المناصير بلدي
الزائر الكريم مرحبا بك في منتدى المناصير بلدي
ان لم تكن مسجلا فيرجى الضغط على زر التسجيل وملء بياناتك لقبول عضويتك

جــــــــــــــــرف روكــــــــــــــــة

صفحة 4 من اصل 15 الصفحة السابقة  1, 2, 3, 4, 5 ... 9 ... 15  الصفحة التالية

استعرض الموضوع السابق استعرض الموضوع التالي اذهب الى الأسفل

جــــــــــــــــرف روكــــــــــــــــة

مُساهمة من طرف م بروي في السبت 31 يوليو 2010, 4:03 am

تذكير بمساهمة فاتح الموضوع :

لأني أتهوب فتح بوست جديد ويبقالي زي الزول الماسك المويه...مويه شنو؟؟ المويه ممكن الواحد يقرنها ويزوغ..أو زي الواحد الشرك جباتو وكل مره دا يشوفها قبضت واللا لا..
لذلك نستأذن ريسنا الرايع بأن يكون هذا البوست (جرف روكه) حق الناس كلها وكل زول تخطر بباله خاطرة يجي يدق سلوكتو في الجرف دا وما ملزمين بالرد..وتانياً في خواطر صغويري ما تستحق يفتحوا ليها بوست براها أها دي محلها جرفنا ده.
الخاطره الأولى من أخوكم..
لو إنت منصوري ..تقرأ هنا وتمرق وتتمتع بوظيفه عاليه أو مقاماً رفيعاً وحاسي إنك أكبر من أن الدخول هنا والمشاركة معنا ..فمعليش نقولك يا صاحبنا غلطان..فنحن أهل وكلنا في الهم و الآمال شرق.
خاطرة تانية/:
لاقيت صاحباً لي منصوري جايي عمره من السودان ...قال لي والله نحنا المعرسين من برا المناصير ديل تعبانين خلاص..قلت ليهو:ويعني نحنا المرتاحين؟؟؟ نحنا بس فايتنكم باربعه حاجات:
1ـالصبر
2:عشان عين تكرم ألف عين.
3:مرتاحين من قصة(أهل الراجل وأهل المرا) لأنهم واحد.
4:لما الباب يدق ويجوا الضيفان ... نحنا مرتاحين من تعارف الضيوف الجداد مع القاعدين جوه
ما طوالي تقع المقالده وبعدها الخزان واللجنة والبحر شرد وأزيار بغجور و البقوعي مرق وموقع خالد ونضم سلمان البعجب وجارو ابو حنه السردو جميل وحازم ده منو؟ ولو إنت مرهق ممكن تديها نومه وهم براهم بجيبوا أكلن وشرابن

.ونواصل

م بروي
كبار الشخصيات
كبار الشخصيات

احترام قوانين المنتدى : 100

عدد المساهمات : 2592
نقاط : 19032
تاريخ التسجيل : 24/04/2010

الرجوع الى أعلى الصفحة اذهب الى الأسفل


رد: جــــــــــــــــرف روكــــــــــــــــة

مُساهمة من طرف حازم في الأربعاء 29 ديسمبر 2010, 6:05 pm

سلام القامه بروي
كلماتك طاعمي ياقول اخونا صديق ابحنه
لكن انشاء الله تكون الموجوده معاك ؟؟؟؟؟
ومادايرين نسمع منك كما سمعنا من الاستاذ ابوآمنه حامد حينما سأل عن قصائده الاول في معشوقته ولقد شاخ وشاخت تلك الروح الثائره وذلك الشباب الغض فقال محدثه كيف بك الان يااستاذ وكيف تصيغ لنا تلك القصيده الرائعه ؟؟؟؟ ليتي لم اسمعه ؟ فقد جعلني اتخوف من العمر وتقدمه والسنين وماتفعله ؟

وانشاء الله تكون حبال دكيله ودا يربطكما ولقد كنت بحرا ( وليس قليله) نهلنا من معينه نحن الذين تبعدنا الاميال عن مولدكم ولقوة كلماتك فقد شقت طريقها الينا منها مااتخذناه شعارا نعتز ونفتخر ومنها حديثا عذبا راغ الحسان فكان علي هدي المصطفي تكاثرا للاجيال وفق منهجه , كلماتك واشعارك كانت ناصعه نظيفه تحكي عظمه انسان حباه الله فأحبه اهله وزرع الحب فيهم والتآخي والموده وكل المعاني التي تدعوا الي القيم النبيله لاانكر ان الساحه افتقدتك وعشنا بعدها عصر اللاتوازن بين (تعال منسلي وماتندلي ) لونك زي احمر شفايف وكمان ابوك صاري المصارف ) هيك عم يحكو ويسولفو شعراء الديره اليوم)
لك ودي وكل اعجابي وربنا يحفظك

حازم
V.i.P
V.i.P

عدد المساهمات : 862
تاريخ التسجيل : 19/07/2010

الرجوع الى أعلى الصفحة اذهب الى الأسفل

رد: جــــــــــــــــرف روكــــــــــــــــة

مُساهمة من طرف م بروي في السبت 01 يناير 2011, 8:12 pm

حازم كتب:سلام القامه بروي
كلماتك طاعمي ياقول اخونا صديق ابحنه
لكن انشاء الله تكون الموجوده معاك ؟؟؟؟؟
ومادايرين نسمع منك كما سمعنا من الاستاذ ابوآمنه حامد حينما سأل عن قصائده الاول في معشوقته ولقد شاخ وشاخت تلك الروح الثائره وذلك الشباب الغض فقال محدثه كيف بك الان يااستاذ وكيف تصيغ لنا تلك القصيده الرائعه ؟؟؟؟ ليتي لم اسمعه ؟ فقد جعلني اتخوف من العمر وتقدمه والسنين وماتفعله ؟

وانشاء الله تكون حبال دكيله ودا يربطكما ولقد كنت بحرا ( وليس قليله) نهلنا من معينه نحن الذين تبعدنا الاميال عن مولدكم ولقوة كلماتك فقد شقت طريقها الينا منها مااتخذناه شعارا نعتز ونفتخر ومنها حديثا عذبا راغ الحسان فكان علي هدي المصطفي تكاثرا للاجيال وفق منهجه , كلماتك واشعارك كانت ناصعه نظيفه تحكي عظمه انسان حباه الله فأحبه اهله وزرع الحب فيهم والتآخي والموده وكل المعاني التي تدعوا الي القيم النبيله لاانكر ان الساحه افتقدتك وعشنا بعدها عصر اللاتوازن بين (تعال منسلي وماتندلي ) لونك زي احمر شفايف وكمان ابوك صاري المصارف ) هيك عم يحكو ويسولفو شعراء الديره اليوم)
لك ودي وكل اعجابي وربنا يحفظك
ــــــــــــــــــــــــــــــــــــــــــــــــ
معرفة قدر الرجال فضيلة
لذا تدثرنا بها في إعجاب وزهو
عرفنا قدرك فقدرناك
وأحببنا ما تكتب فحبيناك
فقط نمني النفس بالتلاقي والونسة
وما ذلك على الله بعزيز
الموجوده معاي ؟؟ طبعاً لا يازعيم.
يازول ده كلام شفع ساكت
الوكت داك الشنب ما قام
بس شلاقة وشقاوة عوين وحب ظهور.
وبعدين الواحد مع أهلو يتكلم بكل صراحة
فسبق أن سألوني قبل كده في موقع تاني
عن أول قصيدة فذكرت واحدة تانية..
شكراً الحازم الرقيق على كلمات وضيئة
ما تشبه إلا من جاد بها وأسعد الأنفس.

م بروي
كبار الشخصيات
كبار الشخصيات

احترام قوانين المنتدى : 100

عدد المساهمات : 2592
نقاط : 19032
تاريخ التسجيل : 24/04/2010

الرجوع الى أعلى الصفحة اذهب الى الأسفل

رد: جــــــــــــــــرف روكــــــــــــــــة

مُساهمة من طرف عبد الحليم كباشي في الثلاثاء 18 يناير 2011, 3:03 am


القامة بروي لك التحية
الليلي انا جايب سلوكتي وجاييكم بي حكاية من الزمن الجميل والحقيقة انا كنت داير انزلا في بوست الشعراء ولكن لانو يدايتا كانت في الجرف ولما فيها من الطرفة فضلت اجيبا علي جرفكن العامر ده.
كان في بنيات من حلة النوبة يزرعن في خوي السواراب ( يمتلي في الدميرة ثم يجف تماما بعد نزول البحر) وكان فيهو باقي تريعات لسع ما جفت وجاء واغ ( طائر ) يتحاوم فيها وطوالي قامت واحدة ناشتو ليك وتكالبت عليه البقية وامسكن به وظبطوبو حلة مدنكلة والشمار وصل الشاعر علي ود كباشي حاااار وطوالي قال:
السعالي اتلمن كتار
بي شدوقه وجرف ابسوار
كل واحدي معاها منقار
مابيخلن طير ولا فار
قايدي راسن بت ود نوار
باقي نيشانة يشيل ضرار
ضاربه تحت الضلع القصار
وبت سليمان سمد البدار
جابت البصلة مع الشمار
وجابت السكين للعفار
فاطني قالت لينا دبار
دي نعمة جابا الله بلا خسار
بت حسين طباخة العمد
باركي عند الحلة تلهد
قالت الباب سدنو سد
زول كوينا ان جا بلا غرد
ما بضوقو ان قام وان قعد
وجات مديني عقاب الكبار
قالت اكلن دوبنو حار
اللحم في العيمي يندار
وظلمن الجنون الصغار
***********
شدوقة اسم منطقة



عبد الحليم كباشي
عضو فعال
عضو فعال

احترام قوانين المنتدى : 100

عدد المساهمات : 111
نقاط : 11230
تاريخ التسجيل : 13/12/2010

الرجوع الى أعلى الصفحة اذهب الى الأسفل

رد: جــــــــــــــــرف روكــــــــــــــــة

مُساهمة من طرف م بروي في الثلاثاء 18 يناير 2011, 4:57 pm

رحم الله شاعرنا علي كباشي
ديل الناس البجملوا الحياه بالنضم السمح
شكرا ليك يا عبد الحليم
فمثلك ينور بوجوده الجرف ويزدهر
قصيدتك في غاية السماحة
وموزونة وزنة شاعراً متمكن
بالله شوف
ضاربه تحت الضلع القصار
بت سليمان سمد البدار
باركي عند الحله تلهد
قالن أكلن دوبنو حار
ياسلام عليكم
وأهديك هنا رائعة شاعرنا الكبير
إبراهيم الشاعر في صاحبو محمد خير من قرية
أب حدره بجزيرة سور(راجل تمام) بعد ما كتل الثعلب.

شوفو الحجي والوكره
بوليس متوجه أم حدره
شايل السونكي وأب عشره
البلاغ مفتوح من الصبره
دايري الخير تقبضو بره
وليداتي الصغار صغره
ولابدين بيقفى العشره
هدم فوقن الجحره
وأنا الجيتكم براي خطره
القاضي العصم نظره
ولقاها موكره ووعره
وقال لابد من سفره
والقاضي المقيم ذكره
وقلب في دفاترو قرى
قال دي قضيي بان أتره
كمير مضروبه فوق ضهرها
ومنفوش بالضرب شعرها
ومحين باللبن شطرها
خوفي يجيك قريب خبرها



_______________

م بروي
كبار الشخصيات
كبار الشخصيات

احترام قوانين المنتدى : 100

عدد المساهمات : 2592
نقاط : 19032
تاريخ التسجيل : 24/04/2010

الرجوع الى أعلى الصفحة اذهب الى الأسفل

رد: جــــــــــــــــرف روكــــــــــــــــة

مُساهمة من طرف م بروي في السبت 22 يناير 2011, 5:07 pm

______________من ___________ إلى
دعاء
___________ من خشمك لي الله
تعلم
______________من المهد إلى اللحد
أعز ديار
___________ من برتي ______ حتى العال
ديلفري
_________ من الباب _____ للباب

استسلام
___________ من إيدك دي لأيدك دي
كتاب
_____________ من الغلاف للغلاف
روتين
___________ من الشغل للبيت
لوصه
_____________ من العبيدية للقمبرات

زمن
____________ من الليلي ليباكر

__________________________
تعويض
_ من إدارة السد لإدارة السد
ذبح
___________ من اللضان للضان
موت
_________من القوة للهوة
صرف
_____________ منكم لله
انتخابات
_________ من الانقاذ للإنقاذ
تقرير مصير
_______ من انفصال للقتال

م بروي
كبار الشخصيات
كبار الشخصيات

احترام قوانين المنتدى : 100

عدد المساهمات : 2592
نقاط : 19032
تاريخ التسجيل : 24/04/2010

الرجوع الى أعلى الصفحة اذهب الى الأسفل

رد: جــــــــــــــــرف روكــــــــــــــــة

مُساهمة من طرف صديق عبدالله علي أبوحنة في الأحد 30 يناير 2011, 5:24 pm

شايف جرفكن مجبد سلوكو.. ولوباهو مسوي النوار الظهري داك..
قوريق طه في جابيقة بوني
مجبد سلكو والناموس ينوني
إن بقت ما فاتت المحمودي غادي
بشارتك يا اللبيب ميتين قلادي
.............
هييييييييييييي يا ناس الجزاير دي شعر منو. أنا ماني عارفو!!!
أوعكن واحد يكضب علينا يقول شعر فلان.. وهو ما عارف؟؟؟

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31695
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: جــــــــــــــــرف روكــــــــــــــــة

مُساهمة من طرف م بروي في الإثنين 31 يناير 2011, 6:53 pm

المهندس صديق
سلام
الجرف كمان قرونو رخسه ما نجضت أقرش ساكت
جفني
,وقرون لوبه
وجرم
وإنت جايي من الرعيي تلقاك نجضت حاره
بالله يا زعيم ما أحسن من أكلنا ده؟؟[b]
لاتكتر الحوامه على أهلي البوناب
ديل هسع يجيك عكاز مضبب
وضربن ما بختى المسيمع قرقرقرقر
أوعه الطيب يجي بي جاي.


عدل سابقا من قبل م بروي في الثلاثاء 01 فبراير 2011, 6:49 pm عدل 2 مرات

م بروي
كبار الشخصيات
كبار الشخصيات

احترام قوانين المنتدى : 100

عدد المساهمات : 2592
نقاط : 19032
تاريخ التسجيل : 24/04/2010

الرجوع الى أعلى الصفحة اذهب الى الأسفل

رد: جــــــــــــــــرف روكــــــــــــــــة

مُساهمة من طرف ابو مصطفى في الثلاثاء 01 فبراير 2011, 3:19 pm

سلام محمد ودبروى وسلام خالى صديق والله انا طولت من الجرف دا ومن زمان كانت عندى مشكلة مع ناس العوناب وناس حازم حجر البيضاء برضو عندهم عود فى الجرف ووقت المشاكل كترت وسيد الجرف كنت مفتكروا حاكومة تحكم بالعدل بقت الحاكومة ( محمدودبروى) حاكومة تقبل الدفسة واللحسة وعين مقمضة وعين فاتحة خليتو الجرف ويا سبحان الله حتى الحاكومة اتغيرت والله انا ما قايل الدنيا دى تغير الناس والقروش والدفسة تغير حتى وكيل النيابة والكتبة الله قادر ؟؟
الشكية لى خالى النفر اياهو العاقل بقى فينا خالى محمد اتغير وخالى صديق بقى نضمو اشتر بالذات عن ناس الجزائر فالان مستنى خالى النفر ينصفنا فى النضم دا والعوجى دى عن ناس بونى وناس الجزائر مالن ؟؟؟ انا فى انتظارك يا خالى النفر تشوف المسعلة دى والنضم دا كيفنو والا على بال......... شايل عكازى ونازل الجرف ؟؟؟؟؟


تحياتى
ابو مصطفى

ابو مصطفى
اداري
اداري

الأوسمة مــــــــــــــالي

احترام قوانين المنتدى : 100

عدد المساهمات : 2518
نقاط : 18309
تاريخ التسجيل : 22/06/2010
العمر : 44

الرجوع الى أعلى الصفحة اذهب الى الأسفل

رد: جــــــــــــــــرف روكــــــــــــــــة

مُساهمة من طرف م بروي في الثلاثاء 01 فبراير 2011, 7:16 pm

مابيتلاقو يا أستاذ
الكرفته و العكاز
الكبريت وبرميل جاز
قيام الليل (وجراً ناز)
الحراش والحجاز
زولاً زين ورأياًشاذ
الباقان والإنقاذ
الإفلاس وعوض الجاز
مويةً جاري فوقها حراز
مابيتلاقو يا أستاذ
ولو إتلاقو واحد فاز

م بروي
كبار الشخصيات
كبار الشخصيات

احترام قوانين المنتدى : 100

عدد المساهمات : 2592
نقاط : 19032
تاريخ التسجيل : 24/04/2010

الرجوع الى أعلى الصفحة اذهب الى الأسفل

رد: جــــــــــــــــرف روكــــــــــــــــة

مُساهمة من طرف الرشيد طه في الأربعاء 02 فبراير 2011, 1:12 am

ابو مصطفى كتب:
الشكية لى خالى النفر اياهو العاقل بقى فينا خالى محمد اتغير وخالى صديق بقى نضمو اشتر بالذات عن ناس الجزائر فالان مستنى خالى النفر ينصفنا فى النضم دا والعوجى دى عن ناس بونى وناس الجزائر مالن ؟؟؟ انا فى انتظارك يا خالى النفر تشوف المسعلة دى والنضم دا كيفنو والا على بال......... شايل عكازى ونازل الجرف ؟؟؟؟؟
الطيب يا اخوى الشكية للبيد القوية الشعراء ديل بالنضم ما بتقدر عليهم وبعدين عندهم ميثاق خفى ما فى واحد بيهبش التانى ما عندك حل غير تشيل عكازك لكن المشكلة عكازك ده الا تشغلوا بالبلوتوث قرقرقر
تحياتى للجميع




لأنـنـا نـتـقن الصــــمت حمــلونا وزر النـــوايا

الرشيد طه
اداري
اداري

الأوسمة مشرف المنتدى السياسي
مشرف منتدى الصحافة

احترام قوانين المنتدى : 100

عدد المساهمات : 2625
نقاط : 18881
تاريخ التسجيل : 15/04/2010

الرجوع الى أعلى الصفحة اذهب الى الأسفل

رد: جــــــــــــــــرف روكــــــــــــــــة

مُساهمة من طرف النفر في الأربعاء 02 فبراير 2011, 7:35 am

الطيب (ابو مصطفى ) لك تحياتى وودى _ شكواك وصلت ولكنك لم تدعمها بلأدلة والبراهين _ وأخوالك ودبروى وصديق ديل قامات سامقة ورموز لها وزنها وثقلها ويربطنا معهم ميثاق شرف وحصانات مكتسبة _كما إننى أرى أن أخوالك لم يقصروا معاك فقد أشادوا بك فى أكثر من بوست ونظموا فيك أجمل القصائد وأصدقها ويبدو من شكواك أنك تتطلع للمزيد من التواصل والحميمية والشفافية _

لك تحياتى وتقبل مرورى ،،،

النفر
V.i.P
V.i.P

احترام قوانين المنتدى : 100

عدد المساهمات : 3225
نقاط : 20507
تاريخ التسجيل : 08/06/2010

الرجوع الى أعلى الصفحة اذهب الى الأسفل

رد: جــــــــــــــــرف روكــــــــــــــــة

مُساهمة من طرف ابو مصطفى في الأربعاء 02 فبراير 2011, 4:34 pm

شكرا الخال النفر وشكرا قامة بلادى ودبروى والاخ الرشيد وكل الجماعة .
انت عارف كلامك فى محلو كلهم اتفقوا على ؟؟؟؟النفر زول النصيحة بقى يتكلم عن الاشادة السابقة والشعر المنظوم وكل شى بى زمنو وكل شى مقابلو شى؟؟ وحقيقة الشعراء ديل عندهم ميثاقف خفى بينهم لكن اكثر شى ضحكنى محمد قال الكرفته والعكاز ما بتلاقو يا استاذ ؟؟؟؟ الكرفته حدها مكتبها بس ؟؟؟ والعصر عراقى بلدى وسروال طويل حدو النديب ؟؟؟ لكن المسالة بقوا الناس ديل بعاد مننا الا اكان نضربهم بى فيروس ؟؟؟
ولاشى نزرعه فى هذا الجرف اليوم غير ان عمنا على طه الدكج نفسه حدثته بالرحيل الى المكابراب ومشى زيارة الى المكابراب وقعد فترة ليست بالقصيرة وجاء راجع الى معسكر الصليعى بشرق القناجرة وقال :-------------
يا نهى الوالد رافقا
الشكية على الخالق
فى المكابراب راح شن لقا
طول اصحابو مفارقا
نفسو فى حوتا يسلقا
الشباب يسن عاجبها
صين مكنة الباص كربها
الرحلة زى السيل جربها
الصليعى خضار نقلبها
الموية بى الله نحاربها
الجروف تانى نتيربها
السعايه معاك نجلبها
صلاة الجمعة نواظبها
فاتحة للميتين نوهبا
خيمة فى خيمة نقربها
من سرايرنا نخاطبها
جنبنا الجبنة نهبهبا
السعيد السمحة يناسبها
للقيامة نخدم بى شبها


تحياتى
ابو مصطفى


ابو مصطفى
اداري
اداري

الأوسمة مــــــــــــــالي

احترام قوانين المنتدى : 100

عدد المساهمات : 2518
نقاط : 18309
تاريخ التسجيل : 22/06/2010
العمر : 44

الرجوع الى أعلى الصفحة اذهب الى الأسفل

رد: جــــــــــــــــرف روكــــــــــــــــة

مُساهمة من طرف م بروي في الإثنين 14 فبراير 2011, 5:32 pm

ابو مصطفى كتب:سلام محمد ودبروى وسلام خالى صديق والله انا طولت من الجرف دا ومن زمان كانت عندى مشكلة مع ناس العوناب وناس حازم حجر البيضاء برضو عندهم عود فى الجرف ووقت المشاكل كترت وسيد الجرف كنت مفتكروا حاكومة تحكم بالعدل بقت الحاكومة ( محمدودبروى) [color=red]حاكومة تقبل الدفسة واللحسةcolor] وعين مقمضة وعين فاتحة خليتو الجرف ويا سبحان الله حتى الحاكومة اتغيرت والله انا ما قايل الدنيا دى تغير الناس والقروش والدفسة تغير حتى وكيل النيابة والكتبة الله قادر ؟؟
الشكية لى خالى النفر اياهو العاقل بقى فينا خالى محمد اتغير وخالى صديق بقى نضمو اشتر بالذات عن ناس الجزائر فالان مستنى خالى النفر ينصفنا فى النضم دا والعوجى دى عن ناس بونى وناس الجزائر مالن ؟؟؟ انا فى انتظارك يا خالى النفر تشوف المسعلة دى والنضم دا كيفنو والا على بال......... شايل عكازى ونازل الجرف ؟؟؟؟؟
______________________________

يالطيب تراك عرفت الدريب
دفسه ولحسه
طيب بعد قبضت ملايينك دي
الحارسو شنو؟؟؟؟؟؟؟؟؟؟؟؟؟؟
واللا زي الحاج شرف لسع ما خلصت من العد
واللا أقولك أقنع من الربع وسلمها الريس
وأبشرك جاياك قصيده غليدي
(عن واحد داقاهو المرا عشان ما ورق الملوخية)
ومن زمان قالوا أجدادنا
أنو ود رقون منع مرتو من الرقيص
في الأعراس لكنها تجرأت ورقصت
وما كان من الزعيم إلا أن استل سكينه
وقطع لها أنفها وفي وسط الداره
فأنشدت منصورية كان ولده(كروري
ومرتو مبهدلاهو بهدله)
____________________
بت عصمان تجل فيك جاي وغادي
وتنهر فيك تنط بتل الجدادي
وبلا جنا ود رقون مافيش ولادي
البحش النخره من حد الفصادي
______________________
الرشيد والنفر
أيها الحبايب لكم كيمان مودة




م بروي
كبار الشخصيات
كبار الشخصيات

احترام قوانين المنتدى : 100

عدد المساهمات : 2592
نقاط : 19032
تاريخ التسجيل : 24/04/2010

الرجوع الى أعلى الصفحة اذهب الى الأسفل

رد: جــــــــــــــــرف روكــــــــــــــــة

مُساهمة من طرف حازم في الإثنين 14 فبراير 2011, 6:25 pm

سلام القامه بروي
مره نضحك ومره من الضحك نامن نخش في غيبوبه
حقيقه من اراد ان يري الوجه الجميل لهذا المنتدي فاليذهب متصفحا جرف روكه
لك ولكل الاخوان اعلاه شلالات من الحب والتحايا
وعجبني كلام النفر لأنو مابرد بطن صاحبي ابومصطفي (مابتلاقو يااستاذ الكرفته والعكاز) نان ماجننتو جن؟
التحيه ليهو وانشاالله مايجي بيجاي

حازم
V.i.P
V.i.P

احترام قوانين المنتدى : 100

عدد المساهمات : 862
نقاط : 14114
تاريخ التسجيل : 19/07/2010

الرجوع الى أعلى الصفحة اذهب الى الأسفل

رد: جــــــــــــــــرف روكــــــــــــــــة

مُساهمة من طرف خالد عابدين في الإثنين 14 فبراير 2011, 7:32 pm

وأبشرك جاياك قصيده غليدي
(عن واحد داقاهو المرا عشان ما ورق الملوخية)

منتظرين ياودبروي

هو القال لو منو ما تورق الملوخية دابو يطير - هسع كسروا فوقك كم مفراك يالطيب ؟

عليك الله كان ماهو غلطان ماكان يجيب الخدرة دي مورقة




[ندعوك للتسجيل في المنتدى أو التعريف بنفسك لمعاينة هذه الصورة]

أنت الزائر رقم [ندعوك للتسجيل في المنتدى أو التعريف بنفسك لمعاينة هذه الصورة]لمواضيعي

[ندعوك للتسجيل في المنتدى أو التعريف بنفسك لمعاينة هذه الصورة]

خالد عابدين
Admin
Admin

احترام قوانين المنتدى : 100

عدد المساهمات : 2561
نقاط : 19038
تاريخ التسجيل : 22/03/2010

الرجوع الى أعلى الصفحة اذهب الى الأسفل

رد: جــــــــــــــــرف روكــــــــــــــــة

مُساهمة من طرف ابو مصطفى في الإثنين 14 فبراير 2011, 7:49 pm

خالى محمد ودبروى سلام مطبوق ليك ؟؟؟؟ لكن اقيف اسمع كلامى ؟؟؟؟ القصيدة الجاية ما تجيبها على كل كلو ؟؟؟ القصيدة فوق حازم مرق البيت ؟؟؟ اصلو الزول صاحبى ويوم رحلة المنتدى فى جناين الحلفاية شوف عينى صاحبى رافع الراية ؟؟ وحتى الخضرة يورقها تب ؟؟؟ عليك الله يا محمد شفت الزول دا رافع الراية كيف وانا شفتو اليوم داك وكان داير شهود انا عندى شهود ؟؟؟؟ واجيبهم تب بس القصيدة تبقى فيه هو حازم ؟؟؟ ايو هو رافع الراية ؟؟؟



تحياتى
ابو مصطفى

ابو مصطفى
اداري
اداري

الأوسمة مــــــــــــــالي

احترام قوانين المنتدى : 100

عدد المساهمات : 2518
نقاط : 18309
تاريخ التسجيل : 22/06/2010
العمر : 44

الرجوع الى أعلى الصفحة اذهب الى الأسفل

رد: جــــــــــــــــرف روكــــــــــــــــة

مُساهمة من طرف م بروي في الإثنين 14 فبراير 2011, 8:09 pm

ابو مصطفى كتب:خالى محمد ودبروى سلام مطبوق ليك ؟؟؟؟ لكن اقيف اسمع كلامى ؟؟؟؟ القصيدة الجاية ما تجيبها على كل كلو ؟؟؟ القصيدة فوق حازم مرق البيت ؟؟؟ اصلو الزول صاحبى ويوم رحلة المنتدى فى جناين الحلفاية شوف عينى صاحبى رافع الراية ؟؟ وحتى الخضرة يورقها تب ؟؟؟ عليك الله يا محمد شفت الزول دا رافع الراية كيف وانا شفتو اليوم داك وكان داير شهود انا عندى شهود ؟؟؟؟ واجيبهم تب بس القصيدة تبقى فيه هو حازم ؟؟؟ ايو هو رافع الراية ؟؟؟

تحياتى
ابو مصطفى
___________________
أمك!!!!!!!
الزعيم ده بقى يبطبط مالو؟؟؟
والله حازم ده ما لايقه فوقو الكرورية ولاتبتشبهو
وكذلك أنت أيها الطيب الشهم الكريم
لكن الظاهر عليك ماسكاك خوفه ما مبرره
ولا تتوقع خالك ينقلب عليك في يوم من الأيام
على الأقل لمحبة في الله تقوى كل يوم وتتسع
خت في بطنك جر بتيخ وكم مليون


م بروي
كبار الشخصيات
كبار الشخصيات

احترام قوانين المنتدى : 100

عدد المساهمات : 2592
نقاط : 19032
تاريخ التسجيل : 24/04/2010

الرجوع الى أعلى الصفحة اذهب الى الأسفل

رد: جــــــــــــــــرف روكــــــــــــــــة

مُساهمة من طرف م بروي في الإثنين 14 فبراير 2011, 8:18 pm

حازم كتب:سلام القامه بروي
مره نضحك ومره من الضحك نامن نخش في غيبوبه
حقيقه من اراد ان يري الوجه الجميل لهذا المنتدي فاليذهب متصفحا جرف روكه
لك ولكل الاخوان اعلاه شلالات من الحب والتحايا
وعجبني كلام النفر لأنو مابرد بطن صاحبي ابومصطفي (مابتلاقو يااستاذ الكرفته والعكاز) نان ماجننتو جن؟
التحيه ليهو وانشاالله مايجي بيجاي
______________________________
صاحبك مويتو اتبعجك وعاوز يقلبها في ديقتك
قال حازم كروري قال
دي البصدقها ليهو منو؟؟
قالوا انجليزي وقع من الطابق العاشر
وكل ما قاصد واحد من الأدوار
ناس الطابق يقولوا
ليهو
HOW ARE YOU?
يقوم صاحبك يقول لهم
UP TO NOW IAM OK
فصاحبك الطيب كذلك
UP TO NOW HE IS OK

م بروي
كبار الشخصيات
كبار الشخصيات

احترام قوانين المنتدى : 100

عدد المساهمات : 2592
نقاط : 19032
تاريخ التسجيل : 24/04/2010

الرجوع الى أعلى الصفحة اذهب الى الأسفل

رد: جــــــــــــــــرف روكــــــــــــــــة

مُساهمة من طرف م بروي في الإثنين 14 فبراير 2011, 8:24 pm

خالد عابدين كتب:
وأبشرك جاياك قصيده غليدي
(عن واحد داقاهو المرا عشان ما ورق الملوخية)

منتظرين ياودبروي

هو القال لو منو ما تورق الملوخية دابو يطير - هسع كسروا فوقك كم مفراك يالطيب ؟

عليك الله كان ماهو غلطان ماكان يجيب الخدرة دي مورقة

______________________
الريس بالله ما تعمل معروف
وتخدر لينا الجرف ده بمقطع
U TUBEموجود في موقع البركل المنتدى العام الصفحة4
الموضوع صور كوكتيل منوعة ص 133
أنا عارف حأعزبك معاي لكن الحكاية تستاهل
واحد عامل راجل على المرا ورفض يورقها
والزعيمه ما قصرت ورتو المكشن بلا بصل
وما كان منه إلا أن فك البيرق
تموت من الضحك
أنا حاولت أجيبها هنا غلبتني
شفت صاحبك الطيب قال شنو
الظاهر مفاريكك دي صاح


عدل سابقا من قبل م بروي في الإثنين 14 فبراير 2011, 8:32 pm عدل 1 مرات

م بروي
كبار الشخصيات
كبار الشخصيات

احترام قوانين المنتدى : 100

عدد المساهمات : 2592
نقاط : 19032
تاريخ التسجيل : 24/04/2010

الرجوع الى أعلى الصفحة اذهب الى الأسفل

رد: جــــــــــــــــرف روكــــــــــــــــة

مُساهمة من طرف خالد عابدين في الإثنين 14 فبراير 2011, 8:25 pm

سيد الجرف كنت مفتكروا حاكومة تحكم بالعدل بقت الحاكومة ( محمدودبروى) [color=red]حاكومة تقبل الدفسة واللحسةcolor] وعين مقمضة وعين فاتحة خليتو الجرف ويا سبحان الله حتى الحاكومة اتغيرت والله انا ما قايل الدنيا دى تغير الناس والقروش والدفسة تغير حتى وكيل النيابة والكتبة الله قادر


ولا تتوقع خالك ينقلب عليك في يوم من الأيام
خت في بطنك جر بتيخ وكم مليون

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟





[ندعوك للتسجيل في المنتدى أو التعريف بنفسك لمعاينة هذه الصورة]

أنت الزائر رقم [ندعوك للتسجيل في المنتدى أو التعريف بنفسك لمعاينة هذه الصورة]لمواضيعي

[ندعوك للتسجيل في المنتدى أو التعريف بنفسك لمعاينة هذه الصورة]

خالد عابدين
Admin
Admin

احترام قوانين المنتدى : 100

عدد المساهمات : 2561
نقاط : 19038
تاريخ التسجيل : 22/03/2010

الرجوع الى أعلى الصفحة اذهب الى الأسفل

رد: جــــــــــــــــرف روكــــــــــــــــة

مُساهمة من طرف م بروي في الإثنين 14 فبراير 2011, 8:38 pm

في بطنو موش في بطني
________________
تتذكر يالطيب ما قلته لك
______________
مابتلاقو يا أستاذ
الكرفته والعكاز
الحراش والحجاز
الريس ده داير يحرشنا
عامل صوتو المابشبه صورتو
زي ما قال الزعيم حازم زي الزول الشايل
عشاهو وخاتي بطاريتو في أباطو
هسع نقوم نتفزع عليهو؟؟؟

م بروي
كبار الشخصيات
كبار الشخصيات

احترام قوانين المنتدى : 100

عدد المساهمات : 2592
نقاط : 19032
تاريخ التسجيل : 24/04/2010

الرجوع الى أعلى الصفحة اذهب الى الأسفل

طلبك يازعيم

مُساهمة من طرف خالد عابدين في الإثنين 14 فبراير 2011, 10:45 pm

تفضل طلبك يازعيم
بس الزول ده ان لمت فيهو المرة دي بي تفجخو عديل


[ندعوك للتسجيل في المنتدى أو التعريف بنفسك لمعاينة هذا الرابط]




[ندعوك للتسجيل في المنتدى أو التعريف بنفسك لمعاينة هذه الصورة]

أنت الزائر رقم [ندعوك للتسجيل في المنتدى أو التعريف بنفسك لمعاينة هذه الصورة]لمواضيعي

[ندعوك للتسجيل في المنتدى أو التعريف بنفسك لمعاينة هذه الصورة]

خالد عابدين
Admin
Admin

احترام قوانين المنتدى : 100

عدد المساهمات : 2561
نقاط : 19038
تاريخ التسجيل : 22/03/2010

الرجوع الى أعلى الصفحة اذهب الى الأسفل

رد: جــــــــــــــــرف روكــــــــــــــــة

مُساهمة من طرف النفر في الثلاثاء 15 فبراير 2011, 6:27 am

الزعيم ود البروى سيد الجرف والأساتذة الكرام حازم وخالد والطيب لكم تحياتى _ الجرف دا كنا بنجى مرة مرة نتكى فيه وناخد راحتنا ونورق النضم لكن شايفوا جابلو وريق ملوخية وكرديبه عاد نقول يافكييييييييييك زى صاحبنا وياروح ما بعدك روح والعاقل من إتعظ بغيره !!!

النفر
V.i.P
V.i.P

احترام قوانين المنتدى : 100

عدد المساهمات : 3225
نقاط : 20507
تاريخ التسجيل : 08/06/2010

الرجوع الى أعلى الصفحة اذهب الى الأسفل

رد: جــــــــــــــــرف روكــــــــــــــــة

مُساهمة من طرف م بروي في الثلاثاء 15 فبراير 2011, 8:23 pm

مشكور ياريس ظبتها ظبطه صاح
بس ماشرحت لينا عملت شنو؟
بدل الجري ده والخوفه دي ياريس
ما كان أحسن يورقها
يعني هو الوريق قاسي كمان؟؟
حتى لو قالت ليهو
قوم شوف العجين داك مر واللا لسع
برضو ممكن يجري سريع يضوقو
ويجيها يقول لها لسع فطير
دايرلو زي ربع ساعة كده ويمر.
ولو قالتلو عوسو
برضو مافي مشكلة
مالحكاية كلها وليع دوكه
وقرقريبه ويرهف السناسن
مشكلة دي؟؟؟
مودتي يازعيم

م بروي
كبار الشخصيات
كبار الشخصيات

احترام قوانين المنتدى : 100

عدد المساهمات : 2592
نقاط : 19032
تاريخ التسجيل : 24/04/2010

الرجوع الى أعلى الصفحة اذهب الى الأسفل

رد: جــــــــــــــــرف روكــــــــــــــــة

مُساهمة من طرف م بروي في الثلاثاء 15 فبراير 2011, 8:31 pm

النفر كتب:الزعيم ود البروى سيد الجرف والأساتذة الكرام حازم وخالد والطيب لكم تحياتى _ الجرف دا كنا بنجى مرة مرة نتكى فيه وناخد راحتنا ونورق النضم لكن شايفوا جابلو وريق ملوخية وكرديبه عاد نقول يافكييييييييييك زى صاحبنا وياروح ما بعدك روح والعاقل من إتعظ بغيره !!!
صاحبي نفركو
سلامات
ظهورك في الجرف ده
يدل على إنك ما بتورقها
لأنو ناس الوريق
مابحوموا بي هنا
عشان الوريق كرهن البيوت
و كرهن بوستات التوريق دي
زي ما قال الريس الزعيمة دي
لو لمت في البتعوج ده إلا تجيب خبرو
رجال آخر زمن يتفاصحوا
ولما تحر يفكو البيرق.

م بروي
كبار الشخصيات
كبار الشخصيات

احترام قوانين المنتدى : 100

عدد المساهمات : 2592
نقاط : 19032
تاريخ التسجيل : 24/04/2010

الرجوع الى أعلى الصفحة اذهب الى الأسفل

رد: جــــــــــــــــرف روكــــــــــــــــة

مُساهمة من طرف ابو مصطفى في الأربعاء 16 فبراير 2011, 5:12 pm

على اليمين الزول دا جرى جرى صاروخ ما يلم فيه الحكاية شنو ؟؟؟؟ الشى دى ماها خضره ولا عواسة غداء ؟؟؟ غايتو الله يجازى الكان السبب وكلو منك يا ودبروى اصلى ضحكت لامن بكيت المراه قلت مبتقدر تجرى على اليمين تقول فاكنها بى نبله ؟؟؟؟



تحياتى
ابو مصطفى

ابو مصطفى
اداري
اداري

الأوسمة مــــــــــــــالي

احترام قوانين المنتدى : 100

عدد المساهمات : 2518
نقاط : 18309
تاريخ التسجيل : 22/06/2010
العمر : 44

الرجوع الى أعلى الصفحة اذهب الى الأسفل

رد: جــــــــــــــــرف روكــــــــــــــــة

مُساهمة من طرف م بروي في الأربعاء 16 فبراير 2011, 6:20 pm

[ندعوك للتسجيل في المنتدى أو التعريف بنفسك لمعاينة هذه الصورة]

دي الرجالة الملحوقه
هذه الصورة يتداول نشرها هنا عبر الإيميل
والتعليق عليها هو
بداية المظاهرات في السودان
والناس ديل لأنهم ما بعرفوا حرف الظاء
فكتبوها (المضاهرات) الكسل ولا الجهل
غازوني الناس الراقدين ديل
وغازني أكتر الزول الصورن وكمان
نزلها في النت لشيل الحال
يا الطيب الجري ما أخير
من الرقده دي.

م بروي
كبار الشخصيات
كبار الشخصيات

احترام قوانين المنتدى : 100

عدد المساهمات : 2592
نقاط : 19032
تاريخ التسجيل : 24/04/2010

الرجوع الى أعلى الصفحة اذهب الى الأسفل

رد: جــــــــــــــــرف روكــــــــــــــــة

مُساهمة من طرف خالد عابدين في الأربعاء 16 فبراير 2011, 7:15 pm

الصورة دي زكرتني
بي صف الصرف بتاع قروش التمر - اغلب الناس كانو قاعدين ومتفرجخين لأنو الصف طويل وملولو زي الدقر

كمان الرملة - تقول الكاب

تشكر استاذنا ودالبروي




[ندعوك للتسجيل في المنتدى أو التعريف بنفسك لمعاينة هذه الصورة]

أنت الزائر رقم [ندعوك للتسجيل في المنتدى أو التعريف بنفسك لمعاينة هذه الصورة]لمواضيعي

[ندعوك للتسجيل في المنتدى أو التعريف بنفسك لمعاينة هذه الصورة]

خالد عابدين
Admin
Admin

احترام قوانين المنتدى : 100

عدد المساهمات : 2561
نقاط : 19038
تاريخ التسجيل : 22/03/2010

الرجوع الى أعلى الصفحة اذهب الى الأسفل

رد: جــــــــــــــــرف روكــــــــــــــــة

مُساهمة من طرف ابو مصطفى في الأربعاء 16 فبراير 2011, 8:06 pm

لا لا الناس ديل مناصير يا خالى محمد فى رملات الطوينى حارسين الصرف لانو القروش كان قطعت مسافة ثلاثة ايام ؟؟ ما فى شك فى الكلام داء ؟؟؟؟ ويا محمد غايتو انت تجيب البلاوى وتنزلها لينا هنا قطعت مصارينا الناس ديل راقدين فوق راى والله راقدين فوق راى ؟؟؟ فى زول يقوم بى مظاهرات يمشى يرقد فى الخلاء ؟؟ ما المظاهرات بى تقوم فى المدينة ؟؟؟ الله يجازيك يا ودبروى ؟؟؟؟ والله مصارينى وجعنى ؟؟؟؟ والله بطتنى وجعتنى ؟؟؟ تعبت خلاص ؟؟ عليك الله الناس ديل مافى زول يقولهم شى نائمين نومة شينة على اليمين زى شوالات السكر فى خشم المشرع ؟؟؟ غايتو يا محمد ناسك ديل ماناس حارة تب ؟؟؟ والله ديل ناس اكل ونوم بس ؟؟ ديل نار تخلى الرماد ؟؟؟ واكد ليك ناس راجين الصرف قطع شك ؟؟؟ لكن الله يجازيك اكان تقطع مصارينا ؟؟؟؟


تحياتى
ابو مصطفى

ابو مصطفى
اداري
اداري

الأوسمة مــــــــــــــالي

احترام قوانين المنتدى : 100

عدد المساهمات : 2518
نقاط : 18309
تاريخ التسجيل : 22/06/2010
العمر : 44

الرجوع الى أعلى الصفحة اذهب الى الأسفل

رد: جــــــــــــــــرف روكــــــــــــــــة

مُساهمة من طرف أبوسفيان خلف الله في الخميس 17 فبراير 2011, 5:00 am

والله ياالزعيم انت وجماعتك جرفك ماني عارفه لجامه ولاقاريق و ارض جحر ولارمله كمان جابت ليهاحاكومه
و سلوكه ليه ماعنده عشانه كدابكون بعيد واندعت الظروف بكدكد بالتناقير

أبوسفيان خلف الله
ملـــــكي
ملـــــكي

احترام قوانين المنتدى : 100

عدد المساهمات : 2122
نقاط : 16406
تاريخ التسجيل : 17/07/2010
العمر : 44

الرجوع الى أعلى الصفحة اذهب الى الأسفل

هنا كمان الدق المعلوم وشيل الشنطه فوق الراس

مُساهمة من طرف خالد عابدين في الخميس 17 فبراير 2011, 8:13 pm

مشاهدة طيبة أدناه
[ندعوك للتسجيل في المنتدى أو التعريف بنفسك لمعاينة هذا الرابط]

مالن الناس ديل كرشوهم من البيت
أكيد عاملين عمله سودي




[ندعوك للتسجيل في المنتدى أو التعريف بنفسك لمعاينة هذه الصورة]

أنت الزائر رقم [ندعوك للتسجيل في المنتدى أو التعريف بنفسك لمعاينة هذه الصورة]لمواضيعي

[ندعوك للتسجيل في المنتدى أو التعريف بنفسك لمعاينة هذه الصورة]

خالد عابدين
Admin
Admin

احترام قوانين المنتدى : 100

عدد المساهمات : 2561
نقاط : 19038
تاريخ التسجيل : 22/03/2010

الرجوع الى أعلى الصفحة اذهب الى الأسفل

رد: جــــــــــــــــرف روكــــــــــــــــة

مُساهمة من طرف (الحاج شرف) في الثلاثاء 22 فبراير 2011, 5:24 am

جرف ودالبروى لابد ان تكون مويتو مقرنه




[img][/img]عندما انتهيت من صنع السفينه جف البحر [ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

(الحاج شرف)
اداري
اداري

الأوسمة مشرف المنتدى العام



احترام قوانين المنتدى : 100

عدد المساهمات : 1785
نقاط : 17074
تاريخ التسجيل : 22/04/2010

الرجوع الى أعلى الصفحة اذهب الى الأسفل

رد: جــــــــــــــــرف روكــــــــــــــــة

مُساهمة من طرف م بروي في الإثنين 07 مارس 2011, 8:35 pm

سلام ياحاج
المقرنين كتار
_____________________-
هاك الخاطرة دي
جات على بالي وأنا أقرأ في
أحد البوستات هنا
__________________
الشغل عكفه

قال أخونا مصباح
(الشغل عكفه)
ويقصد عندما يلم الزول في
شغله يكدب فيها قوي وما يجيب رخوة
باكر يقولوا محل ما مسكلو شغل يرفدوهو.
تماماً كعكفة السرج فوق حماراً لجلاج
لازم تمسك ورى وقدام
___________
تذكرت عمنا الحاج قال زمان
ذهبوا جماعة من المناصير للعمل بكسلا
(يحشوا النجيلي)
وكان معاهم عمنا أحمد الحسن عثمان(رحمه الله)
عم صديقنا مصطفى عمر الحسن
الجماعة كل مرة يمشوا ضريح
سيدي الحسن ويقروا المولد
(عينه ترمي الغزال...ترمي الغزال)
ولكن أحمد الحسن يمشي يتقاول مع ناس
ويشتغل يرمي القش
وعندما مرت شهور وفكروا في العودة للبلد
وجدوا أن الزعيم أحمد الحسن قروشو أكتر منهم
فسألوه عن السبب
فقال لهم
أنا أرمي في القش وإنتو ترموا في الغزال
ودايرين نكون زي بعض؟؟؟؟؟
____________
عرف عننا نحن المناصير حب العمل
فياريت كل واحد يمسك في العكفه كويس ويرمي النجيلي.
وكمان يفتش لزيادة عمل إضافي (تمر الهبوب)
دي برضها من مصباح
تحياتي

م بروي
كبار الشخصيات
كبار الشخصيات

احترام قوانين المنتدى : 100

عدد المساهمات : 2592
نقاط : 19032
تاريخ التسجيل : 24/04/2010

الرجوع الى أعلى الصفحة اذهب الى الأسفل

دردشة دردشة

مُساهمة من طرف ساري الليل في الجمعة 11 مارس 2011, 2:13 pm

دردشة دردشة




التحية لكل الاعضاء ابنائي وأخواني وأعمامي القريبين والبعيدين
لاحظت بدخولى المنتدى في اوقات مختلفة انوفي مواضيع بتكون سخنة وحلوة ودايرة ونسة ودردشة مع الجميع....
وفى اقتراحات بيطويها الزمن والجماعة بعرفوها بعد تنتهى .........
عشان كدا
عندى اقتراح للتلاقى والتشاور وتبادل الاخبار عبر بوست نسميه دردشة ... نتفق على يوم من الاسبوع .... وزمن محدد من اليوم يتواصل اكبرقدر ممكن من الناس فيهو
صراحة ماليقيت بوست مناسب غير بوست عمنا محمد بروي نرجو ان يستضيفنا فية بعض الوقت الي ان يجد هذا المقترح القبول , ومن ثم نقوم بفصلة في بوست منفصل , والله نحن من انصار الوحده ولكن الظروف جبارة ...

ساري الليل
ملـــــكي
ملـــــكي

احترام قوانين المنتدى : 100

عدد المساهمات : 2091
نقاط : 16816
تاريخ التسجيل : 16/09/2010

الرجوع الى أعلى الصفحة اذهب الى الأسفل

رد: جــــــــــــــــرف روكــــــــــــــــة

مُساهمة من طرف م بروي في الأحد 13 مارس 2011, 2:51 pm

الساري الغالي
سلام
شرف لنا إزدهار الجرف بوجودكم
لكن ماشايف ناسك ديل كسلانين زيادة
عن اللزوم واللا انا غلطان؟؟؟
والله حب الناس لبلدهم والذي تجدنا
متأكدين منو يحتم ضرورة الكتابة رغم
المشغوليات الكتيرة (فرض عين)

م بروي
كبار الشخصيات
كبار الشخصيات

احترام قوانين المنتدى : 100

عدد المساهمات : 2592
نقاط : 19032
تاريخ التسجيل : 24/04/2010

الرجوع الى أعلى الصفحة اذهب الى الأسفل

رد: جــــــــــــــــرف روكــــــــــــــــة

مُساهمة من طرف ابو مصطفى في الأحد 13 مارس 2011, 6:08 pm

انت يا السارى ؟؟ فى الدردشة والله فى الفكى ود زينب دا ما عرفت لى بلدو وين اسع راسى موجعنى خلاص ؟؟؟؟




تحياتى
ابو مصطفى

ابو مصطفى
اداري
اداري

الأوسمة مــــــــــــــالي

احترام قوانين المنتدى : 100

عدد المساهمات : 2518
نقاط : 18309
تاريخ التسجيل : 22/06/2010
العمر : 44

الرجوع الى أعلى الصفحة اذهب الى الأسفل

رد: جــــــــــــــــرف روكــــــــــــــــة

مُساهمة من طرف مصباح محمد مصباح في الأحد 13 مارس 2011, 7:39 pm

الأخ محمد عازين ننزل جرفك ونزرع سلوكة سلوكتين. كتبت قبل قليل كلام كثير ولكن لمشكلة فنية ضاع كل ما كتبته بمزاج رائق. يا أخوي محمد بتين وصلتك حكاية العكفة ده وده آخر الموديلات. وبمناسبة مسكة العكفة. يقول عمنا الحسن علي عون الله رحمه الله (المسكة أولانية) يعني إذا قذف لك السيف لتمسكه فإذا مسكته من مقبضه فكنت الفائز ولا يجرحك السيف أما إذا لم يكن من المقبض فسوف تتعرض للجروح. ويقصد بهذا إذا كان الإنسان من أول راتب (ماهية) قنن الميزانية ووزع الراتب كويس ووفر منه سوف يستمر على هذا المنوال ويكون ناجحا أما إذا كان خلاف ذلك هاك ياجوال هاك ياقميص، وهاك يا..... فعلى الدنيا السلام. وبمناسبة المسك والتقسيم عمنا عجب سيدو مرجان كان مشهور بسرعة البديهة والحكمة. فقد طلب منه الجماعة يوما أن يقوم بتقسيم (البلح، أو الذرة) فقال لهم : (عاوزين قسيمي أو قسيم الله) فكل الحاضرين طلبوا (قسيم الله) فقام بتكبير بعض الكيمان وتصغير بعضها كما خص نفسه بكوم كبير فلما سألوه ماهذا يا عجب سيدو قال : (ربنا أعطى فلان كذا وفلان كذا) وأعطى سليم ود الشاعر كذا (وكان من أغنى أغنياء المناصير) وأعطى عجب سيدو كذا فهذا تقسيم الله. فضحك الجميع من سرعة بديهة هذا الرجل. كما سأله يوما أحد الناس ليتعرف عليه أنت سكان بالقرب من سليم ود الشاعر قال: لا سليم ساكن جنبي . وفعلا في هذا محق فعجب سيدو سكن أم لقاديب قبل سليم ود الشاعر . ولي عودة لهذا الجرف لأجد سبروقه فرهد وملح.

مصباح محمد مصباح
كبار الشخصيات
كبار الشخصيات

احترام قوانين المنتدى : 100

عدد المساهمات : 1897
نقاط : 16256
تاريخ التسجيل : 14/08/2010

الرجوع الى أعلى الصفحة اذهب الى الأسفل

رد: جــــــــــــــــرف روكــــــــــــــــة

مُساهمة من طرف م بروي في الأحد 13 مارس 2011, 8:33 pm

مشكور دكتور مصباح
عمنا عجب سيدو قالوا كان مسافر
يخدم الطين .
سألته زوجتو
حترجع متين؟؟
قالها
أنا ماشي كايس القروش
إن لقيتها في الكاب برجع

فرهد الجرف بمساهمتك السمحة
ومن الطرائف التي سبق أن ذكرتها
قالوا عمنا قسم الله وطبعاً اليد خشنة زي المنجل
وظهرت في تلك الأيام أقمشه جديدة منها (الترفيرا)
فقال للبنت وكانت تلبس فستان ترفيرا
تعالي يا محاسن
دي الترفيرا البقولوها؟؟
ومرر إيدو عليها
وسلل خيوطها في إيدو
يسلام على زمن الترفيرا والكوردرايت و الكرمبلين
والجزمة الكموش و الشارلستون والخنفسه والهيبيه
وقمصان تحرمني منك المخططة ديك
زمن

م بروي
كبار الشخصيات
كبار الشخصيات

احترام قوانين المنتدى : 100

عدد المساهمات : 2592
نقاط : 19032
تاريخ التسجيل : 24/04/2010

الرجوع الى أعلى الصفحة اذهب الى الأسفل

رد: جــــــــــــــــرف روكــــــــــــــــة

مُساهمة من طرف مصباح محمد مصباح في الإثنين 14 مارس 2011, 4:55 pm

من أقوال عمنا عجب سيدو إنه كانت لديه حمارة وعاوز يبعها وكانت لدى الاستاذ علي حسن علي وشقيه المرحوم المنصور رغبة في شرائها عندما كانوا صغار وطبعا عايزين راحلة يتوصلوا بها وقالوا لعجب سيدو نحن عاوزنها بس نشمي نشاور أمنا ونجيب القروش وعندما سألو جدتهم سعيد بنت الدميري رحمها الله قالت لهم: (حمارة عجب سيدو عجوز وأنا من وعيت شفتها ) فرجعوا لعجب سيدو وقالوا له حبوبتنا قالت كذا فقال لهم يا أولاد انتم مطرطشين حبوبتكم سعيدة ما دابه وعت قبل سنة) ولم تتم البيعة. رحم الله عجب سيدو ورحم الله أخونا المنصور حسن علي الذي كان السبب الأساسي في سكن المناصير في مرزوق . عندما كانت قطعة الأرض ب 75 جنيه فقط وفي ذلك الوقت أخونا محمود تاج السر وما زلت أذكر ذلك القول (لو أعطوني مرزوق كلها ب 75 جنيه ما اشتريتها ). وشوف يامحمد أين مرزوق الآن وكان من المفترض أن يكرم أهل مرزوق المنصور . ونقول لأخونا محمود مشيت وجيت وسكنت الدخينات.

مصباح محمد مصباح
كبار الشخصيات
كبار الشخصيات

احترام قوانين المنتدى : 100

عدد المساهمات : 1897
نقاط : 16256
تاريخ التسجيل : 14/08/2010

الرجوع الى أعلى الصفحة اذهب الى الأسفل

رد: جــــــــــــــــرف روكــــــــــــــــة

مُساهمة من طرف م بروي في الأربعاء 16 مارس 2011, 7:49 pm

والله يازعيمنا مصباح عندما فتحت البوست ده
كنت قاصد يكون للناس كلهم وكل زول يكتب
الخواطر بتاعتو هنا لو ماعاوز يفتح بوست جديد
وكنت متوقع الكتابات تكون ظريفه زي التي اتحفتنا بها وأسعدتنا ..مشكور كتير
ياسلام يازعيم على ناسنا الزمان كانوا حلوين خالص
حتى نحنا الصغار كانوا كثيراً ما يمازحوننا
وهنا أتذكر والدنا العامل نجي نقيف جنبوا
ويدور بينا الحوار الآتي..
مالكم ياولاد دايرين شنو؟؟
نحنا. مرسلين
العامل.. انتو مرت سليم..
نحنا..لا لا نحنا مرسلين مرسلين
العامل..ياولاد مرت سليم ما (أم الحسن)
شوف بالله يامصباح كنا الواحد جايي بالجضول ديك حفيان
وعراقيهو وسخان و مقطع والنخرة سايلي
والعين مقضي ورغم ده عاوز يهظر معانا ويزرع
السرور والمرح في هذه الدواخل المابعرفها كيفنها.
محبتي

م بروي
كبار الشخصيات
كبار الشخصيات

احترام قوانين المنتدى : 100

عدد المساهمات : 2592
نقاط : 19032
تاريخ التسجيل : 24/04/2010

الرجوع الى أعلى الصفحة اذهب الى الأسفل

رد: جــــــــــــــــرف روكــــــــــــــــة

مُساهمة من طرف م بروي في الأربعاء 16 مارس 2011, 7:56 pm

محمود تاج السر ده عندو ملايين التعليقات
البي تخلي الزول يموت من الضحك وحافظ معظمها
عبدالحي الله يرحمه أما أنا أضحك وأنسى(الخرف)
فعلاً المنصور الله يرحمه كان راجل قدراته كبيرة خالص
وما غريب يأتي بهذا الفتح على الناس حقاً يستحق منا ومنهم الدعاء والتكريم

م بروي
كبار الشخصيات
كبار الشخصيات

احترام قوانين المنتدى : 100

عدد المساهمات : 2592
نقاط : 19032
تاريخ التسجيل : 24/04/2010

الرجوع الى أعلى الصفحة اذهب الى الأسفل

رد: جــــــــــــــــرف روكــــــــــــــــة

مُساهمة من طرف مصباح محمد مصباح في الخميس 17 مارس 2011, 1:46 am

الأخ محمد لك التحية بمناسبة عمنا العامل وأنا ما عارف العامل ده جاتو من وين الراجل اسمه سيلمان علي الشاعر والله ده عاوزه بحث كنا صغار ولا نستطيع التفريق بين العامل وسليم يرجوك قاعدين في الدكان وأنت تكون عاوز حاجة من الدكان إلا تقيف شوي حتى يقوم لك سليم لأنهما كانا توأمين وشوف يامحمد المسكنة ده ويزيد إحراج الواحد لو عاوز كبريته مثلا ودائما نفرح عندما نجد الطيب الحسين أو ختم سليمان رحمه الله في الدكان عشان الحاجة الهينة زي الكبريته ممكن يقوم يديك ليها بحكم عملهما مع سليم في الطاحونة، وغالبا ما يكلفهم سليم بهذه المهمة وبالمناسبة ده أختهم بنت الشاعر كانت لما تجي الدكان تحب أن يبايعها سليم عشان الهوادة ورجحت الميزان وتزعل عندما يكلف سليم الطيب أو ختم وقالت في ذلك قصيدة مطلعها (أكان ليختم والطيب ×× سلمان في المتيرة قريب) وتقصد أخيها سلمان ود الشاعر وكان دكانه في المتيرة. والعامل طبعا في آخر أيامه كان مريض بالضغط والأزمة ودائما عنده قحة فجدنا مصباح رحمة الله عليه قال ليه (يا العامل أنت فانوسك بقه يبق) وطبعا الزمن داك الفوانيس في عزها. ومن طرائف العامل طبعا تذكر يامحمد رجل القنايت الذي قتل ورميت جثته في البحر وساعتها البحر كان دميره وانحدرت إلا أن وصلت كجار والأولاد شافوها وكلموا العامل وطبعا العامل بشهامة عام وجاب الجنازة وتم سترها ودفنها بمقابر شري القديمة . وطبعا لسوء الحظ طلع الراجل مقتول وجاءت الشرطة وتم نبش القبر والتحقيق والمعاينة وطبعا العامل طلب أكثر من مرة في بربر وأبوحمد للتحقيق والمحكمة جرت والسفر كان على حسابه وقال قولته المشهورة والتي أصبحت مثل زي البنوت دابن يطيرن ( تاني أبقيت طروره أو مرق ما أقبضه من البحر) وغايتو أنا المثل ده قاعد استخدمه كثير. ويطول الحديث ويطول..... ولك شكري

مصباح محمد مصباح
كبار الشخصيات
كبار الشخصيات

احترام قوانين المنتدى : 100

عدد المساهمات : 1897
نقاط : 16256
تاريخ التسجيل : 14/08/2010

الرجوع الى أعلى الصفحة اذهب الى الأسفل

رد: جــــــــــــــــرف روكــــــــــــــــة

مُساهمة من طرف صديق عبدالله علي أبوحنة في الخميس 17 مارس 2011, 1:59 am

مصباح أضاف لى جرفك يا موحومااد شئ بديع وذكريات رائعة
جدك مصباح وأسيمك كان رجل عابد ورجل نكته..
ولا أزال أتذكر قولته.. ونحن جالسين في الخلوة مقابل ديوانه العتيق.. عندما يجي صاحبه حاج عبد الله ويقعدوا وهو يريد يكلف سارة عشان تعمل شاي.. ويدلعها ويناديها( أم سرور.. التمساح الباكل الزول)
أما جثة راجل القناويت لا أزال أتذكرها.. رحمه الله جايز يكون قريب واحد معانا هنا في المنبر ما عارف
يقال وجدت جثته في شوال.. ونحنا كنا في الدافنة في الإجازة الصيفية..
..وجرف ود بروي سواا القرون
جدك مصباح أنا صغييير كدة جابتو أمي عزم لى أختى عاشة طحينيي
أنا عمري تقريبا ثلاث سنوات
أختى عاشة أمي فطمتها صغيرة
لكن تعلقت بي عمتى آمنى القليص وهي مرأة مسنة. ما قدرت من الرضاعي صارت ترقد مع عمتى وتقول لها رضعيني ولا تنوم بالليل إلا بعد ترقد مع عمتى وتمص الشطر..
وأمي عاوزة تزيل منها هذه العادة
فمصباح جاء يزور أبوي
أمي جابت طحينيي في ورقة وقالت لى مصباح أعزما ليها
أنا جريت وراه بي برة
وطريقة العزيمة
يقرا القرآن ويتفل عليها كما كان يتفل النبي عليه الصلاة والسلام قليلا ويمسح وجهه
أنا أتذكر جيت جاري لى أمي
قلت ليها الراجل قاعد يبزغ فوق الطحينيي ولا يعزم فيها
أمي ضحكت
يالها من أيام

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31695
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: جــــــــــــــــرف روكــــــــــــــــة

مُساهمة من طرف مصباح محمد مصباح في الإثنين 21 مارس 2011, 1:54 am

الجرف ده يا محمد شايفه اليوم مافي واحد أندله عليه ولكن أنا اليوم مشتهي ملاح كداد عشان كدا أنا نازل عليه فإذا بي أسمع انه محمد أحمد ودعلي عبدالله مريض شويه وربنا يشفيه وقنا نمشي نديه طله. عمنا محمد أحمد له كلمات مضحكة ودائما ما تجده يكلم نفسه وتقول مجلس يعج بالرجال وأخونا عيسى بروي لما يحاكي لك محمد أحمد يقطع مصارينك بالضحك وأنت طبعا عارف عيسى كيف يجيد الإخراج والدبلجة. عمنا محمد كان يوم يشعر بحمى وتعب وكسير عظام ورغم كده شغال في بوغته والعراقي فيه العرق ولطيخ الطين. قالوا له ياحمد أحمد روح الحكيم راح للحكيم وطبعا قريب من المتيرة وكشف عليه الحكيم وقال له عندك ملاريا فغضب وقال قولته المشهورة (حمد أحمد الملاريا موه فايق لها) وأصبح مثلا شائع بين الناس ودائما ما استعين به. محمد أحمد عنده شوالات عيش (عيش الضهرة) والضهرة تذكرني بيت الشاعر رحمه الله الذي قاله يمدح ابن اخته التجور رحمه الله (داير أقول فوق ود بنتي التجور ×× عيشو من المخزن بالسور × ماهو من الضهرة مكسور ) تم نقلها من عند حجيرة البحر ولسع ما دخلوها جوه وجاء الجداد شغال فيها أكل ونادى أخيه العبدولي ود عمورة الجداد أكل عيشي تعال ندخل الشوالات قال العبضولي ( أماني ماراجيه جداد جوه) يعني كثرة أولاد حمد أحمد وأكلهم الكتير وبرضوا هذه من الحكم التي استعين بها دائما. آسف على الدارجية البحتة. ونسأل الله أن يشفي عمنا حمد أحمد والراجل نسيب كمان.

مصباح محمد مصباح
كبار الشخصيات
كبار الشخصيات

احترام قوانين المنتدى : 100

عدد المساهمات : 1897
نقاط : 16256
تاريخ التسجيل : 14/08/2010

الرجوع الى أعلى الصفحة اذهب الى الأسفل

رد: جــــــــــــــــرف روكــــــــــــــــة

مُساهمة من طرف النفر في الإثنين 21 مارس 2011, 3:58 am

الزعيم محمد بروى سيد الجرف _ لك تحياتى وودى شايف جرفك مورق ومخضر بمشاركات الجميع _ الزعيم مصباح ما شاء الله شايفك اليومين ديل ماخد راحتك ومتوهط فى الجرف وشغال تفضفض وتحكى وكما ذكرت الشجر الكبار فيهو الصمغ _ نتطلع للمزيد من الحكاوى والخواطر الجميلة _ صاحبكم اليومين ديل متوهط بالحيشان ومتمتع بالهمبريب وضوء القمر وآخر ونسة وسكناب وقرقراب _ الله يديم الإنبساط والعقبى لكم _

لكم تحياتى وتقبلوا مرورى ،،،

النفر
V.i.P
V.i.P

احترام قوانين المنتدى : 100

عدد المساهمات : 3225
نقاط : 20507
تاريخ التسجيل : 08/06/2010

الرجوع الى أعلى الصفحة اذهب الى الأسفل

رد: جــــــــــــــــرف روكــــــــــــــــة

مُساهمة من طرف م بروي في الإثنين 21 مارس 2011, 2:13 pm

والله يالمصباح قطعت مصارينا بالضحك
كشفت لينا عن جوانب مضيئة للآخر في
في دواخلك الأصلاً مضيئة بكل جميل
علي الدمكي كان يحسب ويقول
(المعذبون في الأرض) ويبدأ بنفسه ويذكر
فيما يذكر أصحابك محمد أحمد وعبضول والصادق
ويقصد كترة الشقاوة والخدمي الكتيري
من طرايف صاحبك عيسى في مرة كنا ماشين
من أبها الى خميس مشيط وفي الصيف البلد تكون
مزحومة بالعربات زي الرياض وفي الإشارة شاف عربات
واقفه عاوزه تلف (يو تيرن)وترجع لأبها
قام صاحبك قال الجماعة ديل مع السيل الجاري ده
ماحيلقوا طريقه يدخلوا الشارع
ولما وصلناهم شاف أول واحد مصري
قام قال وكمان قدامن مصري..والله عيد الضحية الجايي
إلا يباركو ليهم هنا.
ووقتها كانت الضحية عدت بسبعه يوم
تعتذر يا مصباح عن الدارجي؟؟؟
والله لو ما الدارجي ده كنا خلينا المنتدى.
ما شايف قاموس الزعيم صديق جاري كيف؟؟

م بروي
كبار الشخصيات
كبار الشخصيات

احترام قوانين المنتدى : 100

عدد المساهمات : 2592
نقاط : 19032
تاريخ التسجيل : 24/04/2010

الرجوع الى أعلى الصفحة اذهب الى الأسفل

رد: جــــــــــــــــرف روكــــــــــــــــة

مُساهمة من طرف م بروي في الإثنين 21 مارس 2011, 2:28 pm

والله يا صديق إنت ومصباح عندكم ذاكرة تحير
ياخي أنا أمر قدام مدرسة شري الابتدائية
كأني ما قريت فيها ما اتذكر إلا يوم الثلاثاء
المسميهو السر نعمان يوم القيامه وكان يجلدن فيهو
جلد نضيف في مادة الحساب..واتذكر الطربيزه الورا فصل أولى والكواري الفيها فطور أولاد المهوة وناس
االكير وبهية و الوده والزحمة في المزيره
وعبدالله الماحي بعد المذاكره يقولنا(أعشا أعشا)
وهو راجل كريم يصر نتعشى معاهم في الداخلية(فسكيا)
ونحن يعجبنا اصرارو ويجرنا جر لأن عشاهم أحسن
من عشانا في الخارجية.

م بروي
كبار الشخصيات
كبار الشخصيات

احترام قوانين المنتدى : 100

عدد المساهمات : 2592
نقاط : 19032
تاريخ التسجيل : 24/04/2010

الرجوع الى أعلى الصفحة اذهب الى الأسفل

رد: جــــــــــــــــرف روكــــــــــــــــة

مُساهمة من طرف م بروي في الإثنين 21 مارس 2011, 2:38 pm

النفر كتب:الزعيم محمد بروى سيد الجرف _ لك تحياتى وودى شايف جرفك مورق ومخضر بمشاركات الجميع _ الزعيم مصباح ما شاء الله شايفك اليومين ديل ماخد راحتك ومتوهط فى الجرف وشغال تفضفض وتحكى وكما ذكرت الشجر الكبار فيهو الصمغ _ نتطلع للمزيد من الحكاوى والخواطر الجميلة _ صاحبكم اليومين ديل متوهط بالحيشان ومتمتع بالهمبريب وضوء القمر وآخر ونسة وسكناب وقرقراب _ الله يديم الإنبساط والعقبى لكم _

لكم تحياتى وتقبلوا مرورى ،،،
السكناب شنو ياعصمان؟؟؟
الله يستر لا يبقى (قزيزي) قرقرقرقر
على حد تعبير صاحبك الغايب
يازعيم لو ما نزلت طرايف كتيره هنا
جمعتها في هذه الإجازة تكون اتلومت
أنا لما ارجع من الإجازة أجي مشحون
بالطرائف للناس هنا لأنهم ما بكونوا
سامعين بالجديد منها
بالله سلام خاص للسرير

م بروي
كبار الشخصيات
كبار الشخصيات

احترام قوانين المنتدى : 100

عدد المساهمات : 2592
نقاط : 19032
تاريخ التسجيل : 24/04/2010

الرجوع الى أعلى الصفحة اذهب الى الأسفل

رد: جــــــــــــــــرف روكــــــــــــــــة

مُساهمة من طرف م بروي في الإثنين 21 مارس 2011, 2:48 pm

بمناسبة القزازي دي
كنت كتبت هنا قبال تجينا
قصتي مع صاحبي الرجل الطيب الظريف للأخر
محمد عثمان حجازي وكنت اتفقت معاهو يجي
يقضي الإجازة معاي هنا لكنه طنشني وسافر السودان
فرسلت ليهو رساله تقول
يارب في دي الإجازي
وبعد ده الحال يا حجازي
على تامزينك تزازي
وأشوفك وسط البرازي
تتعتع وماسك القزازي

وقرقرقرقرقرقرقر
وطبعاً الراجل مولانا زيك
ودعوه بتل دي الفقير
ما بتمشي فيهو

م بروي
كبار الشخصيات
كبار الشخصيات

احترام قوانين المنتدى : 100

عدد المساهمات : 2592
نقاط : 19032
تاريخ التسجيل : 24/04/2010

الرجوع الى أعلى الصفحة اذهب الى الأسفل

رد: جــــــــــــــــرف روكــــــــــــــــة

مُساهمة من طرف مصباح محمد مصباح في الأحد 27 مارس 2011, 4:49 pm

الجرف ده مالو يامحمد اليومين ديل داير يبقى زي جرف البلد التي غمرته المياه أم أن سنايته كشكشت كما يقوم عمنا الماهل رحمه الله كان يضرب هذا عندما ينتهي موسم الشئ أو زمنه (والسناية كشكشت ) يعني أن السنمكة نضجت ثماره وأصبحت بذرته أو زهرته نشافه وعنما تمر عليها الرياح تعمل صوت (كشكشه) وهل تذكر يامحمد السنمكة وعمنا عثمان عبادي رحمه الله والذي كان يتاجر في السنمكة. والمثل هذا يضربه الماهل عندما تشتد السموم ويشتد الحر وهذا يعني عودة الطيانة من الضهرة للبلد. ومن نكات الماهل : لما حدثت ضربت مصنع الشفاء بالخرطوم يقول الماهل (والله الراجل ضربن ولحق العشاء عند أهله) والماهل كان يكره الحكومة. أو جرفك صار مثل (النقعة) كما يسميها أهلنا يعني منطقة المدارس بشري قبل أن يبني الناس فوق للمدرسة. حيث كان للشاعر عثمان سلمان والذي أتذوق شعره وارتاح له وأعده من أشعر شعراء المناصير. فقد كانت هذه النقعة تعج بالنشاط المدرسي والمنافسات الرياضية والمنافسة الأكاديمية أيام ما كان استاذ الأجيال محمد الحسن عون الله ناظرا للبنين. وفي غمرة هذا النشاط تم نقله من مدرسة شري . وأثر ذلك على النشاط وعلى شاعرنا أبوآمنة بحكم عمله كضابط صحة . فقال قصيدته المشهورة والتي مطلعها:
ياجبرين حليل النقعة ×× بعد القجة حلقت صلعة
حسن جابوه ..........................
جبرين: حارس مدرسة البنات وعم ناس المقبول
حسن : شيخنا وأستاذ الأساتذة حسن علي صديق
والقجه : طبعا معروفه وحليل زمن القجه يامحمد والبحلق قجه زمان كان أفندي ابن الأفندية

كما يقول أيضا النقعة يانوح منها ×× ساعة أبو السر راح منها.
السر: شقيق أخونا فتح الرحمن.

مصباح محمد مصباح
كبار الشخصيات
كبار الشخصيات

احترام قوانين المنتدى : 100

عدد المساهمات : 1897
نقاط : 16256
تاريخ التسجيل : 14/08/2010

الرجوع الى أعلى الصفحة اذهب الى الأسفل

رد: جــــــــــــــــرف روكــــــــــــــــة

مُساهمة من طرف خالد عابدين في الأحد 27 مارس 2011, 7:35 pm

الجرف ماشاء الله عليهو منور والفراش حايم فوقو وفوق نوارو وزهورو
ود البروي صاحبك النفر والله حيرنا - أنا ذاتو السكناب ده قلت الشي ده شنو - يعني قرقراب - هسع انت جبتلك فيها (جوغير) كمان
وياأستاذ مصباح والله ضحكت جنس ضحك في نكتة عمنا الماهل عليه الرحمة والمغفرة
تشكروا على كتاباتكم الرائعة وذكرياتكم الجميلة







[ندعوك للتسجيل في المنتدى أو التعريف بنفسك لمعاينة هذه الصورة]

أنت الزائر رقم [ندعوك للتسجيل في المنتدى أو التعريف بنفسك لمعاينة هذه الصورة]لمواضيعي

[ندعوك للتسجيل في المنتدى أو التعريف بنفسك لمعاينة هذه الصورة]

خالد عابدين
Admin
Admin

احترام قوانين المنتدى : 100

عدد المساهمات : 2561
نقاط : 19038
تاريخ التسجيل : 22/03/2010

الرجوع الى أعلى الصفحة اذهب الى الأسفل

صفحة 4 من اصل 15 الصفحة السابقة  1, 2, 3, 4, 5 ... 9 ... 15  الصفحة التالية

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى