رجع الحبيب يا عيني جففي للدموع سيبي البكا

كتب ود المناصير :

رجع الحبيب يا عيني جففي للدموع سيبي البكا :
** ** **
الزمان : الأربعاء 20 / 2
الساعة 6 ونصف مساءا .
المكان شاشة التلفزيون القومي
برنامج بينا وبينكم
وعلى مدار ساعة كاملة
انتم مع موعد مع القيثارة عـــيـــســــــــــى بــــــــــــــــــــروي
في لقاء تلفزيوني مباشر
الدعوة للجميع بمتابعة هذا الحدث
والإستمتاع بــــ :
رجع الحبيب يا عيني جففي للدموع سيبي البكا
** **
يقولوا الصابر مجابر على ألمي تراي صابر .
** **
وغيرها من أغاني الأستاذ عيسى بروي .

متابعة طيبة

من طرف **الفكى احمد** الإثنين 18 فبراير 2013, 6:13 am

شكرا ياباشا ...

شكراً .. يا باشا .. خلينا يا باشمهندس نسميك الجوكر.اذا مابتزعل؟؟؟ لأنك ما شاء الله عليك قافلها كما يقولون.

شد حيلك وأبعد من الكتاحة.

شكرا الباشمهندس وشكرا الغائب الحاضر ودالمناصير وربنا يرد غيبته وتزول الاسباب
نتنمى ان نستمتع بالحلقة ونشاهد فيها الروائع من الرائع الفنان الانسان ورمز المناصير الاستاذ عيسى بروى وربنا يديهو الصحة والعافيه ويعود أكثر قوة وروعة لأهله ومحبيه ومعجبيه وأنا من أعز ديار أنا

من طرف **علي الحمود** الإثنين 18 فبراير 2013, 8:54 pm

قافلها دى لذيذة يا عبد الغنى!!!!!
أنت لا تزال مع ربعك وإيش بدك وأبغى أروح السودان الخمجان لكنك تحافظ بالبهاء..
كلاسيك مان جميل..
واسع المدارك يعيش العصر بروح الكلاسيك والجمال..
عبد الغنى يا جميل يا زول يا رايع ما الروعه فى حب الأهل والتواصل..
المنتديات دى ما راقده إش معنى ده كان ماك زول جميل يحب الناي الجميلين..

من طرف **علي الحمود** الإثنين 18 فبراير 2013, 8:55 pm

تدقيق:
تحتفظ....الناس.

الزعيم عبد الغني نصر الدين انت الكتاحة تمر بفوقك هبوب زيف همبريب بريحة
اللوبيا والبرسيم معطرة بنفحات البلد ماذكرتة كلمة تسيئ للاهل الطيبيب انت ود الاجاويد::
والجيران ناس الزعيم هاشم الحسن ونصر الدين الحسن وعبدالله الحسن
ومحمد نصرالدين وحسن سليمان وبشير سليمان والنزير سليمان وتاج السرسليمان
العائلة كولها انا مواصلا في كل حاجة هم كذالك::
حبة ونسة
الزعيم عبدالله سليمان رسل لي اربعة قواريط من المكابراب وريتوا مارسلن
اول حاجة حصل الاتي: يوم كبناهو في البرش للنظافة البيت كولو يسوي العطش
عطش الصيدلية فللي والكمامات وديناهوا الطاحون حجر الطاحون سوي قرم قرم الطحان
قال اول مرة اشوف القمح زي الفول وجات الجمعة وصلا من العاده كل يوجمعة
القراصة والفسيخ طبعا البلد اليومين ديل يرسلولنا الفسيخ بدل التمرفضلت خيرك
الحاجه ضربت العجين وحمت الدوكة وكبت العجين وقامت تكورك الحقوني
الحقوني اشنو يابت جيبي الطرحة جبنالة الطرحة والنظارات والطبقية لفة وشها
بالطرحة ولبست النظارات وقتت الدوكة بالطبقية وبرضها لم تسلم بتحت الطبقية
يبربر ويصدر اصوات بط بتطط تط تط تط بر بررررر
لكن بين وبينكم طعمو حلو بلحيل

لكم التحية والتقدير .. الأعزاء الأخوان علي وود جيب الله

خلوني أبدأ بابن عمي الأستاذ علي الحمود.. والله ما أنكر عليك لقد سرقت كلمة قافلة من اخوكم وصديقكم العزيز بدر الدين.. جاءنا بالرياض ووجد الحمد لله كل الإحترام والتقدير من جميع الأخوان ...وانا قلت له في الجمعية دي تلقى راحتك تمام التمام بس تقول سمعاً وطاعة للأخ عبد الكريم وكمان تعترف باسرائيل دولة.. وقال حاضر والحمد لله وجد الأخ عبد الكريم نعم الأخ .الرجل الكريم ذو المروة والشهامة.. وفي كل شيء وبعد كم يوم سألته كيف الوضع والخدمات كيف؟ قال لي عبد الكريم قافلة.. ما مدينا فرقة.. التحية له ولجميع أخواننا بالرياض وبالجمعية خاصة والتحية لكم.

اما المهندس ود جيب الله .,.. والله انك King وأكبر من ذلك ما دام ذكرت أخواننا وأولاد عمنا وقصة ابن عمي عبد الله سليمان عجبتني كتير.. وهسع قوم روح له في المكابراب .. الراجل يضبح لك طوالي.. واما جاتني كضبة ممكن يجيبك الخرطوم بعربيته؟ وله ايش رايك... التحية لك وللأخوان دون فرز.. واما الأخ الزعيم هاشم..نتمنى له الصحة والعافية والآن هو سافر بورتسودان يعزي في ابن خاله حسين السيد الحسين - له الرحمة المغفرة.

شكراً كثيراً مرة أخرى.. ونواصل الحديث انشاء الله.