المناصير بلدي
الزائر الكريم مرحبا بك في منتدى المناصير بلدي
ان لم تكن مسجلا فيرجى الضغط على زر التسجيل وملء بياناتك لقبول عضويتك

الجُمٍّارة

استعرض الموضوع السابق استعرض الموضوع التالي اذهب الى الأسفل

الجُمٍّارة

مُساهمة من طرف مصباح محمد مصباح في الأربعاء 06 فبراير 2013, 12:51 pm

الجُمّارة من الكلمات المتداولة في المناصير وربما تعرض لها المهندسان صديق والفكي . والمهم أن الكلمة عربية فصيحة كنت أحسبها عامية منصورية ومتداولة بين العامة.

ففي القاموس جُمّار : شحم النخلة ولبها . وجاء القوم جمارا أي بأجمعهم.

فالجُمار هو كما يطلقه أهلنا المناصير على لب النخل وهي آخر جريدة من فوق في النخلة ولونها أبيض، ويقال فلان لقيته طالع في جمارتها يعني وصل أعلى نقطة في النخلة، ومن سعفها تضفر ضفيرة البرش المخصوص وهو برش الولادة أو برش العريس بعد صبغة تلك الضفائر بالألوان الزاهية.

مصباح محمد مصباح
كبار الشخصيات
كبار الشخصيات

احترام قوانين المنتدى : 100

عدد المساهمات : 1897
نقاط : 16231
تاريخ التسجيل : 14/08/2010

الرجوع الى أعلى الصفحة اذهب الى الأسفل

رد: الجُمٍّارة

مُساهمة من طرف ابو مصطفى في الأربعاء 06 فبراير 2013, 5:28 pm

والله يا جماعة مصباح دا مسلط خلاص او خلونى اقول ولد مسنوح خلاص ؟؟؟ مسنوح فى اللغة وانتقاء الكلمات العجيبة والرهيبة بس انا نفسى اعرف مصباح دا متخصص فى شنو وقراء شنو نامت بقى دكتور ؟؟؟ والله مانى عارف ؟؟؟ وداير اعرف ؟؟ على الرغم من انى لايمو لانه بى عضمت لسانو قال ويكفينا شر القوالة ركب مواصلات الجرافة ؟؟؟ نان كان قال كدى ولبس عمتو وجلابيتو ودق الباب لى للبنوت وقالهن انا عمكن وحضرة فى السعودية بس دقائق كان المراد تم ؟؟؟؟
والبنوت عرفن عمهن ؟؟؟ كمان ماتقول ابوهن ملخبط الواطة رباطاب مع مناصير ؟؟؟؟
ارجع الى الموضوع الاساسى وهو الجمارة ؟؟؟ والان بقت موضة يقولك فلان قاعد فى الجمارة ؟؟ معناتو فوق خالص ؟؟؟؟ وزمان قبل عشرة سنة تم تعينى محاسب فى الشركة وبعدين جانى عبد الله السيد محمد على الطرشان وهو صاحبى ودفعتى فى المدرسة فى الاستقبال وقال عاوز العوضابى وقالوا ليهو ناس الشركة زول اسموا العوضابى دا هنا ماهو فى ؟؟؟؟ طيب// الطيب محمد عبد الرحيم ؟؟؟ وتم النداء واول سلام وكلام وطيبيبين انشاء الله قال لى انا عاوزك تقعد فى الجمارة بتاعة الشركة دى ؟؟؟؟ وبتاع الاستقبال عاوز يفهم معنى كلمة الجمارة ؟؟ ولى دريبك داء ما عرفها ولا حا يعرفها ؟؟؟ لانو زول جزيرى ؟؟؟
مصباح زكرنى زمن قريع التمر ؟؟؟ وبالذات تبقى التمرة فاتقة ليها جراب مع الجمارة ؟؟ الشوك يقدد ايديك ؟؟؟؟ الا تبقى حريف وحصيف ؟؟؟
وهل تعلمون سعف الجمارة كماذكر الدكتور منه برش العريس او السجاجى ؟؟؟ هنا العديل والزين وزغردن اماتو ؟؟؟؟ ابشروا بالخير ؟؟؟ وبرضو ماتنسوا الموت نشيل فوقها الجنازى ؟؟؟ وتكون ملفوفة من زمن حياة حبوبتى نمورية فى ركن الاوضة ؟؟؟؟ وانا من قمت ترتار فى هذه الحياة شفت حبوبة نمورية لافى ليها سجادى من سعف الجمارة وفى اوضتها وخاتاها ؟؟؟ وكل ما اسعلها وانا مانى عارف شى تقول لى يا ولد دايره ادخل بيها بيت حقى ؟؟؟؟ ونامت ماتت يادوب عرفت الحاصل ؟؟؟

ولى عودة
تحياتى
ابو مصطفى

ابو مصطفى
اداري
اداري

الأوسمة مــــــــــــــالي

احترام قوانين المنتدى : 100

عدد المساهمات : 2518
نقاط : 18284
تاريخ التسجيل : 22/06/2010
العمر : 44

الرجوع الى أعلى الصفحة اذهب الى الأسفل

رد: الجُمٍّارة

مُساهمة من طرف صديق عبدالله علي أبوحنة في الأربعاء 06 فبراير 2013, 10:54 pm

مصباح ما بيقصر يا أبو مصطفى

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31670
تاريخ التسجيل : 14/07/2010

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى