مـَـحـْـلْ ماها مـَـلـَـبـّـِـنـِـى أَنـْـقـُـدَا!!!
3 مشترك
صفحة 1 من اصل 1
مـَـحـْـلْ ماها مـَـلـَـبـّـِـنـِـى أَنـْـقـُـدَا!!!
مـَـحـْـلْ ماها مـَـلـَـبـّـِـنـِـى أَنـْـقـُـدَا!!!)
مثل عريق عند المناصير
قد يعني الانتهازية
وقد يعني الزول المرزق
. اقول ليك يا فلان.. إنت موش كنتا مع الجماعة إياهم!
الجابك بي جاي شنو للجماعة التانيين ديل!
ترد عليا تقول أنا محل ماها ملبني أنقدا)
أي محل ما أجد الخير وفير.. أو محل ما أجد مصلحتى الخاصة ما بفرط فيها حتى ولو على حساب الآخرين.. هنا المثل يعني الانتهازية عند المناصير
...............................
مثال آخر:
تكون في سمايي في الكاب. أشوف ليك صاحبي قاااعد ياكل في فطور السمايي...
فجأة أروح برتي تاني يوم بي سيارة كمان ألقى ليك صاحبي ذاتو في عرس بي هناك يبرج وياكل . اقول ليهو يافلان أسع يوم داك ما شفتك في الكاب!
الجابك برتي شنو!
يقوم يقول لى أنا محل ماها ملبني أنقدا)
ماهي الملبني! هي قندولة عيش المريق التى شارفت النضوج وصارت محملة بالماء الذي يشبه اللبن وشارف على الحصاد..
ماهو الذي ينقد: هو طائر الصليعة..طائر شقى جدا.. الذي يحب جدا القندولة لما تلبن.. لأنها مويتها بتكون حلوة وبيضااا زي اللبن بالضبط.. ليست كما الحبة الناشفة في القندولة وسبحان الله يعرفها الصليعة هذه المرحلة في نضوج العيش.... يتنادى على مرحلة اللبن في العيش من جميع أصقاع الدنيا ، وكان ما حرست عيشك منو في مرحلة ( اللبنة) حقك راح ومحصولك كلو ضاع.. لأنو في رمشة عين يمص قندول عيشك كلو..
مثل عريق عند المناصير
قد يعني الانتهازية
وقد يعني الزول المرزق
. اقول ليك يا فلان.. إنت موش كنتا مع الجماعة إياهم!
الجابك بي جاي شنو للجماعة التانيين ديل!
ترد عليا تقول أنا محل ماها ملبني أنقدا)
أي محل ما أجد الخير وفير.. أو محل ما أجد مصلحتى الخاصة ما بفرط فيها حتى ولو على حساب الآخرين.. هنا المثل يعني الانتهازية عند المناصير
...............................
مثال آخر:
تكون في سمايي في الكاب. أشوف ليك صاحبي قاااعد ياكل في فطور السمايي...
فجأة أروح برتي تاني يوم بي سيارة كمان ألقى ليك صاحبي ذاتو في عرس بي هناك يبرج وياكل . اقول ليهو يافلان أسع يوم داك ما شفتك في الكاب!
الجابك برتي شنو!
يقوم يقول لى أنا محل ماها ملبني أنقدا)
ماهي الملبني! هي قندولة عيش المريق التى شارفت النضوج وصارت محملة بالماء الذي يشبه اللبن وشارف على الحصاد..
ماهو الذي ينقد: هو طائر الصليعة..طائر شقى جدا.. الذي يحب جدا القندولة لما تلبن.. لأنها مويتها بتكون حلوة وبيضااا زي اللبن بالضبط.. ليست كما الحبة الناشفة في القندولة وسبحان الله يعرفها الصليعة هذه المرحلة في نضوج العيش.... يتنادى على مرحلة اللبن في العيش من جميع أصقاع الدنيا ، وكان ما حرست عيشك منو في مرحلة ( اللبنة) حقك راح ومحصولك كلو ضاع.. لأنو في رمشة عين يمص قندول عيشك كلو..
صديق عبدالله علي أبوحنة- كبار الشخصيات
-
احترام قوانين المنتدى :
عدد المساهمات : 7523
نقاط : 45030
تاريخ التسجيل : 14/07/2010
رد: مـَـحـْـلْ ماها مـَـلـَـبـّـِـنـِـى أَنـْـقـُـدَا!!!
هذا مثال يامهندس زي ماقلت للناس العاوزنها جاهزة وهي قمة التطفل ويا حليل أيام حروس الطير واللقاديب والعيش الملبن والبلبال والفريك رغم صعوبة حروس الطير والسجن عديل من الصباح حتى المساء كان الواحد يجد متعة وما عارف السر شنو في أنه الطير في شري كان أكثر من النعوفاب والمسراب والضقولة والحنانين كنا نتعب ونكورك وهاك ياحبال وبنادق الليف والبعسيق والكشاكيش وكونشبر مليانة حجارة وأخرى مليانة دراب ودلوق القصاصة الملونة من تحت مكنات الترزية ورغم هذا نشوف ناس النعوفاب نايمين فوق اللقادبة ونحن واقفين فوق الصريف وأيدنا حفت من جديع الطير.
ولكن ياصديق مابالك بالإنسان إذا بدأ شعر الرأس يلبن ويكثر فيه الحب الأبيض والبلبال وبالتالي قرب الفرض وربنا يحسن الختام ويوفق لعمل الصالحات ولك شكري وتقديري.
ولكن ياصديق مابالك بالإنسان إذا بدأ شعر الرأس يلبن ويكثر فيه الحب الأبيض والبلبال وبالتالي قرب الفرض وربنا يحسن الختام ويوفق لعمل الصالحات ولك شكري وتقديري.
مصباح محمد مصباح- كبار الشخصيات
- احترام قوانين المنتدى :
عدد المساهمات : 1897
نقاط : 29591
تاريخ التسجيل : 14/08/2010
رد: مـَـحـْـلْ ماها مـَـلـَـبـّـِـنـِـى أَنـْـقـُـدَا!!!
ها هاها
أسعدت صباحنا يا دكتور مصباح.. بالإضافات المشرقة..
والله فعلا الراس بدا يلبن.. ربنا يصلح العمل.. حال الدنيا.. ربنا يرزقنا بدار الخلود ونعيمها المافيهو زوال ولامرض ولاموت ولافناء..
أبونا آدم عليه السلام لما غلط غلطته المعروفة في القرآن.. ربنا جل وعلا بمعني عام يعني كأنو قال ليهو
إنت ما بتستاهل تمن الجنة لقيتا جاهزة.. روح أنت وذريتك أعملوا.. كان استاهلتوها تعالوا ليها تراها دي قاعدة..
(وَإِذْ قُلْنَا لِلمَلائِكَةِ اسْجُدُوا لآدَمَ فَسَجَدُوا إِلاَّ إِبْلِيسَ أَبَى وَاسْتَكْبَرَ وَكَانَ مِنَ الكَافِرِينَ ، وَقُلْنَا يَا آدَمُ اسْكُنْ أَنْتَ وَزَوْجُكَ الجَنَّةَ وَكُلا مِنْهَا رَغَدًا حَيْثُ شِئْتُمَا وَلا تَقْرَبَا هَذِهِ الشَّجَرَةَ فَتَكُونَا مِنَ الظَّالِمِينَ ، فَأَزَلَّهُمَا الشَّيْطَانُ عَنْهَا فَأَخْرَجَهُمَا مِمَّا كَانَا فِيهِ وَقُلْنَا اهْبِطُوا بَعْضُكُمْ لِبَعْضٍ عَدُوٌّ وَلَكُمْ فِي الأَرْضِ مُسْتَقَرٌّ وَمَتَاعٌ إِلَى حِينٍ ، فَتَلَقَّى آدَمُ مِن رَّبِهِ كَلِمَاتٍ فَتَابَ عَلَيْهِ إِنَّهُ هُوَ التَّوَّابُ الرَّحِيمُ ، قُلْنَا اهْبِطُوا مِنْهَا جَمِيعًا فَإِمَّا يَأْتِيَنَّكُمْ مِنِّي هُدًى فَمَنْ تَبِعَ هُدَايَ فَلا خَوْفٌ عَلَيْهِمْ وَلا هُمْ يَحْزَنُونَ )
أسعدت صباحنا يا دكتور مصباح.. بالإضافات المشرقة..
والله فعلا الراس بدا يلبن.. ربنا يصلح العمل.. حال الدنيا.. ربنا يرزقنا بدار الخلود ونعيمها المافيهو زوال ولامرض ولاموت ولافناء..
أبونا آدم عليه السلام لما غلط غلطته المعروفة في القرآن.. ربنا جل وعلا بمعني عام يعني كأنو قال ليهو
إنت ما بتستاهل تمن الجنة لقيتا جاهزة.. روح أنت وذريتك أعملوا.. كان استاهلتوها تعالوا ليها تراها دي قاعدة..
(وَإِذْ قُلْنَا لِلمَلائِكَةِ اسْجُدُوا لآدَمَ فَسَجَدُوا إِلاَّ إِبْلِيسَ أَبَى وَاسْتَكْبَرَ وَكَانَ مِنَ الكَافِرِينَ ، وَقُلْنَا يَا آدَمُ اسْكُنْ أَنْتَ وَزَوْجُكَ الجَنَّةَ وَكُلا مِنْهَا رَغَدًا حَيْثُ شِئْتُمَا وَلا تَقْرَبَا هَذِهِ الشَّجَرَةَ فَتَكُونَا مِنَ الظَّالِمِينَ ، فَأَزَلَّهُمَا الشَّيْطَانُ عَنْهَا فَأَخْرَجَهُمَا مِمَّا كَانَا فِيهِ وَقُلْنَا اهْبِطُوا بَعْضُكُمْ لِبَعْضٍ عَدُوٌّ وَلَكُمْ فِي الأَرْضِ مُسْتَقَرٌّ وَمَتَاعٌ إِلَى حِينٍ ، فَتَلَقَّى آدَمُ مِن رَّبِهِ كَلِمَاتٍ فَتَابَ عَلَيْهِ إِنَّهُ هُوَ التَّوَّابُ الرَّحِيمُ ، قُلْنَا اهْبِطُوا مِنْهَا جَمِيعًا فَإِمَّا يَأْتِيَنَّكُمْ مِنِّي هُدًى فَمَنْ تَبِعَ هُدَايَ فَلا خَوْفٌ عَلَيْهِمْ وَلا هُمْ يَحْزَنُونَ )
صديق عبدالله علي أبوحنة- كبار الشخصيات
-
احترام قوانين المنتدى :
عدد المساهمات : 7523
نقاط : 45030
تاريخ التسجيل : 14/07/2010
رد: مـَـحـْـلْ ماها مـَـلـَـبـّـِـنـِـى أَنـْـقـُـدَا!!!
يـَـنـْـقـُـدْ: طريقة أكل الطيور بالمنقار.. أو كل ما يأكل بمنقار.. وهي ليست من النقد أي توضيح الحجج
صديق عبدالله علي أبوحنة- كبار الشخصيات
-
احترام قوانين المنتدى :
عدد المساهمات : 7523
نقاط : 45030
تاريخ التسجيل : 14/07/2010
رد: مـَـحـْـلْ ماها مـَـلـَـبـّـِـنـِـى أَنـْـقـُـدَا!!!
نعم هو قمة التطفل يا دكتور مصباح.. ربنا يجير أهلنا منه في قضية المناصير.. وتراه ظاااهر في بعض الفئات في القضية..هذا مثال يامهندس زي ماقلت للناس العاوزنها جاهزة وهي قمة التطفل
صديق عبدالله علي أبوحنة- كبار الشخصيات
-
احترام قوانين المنتدى :
عدد المساهمات : 7523
نقاط : 45030
تاريخ التسجيل : 14/07/2010
رد: مـَـحـْـلْ ماها مـَـلـَـبـّـِـنـِـى أَنـْـقـُـدَا!!!
ناس بلدنا عندهم أمثال في الصميم وكانت تنبع من واقع معايشهم من الزراعة والرعي ومن فيضان النيل . وبعضها كان وصف في غاية الروعة وده ياصديق عاوزة روقة شوية والواحد يبحث عن خصوصياتها الأخ حسن سليمان نصرالدين كان قديرا وماهر في هذه الأشياء ولكن شايفه اليومين ديل اختفى عسى ما شر . وواحد مرة كتب . عن الربيتون يا الربيت أبقى زرزورا غتيت وأنقد أم رأس في الصبيت وهو كذلك نقدها وأكلها بعد ما تلبن لك الشكر أخونا صديق.
مصباح محمد مصباح- كبار الشخصيات
- احترام قوانين المنتدى :
عدد المساهمات : 1897
نقاط : 29591
تاريخ التسجيل : 14/08/2010
رد: مـَـحـْـلْ ماها مـَـلـَـبـّـِـنـِـى أَنـْـقـُـدَا!!!
الليلة شايف على الكليس استخدم التعبير والمثل المنصوري( محل ماها ملبني) في بوست بي هناك.
صديق عبدالله علي أبوحنة- كبار الشخصيات
-
احترام قوانين المنتدى :
عدد المساهمات : 7523
نقاط : 45030
تاريخ التسجيل : 14/07/2010
رد: مـَـحـْـلْ ماها مـَـلـَـبـّـِـنـِـى أَنـْـقـُـدَا!!!
ايوة يا دكتور مصباح هذا شاعر يحوِّر الكلام ويداري بالتأويلوواحد مرة كتب . عن الربيتون يا الربيت أبقى زرزورا غتيت وأنقد أم رأس في الصبيت وهو كذلك نقدها وأكلها بعد ما تلبن لك الشكر أخونا صديق..
ويقولون: ( في التعاريض مندوحة عن الكذب )
ويقولون: ( المداراه مجاراه)
والشيخ فرح ود تكتوك قال: ( الما بيعرف بالتلاويح... لابيريـّـح لابيستريح )
هذا الشاعر المنصوري يداري ويماري عن محبوبته ويرفض التصريح المباشر..
صديق عبدالله علي أبوحنة- كبار الشخصيات
-
احترام قوانين المنتدى :
عدد المساهمات : 7523
نقاط : 45030
تاريخ التسجيل : 14/07/2010
رد: مـَـحـْـلْ ماها مـَـلـَـبـّـِـنـِـى أَنـْـقـُـدَا!!!
معكم يحلو الحديث ومعكم تحلوا الجلسات
والله مرات تنسونا شغلنا فى المكاتب ويتونس معنا
غير المناصير فى كتابتكم المعبرة والموثقة
تقبلو المرور
والله مرات تنسونا شغلنا فى المكاتب ويتونس معنا
غير المناصير فى كتابتكم المعبرة والموثقة
تقبلو المرور
عباس محمد- مشرف
- مشرف منتدى شعراء المناصير
احترام قوانين المنتدى :
عدد المساهمات : 2245
نقاط : 29512
تاريخ التسجيل : 27/07/2010
العمر : 50
رد: مـَـحـْـلْ ماها مـَـلـَـبـّـِـنـِـى أَنـْـقـُـدَا!!!
يا أخوانا مسؤولين من الخير. مريق البلد الابيض الصغار داك اب كسرةً حلويي، برضو تيرابو غرق في قاع البحيرة ؟
والله في ناس محتفظين بي تيرابو لغاية هسي دي؟
كسرتو بالسليقة والبصلة البيضة وشوية لحيمات فوقا..! لاتقاوم!
ياخي حتى لو عجنت ليك معاه بصلة مقطعة دقاقة كدة وشوية طماطم وزيت سمسم صافي.. والله احلا من اعظم أكله
دحين تيرابو غرق والله في ناس محتفظين بيهو؟
مافي زول يعرف لى المعلومة دي؟
ياخي المناصير معرضة ومشبرة من اولا لى آخرا كانت في موسم الصيف لاتزرع إلا هذا النوع وتحتفظ بي تيرابو اباً عن جد
ولايمكن نزرع عيش الصعيد ما حصل في عمري ده كلو شفتا منصوري زرع تيراب عيش صعيد في الصيف..
بس ياهو تيرابنا ده ذو الحبة الصغيرة البيضاء.. ياخي كان قرشتو حب ساكت. حلاتو دي خلاقي!
وهو برضو خفيف وماعايز موية بابور كتيري وينجض بسرعة في سواقتو بالبابور.
ياخي قصبتو دي ذاتا حلويي.. حتى نعزل منو( العبلوج ) العبلوج ورد شرحها في القاموس..................
ياخي في الملم حتى القدح الكسرتو عيش صعيد ياكلوه آخر حاجة..
في الأول ياكلو القدح الكسرتو مريق بلد..
ياخي حتى الهواء يعرف إنو ده مريق معيوس رفييع حتى في الصحن الما مغتى جابوه الخلوة كسرة مريق البلد ما بتكشنف كسرة مريق الصعيد تلقاها دايما تكشنف لو قدحا ما مغطى.
ياخي القدح الكسرتو مريق بلد لو خليتو بلا غتا كسرتو حتى لو ضربا الهواء ما بتكشنف.. زي ورق سجاير الروثمان..
ياخي حتى الصليعة عرف مريق بلدنا حلو لما يسوي اللبنة. يجي يمصوا ويتنادى عليه من اطراف العالم.عشان يمصوا وهو في مرحلة لبنة..
غايتو نحن حكايتنا حكاية
اتبهدلنا جنس بهدلة
يعني حتى الصليعة يجي ينقدا محل ماها ملبني
المحيرني ناس كتيرة ما بيعرفوا حلاة بلدنا زينا؟..
لايضوق حلاوتها إلا من عاش فيها
( شـَـكـَّارتا.... دَلاَّكـَـتـَا)
والله في ناس محتفظين بي تيرابو لغاية هسي دي؟
كسرتو بالسليقة والبصلة البيضة وشوية لحيمات فوقا..! لاتقاوم!
ياخي حتى لو عجنت ليك معاه بصلة مقطعة دقاقة كدة وشوية طماطم وزيت سمسم صافي.. والله احلا من اعظم أكله
دحين تيرابو غرق والله في ناس محتفظين بيهو؟
مافي زول يعرف لى المعلومة دي؟
ياخي المناصير معرضة ومشبرة من اولا لى آخرا كانت في موسم الصيف لاتزرع إلا هذا النوع وتحتفظ بي تيرابو اباً عن جد
ولايمكن نزرع عيش الصعيد ما حصل في عمري ده كلو شفتا منصوري زرع تيراب عيش صعيد في الصيف..
بس ياهو تيرابنا ده ذو الحبة الصغيرة البيضاء.. ياخي كان قرشتو حب ساكت. حلاتو دي خلاقي!
وهو برضو خفيف وماعايز موية بابور كتيري وينجض بسرعة في سواقتو بالبابور.
ياخي قصبتو دي ذاتا حلويي.. حتى نعزل منو( العبلوج ) العبلوج ورد شرحها في القاموس..................
ياخي في الملم حتى القدح الكسرتو عيش صعيد ياكلوه آخر حاجة..
في الأول ياكلو القدح الكسرتو مريق بلد..
ياخي حتى الهواء يعرف إنو ده مريق معيوس رفييع حتى في الصحن الما مغتى جابوه الخلوة كسرة مريق البلد ما بتكشنف كسرة مريق الصعيد تلقاها دايما تكشنف لو قدحا ما مغطى.
ياخي القدح الكسرتو مريق بلد لو خليتو بلا غتا كسرتو حتى لو ضربا الهواء ما بتكشنف.. زي ورق سجاير الروثمان..
ياخي حتى الصليعة عرف مريق بلدنا حلو لما يسوي اللبنة. يجي يمصوا ويتنادى عليه من اطراف العالم.عشان يمصوا وهو في مرحلة لبنة..
غايتو نحن حكايتنا حكاية
اتبهدلنا جنس بهدلة
يعني حتى الصليعة يجي ينقدا محل ماها ملبني
المحيرني ناس كتيرة ما بيعرفوا حلاة بلدنا زينا؟..
لايضوق حلاوتها إلا من عاش فيها
( شـَـكـَّارتا.... دَلاَّكـَـتـَا)
صديق عبدالله علي أبوحنة- كبار الشخصيات
-
احترام قوانين المنتدى :
عدد المساهمات : 7523
نقاط : 45030
تاريخ التسجيل : 14/07/2010
رد: مـَـحـْـلْ ماها مـَـلـَـبـّـِـنـِـى أَنـْـقـُـدَا!!!
يبدو إنو في زولة أو زول الايامات دي لاقيها مـَـلـَـبـّـِـنـِي في موقع ما.. عشان كدة غاب عن المنتدى لمدة اربعة شهور كاملة .
صديق عبدالله علي أبوحنة- كبار الشخصيات
-
احترام قوانين المنتدى :
عدد المساهمات : 7523
نقاط : 45030
تاريخ التسجيل : 14/07/2010
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى