قـاطعي الدَرَجـِـي

قـاطعي الدَرَجـِـي قبـيـحة، شديدة القباحة
اي إذا كان الجمال مقسم بالدرجات والارقام فهي لم تحز على اي نسبة فيه، حتى القباحة هي بعد آخر درجة فيها ولم توجد لها درجة تصنفها فيها من شدة قباحتها.
استعمالها :
ولد حوماااد الحسن مشى عرس ليهو مرة صعيد قاطعي الدرجي.. مـَـطـَـنـْــقـِـقـِـي ، وطويلي كرعيها بتل السـِرَيـْـكـْـلـِـيـِـي، البنات في المناصير سادات عين الشمش؟ عاد يايمة بري! من الهوايل والهـُـتـَـكْ والعجايب والنمر الشايب؟
......
يبدو هنا واضح انهن منحازات للفتاة المنصورية..

عشان كلمي طاعمي قطعناها من القاموس جبناها هنا ، ضهرا مكشوف الناس يشوفوها

السريكليي.. من الطيور التى توجد بكثافة في منطقة المناصير.. وسيقان أرجلها رفيعة جداً

ههههههههه
هو الصعيد عندو مرة مخلوقة براها!
بس هن مجربات حريم الصعيد المعرسنهن أولاد البلد، مدلعات ، وما بيعرفن خدمة البلد، ولا طبايع البلد، ودائما الواحدي فيهن بحيث لاتشعر، تدخل راجلا في حرج من تصرفاتها، الما بتشبه تصرفات ناس البلد، زي ما ذكر دكتور مصباح، واحدي فيهن تخلي راجلا يمشمش الشافع قدام الناس، وده عيب كبير عند المناصير ، والمجتمع المنصوري قوى وشديد الملاحظات وما بيرحم في الحتة دي؟
وكمان حريم الصعيد عند المناصير، إنو الواحدي تقطع راجلا من أهلو.. ونادر واحدي فالحي فيهن تقدر تفهم طبايع المناصير.. حتى البيت الفي العاصمة مثلا مرتو مرة صعيد؟ ماهم جيايين عليهو؟ بس يجوا يجاملوا ولدن ساكت عشان ما يفقدوه..

يمشمش : وردت في القاموس.. وهي استنجاء واستبراء الأطفال

دى علاقتها بالمشمش شنو يا خال والله حيرتنا؟؟؟
هههههههههههههههههههههههههههههههههههههههههههههههههههههههههههههه

مشمشى أخوكى ده يا بت!!!!!!!!!!!!!

ود الحمود ود أختى
دي ما عندها أي علاقة بالمشمش

أظن أن قاطعي الملك ---رديفة لقاطعي الدرجي

نعم يا ود عون الله. رديفة

ولكن استعمالها ( ما فوقا مـَلـَك)كدة أوضح عند أهلنا