الحياة السودانية ما أحلاها ( بالصور )

9 ديك تغسل في الهدوم
10 الولد وأختو يلعبوا فوق العنقريب

11 الحلة فوق المنقد ما شاء الله تبجبج.. منتظرات ديك تعوس وديك تنتهي من غسيلا.. وديك البي يقطعن ويونسن وشمارات فوق الحيطة، يجوا يتلموا كلهم يفطروا

12 البي تقطع دي بتاعة الشمار اللابسة فستان أحمر ظاهر عليها قصيرة شوية طالعة ليها فوق صندوق بيبسي.. قصيرة لكن ما شاء الله الشعر طوال عيني باردي لانسحرا، ما شاء الله متحنني وغويشاتا في يدها

أوعا الكوريي الخاتاتنها دي فوق الحيطة تتكشح، مع شمارن دا!

في باقي عدي في طش الغسيل كتيييرة لسه راجياهن يغسلنها..

شوف الماسورة كابي موية ما شاء الله ، الموية في السودان
الماسورة كابي الجردل ملقن ليهو خشبة خاتنو فوقا.. عشان السخلة ما تشرب منه ولاتلحقو. وعشان ما يمكنوهو في نص الحوض في الموية الوسخانة خاتن ليهو خشبة..
بالله موش حياة أحلى من حياة الشقق المقفلة

الأخ مهندسنا صيق لك التحية والتقدير وهذه الصورة لها معان كثيرة ومن تمعن فيها كثيرا عرف الكثير عن الحياة السودانية إنه الفن إنه الفن والفنان الذي رسم هذه اللوحة فكر فيها كثيرا وأجادها ونفذها بامتياز ويستاهل مليون جائزة ومثل هذه الصور لا ينتقيها إلا الفنانين الكبار وأنا أعرفك ياصديق فنان بمعنى الكلمة ولك مواهب كثيرة وقد استفدت منها وأفدتنا منها وتسلم لنا ولمنتدانا والشكر لك مجددا وتقبل مرورنا السريع على مواهبك.

تشكر الصديق ....متابعين ابداعاتك
صوره معبره بحق وحقيقه

التحية والاحترام الباشمهندس صديق.
عارف ذى صورك دى نحن المغتربين تعمل فينا عمايل , يمكن تلقى فى الغربه كل شئ لكن لو دفعت مال قارون مابتلقى حياة حلوه ذى الفى الصورة دى .
تسلم يا هندسه.

بتاعت الشمار اللابسة احمر ,عليها تغسل العده ,العده ملمومة والجردل فى الماسوره بس الظاهر الشمار حار لانه الجردل اتملى ودفق.
صوره معبره.

يسلم المرور الذاوق بي جاي
مصباح
ونجلاء
ونصر الدين
وهويدا
وهويدا لاحظت ملاحظة دقيقة، في أن الجردل إتملا ودفق. وبتاعة الفستان الأحمر مشغولة مع الشمارات.

سامي
أصلا مي العدي قاعدين يبيتوها للصباح؟ ماك شايف كفترية شاي الصباح في الطش!
........
وكمان شوف بالله عجلة الولد الصغير باظت رفعوها فوق راس البرندة. ما بيرموها، عشان لما يجيبوا ليهو العجلة الجديدة، يستفيدوا من القديمة في شكل أسبيرات.. جنزير.. سلك فرامل.ز مقبض. غيرو.. يعني يرموها فوق راس البرندة.. كل مرة يسللوا منها أسبير.. أسبير..

صورة واقعية ما اجملها
لوحة زاهية من رسام ماهر

اول نحن العاجبنا شنو في البلد دي بلا الحاجات السمحي وحنيني دي
وياسامي اول العدي يغسلوها في الليل يو اصلا يغسلوها الصباح ويكون زاتو في برد
الصوره دي عاجباني بس اول مره اتمعن تفاصيلا كدا معاكم
تسلم يا هندسه

الصورة دي سرقناها من محاسن