المناصير بلدي
الزائر الكريم مرحبا بك في منتدى المناصير بلدي
ان لم تكن مسجلا فيرجى الضغط على زر التسجيل وملء بياناتك لقبول عضويتك

انضم إلى المنتدى ، فالأمر سريع وسهل

المناصير بلدي
الزائر الكريم مرحبا بك في منتدى المناصير بلدي
ان لم تكن مسجلا فيرجى الضغط على زر التسجيل وملء بياناتك لقبول عضويتك
المناصير بلدي
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

ناس البحر حلوين خلاص

+2
على الباقدان
ود حاج
6 مشترك

اذهب الى الأسفل

ناس البحر حلوين خلاص  Empty ناس البحر حلوين خلاص

مُساهمة من طرف ود حاج الأربعاء 13 فبراير 2013, 5:27 am

هذه دقة طنبور يتغنى بها شبابنها فى الخلاء وسأحكى أين سمعتها .مشينا عرس ود محمد ود عوض الكريم ود ملغوم فى ودى أم عون وكنا مجموعة مخلوطة عرب بحر وعرب خلاء أنا وأحمد ود محمد ودنعوم اعتبرونا من عرب البحر وكان معنا عمر ود عبدالله ود صديق وأخوه محمد ومنصور ود محمد ود صديق وأخوه حامد وهو موضوع هذه الرحلة وكان قائدنا أحمد ود عبدابى وهو كبيرنا , وصلنا مكان العرس عصيرا بدرى , اترصوا الناس فى استقبالنا وضربت الدلوكة وكربتت الجمال وصاح صوت فنان قالوا جابه بلة ود محمد ود نعوم من نورى أنا ماسمعت غير الصيد النزل واااااااااا نارى الليل وما شفت غير كل الجماعة الجيت معاهم جوة الدارة راكزين للصوط بقيادة أحمد ود عبدابى الا أنا وحامد ود محمد ود صديق برة الدارة ,فحامد قال لى شفت كل الناس ديل بعد ما تبدأ الحفلة سيرقصوا ويبتهجوا بهذا الجهاز فأنا نظرت للجهاز فوجدته رادى قديم مهلهل ولكن ثابت كثبوت سن حامد الوحيد فى فكه الأعلى ومن هنا ممكن أن يعرف ود عبدالله الحنونى صديق من هو حامد ود محمد ود صديق وممكن أن يعرف من خلال الشبه فى صورتى من هو ود حاج وأنا وأنتم منتظرين قصة ناس البحر حلوين خلاص من رادى حامد ولكن فى الحلقة القادمة .
ود حاج
ود حاج
عضو مبدع
عضو مبدع

احترام قوانين المنتدى : 100

عدد المساهمات : 319
نقاط : 22815
تاريخ التسجيل : 20/02/2012

الرجوع الى أعلى الصفحة اذهب الى الأسفل

ناس البحر حلوين خلاص  Empty رد: ناس البحر حلوين خلاص

مُساهمة من طرف على الباقدان الأربعاء 13 فبراير 2013, 6:46 am

ناس البحرحلوين ومويتن حلوه

على الباقدان
عضو رائع
عضو رائع

احترام قوانين المنتدى : 75

عدد المساهمات : 201
نقاط : 22350
تاريخ التسجيل : 25/02/2012

الرجوع الى أعلى الصفحة اذهب الى الأسفل

ناس البحر حلوين خلاص  Empty رد: ناس البحر حلوين خلاص

مُساهمة من طرف محمدالحسن طيفور الأربعاء 13 فبراير 2013, 5:21 pm

ود حاج سلام ود عابدابى ده اللينا المن العابداب اللاتى العقبة

محمدالحسن طيفور
عضو رائع
عضو رائع

احترام قوانين المنتدى : 100

عدد المساهمات : 204
نقاط : 22962
تاريخ التسجيل : 22/11/2011

الرجوع الى أعلى الصفحة اذهب الى الأسفل

ناس البحر حلوين خلاص  Empty رد: ناس البحر حلوين خلاص

مُساهمة من طرف علي الحمود الأربعاء 13 فبراير 2013, 9:07 pm

العابداب ديل نعرفن بلحيل..
(ود عبدابى) المرحوم رحمة الله عليه وأسكنه فسيح الجنات..
كان راجل ضكر..
حفر العديد من الآبار فى جزيرة شررى..
أقام بها ردحا من الزمن.حتى رحمه الله ساق الشمار والفول..
معظم قعادو كان مع حدورى..
زول مشهور بالفراسه وطولت البال..
مات فى حادث البئر الشهير فى قرية (صلحه)بجزيرة شررى..
صلحه يسكنها آل نصر الدين منهم الزعيم (عبد الغنى نصر الدين)العضو الفاعل والفاهم فى هذا المنتدى..
إستشهد فى هذه البئر مع(ود عابدابى محمد)صاحب البئر المرحوم حمزة سليمان نصر الدين وابن أخيه عبد الله محمد سليمان..كانت حادثه مفجعه هزت شررى بأكملها والمناطق المجاورة..لهم الرحمة والمغفرة فى هذا المقام الطيب الذكر..
توجد مقبرة ود عابدابى (بود كوتيه)داخل جزيرة شررى بجوار حمزة سليمان والمكرمين من أموات الجزيرة شررى..
لكل موتانا الرحمه وأن تنزل عليهم جميعا شآبيبها وتعمهم مغفرة الله وعفوه..
لك تحيه خاصة أخى (ود حاج)..
علي الحمود
علي الحمود
عضو متميز
عضو متميز

احترام قوانين المنتدى : 100

عدد المساهمات : 664
نقاط : 23100
تاريخ التسجيل : 17/05/2012

الرجوع الى أعلى الصفحة اذهب الى الأسفل

ناس البحر حلوين خلاص  Empty رد: ناس البحر حلوين خلاص

مُساهمة من طرف صديق عبدالله علي أبوحنة الخميس 14 فبراير 2013, 1:06 am

يسلم ود حاج ويسلموا المرور..
انا ما جبت خبرك وعرفتك من أول بوست يا ود حاج.. العصفورة بتاعتي جابت لى كل التفاصيل عنك.. تفاصيل أنت ذاتك ما بتعرفا..
أما ود صديق غايتو شبهتو
وهو من الصداديق ناس عبد الله ود صديق رحمو الله
صديق عبدالله علي أبوحنة
صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 45030
تاريخ التسجيل : 14/07/2010

الرجوع الى أعلى الصفحة اذهب الى الأسفل

ناس البحر حلوين خلاص  Empty رد: ناس البحر حلوين خلاص

مُساهمة من طرف عبد الغني نصر الدين الأحد 17 فبراير 2013, 3:19 pm

لك التحية والتقدير.. ود حاج عربي البحر كما يحلو لك. والتحية والتقدير لإبن عمنا علي الحمود.. بالترحم على أخواننا حمزة سليمان نصرالدين ,ابن اخيه عبد الله محمد سليمان نصر الدين وود عبدابي لهم الرحمة والمغفرة ..ربنا يجعل الجنة مثواهم. والله كانت حادثة فعلاً مؤلمة وحزينة ... . وشكرا لك في التفاصيل لرواد المنتدى.. وبالمناسبة كنت عاوز اكتب يوم الأربعاء قبل حديثك ولم أجد الزمن الكافي.. و من حديث ود حاج ذكر الأخ عمر عبد الله ود صديق وأخوانه.. والله انه الرجل الفارس الشجاع الشهم والطيبة والبسمة على شفتيه.. وبالرغم من فرق العمر لكننا نحن زمان كنا في البلد نتذكر ونرى ذلك ورفقاء دربه عمر السلوم ومحمد الأمين على الحسن ومحجوب ود علوي . وكانت مجموعة متجانسة ومحبوبة ولا يخلو مجتمعهم من الطرفة والنكتة والمزح مختلطاً أحياناً بالشعر.. وما عارف تعليق الناس الباقين عنهم شنو؟ وبالرغم أنهم لم تتاح لهم الفرصة في التعليم لكنهم يتمتعون بامكانيات كبيرة في الفهم..والذكاء وغيره.. وهذه طبعاً لما كانت الأيام بخيرها والبلد بخيرها والناس طيبين .. وما يعرفون ويصنفون الناس بين هذا وذاك .. بس بالله عليكم هل حا ترجع لنا هذه الأيام وله لا؟؟؟ ويا حليل ويا حليل أيام زمان. لهم التحايا الطيبة من البعد .

وتقبلوا تحياتي العطرة.
عبد الغني نصر الدين
عبد الغني نصر الدين
عضو ذهبي
عضو ذهبي

احترام قوانين المنتدى : 100

عدد المساهمات : 1126
نقاط : 27898
تاريخ التسجيل : 15/07/2010

الرجوع الى أعلى الصفحة اذهب الى الأسفل

الرجوع الى أعلى الصفحة

- مواضيع مماثلة

 
صلاحيات هذا المنتدى:
لاتستطيع الرد على المواضيع في هذا المنتدى