السمك بقا كتير خلاص في البحيرة والمحلي لغاية....

<script src='http://img841.imageshack.us/shareable/?i=28200537266179947120396.jpg&p=tl' type='text/javascript'></script><noscript>[ندعوك للتسجيل في المنتدى أو التعريف بنفسك لمعاينة هذه الصورة]</noscript>
لغاية ما بقا يشرمطوه يشروه فوق الحبل.. بعدين يفركوهو بي ويكي ناشفي.. قالوا حلاة خلاقي تاكل وتتمطق. مع القراصة قالوا ما شاء الله.. نحن زمان ما بنعرف الطريقة دي!
كل مرة المناصير يتفننوا ويتأقلموا مع الوضع بسهولة..

الحدلله ، نعمة ربنا يرزق من يشاء بغير حساب راح التمر وجاالسمك ..

خيرك فوق درب واصلو الرزق من الله لى بحرالسراب مالها النفوس ملهوبة

السيد الخال سلام..

خليتنا نتمطق لى الحوت..

شلمبى ..عر..كناكيج..دبس..دشقوق..بقر..كاس..كلد..

حتى أم دريقة ناس الصفيحة قاعدين يسووها سليقة والله فبها سليقة عن حاجقيلى الله يرحمو تحيرك!!

أم شرفين ذاتها عجيبة!!

نحن زمان نكتل الترع بعد البحر يشرد نلقى أم شرفين فى الجحر .

لنا حكايات مع أم جرق..

خليتنا نتمطق لى غناك وقصايدك..

ربنا يحفظك ويجيبك لينا راجع عشان نغنى سو وننسى الهم ونشرب الجبنة مع بت عمتك شولمنة بت حمد تومى..

ههههههههههه
عليك الله قول لى بت عمتى يا ود الحمود
صديق ود عبد الله الحنوني يسلم عليكي؟
أوع يكون نستني هي!!!
قول ليها جاييكي نتسابل في الخرباني

والله ياصديق كنت ماشى السوق اكل فول بعد قراصتك حقه السمك دى خليتنى اتمطق وقفلت نفسى من الفول .غايتو ان بت القوى حسابى عليك.هههه

وين يا محمد .. إنت لسه في مدني.. بينك وبين البحيرة أميال
احسن ليك فولك ده!
تعرف قالوا يعملوه كيف؟ يا محمد
يشققوا السمك زي ما شايف.. ولما ينشف موش بيدقوه في الفندق زي الويكة لا لالا
الحريم هناك إرتاحن. لانو الشئ كتير
قالوا جات طواحين صغيرة كهربائية زي بتاعة البن
اها يقوموا يدققوه ويختوه يقعد أكتر من سنة.
تقطع بصلتك وتحمرا.. وتعمل الصلصة والطماطم بتاعة جروف طاعمي شديد.. تخلي البصلة والطماطم تجكجك في النار يلا بعد كدة ترمي الويكة وتضرضر السمك المسحون. يبقا تخين زي المديدي.. وتقطع قراصتك الما خمج
قالوا يعطي قوة شديدة خلاص.. وصفة طبية عديل كدة.. الغريبة قالوا ينفع الناس العندهم شاقوق.. كمان لو لقيت ليك قزازة استيم فوقو.. والتلاجات ما شاء الله. راقدي
يازول نعمة ربنا منو البحبسا
زي ما قال ليك الفكي
راح التمر وجاء السمك
وسامي برضو أمن على الموضوع
وعلي الحمود ما قصر
وعباس محمد جاب لينا كلام حكمة

الله يدبك العافى .انا لسه فى مدنى .والبلد من الضحيه ماشفتها .لكن ان بقى فى العمر بقيه نمشى العيد ونقولهم اعملوها ليينا باقى صديق موصفها لينا..تخريمه.امس كان معاى فى البيت من ناس الجزيرات عبد الله عثمان عيسى وفى الونسه قال قرينا فى ابوحمد دفعتى من شرى عبد القادر النعيسان .انا طوالى تميت له الباقين من الصوره حقتك الرافعه.وقتليه معاكم صديق قالى ياسلام بتعرفو قلت ليه ياخى الزول ده صاحبى شديد وطوالى خبره معاى .استغرب جدا من العولمه والتواصل عبرها..والله الزول ده حملنى ليك الاف التحايا.وذكر قصص كثيره ومنها قال صديق كاتب فى اللنشى .امال ايه.(بالضمه على الالف)قال نحن كلنا ماعارفين معناها......لك شكرى .

نعم عبد الله صديقي شديد وبسأل منو. البارح ضربت المحلي سألت منو.. قالوا بقا إمام جامع الجزيرات.. وبرضو قاعد أسأل عنو حسن مكة أخو ود الجدي وعضو المنتدى.
عبد الله زول حساس ورقيق ومرهف. وكنا نتبادل الزيارات لما كنا طلبة هو يزورني في الحنانين وأنا أزوره في الجزيرات..
عبد الله رجل صالح نحسبه كذلك بلغه مني السلام
كان تفتح ليهو الكمبيوتر تورو الصورة يا محمد
كان حا يبكي
انا عارفو رقيق وحساس

فعلا هو كذلك .والكلام فعلا اثر فيه شديد واثار جواه الزكريات.فكرت فى طريقه اتصال عبر الاسكاى عشان تكون مقابله حقيقيه.ولكن هو كان مشغول بموضوع ابن له قبل بالجامعه فى مدنى .الحمد لله اموره اترتبت واطمان بوجودنا فى مدنى ورجع اليوم الى البلد..