عــودا الناجرو..ود اب حـَـنـَّـة

يبدو أن تاريخ القصيدة حوالي 1936.. ولكن لاتزال كلماتها حية تجاري الشعر الجديد.. وذلك لملكة شعرائنا العالية والأصيلة

والله الغنية دي تلقى ليها طبلة وكورس؟؟؟؟ يبقى فيها جنس هجيج خلاقي.. لكن ظروف الغربة.. لافي زول يعرف يدق ليهو طبلة ولاحاجي.. هذه القصيدة بالذات أحذر اي فنان يؤديها وحقوق بثها مكفول لى شخصياً.. ولود المناصير بلدي.. لأننى أضفت فيها ابيات منى... وأعدت ترتيبها.. ولذلك اي فنان يؤديها بدون اتفاق منى ومنه، يتحمل مسؤوليته القانونية أمام القضاء.. لا باس أن تسجها الناس في تسجيلاتهم وموبايلاتهم.. ولكن كأن يسترزقوا منها...!!! لا ولنا عودة

مبالغة .. قصيدة ليها تلاتة يوم عنوانا ثابت في المنبر زول يعلق مافي؟
وتعبنا فيها وجابوها لينا من أمريكا؟
هل الناس ما قدروا يفتحوها والله ما قروا يسمعوها والله الحاصل شنو؟
عاد جنس تقلة دم؟
عاد يايمة بري

فتحناها وسمعناها اليوم
تخفيفا لحديثك حصل لى نفس الشى
فى قسم الشعراء يا صديق اجمع القصيدة واتعب فى جمعها
حتى اكون اكثر ارتياحا لانى اكون قد قدمت اضافة جيده
فأتفاجأ بان لا اجد اى تعليق لمدة شهركامل
الناس دايرة الونسة فقط
تسلم يا باشمهندس

تسلم يا عباس..
هل تعلم أن مجاملة الناس درجة من الولاية..
مجاملة الناس يدخل فيها عدم كسر الخاتر
يدخل فيها أن تفرّح الناس
مجاملة الناس يدخل فيها أن تسوق الفرح للناس
مجاملة الناس يدخل فيها أن تصنع الفرح للناس
وأشياء أخرى كثيرة... نسأل الله ان يتنزل االفكر أكثر.. ويرتفع الواقع لنتحدث عنها أكثر وبإسهاب..ويتم الاستيعاب..

الغنوة كلمات ولحن كاربه تب وأنا سمعتها بى هناك فى باشة ود المناصير قبل بومين تلاته
وكان النت على غير العاده واضح وصافى وانساب صوت صديق ود أبحنه الما يغبانى
من السماعة ناقع ومكرر ـــ أقصد زى المويه المكرره ــ فانتشينا وطربنا فى تلك الليلة مع
أحلى الأنغام المنصوريه القـــُحة . كدى قلب جاى وجاى يمكن تلقى لينا واحده زيها ...

كلام مظبوط ياباشمهندس فعلا حاجة توجع ، تراثنا مشتت قدامنا وما فى من يلمو
ويحفظو مع إنو التراث مسئولية أى واحد فينا ليس هناك شخص بعينه مخول
بذلك الكل مخول ومطلوب منه البقدر عليهو حتى ولو بكلمة تشجيع ... ومفهوم
إنو الغناء والفن مضيعة للوقت أو صعلوك من يمارسه ، إنتهى من زمان والأمم
بتراثها وقديمها ... مع تحياتى ..

والله يا صديق عينى عليك باردى لحن جميل واداء اجمل .
بعدين الاطراء والتشجيع مطلوب وباب من ابواب التحفيز للابداع , فالمبدع يبدع من اجل من اليس من اجل الاخرين فكيف يعرف نتيجة ابداعة اذا لم يرى ذلك فى تعليقات الاخرين , ومعليش يبدو اننا نحن نحب الكع والكف .
تقبل مرورى .

تقبلنا مرورك الرائع يا باشمهندس نصر الدين

زمن الزمن سمح
 يا حليلنا منها الدنيا
 الدنيا فرندقس

كدا تمام فى تمام
والله يعمر البلد بي شعراها وادبائها وفنانيها
وانت يا زعيم دائما من رسم الابتسامه  واللوحه الحماليه الفرائحيه للجميع بهذه المشاركات والمجاملات الثره
والى الامام سر وربنا يوفقك
اما من ناحيتنا ما عندك اى مشكله

من ناحيتك ما عندك مشكلة يا حسن؟
 إذن هذه كلمات الشاعر سليمان ود نصر الدين.. وإكراما لصاحبه ود أب حنة عمل عصاية القصيدة لى صاحبو
عودا الناجرو ود أب حنة.. هيي يا ناس خلوها تصلنا..
 تصدق يا حسن القصيدة دي لقيتا في أمريكا.. عند الموثق للمناصير عبد الرحيم محمد صالح؟
 بعدين يا حسن أوعك من أكل العنابليك السمان  زي بتاعات سهام.. لأنو يوم داك شايفك في  عرس نادر.. قررربت تلم فيك رطوبة سليمان ود نصر الدين!!! مشيت تتقدل كدي في الحفلة مشيك ما عجبني!
 مرس العنابليك بي يسوى الرطوبة
 نان سليمان ود نصر الدين الرطوبة جاتو بعد فات التمانين سنة؟
 أنت مالك ولسه زول شباب؟
 أعمل حسابك من أكل العنابليك السمان؟

هههههههه
كدا خلوها تصلنا يا ابو حنا

ههههههههههه
 يا حسن