جَــخـَــسْ

هههههههههههههه
سامي ما قصرت

تصدق يا سامي
بقيت أخاف؟ ليه
عشان قاعد أنحت من الذاكرة الكلمات المحفورة
سبب الخوف شنو؟
اقول يمكن الكلمات الغميسة الناس ما يعرفوها، بالرغم من أنها متداولة في المناصير عمومها وليست منطقة مناصير دون الأخرى
هسي دي كلمة جخس بالذات خفتا منها؟
قلت يمكن الناس يقولوا لالالالا دي ما عندنا
برضو دردكيي
بتاعتك قلت يمكن الناس ما يعرفوها
مع أنها كلمة متداولة في جميع المناصير

مشكور يا هندسه .
طبعا كلمة جخس معلومة لنا كمناصير واحيانا تستعمل الكلمة للتوبيخ او الشتم الذى هو اقرب للعتاب فيقال يا جخس ولا ادرى يقصد منها بالضبط الغباء او البدانه.
اعرف كلمة انجليزيه تشابهها تماما وان كانت تختلف عنها قليلا فى المعنى وتستعمل ايضا للشتم الخفيف وهى كلمة jackass.ويقصد منها الحمار ويوصف بها الغبى من الحمير لذلك عند وصف شخص بالغباء تستعمل هذه الكلمة فهل انتقلت الكلمة من الانجليزية الينا وحورت لفظا وبقى المعنى قريب سؤال نتمنى له اجابة خاصة ان كلمة جخس لامرادف لها فى العربية.
شكرا يا هندسة.

الجخيس قريه شمال أم درمان أزالتها السلطات مرارا..
الجخيس الان قريه كبيرة يمتلك الكثير من المناصير فيها المنازل
قبل بداية شريان الشمال..
الخال أب حنه ينحت الذاكره دايما ويتحف المنتدى بالمثير من التراثيات
الما عندو قديم ما عندو جديد!!!!!!!!!!!!!
الذى يجد صعوبه فى فهم حكاوى الخال عليه مراجعة إنتمائه للمنطقه..
أنا جادى جدا!!!!!!!!!!!!!!!!!
المناصير تراثها أصلى جدا ومرجع لكل البلاد العربيه بدليل وجود هذه القبيلة فى كل دول الخليج العربى ونهر الأردن والسعوديه..
نحن أصليين والباقين فروع عشان كده أبينا نطلع من المناصير رغم الخساره الكبيره التى تعرض لها أهلنا جراء سد مروى!!!!!!!!!!!
يعنى هسع كان مشينا قعدنا وسط الجعليين نقول شنو؟؟
نزرع بصل يعنى؟؟
ولا نمشى 10 نقول ..أبوك أداك قرو(ش) ونطلع عين الشين دى بره!!!!!!!!!!!ونشيلا من الكلام كلو كلو!!!!!!!!!!
الخال صديق راجل حريف وعزيز ويحب المناصير ليهو التحيه والإحترام..
هو قاعد وين هسع؟؟
الفى محلو يسبو سلسفيل السودان الجائع الذى يبرطع فيهو أسامه ويجيب القروض محل صديق قاعد يعنى الخال مرتاح وغنيان!!!!!!!!!
لكن جسدو فى الخليج وروحو فى خور الحنانين آآآآآآآآآآآآآآآآآآآآآآآآآآآآآآآآآه يا خال!!!!!!!
تجينا بتين تعطر ليالينا بالإبداع فى زمن ولى فيه الإبداع والبحث عن الجمال..

المحترم الدفعه التائب
علي الحمود
سلااااااااااااااااام



يعني لازم نعرف كل الكلمات عشان يبقي انتماؤنا منصوري!!!!!!! علي العموم البركه في ابن عمي الصديق

تشكر عمدانا لقد اتحفتنا وثقفتنا من تراث بلدنا دمت ورد الله قربتك..........ود الحمود ما ترك لنا سئيا نذكره.........

تحيات وإحترام للدفعه نجلاء..
لست أنا من يتولى شكر المارين بهذه البوستات المعتقه..
لكنك ذكرتينى ولا بد لى أن أحيى وأشكر..
لك السلام وللأسرة الكريمه..
إذا أردتى أن يتقوى إعتزازك القوى بالمناصير فعليك إقتفاء آثار الخال صديق..
وتزودى دائما من معينه الذى لا ينضب وما يحتويه من تلك الديار المكلومه..
دائما أحاول أن أتعتق وأتحدث بمثل هذه الحكاوى لكننى لست ذو باع مثل الخال..
فارق السن والتعليم بيننا كبيرا لذلك نتابع ونعلق فقط.ونحن مغرمون بهذه الحكاوى والمسميات الأصليه..

يسلموا المرور الكرام كلهم على الابداعات والإضافات التى تثلج الصدر.. مناصير والكلام يكمل

فعلا يا نصر الدين هي اقرب للكلمة الانجليزية التى ذكرتها، لأنو لغتنا برضو فيها كلمات انجليزية يتداولها الناس سوف أذكرها في حينها..
صاح ناسنا برضو يستعملونها للشتيمة مرات..
الجخس هو العجل كما ذكرنا بالذات العجل السمين..
الزول لما يكون سمين ومافيهو فايدة ناسنا يقولوا عليهو جخس
مثلا إذا تقدم واحد لى بت وكان سمين شديد ومافيهو فايدي
ومشيت تسأل عنو
يقولوا ليك الزول ده جخس ساكت مافيهو فايدي... ابعد منو ، ما تدوهوا البت