المناصير بلدي
الزائر الكريم مرحبا بك في منتدى المناصير بلدي
ان لم تكن مسجلا فيرجى الضغط على زر التسجيل وملء بياناتك لقبول عضويتك

كنت قايل الجيل الجديد من أولادنا أحسن في قوة الراس من القديم!

استعرض الموضوع السابق استعرض الموضوع التالي اذهب الى الأسفل

كنت قايل الجيل الجديد من أولادنا أحسن في قوة الراس من القديم!

مُساهمة من طرف صديق عبدالله علي أبوحنة في الأحد 11 نوفمبر 2012, 9:44 pm

لا حولا ولاقوة إلا بالله.. بالجد جيل صعب جدا... لقيتو ليك أصعب من الجيل القديم مليون مرة..
في الناس الكويسين طبعا بينهم.. لكن لما يلحق يتملي بي داك والله بي ديك.. تاني لابشوف لابيسمع..! لاينفع شرح ولابينفع كلام! والمخ يصلّب..
ساقتني الظروف شهر أربعة الفات لحضور عرس منصوري.. آخر.. موش بتاع نادر الحضرتو في أم عشر!
لا داك كان ظريف!
ده عرس تاني.. مدينة أخرى
جات لواري من المحلي
وجات لواري من المكابراب
وجات من الفداء
وجاء لوري من ناس الدهب البي ينقبوا في الخلا..
.........
تصدقوا بقوا يعملوا شنو؟
تطلب من نقطة الشرطة تديك قوة تحرس السهرة وحفلة العرس!
عشان هذه الليلة الفريدة تعدي على خير!
وما بطالة معاها الشرطة على الأقل عشوة فاخرة وشوية سجاير.. وشوية غمتى.. ويملوا بطاريتن ويمشوا.. وحفلتك تكون عدت على خير
...........
سبحان الله جيل ألوت بشكل أقصد فيهو ناس لوت بشكل..
.........
أخواتو جن مكنكشات دهب..
حلف ستين يمين قال ما يرقصن!
قالوا ليهو ليه!
قال يرقصن للسكارى والمساطيل!
لا
قال ليهو أبوهو.. ما عندك حق تمنعن يرقصن.. ديل بناتي ومعرسات بي رجالن ورجالن ما منعوهن.. إنت ماك ولي أمرهن..
يجوهوا بي جاي . يجي بي جاي..
قال خلاص ، موش ما ولى أمرهن!
ما يرقصن في عرسي..
دا عرسي و أنا حر فيهو
موش رجالن سامحين ليهن يرقصن..
خلاص يمشن يرقصن في حتة تاني موش في عرسي..
ولو واحدي رقصت هنا بكسر ليها يديها ورجليها بي عصايتي دي
نحن طبعا موش نتكلم عن الرقيص.. صحتو من عدمو
لكن نتكلم عن حسم الأمور بالقوة وليس التفاهم والإقناع
موش واقفين مع الأب أو مع أخوهن . أو مع رجالن..
ده موضوع تاني
نحن نتكلم عن التفاهم والحسنى..

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31665
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: كنت قايل الجيل الجديد من أولادنا أحسن في قوة الراس من القديم!

مُساهمة من طرف عباس محمد في الإثنين 12 نوفمبر 2012, 1:25 pm

ماشاء الله وتبارك الله ياصديق
لم اتخيل هذا الفهم وقوة الراس موجودة الان
السد اللعين سبب مشاددات لا معنى لها




[ندعوك للتسجيل في المنتدى أو التعريف بنفسك لمعاينة هذا الرابط]

عباس محمد
مشرف
مشرف

الأوسمة مشرف منتدى شعراء المناصير

احترام قوانين المنتدى : 100

عدد المساهمات : 2245
نقاط : 16147
تاريخ التسجيل : 27/07/2010
العمر : 43

الرجوع الى أعلى الصفحة اذهب الى الأسفل

رد: كنت قايل الجيل الجديد من أولادنا أحسن في قوة الراس من القديم!

مُساهمة من طرف علي الحمود في الإثنين 12 نوفمبر 2012, 8:14 pm

والله بينى وبينك يا خال رقيص الأخت فى الباشى حار!!!!!!!!!!!
ما بتحمل تب!!!!!!!!!
خاصة لو بقى فى جماعه محدرين طواقيهم ومسننين!!!!!!!!!!!
لو بقت بى راجلا برضو حار !!!!!!!!!!!!!
الرقيص حار فى الداره!!!!!!!!!!!!
زمان الدواخل سليمه والناس قلوبا نضيفه لكن هسع الأمور جاطت شويه!!!!!!!!!!
الغرائز طغت!!!!!!!!!!!!
رقيص الأخت حار يا خال!!!!!!!!!!!!
الشى دى ماها قوة راس باقى لى!!!!!!!!!!!!!!!!!!!!!!!!
الهوايل فى الداره كعبى يا خال أنا فنان وشفت هتك كتيرى!!!!!!!!!!!!!!!!!
لكن زمان الناس بريئه تطرب بحق وحقيقه ولا وجود للخبث!!!!!!!!!!!!!
هسع الأمور جاطت!!!!!!!!!!!
لكن كمان الباشى بلا رقيص ما عندها طعم!!!!!!!!!!!!!
الشى ده شغل شيطان يا خال!!!!!!!!!!!!!!!!!!
بقو يأجرو الرقاصات الفنانين عشان يتجنبو قوة الراس دى ويهججو الباشى!!!!!!!!!!!
لكن أنا وكت عرست فى البلد سنة2002. أخواتى أدنى العاده بكل براءة والخال عمر عبد الله الله يرحمو ضرب كم طلقه مع بت عمتو والألبوم معاى محتفظ بيهو بوريك ليهو..
بعدين فى القعيده جبت المداديح..
هسع الدكاج كتير الباشى على تجيب لها بوليس!!!!!!!!!
البلد ماها زى زمان يا باشمهندس!!!!!!!!!!!!!!!!!
بعدين (الدكاج) دى دايره شرح باقى لى فى ناس ما بعرفوها!!!!!!!!!!!
الدهب خرب الشباب يا خال!!!!!!!!!!
قرشو شديد وعندهم كلام مع أوباما!!!!!!!!!!!
البكاسى2013 والملايين فى الجيب!!!!!!!!موووووووووووهن ساعلين تب!!!!!!!!
الهابه مسحو كل الناس وبقو حديث الساعه والجكس مع الدهابه .........
العيد الفات الفنان طارق العوض غنى فى المناصير بى 9مليون حنه بس!!!!!!!!!
أها رايك شنو؟؟
الأمور بقت ماليه خالص..اللعب علا شديد!!!!!!!!!
نحن ناس مساكين ما بنقدر عليهو!!!!!!!!!
عشان كده قوة الراس زادت!!!!!!!!!
القروش تزيد الفهم والدهب والحوت برضو يزيد الفهم!!!!!!!!!
لكن نحن نتعهد بأن نحافظ على تراث بلدنا بكل جمالو وروعتو وبراءتو!!!!!!!!!!
ما نخليهو يخرب ........نجتهد بقدر ما نملك من فهم.لنجعل الحياة جميلة ومليانه طيبه ومحنه...........
تقبل مرورى وتحياتى.........

علي الحمود
عضو متميز
عضو متميز

احترام قوانين المنتدى : 100

عدد المساهمات : 664
نقاط : 9735
تاريخ التسجيل : 17/05/2012

الرجوع الى أعلى الصفحة اذهب الى الأسفل

رد: كنت قايل الجيل الجديد من أولادنا أحسن في قوة الراس من القديم!

مُساهمة من طرف صديق عبدالله علي أبوحنة في الإثنين 12 نوفمبر 2012, 11:44 pm

هههههههههههه
ود أختى ود الحمود ..كلامك صاح... تشكر على الإضافة الرائعة..
هن لو ما عرس أخوهن ما كان رقصن.. لكن القاعدة الجماهيرية اختلفت..
زمان عادي..لما المجتمع كان عادي ومجتمع قريب للفطرة..
هسي دي اختلط الحابل بالنابل.. أكيد أخوهن شايف هوايل وهتك الجمهور القاعدة تحصل في حفلات قبلو.. والتعليقات الما سليمة.. وزي ما قلت رقيص الأخت حااار.. خاصة كان كانت زولة فاااهمة..
عشان كدة لو في ناس أقاموا ندوات ومحاضرات بيكون أحسن بدل التصدي بالقوة.. والعنف.. لأنو العنف يولد العنف..

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31665
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: كنت قايل الجيل الجديد من أولادنا أحسن في قوة الراس من القديم!

مُساهمة من طرف نورالهادى في الثلاثاء 13 نوفمبر 2012, 2:54 am

الاخ الباشمهندس صديق وضيوفه الكرام زمان الأخوات عزوة يعنى العريس العنده أخوات كتار الدارة فى عرسه لا تخلى لأن أخواته يكون جاملوا عدة أسر وبالذات العريس العنده أم واصالة والناس كانت ضمائرها صافية تخيل والدة أستاذنا حديدون ترقص وتزغرد فى آن واحد ولا المنصورية القامة عائشة بت أبوعجل برضو ترقص وتزغرد فى آن واحد وكمان تعال شوف فى السيرة صف البلال والنسوان المجاملات لأم العريس . يا صديق الناس كانت زمان ضمائرها صافية وجائين العرس من أجل الطرب والمجاملة وحتى العندهم نية سكر يمشوا بيت المريسى وما بظهروا الا فى نهاية العرس ,ويا حليل أيام زمان وقت الناس حنينين .

أما بخصوص قوة رأس هذا الجيل فهذه مشكلة أمة بأكملها تمت تربيتهم فى عهد هذا النظام الفاسد فهل تتخيل يا صديق اليوم قوقل كشفت أكثر عواصم فى الدنيا تشاهد الأفلام الاباحية فالخرطوم احتلت المرتبة الثالثة فماذا نتوقع من جيل تربى فى عهد هذا النظام الفاسد .

نورالهادى
V.i.P
V.i.P

احترام قوانين المنتدى : 100

عدد المساهمات : 4904
نقاط : 26478
تاريخ التسجيل : 11/05/2010

الرجوع الى أعلى الصفحة اذهب الى الأسفل

رد: كنت قايل الجيل الجديد من أولادنا أحسن في قوة الراس من القديم!

مُساهمة من طرف صديق عبدالله علي أبوحنة في الخميس 15 نوفمبر 2012, 1:00 pm

والد العريس قال لى يا صديق إنت العريس ده قريبك وعندو ليك تقدير.. كدي أمشى شوفو وقول ليهو كلمتين.. الناس فرحانين بي عرسو.. والرقيص محدود.. هن عمرن ما رقصن في عرس زول.. دايرات يفرحن بي عرس أخوهن الوحيد..
والكلام ده وحكاية طردن من الحفلة راح يترسب في نفسهن للمستقبل.. كدى أمشي حنسو!
وأنا والله ناسنا الجونا ديل أأكد ليك زول واحد فيهم سكران مافي!
قلت ليهو يا ود العم. الناس البي يقصدهم ولدك لسه ماجوا الحفلة.. لابدين في أوكارهم. أول ما الطبلة تهبك.. والسلك يرن.. يمرقوا من أجحارن ومكامنهم.. وياما تشوف طواقي محدرة وسديريات وعكاكيز وفتونة..
إنت مالك عايزيني أدخل بين العصاية وقشرتا..
جات كدة يا حاج فتقبلوها من الولد..
أصلوا الشباب ديل الجايين من أجحارهن تلك الواحد فيهم ( لابتسعل ولابتنشد) لما تهف ليهو حاجة في راسو.. كلمتين تلاتة تلقى المكرير دور..
ياخي شاهدتهم
أولاد صغار..بكل أسف بعثوا تراثنا السيئ التركناهو زمان وترقينا منه.. ياربي جاتهم من وين هذه الصفات.. أكيد مترسبة في جينات النفس من الأجداد.. بلا يكونوا شافوها من جيل الأباء الحالي الذي تركها.. منذ وقت.. تلقى العراقي والسديرية وواقفين في طرف الحفلة الواحد واقف ومتركز على المكرير جنبة كدة وخالف كراعو وهو والطاقية على الجبهة كان دقشتها تقع محدرة..واقف ومستني الهبشة. نقاش عندهم مافي كلمة كلمتين تلقى المكرير دور..
الحركة دي في البوش كان زمان بيعملوها ناس معينين.. في البوش..
ياخي ديمقراطية ابدا مافي والجيل ده النقاش ما وارد في خاطرو.. كلمة كلمتين تلقاهو فار زي البنزين.. وغلى.. ونفسو قام.. ورجف..
أسع أنا بقيت ما بتناقش معهم خالص.. خاصة في المواضيع الحساسة والمواضيع العايزة طرح وإبداء راى..
لكن هل هذا يعني الجميل في جيلنا غير موجود!
لا موجود.. بس قلة..
نخشى أن يطغى الطالح على الصالح

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31665
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: كنت قايل الجيل الجديد من أولادنا أحسن في قوة الراس من القديم!

مُساهمة من طرف صديق عبدالله علي أبوحنة في الخميس 15 نوفمبر 2012, 1:02 pm

يسلموا عباس والهادي على المرور بي جاي

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31665
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: كنت قايل الجيل الجديد من أولادنا أحسن في قوة الراس من القديم!

مُساهمة من طرف سلمان عقيد النعوفابى في الخميس 15 نوفمبر 2012, 4:38 pm

شكرا صاحب البوست—فعلا ذلك حادث نتيجة
للتغير فى النواحى الاجتماعية وكذلك الاقتصادية والاحتكاك والتداخل الذى حدث ومن
قبل السد تقريبا –اضافة للزيادة فى اعداد السكان مما اضر الكثيرون للهجرة خارج
البلد للكسب والبحث ان وسيلة للعيش كذلك للدراسة وغيره –وهنالك بالطبع تحولات
وتغيرات فى العادات والتقاليد طبيعية اى حادثة فى كل المجتماعات فهنالك اشياء
تغييرها منطقى او فى اطار التحول العام –للغزو
الثقافى ودخول بعض الاشياء –وكما اشار الاخوة المتداخلين من الصعب المقارنة بين
الماضى واليوم –ففى السابق كان المجتمع محدود ومعروف وكذلك الثقافة والمفاهيم
والقيم –وكانت الضماير صافية وكما قيل الناس تطرب فقط—ورغم ان الخمر(المريسى) كانت
تعد فى المناسبات وهى تعتبر مؤشر هام فى اكرام الضيوف ورغم ذلك هنالك انضباط تام
للسلوك وتتم مراسم الباشى على مايرام وليست محتاجة لحضور الشرطة او ان يحرسها اهل
واصحاب العريس---كذلك فان للضهب والعمل به تأثيرسلبى كبير على مجريات الحياة
والتاثير عليها وايضا وجود الفاقد التربوى والذين امتهنوا تلك المهن وتساقطوا من
التعليم-

على العموم اقول ان هنالك عادات كان
انتشارها طبيعى للتحول فى كل المجتمعات هنالك عادات وثقافات بعضها ظهر من قبل
الاغراق وبعضها ظهر نتيجة للاغراق وتداعياته والظروف التى صاحبته ولكن هذا لايشير
الى ان الناس فقدت القيم الدينية والثقافية والمجتمعية التى اكتسبوها وتوارثوها
وفى نفس الوقت مؤشرات يجب الوقوف عندها --




[ندعوك للتسجيل في المنتدى أو التعريف بنفسك لمعاينة هذا الرابط]

وطنى وهبتك مهجتى درعا
لنعلك من نجاسات الخيانة

سلمان عقيد النعوفابى
اداري
اداري

الأوسمة مشرف المنتدى الاجتماعي


احترام قوانين المنتدى : 100

عدد المساهمات : 2615
نقاط : 19614
تاريخ التسجيل : 01/04/2010

الرجوع الى أعلى الصفحة اذهب الى الأسفل

رد: كنت قايل الجيل الجديد من أولادنا أحسن في قوة الراس من القديم!

مُساهمة من طرف صديق عبدالله علي أبوحنة في الخميس 15 نوفمبر 2012, 5:06 pm

تمام يا سلمان

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31665
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: كنت قايل الجيل الجديد من أولادنا أحسن في قوة الراس من القديم!

مُساهمة من طرف نصرالدين ابوزيد حامد كرار في السبت 17 نوفمبر 2012, 10:03 pm

سلام اخوى صديق . سمعنا من اهلنا فى المكابراب ما تشيب له الولدان , هل تصدق بقت الاسرة تنوم مجتمعة خشية على اعراضها لان هناك فئات بدأت تنط البيوت . ان صحت هذه المعلومات نكون وصلنا مرحلة اللاعوده , وانا اعتقد ان مثل هذا الشاب الذى تتحدث عنه معذور فى تصرفه هذا .
تقبل مرورى

نصرالدين ابوزيد حامد كرار
عضو ذهبي
عضو ذهبي

احترام قوانين المنتدى : 100

عدد المساهمات : 1455
نقاط : 12929
تاريخ التسجيل : 01/12/2011

الرجوع الى أعلى الصفحة اذهب الى الأسفل

رد: كنت قايل الجيل الجديد من أولادنا أحسن في قوة الراس من القديم!

مُساهمة من طرف صديق عبدالله علي أبوحنة في الأحد 18 نوفمبر 2012, 12:43 am

يمكن حاجة محدودة يا نصر الدين.. نط البيوت في أمكنة كتيرة موجود طبعا.. في السودان وفي غيرو.. لكن يا ود جدي برضو هنالك في قيم وتكاتف.. في الفداء والمناصير الجديدة. يعني العلاقات بقت محدودة.. كل زول لاهياهو حواشتو وبيتو.. في المحلى الناس مشغولة بترتيب الثروة الجديدة.. سمك قش.. تجارة.. ترحيل قوارب..
الإفرازات السيئة عموما بقت موجودة في السودان كلو وبرضو في بقاع كتيرة من العالم.. ما نقدر نحدد جهة ونخصها بالسوء.. ولانعمم.. السوء لايتنفي.. كمان الخير موجود.. وكمان مضرب مثل في التقى والعفاف، في المحلي وفي مناطق التهجير..
ما نقدر نوصم جهة محددة بالسوء..كلها حاجات فردية.. موجودة في السودان كلو.. وفي العالم..
ربنا يحفظ المناصير في مهاجرهم وفي محليتهم..

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31665
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: كنت قايل الجيل الجديد من أولادنا أحسن في قوة الراس من القديم!

مُساهمة من طرف علي الحمود في الإثنين 19 نوفمبر 2012, 9:35 pm

ردك يا خال أعلاه دخل خلجات نفسى وأعجبنى!!!!!!!!!
فى الخيار المحلى وفى المهاجر النهاية بوتقه واحده وقبيله واحدة
يعنى فكرك أنا هسع أقبل كلام شين عن المكابراب مثلا وبعض شقيقاتى بها..
ما ممكن طبعا!!!!
المرحله القادمه تحتاج لكتير من الترابط.
دى ملامح السياسه فى مستقبل السودان.
لا بد للمناصير أن يفهمو
كل الجمال فى السودان إنتهى لم يبق إلا القليل الذى نجده فى تماسك الناس ووقوفن مع بعض فى الحاره والبارده..
السودان بقى قبيح جدا يا خال..
لكن المناصير جميلين وعندهم أشياء جميله تحدث فى الخرطوم تستحق الوقوف عندها!!!!!!!!!!
فى المناسبات العامه........فى المستشفيات.........فى مقابر البندارى وأم بده.........تلقى عيال منصور لمن يلفتو النظر!أليست حاجه جميله؟
المناصير ناس عزاز أينما حلو ورحلو..
الما عزيزيزين فى البلد دى معروفين!!خلوها زى جهنم!!!!!!!!!!

علي الحمود
عضو متميز
عضو متميز

احترام قوانين المنتدى : 100

عدد المساهمات : 664
نقاط : 9735
تاريخ التسجيل : 17/05/2012

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى