عطر البرسيم
+16
اقبال
كرم الله حامد خلف الله
هاشم علي الجزولي
النفر
على عيسى
الرشيد طه
سلمان عقيد النعوفابى
ود الطرشان
محمد علي التاج الدنقلاوي
اميره الحومرى
خالد عابدين
بلسم
(الحاج شرف)
ابراهيم النعمان
نورالهادى
ود المناصير
20 مشترك
صفحة 1 من اصل 2
صفحة 1 من اصل 2 • 1, 2
عطر البرسيم
العطر والبرسيم يفوح وياسماحة اللوبي منقوح
ونحن من النيل مابنروح
ما كان لنا نقف على هذا الإبداع الذي سطره أحد قامات بلادي وأحد الذين نفتخر ونتباهى ونراهن بإسمه الحبيب ... حبيب بابكر أنه من المناصير بل وأحد فلتات زمانه
وكنا قبلا في منتديات شتات تتنازعنا نغمات طمبور نسمعها ونحس من خلالها إنها لنا ولنا وحدنا .. ولكنها غابت في زمن غاب الإعلام فيه عن بلادي وضلت طريقها إلى هناك ـ سربا ـ كلمات نسمعها وندندن بها ونعرف أنها ملكنا وحدنا .. ولكنها لم تجد حضنا يتبناها إلا ذلك الذي هي فيه الآن .. وإرث وتاريخ ..يشبهنا ونشبهه ولكنه فصل جلبابا للغير فلبسوه فكان عليهم مسخا لا يسر ولا يخيل ولا يقنع من ألقى السمع وهو شهيد . فقد فصل عند ـ ترزية ـ السلم التعليمي .. من لدن محي الدين صابر ثم سبدرات ثم ـ، إخفاقات ـ اليوم .
ثم تدور الأيام وهي دول .. ويدخل العالم إلى آفاق تؤطر لعهد جديد .. عهد يلبس كل منه ما فصل له .. وقد كان لنا لباس التقوى ،، ذلك خير
ولكننا حتما سنجد نفسنا ..ثم نجد ذاتنا ثم نبتهل ونجعل لعنة الله على الظالمين ونعود من هناك وفي أيدنا بوارق امل كنا ندخره لمناصير الخير والروعة والجمال ونعيد عقارب الساعة لذلك الزمن الجميل .. حين كان القائد هو أول فداء وأول الشهداء
ثم نلملم صحائف كتبت في ابي حمد
وأخرى أعظم وأكبر وأبلغ كتبت في أم دويمي
والكربكان درة الحروب
وكربكان الألفية الأخيرة لم تكن ختاما لا .. ليس بعد
وسترجع الريلة ... ويرجع معها ذلك الألق القديم ... وترجع ..لبوني .. مكتوب لي الشقا انا مالي .. وحورية جوة جزيرة و ... و ... وكلام وكلام ودرر تاهت سابقا ولكنها تعود إلى أحضان وطنها ..وحتما تعود
عذرا .. إن كان من كلام فالصمت في حضرة خالد عابدين أبلغ كلام
فو الله لن استطيع مهما أوتيت من لغة وفصاحة وبيان أن اجمل جملة واحدة في حق ذلك الهرم ..حين تحزم ومعه ابطال ولفيف من مناصير الروعة والجمال وقالوا تعالوا إلى كلمة سواء ..هلم إلى المناصير بلدي ..نتعبد في محرابها ..ونتهجد في رمالها .. ونسبح في بحارها .. من هناك ام سفاية ليست موسكو إلى جبل مناي قبالة برتي
وكان منتدى المناصير بلدي
لذلك اسمحوا لي أن أقول لأستاذنا خالد عابدين جزيت خير حيث جئت بنا من منتديات الشتات وآويتنا في المناصير بلدي .. نعم الإسم ونعم المعنى ونعم الناس ونعم الإدارة ونعم الأعضاء ... نخطئ ولا نجد إلا التشجيع ... ويزدنا ذلك تعلقا بمنتدانا .. ونعمل على تلافي الأخطاء ..
نصيب فنجد شلالات من الإشادة فتكون زادنا ووقود إنطلاقنا للمزيد ..من الإبداع .. منكم تعلمنا نكتب .. نشارك ... نساهم .. نناقش ... نتحمل الآخر ..
ونقبل النقد مهما كان ... نغضب لغضب المناصير .. ونثور في وجه من يظلمها مهما كان .. ونفرح لفرح الجميع ..لا دواعي شخصية تدفعنا .. ولا مبادئ متطرفة تقودنا ..
بل الظلم الذي نصب خيمته هناك في بلدي هو ما يؤرقنا ويسهدنا
والذين ـ دقوا أوتاده ـ هم من نعني ونقصد
ومع ذلك نفرد للروائع مساحات ومساحات من البوح الجميل ...
لك شكري وتقديري .. وانت وإخوتك تتحملون كل ذلك .. وفقكم الله
ونحن من النيل مابنروح
ما كان لنا نقف على هذا الإبداع الذي سطره أحد قامات بلادي وأحد الذين نفتخر ونتباهى ونراهن بإسمه الحبيب ... حبيب بابكر أنه من المناصير بل وأحد فلتات زمانه
وكنا قبلا في منتديات شتات تتنازعنا نغمات طمبور نسمعها ونحس من خلالها إنها لنا ولنا وحدنا .. ولكنها غابت في زمن غاب الإعلام فيه عن بلادي وضلت طريقها إلى هناك ـ سربا ـ كلمات نسمعها وندندن بها ونعرف أنها ملكنا وحدنا .. ولكنها لم تجد حضنا يتبناها إلا ذلك الذي هي فيه الآن .. وإرث وتاريخ ..يشبهنا ونشبهه ولكنه فصل جلبابا للغير فلبسوه فكان عليهم مسخا لا يسر ولا يخيل ولا يقنع من ألقى السمع وهو شهيد . فقد فصل عند ـ ترزية ـ السلم التعليمي .. من لدن محي الدين صابر ثم سبدرات ثم ـ، إخفاقات ـ اليوم .
ثم تدور الأيام وهي دول .. ويدخل العالم إلى آفاق تؤطر لعهد جديد .. عهد يلبس كل منه ما فصل له .. وقد كان لنا لباس التقوى ،، ذلك خير
ولكننا حتما سنجد نفسنا ..ثم نجد ذاتنا ثم نبتهل ونجعل لعنة الله على الظالمين ونعود من هناك وفي أيدنا بوارق امل كنا ندخره لمناصير الخير والروعة والجمال ونعيد عقارب الساعة لذلك الزمن الجميل .. حين كان القائد هو أول فداء وأول الشهداء
ثم نلملم صحائف كتبت في ابي حمد
وأخرى أعظم وأكبر وأبلغ كتبت في أم دويمي
والكربكان درة الحروب
وكربكان الألفية الأخيرة لم تكن ختاما لا .. ليس بعد
وسترجع الريلة ... ويرجع معها ذلك الألق القديم ... وترجع ..لبوني .. مكتوب لي الشقا انا مالي .. وحورية جوة جزيرة و ... و ... وكلام وكلام ودرر تاهت سابقا ولكنها تعود إلى أحضان وطنها ..وحتما تعود
عذرا .. إن كان من كلام فالصمت في حضرة خالد عابدين أبلغ كلام
فو الله لن استطيع مهما أوتيت من لغة وفصاحة وبيان أن اجمل جملة واحدة في حق ذلك الهرم ..حين تحزم ومعه ابطال ولفيف من مناصير الروعة والجمال وقالوا تعالوا إلى كلمة سواء ..هلم إلى المناصير بلدي ..نتعبد في محرابها ..ونتهجد في رمالها .. ونسبح في بحارها .. من هناك ام سفاية ليست موسكو إلى جبل مناي قبالة برتي
وكان منتدى المناصير بلدي
لذلك اسمحوا لي أن أقول لأستاذنا خالد عابدين جزيت خير حيث جئت بنا من منتديات الشتات وآويتنا في المناصير بلدي .. نعم الإسم ونعم المعنى ونعم الناس ونعم الإدارة ونعم الأعضاء ... نخطئ ولا نجد إلا التشجيع ... ويزدنا ذلك تعلقا بمنتدانا .. ونعمل على تلافي الأخطاء ..
نصيب فنجد شلالات من الإشادة فتكون زادنا ووقود إنطلاقنا للمزيد ..من الإبداع .. منكم تعلمنا نكتب .. نشارك ... نساهم .. نناقش ... نتحمل الآخر ..
ونقبل النقد مهما كان ... نغضب لغضب المناصير .. ونثور في وجه من يظلمها مهما كان .. ونفرح لفرح الجميع ..لا دواعي شخصية تدفعنا .. ولا مبادئ متطرفة تقودنا ..
بل الظلم الذي نصب خيمته هناك في بلدي هو ما يؤرقنا ويسهدنا
والذين ـ دقوا أوتاده ـ هم من نعني ونقصد
ومع ذلك نفرد للروائع مساحات ومساحات من البوح الجميل ...
لك شكري وتقديري .. وانت وإخوتك تتحملون كل ذلك .. وفقكم الله
ود المناصير- مشرف
- مشرف منتدى الاغاني والصور
احترام قوانين المنتدى :
عدد المساهمات : 3371
نقاط : 34182
تاريخ التسجيل : 06/04/2010
رد: عطر البرسيم
سلام يا ود المناصير يارائع نحن مرينا من هنا واستنشغنا عطر البرسيم الفائح .
نورالهادى- V.i.P
- احترام قوانين المنتدى :
عدد المساهمات : 4904
نقاط : 39843
تاريخ التسجيل : 11/05/2010
رد: عطر البرسيم
واللة برسيم بار ومنور كمان
نور اللة طريقك وطريق البلد
نور اللة طريقك وطريق البلد
ابراهيم النعمان- عضو فعال
- احترام قوانين المنتدى :
عدد المساهمات : 123
نقاط : 24810
تاريخ التسجيل : 16/10/2010
رد: عطر البرسيم
نور الهادي ... سلام يا رائع ...
هي دعوة لنلملم إبداعاتنا التي ـ تاهت ـ إلى مواقع أخرى
ودعوة كذلك لنتنشق عطر نوار البرسيم الفواح ونجمع إبداعات حبيب بابكر ورفاقه
وهي دعوة لرد الجميل لأهل الجميل إدارة المنتدى الرائع المناصير بلدي
شكرا يا نور الهادي .. نور الله طريقك وحفظك واسرتك الكريمة .. في إنتظارك
هي دعوة لنلملم إبداعاتنا التي ـ تاهت ـ إلى مواقع أخرى
ودعوة كذلك لنتنشق عطر نوار البرسيم الفواح ونجمع إبداعات حبيب بابكر ورفاقه
وهي دعوة لرد الجميل لأهل الجميل إدارة المنتدى الرائع المناصير بلدي
شكرا يا نور الهادي .. نور الله طريقك وحفظك واسرتك الكريمة .. في إنتظارك
ود المناصير- مشرف
- مشرف منتدى الاغاني والصور
احترام قوانين المنتدى :
عدد المساهمات : 3371
نقاط : 34182
تاريخ التسجيل : 06/04/2010
رد: عطر البرسيم
الرائع إبراهيم النعمان ... تحياتي العطرات
واعلم أخي إن نوار البرسيم الفاقع هذا سيكون أكثر وأطيب رائحة بوجودكم وبمشاركاتكم وبإبداعاتكم وبتشجيعكم
ملفات عديدة فتحت وتناولت إبداعات المناصير التي نسبت للغير
الطمبور .. أدخله المناصير
الريلة .. كلام مناصير
حورية ... أغنية منصورية
مكتوب الشقا .. إبداع منصوري
وغيره وغيره
لماذا نكتب وننسى ؟؟
لك ودي وتقديري
واعلم أخي إن نوار البرسيم الفاقع هذا سيكون أكثر وأطيب رائحة بوجودكم وبمشاركاتكم وبإبداعاتكم وبتشجيعكم
ملفات عديدة فتحت وتناولت إبداعات المناصير التي نسبت للغير
الطمبور .. أدخله المناصير
الريلة .. كلام مناصير
حورية ... أغنية منصورية
مكتوب الشقا .. إبداع منصوري
وغيره وغيره
لماذا نكتب وننسى ؟؟
لك ودي وتقديري
ود المناصير- مشرف
- مشرف منتدى الاغاني والصور
احترام قوانين المنتدى :
عدد المساهمات : 3371
نقاط : 34182
تاريخ التسجيل : 06/04/2010
رد: عطر البرسيم
الاخ ود المناصير
اكثر مايؤلمنا ان نحس باننا مقصرين فى حق المناصير
كبلد وارض وقبيله
لانحس بالامان الا هناك
ولانشتم عطر حقيقى الاهناك
هل تصدق باننا نحمل على كتوفنا الاف الاطنان من الهموم والمشغوليات ونجرى فى شوارع المدن وكاننا دائمون على هذه الفانيه
ولاننزلها الا ونحن على مشارف الباقدان والفعال والشلال الشامخات الرواسى وكانها جنودا لحمايه تلك البقعه المباركه
الم اقل لك بانها لاتقبل المقارنه وقالها الخبير بانها لايمكن ان تسمى خيارا
فهى اصل الاصل نتزود منها ونحن منها مسافرين
ونشتاق للرجوع اليها قبل ان نغادرها
انا لااتصور يوما بان اضع رحالى فى ارض غير ارضها ولادار غير ديارها
ومن هنا جاء الانتماء وجاء خالد عابدين ومن ثم اتبع بالبقيه الكرام
ولحقنا الركب مزودين انفسنا بحب المناصير وانسانها القديم بقدمه والحديث بتصنيفاته المختلفه
وانا اكثر ايمانا بانهم كلهم مهمومين بالشان المنصورى
وغدا منصورى تجمعنا
واهدى لك اخى ود المناصير عطر سنايه فوق جدول تتمثل فى شكل زهور
اكثر مايؤلمنا ان نحس باننا مقصرين فى حق المناصير
كبلد وارض وقبيله
لانحس بالامان الا هناك
ولانشتم عطر حقيقى الاهناك
هل تصدق باننا نحمل على كتوفنا الاف الاطنان من الهموم والمشغوليات ونجرى فى شوارع المدن وكاننا دائمون على هذه الفانيه
ولاننزلها الا ونحن على مشارف الباقدان والفعال والشلال الشامخات الرواسى وكانها جنودا لحمايه تلك البقعه المباركه
الم اقل لك بانها لاتقبل المقارنه وقالها الخبير بانها لايمكن ان تسمى خيارا
فهى اصل الاصل نتزود منها ونحن منها مسافرين
ونشتاق للرجوع اليها قبل ان نغادرها
انا لااتصور يوما بان اضع رحالى فى ارض غير ارضها ولادار غير ديارها
ومن هنا جاء الانتماء وجاء خالد عابدين ومن ثم اتبع بالبقيه الكرام
ولحقنا الركب مزودين انفسنا بحب المناصير وانسانها القديم بقدمه والحديث بتصنيفاته المختلفه
وانا اكثر ايمانا بانهم كلهم مهمومين بالشان المنصورى
وغدا منصورى تجمعنا
واهدى لك اخى ود المناصير عطر سنايه فوق جدول تتمثل فى شكل زهور
(الحاج شرف)- اداري
- مشرف المنتدى العام
احترام قوانين المنتدى :
عدد المساهمات : 1785
نقاط : 30409
تاريخ التسجيل : 22/04/2010
رد: عطر البرسيم
[color=darkred][color=brown]تسلم كتير اخى ودالمناصير
بكتابتك سعدنا كتير وبعطر البراسيم
ازدادالشوق للبلد وكمان اللوبيا زاد الطين بله
وجعل اناملك تنثر للبلد ونحن نستمتع
بكتابتك ياغيور وأصيل معدنك[/color] [/color]
بكتابتك سعدنا كتير وبعطر البراسيم
ازدادالشوق للبلد وكمان اللوبيا زاد الطين بله
وجعل اناملك تنثر للبلد ونحن نستمتع
بكتابتك ياغيور وأصيل معدنك[/color] [/color]
عدل سابقا من قبل بلسم في الأربعاء 20 يوليو 2011, 7:20 pm عدل 1 مرات
بلسم- عضو متميز
- احترام قوانين المنتدى :
عدد المساهمات : 611
نقاط : 25781
تاريخ التسجيل : 15/12/2010
رد: عطر البرسيم
ود المناصير
صبحك الله بالخير
تطربنا كتاباتك ونبحث عنها كالشاي الصاموتي لوزنة الراس وشيء من حتى
بحثت عن الكلمات فتوارت خجلا يا صاحب القلم المعتق
نحن منكم واليكم وبكم وكلنا للمناصير
نسأل الله أن يعيننا جميعا على ذلك
صبحك الله بالخير
تطربنا كتاباتك ونبحث عنها كالشاي الصاموتي لوزنة الراس وشيء من حتى
بحثت عن الكلمات فتوارت خجلا يا صاحب القلم المعتق
نحن منكم واليكم وبكم وكلنا للمناصير
نسأل الله أن يعيننا جميعا على ذلك
خالد عابدين- Admin
- احترام قوانين المنتدى :
عدد المساهمات : 2564
نقاط : 32382
تاريخ التسجيل : 22/03/2010
رد: عطر البرسيم
عطر البرسيم مهدى للاعصاب
وريحه البلد ملاز امن لكل الطيور المهاجره
وكتابات ودالمناصير
واحه نستظل بها من هموم ومشاكل يوميه
فنشتاق لتنوعك ونشتاق لكتاباتك
ودالمناصير لك منى تحيه
وريحه البلد ملاز امن لكل الطيور المهاجره
وكتابات ودالمناصير
واحه نستظل بها من هموم ومشاكل يوميه
فنشتاق لتنوعك ونشتاق لكتاباتك
ودالمناصير لك منى تحيه
اميره الحومرى- عضو فضي
- احترام قوانين المنتدى :
عدد المساهمات : 717
نقاط : 25291
تاريخ التسجيل : 24/05/2011
رد: عطر البرسيم
نهارك سعيد ودالمناصير ياملهم
كــــــــــفيت ...........ووفـــــــــــــيت
كلامك ياحنين دندنة وموال
يداعب اوتار كل قلب مفعم بحب البلد واهل البلد
وارض البلد وزرع البلد وحتي الظلال
لك التحية علي هذا النظم البديع الهادف
تحياتنا.....وامانينا
كــــــــــفيت ...........ووفـــــــــــــيت
كلامك ياحنين دندنة وموال
يداعب اوتار كل قلب مفعم بحب البلد واهل البلد
وارض البلد وزرع البلد وحتي الظلال
لك التحية علي هذا النظم البديع الهادف
تحياتنا.....وامانينا
محمد علي التاج الدنقلاوي- عضو مشارك
- احترام قوانين المنتدى :
عدد المساهمات : 88
نقاط : 23463
تاريخ التسجيل : 17/07/2011
رد: عطر البرسيم
الحاج شرف .. سلام يا زول يا رائع ..
وانت واحد من تلك الكوكبة التي نعني .. من استقطعت من وقتها و ـ دخلها ـ ولحظات أطفالها ـ لتجعل لنا هذا المتكأ الكبير
الحاج أخوي :
خوفتني : فقد خفت بعد كلامك هذا أن ادفن في غير ــ جبانة ـــ المناصير
نسأل الله حسن الخاتمة
وانت واحد من تلك الكوكبة التي نعني .. من استقطعت من وقتها و ـ دخلها ـ ولحظات أطفالها ـ لتجعل لنا هذا المتكأ الكبير
الحاج أخوي :
خوفتني : فقد خفت بعد كلامك هذا أن ادفن في غير ــ جبانة ـــ المناصير
نسأل الله حسن الخاتمة
ود المناصير- مشرف
- مشرف منتدى الاغاني والصور
احترام قوانين المنتدى :
عدد المساهمات : 3371
نقاط : 34182
تاريخ التسجيل : 06/04/2010
رد: عطر البرسيم
بلسم .... سلام ...
جعلك الله بلسما وترياقا من كل آفات الدنيا و ــ دعتها ـ الحائم
شكرا لك وبكم نسير مسافات العشم الكبير
ونعيدها برسيم ولوبيا ودخن ومريق ونخيل يراقص نسيم النيل
جزاك الله خيرا
جعلك الله بلسما وترياقا من كل آفات الدنيا و ــ دعتها ـ الحائم
شكرا لك وبكم نسير مسافات العشم الكبير
ونعيدها برسيم ولوبيا ودخن ومريق ونخيل يراقص نسيم النيل
جزاك الله خيرا
ود المناصير- مشرف
- مشرف منتدى الاغاني والصور
احترام قوانين المنتدى :
عدد المساهمات : 3371
نقاط : 34182
تاريخ التسجيل : 06/04/2010
رد: عطر البرسيم
أميرة الأمراء يا بت الحومري ... تحايا وسلام يفوق حد الوصف
ليس مجاملة ولكنكم ومن هناك من غربتكم دائما تقدمون لنا القدوة والفال الحسن
ومواصلتكم .. ومتابعاتكم هي واحدة من اسباب النجاح
كلامك كبير ... يعجز القلم أن يجاريه
جزيتم خيرا ووفقكم الله ورد غربتكم
ليس مجاملة ولكنكم ومن هناك من غربتكم دائما تقدمون لنا القدوة والفال الحسن
ومواصلتكم .. ومتابعاتكم هي واحدة من اسباب النجاح
كلامك كبير ... يعجز القلم أن يجاريه
جزيتم خيرا ووفقكم الله ورد غربتكم
ود المناصير- مشرف
- مشرف منتدى الاغاني والصور
احترام قوانين المنتدى :
عدد المساهمات : 3371
نقاط : 34182
تاريخ التسجيل : 06/04/2010
رد: عطر البرسيم
محمد علي التاج الدنقلاوي .. تحيات واشواق
صدقني إن كنت حريصا على لقاء أحد بالمنتدى اليوم قبل الغد فهو أنت ..
جئتنا من هناك ... وبلغتك الرائعة نقول لك :
إير سى ... كمبو ... المن اي بو ..
عاشرناكم وخبرناكم ... فأنتم بلا فخر أصدق وأفضل وأخلص ناس
شكرا يا رائع وفي إنتظار الروائع
صدقني إن كنت حريصا على لقاء أحد بالمنتدى اليوم قبل الغد فهو أنت ..
جئتنا من هناك ... وبلغتك الرائعة نقول لك :
إير سى ... كمبو ... المن اي بو ..
عاشرناكم وخبرناكم ... فأنتم بلا فخر أصدق وأفضل وأخلص ناس
شكرا يا رائع وفي إنتظار الروائع
ود المناصير- مشرف
- مشرف منتدى الاغاني والصور
احترام قوانين المنتدى :
عدد المساهمات : 3371
نقاط : 34182
تاريخ التسجيل : 06/04/2010
رد: عطر البرسيم
ود المناصير: لقد اخترت عنوان يستنشق بحاسة دون الخمسة والسادسة المجهولة لم يكتشفها العلم بعد أي علم هذا الذي لم يستطع حتى الآن أن يضع أصواتنا في شكل أقراص مضادات حيوية للغلاط ، أو زجاجة دواء نتناولها سرًّا كالدكاي، عندما نصاب بوعكة السياسة ....
ود الطرشان- الدعم الفني
- احترام قوانين المنتدى :
عدد المساهمات : 986
نقاط : 26519
تاريخ التسجيل : 16/02/2011
رد: عطر البرسيم
الفنان ... ود الطرشان ... اصبحت اصاب بالرهبة عندما أحس انك تحوم حول مواضيعيود الطرشان كتب:ود المناصير: لقد اخترت عنوان يستنشق بحاسة دون الخمسة والسادسة المجهولة لم يكتشفها العلم بعد أي علم هذا الذي لم يستطع حتى الآن أن يضع أصواتنا في شكل أقراص مضادات حيوية للغلاط ، أو زجاجة دواء نتناولها سرًّا كالدكاي، عندما نصاب بوعكة السياسة ....
فأنت لا تترك أثرا بائنا لردك وإنما تجمله في سطرين ... ولا تدري كم أجد من العنت والمشقة لأرد على هذين السطرين ؟؟
أما العنوان فلا عجب ... فكلنا من هناك ... حيث ريحة البرسيم وريحة التراب واللوبا
فإن لم تمنحنا تلكم البيئة عناوين لذاتنا .. فاعلم أن العيب فينا
لك مني من الشكر مسااحات ومساحات تمتد من السهيب والفرسيب وبوني السهيب
لك ودي وتقديري
ود المناصير- مشرف
- مشرف منتدى الاغاني والصور
احترام قوانين المنتدى :
عدد المساهمات : 3371
نقاط : 34182
تاريخ التسجيل : 06/04/2010
رد: عطر البرسيم
المعني كبير الإعتداء على عطر البرسيم فى خضمّ الكسب السياسى ..
وللاسف الشديد اثبتت كل المفوضات بان القائمين علي الامر اقل دهاءاً واضعف حنكاً .. وعقب يانيل تكون ياكا ونكون اهل البلد بالجد
وللاسف الشديد اثبتت كل المفوضات بان القائمين علي الامر اقل دهاءاً واضعف حنكاً .. وعقب يانيل تكون ياكا ونكون اهل البلد بالجد
ود الطرشان- الدعم الفني
- احترام قوانين المنتدى :
عدد المساهمات : 986
نقاط : 26519
تاريخ التسجيل : 16/02/2011
رد: عطر البرسيم
ود الطرشان كتب:المعني كبير الإعتداء على عطر البرسيم فى خضمّ الكسب السياسى ..
وللاسف الشديد اثبتت كل المفوضات بان القائمين علي الامر اقل دهاءاً واضعف حنكاً .. وعقب يانيل تكون ياكا ونكون اهل البلد بالجد
. ألم اقل لكم قبل اكثر من سنة إنها تحتاج لفلوجة ... فلوجة بمعان أخرى تقرب الأهل أولا .. وترفع العصي المدفونة
والآن إما هذا وإما شطر البيت الرهيب
يفيض النيل .. ,, و ... و ... .. وسلام يا ود الطرشان
ود المناصير- مشرف
- مشرف منتدى الاغاني والصور
احترام قوانين المنتدى :
عدد المساهمات : 3371
نقاط : 34182
تاريخ التسجيل : 06/04/2010
رد: عطر البرسيم
الرجل لا يحيض ....
والمعني واضح
نشروا أناشـــيد الخرافة بينهم *** تبعوا النشيدَ وأهْمَلوا التحصيلا
قتلوا البراءة في عيون صغـارنا *** فغدوت عيونهم البريئة حُوُلا
أضحى الوباءُ يدبُّ في أوْصَالهم *** والشرُّ بين ضلوعهم مَشتولا
والمعني واضح
نشروا أناشـــيد الخرافة بينهم *** تبعوا النشيدَ وأهْمَلوا التحصيلا
قتلوا البراءة في عيون صغـارنا *** فغدوت عيونهم البريئة حُوُلا
أضحى الوباءُ يدبُّ في أوْصَالهم *** والشرُّ بين ضلوعهم مَشتولا
ود الطرشان- الدعم الفني
- احترام قوانين المنتدى :
عدد المساهمات : 986
نقاط : 26519
تاريخ التسجيل : 16/02/2011
رد: عطر البرسيم
خالد عابدين كتب:ود المناصير
صبحك الله بالخير
تطربنا كتاباتك ونبحث عنها كالشاي الصاموتي لوزنة الراس وشيء من حتى
بحثت عن الكلمات فتوارت خجلا يا صاحب القلم المعتق
نحن منكم واليكم وبكم وكلنا للمناصير
نسأل الله أن يعيننا جميعا على ذلك
تأخرت عليك في الرد متعمدا ... لا مشغوليات ولا ولا ولا
ولكنه حال العاجز ...
متعك الله بالصحة والعافية إبن الصالحين ... خالد عابدين
ومن انا حتى يطاوعني قلم أو فكر ليكتب عنك ؟ من انا ؟
يا ريس الصورة تبقى مقلوبة لو قدر لمثلي أن يتحدث عن شخص ـ أمة ـ يحمل في قلبه حب كبير وخير وفير لهذه الأمة أمة المناصير
يكفيك فخرا أنك جمعت بين الجميع باختلاف آرائهم وتوجهاتهم ..في أخطر واعقد مرحلة في تاريخنا قديما وحديثا ..
وألفت بين قلوبهم ... بفكر ثاقب وأدب جم .. وعلم وافر .. وعقل كبير ..
أوجدت لنا موقعا ننافس به ونتحدث عنه واصبح شأنه عظيم .. ولا زالت آمالنا عليه عراضا
غرست لنا بذرة التلاقي والتصافي والتسامح ورعيتها حق رعايتها فبدأت تؤتي أكلها بإذن ربها
تأدبت في حضرة أهلك وتركت لهم المنتدى هكذا ـ لا تحده محاذير ولا قوانين كباقي المنتديات .. فقط .. لأنك تعرف قدر أهلك وتعرف أنهم أكثر خلق الله أدبا وتأدبا
فأي عقل هذا وأي فكر هذا وأي شخص هذا إن لم يكن خالد عابدين
خالد عابدين ... ليس مجاملة وأنى لمثلك أن ــ تخيل ـ فوق المجاملة أو الإطراء ؟ أقول لك قليل من يستطيع جمع فرقاء المناصير على صعيد واحد ولكنك تستطيع .. وقليل من يجمع الناس عليه ... وأنت اهل لكل إجماع
عذرا فقد تشتت الفكر وضاعت كل تلك البلاغة ..
فقط أقول لك ...
قول الرسول الكريم صلى الله عليه وسلم :
[size=21][size=21]إن لله خلقا خلقهم لحوائج الناس، يفزع الناس إليهم في حوائجهم، أولئك هم الآمنون من عذاب الله عزوجل
وجاء في الأثر إن خير الناس أنفعهم للناس
ثم اعلم أخي :
ما أروع الانجاز والعمل المخلص اذا كان خالصا لوجه الله تعالى,, وكم من مؤمن وقاه الله شر صروف الدهر وأتراح الحياة فبارك الله له في عمره وماله وأولاده ووفقه الى كل خير وحبب عباده فيه، بسبب ما يقدمه في حياته
جزاك الله خيرا خالد عابدين
وكفى :...
ود المناصير- مشرف
- مشرف منتدى الاغاني والصور
احترام قوانين المنتدى :
عدد المساهمات : 3371
نقاط : 34182
تاريخ التسجيل : 06/04/2010
رد: عطر البرسيم
ود الطرشان ... قومت نفسنا
عمك أدروب كبير ... ساخر وظريف
قال لي نحن اهل عثمان دقنة نحن كسرنا مربع الإنجليز شنو مناصير دا ؟
قلت : هو في حاجة اسمها عثمان دقنة ؟
قال وباندهاش .. يعني ما في ؟ كلو كضب كضب ؟
والله انتو البلويت ديل .. قلتو عثمان دقنة في نحن صدقنا ... بكرة تقولو ما في برضو نصدق
حيرتونا ذاتو
عمك أدروب كبير ... ساخر وظريف
قال لي نحن اهل عثمان دقنة نحن كسرنا مربع الإنجليز شنو مناصير دا ؟
قلت : هو في حاجة اسمها عثمان دقنة ؟
قال وباندهاش .. يعني ما في ؟ كلو كضب كضب ؟
والله انتو البلويت ديل .. قلتو عثمان دقنة في نحن صدقنا ... بكرة تقولو ما في برضو نصدق
حيرتونا ذاتو
ود المناصير- مشرف
- مشرف منتدى الاغاني والصور
احترام قوانين المنتدى :
عدد المساهمات : 3371
نقاط : 34182
تاريخ التسجيل : 06/04/2010
رد: عطر البرسيم
القصـــــ واضح ـــــــــــد
واحد مسطول قال لي مرتو المسطولة تعالي نعيد ايام زمان قبل ما نعرس قال
ليها انا بستناكي جمب الدكان وانت تعالي نتلاقي زي زمان قالت ليهو خلاص
كويس مشا انتظرها ثلاثة ساعات ماجات مشا البيت لقاها قاعده تبكي قال ليها
مالك ماجيتي قالت ليهو ابوي منعني امرق
كلها خيال هندي
ود الطرشان- الدعم الفني
- احترام قوانين المنتدى :
عدد المساهمات : 986
نقاط : 26519
تاريخ التسجيل : 16/02/2011
رد: عطر البرسيم
والله يا ود الطرشان ما في حاجة محيراني غير إنو :
تمشي الغرب يقولوا ليك انتو يا ناس الشمال خامنها خم
تجي الشرق يقول ليك انتو كاتلين الجدادة وخامين جناها
وانا من الشمال اقول حكام الخرتوم ديل ضوقونا المر
ثم ... آآآآآسف جدا يا شاب .. نسيت انا ماخد كرت اصفر بي غادي
وإذا اصفرت احمرت
وبي صراحة انا خايف على بريسيمي ونوارو
وااشريري ؟؟
تمشي الغرب يقولوا ليك انتو يا ناس الشمال خامنها خم
تجي الشرق يقول ليك انتو كاتلين الجدادة وخامين جناها
وانا من الشمال اقول حكام الخرتوم ديل ضوقونا المر
ثم ... آآآآآسف جدا يا شاب .. نسيت انا ماخد كرت اصفر بي غادي
وإذا اصفرت احمرت
وبي صراحة انا خايف على بريسيمي ونوارو
وااشريري ؟؟
ود المناصير- مشرف
- مشرف منتدى الاغاني والصور
احترام قوانين المنتدى :
عدد المساهمات : 3371
نقاط : 34182
تاريخ التسجيل : 06/04/2010
رد: عطر البرسيم
دا الخايف عليك منو ..... انفخ قربتك
ود الطرشان- الدعم الفني
- احترام قوانين المنتدى :
عدد المساهمات : 986
نقاط : 26519
تاريخ التسجيل : 16/02/2011
رد: عطر البرسيم
الاخ ود المناصير –ابداع-
اما المضمون فهو فى غاية الروعة يخاطب الوجدان ويعيد كثير من التاريخ والتراث –
اما الشهيد حبيب فالمناصير كانت روحه (نحنا من النيل مابنروح يسرى فينا مسارب الروح) وكانت فى دمه (فوق النيل ربيت قام منو شريانى)- فهو عاشق البلد (داك جبل الشلال وضح العلى والبى اتمسح)
اما المبدع الموسيقار عيسى حامد فهو عبارة عن تراث (مجمد) اعنى تراث قدر ان يكون بين انامل اختار صاحبها الاعتزال –وانا شخصيا اتصلت به لبرنامج فى الاذاعة واعتذر بكل ادب وابدى اسبابه المقتعة- فكمنت الحمدابية والجبنة والنقارية والقنيجرية فى دواخله رغم ان هنالك الكثير من يجيدها ولكن ليس كعيسى –
واذكر هنا وبمناسبةهذه الدقات –ان حضرت احدى البوش العام الماضى وكان بها شقيقه عبد الله وكان يدق طمبور بمستوى عالى ولاحظت ان التجاوب والتفاعل ضعيف وعندما حول للحمدابية اندفع الناس للدارة لاشعوريا وبما فيهم الشباب الصغار الم اقل لكم ان هذا الشئ فى الوجدان وفى الجينات فقلت حينها ان عبد الله رجع لاغانى الحقيبة فالتفت من حولى وابتسموا لهذه المقارنة وخاصة (القدرى والمنى ولافوق فى السن)
اعود لمضمون البوست (ودا النضم الدايرنو وفيهو قندول )-
فمثلا اغانى كالريلة واخواتها ضاعت وليس هنالك اى مرجع او مصدر يمكن الرجوع اليه والدفاع بواسطته عن ذلك –فالريلة مثلا اصبحت جاهزة(مقنطرة ) بعد ان ذكر وردى وفى عدة لقاءات انها من التراث المنصورى (وهذا حدث قبل سنتين) فالكرة اصبحت فى ملعبنا –وغيرها هذا فى جانب الاغانى –
دعك من جوانب التاريخ المحرف والقصد الا تظهر المنطقة وبطولاتها وثقافتها ولم يكتفوا بذلك فقاموا باغراقها –لتُمسح من التاريخ-
ما البرسيم والجروف والبيئة الساحرة (الزائلة) –فقد قال الشيخ على عثمان نعمان :
من برتى حتى العال
لابتشوف انداى لابار
لابتشوف حلقة اللت قمار
المكن مترصى فى السار
تحتو موية وبى فوقو بار
اما الاستاذ محمد الحسن قمر الدين فقال :
دار امربى دارو العصير
وامشى بينات التناقير
وياصحاب قولوا ان شاء الله خير
وفى الجروف يرجانى الامير
واضاف -
التمر صفورى وام نص والخدار فى الساقى خدّر
وداكا تربال دنقر حفر
وداكا يحاحى الطير يقول كر
مالك ياود المناصير داتخرب قلبنا- والكثير والكثير-
ياخى فى شاعر قال ابلغ مما قاله حمد ود ضقولى فى معشوقته حوضة :
حوضة حوض ناس على الكم شق عيدان
الشق ايوان كسرى صبح قصرو خربان
انتى ياضيبهة الانجليز الحارسا الجان
- كل هذه الاشعار وغيرها راح فى خبر كان – اما البطولات والتضحيات نخليها لوقت اخر –
واصل ياود المناصير يامبدع ذكرت انو هذا هو الكلام المطلوب –
خارج النص خايف يقوم واحد يقرأ كلامك السمح دا (عطر البرسيم) ويقولك اللجنة ما عوضت الناس فى البرسيم وياريتو لو قال الحكومة او ادارة السد –
جاييك راجع باذن الله -
اما المضمون فهو فى غاية الروعة يخاطب الوجدان ويعيد كثير من التاريخ والتراث –
اما الشهيد حبيب فالمناصير كانت روحه (نحنا من النيل مابنروح يسرى فينا مسارب الروح) وكانت فى دمه (فوق النيل ربيت قام منو شريانى)- فهو عاشق البلد (داك جبل الشلال وضح العلى والبى اتمسح)
اما المبدع الموسيقار عيسى حامد فهو عبارة عن تراث (مجمد) اعنى تراث قدر ان يكون بين انامل اختار صاحبها الاعتزال –وانا شخصيا اتصلت به لبرنامج فى الاذاعة واعتذر بكل ادب وابدى اسبابه المقتعة- فكمنت الحمدابية والجبنة والنقارية والقنيجرية فى دواخله رغم ان هنالك الكثير من يجيدها ولكن ليس كعيسى –
واذكر هنا وبمناسبةهذه الدقات –ان حضرت احدى البوش العام الماضى وكان بها شقيقه عبد الله وكان يدق طمبور بمستوى عالى ولاحظت ان التجاوب والتفاعل ضعيف وعندما حول للحمدابية اندفع الناس للدارة لاشعوريا وبما فيهم الشباب الصغار الم اقل لكم ان هذا الشئ فى الوجدان وفى الجينات فقلت حينها ان عبد الله رجع لاغانى الحقيبة فالتفت من حولى وابتسموا لهذه المقارنة وخاصة (القدرى والمنى ولافوق فى السن)
اعود لمضمون البوست (ودا النضم الدايرنو وفيهو قندول )-
فمثلا اغانى كالريلة واخواتها ضاعت وليس هنالك اى مرجع او مصدر يمكن الرجوع اليه والدفاع بواسطته عن ذلك –فالريلة مثلا اصبحت جاهزة(مقنطرة ) بعد ان ذكر وردى وفى عدة لقاءات انها من التراث المنصورى (وهذا حدث قبل سنتين) فالكرة اصبحت فى ملعبنا –وغيرها هذا فى جانب الاغانى –
دعك من جوانب التاريخ المحرف والقصد الا تظهر المنطقة وبطولاتها وثقافتها ولم يكتفوا بذلك فقاموا باغراقها –لتُمسح من التاريخ-
ما البرسيم والجروف والبيئة الساحرة (الزائلة) –فقد قال الشيخ على عثمان نعمان :
من برتى حتى العال
لابتشوف انداى لابار
لابتشوف حلقة اللت قمار
المكن مترصى فى السار
تحتو موية وبى فوقو بار
اما الاستاذ محمد الحسن قمر الدين فقال :
دار امربى دارو العصير
وامشى بينات التناقير
وياصحاب قولوا ان شاء الله خير
وفى الجروف يرجانى الامير
واضاف -
التمر صفورى وام نص والخدار فى الساقى خدّر
وداكا تربال دنقر حفر
وداكا يحاحى الطير يقول كر
مالك ياود المناصير داتخرب قلبنا- والكثير والكثير-
ياخى فى شاعر قال ابلغ مما قاله حمد ود ضقولى فى معشوقته حوضة :
حوضة حوض ناس على الكم شق عيدان
الشق ايوان كسرى صبح قصرو خربان
انتى ياضيبهة الانجليز الحارسا الجان
- كل هذه الاشعار وغيرها راح فى خبر كان – اما البطولات والتضحيات نخليها لوقت اخر –
واصل ياود المناصير يامبدع ذكرت انو هذا هو الكلام المطلوب –
خارج النص خايف يقوم واحد يقرأ كلامك السمح دا (عطر البرسيم) ويقولك اللجنة ما عوضت الناس فى البرسيم وياريتو لو قال الحكومة او ادارة السد –
جاييك راجع باذن الله -
سلمان عقيد النعوفابى- اداري
- مشرف المنتدى الاجتماعي
احترام قوانين المنتدى :
عدد المساهمات : 2615
نقاط : 32979
تاريخ التسجيل : 01/04/2010
رد: عطر البرسيم
الله ... الله ... الله يخدر ضراعك يا أرباب يا سلمان
وماني غلطان لما سميتك أرباب
دا الكلام العايزنو .. والما يخلي المنتدى قدح دنفريس
ولو كل مرو تجدعلك جدعتين زي ديل صدقني ما حا تحتاج تكتب محاذيرك البي غادي وما بتخاف من ان يحيد المنتدى عن أهدافه
بي هناك هرشتنا وبي جاي فشيتنا
عليك الله واصل
وأنت أحد أولئك النفر الذين نعني بأن تحزموا ووقفوا وقفة مناصير وجمعوا الناس إلى بر آمن
سلمان عقيد .. لست ذلك الذي يجامل ـوبالرغم من ـ الحماقة ـ المكتسبة ـ إلا أني أطرب واعيش بكل حواسي مع كل شيء سمح جميل
وكلامك دا الليلي برد علي والله
قول لا فض فوك فأنت من علماء بلادي الذين شدهتهم الحياة ولكنهم لم ولن ينسوا أصلهم وأهلهم
وفقكم الله وسدد على طريق الخير خطاكم
تخريمة
والله في السجال بيني وبين الرائع ود الطرشان كنت ناوي اقول ليه إنت سلمان دا عند زكمي .. مالوا ما شم ريحة البرسيم دا
ولكنك إحساس متكامل وكأنك قرأت افكاري
شكرا يا رائع .. على جهدكم .. وشكرا يا رائع على صبركم وشكرا يا رائع على تحملكم بعض ثقالاتنا
واعتذر والله بكل روح طيبة عن كل كلمة يمكن ان تأول أني فهمتها في غير موضعها
ولك مني سلام وتحية
وماني غلطان لما سميتك أرباب
دا الكلام العايزنو .. والما يخلي المنتدى قدح دنفريس
ولو كل مرو تجدعلك جدعتين زي ديل صدقني ما حا تحتاج تكتب محاذيرك البي غادي وما بتخاف من ان يحيد المنتدى عن أهدافه
بي هناك هرشتنا وبي جاي فشيتنا
عليك الله واصل
وأنت أحد أولئك النفر الذين نعني بأن تحزموا ووقفوا وقفة مناصير وجمعوا الناس إلى بر آمن
سلمان عقيد .. لست ذلك الذي يجامل ـوبالرغم من ـ الحماقة ـ المكتسبة ـ إلا أني أطرب واعيش بكل حواسي مع كل شيء سمح جميل
وكلامك دا الليلي برد علي والله
قول لا فض فوك فأنت من علماء بلادي الذين شدهتهم الحياة ولكنهم لم ولن ينسوا أصلهم وأهلهم
وفقكم الله وسدد على طريق الخير خطاكم
تخريمة
والله في السجال بيني وبين الرائع ود الطرشان كنت ناوي اقول ليه إنت سلمان دا عند زكمي .. مالوا ما شم ريحة البرسيم دا
ولكنك إحساس متكامل وكأنك قرأت افكاري
شكرا يا رائع .. على جهدكم .. وشكرا يا رائع على صبركم وشكرا يا رائع على تحملكم بعض ثقالاتنا
واعتذر والله بكل روح طيبة عن كل كلمة يمكن ان تأول أني فهمتها في غير موضعها
ولك مني سلام وتحية
ود المناصير- مشرف
- مشرف منتدى الاغاني والصور
احترام قوانين المنتدى :
عدد المساهمات : 3371
نقاط : 34182
تاريخ التسجيل : 06/04/2010
رد: عطر البرسيم
زماان يا ود الطرشان ..ود الطرشان كتب:دا الخايف عليك منو ..... انفخ قربتك
قام الفضل ود حمد بخيت .. من راس بوني وكان سبابي
ومعه ود اخته آدم الكنج .. اشتروا بهائم من دربي ودفسوها كلها في فلوكة تعباني خالص خالص
وعدوا على بوني
وطبعا ما عندهم خبرة في البحر .. والبحر هناك يخوف
واصطدمت الفلوكة بحجر وطارت حتة حتة
وعامت البهايم .. وآدم قطع البحر سداري ..واصبح الفضل بين مايين حتى لقى جركانة طافحة وعام عليها
واحد لبيب من ناس دربي شاف المنظر قال:
الولد وخالوا ما فيش نتاج
فد دقيقة وبق العجاج
قالو ليهو عجاج شنو الفي نص البحر
قال حرم الفضل دا لو ما لقى الجركانة
كان عجاجكم لاوي في الجبانة
ود الطرشان : ما تخاف على أخوك
التمساح ما بياكل اخوه
ود المناصير- مشرف
- مشرف منتدى الاغاني والصور
احترام قوانين المنتدى :
عدد المساهمات : 3371
نقاط : 34182
تاريخ التسجيل : 06/04/2010
رد: عطر البرسيم
عطر البرسيم لقب احسدك عليه مديرنا الهمام
الرشيد طه- اداري
- مشرف المنتدى السياسي
مشرف منتدى الصحافة
احترام قوانين المنتدى :
عدد المساهمات : 2625
نقاط : 32216
تاريخ التسجيل : 15/04/2010
رد: عطر البرسيم
اخى ودالمناصير
شد مارقنى جمال رياض البرسيم وتجليات الاخوة المتداخلين .يغوصون فى اعماق اللغة بحثا عن الدر المصون ليسطروا الوفاء وليبحثوا التاريخ .عن الابطال الاوفياء المخلصين وعن الشعراء المبدعين .افردوا الصادقات من الكلمات ....وماجاء من القلب مكانه القلب وماجاء من اللسان لم يتعدى الآذان. ...ولك الشكر ولنا عوده
شد مارقنى جمال رياض البرسيم وتجليات الاخوة المتداخلين .يغوصون فى اعماق اللغة بحثا عن الدر المصون ليسطروا الوفاء وليبحثوا التاريخ .عن الابطال الاوفياء المخلصين وعن الشعراء المبدعين .افردوا الصادقات من الكلمات ....وماجاء من القلب مكانه القلب وماجاء من اللسان لم يتعدى الآذان. ...ولك الشكر ولنا عوده
على عيسى- عضو مبدع
- احترام قوانين المنتدى :
عدد المساهمات : 344
نقاط : 25206
تاريخ التسجيل : 01/12/2010
رد: عطر البرسيم
الرشيد .... سلام ... وينك يا رائع ؟
سألت عليك ولم يستطع أويتكرم أحد بالإجابة
على كل حال ... الحمد لله على السلامة
وعطر البرسيم ... الأخاذ .. من طبيعة وتراب أهلي .. جميل جميل ..وطيب طيب
والطيب دائما للطيبين ... والله طيب يحب كل طيب
وازرع طيب تحصد طيب
وأنت من الطيبين و أحد أركان بلادي .. لم تنهد ولم ترتد ..
تحزمت مع إخوتك فكان المولد الجد ... المناصير بلدي
شكرا يا رائع ونلتقي خلال البوح الجميل .. نتعشم صباح باكر .. ولحظة الفرح الكبير
ونلثمه عطر فواح أصيل من برم الطلح ونوار البراسيم
مع ودي وتقديري
سألت عليك ولم يستطع أويتكرم أحد بالإجابة
على كل حال ... الحمد لله على السلامة
وعطر البرسيم ... الأخاذ .. من طبيعة وتراب أهلي .. جميل جميل ..وطيب طيب
والطيب دائما للطيبين ... والله طيب يحب كل طيب
وازرع طيب تحصد طيب
وأنت من الطيبين و أحد أركان بلادي .. لم تنهد ولم ترتد ..
تحزمت مع إخوتك فكان المولد الجد ... المناصير بلدي
شكرا يا رائع ونلتقي خلال البوح الجميل .. نتعشم صباح باكر .. ولحظة الفرح الكبير
ونلثمه عطر فواح أصيل من برم الطلح ونوار البراسيم
مع ودي وتقديري
ود المناصير- مشرف
- مشرف منتدى الاغاني والصور
احترام قوانين المنتدى :
عدد المساهمات : 3371
نقاط : 34182
تاريخ التسجيل : 06/04/2010
رد: عطر البرسيم
الزعيم .. علي عيسى ... سلام تكعيبعلى عيسى كتب:اخى ودالمناصير
شد مارقنى جمال رياض البرسيم وتجليات الاخوة المتداخلين .يغوصون فى اعماق اللغة بحثا عن الدر المصون ليسطروا الوفاء وليبحثوا التاريخ .عن الابطال الاوفياء المخلصين وعن الشعراء المبدعين .افردوا الصادقات من الكلمات ....وماجاء من القلب مكانه القلب وماجاء من اللسان لم يتعدى الآذان. ...ولك الشكر ولنا عوده
الله يخلي هذا الشبل المنصوري الأصيل الذي يجمل الصورة وكم كنت أتمناها لقطة من على ساحات برسيمنا الجميل
شغلتك وشدهتك الحياة. فتوقف القطار في محطة الكاب .. ولم يسمح لنا الزمن من النزول من على سطحه وننضم للكبار الذين مروا من هناك
وتوقفت سيرة التاريخ ـ قليلا ـ وكنت هناك ارقب المثير من صفحات تشبه أولئك النفر الكريم
وأقارن مع أن المقارنة بعيدة هل يعود بنا علي عيسى لذلك الزمن ؟ لا بحساب الساعات ولكن بوحدة القلوب ونقائها وصفائها .. على الأقل لتحافظ على تلكم الصفحات
دعوتنا أن يتواصل الألق ويتواصل العمل الخلاق ونربطه واقعا يبدو مريرا بماض ذاخر ذاخر أخآذ كروعة ذلك البرسيم وعطره الجميل
لك التحية علي عيسى وأنت من كبار أقلام منتدانا العامر
ود المناصير- مشرف
- مشرف منتدى الاغاني والصور
احترام قوانين المنتدى :
عدد المساهمات : 3371
نقاط : 34182
تاريخ التسجيل : 06/04/2010
رد: عطر البرسيم
حياك الله أخى ود المناصير _ أخى كم نحن فخورين بك وبمشاركاتك الرائعة هنا وهناك _ أخى قادنى عطر البرسيم برائحته الأخاذة والنفاذة الى هذه الواحة الظليلة والجميلة فطفت بخمائلها وإستنشقت من عطرها وعبيرها وطالعت رياضها الوارفة ووجدت فى ثناياها المدللة بنت عدنان قد زينت المكان وطوعت البنان فأطربنا سردك ونظمك وشدنا سحر البيان _
لك تحياتى وودى وتقبل مرورى ،،،
لك تحياتى وودى وتقبل مرورى ،،،
النفر- V.i.P
- احترام قوانين المنتدى :
عدد المساهمات : 3225
نقاط : 33842
تاريخ التسجيل : 08/06/2010
رد: عطر البرسيم
الشيخ الرائع النفر ... سلام من الله عليكالنفر كتب:حياك الله أخى ود المناصير _ أخى كم نحن فخورين بك وبمشاركاتك الرائعة هنا وهناك _ أخى قادنى عطر البرسيم برائحته الأخاذة والنفاذة الى هذه الواحة الظليلة والجميلة فطفت بخمائلها وإستنشقت من عطرها وعبيرها وطالعت رياضها الوارفة ووجدت فى ثناياها المدللة بنت عدنان قد زينت المكان وطوعت البنان فأطربنا سردك ونظمك وشدنا سحر البيان _
لك تحياتى وودى وتقبل مرورى ،،،
إفتقدتك خلال الأيام الفائتة ولم أشأ السؤال عنك
شهد الله اني لا اذكرك ... وكيف اذكرك وانا لست انساك
بدأت اتسلل خلسة خلف مساهماتك اليوم ولسوء حظي فقد بدأت من هناك من السمحة ومثيلك ما في
ولما وصلت إلى هنا ... احترت ما ذا أكتب وكيف أرد ... فقد صعبت المهمة بعد ذلك الكلام المقفى .
وقلت هل يجوز التيمم والماء موجود ..؟؟
وكيف لود المناصير أن يكتب وهناك النفر يمتشق حسام الشعر .. وناصية القول وكنانة النثر
تهت في عالم ودار ... تدركون انتم عوالمه وكوامنه وخوابيه
ـ ثم أرجع إليك اخي ـ مستجديا
وأقول لك عذرا فإني أريد فقط أن انحني أمامكم مسلما واقول :
جزيت خيرا أيها الثابت فينا ركنا رشيدا وأملا فريدا .. ودخري حوبا .. ومقنع لكاشفات الزمان قبل الإنسان
جزاك الله خيرا الأخ النفر فلست في مقام الرد عليكم ولكن في حضرتك لا يكون إلا التأدب
لك شكري تقديري
ود المناصير- مشرف
- مشرف منتدى الاغاني والصور
احترام قوانين المنتدى :
عدد المساهمات : 3371
نقاط : 34182
تاريخ التسجيل : 06/04/2010
رد: عطر البرسيم
كل ما اتعرف على واحد من خلال المنتدى اقول لمديرنا والله يا اخوى عدادك رامى يقول انشاء الله انشاء اللهفالصمت في حضرة خالد عابدين أبلغ كلام
خالد عابدين شاب جديرة بالاحترام والتقدير يتميز بالحكمة وطولة البال ولديه قدرة عالية على الاستماع وتقدير المواقف والتمييز يملك مقدرات لغوية كبيرة وفهم عالى ضائعة وسط الحسابات والاوراق لو تفرغ لها لكان له شأن كبير لا نريد ان نقصم ظهره ولكن نريد مع عطر البرسيم والروائح الذكية وريحة الدعاش ان ندعم هذا الاتجاه بقصيدة حبيبنا الراحل حبيب
شوقى لتقابة نار قرانا عصمه
يا كريم نلقى لينا فى واديها جمه
من معينو الصافى انهل واستحمى
داير اعوم واسبح على برمو المرمى
تسرى فى العافية تنزل منى حمه
الزمن بهدلنا فرق بينا يمه
يا حليل قعداتنا فى ساعة الملما
قلبى طارى احبابو ترجم شوقو نمه
انطرب شاديهو حمس طارو حمه
فى القصيد ذكراهم زاح من قلبى غمه
يا سماحة ريلة كابى الديس وخمه
العفاف باريها زوق ادب وهمه
يا سعادة الناوى قال بسم الله سمه
لاقى ود ابوشورة قاس الجاز وتمه
قال نقوم يا اخوانا ما اتخرنا ضمه
الشمس ما حارة خوفنا من الضلمه
عدل سابقا من قبل الرشيد طه في السبت 23 يوليو 2011, 10:57 pm عدل 1 مرات
الرشيد طه- اداري
- مشرف المنتدى السياسي
مشرف منتدى الصحافة
احترام قوانين المنتدى :
عدد المساهمات : 2625
نقاط : 32216
تاريخ التسجيل : 15/04/2010
رد: عطر البرسيم
الله عليك يالرشيد
هناك برسيم وعطر فواح
وهنا برم وشذي نفاح
ومن غير الحبيب الحبيب من يأتي بالطبيعة تتهادى إلى حيث الناس
رحمة الله عليك ايها الحبيب المفتون بالمناصير عشقا وولها
والشكر لك يا الرشيد على التواصل مع رفيقك أولا ومعنا هنا ثانيا
هناك برسيم وعطر فواح
وهنا برم وشذي نفاح
ومن غير الحبيب الحبيب من يأتي بالطبيعة تتهادى إلى حيث الناس
رحمة الله عليك ايها الحبيب المفتون بالمناصير عشقا وولها
والشكر لك يا الرشيد على التواصل مع رفيقك أولا ومعنا هنا ثانيا
ود المناصير- مشرف
- مشرف منتدى الاغاني والصور
احترام قوانين المنتدى :
عدد المساهمات : 3371
نقاط : 34182
تاريخ التسجيل : 06/04/2010
رد: عطر البرسيم
الأديب الرشيد .... هل من مزيد ؟
ود المناصير- مشرف
- مشرف منتدى الاغاني والصور
احترام قوانين المنتدى :
عدد المساهمات : 3371
نقاط : 34182
تاريخ التسجيل : 06/04/2010
رد: عطر البرسيم
الاخ ود المناصير شكرا علي هذا البوست الجميل كنت اود ان اجاري الاخوه المتداخلين ولكني عجزت فهناك ود الطرشان والنفر وحتي اخوي الكاشف الليله ماقصر وكنت اود ان اذكر حاجه بطريقه مباشره ولكن خائف من اثنين واحد اخوي الكاشف والثاني صديق ابحنه لذا سوف افترض ان اسمه س في حديث مع س هذا ذكر لي ان ود المناصير هذا من الجزائر ولقد شميت هذه الريحه في هذا البوست (بوني والفرسيب )
الفرسيب رايته وانا صغير في زياره لعمتي وقرات عنه في الاكتشافات الاخيره والتي صدرت مؤخرا اما العنوان فهو يحمل الذكري الجميله لكل ماهو جميل والجمال بمنظورين منظار الشوف باالعين والشم (لمن العين تشوف العين ) ياسلام عندما تتلاقي العيون فانها تختزن هذه اللقيا داخل العدسه وتكون نبراسا للذكري تزداد توهجا كلما زاد الحنين
وهناك منظور ثالث للجمال وهو الاحساس با القلب او الاحساس بقرب المكان وهو الذي ذكره الحاج
والجميل في هذا ماتتركه هذه الاحاسيس ويتداعي الخيال لتقريب الصوره التي تحب ويجعلك تنسي الهموم وتعيش لحظات سعيده وجميله
اتمني من كل قلبي ان نعيش هذه اللحظات في المناصير في مناسبه تجمعنا هناك واقترح ياود المناصير ان تتبني هذه الفكره وتتركها للزمن علي الاقل خلينا نحلم بزمن سعيد قادم لكي ننسي ما نحن فيه ولو بسرقه زمن
الفرسيب رايته وانا صغير في زياره لعمتي وقرات عنه في الاكتشافات الاخيره والتي صدرت مؤخرا اما العنوان فهو يحمل الذكري الجميله لكل ماهو جميل والجمال بمنظورين منظار الشوف باالعين والشم (لمن العين تشوف العين ) ياسلام عندما تتلاقي العيون فانها تختزن هذه اللقيا داخل العدسه وتكون نبراسا للذكري تزداد توهجا كلما زاد الحنين
وهناك منظور ثالث للجمال وهو الاحساس با القلب او الاحساس بقرب المكان وهو الذي ذكره الحاج
والجميل في هذا ماتتركه هذه الاحاسيس ويتداعي الخيال لتقريب الصوره التي تحب ويجعلك تنسي الهموم وتعيش لحظات سعيده وجميله
اتمني من كل قلبي ان نعيش هذه اللحظات في المناصير في مناسبه تجمعنا هناك واقترح ياود المناصير ان تتبني هذه الفكره وتتركها للزمن علي الاقل خلينا نحلم بزمن سعيد قادم لكي ننسي ما نحن فيه ولو بسرقه زمن
هاشم علي الجزولي- V.i.P
- احترام قوانين المنتدى :
عدد المساهمات : 1704
نقاط : 30793
تاريخ التسجيل : 19/04/2010
رد: عطر البرسيم
رحم الله الاخ الحبيب كان سفيرا للمناصير حق وحقبقة عايشتة عن قرب فى كسلا لمدة عامين وشكرا لك اخى ود المناصير على هذا العطر الفواح من خلال الجمل والعبارات وحفظ الله اخينا خالد وجمع شمل المناصير للاستمتاع برائحة البرسيم اينما وجدت
كرم الله حامد خلف الله- كبار الشخصيات
- احترام قوانين المنتدى :
عدد المساهمات : 230
نقاط : 25114
تاريخ التسجيل : 26/10/2010
رد: عطر البرسيم
الباشمهندس هاشم علي الجزولي ... سلام معبق معتق ـ بعطر البرسيم الفخيم
شهد الله كنت منتظر هذه المساهمة والقلوب شواهد
اعذرني يا أخي فعند ما بعدت اقلامكم عن المنتدى صار الذي صار .. و جاء الأرباب سلمان يسنده قلمك ـ الأخضر ـ قلت وبالحرف إن واحدة من الأسباب التي تجعل المنتدى يحيد عن اهدافه غياب مثل هذه الأقلام
إن مثل قلمك لا يمكن ان يكون له ـ غطاء ـ فبالرغم من شدهات الحياة ومساسكة العيش الحلال نريدكم هنا ... لا أنانية مفرطة منا ولكن من حقنا كتلاميذ وطلاب في مدرسة أنتم أسستموها وشيدتموها ...
أن عطر البرسيم ما كان له أن يكون لولا تلك الوقفة ولفت النظر .. وما كان له أن يفوح في ذلك الخضم .. وما كان له أن يستنشق أو يلثم في إزدحام مطلق
أخي هاشم ... لست مطبلا أو مجاملا ..ولكني فقط أرى الناس من زاوية مجردة ..لا غرض يدفعني ولا هوى يتملكني .. ولا فراغ ينتابني
فأنت عالم من علماء بلادي الذين ظللت اتناولهم واناجي الناس واهاتفهم بهم وافاخر واباهي بهم .. تابعتك منذ المنتدى السابق ورأيت عملا وتخصصا يتحدث
تابعتك هنا .. فوجدت دروسا وخبرات متراكمة تخرج للناس في ثوب قشيب ملفوفة بأدق واجمل التعابير وتفوح عطرا برسيميا أخاذا
تداخلت معك كثيرا فوجدتك كبيرا كبيرا مهولا تجبر الناس على الإستماع إليك
منك تعلمنا الكثير ولا زال العشم مستمرا
رجاءا لا تنقطع حتى يكون التواصل
وحتى تسلم الصورة والصوت عشم باكر بلا سرقة زمن ولا لمحة بصر ولكنه واقع معاش نثبت اركانه ونجعله وطنا مثاليا
لك شكري وتقديري وأسفي فلا حروفي حروف تناسبك توازيك ولكنها همسات ونبضات تبدو وكأنها في نهاية نفق بعيد بعيد
ولك العتبى حتى ترضى
شهد الله كنت منتظر هذه المساهمة والقلوب شواهد
اعذرني يا أخي فعند ما بعدت اقلامكم عن المنتدى صار الذي صار .. و جاء الأرباب سلمان يسنده قلمك ـ الأخضر ـ قلت وبالحرف إن واحدة من الأسباب التي تجعل المنتدى يحيد عن اهدافه غياب مثل هذه الأقلام
إن مثل قلمك لا يمكن ان يكون له ـ غطاء ـ فبالرغم من شدهات الحياة ومساسكة العيش الحلال نريدكم هنا ... لا أنانية مفرطة منا ولكن من حقنا كتلاميذ وطلاب في مدرسة أنتم أسستموها وشيدتموها ...
أن عطر البرسيم ما كان له أن يكون لولا تلك الوقفة ولفت النظر .. وما كان له أن يفوح في ذلك الخضم .. وما كان له أن يستنشق أو يلثم في إزدحام مطلق
أخي هاشم ... لست مطبلا أو مجاملا ..ولكني فقط أرى الناس من زاوية مجردة ..لا غرض يدفعني ولا هوى يتملكني .. ولا فراغ ينتابني
فأنت عالم من علماء بلادي الذين ظللت اتناولهم واناجي الناس واهاتفهم بهم وافاخر واباهي بهم .. تابعتك منذ المنتدى السابق ورأيت عملا وتخصصا يتحدث
تابعتك هنا .. فوجدت دروسا وخبرات متراكمة تخرج للناس في ثوب قشيب ملفوفة بأدق واجمل التعابير وتفوح عطرا برسيميا أخاذا
تداخلت معك كثيرا فوجدتك كبيرا كبيرا مهولا تجبر الناس على الإستماع إليك
منك تعلمنا الكثير ولا زال العشم مستمرا
رجاءا لا تنقطع حتى يكون التواصل
وحتى تسلم الصورة والصوت عشم باكر بلا سرقة زمن ولا لمحة بصر ولكنه واقع معاش نثبت اركانه ونجعله وطنا مثاليا
لك شكري وتقديري وأسفي فلا حروفي حروف تناسبك توازيك ولكنها همسات ونبضات تبدو وكأنها في نهاية نفق بعيد بعيد
ولك العتبى حتى ترضى
ود المناصير- مشرف
- مشرف منتدى الاغاني والصور
احترام قوانين المنتدى :
عدد المساهمات : 3371
نقاط : 34182
تاريخ التسجيل : 06/04/2010
رد: عطر البرسيم
كرم الله حامد خلف الله كتب:رحم الله الاخ الحبيب كان سفيرا للمناصير حق وحقبقة عايشتة عن قرب فى كسلا لمدة عامين وشكرا لك اخى ود المناصير على هذا العطر الفواح من خلال الجمل والعبارات وحفظ الله اخينا خالد وجمع شمل المناصير للاستمتاع برائحة البرسيم اينما وجدت
دكتور ... كرم الله ... سلامة العودة والأوبة والطلة
أحييك وانت دخرينا ليوم باكر ... قلب يسع الجميع .. وعقل يزن بلاد ... وقلم يعيد رسم صفحات سودت بامر الساسة
أحييك .. وانت تنطلق من هناك ونحن من هنا والهدف هو ذلك السودان الكبير
والهدف تلك الديار الروعة والجمال ديار المناصير
نختلف ... تتباين الآراء ... ولكن يظل الهدف واحدا
نجتمع على حب وعشق هذا الوطن مهما كانت الوسائل
لا دوافع ولا مبادئ سياسية تدفعنا بقدر ما هو شعور بظلم لا زال باديا وبائنا
لك ودي وتقديري
ود المناصير- مشرف
- مشرف منتدى الاغاني والصور
احترام قوانين المنتدى :
عدد المساهمات : 3371
نقاط : 34182
تاريخ التسجيل : 06/04/2010
رد: عطر البرسيم
ود المنا صير العطر والبرسيم يفوح وياسماحة اللوبي منقوح
ونحن من النيل مابنروح
فيما معنى الحديث(ثلاثة يذهبن الحزن الخضرة..والماء..والوجة الحسن )
اتيت بخضرة البرسيم وبماء النيل والوجة الحسن انسان المناصير الاصيل
ورحم اللة الاستاذ الشاعر حبيب بابكر
ونحن من النيل مابنروح
فيما معنى الحديث(ثلاثة يذهبن الحزن الخضرة..والماء..والوجة الحسن )
اتيت بخضرة البرسيم وبماء النيل والوجة الحسن انسان المناصير الاصيل
ورحم اللة الاستاذ الشاعر حبيب بابكر
اقبال- عضو مبدع
- احترام قوانين المنتدى :
عدد المساهمات : 309
نقاط : 24003
تاريخ التسجيل : 14/07/2011
رد: عطر البرسيم
اقبال كتب:ود المنا صير العطر والبرسيم يفوح وياسماحة اللوبي منقوح
ونحن من النيل مابنروح
فيما معنى الحديث(ثلاثة يذهبن الحزن الخضرة..والماء..والوجة الحسن )
اتيت بخضرة البرسيم وبماء النيل والوجة الحسن انسان المناصير الاصيل
ورحم اللة الاستاذ الشاعر حبيب بابكر
إقبال .... سلام وتاني سلام
جئنا بعطر البرسيم ... فأقبلت بحدائق ذات بهجة
ولا زلنا نتعشم فيك ومنك الكثير ..
الخضرة والماء والوجه الحسن هي قمة الجمال ومكوناته ...
جرفا أخضرا ولوبيا وبرسيما عطرا ..
وماء سلسبيل يناساب أملا ووعدا حقا إنها مناصير الخير والروعة والجمال
ووجوه حسنة كثير ... على السجية تعيش وعلى حب الخير تقتات وعلى صبرها الجميل تنتظر وعدا أخضرا
شكرا إقبال ... وننتظر إقبالك بحدائق ذات بهجة ... تعمر القلب ... وحدائق ذات خضرة تملأ الدنيا عطرا فواحا
ود المناصير- مشرف
- مشرف منتدى الاغاني والصور
احترام قوانين المنتدى :
عدد المساهمات : 3371
نقاط : 34182
تاريخ التسجيل : 06/04/2010
رد: عطر البرسيم
وما بين البرسيم والسيال والطلح والريحان
عطر وطيب علف وريحة برم وعبق عجيب
وإنسان هناك يكرف من دعاش العينة
وعرق صباب يروي الاعصاب
ويريح من الاتعاب
عطر وطيب علف وريحة برم وعبق عجيب
وإنسان هناك يكرف من دعاش العينة
وعرق صباب يروي الاعصاب
ويريح من الاتعاب
ود المناصير- مشرف
- مشرف منتدى الاغاني والصور
احترام قوانين المنتدى :
عدد المساهمات : 3371
نقاط : 34182
تاريخ التسجيل : 06/04/2010
رد: عطر البرسيم
انا كنت
ذى عابر سبيل
لوحت ليك وانا ذاتى
غرقان فى شبر
تضحك معاى اضحك عليك
قاينى نبى الله الخضر
ادينى ياصاحب اديك
مانحن اتنين فى العدم
نحن امتداد الذكرى
والشوق والندم
نحن اكتمال المتعة
بطعم الالم
ذى شوكه فى راحة القدم
تقعد تنقبها بالصبر
تكريها بعسل الاضان
والنشوة تتحتحت برم
بيناتنا هم من كيف وكم
ذى عابر سبيل
لوحت ليك وانا ذاتى
غرقان فى شبر
تضحك معاى اضحك عليك
قاينى نبى الله الخضر
ادينى ياصاحب اديك
مانحن اتنين فى العدم
نحن امتداد الذكرى
والشوق والندم
نحن اكتمال المتعة
بطعم الالم
ذى شوكه فى راحة القدم
تقعد تنقبها بالصبر
تكريها بعسل الاضان
والنشوة تتحتحت برم
بيناتنا هم من كيف وكم
ود الطرشان- الدعم الفني
- احترام قوانين المنتدى :
عدد المساهمات : 986
نقاط : 26519
تاريخ التسجيل : 16/02/2011
رد: عطر البرسيم
والله يا ود الطرشان حيرتنا عديل ..
عندك الكلام السمح دا وتزوغ وتربط مالك
والله نحن لو عندنا زي دا كان سوينا البدع
لك التحية يا رائع
يا قريبي ... رقم التلفون معاك
الو منو أهلا سلام
عندك الكلام السمح دا وتزوغ وتربط مالك
والله نحن لو عندنا زي دا كان سوينا البدع
لك التحية يا رائع
يا قريبي ... رقم التلفون معاك
الو منو أهلا سلام
ود المناصير- مشرف
- مشرف منتدى الاغاني والصور
احترام قوانين المنتدى :
عدد المساهمات : 3371
نقاط : 34182
تاريخ التسجيل : 06/04/2010
رد: عطر البرسيم
الووووووووووووووو
ســـــــــــــــــــــامعني
الله الخط انقطع
الحيطة وكتينا التقع
تقع الف وجعة علي الضلع
دخانها يمرق في السما ... آهاتو تنزف في الارض
بحر الصبر والاحتمال بيناتن انقطع ترع
لا يلقى يربط يحل
لا حولة يا الكتب ... الكراريس المكرن في الشتل
التختة ... اقلام الرصاص ... كنب المدارس كور يلوج
باب الفصل كاسحبو موج
**************
بطل المسكولات
ســـــــــــــــــــــامعني
الله الخط انقطع
الحيطة وكتينا التقع
تقع الف وجعة علي الضلع
دخانها يمرق في السما ... آهاتو تنزف في الارض
بحر الصبر والاحتمال بيناتن انقطع ترع
لا يلقى يربط يحل
لا حولة يا الكتب ... الكراريس المكرن في الشتل
التختة ... اقلام الرصاص ... كنب المدارس كور يلوج
باب الفصل كاسحبو موج
**************
بطل المسكولات
ود الطرشان- الدعم الفني
- احترام قوانين المنتدى :
عدد المساهمات : 986
نقاط : 26519
تاريخ التسجيل : 16/02/2011
رد: عطر البرسيم
ود الطرشان ... سلام ... واصل نثر الدرر ...
بلا توقف ... بلاتخوف
وانت سليل آل الطرشان .. السيرة السمحة .. والشعر الصافي
بلا توقف ... بلاتخوف
وانت سليل آل الطرشان .. السيرة السمحة .. والشعر الصافي
ود المناصير- مشرف
- مشرف منتدى الاغاني والصور
احترام قوانين المنتدى :
عدد المساهمات : 3371
نقاط : 34182
تاريخ التسجيل : 06/04/2010
رد: عطر البرسيم
هل تشابه الطيب أم إنعدمت الحواس ؟
أم تداخل او اختلط الطيب المصنوع بالطبيعي وتشابه علينا بقر الأرياح مع أن الفرق بين وشاسع
أم تداخل او اختلط الطيب المصنوع بالطبيعي وتشابه علينا بقر الأرياح مع أن الفرق بين وشاسع
ود المناصير- مشرف
- مشرف منتدى الاغاني والصور
احترام قوانين المنتدى :
عدد المساهمات : 3371
نقاط : 34182
تاريخ التسجيل : 06/04/2010
رد: عطر البرسيم
ريحة الشية شغالة
دا كلام دا ؟؟
ما شية خروف العيد طبعا
ولكن ... ربنا يلطف
دا كلام دا ؟؟
ما شية خروف العيد طبعا
ولكن ... ربنا يلطف
ود المناصير- مشرف
- مشرف منتدى الاغاني والصور
احترام قوانين المنتدى :
عدد المساهمات : 3371
نقاط : 34182
تاريخ التسجيل : 06/04/2010
رد: عطر البرسيم
سبحان الله.
ناس يا عيد
بِتْضَحي خروف
وناس عدمانه
كفاها الشوف
وناس تعبانه
تفتش تيس
وناس يا عيد
بِتْضَحي ( رئيس ).
......
ناس ما عندها
غير سكين
الحال مسكين
فضيان الجيب
وخروف
في الغيب
وكيس حلمان
بي دستة عيش
.............
يا عيد معليش
الناس الرؤسا
الناس الوزرا
الناس الخُلفا
أي معالي
حاشية ووالي
الناس المارقه
الناس الخاشه
ولاد السُلطه
شمار البوسطه
الناس الحاشّه
قاشره وغاشّه.
جناب الأُمرا.
كبار الخطبا.
ملوك السف
وحتى العُوَرا
الكانو الرف .
قرود الشاشه.
الجَهَلا الباعو
عشان العيش .
ديل يا عيد
الصف الأول
ونحنا تملي
الصف الطيش
...........
يا عيد معليش
سبحان الله
ناس مزرورة
تَمِش شقيش؟!
لا كعكة طريّه
أو حتى حلاوه
في كيس وقوية
لا خروف مربوط
لا ربّه تجوط
لا ضلعه وشيّه
لا كبده بشطه
هشّه ونيّه
لا راس بقرون
مجدوع في خيش
لا كراع لا ( باع )
لا عتوت لا تيس.
.........
يا عيد معليش
ده قدَرْنا مسطر
وناس تتفنجر
للشعب العربي
تسدد خنجر
وتضحي رئيس
يا عيد معليش
الســـيف عنـــدك
[ندعوك للتسجيل في المنتدى أو التعريف بنفسك لمعاينة هذه الصورة]
ناس يا عيد
بِتْضَحي خروف
وناس عدمانه
كفاها الشوف
وناس تعبانه
تفتش تيس
وناس يا عيد
بِتْضَحي ( رئيس ).
......
ناس ما عندها
غير سكين
الحال مسكين
فضيان الجيب
وخروف
في الغيب
وكيس حلمان
بي دستة عيش
.............
يا عيد معليش
الناس الرؤسا
الناس الوزرا
الناس الخُلفا
أي معالي
حاشية ووالي
الناس المارقه
الناس الخاشه
ولاد السُلطه
شمار البوسطه
الناس الحاشّه
قاشره وغاشّه.
جناب الأُمرا.
كبار الخطبا.
ملوك السف
وحتى العُوَرا
الكانو الرف .
قرود الشاشه.
الجَهَلا الباعو
عشان العيش .
ديل يا عيد
الصف الأول
ونحنا تملي
الصف الطيش
...........
يا عيد معليش
سبحان الله
ناس مزرورة
تَمِش شقيش؟!
لا كعكة طريّه
أو حتى حلاوه
في كيس وقوية
لا خروف مربوط
لا ربّه تجوط
لا ضلعه وشيّه
لا كبده بشطه
هشّه ونيّه
لا راس بقرون
مجدوع في خيش
لا كراع لا ( باع )
لا عتوت لا تيس.
.........
يا عيد معليش
ده قدَرْنا مسطر
وناس تتفنجر
للشعب العربي
تسدد خنجر
وتضحي رئيس
يا عيد معليش
الســـيف عنـــدك
[ندعوك للتسجيل في المنتدى أو التعريف بنفسك لمعاينة هذه الصورة]
ود الطرشان- الدعم الفني
- احترام قوانين المنتدى :
عدد المساهمات : 986
نقاط : 26519
تاريخ التسجيل : 16/02/2011
صفحة 1 من اصل 2 • 1, 2
صفحة 1 من اصل 2
صلاحيات هذا المنتدى:
لاتستطيع الرد على المواضيع في هذا المنتدى