برقية عاجلة من إدارة المنتدى من المحلي

البرقية الثالثة:-
الأرباب سلمان عقيد
........
الآن مركبنا في التواصل الأسري تشق عباب البحيرة قبالة سوق النعوفاب..
........
شوف النعمي دي عليك الله
الخبر في حزتو من قلب المناصير يصل ابوظبي في نفس اللحظة..
بالله زمان زول يكتب الجواب ذاتو ما يتلقي إلا يركبوا حمار للزول البي يكتب الجواب. وتجيبو شري تعمل ليك عليهو طابعة ويختموه ليك.. جواب مسجل عشان تضمنو
وعشان يجيك الرد عايز لو شهر والله شهرين
العالم زي اصبح قرية صغيرة.. يحتاج لتوحد في المذهبية السياسية والاقتصادية والاجتماعية ، يحكمو دستور واحد.. على أننا بشر نشترك في موهبة العقل والقلب .. بدون تفاصيل تفرق الناس.. مذهبية تجمع العالم كلو على قلب رجل واحد.. بدل التشرذم الحاصل ده!
التواصل الجماهيري الآن سبق التواصل السياسي بأمد بعيد للغاية..

باشمهندس صديق سلام .
عشان كده الغربة مابقت حاره ذى زمان ,من روادى الجلد الناشونال عشان تسمع ام درمان الساعة حداشر بالليل الى الماسنجر والاسكاى بى , نعمة الله يديمها.

فاتنا خير كثير بان نكون ضمن هذه الرحلة يا ودابوحنة
ولكن تحركنا فجر نفس اليوم الاثنين لنحصل العمل صباح الثلاثاء
تاريخ كتابة هذه الرسالة لهم شكرنا وتقديرنا بان قاموا بالواجب واكثر من ذلك

السلام على من إتبع الهدى وسبيل الرشاد...السلام على جميع الناس الحلوين..
العيد مبارك عليكن جميعا..إعفو مننا وعافين منكم..لله والرسول..القابلة فوق جبل عرفات كلنا سوا..ننهل من رحمة الرب عز وجل..ونتبادل الحب فى الله تعالى..
نحن موجودين هنا..وكان لازم نمر وعلى الأقل نتواصل وكت ما إتلاقيناface to face...شكرا..

المرة دي صقر وليس عصفورة..
قال لى : ( ريسكم بتاع المنتدى بطنو مغلباهو.. وبقا لو سبب الأرباب سلمان عقيد. أداهو تلفون في كبنة قال ليهو مافي فرصة. أنا عليا حلة السوق عند حسن سكينة.. وأنت ألقالك مركب وتعال منحدر..
الصقر قال : شايفن ليك مدنكلين حلة عند حسن سكينة وينضمو، أنو بعد وصل الريس هنا. كمان لازم يمشوا بالمركب بسوى. يروحوا يجيبوا ود شيخنا شرف الدين.. الحاج..
وصلوا الحاج
كمان وكت فيها دور عرس وعريس
الحاج أخدتو الهاشميي
وقال إلا شيل الخرتوش بتاع ابوه يضرب طلقتين في الهواء عشان حريم دربي يزغرتن ليهو؟
ويكون في حياتو ضاق زغريت حريم الجزاير الطاعم؟
أها ربنا ما تم ليهو مرادو
شيخنا شرف الدين غلام ، ماهو راجلا عاقل.. الرصاص قافلو في خزنة والخزنة مفتاحا معاه في أبوحمد..
وطبعا خرتوش شيخنا شرف الدين مصرح رسمي وشعبي.. عشان ما يجي واحد من الجماعة إياهم هنا في المنتدى يعمل لينا غاغة
.........
المهم يا زولك الجماعة انحدرو
.........
أكتر حاجة قالوا عجبت الريس في غداء ناس دربي عند العريس
هو اللحم الناشف والفطير
لأنو حريم الجزاير عندهن ليهو طريقة تحمير خاصة
.........
والمرة دي عصفورة من ناس دربي ذاااتهم
غيرنا من الصقر الى العصفورة
العصفورة من ناس دربي
لكن نازحة في العاصمة
أها قالت لى
الأرباب سلمان عقيد عجبوا فطير ناس الجزاير المعمول مع الناشف.
ليه
عشان ناس الجزاير ناس حريصين ودبيرين لسه محتفظين بي تيراب قمح البلد الأحمر داك اب حبة دقاقة.. فطيرو يطلع أحمر وناشف يقرمش..
والعصفورة قالت لى المهندس ود جيب الله عجبتو خلطة الشطة بالدكوة. يشيل ويغمس ، الفطير المقرمش بالدكوة. واعتذر عن الناشف قال نطران.. ( ترجمة )
..............