الــشــك..

الشك في اللغة العربية معناه عدم اليقين..
لكن الشك عندنا في لغة المناصير غير.. شوف بالله لهجتنا مقلـّـبة كيف؟ زول ما عاشا ولابيعرفا
........
طاعمي عشان كدة قطعناها من القاموس ن جبناها بي جاي
الشك : عندنا معناها الاستحياء أو الخجل..
اقول ليك : اقول ليك : اكلوا أكلوا . كملوها كسرتكن دي؟ كمها هي. الكسري راقدي ما تشكوا..!!! أحسنوا الصحن..!
هي مزيد من الكرم يقولوها للضيوف
أو اقول ليك : ياخي ماشي الباشي بي كرعيك لى شنو؟ مالك ما جيت سقتا دحشتي الزرقا؟ الدحشي قاعدي ساكت؟
أقول ليك.. والله شاكي منك لأني يوم داك جيت سقتها لى باشة حسن..
..........
وقال حاج الماحي في مدحة ( مكنوس حرمك أب شباك )
صل يا ربي عد ما يسبحوا الأملاك..... جابا الماحي يا الجاب الرجال طالباك
محسن ظنوا في الجزا منكم مو شاك..
.....
بالمناسبة حاج الماحي منصوري يا ارباب سلمان.. دي برضو من الحاجات السرقوها الجماعة؟ معليش هو جدو رقم 12 في بعض الروايات من الجعليين .. العقيدة. ولكن كلهم عاشوا في منطقة المناصير.. وكما قال الطيب محمد الطيب باحث التراث.. يختلف طبع الناس من الكاسنجر ولى فوق.. ومن السهل حسبانهم مناصير.. وحاج الماحي زوجتو الأولى من أب رميلة... وهم عارفين كدة أولاد حاج الماحي..

الشكك: برضو مشتق منها . وهو برضو الاستحياء والخجل

شكرا هندسة والله دى طاعمى طعوميى---والله
كيفتنى كيف— وشرحتها شرح تمام ---ومازالت مستخدمة حتى
الان—ناس جوا زيارة قصيرة لى ناس اخرين—ثم استاذنوا (النقوم يجانا –الواطة فللت –او
غابت او هجرت) فيقال لهم ياجماعة مثلا الغداء مارق فيردوا لالا—البيت بيتنا عاد
دايرين نشك—منكم— ويقال فلان داك شكاك بالطبع ليس ظنان ولكن
اقرب ان يطلق عليه (لحمو رهيف ) وبلهجة ناس تانين حساس—
قريب من النص—يقول ليك فلان (سليغى) ودى
اذا ماوردت فى القاموس ياهندسة نزلها وهى الشخص الذى يتردد فى الاكل ويعزل ولايأكل
كثيرا -

هههههههه
سليقي دي طاعمي شديد يا سلمان فعلا ما وردت في القاموس

من صلب التراث المنصوري ياهندسة وتسلم لينا وربنا يدينا العافية والوقت ونجمع هذا التراث بطريقة الفهرسة و الكشافات والببليوجرافيات لتكون سهلة التناول والاطلاع ولك شكري وأشواقي.

الــشــك..

الــشــك..

رد: الــشــك..

رد: الــشــك..

رد: الــشــك..

رد: الــشــك..