سامي الزكي، الذكي، الشفيف، اللّماح، المفعم بمحبة أهله راح يرجع لنا، رغم الجراح، يا بختنا.

صديق عبدالله علي أبوحنة كتب:هذه القصيدة تستاهل تكون بوست براها.... عليك الله يا سامي وحياة تربة زينب بت الفكي تعال.. وحياة محمد بروى وكل الرائعين تعال... كان بي تعز الفكي ود زينب بت الفكي تعال.. كان عندك مخلفات ذكرى من شتلة المشرقيي الفي صفحة بيتكم( تمرا زي القعو) الفكي قال مرة.. كان عندك مخلفات ذكرى من بيان وصالح ود عيسى في صفحة بيتكم القديم الجديد بروحه ، تعال.. كان عندك مخلفات ذكرى من ديوان جدك حاج موحوماااد تعال.. كان عندك سرابيل وسلسبيل نبع ولذاذت تباريح الهوى والجوى من قصص وحكاويي ديوان أهل الديوان والرادي أب بطارية المكسي بالتريفيرا تعال.... كان بي تعز كل أخواتك وأخوانك في المنتدى وقراءك خارج المنتدى من كتاباتك الرائعة في المنتدى تعال.. عايزك تجي عشان تكتب وتكتب.. لسه نحن ما صدقنا ، أن هذا النبع قد انبهل وانبجس..
أنت زول من صنف تااني في هذا المنعطف الزماني الخطير.. قال صلى الله عليه وسلم( كل عام ترذلون، حتى قيام الساعة).. معناها الانحدار ضربة لاذب علينا..
هل يمكن أن نتعايش ونعيش مع الانحدار، في القيم وفي الأخلاق، حتى يأتي أمر الله.. وما أمر الله ببعيد عنا. قال صلى الله عليه وسلم( آخر الزمان القابض على دينه، كالقابض على الجمر)..
عشان كدة تعال نخط كلنا كلمة إبداع وقصة إبداع وطرفة وحكاوي في هذا العالم الممجوج، بتواشيح الغلابة.. وقال صلى الله عليه وسلم( لو ملئت الدنيا دماً عبيطاً ما أكل منها المؤمن غير الحلال) يعني الخيرين في.. رغم فداحة الظلم...
تعال يا ود زينب بت الفكي الأنا بعزها زي أمي..

..............
فتحت الصفحة ووضعتها أمام صاحب البوست

قراها اكتر من مرة ، تغير وجهه ، أخذ ورقة وكتب . تركها تحت المخدة ثم خرج فى صمت )

فتحناها ووجدنا فيها ما يلى

********
هلا استجبت ؟ كيف ما استجيب

و الصوت رخيم من زول كريم من زول رهيف

ما ابقدر ارفضلك طلب وانت الشفيف

وكيف أقدر ارفضلك طلب وانت العفيف

ما انت غنيت للبلد نيله وجروف

ما انت سويت للبلد زفة حروف

وما انت معروف للبلد حانى وعطوف

برضو المعاك حييهم أهديهــــــم وشاح

من زول قتيل بى حبهم بى كل صراح

تشهد عليهوالنجمة والليل البهيم حتى الصباح

انا أصلى ما نسيتكم محال قسماً غليظ بالكافرون والإنشراح

رغم الألم رغم الجراح والآهة يا أهلى السماح

وانا بكرة راجع منتداى متسامى فوقك يا جراح

ليه ديمة نجرح فى بعض رغم الجراح

انا زعلى ما لى شخصى الضعيف والعرفو عزواستراح

كان حقو نتماسك سوا ونصبح رماح

بدل الشقاق والفرقة و( الشتم ) البواح

نكتب تزين منتدانا القصة والكلم المباح

شان بكرة ما نندم ونقول ياريت و ما بيجدى النواح
و يا إدارة منتدانا اللايحة واضحة وما بيصح إلا الصحاح.
نداء
عضو جديد




احترام قوانين المنتدى:

عدد المساهمات: 22
نقاط: 84
تصويتات لمشاركاتي: 0
تاريخ التسجيل: 13/10/2012