المناصير بلدي
الزائر الكريم مرحبا بك في منتدى المناصير بلدي
ان لم تكن مسجلا فيرجى الضغط على زر التسجيل وملء بياناتك لقبول عضويتك

جــــــــــــــــرف روكــــــــــــــــة

صفحة 2 من اصل 15 الصفحة السابقة  1, 2, 3 ... 8 ... 15  الصفحة التالية

استعرض الموضوع السابق استعرض الموضوع التالي اذهب الى الأسفل

جــــــــــــــــرف روكــــــــــــــــة

مُساهمة من طرف م بروي في السبت 31 يوليو 2010, 4:03 am

تذكير بمساهمة فاتح الموضوع :

لأني أتهوب فتح بوست جديد ويبقالي زي الزول الماسك المويه...مويه شنو؟؟ المويه ممكن الواحد يقرنها ويزوغ..أو زي الواحد الشرك جباتو وكل مره دا يشوفها قبضت واللا لا..
لذلك نستأذن ريسنا الرايع بأن يكون هذا البوست (جرف روكه) حق الناس كلها وكل زول تخطر بباله خاطرة يجي يدق سلوكتو في الجرف دا وما ملزمين بالرد..وتانياً في خواطر صغويري ما تستحق يفتحوا ليها بوست براها أها دي محلها جرفنا ده.
الخاطره الأولى من أخوكم..
لو إنت منصوري ..تقرأ هنا وتمرق وتتمتع بوظيفه عاليه أو مقاماً رفيعاً وحاسي إنك أكبر من أن الدخول هنا والمشاركة معنا ..فمعليش نقولك يا صاحبنا غلطان..فنحن أهل وكلنا في الهم و الآمال شرق.
خاطرة تانية/:
لاقيت صاحباً لي منصوري جايي عمره من السودان ...قال لي والله نحنا المعرسين من برا المناصير ديل تعبانين خلاص..قلت ليهو:ويعني نحنا المرتاحين؟؟؟ نحنا بس فايتنكم باربعه حاجات:
1ـالصبر
2:عشان عين تكرم ألف عين.
3:مرتاحين من قصة(أهل الراجل وأهل المرا) لأنهم واحد.
4:لما الباب يدق ويجوا الضيفان ... نحنا مرتاحين من تعارف الضيوف الجداد مع القاعدين جوه
ما طوالي تقع المقالده وبعدها الخزان واللجنة والبحر شرد وأزيار بغجور و البقوعي مرق وموقع خالد ونضم سلمان البعجب وجارو ابو حنه السردو جميل وحازم ده منو؟ ولو إنت مرهق ممكن تديها نومه وهم براهم بجيبوا أكلن وشرابن

.ونواصل

م بروي
كبار الشخصيات
كبار الشخصيات

احترام قوانين المنتدى : 100

عدد المساهمات : 2592
نقاط : 19032
تاريخ التسجيل : 24/04/2010

الرجوع الى أعلى الصفحة اذهب الى الأسفل


رد: جــــــــــــــــرف روكــــــــــــــــة

مُساهمة من طرف م بروي في الثلاثاء 03 أغسطس 2010, 5:27 pm

خال ابرار كتب:سلامات لكل القامات وتحياتى بحجم الروعة المكبوبة فى هذا البوست الجميل,,,,
غبت شوية وطرت لى يوم القيامى من الغيبة الفوتتنى الابداعات دى كلها وعلى العلى طيرت منى الجائزة بتاعت الكونشبر بس روعة الرائعة تستاهلها هنيالك,,,,,
م بروى (من دون القاب زى ماتحب رغم انى خجلان منك بس مصيرى اتعود) والله مافى بوست من طرفك الا وهو ارقى واطعم واحلى من التانى لك منى كل الود والاحترام,,,,,,
ياجماعة الواحد لو خاتى عينو على واحده ماها منصورىى يحردا ولا شنو يمكن طرف السوط يصل زول ولا شنو يا اليسونى كمان جابت لها قديح جور,,,,,
تحياتى لكل من مر من هنا من دون فرز شكرا لوجودكم بيننا.

ازيك يا خال
أها أنا برضو بقولك كده
ومحل رقيقي إنشاء الله تتخن وتقوى
طالما الحكايه ختت عين ساكت
وإنت لسع فوق القيفه
أخيرلك ترجع الحلي
مالك ومال قديح الجور
تسلم ابننا الراقي

م بروي
كبار الشخصيات
كبار الشخصيات

عدد المساهمات : 2592
تاريخ التسجيل : 24/04/2010

الرجوع الى أعلى الصفحة اذهب الى الأسفل

رد: جــــــــــــــــرف روكــــــــــــــــة

مُساهمة من طرف م بروي في الثلاثاء 03 أغسطس 2010, 5:37 pm

النفر كتب:مازلنا قاعدين فى جرف ود البروى العامر نتونس ونتسامر والهمبريب ضارب من تالا الكبشية والدرب ماشى عمارة يسقى فى حمارته فى الحبس وود فضل جارى مركبو بتحت - اها نحن يا ولاد منصور صحيح غربتنا طالت لكن صدقونى عمرنا مانسينا بلدنا ودايمة فى سيرتا فى قعداتنا وفى لماتنا وأذكر لما كنت فى جدة كانت معانا مجموعة طيبة من ولاد منصور نتزاور ونتشاور وعاداتنا عادات البلد تب نشيد بالطباع الزينة ونحدر الشينة --اها دى واحدة من الحدريبة نظمتها فى واحد أخونا طبعا ما فى داع لذكر الاسم الزول ده ضكران تب لكن مرات قاعد تجيهو دقسات على حسب كلام أولاد الزمن ده -الزول ده كان بأولادو فى جدة وجابو ليهو مولود جديد طبعا كعادتنا مشينا براكنالو الولد واتحمدنا السلامة -عدا الاسبوع الأول ماسمعنا بخبر سماية تب ،فى الاسبوع التانى قمت سألت الأخوان الزول ده دحين عمل سماية ؟ قالوا سمعنا وزعا -قلت ليهم الزول ده مابخليهو الا أحدرو فقلت فيهو :-
الليلة اللبيب داير يجر النم
واتمهل عديل فى القعدة واتحكم
الخبر الوصل رفعلو ضغط الدم
استغفر كتير وعلى الرسول سلم
ولشعرو الرصين الليلة قام نظم
مالو فلان ده لسماية الولد قسّم
قبيل خاتنك زعيم الليلة اتلوم
أكان القسمة عادلى وللجميع عمم
كنا نقول أهو سماية للسكوت نلزم
كل السواه فى( بنى مالك) جابلو لحم
لحم ثلاجة يابس ضمه مالو طعم
كيلو اللحمة أبدا ما يفك الضم
خبرا ذى ده ما بسكت عليه الا الأصم وأبكم
باركنالو الولد وبيخشمو ما اتكلم
لا قال السماية بتين ولا لينا عزم
الناس للسماية كانت بتتعشم
مهو شهية لللحمة ولهو غرم
أصلو قبيل غرضنا الناس تتلملم
وتبقى الشلة عامرى وعاد نجر النم
وترانا بنمهلك ان كان للدرس تفهم
والزول الحدق من غيرو يتعلم
-----------------------
تقبلوا تحياتى ولنا مع جرف الروكة قصص وحكاوى محبوكة ،،،

عثمان النفر


النفر الحبيب سلام
أنا في غاية الفرح بأن حوى الجرف أشعارك السمحة والتي
سمعت منها ما سرني واسعدني خاصة الاعتذار(حمودبرجوب)
وبتاعة العنيد بسطتني وضحكتني كمان أكان عارف رقمك
كان زازيتك كل خميس بالليل
ويوم الجمعه في الليل عندما يجتمعوا الناس
لكن أخوك الزمان داك جوال ماعندو
إلا أمشي لي ليكبينه.
التحايا عطرة

م بروي
كبار الشخصيات
كبار الشخصيات

احترام قوانين المنتدى : 100

عدد المساهمات : 2592
نقاط : 19032
تاريخ التسجيل : 24/04/2010

الرجوع الى أعلى الصفحة اذهب الى الأسفل

رد: جــــــــــــــــرف روكــــــــــــــــة

مُساهمة من طرف م بروي في الثلاثاء 03 أغسطس 2010, 5:45 pm

صديق عبدالله علي أبوحنة كتب:النفر ماشاء الله عليك في الشعر... جبدوك أهلك الكبار.. إنتو جناكم من صغير بي يرضعوهو الشعر.. ما شاء الله واصل كل أشعارك لنقراها...بالمناسبة يا النفر.. إنت صالح تاتيب غرق والله باقي... شايف زمان ود بروي ذكر تاتيب في أشعارو( ابوي تاتيب في البنية)
تعال يا حبيبي قول ليا
أردد لحناً شجيا
.......
أبوي تاتيب في البنيا
تخلي شهورنا تتسابق تجينا سريع الضحية
...............
قال لى براك ما ببقى
قال لى إن فارقتني أشقى
ـــــــــــــــــــــــــ
قولي بلاك ما ببقى
قلي ان فارقتني أشقى
وعليك معلق آمالي
إنت علق أملك عليا
قول ياحبيبي قوليا
والله ياصديق إنت ماك ساهل أبداً حتى زي دي
مكرني في كير ذكرياتك ختري عديل كده
ناس النفر ديل زي ما بتقول المنى راسن مقدود
وقدر الشعيرايي اللمت فينا دي جات منهم
مانحنا شربانين بالنز

م بروي
كبار الشخصيات
كبار الشخصيات

احترام قوانين المنتدى : 100

عدد المساهمات : 2592
نقاط : 19032
تاريخ التسجيل : 24/04/2010

الرجوع الى أعلى الصفحة اذهب الى الأسفل

رد: جــــــــــــــــرف روكــــــــــــــــة

مُساهمة من طرف ابو مصطفى في الثلاثاء 03 أغسطس 2010, 6:42 pm

انتو عارفين .....................؟؟؟؟؟
دا بلاياً سلطو الله لى سور ؟؟؟؟
ما اصل الحكاية قام شيخنا العدرقاوى رحمه الله جاء من الازهر الشريف؟؟؟ وهو منارة العلم والعلماء وكان اهلنا الكبار مولعيين بى شراب المريسية رحمهم الله واذكروا محاسن موتاكم ؟؟
وتحدث وحدث الناس عن الهداية وشرب الخمر وانها من الكبائر والمحرمات وغيرها ؟؟
وبعدين ناس سور عندهم القصص والعجب العجاب ؟؟؟
وقاموا سوا المريسة فى بيت ودحمد رحمه الله وقام جاهم العدرقاوى العالم المعروف ودخل معاهم فى شكلة وكسر زير المريسة وقام ودحمد رحل الى اوس وعنده حق هنالك وجاءوا الجماعة وكالعادة سلامات طيبين وقالهم انتو عارفين؟؟؟؟ دا بلايا سلطوا الله لى سور؟؟؟؟
فطقة
بعدين ناس بونى اذا قالوا ليك هويا فطقة ؟؟؟
ومن الفطقة وهى الطراقة اى اطرق ومعناها ما بتعرف تنضم ؟؟؟؟وعوير ساكت ؟؟؟

المنيحى
وكمان ناس سور مرة من المرات لعبنا معاهم كورة وفى واحد من جزيرة تبت وهى جزيرة من سور بى تحت وهذه الجزيرة فيها عثمان ودعاطى وال عاطى جميعا وتم غمر هذه الجزيرة مرة واحدة والله حجر فيها ما ظاهر حتى الان يقولوا ليك اعمل حسابك من المنيحى ؟؟؟ يعنى شنو المنيحى ؟؟؟ وهى اصلا من كلمة منحة وهى تعنى بلغتنا الماعز او العز المستلفة من شخص اخر الى شخص مستفيد منها ؟؟ ولعل المنيحى واحد لعاب جدا جدا فى الكورة لكن ماهو من ناس سور وفى ختام المبارة قمنا غلبناهم 2 / صفر وقاموا قالوا غلبتونا بى المنيحى ؟؟؟؟؟


وتحياتى
الطيب ابو مصطفى

ابو مصطفى
اداري
اداري

الأوسمة مــــــــــــــالي

احترام قوانين المنتدى : 100

عدد المساهمات : 2518
نقاط : 18309
تاريخ التسجيل : 22/06/2010
العمر : 44

الرجوع الى أعلى الصفحة اذهب الى الأسفل

رد: جــــــــــــــــرف روكــــــــــــــــة

مُساهمة من طرف النفر في الثلاثاء 03 أغسطس 2010, 7:13 pm

شكرا للأخوان صديق عبدالله ومحمد بروى على مداخلاتكم وهذه طفشات ونحن وين وأجدادنا وين -- نحن ساكت نلعب الشد ولسع بنشرب من النز --أما سؤالك أخى صديق عن تاتيب -تاتيب ماغرق لو غرق تاتيب كان تغرق جزيرة شرى كلها--فى كلام منسوب لعمنا الماهل (قالوا الماهل قال أنا فى محلى القاعد فيو ده لوما شفت الزول الطالع يبنى فى الخزان بعينى دى شرى ماحتغرق )
تحياتى لكم يا قامات ولكل أخوتى بالمنتدى الشامخ كشموخ بلادى،،،

النفر
V.i.P
V.i.P

احترام قوانين المنتدى : 100

عدد المساهمات : 3225
نقاط : 20507
تاريخ التسجيل : 08/06/2010

الرجوع الى أعلى الصفحة اذهب الى الأسفل

رد: جــــــــــــــــرف روكــــــــــــــــة

مُساهمة من طرف خالد عابدين في الثلاثاء 03 أغسطس 2010, 8:06 pm

كدي عن اذنكم النحفر لنا حفرات في الجرف ده بس الطوريي شوية نصلي وراسا مدور ومرات تمسك الطين في حنكا الا الواحد يخبت بها حجر سبلوقة عشان ينفض الطين منها وتحفر كويس

الطيب ابومصطفى
شيخنا العديرقاوي انا سمعت بو وكان عندنا شريط مسجل فيهو كلامو ولا اذكر ماذا فيه بقدر ما اذكر هذا الاسم لانه كان غريبا بالنسبة لي
وشاءت ظروف العمل ان اتعرف على الاخ مولانا منير محمد الحسن العديرقاوي وهو رجل فاضل
ممايحكى وسمعته : ان شيخنا العديرقاوي كان بايت في احدى حلال المناصير - بعدما صلو واتعشوا والناس راحت بيوتا
كان الشيخ قاعد يتكلم مع واحد من البايتين في الخلوة ويوعظ فيهو وجنبهم واحد انجدع فوق عنقريبو وراقد زهجان من نضم الشيخ الكتير الحاميهو النوم
بعد خلاص زهج قام قال لو ياشيخنا : اكلت عشاك ؟ الشيخ اييي
صليت عشاك ؟ الشيخ ايي
عليك الله ياشيخنا ارقد نوم آآتفلغج في راسنا ده




[ندعوك للتسجيل في المنتدى أو التعريف بنفسك لمعاينة هذه الصورة]

أنت الزائر رقم [ندعوك للتسجيل في المنتدى أو التعريف بنفسك لمعاينة هذه الصورة]لمواضيعي

[ندعوك للتسجيل في المنتدى أو التعريف بنفسك لمعاينة هذه الصورة]

خالد عابدين
Admin
Admin

احترام قوانين المنتدى : 100

عدد المساهمات : 2561
نقاط : 19038
تاريخ التسجيل : 22/03/2010

الرجوع الى أعلى الصفحة اذهب الى الأسفل

رد: جــــــــــــــــرف روكــــــــــــــــة

مُساهمة من طرف م بروي في الأربعاء 04 أغسطس 2010, 1:35 am

ابو مصطفى كتب:انتو عارفين .....................؟؟؟؟؟
دا بلاياً سلطو الله لى سور ؟؟؟؟
ما اصل الحكاية قام شيخنا العدرقاوى رحمه الله جاء من الازهر الشريف؟؟؟ وهو منارة العلم والعلماء وكان اهلنا الكبار مولعيين بى شراب المريسية رحمهم الله واذكروا محاسن موتاكم ؟؟
وتحدث وحدث الناس عن الهداية وشرب الخمر وانها من الكبائر والمحرمات وغيرها ؟؟
وبعدين ناس سور عندهم القصص والعجب العجاب ؟؟؟
وقاموا سوا المريسة فى بيت ودحمد رحمه الله وقام جاهم العدرقاوى العالم المعروف ودخل معاهم فى شكلة وكسر زير المريسة وقام ودحمد رحل الى اوس وعنده حق هنالك وجاءوا الجماعة وكالعادة سلامات طيبين وقالهم انتو عارفين؟؟؟؟ دا بلايا سلطوا الله لى سور؟؟؟؟
فطقة
بعدين ناس بونى اذا قالوا ليك هويا فطقة ؟؟؟
ومن الفطقة وهى الطراقة اى اطرق ومعناها ما بتعرف تنضم ؟؟؟؟وعوير ساكت ؟؟؟

المنيحى
وكمان ناس سور مرة من المرات لعبنا معاهم كورة وفى واحد من جزيرة تبت وهى جزيرة من سور بى تحت وهذه الجزيرة فيها عثمان ودعاطى وال عاطى جميعا وتم غمر هذه الجزيرة مرة واحدة والله حجر فيها ما ظاهر حتى الان يقولوا ليك اعمل حسابك من المنيحى ؟؟؟ يعنى شنو المنيحى ؟؟؟ وهى اصلا من كلمة منحة وهى تعنى بلغتنا الماعز او العز المستلفة من شخص اخر الى شخص مستفيد منها ؟؟ ولعل المنيحى واحد لعاب جدا جدا فى الكورة لكن ماهو من ناس سور وفى ختام المبارة قمنا غلبناهم 2 / صفر وقاموا قالوا غلبتونا بى المنيحى ؟؟؟؟؟


وتحياتى
الطيب ابو مصطفى
مشكور ياعوضابي
تراك قطعتك ماخليتها بايري
العديرقاوي ده العالم المعلوم
وأن من أشد الناس إعجاباً به لكونه منارة في زمن
الظلمات الثلاث
1الجهل
2 البعد عن الدين
3عدم النشاطالدعوي وندرة العلماء.
أنا مبسوط منك يالطيب عشان أي واحد
قاعد يجي متلغوس تشوتوا ضفاري طوالي

م بروي
كبار الشخصيات
كبار الشخصيات

احترام قوانين المنتدى : 100

عدد المساهمات : 2592
نقاط : 19032
تاريخ التسجيل : 24/04/2010

الرجوع الى أعلى الصفحة اذهب الى الأسفل

رد: جــــــــــــــــرف روكــــــــــــــــة

مُساهمة من طرف م بروي في الأربعاء 04 أغسطس 2010, 1:41 am

النفر كتب:شكرا للأخوان صديق عبدالله ومحمد بروى على مداخلاتكم وهذه طفشات ونحن وين وأجدادنا وين -- نحن ساكت نلعب الشد ولسع بنشرب من النز --أما سؤالك أخى صديق عن تاتيب -تاتيب ماغرق لو غرق تاتيب كان تغرق جزيرة شرى كلها--فى كلام منسوب لعمنا الماهل (قالوا الماهل قال أنا فى محلى القاعد فيو ده لوما شفت الزول الطالع يبنى فى الخزان بعينى دى شرى ماحتغرق )
تحياتى لكم يا قامات ولكل أخوتى بالمنتدى الشامخ كشموخ بلادى،،،
نفركو
سلام
تراك ماك مقصر وقطعت الشعراء
خليتها مفرهدي وكمان بيتبشها وعيش ريفها
لولقيت لي فرقه داير أكتب شعر أب آمني هني
مشكور أيها الرجل الرزين

م بروي
كبار الشخصيات
كبار الشخصيات

احترام قوانين المنتدى : 100

عدد المساهمات : 2592
نقاط : 19032
تاريخ التسجيل : 24/04/2010

الرجوع الى أعلى الصفحة اذهب الى الأسفل

رد: جــــــــــــــــرف روكــــــــــــــــة

مُساهمة من طرف النفر في الأربعاء 04 أغسطس 2010, 1:55 am

لسع ما زلنا فى ضيافة ود البروى وفى جرفه العامر نتسامر ونتونس فى الخربانة دى -أصلو ود البروى ما عمل الجرف الروكة ده ساكت داير يجرجرنا فى الكلام وكل زول يطلع الخواطر المخبيها--أها مازلت مع ذكرياتى مع شلة أولاد منصور بجدة أرض الرخاء والشدة -فى مرة من القعدات والونسة العامرى ومعانا شلة من أولاد البلد جايين عمرة ،عندنا واحد أخونا ما أفضلو عليكم زول ضكران وأخو أخوان وطيب السريرة وحسن المعشر وملامحة تنم عما بداخله ،فى أثناء الونسة وأخبار البلد الجماعة قالوا البلد رايقة تب بس ناقصه اسعاف ،أها نطا صاحبنا ده قالهم الاسعاف ده خلوه علىّ أنا شوفو غيرو ،وأنا طبعا عارف ظروف صاحبنا الأيامات ديك ،حق كفرات الاسعاف ما عندو ،لكن برضو عجبتنى شهامتو دى -فقمت مدحتو بالقصيدة دى :-
الخبر فى الفجات ضرب
بالبحر شرّق وغرّب
وبالعتامير وصل العرب
الخبر خبرا مو كعب
بيهو اللبيب غنى وانطرب
وجاب الشعر صباهو صب
والله زولنا ده اتكرب
وبالفعل معروف ومجرب
وأبد ما قال وكذب
ما بيهظر وما بيلعب
ومن كلام أبدا ما أنسحب
الاسعاف فى الحقيقة مطلب
والبلد محتاجالو تب
للمريض التعبان تعب
وللخطير أبو أمرا صعب
كان زمان اسعافنا مركب
أو اللغيبش داك أبو ضنب
وكم عزيز ودينا الترب
وما قدرنا نسوى السبب
الموت حق ما منو مهرب
فالنمد ايدينا للرب
والفرج ان شاء الله قرّب
وعن قريب ننساهو التعب
*****************
تقبلوا تحياتى ولنا مع جرف الروكة حكايات وحكايات محبوكة ،،،

عثمان النفر


عدل سابقا من قبل النفر في الأربعاء 04 أغسطس 2010, 3:47 am عدل 1 مرات

النفر
V.i.P
V.i.P

احترام قوانين المنتدى : 100

عدد المساهمات : 3225
نقاط : 20507
تاريخ التسجيل : 08/06/2010

الرجوع الى أعلى الصفحة اذهب الى الأسفل

رد: جــــــــــــــــرف روكــــــــــــــــة

مُساهمة من طرف م بروي في الأربعاء 04 أغسطس 2010, 2:10 am

خالد عابدين كتب:كدي عن اذنكم النحفر لنا حفرات في الجرف ده بس الطوريي شوية نصلي وراسا مدور ومرات تمسك الطين في حنكا الا الواحد يخبت بها حجر سبلوقة عشان ينفض الطين منها وتحفر كويس

الطيب ابومصطفى
شيخنا العديرقاوي انا سمعت بو وكان عندنا شريط مسجل فيهو كلامو ولا اذكر ماذا فيه بقدر ما اذكر هذا الاسم لانه كان غريبا بالنسبة لي
وشاءت ظروف العمل ان اتعرف على الاخ مولانا منير محمد الحسن العديرقاوي وهو رجل فاضل
ممايحكى وسمعته : ان شيخنا العديرقاوي كان بايت في احدى حلال المناصير - بعدما صلو واتعشوا والناس راحت بيوتا
كان الشيخ قاعد يتكلم مع واحد من البايتين في الخلوة ويوعظ فيهو وجنبهم واحد انجدع فوق عنقريبو وراقد زهجان من نضم الشيخ الكتير الحاميهو النوم
بعد خلاص زهج قام قال لو ياشيخنا : اكلت عشاك ؟ الشيخ اييي
صليت عشاك ؟ الشيخ ايي
عليك الله ياشيخنا ارقد نوم آآتفلغج في راسنا ده
والله ياخالد زولنا ده لوحي لسع
أكيد ندمان ندم شديد على عدم سماع
الشيخ العديرقاوي لأن حديثه لايمل
لو ينضم ليبكره..نسأل الله
له المغفرة وأن يسكنه الجنة
مع الشهداء.
طوريتك الناصلي وصفتها وصف
تقول فعلاً عنك
ياخوي ما تغير العنوان ل(جرف روكه)
لأن الاخوان ما عاجباهم الخطورة دي.

م بروي
كبار الشخصيات
كبار الشخصيات

احترام قوانين المنتدى : 100

عدد المساهمات : 2592
نقاط : 19032
تاريخ التسجيل : 24/04/2010

الرجوع الى أعلى الصفحة اذهب الى الأسفل

رد: جــــــــــــــــرف روكــــــــــــــــة

مُساهمة من طرف سلمان عقيد النعوفابى في الأربعاء 04 أغسطس 2010, 3:21 pm

الاخ ابو مصطفى سلام—وربنا يكتب ليك السلامة –بعدين ذكرتنى قصة شيخنا الاديرقاوى العلامة والذى اتى فى وقت البلد كانت فى امس الحاجة لندواته ومحاضراته وقدم الكثير –بعدين انا ذكرت تلك الابيات على رواية اخرى –ويمكن تكون روايتك هى الاصح ولكن لتكملة الابيات –فى دعوته للناس بترك المريسى والسكر –فقيل له:

التمر ماحرموا ود حجازى البنقلب تور

الكواريك فى الجبل عاملو عنبور

دا بلايا ربنا بلابو ناس سور

--التمر يقصد بها –المريسى

--ود حجازى –كان الناس فى المنطقة لديهم اعتقاد بان الشيخ ود حجازى ينقلب تور وينجد الناس –فهو رغم ذلك لم يحرم لهم المريسى-

--عنبور صدى الصوت الذى يرتد وغالبا من الجبل—ويقصد بان شخينا الايديرقاوى يرشدهم و يصيح فيهم ولا احد يسمع له--




[ندعوك للتسجيل في المنتدى أو التعريف بنفسك لمعاينة هذا الرابط]

وطنى وهبتك مهجتى درعا
لنعلك من نجاسات الخيانة

سلمان عقيد النعوفابى
اداري
اداري

الأوسمة مشرف المنتدى الاجتماعي


احترام قوانين المنتدى : 100

عدد المساهمات : 2615
نقاط : 19644
تاريخ التسجيل : 01/04/2010

الرجوع الى أعلى الصفحة اذهب الى الأسفل

رد: جــــــــــــــــرف روكــــــــــــــــة

مُساهمة من طرف ahmed alkhabir في الأربعاء 04 أغسطس 2010, 8:17 pm

استاذنا ود بروي سيد الجرف الرويان
تعظيم سلام يا راقي
اسمح لي اتكي شوية في ضل المشرقية المفدعي الجريد فوق الجرف وامد ايدي اتناول منها ام راس زي حق سلمان الكابيهو في البروفايل
وبمناسبة ود حجازي تور السادي هاك دي قصة احكيها بعد اذن اخونا صالح حسن بابكر وطبعا ود حجازي دا جدهم
المهم كان في مرا زعلانة من راجلا وقامت ندهت ودحجازي ودعت علي راجلا وراجلا اتوفي فقالت :- الشنو يا ود حجازي هو طوالي حار حار كدي
وتقبل خالص الود

ahmed alkhabir
سوبر
سوبر

الأوسمة

احترام قوانين المنتدى : 100

عدد المساهمات : 762
نقاط : 14215
تاريخ التسجيل : 19/04/2010

الرجوع الى أعلى الصفحة اذهب الى الأسفل

رد: جــــــــــــــــرف روكــــــــــــــــة

مُساهمة من طرف م بروي في الأربعاء 04 أغسطس 2010, 11:44 pm

سلمان عقيد النعوفابى كتب:الاخ ابو مصطفى سلام—وربنا يكتب ليك السلامة –بعدين ذكرتنى قصة شيخنا الاديرقاوى العلامة والذى اتى فى وقت البلد كانت فى امس الحاجة لندواته ومحاضراته وقدم الكثير –بعدين انا ذكرت تلك الابيات على رواية اخرى –ويمكن تكون روايتك هى الاصح ولكن لتكملة الابيات –فى دعوته للناس بترك المريسى والسكر –فقيل له:

التمر ماحرموا ود حجازى البنقلب تور

الكواريك فى الجبل عاملو عنبور

دا بلايا ربنا بلابو ناس سور

--التمر يقصد بها –المريسى

--ود حجازى –كان الناس فى المنطقة لديهم اعتقاد بان الشيخ ود حجازى ينقلب تور وينجد الناس –فهو رغم ذلك لم يحرم لهم المريسى-

--عنبور صدى الصوت الذى يرتد وغالبا من الجبل—ويقصد بان شخينا الايديرقاوى يرشدهم و يصيح فيهم ولا احد يسمع له--
الزعيم سلمان
سلام
إنت الهادي ده هظرنا معاهو قام زعل واللا شنو؟؟؟
لو زعل تكون الغربه غيرتو.
الغربه ما سنيحي بقى الواحد إن عتر ساكت يقول الله يلعن الغربة
يخيل لي يا سلمان أبيات دي ما اتحفظت كويس
لأنو بها الكثير من الخلل والمفروض تكون رباعية
في بيت اتملص وقع.ده غير الوزنه الجايطة شويه
يخيل لي ممكن تكون كده:
التمر الحلال إن مشرق إن بور
ماحرمو ود حجازي البنقلب تور
البكورك في الجبل عاملو عنبور
بس بلاياً جابو الله بلابو ناس سور

واللا مو كدي ياسلمان.... مشكور

م بروي
كبار الشخصيات
كبار الشخصيات

احترام قوانين المنتدى : 100

عدد المساهمات : 2592
نقاط : 19032
تاريخ التسجيل : 24/04/2010

الرجوع الى أعلى الصفحة اذهب الى الأسفل

رد: جــــــــــــــــرف روكــــــــــــــــة

مُساهمة من طرف سلمان عقيد النعوفابى في الخميس 05 أغسطس 2010, 12:17 am

انت ياحمود بس حرست جرفك دا خلنا نتفسح شوية –ناخدنا شريكة واللا خايفنا نفجخ اللوبا –والله انا كل ما ادخل اتخيل انو انا فى جروفنا فى النعوفاب او الجروف المقابلة لينا واكون جايى العصير من شرى واركب فى المركب واعدى من بابور المصابيح مبارى حجيرة البحر مرورا بجروف المتيرة وضل التمر يمتد حتى جزاير الدميرى والجروف مليانة بالناس ثم (نشلق المركب) فى اتجاه الغرب بعدها تسطع الشمس ودقائق ويكون نفس المنظر لجروف النعوفاب –الاخ محمد الاخ الهادى مابزعل وبجيك راجع –اما الاشعار التى قيلت لشيخنا فى مناهضته لشرب المريسى رواياتها كثيرة لعلك حسحستها كويس---

ختام انا خايف يكون قلبك دا يكون نسيتو فى جروفا---وللتمويه قلت --نسيت قلبى انا فى خضارا (يعنى جبت يوسر نيم وهو الخضار زى الجماعة الدخلوا المنتدى باسماء مغايرة-----وانت وهم من حقكم--




[ندعوك للتسجيل في المنتدى أو التعريف بنفسك لمعاينة هذا الرابط]

وطنى وهبتك مهجتى درعا
لنعلك من نجاسات الخيانة

سلمان عقيد النعوفابى
اداري
اداري

الأوسمة مشرف المنتدى الاجتماعي


احترام قوانين المنتدى : 100

عدد المساهمات : 2615
نقاط : 19644
تاريخ التسجيل : 01/04/2010

الرجوع الى أعلى الصفحة اذهب الى الأسفل

رد: جــــــــــــــــرف روكــــــــــــــــة

مُساهمة من طرف م بروي في الخميس 05 أغسطس 2010, 1:16 am

ahmed alkhabir كتب:استاذنا ود بروي سيد الجرف الرويان
تعظيم سلام يا راقي
اسمح لي اتكي شوية في ضل المشرقية المفدعي الجريد فوق الجرف وامد ايدي اتناول منها ام راس زي حق سلمان الكابيهو في البروفايل
وبمناسبة ود حجازي تور السادي هاك دي قصة احكيها بعد اذن اخونا صالح حسن بابكر وطبعا ود حجازي دا جدهم
المهم كان في مرا زعلانة من راجلا وقامت ندهت ودحجازي ودعت علي راجلا وراجلا اتوفي فقالت :- الشنو يا ود حجازي هو طوالي حار حار كدي
وتقبل خالص الود
أحمد الخبير إنت وين؟؟ ..ياحمد الخبير إنت وين؟؟ بطريقة أبو مصطفى الظريف
ألف تعظيم سلام لصاحب القلم المفرح إذا ما اشتملت على اليأس القلوب
سلمان يحندق فينا ساكت بس ما قال هاكم وبعدين هو ما ملقطو من المشرقيي
الوراك ديك كدي اتلفت وراك في البروفايل حقك السمح ده.
لما قريت خلاف الراجل مع المرا خفت يجي واحد شليق
يحكي ليهو واحدي كده مشابهه وبعدين جرفنا ده يغطسزي ما
غطست جروفنا اللت الصح بفعل المرجفين.
مودتي و الاحترام
مشكور يا خالد أخوي على تغيير الخطورة
بالرغم من أنها ما فايتانا
فالمناصير في المنعطف الخطر
والسودان في المنعطف الخطر(انفصال)
العالمالعربي في المنعطف الخطر
الحرب القادمةالمرشحة فيهو وقالوا قربت

م بروي
كبار الشخصيات
كبار الشخصيات

احترام قوانين المنتدى : 100

عدد المساهمات : 2592
نقاط : 19032
تاريخ التسجيل : 24/04/2010

الرجوع الى أعلى الصفحة اذهب الى الأسفل

رد: جــــــــــــــــرف روكــــــــــــــــة

مُساهمة من طرف م بروي في الخميس 05 أغسطس 2010, 1:29 am

سلمان عقيد النعوفابى كتب:انت ياحمود بس حرست جرفك دا خلنا نتفسح شوية –ناخدنا شريكة واللا خايفنا نفجخ اللوبا –والله انا كل ما ادخل اتخيل انو انا فى جروفنا فى النعوفاب او الجروف المقابلة لينا واكون جايى العصير من شرى واركب فى المركب واعدى من بابور المصابيح مبارى حجيرة البحر مرورا بجروف المتيرة وضل التمر يمتد حتى جزاير الدميرى والجروف مليانة بالناس ثم (نشلق المركب) فى اتجاه الغرب بعدها تسطع الشمس ودقائق ويكون نفس المنظر لجروف النعوفاب –الاخ محمد الاخ الهادى مابزعل وبجيك راجع –اما الاشعار التى قيلت لشيخنا فى مناهضته لشرب المريسى رواياتها كثيرة لعلك حسحستها كويس---

ختام انا خايف يكون قلبك دا يكون نسيتو فى جروفا---وللتمويه قلت --نسيت قلبى انا فى خضارا (يعنى جبت يوسر نيم وهو الخضار زى الجماعة الدخلوا المنتدى باسماء مغايرة-----وانت وهم من حقكم--
يا سلمان والله إنت أحسن مني أنا أبياتك دي ذاتها ماكنت حافظها لكني عدلت فيها باجتهاد من عندي
بعدما قريتها عندك وطبعاً ده ما صاح المفروض ننتظر من يأتينا بالنص الأكثر دقه على حقيقتو والسويتو أنا يعتبر تزوير في التراث(لايقوموا العدارقه وشاعرن يشكونا).
الجرف لمن تخشو إنت ياسلمان يفرهد وينور زهورو البيضاء ديك وتغشاهو نسمة بارده
من على البحر(جروف الدموره ديك مره سلخو فيها تمساح هنقدر.
خاطرهــ
مره في واحد يحكي في نكته
قال كلما ذكر اسم
ردده عنبور
علي
علي
حسن
حسن
بعدين قال سلوبودان مليزوفتش
عنبور قالو
شنو؟؟

م بروي
كبار الشخصيات
كبار الشخصيات

احترام قوانين المنتدى : 100

عدد المساهمات : 2592
نقاط : 19032
تاريخ التسجيل : 24/04/2010

الرجوع الى أعلى الصفحة اذهب الى الأسفل

رد: جــــــــــــــــرف روكــــــــــــــــة

مُساهمة من طرف م بروي في الخميس 05 أغسطس 2010, 1:58 am

خاطرة
ــــ بمناسبة سلوبدان
في مرات كتيرة عندما أطلع من البيت
ماشي الشغل وألاقي العجوز جارتنا واقفي
في بابها يدور بيناالحوار الآتي:
المرا العجوز:سلام عليك
أنا: وعليكم السلام
العجوز:وين تشتغل؟؟
أنا:في مديرية الشئون الصحية
العجوز:وين هاذي؟؟
أنا: في وسط البلد
العجوز :جزاك الله خير
ينتهي الحوار(تدخل العجوز وتقفل الباب) مسرحيه
في أحد المرات لقتني زهجان
العجوز:سلام عليكم
أنا: وعليكمالسلام
العجوز: وين تشتغل؟؟
أنا:في كوالالمبور ناقورنوكاراباخ
العجوز:وينهاذي؟
أنا:في دقن اللمرشنكوكه أمجغور
العجوز:جزاك الله خير(قفل الستار)
ناقورنوكاراباخ دي كان محفظها محمود تاج السر البشير ولدو عندما كان صغير هسع تلقى بقى راجل.

م بروي
كبار الشخصيات
كبار الشخصيات

احترام قوانين المنتدى : 100

عدد المساهمات : 2592
نقاط : 19032
تاريخ التسجيل : 24/04/2010

الرجوع الى أعلى الصفحة اذهب الى الأسفل

رد: جــــــــــــــــرف روكــــــــــــــــة

مُساهمة من طرف ودالبلد في الخميس 05 أغسطس 2010, 3:18 am

الاستاذ الرائع دوما محمد بروى:
الظاهر عليها الناس دى كلها كانت مكبوته ما لقت ليها محل تخت فيهو الخواطر الصغيرى صغيرى
لكن ماصدقت لقت ليها دار عامرى فى الجرف الروكه دا واى واحد فيهم جاب منجلو وقفتو وجاء يحش
وتقبل مرورى

ودالبلد
عضو فضي
عضو فضي

احترام قوانين المنتدى : 100

عدد المساهمات : 869
نقاط : 14037
تاريخ التسجيل : 25/05/2010

الرجوع الى أعلى الصفحة اذهب الى الأسفل

رد: جرف روكة

مُساهمة من طرف روعة في الخميس 05 أغسطس 2010, 1:51 pm

السلام عليكم ورحمة الله تعالى وبركاته
والله يا استاذ صديق انا مستعجلا جدا على الدولارات لكن اسم البوست ذاتو راح مني افتش فيهو لي يومين
الا في الاخر لقيت حاجة اسمها اعرض مساهماتك ومن الصباح افتش ياداب لقيتو
اوع تكون غيرت رايك وخليت الدولارات
انا منتظراك انشاء الله بعد سته اشهر

روعة
عضو جديد
عضو جديد

احترام قوانين المنتدى : 100

عدد المساهمات : 39
نقاط : 11983
تاريخ التسجيل : 15/06/2010

الرجوع الى أعلى الصفحة اذهب الى الأسفل

رد: جــــــــــــــــرف روكــــــــــــــــة

مُساهمة من طرف صديق عبدالله علي أبوحنة في الخميس 05 أغسطس 2010, 3:43 pm

الأخت العضوة هنا الأخت روعة,, الخيل تجقلب والشكر لى ود بروي.. حقو ندفعوا حق الجائزة.. والذي توهك هو ود بروي غير عنوان البوست بدل خواطر خطرة خلاهو جرف روكة واتضح انو ما روكة بدليل انو غير عنوان البوست
أها الجائزة دي الزول ما بيقدر يغير رايو فيها لأنها أصبحت ملك عام وتاني حاجة نبينا صلي الله عليه وسلم قال( اعطوا الأجير أجره قبل أن يجف عرقه) وأنت جاوبتي صاح يبقى من حقك الجائزة الآن وليس بعد ستة شهور دي كتيرة..ونحن هنا نحترم خصوصية الأعضاء طالما ظهروا بإسم رمزي لانكلفهم عناء ظهور الإسم كاملاً وسبق أن ارسلت لك في باب الرسائل وهو لايطلع عليه الغير أن ترسلي لى الإسم كاملا ورقم تلفون لأرسل لك جائزتك وعقبال لى خال ابرار الشايفو قال فاتتو الجائزة.. دي جوائز تشجيعية لأعضاء المنتدي زيها وزي اي برنامج تلفزيوني فيه جوائز.. تشجيعا لبنات بلدي,وارجو ان ترسلي رسالة من باب الرسائل الموجود هنا في المنتدي لأرسل لك جائزتك فورا

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31695
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: جــــــــــــــــرف روكــــــــــــــــة

مُساهمة من طرف حازم في الخميس 05 أغسطس 2010, 4:08 pm

سلام قامات بلادي الرائعه كلام كلو جميل وحكاوي تختزن العبر والابتسامه 000 فلكل الاخوان التحيه وشايف الجرف وصل بيقادي ( اقصد قطع الشرق ) جنس روعه تجنن جن ... والسلام حازم

حازم
V.i.P
V.i.P

احترام قوانين المنتدى : 100

عدد المساهمات : 862
نقاط : 14114
تاريخ التسجيل : 19/07/2010

الرجوع الى أعلى الصفحة اذهب الى الأسفل

رد: جــــــــــــــــرف روكــــــــــــــــة

مُساهمة من طرف م بروي في الخميس 05 أغسطس 2010, 6:50 pm

تاج السر جبريل عثمان كتب:الاستاذ الرائع دوما محمد بروى:
الظاهر عليها الناس دى كلها كانت مكبوته ما لقت ليها محل تخت فيهو الخواطر الصغيرى صغيرى
لكن ماصدقت لقت ليها دار عامرى فى الجرف الروكه دا واى واحد فيهم جاب منجلو وقفتو وجاء يحش
وتقبل مرورى
السرير
ود الراجل المحبوب من كل المناصير
الله يرحمه ويغفر له ويجعل الجنة داره مع الأخيار
ونسأل الله إنت برضو تكون زيو
الجرف قلت روكه لكن لقيتو شبكان في رقبتيالبحلو ما اتعرف
الصورة ما أجملها ..داسها وين من زمان؟
مودتي

م بروي
كبار الشخصيات
كبار الشخصيات

احترام قوانين المنتدى : 100

عدد المساهمات : 2592
نقاط : 19032
تاريخ التسجيل : 24/04/2010

الرجوع الى أعلى الصفحة اذهب الى الأسفل

رد: جــــــــــــــــرف روكــــــــــــــــة

مُساهمة من طرف م بروي في الخميس 05 أغسطس 2010, 6:55 pm

حازم كتب: سلام قامات بلادي الرائعه كلام كلو جميل وحكاوي تختزن العبر والابتسامه 000 فلكل الاخوان التحيه وشايف الجرف وصل بيقادي ( اقصد قطع الشرق ) جنس روعه تجنن جن ... والسلام حازم
لازلنا ننتظر تزرع قطعتك ديك
وإن لم يكن من الذكريات(عشان ما تجيب خبرك) فأتنا
من زرعك الغض البهيج وزد هذا الجرف ثغاءً ومراحاً وحبور
فأنت الأديب الحبيب

م بروي
كبار الشخصيات
كبار الشخصيات

احترام قوانين المنتدى : 100

عدد المساهمات : 2592
نقاط : 19032
تاريخ التسجيل : 24/04/2010

الرجوع الى أعلى الصفحة اذهب الى الأسفل

رد: جــــــــــــــــرف روكــــــــــــــــة

مُساهمة من طرف حازم في الخميس 05 أغسطس 2010, 7:21 pm

والله بقيت اشفق عليك ياقامه بلادي الرائعه .. عاوز ترضي الناس وربنا يحفظك لينا . ( وكمان شايفك من التعب بقيت تلزق ) حسيت زي العرق يتصبب من جبينك الذي طالما احببه الكثير من ابناء بلدي ) شفت كيف انت كاتل الناس دي ؟ المحلي والمندلي والسادر وكلهم جمعتهم ؟ دا للبرجوب ماحصل ؟ لك الود لكن عندي ليك نكته قبل ما امشي واحد من الشوايقه رش صفحه البيت بوهيه والصفحه التاني كتب فيها( يعني مارشاها) زي الصفحه االاولي ... الظاهر عليهو شايقي نجيض ... والسلام حازم

حازم
V.i.P
V.i.P

احترام قوانين المنتدى : 100

عدد المساهمات : 862
نقاط : 14114
تاريخ التسجيل : 19/07/2010

الرجوع الى أعلى الصفحة اذهب الى الأسفل

رد: جــــــــــــــــرف روكــــــــــــــــة

مُساهمة من طرف النفر في الجمعة 06 أغسطس 2010, 6:56 am

طابت لنا القعدة فى جرف ود البروى العامر بضيوفه وزواره وما زلنا نجتر فى الذكريات والخواطر ونأمل أن نكون ضيوف خفيفى الظل ،وألا نكون قد تعدينا على حقوق الاّخرين فى هذا الجرف الروكة--أها مازالت الخواطر تتوالى مع شلة ابناء منصور بجدة- أخونا وقريبنا أحمد سليمان حمد باشا (جحا) من شررى عزم على الزواج وحدد سفرو خلاص وكان من المفترض أن أسافر معه لحضور هذه المناسبة لكن حدثت ظروف حالت دون سفرى فقمت أهديتلو قصيدة منى كمشاركة رمزية :-
دار أقول مبروك للأهل
قم كتب لشعرى وأرسل
فوق الحمدباشابى المأصل
من بيت علم وقراّن مرتل
وصيتو ضارب فى كل محل
وبيجحا ضاربنبو المثل
الفى الروايات دايما بطل
وكم فوازير يلقالا حل
ده البشوش حاشاه الزعل
وبالخلق والطيب مجمل
للأقارب دايما يصل
وفى الفزع تلقاهو أول
ده الملحلح مهو المبهدل
ما بارا للكشتين والشلل
ودقا للخارج واشتقل
ان شاء الله بالسلامة لديارو يوصل
وبيوصولو الفرح اكتمل
والسحاب فوق شررى ظلل
رعدو كرر ومطرو انهطل
وشربت الوديان والسهل
رقد الخير وشال المحل
ده العريس ميزانو ميل
وشررى كاسيها حلى وحلل
ألف مبروك بيت العدل
وتبقى مبسوط ما تشوف ملل
ويبقى ممتد شهر العسلللللل

وتقبلوا تحياتى ولنا مع جرف الروكة خواطر وحكايات محبوكة ،،،

النفر
V.i.P
V.i.P

احترام قوانين المنتدى : 100

عدد المساهمات : 3225
نقاط : 20507
تاريخ التسجيل : 08/06/2010

الرجوع الى أعلى الصفحة اذهب الى الأسفل

رد: جــــــــــــــــرف روكــــــــــــــــة

مُساهمة من طرف صديق عبدالله علي أبوحنة في الجمعة 06 أغسطس 2010, 2:07 pm

جرف ود بروى الروكة شايف لوباهو مجبد السلوك.ونوار اللوبا بقا النوع البنفسجي داك..وبت سليمان الله يرحما جايبا ليها قفة جديدي تحش. قفة ليني وسمحي ماها قفة صعيد( جرقندي) ولاها سعف دوم ناشفي، ولاها سعف( صور) أصلو لمان قطع يس ود حاج بابكر تمرة بروى العند المشرع وصتو قالت ليهو عليك الله يا يس اقطع لى معاك جمارات كدي عشان دايري طيبة بت ضهب والزيني بت ضهب يضفرنها لى قفيفة سمحي أحش بيها في جرف محمووماد ولدي.. باقي مربيلو عتانن بنات لبون. مرجاهن ليهو لمان يجي أضبحن ليهو هو وأصحابو.. الله عاد يهدي الزيني بت ضهب يا يس ماها فايقي من سويي الشاي والجبنة في سوق النعوفاب، قطع ليها الجمارات والولاد لقطوا التمرة بعد قطعوها وكل واحد أدتوا هينين هينين اللات تمر.. والحريم البيخرتن وكل واحدي قاعدي في قفتا وتخرت أدت كل واحدي أربعة هينات اللات تمر ،عشان هي مرة كريمي وتستاهل الزول يطراها في برزخا وربنا يرطب قبرا ويجعلوا روضة من رياض الجنة اصلها كانت مرة زين فالحي وما بتزعل ليها زول ودايما بسمتا في وشها بي سنونا السمحي ديك تلاقيك هاشة باشة.. وكمان في وليداتن مسانيح الهينين اللدتن ليهم بت سليمان ما كفنهم، مشوا يكمرقوا في التمر ويجكنوا في الدشيي وعشان كدة حسين دشيي ود الحسن ود مصطفى سموهو حسين دشي. عشان بعد ما يدوهو حقو في اي قطوع تمرة طوالي يجري على الدشيي يكمرق
والقاريق عاد يا حلاتو بتاع ود بروي.. منور ومفرهد ومجبد سلوكو زي العروس المدخنة ومكبرته ومهشكله
...........................
قوريق طه في جابيقة بوني
مجبد سلكو والناموس ينوني
.............
أم بقت ما فاتت المحمودي غادي
بشارتك يا اللبيب ميتين قلادي

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31695
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: جــــــــــــــــرف روكــــــــــــــــة

مُساهمة من طرف الرشيد طه في الأحد 08 أغسطس 2010, 7:03 pm

ود بروى
سلامات ايها الرائع ولعلك بالف عافية
شايف الحمد لله جرفك ده جرف الناس كلهم ؛اللهم لا حسد ؛ ناس صديق وسلمان ما صدقوا طوالى شبكونا ليك حاجات من سنة دو شئ نفهمو وشيتا ما بنفهمو دحين يا اخوى عشان يكون فى عدالة انا داير اعملى بوست تانى موازى مع حقك ده لكن حديث شوية والجماعة ديل ما ممكن يأكلوا حقهم وحق غيرهم واهلنا الغرابة بيقولوا فى المثل ام جركم ما بتأكل خريفين .
اها عاد عن اذنك فى انتظار الموافقة .




لأنـنـا نـتـقن الصــــمت حمــلونا وزر النـــوايا

الرشيد طه
اداري
اداري

الأوسمة مشرف المنتدى السياسي
مشرف منتدى الصحافة

احترام قوانين المنتدى : 100

عدد المساهمات : 2625
نقاط : 18881
تاريخ التسجيل : 15/04/2010

الرجوع الى أعلى الصفحة اذهب الى الأسفل

رد: جــــــــــــــــرف روكــــــــــــــــة

مُساهمة من طرف سلمان عقيد النعوفابى في الثلاثاء 10 أغسطس 2010, 5:16 pm

ياجماعة انتو سيد الجرف دا راح وين –والبحر ماشى مشى شديد—(ياكل فى اليابس) –الان نحنا قاعدين نحتل ونقلع فى اللوبا من قعورو—ودبروى اعل المانع خير—ماتفارق جرفك الاخضر –وتفارق تمر الشايل




[ندعوك للتسجيل في المنتدى أو التعريف بنفسك لمعاينة هذا الرابط]

وطنى وهبتك مهجتى درعا
لنعلك من نجاسات الخيانة

سلمان عقيد النعوفابى
اداري
اداري

الأوسمة مشرف المنتدى الاجتماعي


احترام قوانين المنتدى : 100

عدد المساهمات : 2615
نقاط : 19644
تاريخ التسجيل : 01/04/2010

الرجوع الى أعلى الصفحة اذهب الى الأسفل

رد: جــــــــــــــــرف روكــــــــــــــــة

مُساهمة من طرف ابو رزان في الثلاثاء 10 أغسطس 2010, 5:35 pm

ود الخالة السلام عليكم ورحمة الله تعالى وبركاته
وربنا يعوضك
والبركة فينا وفيك فى الخال حامد سليمان
ود خالتك / بدر الدين تاج السر

ابو رزان
عضو رائع
عضو رائع

احترام قوانين المنتدى : 100

عدد المساهمات : 209
نقاط : 12108
تاريخ التسجيل : 21/07/2010

الرجوع الى أعلى الصفحة اذهب الى الأسفل

رد: جــــــــــــــــرف روكــــــــــــــــة

مُساهمة من طرف ابو مصطفى في الثلاثاء 10 أغسطس 2010, 6:54 pm

طولت عندى حقيق مع ناس ودبروى ما زرعتو ؟؟؟ وقطعتى السنة دى عاوز ازرعها دخن بس ؟؟؟ رايكم شنو ؟؟؟؟
ومن ناس الجرف بحى كل الجماعة الزارعسن والماهم زارعين الا زول واحد ودب حنة ؟؟؟ البقولوا ليه صديق باقى تغيان تغى شدسد خلاص ؟؟ ارجيناه نزرع وما قال سلام ؟؟؟
دحين النضم دا كيفنو ياجماعة ؟؟؟؟؟؟

اصلو المغترب قالوا عندو الريالات والدولارات لكن القروش دحين بى تخلى الواحد يطغى كدى ؟؟؟
ما المغتربين الواحد هنا معانا يعملك الحبة بى قرشين وكت يمشى بره ما معروف يشتغل شنو ؟؟؟ ويعلم الله وسمع اضانى الباكلها الدود نفيسة بت حاج احمد قالت راجلها فى ليبيا شغال يغسل فى الصحون فى الفندق ليه كم سنة ؟؟؟؟


تحياتى
ابو مصطفى

ابو مصطفى
اداري
اداري

الأوسمة مــــــــــــــالي

احترام قوانين المنتدى : 100

عدد المساهمات : 2518
نقاط : 18309
تاريخ التسجيل : 22/06/2010
العمر : 44

الرجوع الى أعلى الصفحة اذهب الى الأسفل

رد: جــــــــــــــــرف روكــــــــــــــــة

مُساهمة من طرف صديق عبدالله علي أبوحنة في الثلاثاء 10 أغسطس 2010, 8:17 pm

يا أخوانا ود بروى غتس
ما أظنو من الناس دَقَس
جرفو المفرهد إتلحس
لوباهو بالحيل إتهرس
لى جرفو ما بادر حرس
ساقيتو قَطَّعت الللس
طَقَّ الكواريك للمحس
ولى حدي( عوناب ود خَفَس)
وكل زول هميم جرى واتمَرَس
وما فينا واحداً إتفَدس
يا أخوانا شوفوهو وين هو بس
مالو الحمود ياناس خَنَس
وين الحمود ياناس طمس
تدفع غرامة شوال عدس
وكيسين خضار جرجير وخَس
حق اللبيب الفيك هَمَس
وتَرَد التًـرَد للنار مَـعَس
جرفك مفرهد ماهو دَس
بيعوهو دُقولو الجَرس
أوعك يكون عيان هو بس
أو من زويل هنا إتمغس
ياخوانا شوفوا لى فرس
اركب أحصلو في التَرَس
بي جاي هو سلمان ليك حَرَس
وود أختى ود ناس ود كَلَس
بي كلامو بالحيل لى غَمَس
جاب سيرة الغِنَا والفلس


عدل سابقا من قبل صديق عبدالله علي أبوحنة في الأربعاء 11 أغسطس 2010, 1:53 pm عدل 2 مرات

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31695
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: جــــــــــــــــرف روكــــــــــــــــة

مُساهمة من طرف خالد عابدين في الثلاثاء 10 أغسطس 2010, 11:18 pm

مالك يالطيب جبت حار النفس
ومن دربك الدغري اتعكس
زعلت خيلانك وجبت المغس
صديق يفتش وطالع الترس
ودبروي قالوا لوباهو اتهرس
والناس تعاين وحابسي النفس






[ندعوك للتسجيل في المنتدى أو التعريف بنفسك لمعاينة هذه الصورة]

أنت الزائر رقم [ندعوك للتسجيل في المنتدى أو التعريف بنفسك لمعاينة هذه الصورة]لمواضيعي

[ندعوك للتسجيل في المنتدى أو التعريف بنفسك لمعاينة هذه الصورة]

خالد عابدين
Admin
Admin

احترام قوانين المنتدى : 100

عدد المساهمات : 2561
نقاط : 19038
تاريخ التسجيل : 22/03/2010

الرجوع الى أعلى الصفحة اذهب الى الأسفل

رد: جــــــــــــــــرف روكــــــــــــــــة

مُساهمة من طرف سلمان عقيد النعوفابى في الأربعاء 11 أغسطس 2010, 3:04 am

يالرشيد والصدوق وخالد:

الحمود بالحيل لوباهو اتهرس

بعد ماكان سلكو لاوى وعودو املس

ورقو صفر وكنكش ويبس

ما مهم ياخوانى الحرس

البحر حمر ودنا يكبس

نحنا جاهزين نسد ونحبس
بس حمود يظهر ويبقالو حس




[ندعوك للتسجيل في المنتدى أو التعريف بنفسك لمعاينة هذا الرابط]

وطنى وهبتك مهجتى درعا
لنعلك من نجاسات الخيانة

سلمان عقيد النعوفابى
اداري
اداري

الأوسمة مشرف المنتدى الاجتماعي


احترام قوانين المنتدى : 100

عدد المساهمات : 2615
نقاط : 19644
تاريخ التسجيل : 01/04/2010

الرجوع الى أعلى الصفحة اذهب الى الأسفل

رد: جــــــــــــــــرف روكــــــــــــــــة

مُساهمة من طرف النفر في الأربعاء 11 أغسطس 2010, 8:14 am

ما زلنا فى جرف الروكة المخضر بأهله والواحد كل مره يجى يتاوق ان لقالو زول يتونس معاهو واما لقالو زول يحلل جيتو يقوم يحاحى الطير ولا يزرع ليهو حوض حوضين--أها مازلت مع الخواطر --المؤسسة التى أعمل بها لها عدة فروع بالمملكة مركزها الرئيسى بجدة وأنا ماسك فرع المؤسسة بالدمام -أها فى فترة من الفترات جانا ضغط شديد فى العمل-- جانا عدد كبير من الكونتينرات ببواخر متتاليه بميناء الدمام وطبعا محتاجه للتخليص والجمارك وغبرو يعنى عملت لينا ربكه شديده--فقمت نظمت قصيدة وأرسلتها للمركز الرئيسى وقلت فيها :-

طلب الرحمة من غير الاله مذلة --فارحم بنا يا فاطر السموات_
فرجا قريبا من لدنك نريده --نرنو لفجر يكشف الظلمات_
فرعا عزيزا نلتمس لنموه --بالجد فى التحصيل والمبيعات_
ليكون من دون الفروع مميزا --ويجود بالثمرات والخيرات_
الكل يبذل جهده بأمانة --نخطو خطانا بحرص وثبات_
لا كننا وفى غفلة من أمرنا --طوقنا بطوق من الالتزامات_
سرب البواخر بالخليج تقاطرت --وتزامنت من دون ترتيب ولا ميقات_
جاءت الينا دون سابق علمنا --وتحتاج للتعقيب والتخليص والمستندات_
والدائنون ضجيجهم ملأ السماء --لا تجدى معهم أطيب الكلمات_
والأمر أصبح واقعا يا اخوتى --لا وقت للهمزات واللمزات_
مناديبنا كل توجه قبلة --سعيا وراء الدفعات والشيكات_
والمركز الرئيسى لا يحرك ساكنا --سوى النعيق بالتلفون والفاكسات_
لا يدلى أبدا فى الحلول بسهمه --ويزج بنا فى لجة الورطات_
وتجده فى كل الأمور مراوغا --همه الوحيد أن يقطف الثمرات_
شدوا الحزام جميعكم يا اخوتى--وأنسوا الصغائر وأرفعوا الهامات_
فى وقت وجيز نريد حسم امورنا --حتى نحقق أنبل الغايات_

*******------********
تقبلوا تحياتى ،،،
عثمان النفر

النفر
V.i.P
V.i.P

احترام قوانين المنتدى : 100

عدد المساهمات : 3225
نقاط : 20507
تاريخ التسجيل : 08/06/2010

الرجوع الى أعلى الصفحة اذهب الى الأسفل

رد: جــــــــــــــــرف روكــــــــــــــــة

مُساهمة من طرف م بروي في الأربعاء 11 أغسطس 2010, 7:02 pm

ابو مازن كتب:ود الخالة السلام عليكم ورحمة الله تعالى وبركاته
وربنا يعوضك
والبركة فينا وفيك فى الخال حامد سليمان
ود خالتك / بدر الدين تاج السر

يافرحتي بابن الخاله الحبيب البدور
سلام وتحايا وشوق
والبركة فيكم في وفات الخال والله مزق نياط القلوب
فنحن يعز علينا فراقه رغم تقدمه في السن
ما تتخيل فرحتي وأنا اتحدث معك ومع عادل هنا
تحياتي لأخوانك عموم خاصة(أبا صوف)

م بروي
كبار الشخصيات
كبار الشخصيات

احترام قوانين المنتدى : 100

عدد المساهمات : 2592
نقاط : 19032
تاريخ التسجيل : 24/04/2010

الرجوع الى أعلى الصفحة اذهب الى الأسفل

رد: جــــــــــــــــرف روكــــــــــــــــة

مُساهمة من طرف م بروي في الأربعاء 11 أغسطس 2010, 7:13 pm

صديق عبدالله علي أبوحنة كتب:يا أخوانا ود بروى غتس
ما أظنو من الناس دَقَس
جرفو المفرهد إتلحس
لوباهو بالحيل إتهرس
لى جرفو ما بادر حرس
ساقيتو قَطَّعت الللس
طَقَّ الكواريك للمحس
ولى حدي( عوناب ود خَفَس)
وكل زول هميم جرى واتمَرَس
وما فينا واحداً إتفَدس
يا أخوانا شوفوهو وين هو بس
مالو الحمود ياناس خَنَس
وين الحمود ياناس طمس
تدفع غرامة شوال عدس
وكيسين خضار جرجير وخَس
حق اللبيب الفيك هَمَس
وتَرَد التًـرَد للنار مَـعَس
جرفك مفرهد ماهو دَس
بيعوهو دُقولو الجَرس
أوعك يكون عيان هو بس
أو من زويل هنا إتمغس
ياخوانا شوفوا لى فرس
اركب أحصلو في التَرَس
بي جاي هو سلمان ليك حَرَس
وود أختى ود ناس ود كَلَس
بي كلامو بالحيل لى غَمَس
جاب سيرة الغِنَا والفلس
النضم للهندسه..وبس
المخيخ زهجان قام خنس
خفت أنوم ألقاهو هلوس
وخفت أصحى ألقاهو اتلحس
لا تشد ياصاحبي الفرس
ولا تحوم بي جيهة الترس
أمشي داك البنك أب ككس
ورسل البي يحاحي الفلس
واللا سافر بلد المحس
وجيبلو عجوه تفك المغس
شوقي ليبلدي ولاهو دس
ماغريب تسمع بي خفس
وما عجيب تلقاني عرس
في النفق لو بان القبس
جايي ليك لو فات النحس

م بروي
كبار الشخصيات
كبار الشخصيات

احترام قوانين المنتدى : 100

عدد المساهمات : 2592
نقاط : 19032
تاريخ التسجيل : 24/04/2010

الرجوع الى أعلى الصفحة اذهب الى الأسفل

رد: جــــــــــــــــرف روكــــــــــــــــة

مُساهمة من طرف م بروي في الأربعاء 11 أغسطس 2010, 7:22 pm

خالد عابدين كتب:مالك يالطيب جبت حار النفس
ومن دربك الدغري اتعكس
زعلت خيلانك وجبت المغس
صديق يفتش وطالع الترس
ودبروي قالوا لوباهو اتهرس
والناس تعاين وحابسي النفس



السلام للريس الكلس
العسل في فطير مغمس
العشم في زيادة الحرس
والنضم لو خشن اتحبس
سيب بخور الباطن أملس
شفنا لو الواحد دقس
مابتنفع تاني الجرس

م بروي
كبار الشخصيات
كبار الشخصيات

احترام قوانين المنتدى : 100

عدد المساهمات : 2592
نقاط : 19032
تاريخ التسجيل : 24/04/2010

الرجوع الى أعلى الصفحة اذهب الى الأسفل

رد: جــــــــــــــــرف روكــــــــــــــــة

مُساهمة من طرف م بروي في الأربعاء 11 أغسطس 2010, 7:36 pm

سلمان عقيد النعوفابى كتب:يالرشيد والصدوق وخالد:

الحمود بالحيل لوباهو اتهرس

بعد ماكان سلكو لاوى وعودو املس

ورقو صفر وكنكش ويبس

ما مهم ياخوانى الحرس

البحر حمر ودنا يكبس

نحنا جاهزين نسد ونحبس
بس حمود يظهر ويبقالو حس
أخوك ياسلمان انتكس
والفرح داك كلو اتعكس
جرفو ياريت لو اتهرس
والبحر خماهو اتكنس
وبلعو زي اللنشي الغطس
زرعو بامية اتقلبت عدس
وزرعو عونكوليب جاهو خس

م بروي
كبار الشخصيات
كبار الشخصيات

احترام قوانين المنتدى : 100

عدد المساهمات : 2592
نقاط : 19032
تاريخ التسجيل : 24/04/2010

الرجوع الى أعلى الصفحة اذهب الى الأسفل

رد: جــــــــــــــــرف روكــــــــــــــــة

مُساهمة من طرف م بروي في الأربعاء 11 أغسطس 2010, 7:46 pm

حازم كتب:والله بقيت اشفق عليك ياقامه بلادي الرائعه .. عاوز ترضي الناس وربنا يحفظك لينا . ( وكمان شايفك من التعب بقيت تلزق ) حسيت زي العرق يتصبب من جبينك الذي طالما احببه الكثير من ابناء بلدي ) شفت كيف انت كاتل الناس دي ؟ المحلي والمندلي والسادر وكلهم جمعتهم ؟ دا للبرجوب ماحصل ؟ لك الود لكن عندي ليك نكته قبل ما امشي واحد من الشوايقه رش صفحه البيت بوهيه والصفحه التاني كتب فيها( يعني مارشاها) زي الصفحه االاولي ... الظاهر عليهو شايقي نجيض ... والسلام حازم

قر قر قر قر
مشتاقوووووووووووووووووووووووووووووووووووووون
لا زلت أيها الجميل تزرع الفرح في قلوب الناس؟؟؟؟؟؟؟؟؟؟؟؟؟؟؟؟؟؟؟؟

م بروي
كبار الشخصيات
كبار الشخصيات

احترام قوانين المنتدى : 100

عدد المساهمات : 2592
نقاط : 19032
تاريخ التسجيل : 24/04/2010

الرجوع الى أعلى الصفحة اذهب الى الأسفل

رد: جــــــــــــــــرف روكــــــــــــــــة

مُساهمة من طرف ابو مصطفى في الأربعاء 11 أغسطس 2010, 9:26 pm

معليش يا خالى والله انا ما قصدى ازعلكم بل قصدى انال اعجابكم وكل سنةوانتم طيبين ورمضان كريم
ويا خالى محمد انا الدورة دى والله داير اشكيلك خالى صديق ودابحنة ومعاه خالى هاشم الجزولى والمدير خالد عابدين خلو لى بقدر عليه تب ؟؟؟؟
خالد بقدر عليه ؟؟؟
والمشكلة انو الناس ديل كل ما نجى فى ملم او باشى او سماية فى جيهة الصعيدية او سور يخلو اى حاجة ويختو شوفهم فى المراة الغريبة ؟؟ اسع يا خالى محمد ودبرورى المراة الغريبة مالها وعلى بالطلاق ما جاءوا عند اهلها وشافوها كيف ؟؟؟
وبالذات ودابحنة دا لسانو طويل وكل دقيقة المراة الغريبة وهو ما هو عارف انو المراة دى الله يكرمك ؟؟ درست مع ود اخته فى الجامعة براها خمس سنين ؟؟؟ وبعد داك اربع سنين حتى وقع الزواج والحمد لله وبعدين المراة ماها غريبة بعيدة من ناس الشريك ال الاسد التجانى وحاج فرح التجانى ؟؟؟ دحين يا خالى محمد النضم دا كيفنو ؟؟؟ وعلى بالطلاق الناس ديل يزيدوا فى الكلام دا او ينقصوا فيه بعد شكيتى دى ليك ؟؟؟ انا تانى احتمال ابقى زول عكاز ؟؟؟
وعلى كل حال ترانى قد بلغت ؟؟؟
ولا تخلى اسوى سوات بلال عفن وبلال كعب وهو من ناس الجابيقة ببونى وزل عصاة ؟؟؟؟


تحياتى
ابو مصطفى
القاهرة

ابو مصطفى
اداري
اداري

الأوسمة مــــــــــــــالي

احترام قوانين المنتدى : 100

عدد المساهمات : 2518
نقاط : 18309
تاريخ التسجيل : 22/06/2010
العمر : 44

الرجوع الى أعلى الصفحة اذهب الى الأسفل

رد: جــــــــــــــــرف روكــــــــــــــــة

مُساهمة من طرف صديق عبدالله علي أبوحنة في الخميس 12 أغسطس 2010, 5:42 am

ود أختى الطيب أبو مصطفى.. والله عاد إنت ماك زولاً ساهل تب.. لكن أنا وهاشم وخالد.. متعنصرين لى مناصيرنا ساكت.. لكن والله ماعندك عوجي تب.. وكلمتك قلت ليك ناس الشريك من أحسن واجدع وابرك وأكثر ديناً وحضارة من باقي الرباطاب التانيين. وعاشرتهم عن قرب.. وإفتكرواحد تاني من أعضاء المنبر شاركنى هذا الرأى وقالك ديل أجدع ناس.. وفيهم روح المدنية أكثر من الناس التانيين.
خلاص تاني أنا وخالد وهاشم. أصلنا ما قلنا شئ لكن والله نحن التلاتة نشجع الناس يجيبوا من برة المناصير. وده شئ رائع إنت في شنو يا أبو مصطفى.. أنا ود أختى شقيقتي طوالي متزوج من ناس الشريك.. والبت الإتزوجا تموت في حاجي إسمها مناصير، وكل مرة تجي هناك.. ود أختى إسمو عمر خير الله ابوهو من ناس شرري.. وأمو أختى ومتزوج من ناس الشريك، إنت ناس الشريك ديل مسوين لينا عود ود هندي والله شنو؟
قلت ليك يا ود أختى..
ياخي عيلك الله سلم لى على الباشمهندس محمد عثمان ساعد.. قضيت معاهم أحلى الأيام هو ووليداتو في كوستي إفتكر هو متزوج من ناس أوس برضو أنا وولادي مرة مشينا لى بت خالتي متزوجنها في أوس دي بت خالتي طوالي الروح بالروح زوجة عثمان على الأمين.. ياخي ناس دماج وأوس شنو حكايتهم معانا.. هسه بت خالتي دي لمان تجينا لافوق مسمنها مرة الجزاير.. هسه خلت الجزاير ورحلت على العاصمة
.......................
إفتكر مرة أنا وولادي زرنا اولاد قريبك مهندس محمد عثمان ساعد في اوس كانوا في إجازة.. بعدين سألتك يا الطيب قلت ليك بت سليمان عايشي أطال الله في عمرها والله الكبر حصل.. بت سليمان دي قريبة ساعد ذاتو وهو الوصانا عليهالمان جينا دماج.. معناهو بت سليمان قريبتك؟
...................
يازول ود بروي ده شاعر وما تشتكينا عليهو. وخايفين أنا وهاشم وخالد من النبيشي بالشعر..
تسلم يا الطيب.. أها الخمسي فوق اللتنين..

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31695
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: جــــــــــــــــرف روكــــــــــــــــة

مُساهمة من طرف ابو مصطفى في الجمعة 13 أغسطس 2010, 4:15 am

ودبروى محمد ؟؟؟؟؟ هوى يا لبيب ؟؟؟؟؟ سوى النم ودوما تسوى النم ؟؟؟؟
خلو غناك وشعرك ؟؟؟؟ الجرف فيه مشكلة ؟؟ والعوة واقفة جلد ؟؟؟؟ دحين شوف المشكلة قبل ما تصل لى محكمة عثمان وداحمد ؟؟؟؟؟ وربما نستاف الى المحكمة العليا فى ابحمد ؟؟؟؟
يالبيب شوف لى مشكلتى انا ابو مصطفى المعروف بى العوضابى ؟؟؟؟
والشكية لغير الله مذلة وبعدين مانى بعيد منك تب ان قلت لى تعال فى الرياض هسع اركب وارفع العرضحال حقى لكن مانى ضايق تب راجيك و ترانى قاعد ؟؟؟؟


ابو مصطفى

القاهرة
مصر

ابو مصطفى
اداري
اداري

الأوسمة مــــــــــــــالي

احترام قوانين المنتدى : 100

عدد المساهمات : 2518
نقاط : 18309
تاريخ التسجيل : 22/06/2010
العمر : 44

الرجوع الى أعلى الصفحة اذهب الى الأسفل

رد: جــــــــــــــــرف روكــــــــــــــــة

مُساهمة من طرف م بروي في الجمعة 13 أغسطس 2010, 7:51 am

مرافعة نيابة عن الزعماء حازم وصديق
بعد رفض شكوى الزعيم العوضابي لعدم
مروقه للنصيحي:
مرافعة
ـــ
السلام للطيب الكيك
العرس بس تقع الشريك
السعد ياداب يباريك
والحزن يختاك مابيجيك
أكيد تزيل الهم العليك
وما بيجي اليوم الببكيك
النضم موزون ما ركيك
و الرجول ماهن مساويك
معاها مابتسمع كواريك
و بالمشاوير ما بتزازيك
ما بتكمدك بالمفاريك
وفي المحاكم ما بتشتكيك
المغيرب شايا بالكيك
والعشى تحمرلك الديك
والقراريص السمحي ديك
وبرضي يامنصورية طاريك
ـــــــــ
المجمر ضهب السبيك
التعرف البيك والعليك
ياهو ده الجنبك ومشتهيك
الضهب داير جهاز ليك
والدباس دايرلو شريك
والحرير بالخبره فرتيك
والقروش من البنك شيك
وفي النهاية السيك كلو سيك
ياربي عافي تجينا وتجيك

م بروي
كبار الشخصيات
كبار الشخصيات

احترام قوانين المنتدى : 100

عدد المساهمات : 2592
نقاط : 19032
تاريخ التسجيل : 24/04/2010

الرجوع الى أعلى الصفحة اذهب الى الأسفل

رد: جــــــــــــــــرف روكــــــــــــــــة

مُساهمة من طرف حازم في الجمعة 13 أغسطس 2010, 3:57 pm

السلام للطيب الكيك
العرس بس تقع الشريك

رايع ياقامة بلادي والله ابو الطيب المفروض من الفرح يقول مافي داعي للعمليه . بعدين نحنا كنا دايرنك تدوا حميطات تقوم تساعدوا علينا ولوكان بديت بالابيات اعلاه كنت انصفتنا ؟ لكن مافي مشكله جمال الابيات الذي جعلنا نرضي ولك ودي ولكل الاخوان ورمضان كريم......حازم

حازم
V.i.P
V.i.P

احترام قوانين المنتدى : 100

عدد المساهمات : 862
نقاط : 14114
تاريخ التسجيل : 19/07/2010

الرجوع الى أعلى الصفحة اذهب الى الأسفل

رد: جــــــــــــــــرف روكــــــــــــــــة

مُساهمة من طرف صديق عبدالله علي أبوحنة في الجمعة 13 أغسطس 2010, 8:22 pm

ابو مصطفى.. حقو تطير من الفرحة، شايف الهمز واللمز بتاعنا أنا وهاشم وحازم وخالد وود مصطفى بشير، ومعانا ود شيخنا شرف الدين الفقرة..وود اللفندي وعايز اجرمعانا سلمان
............. وغيرو وغيرو
شايف الحكاية إستلت ليك قصيدة استلالا من الشاعر ود بروي كيف.. ما عليك إلا تديها عادل السيد بي شرايتا وضبانتا كدة طوالي، وكدة تكون إنت يا ابو مصطفى قبضت ليك دبسي من بحير الحارة ونحن طلعنا بخفي حنين... والقصيدة احسن تديها الفنان صعيل.. أحسن ليك لأنو فنان جزائر.. أو عادل السيد على كيفك عاد.. وكده قلنا الرووووب.

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31695
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: جــــــــــــــــرف روكــــــــــــــــة

مُساهمة من طرف ابو مصطفى في السبت 14 أغسطس 2010, 3:21 am

انا خالى مبسوط منو تب والله مبسوط منو تب ؟؟؟ خلاص انا تانى مانى داير حاجة بس الله يوقف والله يحبس الخاتى ؟؟؟ دحين انتو يا هاشم وخالى صديق بى تسكتو والله عندكم كلام ؟؟؟؟ شفتو اللبيب قال كيف وديل الناس البعرفوا النضم ؟؟؟؟؟
غايتو اللبيب انا من الرفحة داير اطير حتى المرض نسيتو ونسيت حبوبى ودواى ؟؟ وبقيت اوزع فى الجنيهات المصرية سا كت يبقى حق التذكرة ما خليتو ؟؟؟؟ وعلى الحلف كان انا بقيت فى ام درمان على طول سوف اذبح خروف فى ديوانى للغاشى والماشى بسطة من الله ومن خالى محمد ودبروى ؟؟ تعيش يا خالى اصلى جيتك مظلوم وفشيت غبينتى ؟؟؟؟
وتانى انا ما نى ساعل فى زول ومانى زول مشاكل ومانى قاعد افتش لها ؟؟؟؟


تحياتى ليك ياخال ؟؟؟
وتسلم تسلم والله تسلم ؟؟؟
ابو مصطفى العوضابى ؟؟؟؟
القاهرة

ابو مصطفى
اداري
اداري

الأوسمة مــــــــــــــالي

احترام قوانين المنتدى : 100

عدد المساهمات : 2518
نقاط : 18309
تاريخ التسجيل : 22/06/2010
العمر : 44

الرجوع الى أعلى الصفحة اذهب الى الأسفل

رد: جــــــــــــــــرف روكــــــــــــــــة

مُساهمة من طرف نورالهادى في السبت 14 أغسطس 2010, 6:07 am

اخونا ودبروى صاحب الجرف المورق سلام ورمضان كريم ويظهر اننا سنكون من المشاهدين لانه لا سلوكة بعد سلوكة النفر وصديق عبدالله متعهم الله بالصحة والعافية .

نورالهادى
V.i.P
V.i.P

احترام قوانين المنتدى : 100

عدد المساهمات : 4904
نقاط : 26508
تاريخ التسجيل : 11/05/2010

الرجوع الى أعلى الصفحة اذهب الى الأسفل

رد: جــــــــــــــــرف روكــــــــــــــــة

مُساهمة من طرف خالد عابدين في السبت 14 أغسطس 2010, 6:15 am

ابو مصطفى كتب:
بعدين انت خلاص خليتك وخلاص الخمسة فوق الاثنين ؟؟؟ لكن هاشم وخالد ما قالوا حاجة حتى الان طالقين لسانهم ؟؟؟؟ نشوف اللبيب يقول فيهم شنو ؟؟

والله يالطيب خالك جيهك جيه صاح ماشاء الله
بس حازم قال لك السيك وسيك دي شنو ؟

اما الاقتباس اعلاه الذي تساْلت فيه - وذكرتني والاخ هاشم طالقين لسناتنا فيك
ياخوي انا ماسليت لساني لسع - ندودر فيك ساااكت النشوف اخرتك شنو ؟
تقوم تشتكينا لي خالك محمد بروي ؟
أفو عليك !
النقوم عاد نجاري رائعة الاستاذ محمد بروي ونعكسها نشوفا تطلع كيف ؟
بس ماتزعل يا ابومصطفى
الحكاية هظار ومظارفا
والحريم اريتن بالهفا
إن دار يبقن سبب الجفا
******
قصيدتي جاهزه إن وافقت ازرعا في الجرف ده اماني مابزرعا زرعة صاح
بس اضرع القطعي تمام وخلي لينا محلنا النجيب الطورية ونجي
*****
بالمناسبة أين خواطر استاذنا فتح الرحمن محمد الحسن عون الله التي وعدنا بها ؟
على العموم مازلنا ننتظرك وننتظر خواطرك





[ندعوك للتسجيل في المنتدى أو التعريف بنفسك لمعاينة هذه الصورة]

أنت الزائر رقم [ندعوك للتسجيل في المنتدى أو التعريف بنفسك لمعاينة هذه الصورة]لمواضيعي

[ندعوك للتسجيل في المنتدى أو التعريف بنفسك لمعاينة هذه الصورة]

خالد عابدين
Admin
Admin

احترام قوانين المنتدى : 100

عدد المساهمات : 2561
نقاط : 19038
تاريخ التسجيل : 22/03/2010

الرجوع الى أعلى الصفحة اذهب الى الأسفل

رد: جــــــــــــــــرف روكــــــــــــــــة

مُساهمة من طرف الرشيد طه في السبت 14 أغسطس 2010, 6:21 am

نورالهادى كتب:اخونا ودبروى صاحب الجرف المورق سلام ورمضان كريم ويظهر اننا سنكون من المشاهدين لانه لا سلوكة بعد سلوكة النفر وصديق عبدالله متعهم الله بالصحة والعافية .
الاخ ود بروى رمضان كريم والله انا زى ما قال اخوى الهادى من المتفرجين .
الاخ الهادى رمضان كريم والبركة فيكم وما حكيت لينا عن رمضان فى هولندا .
ودى فرصة اهنى الجميع برمضان ويعيده الله علينا وعلى الجميع بخير خاصة الاهل الكرام والسنة الجاية نكون على احسن حال.
انا اسف جدا كان عندى مشكلة فى النت عشان كده استغليت الفرصة من العائدين ان شاء الله




لأنـنـا نـتـقن الصــــمت حمــلونا وزر النـــوايا

الرشيد طه
اداري
اداري

الأوسمة مشرف المنتدى السياسي
مشرف منتدى الصحافة

احترام قوانين المنتدى : 100

عدد المساهمات : 2625
نقاط : 18881
تاريخ التسجيل : 15/04/2010

الرجوع الى أعلى الصفحة اذهب الى الأسفل

رد: جــــــــــــــــرف روكــــــــــــــــة

مُساهمة من طرف حازم في السبت 14 أغسطس 2010, 6:38 am

عليك الله ياخالد قول القصيده .. طبعا القامه بروي وراني السيك كلو سيك برساله خاصه والله من الضحك نامن جاتني عشراقه .. المراء ووليداتها نامن شفقوا؟؟؟
اما أخوي صديق ابوحنه جابلوا وراري سوا مباصرته ديك ؟؟؟ وخلاني في وش المدفع؟ وتعال ازرعها في بكان صديق اصلو بقالي من جا فيها شعر ضرب المحس ؟؟ ذكرتني قصة المحس دي ؟؟ عندما سقط صلاح كرار في الانتخابات واحد منصوري قال للرباطابي : اها زولكم وينو صلاح ؟رد الرباطابي قالو صلاح كرار راح الدهب؟ وتحياتي للاخ صديق والقامه محمدبروي وابومصطفي وتحياتي ليك ياخالد نامن تقول القصيده..00 حازم[center]

حازم
V.i.P
V.i.P

احترام قوانين المنتدى : 100

عدد المساهمات : 862
نقاط : 14114
تاريخ التسجيل : 19/07/2010

الرجوع الى أعلى الصفحة اذهب الى الأسفل

رد: جــــــــــــــــرف روكــــــــــــــــة

مُساهمة من طرف م بروي في السبت 14 أغسطس 2010, 6:42 am

صديق عبدالله علي أبوحنة كتب: ابو مصطفى.. حقو تطير من الفرحة، شايف الهمز واللمز بتاعنا أنا وهاشم وحازم وخالد وود مصطفى بشير، ومعانا ود شيخنا شرف الدين الفقرة..وود اللفندي وعايز اجرمعانا سلمان
............. وغيرو وغيرو
شايف الحكاية إستلت ليك قصيدة استلالا من الشاعر ود بروي كيف.. ما عليك إلا تديها عادل السيد بي شرايتا وضبانتا كدة طوالي، وكدة تكون إنت يا ابو مصطفى قبضت ليك دبسي من بحير الحارة ونحن طلعنا بخفي حنين... والقصيدة احسن تديها الفنان صعيل.. أحسن ليك لأنو فنان جزائر.. أو عادل السيد على كيفك عاد.. وكده قلنا الرووووب.
والله قصيدتك الموزونة ورصينة الفوق ديك
تأكد شمولية الفن عندك فالحكاية أتاريها ما رسم وفن بس
والله موزونة وزنه لامن توزن الدماغ...خطير ياهندسه

م بروي
كبار الشخصيات
كبار الشخصيات

احترام قوانين المنتدى : 100

عدد المساهمات : 2592
نقاط : 19032
تاريخ التسجيل : 24/04/2010

الرجوع الى أعلى الصفحة اذهب الى الأسفل

صفحة 2 من اصل 15 الصفحة السابقة  1, 2, 3 ... 8 ... 15  الصفحة التالية

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى