إذاعة المناصير

لا أدري متى ومن من لامست هذه الكلمة أذني ؟

ولكني الآن اطرح الفكرة في هذا المنتدى .واتمنى من صاحب الفكرة الأصلي أن يتصدى لهذا الموضوع ويتحفنا بما آلت إليه الفكرة وأين نحن من إذاعة للمناصير تكون إعلاما وناطقا ولسانا يقدم للناس تراثنا عاداتنا تقاليدنا إبداعتنا شعرا ونثر غناءا خالصا ... وتطرح للعالم قضيتنا موثقة في قوالب تجعل الجميع يتعاطونها بكل يسر وسهولة

... وعشمي في علماء بلادي المختصين في التقنيات والعمل الفني ..أن ينورونا بإمكانية تحقيق ذلك

الإمكانيات التي يلزم توفرها ... العمل الفني المطلوب ... البث وطرقه ... أثيريا عبر الإف أم ؟ أم عبر النت ؟

ودمتم

شكرا ود المناصير وانشاء الله اقتراح يري النور ويكون علي ارض الواقع

خلاص يعني انتصار حاتحقق امنيتها وتبقي مراسلتنا من ارض الحرمين وتقدم لينا برنامجها من استيديوهاتنا في المملكه

وابو حنه مراسلنا من الامارات

ونور الهادي من هولندا

والفكي من ليبيا

وفارس الزين من قطر

وكلهم يا تو بالجديد المفيد لتنميه البلد وازدهارها

ربنا يحقق الاحلام والامنيات .

مشكور ود المناصير وعودا حميدا

الفكرة جميلة ولكن سبق وقلت في مكان اخر ان الافكار تظل حبيسة الصفحات لا تغادرها

وحسب علمي ان الاذاعة في هذا الزمن ومع توفر التقنيات اصبحت سهلة

علي الاف ام تحتاج اولا لتصديق من الدولة وهذا متفق عليه عالميا

العقبة الرئيسية هي الامكانيات المادية فمع توفر الامكانيات لا تكون هناك مشكلة

الاخ ود المناصير
كترت المحلبية

شكر للاخت سلمي احكي لك القصة
هناك كانت بنت عانس يعني بايركس
وحكي لها صاحباتها ونصحوها بان تمشي الي ابكر الفلاتي
هو احسن من يفك البوره
([color=red][الله يفك برورته)
وقام مشت الي حاج ابكر
وحكت ليه القصة
وقال مااندك ايو امشكله دي بسيطه
لازم تدفي البياد
وقالت اتيك نص وبعد العريس نص قال مافي امشكه
الاريس بيجي
انت تمش البيت وتاملي هنه وتلبسي توب ابيد
وتنوم في نس الحوش البجيك في الحلم عشلن يتطلبك من ابوك
اياه دا الاريس
صاحبتنا ماكضبت طبقت كلام حاج ابكر
صبحت الصباح بقت تضحك اليوم كله
وبكره مشت حاج ايكر واعطته قروش زياده
قالها ابكر انشاء الله الاريس جاكي بالليل
قالت له جاني والحمد لله اتفكت البوره
قالها ابكر الجاكي باليل منو
قال جاني كاظم الزاهر
قالها اه اه كترتي المهلبيه
وشكر
/color]

شكرا لكل الذين عقبوا على هذا الإقتراح ... ولكن حتى الآن لم يرد علينا احد من المتخصصين في هذا المجال ...

الأخ ابو سفيان ....عذرا لم افهم قصدك

وين ياراجل ياطيب

كلامي ليك وقصة الفلاتي

بقالي شغلك دا صعب

عشان كدا حكيت ليك

قصه المراه البالغت كتير

نتمني لك ان الاماني

سبحان الله

زول جايب خبر ما في !!! ؟

هنا ـ إذاعة المناصير ـ صوت الروعة والخير والجمال

ود المناصير سلام براحه على الناس قطعت ضهرم اقتراح واقتراح وبينهما اقتراح الاقتراحات كتيره والافكار بالجملة وده المهم الاهم المال ثم المال والدم قدر الجتى ونحنا جتتنا ضعيفه

محمدالحسن طيفور كتب:ود المناصير سلام براحه على الناس قطعت ضهرم اقتراح واقتراح وبينهما اقتراح الاقتراحات كتيره والافكار بالجملة وده المهم الاهم المال ثم المال والدم قدر الجتى ونحنا جتتنا ضعيفه

تسلم شيخنا محمد الحسن طيفور ـ ورمضان كريم

ونان جتتنا دي كان ما غذيناها برانا ما اكلنا نيم

هناك إقتراح حول رؤية الإرتقاء بالمنتدى ممكن الناس تتفاكر حولها فيما يخص المال

لاننا بصراحة نحتاج زي ما قلت إنت للمال

ولكن المال برضو بيجي بالمقترحات والافكار

يا ريت الناس تسمعك وتسمعني ونشوف تفاعلها مع اقتراح الارتقاء بالمنتدى

يا ريت

تسلم يا رائع

الأخ ود المناصير

كل سنة وانت بخير

مقترحك حلو ومو صعب .. بس كيف تكون عندك عزيمة قوية

وياريت تكون قروب من ناس عندهم خلفية وتضع الخطة وكيفية تنفيذها.. وبعد التنفيذ أكيد القروب ح يزيد

صدقني ما في حاجة صعبة وخاصة إذا كانت من أهم أهدافك

كتير من الماتراحات التي تم طرحها في المنتدى ولم ترى النور بعد

ياريتك تبدأ بخطوات عملية - المال - لا يكون سبب في عدم نجاح الإذاعة.. ممكن تبدا معاك كم عدد كدة وتفروضوا على نفسكم بعض الرسوم لمقابلة التكاليف المبدئية وبعداك إنشاء الله بتسير نفسها

بس ياريت لا تترك الفكرة الحلوة دي تموت

ربنا يوفقك

وتقبل مروري

مالوا صاحب الكير ما ظهر زى ما قال ودالمناصير
يعنى اهل الاختصاص والخبرة فى هذا المجال
لم يدلوا بدلوهم حتى يتثنى لنا فهم وتبسيط الموضوع

باقات من الشكر لودالمناصير

up