المناصير بلدي
الزائر الكريم مرحبا بك في منتدى المناصير بلدي
ان لم تكن مسجلا فيرجى الضغط على زر التسجيل وملء بياناتك لقبول عضويتك

الرهوفي باللبن في رمضان

اذهب الى الأسفل

الرهوفي باللبن في رمضان

مُساهمة من طرف مصباح محمد مصباح في الإثنين 30 يوليو 2012, 2:53 pm

الإخوان والأخوات الكرام رمضان مبارك عليكم وربنا يعيده علينا أعواما مديدة، سبق وأن كتبت عن الرهوفي باللبن ولكن ليس في رمضان وعاوزين أخباره في رمضان إن شاء الله الجماعة مداومين على هذه الأكلة الطيبة في السحور وإن شاء الله كمان في العيد وعموما نحن رغم اغترابنا مازلنا على الهروفي باللبن ( الحليب ) في غالب أيام رمضان بس فاقدين خيط سمن يزين هذه الأكلة المنصورية البحتة وكل عام و الجميع بخير.

مصباح محمد مصباح
كبار الشخصيات
كبار الشخصيات

احترام قوانين المنتدى : 100

عدد المساهمات : 1897
نقاط : 19941
تاريخ التسجيل : 14/08/2010

الرجوع الى أعلى الصفحة اذهب الى الأسفل

رد: الرهوفي باللبن في رمضان

مُساهمة من طرف عباس محمد في الإثنين 30 يوليو 2012, 3:09 pm

الرهوفى باللبن فى رمضان اندثر يامصباح
واصبح السحور اشياء اخرى كالمشروبات والارز
واخيرا ظهر تناول فاكهة الموز مع الماء القاهرى فقط

تقبل المرور




[ندعوك للتسجيل في المنتدى أو التعريف بنفسك لمعاينة هذا الرابط]
avatar
عباس محمد
مشرف
مشرف

الأوسمة مشرف منتدى شعراء المناصير

احترام قوانين المنتدى : 100

عدد المساهمات : 2245
نقاط : 19862
تاريخ التسجيل : 27/07/2010
العمر : 45

الرجوع الى أعلى الصفحة اذهب الى الأسفل

رد: الرهوفي باللبن في رمضان

مُساهمة من طرف منوفلى في الثلاثاء 31 يوليو 2012, 5:26 am

اللبن فى البلد بقى وجبة عزيزة

عندكم لبينه معناهو انتو ناس مرتاحين

حتى البلح الرطب بقى عزيز علينا

والشايقية ما صدقوا بقوا يتفسحوا فينا عليك الله ربع البركاوى بى تمانين ومية جنيه دا كلام دا
avatar
منوفلى
عضو فضي
عضو فضي

الأوسمة عضو فضي

احترام قوانين المنتدى : 100

عدد المساهمات : 896
نقاط : 17453
تاريخ التسجيل : 31/07/2010

الرجوع الى أعلى الصفحة اذهب الى الأسفل

رد: الرهوفي باللبن في رمضان

مُساهمة من طرف مصباح محمد مصباح في الثلاثاء 31 يوليو 2012, 2:50 pm

الإخوان منوفلي وعباس لكما التحية والشهر الكريم مبارك غايتو كان الناس تركوا الرهوفي فكثير من الأكلات والعادات في طريقها للزوال وفي البلد الناس معذورة وأذكر أنني بعد الطوفان على شري بأسبوع ذهبت للبلد وفي وجبة الفطور كان في صحن رهوفي ولبن لأنه لسع باقي الغنيمات والقمح البلدي موجود قلت لهم هنالك ثلاثة حاجات سوف تبكون عليها هي قمح البلد ، والبلح ، واللبن الطازج، وهذه الثلاثة أنا أحبها حب شديد والحمد لله مازالت متوفرة لدي وربنا يديم النعم ويقدرنا على شكره ويعيد هيبة الرهوفي باللبن.

مصباح محمد مصباح
كبار الشخصيات
كبار الشخصيات

احترام قوانين المنتدى : 100

عدد المساهمات : 1897
نقاط : 19941
تاريخ التسجيل : 14/08/2010

الرجوع الى أعلى الصفحة اذهب الى الأسفل

رد: الرهوفي باللبن في رمضان

مُساهمة من طرف سامى احمد محمد في الأربعاء 01 أغسطس 2012, 4:36 pm

الله يجازى الكن السبب
avatar
سامى احمد محمد
V.i.P
V.i.P

احترام قوانين المنتدى : 100

عدد المساهمات : 1075
نقاط : 14508
تاريخ التسجيل : 04/07/2012

الرجوع الى أعلى الصفحة اذهب الى الأسفل

رد: الرهوفي باللبن في رمضان

مُساهمة من طرف مصباح محمد مصباح في الخميس 11 يوليو 2013, 6:39 pm

جاء رمضان وربنا يعيده علينا عاما بعد عام ويتقبل منا الصيام والقيام وتذكرنا الرهوفي باللبن ذلك السحور الذي كان يتناوله كل بيت منصوري قمح بلد مائه في المائه منورق بالحمير ومضرى بالكون شبر ومنظف بالحنقوقة ومكال بالربع ومعبأ في شوالات كتان جديدة ومدقق في طاحونة سليم ومضروب بموية النيل الصافية وعايساه يد الأم الحنونة في دوكه واقودها شعال من تميراتنا العلى القيف وبزيكه من عقاب عمة الوالد وقرقريبته من دومة ودعون الله وشكلوكته من جريدة تمرة كجار وطبقه مشفي من زعف دومة ود عون الله وصحنه صحن طلس يلمع ولبنه لبن ضأن من نعجاتنا الحمر ومغلي في حلة مقننة وعليه شوية سكر وخيط من سمن تأكله يشبعك ولا يألمك، وبالنهار لا حريقان ( شاقوق ) ولاجوع و لا عطش وجبة تأكلها وتحمد الله وتسأل الله ان يوفقك للصيام ويتقبله. وما أحلاك يا الرهوفي باللبن. اليوم سحوري كان رهوفي بلبن نحاول أن نتذكر الماضي رهوفي بلبن وليس له طعم الرهوفي القديم وغايتو نعيد الذكريات والنفسه دخلت في الرهوفي واللبن يتفضل معنا عازمنه سحور وربنا يتقبل.

مصباح محمد مصباح
كبار الشخصيات
كبار الشخصيات

احترام قوانين المنتدى : 100

عدد المساهمات : 1897
نقاط : 19941
تاريخ التسجيل : 14/08/2010

الرجوع الى أعلى الصفحة اذهب الى الأسفل

رد: الرهوفي باللبن في رمضان

مُساهمة من طرف صديق عبدالله علي أبوحنة في الخميس 11 يوليو 2013, 7:51 pm

فعلا يا مصباح البوست داك كان عن الرهوفي دسم جدا وفيه مداخلات حلوة..
 وكثيرة
..
 يا زول الرهوفي عملوا ليك في الرياض.. والله جاي مجفف من السودان؟
 أوعك بس تتقلب لينا عربي جزيرة..؟ بتاع عصيدة بس؟
 تصدق حتى مداديح الله والرسول المناصير يفرزوهم؟
 يقول ليك ديل مداديح صعيد ساكت؟ مرات يلبدو منهم لما يشوفوهم فوق حميرن بالبرود الفوق
...
 أها كأنو المديح عندهم على النبي صلى الله عليه وسلم.. هم أولاد حاج الماحي فقط؟
  أو بالعدم ولاد الباشا.. سيد أحمد وعلي
....................
 بعدين أولاد حاج الماحي يطلبوهن طلب زي الفنانيين ومن محبتهم للمناصير عندهم جولة سنوية بالطلب الناس يجيبوهم.
 أما مداديح الصعيد يجوا يشحدوا فوق ضهر حميرن؟ يجيبوا لى نفسن المسغريي..
........
 يا حليل الرهوفي الجد يا مصباح
avatar
صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 35380
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: الرهوفي باللبن في رمضان

مُساهمة من طرف سامى احمد محمد في الجمعة 12 يوليو 2013, 1:45 am

دا بقا  توثيق عديل ما رهوفى بس بى لبن ـ أبدعت  فى ذكر مكوناته التراثية العجيبة والضاربة فى أصالتها
شهيتنا إياه عديل كدى وريقنا جرى
تسلم دكتور مصباح و يسلم مرورك الكرام
avatar
سامى احمد محمد
V.i.P
V.i.P

احترام قوانين المنتدى : 100

عدد المساهمات : 1075
نقاط : 14508
تاريخ التسجيل : 04/07/2012

الرجوع الى أعلى الصفحة اذهب الى الأسفل

رد: الرهوفي باللبن في رمضان

مُساهمة من طرف م بروي في السبت 13 يوليو 2013, 7:08 pm

مالو يبقالي انا قاعد في الدانقه الكبيري في ام لقاديب؟
مصباح...والله ماقصرت مع صاحبنا الرهوفي بالبن
زمان لما جينا هنا  لأول مرة كانوا يستغربوا
لما نقول ليهم ادونا شاي بالبن
لأن اللبن هنا  يقصدوا بيهو الروب وبس
لازم تقول شاي بالحليب
avatar
م بروي
كبار الشخصيات
كبار الشخصيات

احترام قوانين المنتدى : 100

عدد المساهمات : 2592
نقاط : 22717
تاريخ التسجيل : 24/04/2010

الرجوع الى أعلى الصفحة اذهب الى الأسفل

رد: الرهوفي باللبن في رمضان

مُساهمة من طرف عبدالدافع على سليمان في الأحد 14 يوليو 2013, 7:39 pm

رمضان كريم عليك دكتور مصباح وعلي الاسرة الكريمة اعادة الله علينا وعلي الامة الاسلامية بالخير والبركة 
اكيد الماعندو جديد ماعندو قديم 
هنا غايتو في حاجة بديلة للرقاق او اختة اسمها كوركلس موجود في المملكة في السوبر ماركت انا سحوري بيها ثابت مع لبن 
هنا طبعا اسمو حليب  الله يدي العافية 
تخريمة 
علك متذكر دكتور مصباح وانت كنت في دراسة الدكتورة في العام 2011 بجامعة النيلين كنت قابلت واوقفتك وسلمت عليك في الشئون العلمية وكنت تردي انذاك بدلة وكرفتة غبشاء لو بتذكرني وعرفتك علي نتمني ان نجي في عيد رمضان الرياض ونتعرف علي كل الاساتذة والقامة من اهلي بلدي الحبيب 
اصلا الدعوة قدمت لي من اخواني محمد علي  بسوي و
 معتز اللمين السلمات 
تحياتي تقبل مروري

عبدالدافع على سليمان
عضو رائع
عضو رائع

احترام قوانين المنتدى : 100

عدد المساهمات : 242
نقاط : 10762
تاريخ التسجيل : 30/04/2013

الرجوع الى أعلى الصفحة اذهب الى الأسفل

رد: الرهوفي باللبن في رمضان

مُساهمة من طرف مصباح محمد مصباح في الإثنين 15 يوليو 2013, 6:16 pm

لك التحية ابننا عبدالدافع ونتمنى أن نراك في الرياض في عيد الفطر المبارك ويوم العيد نعمل لكم الرهوفي باللبن أو الحليب . والكلوركس ده يازول يوديك في دهية ويستعمل في غسيل الملابس والبشبه الفطير ده يقال له الكونفرلكس. ولك شكري

مصباح محمد مصباح
كبار الشخصيات
كبار الشخصيات

احترام قوانين المنتدى : 100

عدد المساهمات : 1897
نقاط : 19941
تاريخ التسجيل : 14/08/2010

الرجوع الى أعلى الصفحة اذهب الى الأسفل

رد: الرهوفي باللبن في رمضان

مُساهمة من طرف عازه في الإثنين 15 يوليو 2013, 6:46 pm

مصباح محمد مصباح كتب:الإخوان والأخوات الكرام رمضان مبارك عليكم وربنا يعيده علينا أعواما مديدة، سبق وأن كتبت عن الرهوفي باللبن ولكن ليس في رمضان وعاوزين أخباره في رمضان إن شاء الله الجماعة مداومين على هذه الأكلة الطيبة في السحور وإن شاء الله كمان في العيد وعموما نحن رغم اغترابنا مازلنا على (الهروفي )باللبن ( الحليب ) في غالب أيام رمضان بس فاقدين خيط سمن يزين هذه الأكلة المنصورية البحتة وكل عام و الجميع بخير.
تسلم دكتور مصباح وجبة سحور حقيقه جميله وخفيفه  تسلم لينا كتير وبي كلامك الجميل عنها اكيد حانسحر بيها لن نجد اشهي واجمل منها للصائمين
avatar
عازه
كبار الشخصيات
كبار الشخصيات

احترام قوانين المنتدى : 100

عدد المساهمات : 1294
نقاط : 17740
تاريخ التسجيل : 19/12/2010

الرجوع الى أعلى الصفحة اذهب الى الأسفل

رد: الرهوفي باللبن في رمضان

مُساهمة من طرف اميره الحومرى في الثلاثاء 16 يوليو 2013, 3:19 am

او ل عبنول وقفتلك فوق الدرب وقتللك ان جيت من العمرا اغشانى اعشيك بيهو والمره دى عاد رجينكم فى المدينه كان عيدتا معنا نسويهو الدقش وان جيت فى رمضان نسحرك بيهو بس البمرقكم من رياضكم دى شنو
avatar
اميره الحومرى
عضو فضي
عضو فضي

احترام قوانين المنتدى : 100

عدد المساهمات : 717
نقاط : 15641
تاريخ التسجيل : 24/05/2011

الرجوع الى أعلى الصفحة اذهب الى الأسفل

رد: الرهوفي باللبن في رمضان

مُساهمة من طرف مصباح محمد مصباح في الثلاثاء 16 يوليو 2013, 4:01 pm

الرهوفي باللبن كان وجبة السحور الرئيسة في المناصير وفي شئ عاوز أعرفها وياريت الأطباء يساعدوننا فيها وحتى الحايمين معاهم ارتباط شرب اللبن والحليب بالليل ابتداءا من شاي المغرب ومرورا بالعشاء بالفطير واللبن ومواصلة باللبينة الخاصة التي كانت تحضرها المرأة لزوجها بالليل. المرأة المنصورية كانت حريصة بأن تكون هنالك كباية لبن مخصوصة للزوج يشربها بعد أن تنام العيال وشوفو كيف كان الاهتمام بالأزواج لأنه أبو الكل ( هنالك طرفة تحكى في شري عنوانها اللبينة عاوزنها لبشير وأصبحت الآن مثل ) وبشير هذا زوجته قريبة لنا وكان هنالك في لبن مفضل في الحلة بعد أن شرب أهل البيت شاي المغرب باللبن وجاء العشاء والمرأة قالت للبنات ( سون العشاء بأي حاجة إلا اللبينة خلينها لبشير ) واصبحت ضرب مثل ودحين يابنات منصور انتبهن لرب الأسرة. و مرورا بالسحور وختاما بشاي الصباح باللبن الطازج. وأحيانا الفطور باللبن الرايب ولكنه يجيب النعاس والكسل . لماذا التركيز على اللبن في فترة الليل ؟ سؤال نبحث له عن إجابة. والرهوفي باللبن شدة ما كان راقد يطير للناس في نهاية رمضان يعني الواحد نا بقدر يأكل فيه كثير وخالنا الشاذلي رحمه الله قال في آخر رمضان لازم نحضر صابونة الحمام عشان نغسل يدينا وفمنا جيدا حتى لا نشم رائحة الفطير واللبن، أين اللبن الآن وياحليلو كان لقيناه مثل زمان ايدنا ذاتها ما نغسلها نخليها عشان نشم رائحة الرهوفي و اللبن.

مصباح محمد مصباح
كبار الشخصيات
كبار الشخصيات

احترام قوانين المنتدى : 100

عدد المساهمات : 1897
نقاط : 19941
تاريخ التسجيل : 14/08/2010

الرجوع الى أعلى الصفحة اذهب الى الأسفل

رد: الرهوفي باللبن في رمضان

مُساهمة من طرف مصباح محمد مصباح في الثلاثاء 16 يوليو 2013, 4:04 pm

شكرا المرور الكرام شكرا دكتوره عازة وشكرا بنت الحومري الدعوة مقبولة والله المدينة زيارتها في نفسنا وإن شاء الله نكون معكم في العيد والرهوفي عاوزين معه سمن بلدي كمان. وتحياتي لأبي محمد. وبقية الأسرة.

مصباح محمد مصباح
كبار الشخصيات
كبار الشخصيات

احترام قوانين المنتدى : 100

عدد المساهمات : 1897
نقاط : 19941
تاريخ التسجيل : 14/08/2010

الرجوع الى أعلى الصفحة اذهب الى الأسفل

رد: الرهوفي باللبن في رمضان

مُساهمة من طرف مصباح محمد مصباح في الخميس 03 يوليو 2014, 6:17 pm

[ندعوك للتسجيل في المنتدى أو التعريف بنفسك لمعاينة هذا الرابط]
[ندعوك للتسجيل في المنتدى أو التعريف بنفسك لمعاينة هذه الصورة] من طرف مصباح محمد مصباح في الإثنين يوليو 30, 2012 9:53 am
الإخوان والأخوات الكرام رمضان مبارك عليكم وربنا يعيده علينا أعواما مديدة، سبق وأن كتبت عن الرهوفي باللبن ولكن ليس في رمضان وعاوزين أخباره في رمضان إن شاء الله الجماعة مداومين على هذه الأكلة الطيبة في السحور وإن شاء الله كمان في العيد وعموما نحن رغم اغترابنا مازلنا على الهروفي باللبن ( الحليب ) في غالب أيام رمضان بس فاقدين خيط سمن يزين هذه الأكلة المنصورية البحتة وكل عام و الجميع بخير.
رمضان كريم وتصوموا وتفطروا على خير مقال كتبانه من عامين تقريبا عن الرهوفي باللبن وما أسرع مرور الأيام وكله من عمرنا المحسوب والمعدود.
تذكرت الرهوفي لأني أمس وجدت أم العيال مجهزة السحور بالرهوفي باللبن وذكرتنا أيام البلد وتذكرت هذا البوست وإن شاء الله السنه ده الرهوفي واللبن في العيد في المدينة المنورة مع د. حسين فطورا وعشاءا مع دكتور عبدالمنعم الحوري وأميرة وربنا يوفقنا.

مصباح محمد مصباح
كبار الشخصيات
كبار الشخصيات

احترام قوانين المنتدى : 100

عدد المساهمات : 1897
نقاط : 19941
تاريخ التسجيل : 14/08/2010

الرجوع الى أعلى الصفحة اذهب الى الأسفل

رد: الرهوفي باللبن في رمضان

مُساهمة من طرف صديق عبدالله علي أبوحنة في الخميس 03 يوليو 2014, 7:01 pm

ربنا يوفقك يا دكتور مصباح وتحصد الرهوفي مع بت الحومري وعبد منعمها.. ودكتور حسين.. وما تنسانا لما تشطف الرهوفي.. الرهوفي باقي أكلو يختلف عن أكل الكسري والقراصة .. عادة ما تكون مع  بلع اللقمة شطفة كدي( لغفي )  من يلغف.. وهذا اللغفي قاعدين يجيدوه أعراب المناصير.. في اللبن والفطير بالروب.. لما اللكل يعجبن في الخلاوي.. ويكون خدرة والله لبن يقولوا ليك ( الليلة أكلكن خريف سااااكت )

 مساكين هم.. لأنو لا يشوفوا اللبن الكتير ولا الخدرة ( التوشقة ) إلا في الخريف.. وباقي السنة كسرة بي ملح.. أو ملاح أم شعيفي
 وإذا جاهم محل..  تجر معاهم الحكاية وبرضو صاربين هم على خلاء المناصير.. محبة فيه..  كان بدلتهم بالسكنى في البحر ما بيرضوا.. وقد صدق فيهم حديث رسول الله صلى الله عليه وسلم ( قل أعملوا ، كل ميسر لما خلق له )
avatar
صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 35380
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: الرهوفي باللبن في رمضان

مُساهمة من طرف مصباح محمد مصباح في الأحد 06 يوليو 2014, 4:20 pm

حليل زمان أعراب المناصير ودائما لما أذكرهم أذكر ود بوشابية ذلك الأعرابي الفذ الذي ظل صامدا يبيع العطرون حتى غلب أم غلاب وحبه للقمح خصوصا الفطير باللبن.
وقد ذكرتني كلمة أعراب التي كتبتها صحيحة لأن معظم الناس بيقولوا (عرب الخلاء ) وأذكر أن الأخ الزميل حسن القاضي كتب موضوع في ليلة السمر عن حياة الأعراب في الخلاء لما كنا طلاب في المتوسطة وكنت مشرف على الجمعية الأدبية وأستاذنا القدير إبراهم الشاعر رحمه الله كان يصحح الموضوعات قبل عرضها في الجمعية الأدبية ومن الكلمات التي ركز عليها كملة ( العرب والتي صحهها للأعراب ) ولك الشكر ياهندسة.

مصباح محمد مصباح
كبار الشخصيات
كبار الشخصيات

احترام قوانين المنتدى : 100

عدد المساهمات : 1897
نقاط : 19941
تاريخ التسجيل : 14/08/2010

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى