المناصير بلدي
الزائر الكريم مرحبا بك في منتدى المناصير بلدي
ان لم تكن مسجلا فيرجى الضغط على زر التسجيل وملء بياناتك لقبول عضويتك

انضم إلى المنتدى ، فالأمر سريع وسهل

المناصير بلدي
الزائر الكريم مرحبا بك في منتدى المناصير بلدي
ان لم تكن مسجلا فيرجى الضغط على زر التسجيل وملء بياناتك لقبول عضويتك
المناصير بلدي
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

طلة طلة على المناصيرياقمرسلم لى كتير

اذهب الى الأسفل

طلة طلة على المناصيرياقمرسلم لى كتير Empty طلة طلة على المناصيرياقمرسلم لى كتير

مُساهمة من طرف عباس محمد الأحد 25 نوفمبر 2012, 6:05 pm

لم نجدها كاملة مع البحث المضنى وبالرغم من انها موجودة فى داخل الصفحات ولكنها مبعثرة
فاثرنا ان نكتب النصف من القصيدة الذى وجدناه مرتبا
والى نص القصيدة
طلة طلة على المناصير ياقمر سلم لى كتير
لى ديار ودقمر الشهيرداراصول ما فيها تزوير
سلط الضو فيها بهير خلى عميانة يكون بصير
ابدا من العال تباشير عمها لى برتى بالخير
بالهبارمة النور الضرير شاعر القبلية القدير
فى الشعر ماخد دبابير فاته بدرى درجة الوزير
************************
اسمع القول هاك الشروط بى وشيك اغشاها البيوت
فى كحلية ولاد شمهروت حية ذكراهم ما بتموت
نور السادى ولاتفوت الورع فوق ناسه منحوت
كل زول تلقاه مبسوط صاموا رمضان حتى الستوت
**************************
الاصيلة محطة الكاب لى بلدنا القبلة والباب
كل شى فيها مستطاب اسأل الطيرحتى الغراب
يا حليل ايام الشباب فيها مرت زى السراب
يا قمر لاتنسى ام سيال الوشاحة حرير الرمال
النخيل بى رطبو تاق مال كل يوم تزداد فى الجمال
فى ام دويمة تخت الرحال فيها كرنوق ضاق الوبال
**************************
بالغرب طل القناويت اب سلم والحيبة بيت بيت
بالهموم والغربة انشويت للالم والاهات طويت
دابى بالنيران اكتويت للزيارة عزمت ونويت
***********************
تلقى فى الغابة الناس حنان الوداروالجود والامان
اب رميلة النور فوقه بان صالحه المشهور من زمان
***************************
كبنة كلها بالنواوير ملكت الوجدان والضمير
شوقى ليها محطة صباى فيها عقلى صبح مستنير
الكراع والنقعة والكير الحليلى كبيرا وصغير
فى الجزيرات يرجاك بشير شايل الجوز يملا فى الزير
****************************
خوفى تنسى الحلة والروم يا ديارنا الما فيها لوم
مشرع البل صافى للعوم فوق سيالو يغنى البلوم
*************************
ياالعجولة اريدك شديد ناس ولاد جعفرودعقيد
ودحسيب الكرم الفريد مالى من لقياكم بعيد
**********************
الحقنى والبرجوب على النيل تلقى فيها الطيرابابيل
عصمة ضوابه وعساسير فيها اترعرع من صغير
ديمة واديها يفوح عبير فوق نخيله يوجوج الطير
يا حليل طلعات العصير بالجروف نغشى البوابير
ناسا تلت الليل الاخير همهم تسبيح وتكبير

نكتفى هنا الى ان نجد النصف الاخر من القصيدة حتى برتى

المصدر/اصدارة اسرة ابناء المناصير بجامعة كسلا
اى وجدتها ناقصة بهذه الاصدار سالفة الذكر
عباس محمد
عباس محمد
مشرف
مشرف

الأوسمة مشرف منتدى شعراء المناصير

احترام قوانين المنتدى : 100

عدد المساهمات : 2245
نقاط : 29512
تاريخ التسجيل : 27/07/2010
العمر : 50

الرجوع الى أعلى الصفحة اذهب الى الأسفل

الرجوع الى أعلى الصفحة

- مواضيع مماثلة

 
صلاحيات هذا المنتدى:
لاتستطيع الرد على المواضيع في هذا المنتدى