المناصير بلدي
الزائر الكريم مرحبا بك في منتدى المناصير بلدي
ان لم تكن مسجلا فيرجى الضغط على زر التسجيل وملء بياناتك لقبول عضويتك

استخدام أصوات الحركة كألفاظ لتوضيح المعانى فى العامية المنصورية

استعرض الموضوع السابق استعرض الموضوع التالي اذهب الى الأسفل

استخدام أصوات الحركة كألفاظ لتوضيح المعانى فى العامية المنصورية

مُساهمة من طرف سلمان عقيد النعوفابى في الإثنين 22 أكتوبر 2012, 1:01 pm

كثيرا مايدخل الناس
شكل او صوت الحركة كلفظ ليكمل المعنى سواء كان ذلك اختصارا او لاعطاء مزيدا من
التوضيح—فمثلا يقال: جدعت لى حجرفى البحر –فوقع
(جمبلق ) او جمبلغ فى الموية—وهذا اللفظ(جمبلق) هو صوت ارتطام الحجر بالماء –او اقرب
له—وفى هذا ايضا (فنن) –فيقول احدهم فننت الحجر فوق بعدين وقع فى البحر—يعنى قذف
الحجر –وفنن هى تقريبا صوت الحجر عند مقاوته للرياح وهو يخترقها اويسير من خلالها—
فلان طرطب قعد فوق العنقريب –وهذه قد تكون الصوت
الذى احدثه الجلوس سواء كان عملية الجلوس او صوت العنقريب عند الجلوس عليه –وكما
(دردرب )—او (بردلب) وهى صوت للقفز ثم النزول –(داير انط الحوش دردرب –والعكاكيز فوقى
رب رب)—ورب رب صوت الضرب—وايضا وقع رب –
وقد يشار للحركة
بانها كبيرة او بسيطة بنفس الفهم ومثلا (فلان جبنا خبر كذا وكذا (سحت ) قام مرق –
وهنالك امثلة كثيرة
من البيئة –فمثلا المركب (بالتأكيد مركب الخشب الزمان ) يقال سمعت المركب تعدى
(سيك—جبخ) والكلمة مركبة تعنى ان الحركة طويلة
--فسيك هى صوت احتكاك المعادى مع حافة المركب –وجبخ صوت سقوط المعادى على
الماء--
حتى لايطول الموضوع
جاييكم راجع ان الله مهل فى الايام-


عدل سابقا من قبل سلمان عقيد النعوفابى في الأحد 31 مارس 2013, 5:02 pm عدل 3 مرات






وطنى وهبتك مهجتى درعا
لنعلك من نجاسات الخيانة

سلمان عقيد النعوفابى
اداري
اداري

الأوسمة مشرف المنتدى الاجتماعي


احترام قوانين المنتدى : 100

عدد المساهمات : 2615
نقاط : 19644
تاريخ التسجيل : 01/04/2010

الرجوع الى أعلى الصفحة اذهب الى الأسفل

رد: استخدام أصوات الحركة كألفاظ لتوضيح المعانى فى العامية المنصورية

مُساهمة من طرف صديق عبدالله علي أبوحنة في الإثنين 29 أكتوبر 2012, 6:26 pm

كدي النغيير ليهو بوستيهو ده سلمان بإضافة،
خلاهو معلق هنا ومشى العيد، يجي راجع يلقاهو زي ماهو؟ حا يقول شنو؟
ناس كسالى بشكل؟
جيش كبير جرار من الناس هنا بس عايز يمص ويقرا. عمرو ما ساهم ولاعزى زول ولا اشترك في فرح زول.. كل زول عايز يقرا ويروح، البساهم منو ما عارف؟
أتيت بجديد يا سلمان يستحق الإضافة

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31695
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: استخدام أصوات الحركة كألفاظ لتوضيح المعانى فى العامية المنصورية

مُساهمة من طرف ود عون الله في الثلاثاء 30 أكتوبر 2012, 5:01 am

سمعتها قبل شوية

أظنو محلها هني

واحدي نادهاله نديهي

كان إتحققت تسوي شاي ولقيمات للشيخ

إتحققت النديهي

قامت من دغيشاً بدري ---حلبت اللبن--هبت ناره--ولعت الصاج وشدت الكفتيرة

ملت الجردل لقيمات ---حتحت السكر وضرضرتو فوق اللقيمات---ملت برادا-- زت --شاي بى لبن مقنن

شالت لقيماتا وشايا البى لبن ومشت لى الشيخ---كدب --كدب --كدب

دخلت الدانقا --قابلت الشيخ وحيرانو المتلمين حولو

يا شيخنا ---تلحقنا وتحضرنا

أنا جايبالك جردل زلابية وشاي بي لبن

صاح الحيران

الشيخ ماب يشرب شاي اللبن --الشيخ يشرب لبن صااافي

إتحرجت الولية --والوسيعي ضاقت بها

أحس بها الشيخ

والله أنا ما بحرجك ---كبوه

كبوا الشاي في كباية الشوب الكبيري----شرررررر

الشاي حار

الشيخ بقا يشرب---شييييب ---آآآآآآآآآح

الحيران بقو يقولبوا في الشاي عشان يبرد

أدوه الشيخ

الشيخ كركع الكبايي----كع كع كع

--شيييط-- كملوا --شطفوا

لكن تصدقوا

شفط اللبن من الشاي كوووولو

وفضل الشاي برااااه في الكبايي

قادر الله

****

تخريمة

كع كع دي ما ها بتاعة صاحبنا شيخ العرب ود حاج

ود عون الله
V.i.P
V.i.P

احترام قوانين المنتدى : 100

عدد المساهمات : 609
نقاط : 10172
تاريخ التسجيل : 29/02/2012

الرجوع الى أعلى الصفحة اذهب الى الأسفل

رد: استخدام أصوات الحركة كألفاظ لتوضيح المعانى فى العامية المنصورية

مُساهمة من طرف صديق عبدالله علي أبوحنة في الثلاثاء 30 أكتوبر 2012, 1:32 pm

ياخي الله يديك العافية أنت. دائما مبدع.. بالرغم من مشغولية العمل.. ولولا ذلك لفعلت الكثير من الابداع..
ما أصلهم ناس عون الله جميعهم دائما ناس مشرع وناس بحجم القبيلة..
أهو إنت جبتها في شكل قصة متكاملة.. ما شاء الله
إبداااااع
.......
لكن حكاية شيخا دا
الشاي كان معمول بي لبن وخلاص انساط واتخلبط في بعضو
قام شفط اللبن من الشاي وخلى الشاي الأحمر براهو في الكباية..
دي عاد شيخا ما شاء الله
بركاتكم
....
يكون بيستعمل الشيخ ورقة ترشيح والله شنو؟ زمان في العلوم ، موش في حاجة كدة بيعملوها في الدورق ويصبوا المحلول، يقوم يتفرز ليك ده من ده..
هههههه

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31695
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: استخدام أصوات الحركة كألفاظ لتوضيح المعانى فى العامية المنصورية

مُساهمة من طرف سلمان عقيد النعوفابى في الخميس 15 نوفمبر 2012, 9:10 pm

شكرا الصدوق شكرا ود عون الله -اضافات كبيرة من ناس كبار-

كدب كدب دى ذكرتنى قول الشاعر فى وصف بنات البندر:
امانى البندر ماكعب فيك لابسات امات كعب
تسمع المشية كدب كدب
بس حمار ماروق مضنب واللا قردا لام الحلب


عدل سابقا من قبل سلمان عقيد النعوفابى في الأحد 18 نوفمبر 2012, 2:46 am عدل 1 مرات






وطنى وهبتك مهجتى درعا
لنعلك من نجاسات الخيانة

سلمان عقيد النعوفابى
اداري
اداري

الأوسمة مشرف المنتدى الاجتماعي


احترام قوانين المنتدى : 100

عدد المساهمات : 2615
نقاط : 19644
تاريخ التسجيل : 01/04/2010

الرجوع الى أعلى الصفحة اذهب الى الأسفل

رد: استخدام أصوات الحركة كألفاظ لتوضيح المعانى فى العامية المنصورية

مُساهمة من طرف علي الحمود في السبت 17 نوفمبر 2012, 7:55 pm

محجوب الزاكى من شررى.رجل طرفة وفارس معروف بالونسه والإنبساط والزهد فى الدنيا وعدم الإهتمام بها.
ذهب فى ضحى تشتد حرارته من الزاكاب إلى أم هتيرة قلب شررى النابض قاصدا السلام والتحيه..
بعد ما قطع الهويد غشى فى طريقه الحاجه النييى الله يرحمها جدة محمد مايو سلم عليها وتبادلا الحديث والسلام والسؤال عن الأحوال والعيال وحال البلد..
ذهبا سويا للتومى بت أم قزاز فخر شررى وعزها والدة الأستاذ ود التومى..
كيف حالك زعيمة البلد!!
أهلا حباب أسياد البلد الزعماء.
يا بت سوى الشاى سريع ..
الشاى جا فى أقل من دقيقتين..
الونسه جارة..
البنيه نست الشاى بدون سكر..
عمك محجوب يملك ويجغم وغرقان فى الونسة..
لم يدرك أن الشاى بدون سكر حتى الجغمه الأخيرة..
وضع الكوب على الطربيزة وقال:
أنا مرق القاسى إنتى يا الحاجه النيه.
سلمان عقيد عجيب لك التحايا لكننا لا نستطيع أن نجاريك..
فقط نريد أن نقدم شيئا يعجب الناس ويحفظ تراث بلدنا وجمال ناسا وسماحتهم وطيبتهم.
أكيد نلقى زول يفهمنا ويستمتع معانا..
طالما الخال صديق موجود ما فى مشكله..
لو إستعصت حاجه وزاغ نسب هو المسؤول.
له الأجر فى ذلك بإذن الله.
شكرا

علي الحمود
عضو متميز
عضو متميز

احترام قوانين المنتدى : 100

عدد المساهمات : 664
نقاط : 9765
تاريخ التسجيل : 17/05/2012

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى