المناصير بلدي
الزائر الكريم مرحبا بك في منتدى المناصير بلدي
ان لم تكن مسجلا فيرجى الضغط على زر التسجيل وملء بياناتك لقبول عضويتك

انضم إلى المنتدى ، فالأمر سريع وسهل

المناصير بلدي
الزائر الكريم مرحبا بك في منتدى المناصير بلدي
ان لم تكن مسجلا فيرجى الضغط على زر التسجيل وملء بياناتك لقبول عضويتك
المناصير بلدي
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

قصائد ملحنة وهزلية ممتعة

4 مشترك

اذهب الى الأسفل

قصائد ملحنة وهزلية ممتعة Empty قصيدة فى الرحيل اوالهجرة/الخزان

مُساهمة من طرف عباس محمد الخميس 31 مايو 2012, 8:19 pm

الانقاذ زمان ان كنا من ابطالا
باكر يا سلام فى الفارقى تم مثالا
يوم جات للحكم فقرانى واقف حالا
من دار ودقمر شحنت ملت شوالا
بعد شبعت خلاص مرقتنا تب من بالا
هدمت البلد وادتنا بى نعالا
مجروحة البلد مشيولا بى نقالا
غرقانى المناصيروالشكر لى مروى ادوها الكبد ومدننا البوالا
ظلانا الجروف من حق حكم خلق الله لكن لللاسف فى ناس كتار طبالا
طلقولنا الولاد تخرب تصوت بى كيفها لافى زول يحاسب لا سمعنا سؤالا
التزوير علن جنب الولاية محلى زندية ومواضى جوازو برضو وكالا
مظالم بالهبل تجرى وتحاوش فيها عشرة سنين مضت تب ما اتخبر حلالا
مليون نضمة ومليون عهد ناقضنوا طالقالنا العوين احترنا لى حكاما
مرات الولاية تهوش تدقو صديرا ومرات الكتار من ناس فلان شكالا
صبرك يا بلد حالك نرقع فيه ما يصبح شكك قصر العمر او طالا
ممنوع تانى زول يحلف يقول اديتم حقنا حق ضراع حالفين نجيبوا رجالا
مبروك لللاهل تب من حلالها اتربو اصلا لا يسرقوا ولا يعرفوا رغالا
مرات الحريم تلديلا ناس زى ديل واحيانا كتار بى تلد اطفالا
ادارة السد قبيل دايرى البلد باطفالا دا تسحبنا تب وتعقبنا بى عمالا
بعدين فى الطمى والبولطى تلقى مجالا لكن دا المحال الاصلو ما ببقالا
خيرا فيها نحن نعرفوا من قبالا
ما انستر القبيل القام قبلنا مشالا
مليون مره قلناليهو لالا
من النيل نقوم للصحراء تبقى هبالا
من فوق البحيرة اصبح قيامنا محالا
سهلت للملاحة وعدمت الشلالا
بعد الحال دا تانى الخضرة تكسى جبالا
دار منصور تعود يرجع عليها جمالا
ناس فيها مارقاهو الرحيل من بالا
فى ارض الجدود ماسكين ترابها عديل نحن الهجرة لا بتبقالنا ولا بنبقالا
وين الكهرباء القالولنا لى دول الجوار واصلالا
وين الكهرباء القالولنا من حلفا تمشى نيالا
ولوفى كهرباء مابتجى للرباطاب والمناصير مالا
تغرق دار جدودنا وغيرنا ضووا بيوتهم محتارين شديد حرمونا منها مالا
آب نملك وطن تب فوق بطون خلق الله فوق دول الجوار من بدرى عايش حالا
السد تم بقت ميتين سعر شوالا
السد تم والناس ماشى ضايق حالا
يا قادتنا الانجاز بيظهر ما بقولوا قوالا


مع المعذرة ان كان هنالك اخطاء


عدل سابقا من قبل عباس محمد في الإثنين 18 يونيو 2012, 4:14 pm عدل 2 مرات
عباس محمد
عباس محمد
مشرف
مشرف

الأوسمة مشرف منتدى شعراء المناصير

احترام قوانين المنتدى : 100

عدد المساهمات : 2245
نقاط : 29517
تاريخ التسجيل : 27/07/2010
العمر : 50

الرجوع الى أعلى الصفحة اذهب الى الأسفل

قصائد ملحنة وهزلية ممتعة Empty رد: قصائد ملحنة وهزلية ممتعة

مُساهمة من طرف عباس محمد الأحد 10 يونيو 2012, 8:44 pm

قصيدة اخرى فى الخزان
للشاعر/محمد حسن فضل

مانى راضين الا بس جبرتنا الظروف
النفوس مليانى بالغم ما بتعبر عنو الحروف
يا حليله بلدنا ياناس ويا حليل النيل والجروف
ويا حليل البوق والتمور فوق ضفافك كان بالالوف
الامان كان كاسيك توب حتى وشك للناس ولوف
السلع راقدى على الدروب لافى مخزن لافى رفوف
ليكى يسلط ودالام انفتح سوالها ترعوف
خربك ما فضلو شى لاغنم لاعيش صفوف
سكن المسكين العقاب خلى دمعو تملى مزروف
داير يجيب قربة على الديار منهم قابضلو مظروف
ونحنا نفهمها قبال تطير لينا واضح قصدو معروف
والشفيع بالليل ليو دور خلى من تالانا ملهوف
لينا عشرة سنين فى الصراع قلنا نعجة يقولوا حلوف
مستحيل نرحل لى محلى بالمخاطر يومى محفوف
ما فى تنقير يمشى البحر وفيو مافى ديوان ضيوف
فيو مسجونين الصغار المفتح يبقى مكفوف
فيو كتاحة تبق شموع فيو خاطرك يومى مكسوف
نحن يانا نقولا الام فى السحاب دقات الالوف
الظلم قالبات الحدود للكتال رتبو للصفوف
ما فى حق يرجع بالكلام الا بالنيران والسيوف


مع المعذرة ان كانت هناك اخطاء املائية او خلاف ذلك


عدل سابقا من قبل عباس محمد في الإثنين 18 يونيو 2012, 4:16 pm عدل 1 مرات
عباس محمد
عباس محمد
مشرف
مشرف

الأوسمة مشرف منتدى شعراء المناصير

احترام قوانين المنتدى : 100

عدد المساهمات : 2245
نقاط : 29517
تاريخ التسجيل : 27/07/2010
العمر : 50

الرجوع الى أعلى الصفحة اذهب الى الأسفل

قصائد ملحنة وهزلية ممتعة Empty رد: قصائد ملحنة وهزلية ممتعة

مُساهمة من طرف عباس محمد الأحد 10 يونيو 2012, 8:57 pm

قصيدة اخرى للشاعر/محمد حسن فضل

لما السد خرب اوطانى ما لاقيلى ناصر
وين الكرزاى رحل خلانى ما طيب لى خاطر
وطننا من قديم ارجانى بيو دوام افاخر
باريس حتى لو ادانى رافض ليها راحل
وين الطيف رحل خلانى
حالف ما بفوتو بكانى منو انا ما بهاجر
من زمن الصغر طلانى عايش فيهو صابر
فى بلدى النسيم يغشانى ناقع نوعو نادر
وان جيت البحر طلانى فيو دوام اساهر
ياناس السدود ظالمانى ظلما لينا ظاهر
للخلا والهجير سايقانى والفى راسها فاجر
جابت جيش كتير فى سانى كان خلف السواتر
زى ناس امرى داير تاطانى لكن الله قادر
لى بلداكبير دافرانى ضايقى بتين اغادر
وترجع تانى تاخدوا بكانى يسكن فيو طافر
فى الخير المرق حاسدانى بالجور دا تعافر
لكن ابعفن موجود لى كرعيها كاسر

ملعوب السدود زازانى ليها بلدنا حافر
بايعها لى الاجانب جمله عامل فيها شاطر

قاعد تحتو سامى ترانى لى سيف مانى شاهر
طالب لى حقوق لاحقانى والسد ليها ناكر

يا والينا أقيف وأغشانى ليه فايتنى عابر
قاعدين جم امانتك يومى كضبك لى ناشر

ولاية نيلنا لى تاركانى ولى السد يحاصر
وانت تزيدى فى أحزانى آلام ما ليها اخر

فوقكم دا أطلقو لسانى ليكم مانى ساتر
الظلم الحصل لأهلنا من خلفه الاكابر

السووهو ديك ياخوانى تب ما سوا كافر
كتلوا كم رجال فى أمرى اجرام نوعو نادر

وينكم يا أهل سودانى حاكمكم مكابر
خرب لى ديار اجدادى فوقنا وليدو دافر

يادولتنا ليه دايرانى للعصيان أجاهر
وافتح فى الجميع نيرانى بعدين الله غافر

يا لجنتنا انت أمانى والمابيك خاسر
والبركب قفاك أكيد بالحق كلو ظافر

لم السد خرب اوطانى ما لاقيلى ناصر
وين الكرزاى رحل خلانى ما طيب لى خاطر

انتهى

القصيدة ملحنه على اغنية الطيف لمحمد كرم الله رحمه الله


عدل سابقا من قبل عباس محمد في الإثنين 18 يونيو 2012, 3:31 pm عدل 1 مرات
عباس محمد
عباس محمد
مشرف
مشرف

الأوسمة مشرف منتدى شعراء المناصير

احترام قوانين المنتدى : 100

عدد المساهمات : 2245
نقاط : 29517
تاريخ التسجيل : 27/07/2010
العمر : 50

الرجوع الى أعلى الصفحة اذهب الى الأسفل

قصائد ملحنة وهزلية ممتعة Empty رد: قصائد ملحنة وهزلية ممتعة

مُساهمة من طرف الفكى احمد الإثنين 11 يونيو 2012, 3:13 am

مشكور عباس ، القصيدة ملحنه بس عاوزه واحد يغنى ...
الفكى احمد
الفكى احمد
V.i.P
V.i.P

احترام قوانين المنتدى : 100

عدد المساهمات : 1979
نقاط : 30028
تاريخ التسجيل : 24/06/2010

الرجوع الى أعلى الصفحة اذهب الى الأسفل

قصائد ملحنة وهزلية ممتعة Empty رد: قصائد ملحنة وهزلية ممتعة

مُساهمة من طرف أبوسفيان خلف الله الإثنين 11 يونيو 2012, 4:23 am

سلاااااااااااااااااااااااام قصيده رائعه روعه نيلنا وطيبه اهلنا
وتحكي وتصور حدث في قالب ظريف وهي تجاري الطيف
ابدااااااااااااااع وفن راقي وتصوير دقيقي للساحه ايام الرحيل
أبوسفيان خلف الله
أبوسفيان خلف الله
ملـــــكي
ملـــــكي

احترام قوانين المنتدى : 100

عدد المساهمات : 2122
نقاط : 29746
تاريخ التسجيل : 17/07/2010
العمر : 51

الرجوع الى أعلى الصفحة اذهب الى الأسفل

قصائد ملحنة وهزلية ممتعة Empty رد: قصائد ملحنة وهزلية ممتعة

مُساهمة من طرف عباس محمد الإثنين 11 يونيو 2012, 8:21 pm

الباشمهندس الفكى احمد
الرائع ابو سفيان خلف الله
شكرا لكم على المرور بهذا المنتدى
الذى صام عنه الكثيرون
عباس محمد
عباس محمد
مشرف
مشرف

الأوسمة مشرف منتدى شعراء المناصير

احترام قوانين المنتدى : 100

عدد المساهمات : 2245
نقاط : 29517
تاريخ التسجيل : 27/07/2010
العمر : 50

الرجوع الى أعلى الصفحة اذهب الى الأسفل

قصائد ملحنة وهزلية ممتعة Empty رد: قصائد ملحنة وهزلية ممتعة

مُساهمة من طرف عباس محمد الإثنين 18 يونيو 2012, 3:38 pm

قصيدة اخرى للشاعر محمد حسن فضل

ايا دار الامانة خبرينا متى يرجع اليك ابو النعام
اببغاء يردد فى وعود ام سافر على الجمل اب سنام
جوارك افترشنا الارض شهرا ولاندرى متى يصحو النيام
شعوب الدنيا عنا خبريهم كرام نحن أبناء الكرام
بالانقاذ قد كنا وقودا وكم قدمنا من زادنا الطعام
وكان جزاؤنا ظلما وقهرا به قد قام ابناء اللئام
نحن نريد حقا مستحقا لانقبل وعودا او كلام
اذا كان الغراب دليل قوم يعود به الى طمس النظام
عنهم للبلاد اذا عجزتم اعيدوها الى المهدى الامام
انتهى
مع المعذرة ان كانت هنالك اخطاء املائية اوغير ذلك
عباس محمد
عباس محمد
مشرف
مشرف

الأوسمة مشرف منتدى شعراء المناصير

احترام قوانين المنتدى : 100

عدد المساهمات : 2245
نقاط : 29517
تاريخ التسجيل : 27/07/2010
العمر : 50

الرجوع الى أعلى الصفحة اذهب الى الأسفل

قصائد ملحنة وهزلية ممتعة Empty قصائد ملحنة وهزلية ممتعة

مُساهمة من طرف عباس محمد الإثنين 18 يونيو 2012, 6:05 pm

الزول الغشيم
والى نص القصيدة

الزول الغشيم لى بلدى خراب
من طرف البيوت خلاها دراب
التمر فى الموية من عينينا شقاب
المنصورى مظلوم خاطروا ما طاب
حديثى صحيح يمين انا مانى كضاب
يا حليلها بلدنا جم دار الرباطاب

ليلنا ليل ياليلى **ليلنا ليل يا ليلى

السدود ظلاما احسن لك تشيلا
تلعب فى الوطن قايلاهو هيلا
مافى قبيلة ترضى تفوتوا نيلا
والله اللجنة تملا العين تكيلا
شالت لى هموم قسما تقيلا
صممت وصممت قالت عديلا
تمشى قدم قدم هامى القبيلا
وليد السد تعب ما خلا حيلا
وقبضت نفسو تب جوا الفتيلا

ليلنا ليل يا ليلى **ليلنا ليل يا ليلى

فوق امورك انت ما بيمشوا المناصير
يا جنى السد محال نمشى العتامير
المضرى عجاجها يومى سماها عكير
ناس كتار مغشوشة جابتن المقادير
يا غشيم موطنا فى نص التناقير
والسمح يا بومه مو داير تقارير

ليلنا ليل يا ليلى** ليلنا ليل يا ليلى

الوسيعى جروفنا مالات المطامير
اتكفينا عيش من دون بوابير
السمك اصنافوا من بولطى وقراقير
البنط فى حلة مو داير سنانير
يا حلاتو سمكنا لمان يبقى حمير
شوكى ما بنديها للولد اب مناخير

ليلنا ليل يا ليلى** ليلنا ليل يا ليلى

الزول النباتى ان صنا تلقاب
يلململك حديثا كلو نتاب
الظلم نيرانو ما خلتلها اضراب
العندو القرار مايبقى خواب
الوليد اللى حقوق خلق الله جذاب
شيلو وحاكموا الناس دايرى انصاب
صابرين نحنا لكن سيفنا جراب

ليلنا ليل ياليلى** ليلنا ليل يا ليلى

المعذرة ان كانت هنالك اخطاء املائية اوغير ذلك

القصيدة ملحنة على اغنية الريلة

نواصل لاحقا



عباس محمد
عباس محمد
مشرف
مشرف

الأوسمة مشرف منتدى شعراء المناصير

احترام قوانين المنتدى : 100

عدد المساهمات : 2245
نقاط : 29517
تاريخ التسجيل : 27/07/2010
العمر : 50

الرجوع الى أعلى الصفحة اذهب الى الأسفل

قصائد ملحنة وهزلية ممتعة Empty رد: قصائد ملحنة وهزلية ممتعة

مُساهمة من طرف عباس محمد الإثنين 18 يونيو 2012, 6:23 pm

القصيدة الثانية بعنوان
انا منصورى

والى نص القصيدة
ايها الناس نحن من نفر فوق ضفاف النيل من قديم سكنوا
دار قمر فيها ما بندور تمنو
كل اجزائها لنا وطنو
الوسيم فيها سبب الفتنو
ناس كتار فيها ياما اتبتنوا
الوطن كلو يبكى من محنو
فلتطير انت ايها العفنو

انا سودانى انا انا انا منصورى انا انا

ناس كبار عن جرايمو لى نكروا
فوقنا طالقنوا لى ما رتنوا
لى دماء الناس اصلو ما حقنوا
فيها كجبار تلاتة اندفنوا
فيها امرى تلاتة اندفنوا
فى العتامير اهلنا اتمكنوا
ياغشيم نحن نحن نفهمها ولى مناصيرنا ترجع الفطنو

انا سودانى انا انا انا منصورى انا انا

يا بلد فيك لو فضل حجرو
والاهل جملة فوقه انحشروا
حتى لو قدروا للسحاب سدروا
بى ما يجدوا قالوا دا القدرو
غيرها ما برضوا حتى لو عدلوا

انا سودانى انا انا انا منصورى انا انا

دار قمر حلوة نحن نعشقها
الوليد حاقد نيتو يفرقها
فى ولاية السد قصدو يلصقها
تبقى للدولة نحن نطلقها
ناس ولاية النيل لسه ما فطنو

انا سودانى انا انا انا منصورى انا انا

مع المعذرة ان كانت هنالك اخطاء املائية او غير ذلك
القصيدة ملحنة على قصيدة العطبراوى الوطنية

ونواصل لاحقا
عباس محمد
عباس محمد
مشرف
مشرف

الأوسمة مشرف منتدى شعراء المناصير

احترام قوانين المنتدى : 100

عدد المساهمات : 2245
نقاط : 29517
تاريخ التسجيل : 27/07/2010
العمر : 50

الرجوع الى أعلى الصفحة اذهب الى الأسفل

قصائد ملحنة وهزلية ممتعة Empty رد: قصائد ملحنة وهزلية ممتعة

مُساهمة من طرف ود المناصير الإثنين 18 يونيو 2012, 7:30 pm

تسلم يا عباس يا راقي ..

قصائد راقية ـ معبرة ـ من شاعر مرهف كبير

واصل يا عباس ـ فقد أجبرتنا على أن نتمترس امام شاشة الكمبيوتر

***

الله لي عيونا من الطشاش
ود المناصير
ود المناصير
مشرف
مشرف

الأوسمة مشرف منتدى الاغاني والصور

احترام قوانين المنتدى : 100

عدد المساهمات : 3371
نقاط : 34187
تاريخ التسجيل : 06/04/2010

الرجوع الى أعلى الصفحة اذهب الى الأسفل

قصائد ملحنة وهزلية ممتعة Empty رد: قصائد ملحنة وهزلية ممتعة

مُساهمة من طرف عباس محمد الأربعاء 20 يونيو 2012, 1:12 pm

وتسلم انت ايضا ايها المنصورى الاصيل
نسعد بمرورك لمواصلة المشوار
عباس محمد
عباس محمد
مشرف
مشرف

الأوسمة مشرف منتدى شعراء المناصير

احترام قوانين المنتدى : 100

عدد المساهمات : 2245
نقاط : 29517
تاريخ التسجيل : 27/07/2010
العمر : 50

الرجوع الى أعلى الصفحة اذهب الى الأسفل

قصائد ملحنة وهزلية ممتعة Empty رد: قصائد ملحنة وهزلية ممتعة

مُساهمة من طرف عباس محمد الأربعاء 20 يونيو 2012, 3:45 pm

وطنى كفارة البيك يزول

والى نص القصيدة

وطنى كفارة البيك يزول الغراق ما بكتلو زول وطنى كفارة البيك يزول
فوقنا يا ما دقن طبول
الغراق ما بمرقلو زول
الا زولا يبقى مبدول
اما واحدا مخو مخلول
قولى ليه من نيلو منقول
فى الصحارى مصيرو مجهول
فيها لى يوم الله مذلول
وطنى كفارة البيك يزول الغراق ما بكتلو زول وطنى كفارة البيك يزول
يا بلد فوقك يومى اقول
الدهب فى ارضك مهول
القمح غطاها الحقول
فى ضفافنا شتلنا الشتول
فى جروفنا زرعنا للفول
السمك فى بحرو مبلول
الدبس بولطى والعجول
وطنى كفارة البيك يزول الغراق ما بكتلو زول وطنى كفارة البيك يزول
لى نحن خاتين فوقنا همبول
ليو راجين والحول يحول
كل مرة يجينا مسئول
مرة يكتب ومرات يقول
فاكى فك ما عندو قندول
فى الهبوب مكشوحة الحلول
وطنى كفارة البيك يزول الغراق ما بكتلو زول وطنى كفارة البيك يزول
نحن مدرسة من دون فصول
دار قمر احلامها آبتزول
من قديم راجاها الاصول
ودقمر ركاب الخيول
ما شرد فى نارو مقتول
ونحن جاهزين سيفنا مسلول
واى زول عامل فيها غول
راسو من عند كتفو مشيول
وطنى كفارة البيك يزول الغراق ما بكتلو زول وطنى كفارة البيك يزول
ياظلم عمرك ما بطول
لينا باسم حزب الفضول
عنو كم حدثنا الرسول
يكفى جيد الماهو معدول
للمحلى المنو معزول
ينبتن دق لمان يبول
وطنى كفارة البيك يزول الغراق ما بكتلو زول وطنى كفارة البيك يزول

تمت
مع المعذرة ان كانت هنالك اخطاء املائية اوغير ذلك
عباس محمد
عباس محمد
مشرف
مشرف

الأوسمة مشرف منتدى شعراء المناصير

احترام قوانين المنتدى : 100

عدد المساهمات : 2245
نقاط : 29517
تاريخ التسجيل : 27/07/2010
العمر : 50

الرجوع الى أعلى الصفحة اذهب الى الأسفل

قصائد ملحنة وهزلية ممتعة Empty رد: قصائد ملحنة وهزلية ممتعة

مُساهمة من طرف عباس محمد الأربعاء 20 يونيو 2012, 4:26 pm

ياسايق البلاد
الى نص القصيدة

يا سايق البلاد قم بينا لى دار ودقمر ودينا ياسايق البلاد قم بينا
ياحساد بلدنا حنينا
من الطين بيوتنا بنينا
ونزرع ما بنفوت عينا
النيل نحن فوقه ربينا
ناكل حوتو مين يحمينا
نشرب منو بى شقينا
نطمس فيو لى اضنينا
يا مركبنا قوم ودينا
لى دار السميحى الزينا
ياسايق البلاد قم بينا لى دار ودقمر ودينا ياسايق البلاد بينا
ابقى سريع يا راعينا
الكلام الشفهى ما بكفينا
ادارة السد سريع اختينا
لاناطاكى لاتاطينا
واسكت انت يا والينا
لينا زمن من اتلاقينا
نسمع فيك تقول حلينا
لاك مكلنا لاك ساقينا
قاعدين فى اعتصامنا سنينا
ياسايق البلاد قم بينا لى دار ودقمر ودينا ياسايق البلاد قم بينا
حالف ما بفوتها بلادى
تغرق لى بلد حدادى
ما خليتو فيها جدادى
حقنا نحن ليو ننادى
مرضنى مشيك تفوت بى غادى
نقولك حل تقول الهادى
وما بتنفع حلول الرادى
والمظلوم هناك ما راضى
ياسايق البلاد قم بينا لى دار ودقمر ودينا ياسايق البلاد قم بينا
يا أهلنا البلد مبيوعة
فى باكر قروش مدفوعة
فى كرش الكبار مبلوعة
وجات الشركة لى مربوعة
الناس فوقها جت مجموعة
لافتات بأبوحمد مرفوعه
واخبارك بقت مذيوعه
الناس ما تكون مفزوعة
أصلو البيعه ما مشروعه
ما فى شك تكون مرجوعة
دولة تسوى فى الممنوعة
وباكى بلدنا رامى دموعه
يا سايق البلاد قم بينا لى دار ودقمر ودينا يا سايق البلاد قم بينا
يمين يا عصمة بيعك فان
حوتك مالى للوديان
ودهبك فى الجبل ريقان
وجدك فيو مات هبان
نسيمك يشفى للمرضان
والخلاكى فات ندمان
ياسايق البلاد قم بينا لى دار ودقمر ودينا ياسايق البلاد قم بينا
قول لى ياخى فيها التين
مطلوق فى بلدنا عوين
زى الكدسة خرابين
نحن اهلنا غرقانين
بيوتن ليها كم هادمين
لى حق التمر ماكلين
تعمر لى بلد تانين
وباقي ليا ورطانين
عشان كدا انتو ما حالين
ياسايق البلاد قم بينا لى دار ودقمر ودينا يا سايق البلاد قم بينا
فوقنا الدولة طالقى عوينا
عصابة السد سريع اختينا
سحبنا ثقتنا من بركينا
وما دايرنوا تانى يجينا
وقلنا جبل لقينا عجينا
وأصلو اللجنه الله يعينا
وتانى اللجنة ربى يعينا
حقنا بى دريبها يجينا
كان تكتلنا كان تحيينا
يا سايق البلاد قم بينا لى دار ود قمر ودينا يا سايق البلاد قم بينا

تمت
مع المعذرة ان كانت هنالك اخطاء املائية اوغير ذلك



عباس محمد
عباس محمد
مشرف
مشرف

الأوسمة مشرف منتدى شعراء المناصير

احترام قوانين المنتدى : 100

عدد المساهمات : 2245
نقاط : 29517
تاريخ التسجيل : 27/07/2010
العمر : 50

الرجوع الى أعلى الصفحة اذهب الى الأسفل

الرجوع الى أعلى الصفحة

- مواضيع مماثلة

 
صلاحيات هذا المنتدى:
لاتستطيع الرد على المواضيع في هذا المنتدى