؟؟؟
القروش اليوم بقت كل شى ؟؟؟؟ اول زمان ما عندى عربية وثمانية سنة ماشى بالمواصلات الخرطوم السوق العربى امدرمان - الجرافة اخر محطة وبالعودة ؟؟؟
ليل صباح ؟؟؟ مرة بى شارع ابوروف بالبحر خالى محطات ومرة بى شارع الوادى محطات كتيرة خلاص - السلاح الطبى نازل ------- طوالى - الموردة نازل طوالى -- بوابة عبد القيوم نازل -- ايوه ايوه -- بيت المال ---- عبد الله خليل --- نازل ايوه --- القماير ------ طوالى ود البصير -- طوالى --- مدينة النيل --- الاسكان - الواحد وعشرين - الحتانة -- ود البخيت --- العجيجة - كررى -- طوالى -- العمدة حسن -----العمدة حسن يا ناس وراء يا الناس النائمين يا سيدى الحسن ؟؟؟ العمدة حسن الجابو هنا شنو ؟؟؟ وزولك ابو مصطفى يهضرب وفى اخر نومة ؟؟؟ المدارس --- المدرعات --- الجرافة زلط --- ايوههه ايوه--------- محطة بخيت ومنها اخر محطة حيث ينزل ابو مصطفى اخر زول من العربى للجرافة والساعة اخر الليل - السواق والكمسارى حرم كان تنزلوا تتعشوا معاى ؟؟؟؟ لا لا براك الله فيك ياولدى نحن تانى عندنا فردة للعربى ؟؟؟؟ والساقية مدورة ؟؟؟ هنا الناس نوم ماهو فى ؟؟؟؟ بتاع الخضار شوف عينى قاعد حارس الطماطم فى شمس الله الحمراء وقمت قلت له انتو مابتنوموا قال لى ننوم وين البى نبيعوا نبيعوا والبى يخسر يخسر فى طريقة
نوم ؟؟ القروش - القروش ؟؟؟؟
كمان اليومين ديل جاءت موضة اى زول تهبشوا يقولك ماشى الدهب وجيت من الدهب ؟؟؟؟ والله انا زاتى الحكاية دى ركبت فى راسى وقلت امشى اجرب حظى ؟؟؟؟ لكن جانى واحد من جيرانا كان فى الدهب قال لى يازول انت مجنون مش شغال وعندك مرتب ؟؟؟؟ مالك ومال الغلبة ؟؟؟ حرم موية تغسل بيها وشيك مافى حمام مافى الاكل عدس اربعة وعشرين ساعة ؟؟؟؟ ترقد فى الواطه وزولك يحسب الحاجات دى غريبة على ؟؟؟ ماهو عارف شى وانا اضحك ؟؟؟ وبعد خلاص شرب شايو قال لى انت يا ابو مصطفى تضحك مالك ؟؟؟؟ فى كلامى ؟؟؟ باقى هو زول مدينة ومن الله خلقو ما رقد فى الواطه ؟؟؟؟ وما حفر ليهو حفرة من البرد واندفس فيها ؟؟؟؟ ونحن الحاجات دى عادى عندنا ؟؟؟
المهم القروش والقروش بقت كل شى فى الحياة وارجع الى موضوع العربية زمان مافى زول بى يسلم عليك لكن اسع اى زول يسلم عليك على الرغم من انها عربية قديمة وخالى صديق ابو حنة كان سايقها تجربة ؟؟؟؟
المهم العالم فى غضب الله وراء القروش ؟؟؟؟
مرة من المرات عندى دحش عالى وسريع ربع طيارة بس ؟؟؟؟ ترفع الصوط دا عليهو يقبض نفسو ؟؟؟ من السجنى ما يفكوا الا فى سوق النعوفاب من شدة ماهو حر ؟؟؟؟ بعدين جيت السوق وربطوا واشتريت ليهو برسيم ؟؟؟؟
وشفت لى حلب واقفين ؟؟؟ والزمن داك 1990-1989 القروش رقبتها ماها فى ؟؟؟؟؟ جيت وقفت بالقرب من الحلب وعندهم برادح وبدايد وسروج سمحة خلاص ؟؟ وقلت اقوم اهيكل الدحش بتاعى دا بى سرج وبردحة سمحة ؟؟؟؟ وقدر ما اقولهم بى كم ؟؟؟ الحلبى يقول لى رفيقوا الكلام الفكة يا تكه ؟؟؟؟ وتكه هذا اسم الحلبى صاحب البردحة واخيرا جاء ود المدينة واشترى لى بردحة وقال لى السوق الجاى جيب القروش معاك ؟؟؟؟
عاد الزمن داك كانى سايق طيارة طراز 7777 فرنسية الصنع ؟؟؟
على اليمين دحشى دا وقت وقف فى امجقور وهنق حسيت بى راسى داير يطير ؟؟؟؟؟ لكن اخ اخ اذكرت دين ود المدينة ؟؟؟؟ السوق الجاى ؟؟؟؟

تحياتى
ابو مصطفى

ابو مصطفى
اداري
اداري

الأوسمة مــــــــــــــالي

احترام قوانين المنتدى : 100

عدد المساهمات : 2518
نقاط : 18294
تاريخ التسجيل : 22/06/2010
العمر : 44

الرجوع الى أعلى الصفحة اذهب الى الأسفل

رد: الـقـروش...

مُساهمة من طرف عبد الغني نصر الدين في الأربعاء 06 مارس 2013, 6:27 pm

الله يجازيك خير يا اخي أبو مصطفى قصصك حلوة... وواقعية.. وأنا واثق من أنك ربنا انشاء الله سوف يفتحها لك... والله خلينا الشغل اليوم المكلفننا به ومديرنا في الصين .. بس نقرأ في حكاويكم .. ونضحك والوقع المرير الذي يمر على كل البشر.. الله يوفقك

شكراً كثيراُ لفاتح البوست الأخ المهندس/ أبو حنة على إختيارك لموضوع القروش.. وبعدتنا من موضوع قضية المناصير.. دا صرف دا ما صرف.. تثبيت الخيار المحلي.. وهلم جرا.. خلونا يا جماعة النضحك والنفرفش واليوم هو نهاية الأسبوع.. والله يا أبو مصطفى أولادي كترت ما يفرحوا ليوم الأربعاء يجدعوا شنطهم عند الباب.. بس فرحة ليوم الخميس والجمعة ويسهروا اليوم للصباح.. دحين انتوا والله فرقتوا علينا كتيراً.

لكن والله ما شاء الله عليك يا شيخ صديق والله أنا أعتبر هذا الكم من العلم والتقافة الدينية الذاخرة والأحاديث القيمة الكثيرة التي ذكرتها.. انها كنز عظيم لك.. ربنا يوفقك دائماً

يا جماعة نسوي كيف الناس كلها دايرة القروش واصبح الحصول عليها .. ما هو شيء ساهل.. والأخ أبو مصطفى ذكرني موضوع لما اتخرجنا من الجامعة وما لاقين شغل.. قلت أجرب التجارة كان عندي قريشات بسيطة ورحت مشيت سوق مايو قريب للسلمة واشتريت بوكس كامل مليان بطيخ وبسعر غالي لأني ما بعرف شيء في التجارة وجبته وبعته قدام بيتنا في الكلاكلة .. وطبعاً أكيد خسرت بش شبعنا بطيخ أسبوع كامل نحن نأكل بطيخ.. قال بطيخ.. قال.

ونواصل مع موضوع القروش.

عبد الغني نصر الدين
عضو ذهبي
عضو ذهبي

احترام قوانين المنتدى : 100

عدد المساهمات : 1126
نقاط : 14548
تاريخ التسجيل : 15/07/2010

الرجوع الى أعلى الصفحة اذهب الى الأسفل

رد: الـقـروش...

مُساهمة من طرف ابو مصطفى في الأربعاء 06 مارس 2013, 7:21 pm

والله يا عبد الغنى ؟؟؟ ذكرتنى حاجة بمناسبة سوق مايو ؟؟؟؟ انا كنت شغال قريب من سوق مايو ؟؟ وانت اليوم كان تشوف مايو ؟؟؟؟ براها بقيت مدينة كبيرة ؟؟؟
خلق خلق والله العظيم شى فلاتة وشى عرب وشى نوبة وشى كل الوان الطيف البشرى ؟؟؟؟؟ وبعدين الساعة ساعة فطور ؟؟؟ وطبعا انا قاعد اجى الصباح بدرى ؟؟؟؟ وعندى ملاحظات دقيقة جدا ؟؟؟ من محل الشغل وبى قفى البناية اشوف واحد عمك عندو حلة كبيرى ؟؟؟؟ زى حلل البواشى عندنا فى البلد ؟؟؟؟؟ مسوى ليهو فيها عودين ؟؟؟ العود الواحد قعر شجرة براه ؟؟؟؟؟ النار دى فى غضب الله ؟؟؟ اجاركم الله ؟؟؟ والحلة دى قاجى قج ؟؟؟ وبعد شوية اشوف الجماعة كل زول يجى شايل كورية ومرة صحن ؟؟؟؟ الكمشة بى ابوقرشين وبى خمسمائة وبى جنيه
تجيب عيشك من الفرن وتشترى الملاح من هذه الحلة ؟؟؟
وقمت سالت عمك قلت ليهو عليك الله انا احسبك عندك باشى ؟؟ مسوى ليك حلة قدر دى ؟؟؟؟ قال لى ياولدى المعايش جبارة ؟؟؟ وحلتى دى اسمها قدر ظروفك ؟؟؟؟ اسع كان شافوها ناس المحلية يدفعونى رسوم ؟؟؟ انشاء الله ملاحى دا يكمل قبل صلاة الظهر ؟؟؟ قلت ليهو ملاحك دا مكون من شنو ؟؟ قال لى اى حاجة دايرها فى حلتى فى ؟؟؟ داير كمونية فى ؟؟ داير عدس فى ؟؟ داير كوارع فى ؟؟؟
وفعلا انا كنت متابع هذا الراجل الصباح من شباك مكتبى لقيتو وقف جنب جزارة البقر ؟؟؟ وتانى مشى على ناس الضان وتانى رجع الدكان ؟؟؟ وملقط الكوارع والعدس ومصارين البقر والضان وكلو كابى فى حلة واحدة ومديها برميل موية ؟؟؟
وكيلك الله الكمشه فيها خمسة متر ؟؟ بس يجلبق الحلة دى ويسوطها ويديك ؟؟؟
سليقة كباب ؟؟ فتة ؟؟؟ كوارع ؟؟؟وغيروا غايتو سوق مايو داك فيه العجب العجاب ؟؟؟
وكلوا فوق درب القروش
ولى عودة
تحياتى
ابو مصطفى



ابو مصطفى
اداري
اداري

الأوسمة مــــــــــــــالي

احترام قوانين المنتدى : 100

عدد المساهمات : 2518
نقاط : 18294
تاريخ التسجيل : 22/06/2010
العمر : 44

الرجوع الى أعلى الصفحة اذهب الى الأسفل

رد: الـقـروش...

مُساهمة من طرف صديق عبدالله علي أبوحنة في الأربعاء 06 مارس 2013, 7:44 pm

عبد الغني وأبو مصطفى
القروش جننت الناس..!
كدي جيب ليك فكة كدي وأقيف جنب مجموعة. ويكون تحتك ظلط، وفجأة كدي أرمي الفكة دي في الواطة، شوف الناس يحصل لها شنو؟
متمركزة في قلوب الناس تماما.. تلقى من صوت كلللللن.. كششششش
تلقا الناس الجبنك عيونا كلها نططت ودنقرت على الواطة.. واتخلعت..
لكن قوي التوحيد الـ الله في قلبو ولا بيتخلع..
دلالة على أن الناس قلبا خالي من الله
مثقال ذرة من توحيد فيها مافي... إلا من رحم ربي
والنبي صلى الله عليه وسلم قال Sad مثقال ذرة من لا إله إلا الله، أثقل من جبل أحد)
يعني ناس الزمن ده مثقال ذرة في قلبهم مافي... الله يهون

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31680
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: الـقـروش...

مُساهمة من طرف علي الحمود في الأربعاء 06 مارس 2013, 7:50 pm

أبو مصطفى سلام..كل الحواليهو سلام..
الحمار ربع طيارة والعربيه هكره يعنى الأحسن والممتع ياتو؟؟ما الحمار عليك الله؟!
الطماطم دى ما بلقطوها من حجيرة البحر والحوت معاها..
الجابرك شنو على الدفسيبه دى؟؟
قرمان أنا لى نطة قرو وسينيق جباده فيها دبسى رافعاها من نص البحر..
متيم أنا لى قبة ملوخيه من البار مفرهدى خدراااااااااااء!!!!!!!!!!
مفجوع أنا بى شوق لى باشى فى ضل التمر أمشى أديها طمسه وأجى إتهجك فى الدارة والبنوت تزغرد لى جيبولنا الفنان(على الحمود)حسو سمح والولد يمح وغناى!!!!!!!!!!!
أحححححححححححححححح.!من داك زمن يا زمن!!!!!!!!!!!
أنا ما جميل العاش متيم كم سنه!!!!
مانى الملوح مات مطوح..!!!
أنا زول جديد يعرف يريد.!!!إلا البريده مجننا......!
أحبك يا أبا مصطفى فى الله!!!!!!!!!!!!!!!!!!!!!!!!!!!!!!

علي الحمود
عضو متميز
عضو متميز

احترام قوانين المنتدى : 100

عدد المساهمات : 664
نقاط : 9750
تاريخ التسجيل : 17/05/2012

الرجوع الى أعلى الصفحة اذهب الى الأسفل

رد: الـقـروش...

مُساهمة من طرف عبد الغني نصر الدين في الأربعاء 06 مارس 2013, 8:14 pm

وأخيرا ظهر الأخ علي الحمود ويحن لي راس الجزيرة والعوم والبحر والسمك و.. البوش.. الخ

وينك مسجل غياب كدي.. احك لينا من الطرايف التي مرت بك .. والقصص والحكاوي والمواقف الحرجة والمضحكة وغيرها والتي مرت بك منذ استقرارك في الخرطوم وبعيد عن شـــــــــــــــــــــــــــــــــــــــــــــــــــــــرري وكما حكى لنا الأخ أبو مصطفى؟؟؟؟

وتقبل مروري..

عبد الغني نصر الدين
عضو ذهبي
عضو ذهبي

احترام قوانين المنتدى : 100

عدد المساهمات : 1126
نقاط : 14548
تاريخ التسجيل : 15/07/2010

الرجوع الى أعلى الصفحة اذهب الى الأسفل

رد: الـقـروش...

مُساهمة من طرف صديق عبدالله علي أبوحنة في الأربعاء 06 مارس 2013, 9:50 pm

تعال يا علي الحمود مرة تانية... واحكي للزعيم طرايفك.. وأخبارك
..........
القروش..
انا عندي اي منصوري يخش بي جاي.. برضو داخل الموضوع.. المطلب الاساسي هو وجود المنصوري .. وخاصة إذا زعماء زي مصباح وعبد الغني وأبو مصطفى وود الحمود
..........
نحن في المناصير لعهد قريب نعرف تجارة المقايضة.. ونستغني عن القروش.. القروش طايرة.. خاصة الحريم في البيوت ما بتكون عندهن قروش كتيرة
في سوق النعوفاب المقايضة كانت موجودة... أديك كوم بصل.. وتديني كوم طماطم... أديك كوم بامية.. وتديني ربطة ملوخية..
حتى عند أعراب المناصير. يجي للمرة يقيف قدام خشم بابا يديها كورية عطرون تديهو كورية عيش.. ويهاودا يديها محريبايات وربطة ربل وربطة حرجل

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31680
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: الـقـروش...

مُساهمة من طرف صديق عبدالله علي أبوحنة في الأربعاء 06 مارس 2013, 9:56 pm

الشيخ المكاشفي أبو عمر في الشكينيبة، أبو عمر راجل صالح.. من الشكينيبة ما مرق... هو شيخ الشيخ الشايقي.. يعرف جميع لغات العالم.... فرنسي ، انجليزي، ألماني.. يجيهوالخواجة يتكلم معاه زي الترتيب بي لغتو ذاتا .. لامن الخواجة يذهل... وأسلموا على يديه خواجات كتار وواحد مات دفنوه في الشكينيبة ذاتا.
أها الشيخ المكاشفي ده كان يكره القروش.. ولما يخيطوا ليهو عراقيهو ما بيخيتوا ليهو فيهو جيوب.. معروف عراقي الشيخ المكاشفي مافيهو جيوب.. ولما يجي زول زاير عايز يخت ليهو زيارة على طرف قميصو.. بانزعاج شديد ينفضن من طرف قميصو ويشتتن ويقول وسخ ... وسخ... وسخ.. فيهن ذنوب العباد
يجروا الحيران يلقطوهن يشيلوهن.

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31680
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: الـقـروش...

مُساهمة من طرف صديق عبدالله علي أبوحنة في الخميس 07 مارس 2013, 2:25 pm

أحسن ناس بي مقياس اليوم، هم الموظفين من حيث الاطمئنان القلبي، والعمال، والقطاعات التى تصرف معاشها ورابها بالشهر..
تلقاهو عارف الليهو والعليهو ومحاول يرتب حالو قدرو.. ويمدد كرعيهو على قدر لحافو
عشان كدة الموظف بيكون حالة الاطمئنان عندو معقولة رغم الظروف الاقتصادية السيئة الآن..
التاجر الكبير تلقاهو هلع، خايف.. عيونو منططة في دكانو.. خايف من أي طارقة والله نازلة والله حتى زول يسلم عليهو ساكت.. لأنو معظمهم ممارساتهم فيها خطأ في ناحية ما.. تحصيل من جهات غير مشروعة .. زوغان من ناس الجمارك وغيرها.. أي زول غريب يدخل دكانو تلقاهو حسب ألف حساب

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31680
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: الـقـروش...

مُساهمة من طرف انتصار حجازي في الخميس 07 مارس 2013, 2:51 pm

الدنيا اتغيرت يا ابو حنه وصارت القروش هى اللى تميز الناس وليس العلم والاخلاق
وغايتو ربك يهون

وقد قيل
يا ابن ادم ان الله قد ضمن لك الرزق فلا تقلق
ولم يضمن لك الجنه فلا تفتر
ومع ذلك تجد الناس فى قلق وهلع

نسأل الله ان يرزقنا الرزق الحلال الذي نصرفه في ما يحب الله ويرضى


[ندعوك للتسجيل في المنتدى أو التعريف بنفسك لمعاينة هذه الصورة]




[ندعوك للتسجيل في المنتدى أو التعريف بنفسك لمعاينة هذه الصورة]

انتصار حجازي
مشرف
مشرف

الأوسمة مشرف منتدى المرأة والأسرة

احترام قوانين المنتدى : 100

عدد المساهمات : 1668
نقاط : 14872
تاريخ التسجيل : 19/01/2011

الرجوع الى أعلى الصفحة اذهب الى الأسفل

رد: الـقـروش...

مُساهمة من طرف ابو مصطفى في الخميس 07 مارس 2013, 3:42 pm

ياسلام ياسلام ؟؟؟ احى الزعيم على الحمود ؟؟؟ واحى كل الزعماء عبد الغنى نصر الدين وصديق ابو حنة ؟؟؟؟
على الحمود ؟؟ غنن البنات وقالن نادوا لى على ؟؟ على يا على ؟؟ يتحتى زى الشراء ؟؟؟؟ والله مرة قاعدين فى حدائق وجنائن الحلفاية ؟؟؟ وكان عندنا مجموعة من الشاب فى جلسة فريدة ما بتتكرر ؟؟ وغنى على ؟؟ فى تلك اللحظة عاينت لى على وحسيت بانو على دا بى يغنى من جوه قلبو ؟؟؟؟؟؟؟؟؟ بس لا حظت لى عروق رقبتو وراسو ؟؟؟؟ لقيت كل عرق وكل شريانى وكل وريد نط مترين لابره من راس الزول ؟؟؟؟ زولى يغنى من جوه قلبو ؟؟؟ والله ساعتها دخل ذاكرتى هذا المنظر ولى يوم الليلى ؟؟؟؟
على عندما يمسك الطنمبور :------
ويقول ساكنى قبلة دار العمد
وين وين ياناس بت البلد
انا دقة قلبى تزيد ؟؟؟ وضغطى يزيد وحبى يزيد للبلد واذكر عمرى كان كم ؟؟؟
ارجع الى الموضوع الاساسى وهو موضوع القروش ؟؟؟ عندك قروش انت ياك الكبير والشورة عندك والغلط عندك صاح وانت اى شى ؟؟؟؟ بسم الله الناس طلقت ربها ومسكت فى القروش ؟؟؟؟ ماعندك قروش ؟؟ سلام الله دا زول بى يديك ياهو مافى ؟؟؟
على سالنى الحمار ام العربية الهكرة ؟؟ بالامس اتصلت على الوالدة فى البحيرة ؟؟؟ وقلت ليها كيف ؟؟؟ قالت لى دابنا جينا من بكاء ناس حسن الامين(حسن الشتيل ) فى المتيرة ؟؟؟؟ المرحوم غرق فى حلفا ربنا يرحمه ؟؟؟ يا ولادى اعملوا حسابكم من الحديد ؟؟؟ الخرطوم صعبة وزحمة ؟؟؟؟ وكان عاوزين ترتاحوا تعالوا حوتوا معانا هنا ؟؟؟؟ نحن نحمد الله خيرنا باسط ؟؟ وسمكنا راقد ؟؟؟؟ والله دايرين المشية ؟؟ لكن يومك التلملم عفشك وتقول كدى ترحل ؟؟؟؟ يجوك الشمات ؟؟؟ مالها غلبتكم الحياة فوق ؟؟؟ اول قروكم لى شنو ؟؟؟؟ والله ما تقدر ترد ؟؟؟
من الهنا داير يمشى هناك وما لاقى طريقة والهناك داير الجية على الخراطيم ومالاقى طريقة او ما لاقى عدلوا ؟؟؟؟ وكل الحاصل يا بت احمد حمار العمدة ؟؟؟؟
وكل الحاصل خلق الله جارى وراء القروش ؟؟؟؟ فى عام 1990 تم قبولى فى ابو حمد الثانوية ؟؟؟ وكانت الاجازة الكبيرى ؟؟؟ قام ابوى قال لى انت تقوم مع الجماعة تتعلم شغل الطين ؟؟ عشان الواحد من هسع يبقى راجل ويشيل حيلو ؟؟؟؟
فقلت ليهو الجماعة ناس منو ؟؟؟؟ قال لى الجماعة ناس الحلاق ؟؟؟ وحددوا القومة لى دور الثلاثاء الجاية وقمت مشيت اتعرف على الجماعة وسلمت عليهم واحد واحد وقلت ليهم انا ودمحمد وابوى الدورة دى ماهو ماشى معاكم انا ماشى معاكم ؟؟؟ وضحكوا وقالوا لى انشاء الله خير وتقدر على شغلنا باقى ابوك زول صبار ؟؟؟ المهم الجماعة هم ؟؟؟ العمدة الكتابى - خور رباح والطاهر الحلاق رحمه الله
الحقنى وود الجلاد ؟؟ وسافرنا ومن النوادر قام سالنى بتاع الدكان قال لى انت بلدكم دى خليتو فيها منو ؟؟ ما العمدة هنا والحلاق هنا والجلاد هنا ؟؟؟ وبكل عفوية قلت ليهو خلينا الحريم والعجائز بس ؟؟؟؟ وكلوا جرى فوق القروش ؟؟؟

لكن يا جماعة كدى صلوا على النبى( اللهم اصلى واسلم عليك يا حبيب الله ؟؟؟؟؟؟؟ زيدوه صلاة ؟؟؟؟ الله يهديكم صلوا على النبى ؟؟؟؟
قاتل الله الفقر ابو قرينات ؟؟؟؟؟؟؟؟؟؟؟؟؟
اول حاجة القروش وكت تتلقى تعدل الحال ؟؟؟ وحتى الزول ان بقى شين يقطع اللبن فى النار تسوى سمح ؟؟؟؟ وان بقى عجوز تخلى شباب ؟؟؟؟ اسع ماشفت ناس خالى صديق ابو حنة وناس عبد الغنى والعجيب خالى محمد ودبروى على اليمين الشعر اسود تقول دابو ود امبارح ؟؟؟ والوشى دا تقول مدنوا مكوه ؟؟؟ يضوى حبة كرفسة ماها فيه وشى ساونا وشى كريم شعر وشى دهان ؟؟؟
والعجب الحروم ؟؟؟ الواحد التقول دابها عروس الله يعلم وهى فى الحقيقة من الستين وانت ماشى ؟؟؟؟ والثياب ماها ثياب والدهب والكشكوش ؟؟؟
لكن تعال راجع لى ناس ام غبوش ؟؟؟ عمر 20 فى شكل ستين ؟؟؟؟
يا جماعة الحى رزقوا حى ؟؟؟؟ لكن زى ماقال خالى صديق زرة ايمان بقت ماها فى(الايمان بالله والحى رزقوا حى ) ؟؟؟؟ اول مرة فى حياتى افكر فى القروش ؟؟ قاعد سايق فى البلد الصيف ؟؟؟؟
والتوم الامين التوم( الجزيرة اوس ) تاجر كبير لكن يقولك دين مافى ولا حتى لى
بعدين ؟؟؟ وقرعت مويتى وسقيت البار وطالع على الضهرة وانقطعت من الصعوط ؟؟؟ ومشيتلو وقلت ليهو يا توم ادينى وقية صعوط ؟؟؟ قال لى مافى دين ؟؟؟ رجعت على التمر ومعاى عبد الرحمن اخوى وهو صغير فى السن ؟؟؟ قلت ليهو اقطع خمسين جريدى ؟؟؟ وحسحسها كويس وجيب المدقاقه ارجانى دق فى الجريد دا نامت اكمل القراعى واجيك ؟؟؟ وفعلا الولد اشتغل بى حماس ؟؟؟
ودقينا الجريد وفتلناه وعفناه فى الترعة وطلعنا حوالى 20 دب ؟؟؟ وبقينا خلاص عندنا امل فى السوق وكل ما الجماعة يمر يوم نسال من السوق والسوق قرب وبعيد قرب ؟؟؟ عشان عندنا حبال مودنها السوق ؟؟؟
وشدينا الغبشى ام لجام انا وعبد الرحمن اخوى دقش الشاى فى السجنى ؟؟؟؟
ومربطين حبالنا فى عكفة السرج ؟؟ ودخلنا السوق وعرضنا بضاعتنا وبعنا الحمد لله الدب الواحد بى طرادة مرسوم فوقها جعفر محمد نميرى ؟؟؟ وعاد نمشى ونعاين للطرادة دى ؟؟؟ وصلنا الزيناب واتغدينا عند موسى العليقى ( موسى الحكيم ) ومن هنالك سوينا الفر على اهلنا وبقينا كل سوق يا ها شغلتنا ؟؟؟
يا سبحان الله ....الله قادر
كيفن بى نثور على الربونا بى فتل الجريد والليف
كل الثار على الرباه مالقى زول معاه يقيف
يبقى شهر عسنا روما جنيف

الله الله ...........
ولى عودة
تحياتى
ابو مصطفى




ابو مصطفى
اداري
اداري

الأوسمة مــــــــــــــالي

احترام قوانين المنتدى : 100

عدد المساهمات : 2518
نقاط : 18294
تاريخ التسجيل : 22/06/2010
العمر : 44

الرجوع الى أعلى الصفحة اذهب الى الأسفل

رد: الـقـروش...

مُساهمة من طرف صديق عبدالله علي أبوحنة في الخميس 07 مارس 2013, 4:10 pm

أبو مصطفى
ياهو ده الكلام البي يعجب الزعيم عبد الغني ومصباح..
يعني كلام من البيئة طاعم وناقع

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31680
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: الـقـروش...

مُساهمة من طرف علي الكليس في الخميس 07 مارس 2013, 5:47 pm

شكرا لك ياهندسه ولضيوفك الاعزاء . نستمتع جدا بالدرر التي تنثرونها علينا وهي تحمل الموقف والقصه والطرفه باسلوب جميل وممتع جدا .قصص ابومصطفي تتابعها وتتراءي امامك الصوره مجسده وهو يقرع مويته ويقابل التاجر ووقية السعوط ويلتقي بالطيانه ويفتل الحبال وراكب دحشته هو واخوه وماشين السوق وهو راجع من السوق ومبسوط وشايل طرادته ..واصلوا

علي الكليس
عضو ماسي
عضو ماسي

احترام قوانين المنتدى : 75

عدد المساهمات : 2898
نقاط : 15165
تاريخ التسجيل : 29/06/2011

الرجوع الى أعلى الصفحة اذهب الى الأسفل

رد: الـقـروش...

مُساهمة من طرف صديق عبدالله علي أبوحنة في الخميس 07 مارس 2013, 8:28 pm

تسلم يا كليس

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31680
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: الـقـروش...

مُساهمة من طرف ابو مصطفى في الخميس 07 مارس 2013, 8:36 pm

والله عندى كلام كتييير وخايف منو ؟؟؟؟؟؟؟؟؟؟؟؟ لكن بحكى ليكم مرة تانيه ؟؟؟
اول بالتبادى ؟؟؟؟ تجى المناسبة ؟؟؟ الزول العندو قروش يدخلوا لاجوة ؟؟؟
ابكلوا مع الناس ؟؟ هع هع اكلوا براه ؟؟ نان بقى فنان ؟؟ والله مدرس ؟؟؟؟
وكلوا شى من عمائل الناس ؟؟؟ زول القروش ؟؟ يكربوا ليهو الصينية ؟؟ انا والله يا جماعة حركة زى دى ما بدورها كله كله ؟؟؟؟ لكن هى فى وكتيرى ؟؟؟ بعدين يمرقوا ليهو العنقريب السمح ؟؟؟ والفراش السمح ؟؟؟
القروش والكروش ؟؟؟؟؟؟؟؟؟؟؟؟؟؟؟؟؟؟؟
بعدين اسع اى زول عندو قروش تلقى عندو كروش ؟؟؟ شفتو يا جماعة خالى محمد ودبروى ؟؟؟؟؟ حضرة فى السعودية عندو قروش ومسوى الكروش ؟؟؟؟
اسع دا شنو ؟؟؟؟؟؟ الراجل من يسوى ليهو كرشى ؟؟ غرض ما بقضاه ؟؟؟ بسم الله ؟؟؟ تلحقنا وتحضرنا ؟؟
رايت الناس مالوا الى من عنده المال ؟؟
رايت الناس انفضوا عن من عنده الفضه ؟؟
وخلق الله تجرى ؟؟؟؟ اسع خالى صديق ابحنة ناجع ليهو سنين من السودان ؟؟
وناس مصباح وحسين النافعابى والنفر ولى عن البقول ليها عازة والله عزة برضو ناجعى قالوا دكتورة يكفينا شر القوالة ؟؟؟ بسم الله المراة ان بقت دكتورة ماتجى اهلها وتفتح ليها عيادة وتعالج الناس هنا فى السودان ؟؟ حتى هى ناجعى ؟؟؟
وراء شنو وراء القروش ؟؟؟؟
اريت رزقا يغرب سيدوا طائر ؟؟؟؟

تحياتى
ولى عودة
ابو مصطفى

ابو مصطفى
اداري
اداري

الأوسمة مــــــــــــــالي

احترام قوانين المنتدى : 100

عدد المساهمات : 2518
نقاط : 18294
تاريخ التسجيل : 22/06/2010
العمر : 44

الرجوع الى أعلى الصفحة اذهب الى الأسفل

رد: الـقـروش...

مُساهمة من طرف صديق عبدالله علي أبوحنة في الخميس 07 مارس 2013, 9:20 pm

وقد قيل
يا ابن ادم ان الله قد ضمن لك الرزق فلا تقلق
ولم يضمن لك الجنه فلا تفتر
ومع ذلك تجد الناس فى قلق وهلع

بت أسد اب سباع جابت حكم رصينة. تشكر عليها الأخت انتصار

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31680
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: الـقـروش...

مُساهمة من طرف صديق عبدالله علي أبوحنة في الخميس 07 مارس 2013, 9:23 pm

أبو مصطفى قال: الراجل من يسوى ليهو كرشى ؟؟ غرض ما بقضاه ؟؟؟
هنا كترت المحلبية يا ود أختى أبو مصطفى...
وكمان أنت عملت وراها تلاتة علامات استفهام

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31680
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: الـقـروش...

مُساهمة من طرف صديق عبدالله علي أبوحنة في الجمعة 08 مارس 2013, 3:18 pm

في الكتاب الجامع ( إحياء علوم الدين) للإمام الغزالي رحمه الله.. والكتاب مجلدات 12 مجلد
في هذا الكتاب تناول الإمام الغزالي قصة رجل كامل الولاية.. بقدرة قادر من صاحب الفضل العظيم، أطلعه الله مرة على سؤال الملكين في القبر لأحد الأشخاص.. وقد شاهد ذلك في شكل رؤية مجسدة
وخلاصة القصة
أن هنالك حطابا.. رجل يشيل فاسو ويروح الغابة يحتطب منها ويجي يبيعو في السوق.. ماعندو راس مال غير الفاس دي.. وكفي أولادو في أمان الله من الرزق الحلال..
الحطابي مات
فشاهده هذا الرجل الصالح بعد سؤال الملكين له فقال له
ما فعل بك ربك؟
قال لقد استمر سؤال الملكين حوالي يومين بأيام الدنيا عن الفأس

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31680
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: الـقـروش...

مُساهمة من طرف صديق عبدالله علي أبوحنة في الجمعة 08 مارس 2013, 3:26 pm

بكم اشتريتها؟
بيع كاش والله أدانك لها الصانع؟
من وين جبت القروش الأشتريتهم بيها قبل ما تحتطب؟
ضربت بيها زول؟
عود الفاس قطعتو أخدر والله عود يابس؟
هل قاعد تقطع الشدر الأخضر والله اليابس تبيعو؟
في يوم من الأيام أنت قطعت شجرة يابسة.. ولكن ماكنت داري حالك؟ كان في عش طائر في أعلى الشجرة؟ لما وقعت الشجرة العش تشتت والفراخ الصغيرة الست الفيهو ماتو، بفعلتك الخرقاء.. جات أمهم شايلة في جوفها طعامهم وهي فرحة.. وجدتهم أموات، فدعت عليك، وها نحن اليوم نأخذ القصاص منك
وهكذا أشياء كثيرة؟
فما بالك الآن بصاحب القروش الكتيرة؟ وكيف يكون السؤال بالنسبة له؟
وقد قال رسول الله صلى الله عليه وسلم بعدما عاد من الإسراء والمعراج( والله لو تعلمون ما أعلم لبكيتم كثيرا ولضحكتم قليلا )

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31680
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: الـقـروش...

مُساهمة من طرف نجلاء زمراوي في الجمعة 08 مارس 2013, 5:44 pm

بسم الله علي قول ابو مصطفي

العمده اليومين ديل مالو!!!!!!القروش!!!القروش

الله يكفينا شر القروش

اللهم اغنينا بحلالك عن حرامك

نجلاء زمراوي
عضو ماسي
عضو ماسي

الأوسمة عضو ماسي

احترام قوانين المنتدى : 100

عدد المساهمات : 2265
نقاط : 15899
تاريخ التسجيل : 10/03/2011

الرجوع الى أعلى الصفحة اذهب الى الأسفل

رد: الـقـروش...

مُساهمة من طرف صديق عبدالله علي أبوحنة في الجمعة 08 مارس 2013, 8:07 pm

آمين يا بت زمراوي

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31680
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: الـقـروش...

مُساهمة من طرف ود عون الله في السبت 09 مارس 2013, 3:27 am

يعني الواحد ينسى خزنتو مفتوحة خمسة دقايق تجي تلقاها مصورة ومختوتة في النت

هسع يجونا ناس الضرائب والزكاة والنفايات والعتب وجهاز المغتربين وترعة كنانة والرهد ودمغة الجريح والموية والكهرباء وناس سد مروي ورسوم العبور والقيمة المضافة والحذوفة

يلا خمي وصري---وخلو صديق ينفعكم

ود عون الله
V.i.P
V.i.P

احترام قوانين المنتدى : 100

عدد المساهمات : 609
نقاط : 10157
تاريخ التسجيل : 29/02/2012

الرجوع الى أعلى الصفحة اذهب الى الأسفل

رد: الـقـروش...

مُساهمة من طرف عبد الغني نصر الدين في السبت 09 مارس 2013, 2:13 pm

ابو مصطفى كتب:ياسلام ياسلام ؟؟؟ احى الزعيم على الحمود ؟؟؟ واحى كل الزعماء عبد الغنى نصر الدين وصديق ابو حنة ؟؟؟؟
على الحمود ؟؟ غنن البنات وقالن نادوا لى على ؟؟ على يا على ؟؟ يتحتى زى الشراء ؟؟؟؟ والله مرة قاعدين فى حدائق وجنائن الحلفاية ؟؟؟ وكان عندنا مجموعة من الشاب فى جلسة فريدة ما بتتكرر ؟؟ وغنى على ؟؟ فى تلك اللحظة عاينت لى على وحسيت بانو على دا بى يغنى من جوه قلبو ؟؟؟؟؟؟؟؟؟ بس لا حظت لى عروق رقبتو وراسو ؟؟؟؟ لقيت كل عرق وكل شريانى وكل وريد نط مترين لابره من راس الزول ؟؟؟؟ زولى يغنى من جوه قلبو ؟؟؟ والله ساعتها دخل ذاكرتى هذا المنظر ولى يوم الليلى ؟؟؟؟
على عندما يمسك الطنمبور :------
ويقول ساكنى قبلة دار العمد
وين وين ياناس بت البلد
انا دقة قلبى تزيد ؟؟؟ وضغطى يزيد وحبى يزيد للبلد واذكر عمرى كان كم ؟؟؟
ارجع الى الموضوع الاساسى وهو موضوع القروش ؟؟؟ عندك قروش انت ياك الكبير والشورة عندك والغلط عندك صاح وانت اى شى ؟؟؟؟ بسم الله الناس طلقت ربها ومسكت فى القروش ؟؟؟؟ ماعندك قروش ؟؟ سلام الله دا زول بى يديك ياهو مافى ؟؟؟
على سالنى الحمار ام العربية الهكرة ؟؟ بالامس اتصلت على الوالدة فى البحيرة ؟؟؟ وقلت ليها كيف ؟؟؟ قالت لى دابنا جينا من بكاء ناس حسن الامين(حسن الشتيل ) فى المتيرة ؟؟؟؟ المرحوم غرق فى حلفا ربنا يرحمه ؟؟؟ يا ولادى اعملوا حسابكم من الحديد ؟؟؟ الخرطوم صعبة وزحمة ؟؟؟؟ وكان عاوزين ترتاحوا تعالوا حوتوا معانا هنا ؟؟؟؟ نحن نحمد الله خيرنا باسط ؟؟ وسمكنا راقد ؟؟؟؟ والله دايرين المشية ؟؟ لكن يومك التلملم عفشك وتقول كدى ترحل ؟؟؟؟ يجوك الشمات ؟؟؟ مالها غلبتكم الحياة فوق ؟؟؟ اول قروكم لى شنو ؟؟؟؟ والله ما تقدر ترد ؟؟؟
من الهنا داير يمشى هناك وما لاقى طريقة والهناك داير الجية على الخراطيم ومالاقى طريقة او ما لاقى عدلوا ؟؟؟؟ وكل الحاصل يا بت احمد حمار العمدة ؟؟؟؟
وكل الحاصل خلق الله جارى وراء القروش ؟؟؟؟ فى عام 1990 تم قبولى فى ابو حمد الثانوية ؟؟؟ وكانت الاجازة الكبيرى ؟؟؟ قام ابوى قال لى انت تقوم مع الجماعة تتعلم شغل الطين ؟؟ عشان الواحد من هسع يبقى راجل ويشيل حيلو ؟؟؟؟
فقلت ليهو الجماعة ناس منو ؟؟؟؟ قال لى الجماعة ناس الحلاق ؟؟؟ وحددوا القومة لى دور الثلاثاء الجاية وقمت مشيت اتعرف على الجماعة وسلمت عليهم واحد واحد وقلت ليهم انا ودمحمد وابوى الدورة دى ماهو ماشى معاكم انا ماشى معاكم ؟؟؟ وضحكوا وقالوا لى انشاء الله خير وتقدر على شغلنا باقى ابوك زول صبار ؟؟؟ المهم الجماعة هم ؟؟؟ العمدة الكتابى - خور رباح والطاهر الحلاق رحمه الله
الحقنى وود الجلاد ؟؟ وسافرنا ومن النوادر قام سالنى بتاع الدكان قال لى انت بلدكم دى خليتو فيها منو ؟؟ ما العمدة هنا والحلاق هنا والجلاد هنا ؟؟؟ وبكل عفوية قلت ليهو خلينا الحريم والعجائز بس ؟؟؟؟ وكلوا جرى فوق القروش ؟؟؟

لكن يا جماعة كدى صلوا على النبى( اللهم اصلى واسلم عليك يا حبيب الله ؟؟؟؟؟؟؟ زيدوه صلاة ؟؟؟؟ الله يهديكم صلوا على النبى ؟؟؟؟
قاتل الله الفقر ابو قرينات ؟؟؟؟؟؟؟؟؟؟؟؟؟
اول حاجة القروش وكت تتلقى تعدل الحال ؟؟؟ وحتى الزول ان بقى شين يقطع اللبن فى النار تسوى سمح ؟؟؟؟ وان بقى عجوز تخلى شباب ؟؟؟؟ اسع ماشفت ناس خالى صديق ابو حنة وناس عبد الغنى والعجيب خالى محمد ودبروى على اليمين الشعر اسود تقول دابو ود امبارح ؟؟؟ والوشى دا تقول مدنوا مكوه ؟؟؟ يضوى حبة كرفسة ماها فيه وشى ساونا وشى كريم شعر وشى دهان ؟؟؟
والعجب الحروم ؟؟؟ الواحد التقول دابها عروس الله يعلم وهى فى الحقيقة من الستين وانت ماشى ؟؟؟؟ والثياب ماها ثياب والدهب والكشكوش ؟؟؟
لكن تعال راجع لى ناس ام غبوش ؟؟؟ عمر 20 فى شكل ستين ؟؟؟؟
يا جماعة الحى رزقوا حى ؟؟؟؟ لكن زى ماقال خالى صديق زرة ايمان بقت ماها فى(الايمان بالله والحى رزقوا حى ) ؟؟؟؟ اول مرة فى حياتى افكر فى القروش ؟؟ قاعد سايق فى البلد الصيف ؟؟؟؟
والتوم الامين التوم( الجزيرة اوس ) تاجر كبير لكن يقولك دين مافى ولا حتى لى
بعدين ؟؟؟ وقرعت مويتى وسقيت البار وطالع على الضهرة وانقطعت من الصعوط ؟؟؟ ومشيتلو وقلت ليهو يا توم ادينى وقية صعوط ؟؟؟ قال لى مافى دين ؟؟؟ رجعت على التمر ومعاى عبد الرحمن اخوى وهو صغير فى السن ؟؟؟ قلت ليهو اقطع خمسين جريدى ؟؟؟ وحسحسها كويس وجيب المدقاقه ارجانى دق فى الجريد دا نامت اكمل القراعى واجيك ؟؟؟ وفعلا الولد اشتغل بى حماس ؟؟؟
ودقينا الجريد وفتلناه وعفناه فى الترعة وطلعنا حوالى 20 دب ؟؟؟ وبقينا خلاص عندنا امل فى السوق وكل ما الجماعة يمر يوم نسال من السوق والسوق قرب وبعيد قرب ؟؟؟ عشان عندنا حبال مودنها السوق ؟؟؟
وشدينا الغبشى ام لجام انا وعبد الرحمن اخوى دقش الشاى فى السجنى ؟؟؟؟
ومربطين حبالنا فى عكفة السرج ؟؟ ودخلنا السوق وعرضنا بضاعتنا وبعنا الحمد لله الدب الواحد بى طرادة مرسوم فوقها جعفر محمد نميرى ؟؟؟ وعاد نمشى ونعاين للطرادة دى ؟؟؟ وصلنا الزيناب واتغدينا عند موسى العليقى ( موسى الحكيم ) ومن هنالك سوينا الفر على اهلنا وبقينا كل سوق يا ها شغلتنا ؟؟؟
يا سبحان الله ....الله قادر
كيفن بى نثور على الربونا بى فتل الجريد والليف
كل الثار على الرباه مالقى زول معاه يقيف
يبقى شهر عسنا روما جنيف

الله الله ...........
ولى عودة
تحياتى
ابو مصطفى


الله



الله يجازيك خيراً يا ابو مصطفى.. بس ياريت سعادة الريس الفريق عمر البشير يقرأ هذا الكلام عشان يعرف من هم المناصير؟ بالله عليك الله شغلك دا مش زي الجهاد؟؟ والله والله لو عندي سلطة طوالي عينت قتصل لحكومة السودان . انشاء الله في جيبوتي أو سيراليون؟؟ يعني صدقني قنصل حكومة السودان في الرياض اصغر مننا .. وكمان قالوا دارس قانون و.. الخ القائمة.. يا حليلنا نحن المناصير؟؟ رحم الله الزبير محمد صالح.

بعدين يا أبو مصطفى .. معذرة شديدة .. يا أخواني أنا وخالك ود بروي وشيخنا النفر.. نزح زح شديد .. يا أخي ما تساونا بالدكاترة د. حسين د. مصباح والمهندس أبو حنة ... مش كدي يا أبو مصطفى؟؟ ربنا يزويدكم جميعاً ولكم تحياتي.. ونشكر المهندس صديق .. خلقت لينا جو جميل وممتع وطريف كما ذكر الكليس..في حضرة أبو مصطفى.

عبد الغني نصر الدين
عضو ذهبي
عضو ذهبي

احترام قوانين المنتدى : 100

عدد المساهمات : 1126
نقاط : 14548
تاريخ التسجيل : 15/07/2010

الرجوع الى أعلى الصفحة اذهب الى الأسفل

رد: الـقـروش...

مُساهمة من طرف ابو مصطفى في السبت 09 مارس 2013, 3:40 pm

السادة المرو سلام من امدرمان سلام ؟؟؟ جمعتى الناس وكل الناس بلد تحنان عديل ياناس -- ابقى حنينة يا امدرمان ؟؟؟؟
بسم الله تحضرك وتلحقك يا ابو مصطفى ساكن فى اخر الريف الشمالى وقال ساكن امدرمان ؟؟؟ قسمة ونصيب مافيها حاجة ؟؟؟؟ القسم فوق الرقاب ؟؟
اول حاجة غبت منكم الجمعة كلها ؟؟؟؟؟ عاد جنس عروسات ومناسبات ؟؟؟
بس قول بسم الله خلى جيبك مليان قروش ؟؟؟؟؟؟؟؟؟؟؟ القروش ؟؟؟ البنزين ؟؟ العربية كل حركة معاها بركة وداير الفكة يا تكه ؟؟؟؟؟؟؟؟؟؟؟ والفكة تقلل الجكة ؟؟؟
اتصل على محمد صديق يسن صديق ( بهية ) يوم الجمعة وكان معاى ضيوف
الو الو الو ............ الو الو ... ايوه ايوه يا محمد ... اشنو انت ماك جاى لى عرس الخليفة ؟؟؟؟؟ ........... جاى جاى .. فى زول بى يقدر يخلى ناس الخليفة ؟؟؟؟ العريس عثمان طيفور يسن صديق ... ابوه رحمه الله طيفور يسن كان علم فى سوق امدرمان وصاحب الطريقة الختمية ؟؟؟؟ وكان البرنامج فى جامع المرغنية فى بحرى عادى واكثر من عادى والولد حلى محل ابوه مشينا العقد فى جامع الشهيد بالمقرن ؟؟؟ وجينا راجعين للغداء فى الثورة الحارة 19 عاد خلق
خلق ويلبس العريس وشاح مكتوب عليه هدى النبى صلى الله عليه وسلم ؟؟
واولاد حاج الماحى يمدحوه ؟؟؟؟ وابو مصطفى داخل على الناس وسلمت على العريس لكن الناس هنا تهز وتعرض حسب العزف والوتر الصوفى ؟؟ لم يستطع صاحبكم ان يهز او يعرض كما يفعل الناس ؟؟؟؟ وحس الطار يقرع الاذان يضرب النوبة ضربا فتان وترن ؟؟؟ معليش عاوز اقول للعريس مبروك قلت ليهو ابشر بالخير وعمتى وقعت من كتفى ؟؟؟؟؟ معليش تربى ابو مصطفى على انغام الربابة
لمحت بعض الشخصيات والناس كتار ؟؟ الشكل اعرفه ولكن الاسم راح على ؟؟؟
قابلت الحسن سليمان نصر الدين ومحمد نصر الدين ؟؟؟ قال لى الحسن بقيت جافى يا ابو مصطفى مالك ما بتجينى ؟؟؟؟ قلت له يا الحسن انت هنا والله فى الغرب ؟؟؟ قال لى فى الغرب ؟؟؟ ولقيت يوسف ود الحمراء ابوه يقال له السماء اتقد ؟؟؟
درسنى حصة علوم وانا فى رابعة ابتدائى ؟؟؟؟ اسع يا جماعة زول اسمو السماء اتقد ؟؟؟ رايكم فيه شنو ؟؟؟؟ عاوز استلم كباية شاى ضربنى واحد فى كتفى شديد
عاين عليهو لقيتو يسن عثمان يسن ود شيخنا ؟؟ وراءه ابراهيم على سلمان ؟؟؟ قال لى اتعرف هذا يا عوضابى ؟؟؟ قلت له والله ذاكرتى بقت كعبة ؟؟؟ عاوزة فورمات او فرمته ؟؟ قال لى هذا ضيعها ؟؟ ومن ضيعها ؟؟؟ انه احد الطلاب الذين درسوا معانا فى ابو حمد الثانوية وضيع ضربة الجزاء وانت واقف ثيرد باك يا عوضابى ؟؟؟ ؟؟ ضربة جزاء ضربة جزاء ؟؟ ومن يومك داك ولى يوم الليلى سموه ضيعها
؟؟؟ كيف الحال وسلامات يا ضيعها ؟؟؟ قال لى ضيعها تخرجت منذ 15 سنة ولم اجد عملا ؟؟؟ فى السودان ؟؟؟ واخيرا شبكت فى المحلية ؟؟؟؟ قلت له يا ضيعها المحلية تاكل قروش الناس اختاها ؟؟ قال لى انت العوضابى دا جنى ( ابو مصطفى ) اقولك انا لى 15 سنة قرش ابيض ما دخل جيبى ؟؟؟؟ وتانى نجى راجعين لى حكاية القروش ؟؟؟؟ الله الله الله من القروش والكروش ؟؟
لم اكمل من الزمن الكثير وجدت ناس كثيرة عاملة حليقة حولى ؟؟؟ وتبصرت فيهم جيدا من شيرى فى ومن سور فى ومن شررى فى ومن برتى فى ومن بونى فى حقيقة كان عرس الخليفة جمع بالامس مجموعة طيبة من الناس ومن احسن الجماعة بدر الدين حسن على صديق الذى توجه وحفظ القران وبدا يدرس ويعمل به ومعاه مجموعة طيبة من الاخوة كلهم حفظة وتركوا درب القروش
ولى عودة
تحياتى
ابو مصطفى


ابو مصطفى
اداري
اداري

الأوسمة مــــــــــــــالي

احترام قوانين المنتدى : 100

عدد المساهمات : 2518
نقاط : 18294
تاريخ التسجيل : 22/06/2010
العمر : 44

الرجوع الى أعلى الصفحة اذهب الى الأسفل

رد: الـقـروش...

مُساهمة من طرف صديق عبدالله علي أبوحنة في الإثنين 11 مارس 2013, 7:56 pm

كان رسول الله صلى الله عليه وسلم يقول: ( اللهم أجعل قوت آل محمد الكفاف)..
والكفاف هو كل ما زاد عن الحاجة الحاضرة
وذلك ليتفرغ قلبه وقلب أسرته لله عز وجل.

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31680
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: الـقـروش...

مُساهمة من طرف صديق عبدالله علي أبوحنة في الثلاثاء 12 مارس 2013, 2:03 am

[size=24 فرغوا قلوبهم عن كل ما يشغلهم عن سوى الله.. لذلك نالوا الدرجات الكبيرة في القرب من خالقهم ونالوا رضاءه
فرغوا نفوسهم عن المال.. حتى الحلال منه، اللهم إلا ما يسد الرمق..
خزنوا في مخازن ربهم وجعلوا مخازن منازلهم خاوية، إلا مما يحفظ ماء الوجه
مخازنهم قلبوهم من التقوى والتواضع والعبادة[/size]

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31680
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: الـقـروش...

مُساهمة من طرف صديق عبدالله علي أبوحنة في الثلاثاء 12 مارس 2013, 4:35 am

كل جرائم السرقة والقتل، سببها الرئيسي القروش..
الما عندهم ضد العندهم
( سيفيض المال، حتى لايقبل عليه، أحد وتصير الركعة خير من الدنيا وما فيها) مأخوذ من حديث المسيح..
........
المال يحشو القلب بالطمع، والشره، والقسوة، والغلظة، ونقص المروءة، ورقة الدين،والبخل، والجبن..
وهي نوع من الأصنام الحديثة.. لعمري هذه أخطر من الأصنام التى قد كانت تنحت من الحجر أو تبنى من العجوة..
كلما استحدث عهد وكلما بزغ قرن، ظهرت معه أصنام حديثة، استحوذت على قلب الإنسان وأبعدته عن خالقه.. وأبعدت بينه وبين الغرض الأساسي الذي أوجد من أجله في الدنيا..

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31680
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: الـقـروش...

مُساهمة من طرف ابو مصطفى في الثلاثاء 12 مارس 2013, 4:20 pm

السادة المرور سلام من ابو مصطفى سلام ؟؟ امس الشبكى كانت كعبى خلاص ؟؟
عشان كده ما قدرت اكتب ؟؟؟ ونامت نمت زى الفاطر وماهو شربان الشاى ؟؟؟
الحى رزقو حى ؟؟؟؟ من قولة يا ارحم الراحمين الناس هنا تقوم فت ؟؟؟؟ والله المره والراجل والبت ؟؟؟ جرى وجنس جرى ؟؟ المدير الغفير ؟؟؟ كل الناس هنا جارى ؟؟؟ فوق القروش ؟؟؟
يا حليل الحياة فى البلد ؟؟؟؟؟
اول زمان برنامجى واضح جدا جدا ؟ اقوم من الصباح عندى موية اقرعها ويجينى الفطور فى الساقى ؟؟؟؟؟ وبعد الفطور اجى راجع امشى على ديوان ودنعوم ؟؟؟
حيث نلعب الكوتشينة ؟؟؟ ولى صلاة الظهر كل زول يقوم يشوف شغلوا ؟؟؟ وعندى كر كبير مليان ضان ومعوز؟؟؟ انا مكلف بى اكل الضان وعبد الرحمن اخوى بى اكل المعوز ؟؟ والحمارة ؟؟؟ ونقوم ندخل الجزائر واحد بوص واحد طرفى واحدة كردى ؟؟؟؟ نحش ونعبى الشوالات من الجزائر قش بحر وقريب المغرب نعدى المراكب نجى على اهلنا والحمير يكونن مربطات بى غادى ؟؟
وهذا فى حالة الصيف يكون يا دوب فوق التقانق ؟؟ لسع خضار الساقى ما مرق والكدادة والنضافة لسع ؟؟؟؟ وعاد جنس فلس ؟؟؟؟ التعريفة المقدودة ماها فى ؟؟؟
ومرات الحاجة تقوم تعمل برنامج اضافى تقوم تقولك لقطوا النوى ؟؟؟ وسكنوه للمدوعلات ؟؟؟؟ وفى النهاية يجى السبابى ويشترى الخروف ؟؟؟؟ وعاد اليوم داك فرحة كبيرى ؟؟؟؟ اقل حاجة واكبر حاجة نفرح بها وقية طحنية من الحاجة من دكان محمد ودكلس ؟؟؟؟ او حلاوة اسمها جعبة سكينة ؟؟؟ حلاوة كبيرى ومحشية بالسمسم من جوه ومعجنات غايتو اذا اكلت اتين تانى عشاء ماك دايرو تب ؟؟؟
وجنس زحمة عند الدكان ؟؟؟ ويقول محمد ودكلس للحاجة انتى الليلة قابضى السمينى ؟؟؟ بايعى الخرفان ؟؟ ولادك فالحين بى يشتغلوا ؟؟؟ بسم الله انت محمد دا جنى والله الولاد ديل الا تضربهم ضرب عشان يشتغلوا ؟؟؟؟ جنهم كورة ولعب كوتشينة ؟؟؟ وعوم فى البحر وجرى وراء الوزين فى الجزائر ؟؟؟ ديل لسع صغار يا محمد بعاد من معرفة الحياة ؟؟؟ اوزن لى كيلو ملح وثلاث ارطال سكر ووقية شاى ؟؟ ونص رطل زيت ؟؟؟ هكذا قالت الحاجة ؟؟؟ لصاحب الدكان ؟؟
ومازلت اقف خلف باب الدكان واحلم بجعبة سكينة او وقية طحنية وعبد الرحمن اخوى يقول لى ويلكزنى ذكرها ذكرها حاتنسى ؟؟؟؟؟؟؟
واخيرا نسيتك يا محمد انت الباقى لى كم ؟؟ الباقى ليك ثلاثة جنيه ونص ؟؟
خلاص خلاص اديهم حلاوة بالنص دا ؟؟؟ ورجع لى الثلاثة ؟؟؟
عشان باكر فى مناسبة فى العوناب عن ولاد الازرق ودعونى بى ندور نخت ليهم شى ؟؟؟
ونحن فرحانين فرحة ماتتخيلها ؟؟؟ وصاحت مرة اخرى يا ولاد ؟؟ انتو الدخن جبتوه من التقه ؟؟؟؟ خلاص زول يسالنى من عشاء بى دخن ولبن مافى ؟؟؟ يبقى الحمير اكلن العيش ؟؟ الحاجى جاتكم ؟؟ اجروا اسع دى ؟؟؟؟ وجماعتك يسوا الفر على التقه ؟؟؟ --- خلاص خلاص نزلوا فى المخزن ؟؟؟ وباكر تكيل منه ربع ربعين وتوديهن طاحونة عمك السر ؟؟ وتكلم عمك السر وتساله الحجر واقف على شنو ؟؟؟ اوع الحجر يكون واقف على فيتريت وتقوموا تطحنوا فوقو ؟؟ انت اصلك ولدا مبدل ؟؟ لكن اخوك ماعندو عوجى ؟؟؟
خلاص بكره فى برنامج طاحونة خلاص حش مافى الغنم عشاهن قصب من الساقى ؟؟؟ معانه اجازى ؟؟؟

ولى عودة
ابو مصطفى



ابو مصطفى
اداري
اداري

الأوسمة مــــــــــــــالي

احترام قوانين المنتدى : 100

عدد المساهمات : 2518
نقاط : 18294
تاريخ التسجيل : 22/06/2010
العمر : 44

الرجوع الى أعلى الصفحة اذهب الى الأسفل

رد: الـقـروش...

مُساهمة من طرف صديق عبدالله علي أبوحنة في الثلاثاء 12 مارس 2013, 7:41 pm

ولى عودة
ابو مصطفى

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31680
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: الـقـروش...

مُساهمة من طرف عبد الغني نصر الدين في الثلاثاء 12 مارس 2013, 8:25 pm

ابو مصطفى كتب:السادة المرور سلام من ابو مصطفى سلام ؟؟ امس الشبكى كانت كعبى خلاص ؟؟
عشان كده ما قدرت اكتب ؟؟؟ ونامت نمت زى الفاطر وماهو شربان الشاى ؟؟؟
الحى رزقو حى ؟؟؟؟ من قولة يا ارحم الراحمين الناس هنا تقوم فت ؟؟؟؟ والله المره والراجل والبت ؟؟؟ جرى وجنس جرى ؟؟ المدير الغفير ؟؟؟ كل الناس هنا جارى ؟؟؟ فوق القروش ؟؟؟
يا حليل الحياة فى البلد ؟؟؟؟؟
اول زمان برنامجى واضح جدا جدا ؟ اقوم من الصباح عندى موية اقرعها ويجينى الفطور فى الساقى ؟؟؟؟؟ وبعد الفطور اجى راجع امشى على ديوان ودنعوم ؟؟؟
حيث نلعب الكوتشينة ؟؟؟ ولى صلاة الظهر كل زول يقوم يشوف شغلوا ؟؟؟ وعندى كر كبير مليان ضان ومعوز؟؟؟ انا مكلف بى اكل الضان وعبد الرحمن اخوى بى اكل المعوز ؟؟ والحمارة ؟؟؟ ونقوم ندخل الجزائر واحد بوص واحد طرفى واحدة كردى ؟؟؟؟ نحش ونعبى الشوالات من الجزائر قش بحر وقريب المغرب نعدى المراكب نجى على اهلنا والحمير يكونن مربطات بى غادى ؟؟
وهذا فى حالة الصيف يكون يا دوب فوق التقانق ؟؟ لسع خضار الساقى ما مرق والكدادة والنضافة لسع ؟؟؟؟ وعاد جنس فلس ؟؟؟؟ التعريفة المقدودة ماها فى ؟؟؟
ومرات الحاجة تقوم تعمل برنامج اضافى تقوم تقولك لقطوا النوى ؟؟؟ وسكنوه للمدوعلات ؟؟؟؟ وفى النهاية يجى السبابى ويشترى الخروف ؟؟؟؟ وعاد اليوم داك فرحة كبيرى ؟؟؟؟ اقل حاجة واكبر حاجة نفرح بها وقية طحنية من الحاجة من دكان محمد ودكلس ؟؟؟؟ او حلاوة اسمها جعبة سكينة ؟؟؟ حلاوة كبيرى ومحشية بالسمسم من جوه ومعجنات غايتو اذا اكلت اتين تانى عشاء ماك دايرو تب ؟؟؟
وجنس زحمة عند الدكان ؟؟؟ ويقول محمد ودكلس للحاجة انتى الليلة قابضى السمينى ؟؟؟ بايعى الخرفان ؟؟ ولادك فالحين بى يشتغلوا ؟؟؟ بسم الله انت محمد دا جنى والله الولاد ديل الا تضربهم ضرب عشان يشتغلوا ؟؟؟؟ جنهم كورة ولعب كوتشينة ؟؟؟ وعوم فى البحر وجرى وراء الوزين فى الجزائر ؟؟؟ ديل لسع صغار يا محمد بعاد من معرفة الحياة ؟؟؟ اوزن لى كيلو ملح وثلاث ارطال سكر ووقية شاى ؟؟ ونص رطل زيت ؟؟؟ هكذا قالت الحاجة ؟؟؟ لصاحب الدكان ؟؟
ومازلت اقف خلف باب الدكان واحلم بجعبة سكينة او وقية طحنية وعبد الرحمن اخوى يقول لى ويلكزنى ذكرها ذكرها حاتنسى ؟؟؟؟؟؟؟
واخيرا نسيتك يا محمد انت الباقى لى كم ؟؟ الباقى ليك ثلاثة جنيه ونص ؟؟
خلاص خلاص اديهم حلاوة بالنص دا ؟؟؟ ورجع لى الثلاثة ؟؟؟
عشان باكر فى مناسبة فى العوناب عن ولاد الازرق ودعونى بى ندور نخت ليهم شى ؟؟؟
ونحن فرحانين فرحة ماتتخيلها ؟؟؟ وصاحت مرة اخرى يا ولاد ؟؟ انتو الدخن جبتوه من التقه ؟؟؟؟ خلاص زول يسالنى من عشاء بى دخن ولبن مافى ؟؟؟ يبقى الحمير اكلن العيش ؟؟ الحاجى جاتكم ؟؟ اجروا اسع دى ؟؟؟؟ وجماعتك يسوا الفر على التقه ؟؟؟ --- خلاص خلاص نزلوا فى المخزن ؟؟؟ وباكر تكيل منه ربع ربعين وتوديهن طاحونة عمك السر ؟؟ وتكلم عمك السر وتساله الحجر واقف على شنو ؟؟؟ اوع الحجر يكون واقف على فيتريت وتقوموا تطحنوا فوقو ؟؟ انت اصلك ولدا مبدل ؟؟ لكن اخوك ماعندو عوجى ؟؟؟
خلاص بكره فى برنامج طاحونة خلاص حش مافى الغنم عشاهن قصب من الساقى ؟؟؟ معانه اجازى ؟؟؟

ولى عودة
ابو مصطفى



الله يجازيك خير يا أبو مصطفى.. يا سلام ذكرتنا شديد البلد.. والله انها حياة حقيقة جميلة جداً وكفاح مرير.. وموضوع طاحونة عمك السر ذكرني بموقف طريف أريد أن أحكيه.. في بداية حياتنا في العمل البنك العربي بالرياض في التسعينات كانت هنالك شركة استشارية في إدارة التقنية تقوم بتحديث ومكننة أنظمة البنوك .. وكان مدير مكتب المدير الإستشاري من أصحابنا المحس وما شاء الله عليه سرعته ومهارته وخبراته عالية ودقيق في عمله وله الفضل علينا وتعلمت منه العمل على جهاز الماكنتوش في الرسم وعمل Organization Chart والحمد لله الأخ عبد الرحيم هذا مازال موجود بالرياض وربنا فتحها عليه وبنى عمارة في أركويت مستأجرة لطلاب الجامعات. وما شاء الله . وفي أحد الأيام مديره اعطاه Set كامل لطباعته بالإنجليزي وكلمة تقراها والثانية تغلبك وعمل مزعج أكثر من 100 صفحة وقال له تخلصه في اسبوع وجاء يشكي لي. فقلت له والله يا أخي عبد الرحيم طاحونة ود السجني دي لما تشتغل بي تدقق لجميع ناس الجزائر.. وطبعاً ود السجني عليه رحمة الله من الأوائل الجاب الطاحونة في السجني والجزائر. وعلي أي حال بعد اسبوع الرجال جاءته بواسير خفيفة وجاء وقال لي المنصوري قتلتني. وما زال صديق لنا واخوه الدكتور محمد دياب درسنا بالجامعة والآن خبير في منظمة الفاو.. واشتغل في جميع الدول الأفريقية والعربية وشبع في القروش كما يقولون والحمد لله.

والتحية للمرور الكرام.. ونواصل.

عبد الغني نصر الدين
عضو ذهبي
عضو ذهبي

احترام قوانين المنتدى : 100

عدد المساهمات : 1126
نقاط : 14548
تاريخ التسجيل : 15/07/2010

الرجوع الى أعلى الصفحة اذهب الى الأسفل

رد: الـقـروش...

مُساهمة من طرف علي الحمود في الثلاثاء 12 مارس 2013, 9:38 pm

طاحونة ود السجنى تدقق لى ناس الجزاير..
طاحونة سلمان فى السوق تدقق لى ناس شررى والنعوفاب وما حواليهما..
طاحونة عيسى العليقى فى الزيناب..
طاحونة الحسيباب موسى ود عثمان...
طاحونة المرحوم حمزة سليمان نصر الدين فى صلحه شررى مؤخرا
طاحونة الرضى يرحمه الله فى السجنى أيضا..
طاحونة المرحوم خليفة المرضى فى شرى...
يا حليل زمن الطواحين!!!!!!!!!!!!!دققو كويس وجيب لى منو هينين!!!!
أصبح البشر فى السودان مثلها تماما تدور عجلته فى الصباح لتقف فى المساء وراء لقمة العيش..ولا تزال الطواحين مدوره..
أذكر أن الطواحين حولينا كلها متعطله الجازلين معدوم ذهينا نحن من شررى مجموعه لنطحن العيش فى عصمه..
(الدقيّق)كان برنامج جميل وله طقوس عجيبه لا أظنها تخفى على الخال صديق ..
جر المراكب أيضا من الأشياء الجميله..أعتقد أن الأستاذ عبد الغنى نصر الدين له تجربه!!!
أشهر المركابه زمان عندنا فى شررى(جلى__حاج سعد__أحمد حدورى)
ناس (أبو مصطفى)ديل يجرو مراكبهم يوم الأحد العصر من دماج عشان يحصلو السوق بدرى..طوّالى توكر عليهم فى (شلال ضكيليم)منطقة وعره فى شررى فيأتون إلينا طالبين المساعده ويبوظو علينا الكوتشينه..لدرجة أننا يوم الأحد نشيل هم لى مراكب الجزاير فى (صلحه وضكيليم)..
أشهرهم كان (ود الكندب)(ود الدبى)وده محمد عثمان إبراهيم.(ود اللغا)
أيام جميله مليئة بالجمال..
تحيه للأخ عبد الغنى وكل المتداخلين..

علي الحمود
عضو متميز
عضو متميز

احترام قوانين المنتدى : 100

عدد المساهمات : 664
نقاط : 9750
تاريخ التسجيل : 17/05/2012

الرجوع الى أعلى الصفحة اذهب الى الأسفل

رد: الـقـروش...

مُساهمة من طرف نصرالدين ابوزيد حامد كرار في الثلاثاء 12 مارس 2013, 10:24 pm

ود عون الله كتب:يعني الواحد ينسى خزنتو مفتوحة خمسة دقايق تجي تلقاها مصورة ومختوتة في النت

هسع يجونا ناس الضرائب والزكاة والنفايات والعتب وجهاز المغتربين وترعة كنانة والرهد ودمغة الجريح والموية والكهرباء وناس سد مروي ورسوم العبور والقيمة المضافة والحذوفة

يلا خمي وصري---وخلو صديق ينفعكم
السلام للجميع , واتحفتونا بالروائع, ابو مصطفى بقدر ما اضحكتنا بنوادرك ابكيتنا على ماضى جميل ولى نرجو ان يعود .

دكتور ودعون الله وكت الخزنة مليانى قدر دا وشبعت لامن نسيت مفتاح الخزنة قاعد تسوى شنو كفاك , اها انتصار سوتا فيك؛ .(والله ضحكتنى ضحك لو فى زول شافنى يقول الزول دا صواميلو حلجت).
يسلموا الجميع وحقيقه موضوع حى ويلامس الواقع , شكرا باشمهندس صديق.
تخريمة
_____
اخوى عبد الغنى المواضيع الزى دا الفيها ذكريات ابو مصطفى تعجبو.

نصرالدين ابوزيد حامد كرار
عضو ذهبي
عضو ذهبي

احترام قوانين المنتدى : 100

عدد المساهمات : 1455
نقاط : 12944
تاريخ التسجيل : 01/12/2011

الرجوع الى أعلى الصفحة اذهب الى الأسفل

رد: الـقـروش...

مُساهمة من طرف صديق عبدالله علي أبوحنة في الأربعاء 13 مارس 2013, 3:26 am

يلا خمي وصري---وخلو صديق ينفعكم
ههههههههه نصر الدين ود عون الله ما قطع مصارينك بالضحك براك؟؟؟
بس ما تخاف خزنتك يا دكتور بقرا ليها الإخلاص 11 مرة الجماعة ما بيشوفوها.. ( ما تكاف) أو ( ما تهاف) بي لهجة ديل ولهجة ديلاك..
عبد الغني وأبو مصطفى وعلي الحمود أضافوا مرق الماجي للبوست

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31680
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: الـقـروش...

مُساهمة من طرف ود عون الله في الأربعاء 13 مارس 2013, 5:46 am

الراقي نصر الدين---الشوق محيط فتق المخيط

إنت عارف يا نصر الدين جينا متركين والكلام نلملم فيه باللربل زي جضول الصيف-والدنيا برد

قلنا اها ناخد لينا عومة عشان الجمعة ---الموية ساااقطي --بقينا متكفلتين

غمدنا وجنبلق دقينا الزرقي

صديق قلنا يشجعنا شوية ---لقيت صاحبي شغال مواعظ ساااكت ---خطب جمعة بس

الزول بقي واعظ---الشعراوي بس --ما شايفو داير يقرا لي الإخلاص 11 مرة

تسلم يا راقي ويسلم عمدتنا الصدوق

ود عون الله
V.i.P
V.i.P

احترام قوانين المنتدى : 100

عدد المساهمات : 609
نقاط : 10157
تاريخ التسجيل : 29/02/2012

الرجوع الى أعلى الصفحة اذهب الى الأسفل

رد: الـقـروش...

مُساهمة من طرف صديق عبدالله علي أبوحنة في الأربعاء 13 مارس 2013, 10:42 am

هههههههههه
ود عون الله..
مرة وعظ
مرة تراث
مرة أغاني
مرة شعر
مرة نثر
مرة كاسح ومرة منجر
لاغراق لاضربة حجر

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31680
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: الـقـروش...

مُساهمة من طرف ابو مصطفى في الأربعاء 13 مارس 2013, 3:47 pm

بسم الله تلحق المغتربين ؟؟ اسع ودعون الله دا جادى فى كلامو دا ؟؟؟ خزنة قدر دى ومليانة زى دا ؟؟ طيب وين الزكاة يا ودعون الله ,,,,,,,,,,,,,,,, الذكاة ؟؟
حق الله ........ طهروا المال ,,,,,,,, بس تكارنوا لى عشية فى الريالات ؟؟؟؟
اسع ارجع للمفتى الجديد ........ شعرواى ( صديق الحنونى ) خلى يشوف النصاب كم ؟؟؟
الاخ عبد الغنى ؟؟؟ سلام وتانى سلام ... الغربة دى لا متين ... يوم من الايام
حاتجوا راجعين وابو مصطفى يرجاكم قاعد فى امدرمان انشاء الله ؟؟؟ وكل واحد فيكم الان قاعد يبنى فى بيت اوعمارة ؟؟؟ الجماعة امس قالوا لى صاحبك دكتور حسين بنيانوا روح ؟؟؟ ربنا يزيده لكن ما عرفتوا يبنى وين ؟؟؟ انت عملت شنو ؟؟
ما كل اولاد المغتربين بى يقروا فى الجامعات السودانية ؟؟؟؟
الاخ على الحمود احلى ايام كانت جر المراكب على السوق ؟؟؟ وكنا نفرح يوم السوق ؟؟؟ والله عندنا زى يوم العيد ؟؟؟؟ على الاقل الغداء بى لحم ؟؟؟ هو اللحم نحن زمان على من الضحية للضحية او كرامة المشتين ؟؟؟ عاد يوم كرامة المشتين ود كلس يقول للحروم كل واحدى تعوس الكسرى عند اهلها ويقوم يضبح البهيمة بى حالها يرميها فى الحلة الكبيرى ويرمى معاها 2 ربع عيش مريق ويديها النار وزى الساعة ثلاثة تلقى الناس اجمعت فى سهلة الحمار ( سهلى كبيرى عندنا فى نص الجزيرى دماج ) اول حاجة يكلوا العوين الصغار ؟؟؟ ويقسموا ليهم الشموم ؟؟ طبعااذا انت محظوظ يقع ليك عضم كبير فى الشموم ؟؟؟ وانا من الله خلقنى ملغوم ومحظوظ حد جبادتى تقبض وشبكتى تقبض اقل حاجة كور كبير خالص ؟؟؟ وبعد اكل العوين يكلوا الرجال ؟؟ ثم الحريم ؟؟؟ انشاء الله كرامة مقبولة ؟؟؟ ارفع الفاتحى يا شيخ عبد الغنى رحمه الله عبد الغنى على الطاهر ؟؟ شيخ الخلوة عندنا ؟؟؟ ويبدا الدعاء بالرحمة على موتانا ثم ينتهى اللهم لاتجعل بيننا شقيا او محروما من رحمتك يا الله الى وقتا قريب كنت حافظ الدعاء صم لم ؟؟لانه اشياء فى ذاكرتى وانا طفل لا تنسى ؟؟؟
وبعد داك تشوف الناس منجلى ومنجلك وقفتى وقفتك وشوالى وشوالك وطوريتى وطوريتك وكل زول فى عشاء غنمه ؟؟؟؟
ولى عودة
ابو مصطفى

ابو مصطفى
اداري
اداري

الأوسمة مــــــــــــــالي

احترام قوانين المنتدى : 100

عدد المساهمات : 2518
نقاط : 18294
تاريخ التسجيل : 22/06/2010
العمر : 44

الرجوع الى أعلى الصفحة اذهب الى الأسفل

رد: الـقـروش...

مُساهمة من طرف علي الحمود في الأربعاء 13 مارس 2013, 9:00 pm

التحيه لى أبو مصطفى ..
وعلى ذكر الحاج عبد الغنى أحيى الأخ الكريم سعادتو على عبد الغنى المشهور بابى جنيب..عملنا سويا فى الجوازات فترة ليست بالقصيرة.وياما طلعنا(جناسي)للمناصير.
بدون شهود طبعا حتى بعض الزملاء قالو لينا الجوازات دى حقتكم؟؟
التحيه لكل الساده الكرام الكاتلم الشوق للبلد والبليلى فى ضل الضهر والشموم..
ناس أبو زيد وعبد الغنى ودكتور ود عون الله.

علي الحمود
عضو متميز
عضو متميز

احترام قوانين المنتدى : 100

عدد المساهمات : 664
نقاط : 9750
تاريخ التسجيل : 17/05/2012

الرجوع الى أعلى الصفحة اذهب الى الأسفل

رد: الـقـروش...

مُساهمة من طرف ابو مصطفى في الخميس 14 مارس 2013, 2:57 pm

ياسلام يا سلام ؟؟؟؟ يا حليلو الكان فى الرجال حبوب -----------------
ركبو فوق جريدة شوكا ماشى جنوب -------------
تحية للاخ على الحمود ولعله قريبى على ابو جنيب يسكن الان فى ابو ادم وله من البنات ستة وولد واحد ؟؟؟
انت ياعلى حكاية الشرطة دى ماعايز تفاصيل كثيرة لكن تم انهاء خدمتك سريع جدا ؟؟؟؟ على الرغم من ان الخدمة المدنية من الصعب ان يتم انهاء خدمة الفرد فيها ؟؟؟ (اوع تكون حسادة بس ) لانه هنالك قانون ؟؟؟
معذرة للمرور ان كنا خرجنا من موضوع البوست ومعذرة لصاحب البوست

تحياتى
ابو مصطفى
ولى عودة


ابو مصطفى
اداري
اداري

الأوسمة مــــــــــــــالي

احترام قوانين المنتدى : 100

عدد المساهمات : 2518
نقاط : 18294
تاريخ التسجيل : 22/06/2010
العمر : 44

الرجوع الى أعلى الصفحة اذهب الى الأسفل

رد: الـقـروش...

مُساهمة من طرف ابو مصطفى في الإثنين 18 مارس 2013, 5:41 pm

مصباح محمد مصباح كتب:ياهندسة صباح الخيرات اليوم مالك مقبل على القروش يقال إن المال عند سيدو والناس تريدو .المال ياصديق آفة العصر وأصبح الماعنو مال لايسوي شئيا وللاسف تسابق الناس في جمعه مهما كان مصدره حلال حرام مباح مكروه بنصب باحتيال المهم تجمع المال . نسي الناس حساب رب الناس يوم البأس يوم لا ينفع مال ولا بنون إلا من أتى الله بقلب سليم . فأين هذه الأمة الآن نسأل الله أن يرزقنا الحلال وأن نصرفه في الحلال.

انت قايل يا مصباح الحرام دا هين والله الحلال دا هين ؟؟؟؟؟؟؟؟؟؟؟؟؟؟؟
على اليمين تقع الحرام دا السجون الا تاخذ عمرك كلوا ............ وتجرى وراء الحلال دا نامت عمرك يقرب يكمل ما تلقاهو بالساهل ؟؟؟؟
غايتو انا اقولكم شنو زول عمل قروش من حلال او من حرام فى النهاية المحصلة صعبة لكن كان اتلقى الحلال دا المنى ؟؟؟؟؟؟؟؟؟؟؟؟؟؟؟؟؟
والمشكلة فى حساب يوم الحساب ؟؟؟؟؟؟؟؟ بس دا الخائفون منه ؟؟؟

تحياتى
ابو مصطفى


ابو مصطفى
اداري
اداري

الأوسمة مــــــــــــــالي

احترام قوانين المنتدى : 100

عدد المساهمات : 2518
نقاط : 18294
تاريخ التسجيل : 22/06/2010
العمر : 44

الرجوع الى أعلى الصفحة اذهب الى الأسفل

رد: الـقـروش...

مُساهمة من طرف صديق عبدالله علي أبوحنة في الجمعة 29 مارس 2013, 4:44 am



تذكر لنا كتب السيرة : أن الرسول صلى الله عليه وسلم ندب المسلمين يوم تبوك لتجهيز جيش العسرة ، فأخذ المسلمون يتبارون ويتنافسون فيما يقدمونه، طلباً للأجر والثواب ، وهنا يقول عمر بن الخطاب : حملت نصف مالي وأخذته ـ وأنا أظن أن لا يسبقني أبو بكر فيما يقدم ـ ووضعته بين يدي رسول الله صلى الله عليه وسلم فقال صلى الله عليه وسلم : كم أبقيت لعيالك يا عمر ؟ فقلت : أبقيت لهم نصف مالي يا رسول الله ، فجاء أبو بكر الصديق بالمال ووضعه بين يدي رسول الله ، فقال صلى الله عليه وسلم: كم أبقيت لعيالك يا أبا بكر ؟ فقال : أبقيت لهم الله ورسوله ، فقال عمر: ما سابقت أبا بكر في أمر الا سبقني ، لن أسابقه بعد اليوم .


صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31680
تاريخ التسجيل : 14/07/2010

الرجوع الى أعلى الصفحة اذهب الى الأسفل

صفحة 1 من اصل 2 1, 2  الصفحة التالية

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى