قورييق طه في جابيقة ْ بـوني.. تراثنا المسموع

جاء دور تراثنا المسموع

يفتح معك الصوت. وقد تكون معاه دعاية دولارات مصاحبة من الموقع اقفلها واستمع لتراثنا..

يخربني اكان فهمت العنوان؟؟؟؟؟؟؟؟؟؟؟؟؟؟؟؟؟؟؟اليومين ديل يا عمدتنا دايرك مترجم عديييييييييييييييييييييل كدي!!!!!!!!!!!!!!!!!!!!!

[size=24] يا جماعة.. يا مناصير الخرطوم.ز يا المناصير الممنصرة
يا ناس
يا قريبتي أم وضاح... حاجة الحرم وزائرة مدينة رسوله الكريم..
............
قورييق::: تصغير لكلمة قاريق.. وهي اللوبيا المخضر المزروع في الجروف
طه: واحد من منطقة ناس ود المناصير. . والعضو هناء...
بوني... قرية في المناصير من قرب من دربي[
مجبد سلكو: اللوبيا عندما يزدهر بي يطلع نوار وسلوك دليل ازدهاره عشان تبدأ فيه بعد كدة الاستعداد للثمرة
الناموس ينوني: اي جاذب للحشرات الملقحة زي حكاية رحيق الأزهار بالنسبة للنحل
المحمودي: جبل شامخ أشم في عتمور المناصير يبعد حوالي 50 كيلو من قرية دربي
200 قلادي.. ليست معانقة أو سلام..
لا
عند أهلنا هنالك اشياء.. قد تكون غير صحيحة ولكن ما علينا نحن ناس تراث... وقد تكون فيها صحة .. الله أعلم..
وهي توضع تميمة على ضريح الفكي صاحب المزار من الحبل أو الخيط.. تذكر الشخص المعنى .. ودائما توضع للمرأة قبل الوضوع عشان تتحلا بالسلامة.. تروح أم البت الحامل تربط قلادي أي قلادة وتعقد فيها عقد أو تضع بيرق على ضريح الصالح وتضع فيهو تميمة تتوسل به الى الله تعالى عن طريق أوليائه ان يحفظ بنتها وتضع مولودها بالسلامة..
هنا الشعار يقول سوف يضع بشارة للرائي لمحبوبته أنها لم تتجاوز جبل المحمودي وعندئذ سوف يلحقها ويحصلها ويعيدها من اسرتها الى ديارها..
تمام كدة
والله أزيدو يا قريبتي/size]

الجابيقة.. طرف من قرية بوني

تشكر عمدانا علي الايضاح والاضافات القيمه

كان حتما على المرور على هذه الروعه!!!!!!!!!!

الجابيقة دى منها فنان مشهور غسمو ود الجابيقة..

لا يعزف الطنبور يغنى على الدلوكة بس!!

يشيلوها ليهو فى الدارة وهو يغنى عليها ويهبكا هبك!!

كان معرس من شررى..

فنان مشهور جدا يغنى فى بوش لا تحت..

ولو ما جبتو فى الباشى تكون بايخى!!!

تلقاهو عرقان والزول الشايل الدلوكة عرقان ما لاهو!!!

يصول ويحوم بى دلوكتو وزولو الشايلا ليهو فى الدارة..

صوت جد!!رقيص جد!!

من أشهر أغانيهو:

فوق تلالك توه ياجدى

إبتليت يا قلبى بى دى..

المقصود بى ..دى...المرأة البى ترقص فى الدارة

ولك أن تتخيل ود الجابيقة فى باشى تحت ضل التمر .

البحر دميرى..والواطة حارة.والتمر رطب..

الشفع يعومو هناك وبى هنى الباشى عاكلى..

حصل مرة أنا قدمونى للغنا بعدو فى باشى..

ود الجابقة يغنى بلا مايك يكره الوقوف جنب المايك..

لازم يحوم فى الدارة بى دلوكته المحمولة..

شيال الدلوكة عندو عداد ما تنسى يا خال..

جانا عام بى سدرو وزين يا خلايق ترو!!وزين

برضو دى من أغانى ود الجابيقة التى يداوم عليها فى أى باشى وعرف بها..

رايك شنو؟يا خال صديق فى :ترو دى

يعنى تتر لا ورا تفسح المجال للحريم البرقصن ما تبقى زول عبيط تخرب باشة الناس..

شكرا الباشمهندس صديق ابوحنة
الدهشة ليست فى سماع الصوت واللحن الشجى
ولكن الدهشة فى من اين اتيت بهذه المادة الدسمة
شكرا على الحمود على الاضافات المدهشة

شكرا المرور الكرام بي جاي.. وخاصة فنانا القدير ود الحمود وعباس

.............................

وارد في الأغنية التراثية البيت الآتي

الهريوب غشاهو وضاق مبيتو

الربيتون ما أكلت أنا من ربيتو

ماذا يقصد الشاعر بالربيتون

وماذا يقصد بي الربيتون ما أكلت أنا من ربيتو؟

أول الربيتون عندو ربيت أو

..............

طيب تأويلها شنو؟

بس من بعيد لى بعيد ما عايز زول يأولها ويهبش في اللحم الحي..؟؟