إهداء خاص وشديد الخصوصية لود المناصير

؟؟؟؟؟؟؟
!!!!!!!
[ندعوك للتسجيل في المنتدى أو التعريف بنفسك لمعاينة هذه الصورة]

محمد بروي
ياخي أنا أسـانق وأسـانق.. خايفو ينشرم.. والجبادة وكراني فيهو.ز أسانق لامن خيت الجبادة حـَـشـَّا أيدي ، وما بلع الـطـُـعـُـمْ لسه ، مع أني مـَـطـَـعـِّـم الجـَـبـَادة بي رتـيلة.. وقلت كان ما نفعت.. أعـْـمـَل لى نـَـشـَّاغـَـة وأطـَـعـِّـما بي عـَـرَّة ؟
رايك شنو؟

خلاص الزول قال جاي. وجاي محملا بالإبداعات

الرائع صديق صباح الخير.
خبرك الرائع دا مع الصباح يفتح النفس فود المناصير فقد كبير لهذا المنتدى ورجوعه يعيد الروح والحياة لهذا المنتدى , صدقنى اخوى صديق والله الواحد بقى يدخل المنتدى يحس انو ماعندو نفس ويطلع طوالى , البارح مرتين ابدأ اكتب القى نفسى بكتب فى حاجه خرمجه ماعندها معنى امسحها واخرج على طول , اليوم فتحت نفسنا بخبر عودة ود المناصير .
لك الشكر

شكراً الرائع الباشمهندس صديق على البشاره ولكن !!!!!!!!

( كم خرب ناس نضم الخشوم وكم عماراتاً بقت روم )

روم
دي ما بيفهموها ليك وليدات وبنييات الزمن ده؟
يا أيها المناصير المتمنصرة
منصوريات العاصمة الوالدنهن في العاصمة والوالدنهن في العاصمة
روم يعني أطلال.. خراب..
برضو المناصير يقولوا ليها ( راوْ)
زمان يا سامي
عمي عمر أب حنة كان أولادو معانا في البلد وهو يا داب رحل كسلا.. وعدد كبير من المناصير هنالك كما تعرف
بعدين رسل لى أبوى قالو رسل لى أولادي خلاص أنا استلمت حواشة في وقر. وبنيت بيت
........
فحزنت أمي على فراق زوجته
فجاءت هذه الأبيات منها
يا جنا أم عاشة ما بقدر براها
ما فرزت جناي أنا من جناها
هفية روم عمر من وين لقاها
وزوجة عمنا عمر هذه يا سامي هي شقيقة فراش مدرسة شري الصغيرة.. زينب بت سموعى
بفضل الله عندها الآن 12 ولد وبت على قيد الحياة وكلهم في وظائف مرموقة في الدولة
ما عدا بنتها زوجة شقيقي عمر التى توفيت متأثرة على زوجها قبل 4 أعوام

من طرف **نجلاء زمراوي** الأحد 07 أكتوبر 2012, 3:41 pm

تسلم عمدانا
علي الخبر الجمييييييييييييييييييل
وانشاء الله صبا حك كلو بشريات واحداث جميله
وانشاء الله يعود ود المناصيرويعود كل من ترك المنتدي ونواصل تواصلنا وترابطنا
يا جماعه انا مديونه للمنتدي دين كبير...كما قلت من قبل شبكتي كانت طاشه تب قبل المنتدي والان الحمد الله رجعت والفضل لرجوعها ما يخطه القامات امثال العمده من توثيق وتعريف بتراثنا وعاداتنا وتقاليدنا
تسلم ابن عمي
تخريمه
تحياتي للحكومه ووزرائها !!!!!!

درر يا عمدة منتدانا . الراحلة زوجة الراحل عمر عبدالله أعرفها وأعرف أولادها التيمان ( محمد ومحمود ) والبنات ( طيوبة ومنورة ) كما يحب الراحلين مناداتهما . كنت فى الجنوب وسمعت بخبر رحيلهما جملة واحدة . حزنت كثيراً والله . ألا رحمهما الله برحمته الواسعة

رحمهما الله يا سامي
.......
سلامك بلغناه للحكومة ووزرائها يا أم وضاح. تسلمي

من طرف **amira ali** الأحد 07 أكتوبر 2012, 4:45 pm

بشرك الله بالخير دايما رجل الاجتماعيات والتراثيات اب حنة
ماشاء الله الله عليكم اب حنة وسامي جبادتكم فعلا جابت لكن لسع نشوفكم تسانقو لانو الكل مستعجل يشوف كتابات القامة وعمود المنتدى صاحب
الكتابات الهادفة ود الماصير يخظ كلماته حتى يطمئن الجميع