كاد الفقر أن يكون كفرا( العيد)

الله... الله... الله... على الغبش المساكين.. يمر عليهم هذا العيد ومعظمهم يكاد يكون لايملك حق الضحية في العاصمة والمدن..
لكن ناس المحلي .. القالوا ما نافع.. وما بتصلح فيه المشاريع.. الآن اي واحد رابط ضحيتو قدام خشم حوشو..!!!
أليس هذا ببرهان!!!!
..........
وبني وطنى في مدنهم.. كل واحد يشتري ليهو كيلو كيلوين كدة لزوم العيد وفرحة الأطفال..
.....
,اصبحنا في مثل هذه الايام نمد أعيينا لجيراننا الأثرياء اصحاب العمارة الفي شارعنا... تتنعم علينا مرة الجهبوز بي يد خروف والله حتة لحمة..
يا ربي تدينا ليها من باقي شيتهم على الجمر!
والله تجيبا لينا نية نعملها على مزاجنا
اصلو امي بي تعرف تبهر شية احسن من مرة الجهبوز بتاع العمارة الفي شارعنا؟
لكن أبوى عاد من وين بي يلقا ليها حق خروف ( مليون) قدر راتب ابوى تلاتة مرات..
..............
يا رب تفرح قومك بفرج من سماواتك السبعة...
وما ذلك على الله بعزيز

من طرف **عباس محمد** الأربعاء 17 أكتوبر 2012, 5:47 pm

ربنا يستجيب لدعاؤك ويفرج لكل مواطن خروف اضحية
وكلنا بى ننزل المحلى ونلقى هناك مجان

كاد الفقر أن يكون كفرا( العيد)

كاد الفقر أن يكون كفرا( العيد)

رد: كاد الفقر أن يكون كفرا( العيد)