نقوم ندور ليكم في القضية الكلام الجد والله شنو؟

ود المناصير يكتب عن الشعر والتراث المنصوري.. وانا اكتب عن التراث ودكتور مصباح يكتب.وكثيرين يكتبوا. لكن التفاعل موش ولابد..
اول ما يهبشوا الناس الكلام في القضية. بتاعة المناصير. تلقى الناس نفسهم قام والردود كترت والمنتدى نفسو قام.. وكل واحد جاب عصايتو المضببة وجاء..
انا قايل نقوم نخش ليكم في الكلام الجد عن القضية!!!
ونخلي التراث

لا لا طبعا

على الاقل انتوا استفدنا منكم وعرفنا بلدنا بحق من خلال التراث الذي تمدونا به



اما منتدى القضية فالخلاصة = ناس بدل تمشي لقدام بتمشي لوراء وتنبش فى منو الدفق اللبن

وفلان هو السبب وعلان هو السبب

المشكلة هى ناس شايلة عكاكيز وتسب فى بعض وبس .. سايبين الفيل الاساسي وبيطعنوا فى بعضهم

اما تنمية البلد وتعميرا .... الله يعين .. الله يعين

ههههههههها
بت اسد اب سباع والله قطعتي مصاريني من الضحك..
طيب في رايك إنت ( منو الدفق اللبن؟؟؟!!!)
هسي دي هم لما يلقوا موضوع القضية ده ويجقلبوا فيهو حتى مطبخك العامر داك بي هناك ينسوه. وقسم المنتدى الاسري ما بيجيبوا خبرو..

أنا في رايي الشخصي
اننا برانا دفقنا لبنا.. بتنا تحلب في العز.. ومتماوتي لامن العز كشتت اللبن بي كراعا بي كوريتو في الكـَرْ وإتملا درين وبقا ما بنشرب تاني..

لقيتك في المثل ما شاء الله. خريجة مدرسة الدكتور

خليهم براهم بى هناك مع الكع والكرع
وهم ناس معينين بى يفتروا ويجوكم راجعين
انا قبل ايام قلت بكرى المدنى خج الترعة ومافى زول فهمنى

اهمية المنتدى تكمن فى تاصيل التراث والثقافة والشعر للمنطقة
حتى نخرج مقدراتنا للاخر ويفهم اصالتنا الفهم الصحيح

اما عن القضية فهذه من طبيعتنا فتجد ان الجماعة عندنا فى الحلة الواحدة
ما بتفقوا فى وابور انارة واحدة كل واحد يشوف نفسوا افهم من الاخر
وانوا فهمودا هوالصحيح والاخرغلط فمعضلة البيئة الصغيرة عندنا
تكرست فى البيئه العامة فتم تطبيقها فى قضية المناصير
فلو كل واحد يترك انتقاد الاخر ويصب اجتهاده الخاص وتفكيره من اجل بت احمد
ولايلتفت الى الوراء لينظر ماذا فعل فلان لتقدمنا خطوات كبيرة للامام

ان الله لايغير مابقوم حتى يغيروا ما بانفسهم

 


والله يالصدوق
صدقت---


انا اجى اعاين كدى
القى العكاكيز(رب رب)---بس تقول حارسين زول يبدأ وهاك ياكع—


وصدقتى انتصار—اللبن راح—ايضا
الناس تاركه الفيل وتطعن فى الضل –لاحظى يا انتصار الواحد عامل عندو غيرة على
البلد والمناصير واتحدى اى واحد ان يقول ذكر يوما الحكومة او ادارة السد بشئ بس كع
كرع فى بعض –خليكم فى (الفدغيبة دى )-


والله يولى من يصلح