المناصير بلدي
الزائر الكريم مرحبا بك في منتدى المناصير بلدي
ان لم تكن مسجلا فيرجى الضغط على زر التسجيل وملء بياناتك لقبول عضويتك

مطعم شري السياحي مجدداً.. حاجة غريبة.

استعرض الموضوع السابق استعرض الموضوع التالي اذهب الى الأسفل

مطعم شري السياحي مجدداً.. حاجة غريبة.

مُساهمة من طرف صديق عبدالله علي أبوحنة في الجمعة 15 يونيو 2012, 2:48 am

الليلة العصفورة بتاعتي من الجنس اللطيف..
جات من جامعتا بي شنطتا.. وهي غير عضو في المنتدى هنا.. شافت ليك الرشيد.. والنفر.. والحاج شرف الدين... وسلمان عقيد.. وعلي الكليس متماسكين ويتونسوا.. وضحك وقرقراب.. وماشين على مطعم شري السياحي.. ذلك المطعم الذي حكى عنه خال ابرار الزول الصادق..
اثناء ذلك العصفورة جاها خاطر؟
قالت ياربي الريس خالد عابدين مالو ماهو معاهم؟ ما كلموه والله حردان من حاجة!
كبر في دماغ العصفورة بالرغم من إنو رفاقتا في الجامعة فاتوها.. كبر في دماغا وقالت إلا تشوف نهاية الموضوع ده! وتحصحص منو؟
حاجة واحدة استغربت ليها؟
قالت علي الكليس ده اللماهو مع الجماعة ديل شنو؟
هو طوالي قاعد ينتقد بعض التصرفات في المنتدى، ياربي مرقد ليهم شعرة جلدو؟
والله علي الكليس قاعد يمشي ( محل ماها ملبني )

لكن قالت برضو بشارة خير. زمان برضو علي الكليس زار صديق مع أعضاء المنتدى في شقتو في الرياض!
وهذا ينم عن سلوك حضاري لابناء المناصير وخاصة القادة مثل شخصية لها وزنها زي علي الكليس
..........................
اها العصفورة قررت أن تنتحي ناحية ، لغاية ما تشوف الجماعة ديل يتقطعوا وين؟
لبدت كدة العصفورة
قلة خير شافت ليك أصحابك إتقطعوا تووووش في مطعم شري السياحي!
وكانت قريبة من المطعم
وراقتها رائحة الشواءات والدسم والمرق والشوربة التى تفوح رائحتها الزكية وهي بالقرب من المطعم..
ودار في خاطرها..
ياربي لو ظهرت ليهم ما ممكن يعزموني معاهم.. وكمان دخلوه ممكن يدخل حمارو.. ممكن برضو أعزم صاحباتي المنصوريات معاي.. الواقفات منتظرات!!!
عشان برضو ما اكون بت واحدي معاهم. عشان تكون الحكاية جوغة!
اصلو ناس قادة المناصير ديل ما قاعدين يؤمنوا بمشاركة المرأة في الحياة العامة..
وقبل كدة هناء عضو المنتدى اشتغلتهم في عدم إشراكهم المرأة في العمل العام، مع أنها تبوأته في الحياة العامة!
........................
أها العصفورة اتلصقت شديد في الباب الخلفي للمطعم..
وكمان هي من الطالبات المرطبات. وأبوها زول منصوري ثري.. فلما راقها رائحة الشواء. كمان هي ماها ساهلة. ندهت على الجرسون.. وقالت ليهو. لو سمحت.. انا منصورية . ويعجبني أكل مطعم شري السياحي عشان هو مطعم راقي ويمثل حاضرة بلدي والمحلي الذي كافحنا كثيراً من أجله... الجرسون المنصوري عجبوا الكلام.. وعجبوا الأخضر الليموني وقال كدة مدا خشمو وظهرت السن المشرومة فيه!
وجرى جهز ليها الطلب وزادوا قدر طلب تاني هوادة فوقو.. عشان عايز يقدم السبت، يمكن يلقى اللحد!
عمل كدة المسكين!
اها العصفورة لما ضمنت جانب الجرسون. أتوهطت ودلدلت رجليها وقالت ليهو : عندى منك طلب!
قال ليها تأمر يا عسل. أجيب ليك المافي.. هاكي طلبك بالهناء والشفاء وكمان زدتو ليكي قدر طلب زيادي فوقو!وتعالي كل يوم.
قالت ليهو: روح الجماعة المناصير ديلاك الدخلوا هسي دي وقعدوا على الطاولة ديك قول ليهم؟ مالكم نسيتوا ريسكم خالد عابدين.. وما جاء معاكم؟
صاحبنا الجرسون الذي بدا يدب في أوصاله روح شعلقة الحب المافي.. المن طرف واحد.. ما كضب.. مشى رخى راسو امام سلمان عقيد وقال ليهو عبارات العصفورة بي ضبانتا..
رد عليهو سلمان قال ليهو : أوووووو.. والله الريس خالد كلمناه وماني مندسين منو شى ؟ بس منعو من الحضور الشديد القوى..
.................
اها العصفورة شالتو بي ضبانتو ورسلتو ليا وانا نشرتو..
خليهم كان فالحين يقولوا الكلام ده ما صاح.....
بعدين انا قلت للعصفورة. عاد عيب عليهم الجماعة ديل. أنا مطعم شري السياحي ده ؟ اسمع بيهو في الحلم
ليه ما عزموني أنا لما جيت في إجازتي السودان ليه ما عزموني فيهو. عشان أكتب عنو وأشكرو للناس حتى يزوروهو. وتكون ليهم فائدة في البزنس..
ليه ما يعزموني.
عاد البركة في قريبتي نجلاء زمراوي العزمتني في بيتا..
خليهم ديل يا عصفورة وخلي ليهم مطعم شري السياحي بتاعهم ده؟
أولى بي ناس شري انا والله اولى بيها ناس كبنة وأم دييمي!
عاد يا يمة برى..

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31710
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: مطعم شري السياحي مجدداً.. حاجة غريبة.

مُساهمة من طرف سلمان عقيد النعوفابى في الجمعة 15 يونيو 2012, 3:49 am

عصفورة بالجد خطيرة—ياربى –من :
رحلة عصافير الخريف-ام
عصافير مابنخاف من كر برانا نطير—نرك فوق شدرة من شدرك—(طاولة من طاولات مطعم شرى الانيق)—
وبالتأكيد ما من عصافير ود الطرشان الذى ان الاوان ليقول :خسارا وا خساراعصفورى من ايدى طارا—لكن من حق الصدوق ان يقول :
رانيا عصفورا شدالى فى عيونا انا شفتا حالى
رانيا يا بدر الليالى حالا جبتى لى شمارى




[ندعوك للتسجيل في المنتدى أو التعريف بنفسك لمعاينة هذا الرابط]

وطنى وهبتك مهجتى درعا
لنعلك من نجاسات الخيانة

سلمان عقيد النعوفابى
اداري
اداري

الأوسمة مشرف المنتدى الاجتماعي


احترام قوانين المنتدى : 100

عدد المساهمات : 2615
نقاط : 19659
تاريخ التسجيل : 01/04/2010

الرجوع الى أعلى الصفحة اذهب الى الأسفل

رد: مطعم شري السياحي مجدداً.. حاجة غريبة.

مُساهمة من طرف صديق عبدالله علي أبوحنة في الجمعة 15 يونيو 2012, 4:00 am

شايفين صدق كلامي
وشهد شاهد من اهلها..
عايزين نسمع كلام بقية أعضاء وفد الغداء
شكرا يا سلمان على الصدق وإثبات الواقعة

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31710
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: مطعم شري السياحي مجدداً.. حاجة غريبة.

مُساهمة من طرف علي الكليس في الجمعة 15 يونيو 2012, 5:09 pm

والله ياهندسه عصفورتك تشكك الزول في نفسه الا تكون موجه قوقل ايرث علي مطعم شري السياحي وتكون شغال مراقبه انا وصلت البيت لقيت الخبر بس الكمده بالرمده الحكايه شنو غيتو انا بعرف احتمالات كويس استبعدت ثلاثه واستبقيت اثنين بنسب متفاوته اكان تخميني صاح يطلع فلان ....... الجاب خبر النظاره ....اشد واركب ياصديق وله لا
..بعدين ياهندسه ماتخاف علي اخوك انا افرق تماما بين القضيه والعلاقات الاجتماعيه ..نلتقي في كل المناسبات ونضحك ونتونس وبعد داك يبقي حربنا في القضيه كما هو

علي الكليس
عضو ماسي
عضو ماسي

احترام قوانين المنتدى : 75

عدد المساهمات : 2898
نقاط : 15195
تاريخ التسجيل : 29/06/2011

الرجوع الى أعلى الصفحة اذهب الى الأسفل

رد: مطعم شري السياحي مجدداً.. حاجة غريبة.

مُساهمة من طرف عباس محمد في الأحد 17 يونيو 2012, 1:47 pm

والله دا لوما ضكر زى مايقولوا
يا باشمهندس صديق هم ماعارفين الدنيا ضيقة ولا شنو
ولا العالم اصبح قرية مع ذلك عصفورتك ماشاء الله الله يحفظها




[ندعوك للتسجيل في المنتدى أو التعريف بنفسك لمعاينة هذا الرابط]

عباس محمد
مشرف
مشرف

الأوسمة مشرف منتدى شعراء المناصير

احترام قوانين المنتدى : 100

عدد المساهمات : 2245
نقاط : 16192
تاريخ التسجيل : 27/07/2010
العمر : 43

الرجوع الى أعلى الصفحة اذهب الى الأسفل

رد: مطعم شري السياحي مجدداً.. حاجة غريبة.

مُساهمة من طرف نجلاء زمراوي في الأحد 17 يونيو 2012, 2:43 pm

لانك زول قلبك ابيض العصافير ابدا ما بتقصر معاك؟؟؟؟؟؟؟
الاجازه الجايه انشاء الله نعزمك في مطاعم شاليهات البحيره

نجلاء زمراوي
عضو ماسي
عضو ماسي

الأوسمة عضو ماسي

احترام قوانين المنتدى : 100

عدد المساهمات : 2265
نقاط : 15929
تاريخ التسجيل : 10/03/2011

الرجوع الى أعلى الصفحة اذهب الى الأسفل

رد: مطعم شري السياحي مجدداً.. حاجة غريبة.

مُساهمة من طرف صديق عبدالله علي أبوحنة في الأحد 17 يونيو 2012, 3:05 pm

تسلمي قريبتي نجلاء. العصافير أنا بحن عليها وبعاملها الند بالند. بدون رياء بدون طمع بدون ملق.. نتعامل مع الزول بي عقلو فيهو شنو من العلم النافع.. في الدين والدنيا..
والعصافير يؤذيها ما يؤذيها، أن يطمع في ما عندها أحد.. تكون طليقة حرة، تهب الناس معاني الحياة السامية الغير مؤوفة من آلفات سخايم البشر المحدودة..
عشان كدة العصافير تعتبرني أخ وزميل وصديق، وتأتي الىّ بعرش بلقيس.. عشان كدة الناس البي يندسوا ويمشوا ياكلوا يعملوا حسابهم..

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31710
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: مطعم شري السياحي مجدداً.. حاجة غريبة.

مُساهمة من طرف صديق عبدالله علي أبوحنة في الأحد 30 يونيو 2013, 11:50 pm

سهام هاكي أخبار العصافير

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31710
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: مطعم شري السياحي مجدداً.. حاجة غريبة.

مُساهمة من طرف سهام علي محجوب في الإثنين 01 يوليو 2013, 1:56 am

غايتو انا عصافيرك دي خوفتني والله يستر ماتكون من حاجات بسم الله علينا غايتو انا بديت اشك في الكلام دا

سهام علي محجوب
عضو متميز
عضو متميز

احترام قوانين المنتدى : 100

عدد المساهمات : 463
نقاط : 7769
تاريخ التسجيل : 16/05/2013
العمر : 39

الرجوع الى أعلى الصفحة اذهب الى الأسفل

رد: مطعم شري السياحي مجدداً.. حاجة غريبة.

مُساهمة من طرف سهام علي محجوب في الإثنين 01 يوليو 2013, 1:57 am

غايتو انا عصافيرك دي خوفتني والله يستر ماتكون من حاجات بسم الله علينا غايتو انا بديت اشك في الكلام دا

سهام علي محجوب
عضو متميز
عضو متميز

احترام قوانين المنتدى : 100

عدد المساهمات : 463
نقاط : 7769
تاريخ التسجيل : 16/05/2013
العمر : 39

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى